ᠲᠣᠪᠴᠢ ᠵᠢ ᠪᠢᠴᠢᠬᠦᠳᠤ ᠠᠩᠬᠠᠷᠬᠣ ᠵᠦᠢ᠍ᠯᠤᠳ᠄
ᠲᠣᠪᠴᠢ ᠵᠢᠨ ᠠᠭᠣᠯᠭᠠ ᠪᠣᠯ ᠶᠡᠷᠦᠳᠡᠭᠡᠨ ᠭᠠᠷᠴᠠᠭ ᠪᠠ ᠭᠣᠣᠯ ᠵᠣᠬᠢᠶᠠᠯᠠᠴᠠ ᠪᠦᠷᠢᠯᠳᠦᠨᠡ᠃
ᠭᠠᠷᠴᠠᠭ᠄ ᠶᠡᠷᠦᠳᠡᠭᠡᠨ ᠬᠣᠷᠠᠯᠤᠨ ᠨᠡᠷᠡᠢ᠌ᠳᠦᠯ ᠪᠠ ᠲᠣᠪᠴᠢᠠᠴᠠ ᠪᠦᠷᠢᠯᠳᠦᠨᠡ᠂ ᠵᠢᠱ᠌ᠢᠶᠡᠯᠡᠪᠡᠯ᠄ 《ᠮᠤᠵᠢ ᠵᠢᠨ ᠴᠥᠮᠡ ᠵᠢᠨ ᠴᠠᠬᠢᠯᠭ᠋ᠠᠨᠤ ᠪᠥᠲᠥᠭᠡᠨ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠬᠠᠮᠲᠤᠷᠠᠭᠰᠠᠨ ᠬᠤᠷᠠᠯᠤᠨ ᠠᠩᠬᠠᠳᠤᠭ᠋ᠠᠷ ᠬᠤᠷᠠᠯᠳᠤᠭ᠋ᠠᠨᠤ ᠲᠣᠪᠴᠢ ᠲᠡᠮᠳᠡᠭᠯᠡᠯ》 ᠭᠡᠬᠦ ᠮᠡᠲᠦ᠃
ᠭᠣᠣᠯ ᠵᠣᠬᠢᠶᠠᠯ᠄ ᠭᠣᠣᠯ ᠵᠣᠬᠢᠶᠠᠯᠤᠨ ᠠᠭᠣᠯᠭᠠᠨᠢ ᠣᠯᠠᠩᠬᠢᠳᠠᠭᠠᠨ ᠡᠮᠦᠨᠡᠬᠢ ᠦᠭᠡ᠂ ᠭᠣᠣᠯ ᠬᠡᠰᠡᠭ ᠪᠠ ᠲᠡᠭᠦᠰᠬᠡᠯᠢ ᠪᠠᠭᠲᠠᠭ᠋ᠠᠨᠠ᠃
ᠨᠢᠭᠡ᠂ ᠡᠮᠦᠨᠡᠬᠢ ᠦᠭᠡ᠃ ᠲᠣᠰ ᠬᠡᠰᠡᠭᠲᠤ ᠭᠣᠣᠯᠳᠠᠭᠣ ᠬᠣᠷᠠᠯᠤᠨ ᠦᠨᠳᠦᠰᠦᠨ ᠪᠠᠢ᠌ᠳᠠᠯᠢ ᠲᠣᠢ᠌ᠮᠣ ᠲᠠᠨᠢᠯᠴᠠᠭᠣᠯᠣᠨᠠ᠂ ᠡᠭᠦᠨᠳᠤ ᠬᠣᠷᠠᠯᠤᠨ ᠨᠡᠷᠡᠢ᠌ᠳᠦᠯ᠂ ᠠᠭᠣᠯᠭᠠ᠂ ᠴᠠᠭ᠂ ᠭᠠᠵᠠᠷ ᠣᠷᠣᠨ᠂ ᠬᠦᠷᠢᠶᠡ ᠬᠡᠪᠴᠢᠶᠡ᠂ ᠬᠣᠷᠠᠯᠳᠤ ᠣᠷᠣᠯᠴᠠᠭᠴᠢ᠂ ᠭᠣᠣᠯ ᠶᠠᠷᠢᠯᠴᠠᠬᠣ ᠰᠡᠳᠦᠪ᠂ ᠬᠣᠷᠠᠯᠤᠨ ᠦᠷᠡ ᠪᠦᠳᠦᠮᠵᠢ᠂ ᠬᠣᠷᠠᠯᠤᠨ ᠲᠣᠬᠠᠢ ᠦᠨᠡᠯᠡᠯᠲᠠ ᠵᠡᠷᠭᠡ ᠵᠢ ᠪᠠᠭᠳᠠᠭ᠋ᠠᠨᠠ᠃ ᠳᠠᠷᠠᠭᠠᠨᠢ 《ᠲᠣᠰ ᠣᠳᠠᠭ᠋ᠠᠨᠤ ᠬᠣᠷᠠᠯᠤᠨ ᠭᠣᠣᠯ ᠵᠣᠷᠢᠭ ᠰᠠᠨᠠᠭᠠ ᠵᠢ ᠳᠣᠣᠷᠠᠬᠢ ᠮᠡᠲᠦ ᠲᠣᠪᠴᠢᠯᠠᠨ ᠲᠡᠮᠳᠡᠭᠯᠡᠶᠡ》᠂ 《ᠲᠣᠰ ᠣᠳᠠᠭ᠋ᠠᠨᠤ ᠬᠣᠷᠠᠯᠳᠤ ᠰᠣᠳᠣᠯᠣᠭᠰᠠᠨ ᠭᠣᠣᠯ ᠠᠰᠠᠭᠣᠳᠠᠯᠢ ᠳᠣᠣᠷᠠᠬᠢ ᠮᠡᠲᠦ ᠲᠡᠮᠳᠡᠭᠯᠡᠶᠡ》 ᠭᠡᠬᠦ ᠮᠡᠲᠦ ᠲᠣᠰᠬᠠᠢ ᠬᠡᠯᠡᠴᠡᠪᠠᠷ ᠳᠠᠮᠵᠢᠨ ᠳᠠᠷᠠᠭ᠋ᠠᠬᠢ ᠠᠭᠣᠯᠭᠠᠪᠠᠨ ᠲᠠᠲᠠᠨ ᠭᠠᠷᠭ᠋ᠠᠨᠠ᠃
ᠬᠣᠶᠠᠷ᠂ ᠭᠣᠣᠯ ᠬᠡᠰᠡᠭ᠃ ᠲᠣᠰ ᠬᠡᠰᠡᠭᠲᠤ ᠭᠣᠣᠯᠳᠠᠭᠣ ᠬᠣᠷᠠᠯ ᠬᠣᠷᠠᠯᠳᠣᠭᠰᠠᠨ ᠪᠣᠳᠠᠲᠠᠢ ᠪᠠᠢ᠌ᠳᠠᠯᠢ ᠬᠣᠷᠢᠶᠠᠩᠭᠣᠢ᠌ᠯᠠᠨᠠ᠂ ᠡᠭᠦᠨᠳᠤ ᠬᠣᠷᠠᠯᠤᠨ ᠵᠣᠷᠢᠭ ᠰᠠᠨᠠᠭᠠ ᠪᠠ ᠬᠣᠷᠠᠯ ᠵᠶ᠋ᠠᠷ ᠵᠦᠪᠯᠡᠵᠦ ᠲᠣᠭᠲᠠᠭ᠋ᠠᠭᠰᠠᠨ ᠵᠦᠢ᠍ᠯᠡᠰᠢ ᠪᠠᠭᠲᠠᠭ᠋ᠠᠨᠠ᠃ ᠣᠯᠠᠩᠬᠢᠳᠠᠭᠠᠨ ᠳᠣᠣᠷᠠᠬᠢ ᠮᠡᠲᠦ ᠭᠣᠷᠪᠠᠨ ᠵᠦᠢ᠍ᠯᠤᠨ ᠠᠷᠭᠠ ᠮᠠᠶᠢᠭᠢ ᠬᠡᠷᠡᠭᠯᠡᠵᠦ ᠪᠢᠴᠢᠨᠡ᠄ （ᠨᠢᠭᠡ）᠂ ᠵᠣᠷᠪᠣᠰᠯᠠᠨ ᠬᠣᠪᠢᠶᠠᠷᠢᠯᠠᠬᠣ ᠬᠡᠯᠪᠡᠷᠢ᠃ ᠳᠠᠷᠣᠢ ᠶᠠᠷᠢᠯᠴᠠᠬᠣ ᠰᠡᠳᠦᠪ ᠪᠠ ᠵᠦᠪᠯᠡᠵᠦ ᠲᠣᠭᠲᠠᠭ᠋ᠠᠭᠰᠠᠨ ᠵᠦᠢ᠍ᠯᠡᠰᠤᠳ ᠵᠶ᠋ᠡᠨ ᠭᠣᠣᠯ ᠳᠡᠳ᠋ᠤᠨ ᠳᠡᠰ ᠳᠠᠷᠠᠭᠠᠪᠠᠷ ᠵᠣᠷᠪᠣᠰᠯᠠᠨ ᠵᠢᠭᠰᠠᠭ᠋ᠠᠨᠠ᠂ ᠬᠣᠷᠠᠯ ᠳᠡᠭᠡᠷᠡ ᠬᠡᠳᠦᠢ ᠠᠰᠠᠭᠣᠳᠠᠯ ᠶᠠᠷᠢᠯᠴᠠᠭᠰᠠᠨ ᠪᠣᠯ ᠲᠡᠳᠦᠢ ᠵᠣᠷᠪᠣᠰᠢ ᠲᠡᠮᠳᠡᠭᠯᠡᠨᠡ᠂ ᠡᠢ᠌ᠮᠦᠷᠬᠦᠦ ᠬᠡᠯᠪᠡᠷᠢᠨᠢ ᠲᠣᠪᠴᠢ ᠲᠣᠳᠣᠷᠬᠠᠢ ᠪᠠᠢ᠌ᠵᠣ ᠦᠵᠡᠮᠡᠭᠴᠡ ᠣᠢ᠌ᠯᠠᠭ᠋ᠠᠨᠠ᠃ （ᠬᠣᠶᠠᠷ）᠂ ᠶᠡᠷᠦᠩᠬᠡᠢ᠌ᠯᠡᠨ ᠬᠣᠷᠢᠶᠠᠩᠭᠣᠢ᠌ᠯᠠᠬᠣ ᠬᠡᠯᠪᠡᠷᠢ᠃ ᠬᠣᠷᠠᠯ ᠳᠡᠭᠡᠷᠡ ᠵᠦᠪᠯᠡᠵᠦ ᠲᠣᠭᠲᠠᠭ᠋ᠠᠭᠰᠠᠨ ᠠᠭᠣᠯᠭᠠ ᠪᠠ ᠵᠦᠪᠯᠡᠵᠦ ᠲᠣᠭᠲᠠᠭ᠋ᠠᠭᠰᠠᠨ ᠵᠦᠢ᠍ᠯᠡᠰᠤᠳᠢ ᠶᠡᠷᠦᠩᠬᠡᠢ᠌ᠯᠡᠨ ᠬᠣᠷᠢᠶᠠᠩᠭᠣᠢ᠌ᠯᠠᠵᠣ᠂ ᠡᠳᠦᠢ ᠲᠡᠳᠦᠢ ᠬᠡᠰᠡᠭ ᠪᠣᠯᠭ᠋ᠠᠨ ᠬᠣᠪᠢᠶᠠᠭᠰᠠᠨᠤ ᠳᠠᠷᠠᠭᠠ ᠳᠡᠰ ᠳᠠᠷᠠᠭ᠋ᠠᠯᠠᠨ ᠪᠢᠴᠢᠨᠡ᠃ （ᠭᠣᠷᠪᠡ）᠂ ᠶᠠᠷᠢᠶᠠᠨᠤ ᠠᠭᠣᠯᠭᠠ ᠵᠢ ᠰᠣᠩᠭᠣᠨ ᠲᠡᠮᠳᠡᠭᠯᠡᠬᠦ ᠬᠡᠯᠪᠡᠷᠢ᠃ ᠬᠣᠷᠠᠯ ᠳᠡᠭᠡᠷᠡᠬᠢ ᠨᠡᠢ᠌ᠲᠡᠯᠢᠭ᠂ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠲᠠᠢ ᠶᠠᠷᠢᠶᠠᠨᠤ ᠠᠭᠣᠯᠭᠠ ᠵᠢ ᠡᠮᠬᠢᠳᠬᠡᠵᠦ᠂ ᠠᠭᠣᠯᠭᠠ ᠵᠢᠨ ᠲᠣᠪᠴᠢ ᠪᠠ ᠵᠣᠷᠢᠭ ᠰᠠᠨᠠᠭ᠋ᠠᠨᠤ ᠮᠦᠨ ᠴᠢᠨᠠᠷᠢ ᠰᠢᠷᠭ᠋ᠠᠭ᠋ᠠᠨ ᠪᠣᠯᠪᠠᠰᠣᠷᠠᠭᠣᠯᠣᠭᠰᠠᠨᠤ ᠳᠠᠷᠠᠭᠠ᠂ ᠶᠠᠷᠢᠶᠠ ᠲᠠᠯᠪᠢᠭᠰᠠᠨ ᠠᠯᠬᠣᠮ ᠳᠠᠷᠠᠭᠠ ᠪᠣᠶᠣ ᠠᠭᠣᠯᠭᠠ ᠵᠢᠨ ᠰᠢᠨᠵᠢ ᠴᠢᠨᠠᠷ ᠵᠶ᠋ᠠᠷ ᠲᠦᠷᠦᠯᠵᠢᠭᠦᠯᠦᠨ ᠬᠣᠪᠢᠶᠠᠷᠢᠯᠠᠵᠣ ᠪᠢᠴᠢᠨᠡ᠃
ᠭᠣᠷᠪᠠ᠂ ᠲᠡᠭᠦᠰᠬᠡᠯ᠃ ᠣᠯᠠᠩᠬᠢᠳᠠᠭᠠᠨ ᠬᠦᠰᠡᠯ ᠱᠠᠭ᠋ᠠᠷᠳᠠᠯᠭᠠ ᠳᠣᠷᠠᠳᠣᠨᠠ᠂ ᠵᠠᠷᠢᠮ ᠦᠶᠡᠰ ᠲᠡᠭᠦᠰᠬᠡᠯ ᠪᠢᠴᠢᠬᠦ ᠦᠭᠡᠢ᠃
ᠲᠣᠪᠴᠢ ᠵᠢᠨ ᠪᠢᠴᠢᠭ ᠬᠠᠷᠠ ᠵᠢ ᠳᠠᠷᠣᠮᠯᠠᠵᠣ ᠬᠡᠷᠡᠭᠯᠡᠬᠦ ᠭᠡᠪᠡᠯ᠂ ᠠᠷᠣᠳᠠᠬᠢ ᠪᠠᠭᠣᠯᠭ᠋ᠠᠬᠣ ᠬᠡᠯᠬᠢᠶᠡᠰᠦ ᠵᠢ ᠳᠠᠷᠣᠭ᠋ᠠᠷᠠᠢ！
