ᠬᠤᠶᠠᠷ ᠨᠠᠶ᠋ᠢᠵᠢ᠎ᠪᠠᠨ ᠦᠬᠡᠶ᠋ᠢᠯᠡᠨ ᠳᠤᠷᠠᠰᠣᠨᠠᠮ

               ᠮᠥᠩᠭᠡᠨᠠᠰᠣᠨ

   ᠠᠶᠠᠨ ᠵᠠᠮ᠎ᠤᠨ ᠬᠠᠷᠭᠤᠢ᠎ᠳᠤ ᠠᠨᠳᠠ ᠬᠤᠶᠠᠷ ᠨᠠᠶ᠋ᠢᠵᠠ ᠮᠢᠨᠢ

   ᠠᠷᠠᠢ ᠡᠷᠲᠡ ᠨᠠᠮᠠᠢ᠍ᠢ ᠤᠷᠬᠢᠭ᠋ᠠᠳ ᠲᠡᠭᠷᠢ ᠵᠢᠨ ᠬᠠᠶᠠᠭ᠋ᠠᠨ᠎ᠳᠤ ᠤᠳᠣᠯ᠎ᠠ ᠳ᠋ᠠ

   ᠠᠷᠣ᠎ᠠᠴᠠ ᠴᠢᠨᠢ ᠪᠢᠴᠢᠭᠰᠡᠨ ᠨᠢᠯᠪᠤᠰᠣ᠎ᠲᠠᠢ ᠰᠢᠯᠦᠭ ᠵᠶ᠋ᠠᠨ ᠵᠤᠯᠠ ᠪᠣᠯᠭ᠋ᠠᠵᠣ

   ᠠᠶᠤᠤᠯᠢᠬᠠᠢ᠎ᠳᠤ᠎ᠪᠠᠨ ᠠᠰᠠᠭ᠋ᠠᠭ᠋ᠠᠳ ᠦᠬᠡᠶ᠋ᠢᠯᠡᠵᠦ ᠰᠠᠭᠤᠨᠠᠮ᠂ ᠥᠨᠦᠴᠢᠷᠡᠵᠦ ᠮᠥᠷᠦᠭᠡᠳᠦᠨᠡᠮ᠃

   ᠤᠷᠴᠢᠯᠠᠩ᠎ᠤᠨ ᠵᠠᠢ᠎ᠳᠤ ᠤᠨᠠᠭ᠎ᠠ ᠲᠠᠭ᠎ᠠ ᠰᠢᠭ᠋ ᠡᠷᠭᠡᠯᠡᠨ ᠲᠤᠭᠯᠠᠵᠣ ᠶᠠᠪᠤᠭᠰᠠᠨ ᠰᠠᠨ

   ᠸᠴᠢᠷ ᠡᠷᠳᠡᠨᠢ ᠰᠢᠭ ᠦᠨᠡᠨᠴᠢ ᠢᠲᠡᠭᠡᠯ᠎ᠤᠨ ᠮᠢᠨᠢ ᠨᠠᠨᠳᠢᠨ ᠬᠤᠯᠪᠤᠭ᠎ᠠ ᠰᠠᠨᠠᠭᠳᠠᠨ᠎ᠠ

   ᠢᠲᠡᠭᠡᠯᠲᠦ ᠳᠦᠯᠭᠡᠨ ᠠᠭ᠋ᠠᠯᠢᠨ᠎ᠳᠤ ᠴᠢᠨᠢ ᠤᠰᠣᠨ᠎ᠤ ᠰᠢᠪᠠᠭᠤᠳ ᠬᠤᠷᠭᠤᠳᠠᠳᠠᠭ ᠰᠠᠨ

   ᠢᠨᠢᠶᠡᠮᠰᠦᠭᠯᠡᠵᠦ ᠶᠠᠷᠢᠭᠰᠠᠨ ᠦᠭᠡ ᠪᠥᠬᠦᠨ ᠴᠢᠨᠢ ᠬᠠᠳᠠᠨ ᠬᠤᠰᠢᠭᠤᠨ᠎ᠠᠴᠠ ᠰᠤᠨᠤᠰᠳᠠᠬᠤ ᠶᠤᠮ᠃

   ᠵᠢᠷᠭ᠋ᠠᠯᠠᠩᠲᠣ ᠵᠢᠨ ᠣᠰᠤᠨ ᠮᠠᠨᠠᠨ ᠵᠢᠷᠦᠬᠡ ᠵᠢ ᠮᠢᠨᠢ ᠡᠮᠵᠡᠭᠯᠡᠭᠦᠯᠵᠦ ᠪᠤᠳᠠᠩᠳᠤᠨ᠎ᠠ

   ᠵᠢᠭ᠋ᠠᠬᠠᠨ ᠰᠢᠷᠭ᠎ᠠ ᠵᠢᠨ ᠳᠦᠪᠡᠷᠭᠡᠨ ᠴᠢᠩᠨᠠᠭᠰᠠᠨ ᠲᠠᠭ᠋ᠠᠳᠣ ᠵᠢᠨ ᠣᠪᠤᠭ᠎ᠠ ᠠᠯᠤᠰ᠎ᠠᠴᠠ ᠰᠡᠭᠦᠷᠡᠰᠦᠯᠡᠵᠦ ᠳᠦᠩᠭᠦᠶ᠋ᠢᠨ᠎ᠡ

   ᠽᠠᠮᠪᠤᠯᠢᠩ᠎ᠤᠨ ᠲᠤᠭᠤᠰᠣᠨ᠎ᠳᠤ ᠵᠠᠶᠠᠭ᠎ᠠ᠎ᠪᠠᠨ ᠬᠤᠯᠪᠤᠵᠣ ᠠᠨᠳᠠ ᠪᠠᠷᠢᠯᠳᠤᠭᠰᠠᠨ ᠮᠥᠴᠡ ᠮᠢᠨᠢ

   ᠵᠠᠬ᠎ᠠ ᠦᠬᠡᠢ ᠨᠡᠯᠦᠢ᠌ᠬᠦ ᠨᠠᠭᠤᠷ᠎ᠤᠨ ᠬᠤᠨ ᠰᠢᠭ᠋ ᠡᠵᠡᠬᠦᠶ᠋ᠢᠷᠡᠵᠦ ᠬᠤᠴᠤᠷᠤᠯ᠎ᠠ ᠨᠠᠳᠠ᠎ᠲᠠᠢ ᠴᠤᠭ᠃