ᠣᠶ᠋ᠢᠷᠠᠳᠤ᠂ ᠣᠷᠳᠣᠰ ᠬᠣᠲᠠ ᠵᠢᠨ ᠬᠢᠶᠠ ᠪᠠᠭᠰᠢ ᠲᠣᠭᠣᠷᠢᠭᠤᠨ ᠳᠣᠲᠣᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠬᠤᠪᠢᠶᠠᠷᠢ ᠲᠣᠪᠴᠢᠶᠠ ᠵᠢᠨ ᠴᠢᠩ ᠴᠦᠨ ᠱᠠᠨ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠵᠢᠨ ᠮᠡᠬᠡᠯᠡᠯᠢ ᠡᠰᠡᠷᠭᠦᠴᠡᠬᠦ ᠠᠷᠠᠳᠤᠨ ᠴᠠᠭᠳᠠᠭᠠᠠᠴᠠ ᠬᠠᠷᠢᠶᠠᠲᠤ ᠣᠷᠣᠨᠤ ᠯᠢ ᠣᠪᠤᠭᠲᠠᠨᠳᠤ ᠶᠠᠯᠠᠳᠤ ᠬᠡᠷᠡᠭᠤᠨ ᠰᠡᠵᠢᠭᠲᠡᠨ ᠴᠠᠬᠢᠯᠭ᠋ᠠᠨ ᠬᠣᠯᠪᠣᠭᠠ ᠰᠦᠯᠵᠢᠶᠡᠨᠤ ᠮᠡᠬᠡᠯᠡᠯ ᠶᠠᠪᠤᠭᠤᠯᠵᠤ ᠪᠠᠶ᠋ᠢᠨᠠ ᠭᠡᠰᠡᠨ ᠰᠡᠷᠡᠮᠵᠢᠯᠡᠭᠦᠯᠦᠯᠤᠨ ᠰᠦᠪᠡᠭᠴᠢ ᠵᠢ ᠣᠯᠪᠠ᠃ ᠰᠦᠪᠡᠭᠴᠢ ᠵᠢ ᠣᠯᠤᠭᠰᠠᠨᠤ ᠲᠠᠷᠠᠭᠠ᠂ ᠠᠷᠠᠳᠤᠨ ᠴᠠᠭᠳᠠᠭᠠ ᠲᠡᠷᠡ ᠳᠠᠷᠤᠶᠳᠤᠨᠢ ᠤᠲᠠᠰᠤᠪᠠᠷ ᠯᠢ ᠣᠪᠣᠭᠲᠤᠲᠠᠢ ᠬᠠᠷᠢᠯᠴᠠᠵᠤ᠂ ᠯᠢ ᠣᠪᠣᠭᠲᠤᠳᠤ ᠶᠠᠭ ᠴᠠᠬᠢᠯᠭ᠋ᠠᠨ ᠬᠣᠯᠪᠣᠭᠠ ᠰᠦᠯᠵᠢᠶᠡᠨᠤ ᠮᠡᠬᠡᠯᠡᠯᠢ ᠤᠴᠠᠷᠠᠭᠰᠠᠨ ᠪᠠᠶ᠋ᠢᠨᠠ᠂ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠶᠠᠮᠠᠷ ᠴᠤ᠌ ᠲᠠᠨᠭ᠌ᠰᠠ ᠰᠢᠯᠵᠢᠭᠦᠯᠬᠦ ᠠᠵᠢᠯᠯᠠᠭᠠ ᠬᠢᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠮᠡᠳᠡᠭᠳᠡᠪᠡ᠃ ᠡᠭᠦᠨᠤ ᠵᠡᠷᠭᠡᠳᠤ ᠠᠷᠠᠳᠤᠨ ᠴᠠᠭᠳᠠᠭᠠ ᠮᠠᠰᠢᠨ ᠵᠶ᠋ᠠᠷ ᠯᠢ ᠣᠪᠣᠭᠲᠤ ᠵᠢᠨ ᠰᠠᠭᠤᠭ᠋ᠠᠯᠢ ᠲᠣᠭᠣᠷᠢᠭᠲᠤ ᠬᠦᠷᠴᠦ ᠬᠣᠷᠢᠭᠯᠠᠪᠠ᠃
ᠣᠢ᠌ᠯᠭ᠋ᠠᠭᠰᠠᠨ ᠵᠶ᠋ᠠᠷ᠂ ᠯᠢ ᠣᠪᠣᠭᠲᠤ ᠰᠦᠯᠵᠢᠶᠡᠨ ᠳᠡᠭᠡᠷᠡᠠᠴᠠ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠬᠢᠴᠢᠶᠡᠯᠤᠨ ᠰᠦᠢ᠍ᠳᠬᠡᠯᠢ ᠪᠤᠴᠠᠭ᠋ᠠᠬᠤ ᠣᠬᠣᠷ ᠮᠡᠳᠡᠭᠡ ᠵᠢ ᠣᠯᠵᠤ᠂ ᠥᠩᠭᠡᠷᠡᠭᠰᠡᠨᠳᠤ ᠦᠨᠡᠬᠡᠷ ᠰᠦᠯᠵᠢᠶᠡᠨ ᠳᠡᠭᠡᠷᠡᠠᠴᠠ ᠡᠶ᠋ᠢᠮᠦᠷᠬᠦ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠬᠢᠴᠢᠶᠡᠯᠢ ᠬᠤᠳᠠᠯᠳᠤᠨ ᠠᠪᠴᠤ ᠥᠩᠭᠡᠷᠡᠭᠰᠡᠨ ᠪᠥᠭᠡᠳ ᠬᠢᠴᠢᠶᠡᠯᠢᠨᠢ ᠣᠷᠣᠵᠤ ᠪᠠᠷᠠᠭᠰᠠᠨ ᠦᠭᠡᠢ ᠮᠥᠷᠲᠡᠭᠡᠨ ᠪᠠᠰᠠ ᠰᠦᠢ᠍ᠳᠬᠡᠯᠢ ᠪᠤᠴᠠᠭ᠋ᠠᠬᠤ ᠮᠡᠳᠡᠭᠡ ᠵᠢ ᠴᠦ᠍ ᠣᠯᠣᠭᠰᠠᠨ ᠦᠭᠡᠢ ᠤᠴᠢᠷᠠᠴᠠ ᠣᠬᠣᠷ ᠴᠢᠮᠡᠭᠡᠳᠤ ᠳᠤᠷᠠᠳᠤᠭᠰᠠᠨ QQ ᠨᠣᠮᠧᠷᠢ ᠨᠡᠮᠡᠵᠡᠶ᠃ QQ ᠵᠢᠨ 《ᠰᠦᠢ᠍ᠳᠬᠡᠯ ᠪᠤᠴᠠᠭ᠋ᠠᠬᠤ ᠦᠢ᠍ᠯᠡᠴᠢᠯᠡᠭᠡ》 ᠵᠢᠨ ᠵᠢᠯᠣᠭᠣᠳᠣᠯᠭᠠ ᠳᠣᠣᠷᠠ᠂ ᠯᠢ ᠣᠪᠣᠭᠲᠤ 《ᠬᠥᠬᠡᠮᠥ᠋ᠷᠡᠨ ᠬᠠᠪᠰᠤᠷᠤᠭᠴᠢ》 ᠭᠡᠳᠡᠭ APP ᠵᠥᠭᠡᠯᠡᠨ ᠲᠣᠨᠣᠭ ᠪᠠᠭᠤᠯᠭ᠋ᠠᠨ ᠤᠭᠰᠠᠷᠠᠭᠰᠠᠨ ᠪᠥᠭᠡᠳ ᠤᠯᠤᠰᠤᠨ ᠵᠢᠭᠡᠯᠡᠯᠭᠡᠳᠤ ᠪᠡᠯᠡ ᠣᠷᠣᠭᠤᠯᠬᠤ ᠥᠳᠥᠭᠡᠯᠭᠡᠪᠠᠷ ᠨᠢᠭᠡᠳᠦᠭᠡᠷ 100 ᠲᠥᠭᠥᠷᠢᠭᠤᠨ ᠵᠠᠬᠢᠶᠠᠯᠠᠭᠠ ᠵᠢ ᠬᠤᠳᠠᠯᠳᠤᠨ ᠠᠪᠴᠤ᠂ ᠡᠭᠦᠨᠳᠤ 20 ᠲᠥᠭᠥᠷᠢᠭᠤᠨ ᠬᠦᠯᠦᠰᠦᠨ ᠮᠥᠩᠭᠥᠲᠠᠢ ᠨᠡᠶ᠋ᠢᠲᠡ 120 ᠲᠥᠭᠥᠷᠢᠭᠢ ᠪᠤᠴᠠᠭ᠋ᠠᠨ ᠥᠭᠴᠦ᠂ ᠯᠢ ᠣᠪᠣᠭᠲᠤ ᠪᠠᠶ᠋ᠢᠳᠠᠯᠢ ᠦᠵᠡᠮᠡᠭᠴᠡ ᠪᠠᠰᠠ 100 ᠲᠥᠭᠥᠷᠢᠭᠤᠨ ᠵᠣᠭᠣᠰ ᠨᠡᠮᠡᠵᠦ᠂ ᠬᠣᠶᠠᠷ ᠤᠳᠠᠭᠠ ᠨᠡᠶ᠋ᠢᠲᠡ 240 ᠲᠥᠭᠥᠷᠢᠭᠢ ᠪᠤᠴᠠᠭ᠋ᠠᠨ ᠥᠭᠪᠡ᠂ ᠡᠭᠦᠨᠳᠤ ᠯᠢ ᠣᠪᠣᠭᠲᠤ ᠦᠨᠡᠮᠰᠢᠵᠦ᠂ 500 ᠲᠥᠭᠥᠷᠢᠭᠤᠨ ᠵᠠᠬᠢᠶᠠᠯᠠᠭᠠ ᠵᠢ ᠦᠷᠭᠦᠯᠵᠢᠯᠡᠨ ᠬᠤᠳᠠᠯᠳᠤᠨ ᠠᠪᠬᠤᠪᠠᠷ ᠪᠡᠯᠡᠳᠬᠡᠵᠦ ᠪᠠᠶ᠋ᠢᠲᠠᠯᠠ ᠴᠠᠭᠳᠠᠭᠠ ᠵᠢᠨ ᠢᠳᠬᠠᠨ ᠬᠣᠷᠢᠭᠯᠠᠬᠤ ᠤᠲᠠᠰᠤ ᠵᠢ ᠲᠤᠰᠴᠠᠶ᠃
ᠪᠠᠶ᠋ᠢᠳᠠᠯᠢ ᠣᠶ᠋ᠢᠯᠠᠭ᠋ᠠᠭᠰᠠᠨᠤ ᠳᠠᠷᠠᠭᠠ ᠠᠷᠠᠳᠤᠨ ᠴᠠᠭᠳᠠᠭᠠᠠᠴᠠ ᠯᠢ ᠣᠪᠣᠭᠲᠤᠳᠤ ᠡᠨᠡ ᠪᠣᠯ ᠬᠠᠭᠤᠷᠮᠠᠭ ᠵᠠᠬᠢᠶᠠᠯᠠᠭᠠ ᠵᠢ ᠬᠤᠳᠠᠯᠳᠤᠨ ᠠᠪᠬᠤᠪᠠᠷ ᠠᠰᠢᠭ ᠤᠯᠬᠤ ᠮᠡᠬᠡᠯᠡᠯᠤᠨ ᠠᠵᠢᠯᠯᠠᠭᠠ ᠵᠢᠨ ᠨᠡᠶ᠋ᠢᠲᠡᠯᠢᠭ ᠵᠢᠱ᠌ᠢᠶᠡ ᠮᠥᠨ ᠭᠡᠵᠦ ᠬᠡᠯᠡᠵᠦ ᠥᠭᠭᠦᠭᠰᠡᠨ ᠪᠥᠭᠡᠳ ᠡᠭᠦᠨᠤ ᠳᠣᠲᠣᠷᠠᠬᠢ ᠰᠡᠵᠢᠭᠲᠡᠶ ᠵᠦᠢ᠍ᠯᠢ ᠯᠢ ᠣᠪᠣᠭᠲᠤᠳᠤ ᠲᠠᠶ᠋ᠢᠯᠪᠤᠷᠢᠯᠠᠵᠤ ᠥᠭᠭᠦᠭᠰᠡᠨᠳᠤ᠂ ᠯᠢ ᠣᠪᠣᠭᠲᠤ ᠰᠠᠶᠢ ᠤᠬᠠᠭ᠋ᠠᠷᠠᠵᠤ᠂ ᠮᠡᠬᠡᠯᠡᠭᠴᠢ ᠵᠢᠨ ᠬᠠᠷᠢᠯᠴᠠᠬᠤ ᠠᠷᠭᠠ ᠬᠡᠯᠪᠡᠷᠢ ᠪᠣᠯᠤᠨ app ᠵᠢ ᠭᠠᠷ ᠤᠲᠠᠰᠤᠠᠴᠠᠪᠠᠨ ᠪᠠᠭᠤᠯᠭ᠋ᠠᠪᠠ᠃
