| ᠠᠪᠤ ᠶᠢᠨ ᠬᠠᠶᠢᠷᠠ | ᠳᠠᠯᠠᠩᠭᠤᠷᠪᠠ | | | ᠦᠷ ᠤᠨ ᠭᠡᠭᠡ ᠲᠠᠢ ᠤᠷᠤᠯᠳᠤᠨ ᠪᠣᠰᠳᠠᠭ ᠮᠢᠨᠤ ᠠᠪᠤ | ᠦᠷᠭᠦᠯᠵᠢ ᠶᠠᠭᠠᠷᠠᠭᠠᠳ ᠪᠠᠷᠠᠳᠠᠭ ᠦᠭᠡᠢ ᠬᠦᠭᠰᠢᠨ | ᠦᠷᠡ ᠪᠠᠨ ᠭᠡᠵᠤ ᠵᠢᠳᠬᠦᠭᠰᠡᠭᠡᠷ ᠪᠠᠶᠢᠵᠤ | ᠦᠰᠦ ᠨᠢ ᠴᠠᠶᠢᠷᠠᠵᠤ ᠦᠭᠡ ᠲᠠᠭᠤ ᠴᠤ ᠴᠥᠬᠡᠷᠡᠪᠡ ᠬᠥᠭᠡᠷᠦᠬᠦᠢ | ᠠᠯᠳᠠᠨ ᠨᠠᠷᠠᠨ ᠤ ᠰᠢᠷᠭᠠᠯ ᠲᠤᠶᠠᠭᠠ ᠠᠪᠤ ᠶᠢᠨ ᠠᠮᠢᠳᠤᠷᠠᠯ ᠢ ᠭᠡᠶᠢᠭᠦᠯᠵᠦ | ᠠᠳᠤᠭᠤ ᠮᠠᠯ ᠠᠲᠠᠷ ᠲᠠᠷᠢᠶᠠ ᠪᠦᠬᠦᠨ ᠠᠪᠤ ᠶᠢᠨ ᠴᠢᠳᠠᠯ ᠢ ᠰᠢᠪᠬᠠᠵᠤ | ᠠᠶᠠᠯᠠᠨ ᠠᠶᠠᠯᠠᠨ ᠤᠳᠤᠬᠤ ᠣᠨ ᠴᠠᠭ ᠤᠨ ᠤᠷᠤᠰᠬᠠᠯ | ᠠᠴᠢᠳᠤ ᠠᠪᠤ ᠶᠢ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠳᠠᠭᠠᠷᠢᠯᠠ ᠬᠥᠭᠡᠷᠦᠬᠦᠢ | ᠬᠦᠢᠳᠡᠨ ᠡᠪᠦᠯ ᠬᠠᠯᠠᠭᠤᠨ ᠵᠤᠨ ᠤ ᠡᠭᠡᠯᠵᠢ ᠰᠢᠭ | ᠬᠦᠮᠤᠨ ᠤ ᠬᠤᠷᠸᠠ ᠶᠢᠨ ᠵᠢᠷᠭᠠᠯ ᠵᠣᠪᠠᠯᠠᠩ ᠬᠤᠶᠠᠷ | ᠬᠥᠳᠡᠭᠡ ᠶᠢᠨ ᠮᠠᠩᠬᠠᠨ ᠳᠤ ᠪᠠᠨ ᠳᠠᠰᠤᠭᠰᠠᠨ ᠠᠪᠤ ᠶᠢ | ᠬᠦᠭᠰᠢᠨ ᠨᠠᠷᠠᠰᠤ ᠰᠢᠭ ᠪᠦᠭᠳᠦᠷ ᠨᠢᠷᠤᠭᠤ ᠲᠠᠢ ᠪᠣᠯᠭᠠᠯᠠ ᠬᠥᠭᠡᠷᠦᠬᠦᠢ | ᠡᠷᠢᠯ ᠰᠣᠩᠭᠤᠯᠲᠠ ᠬᠤᠣᠰᠯᠠᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠵᠠᠷᠴᠢᠮ ᠳᠤ | ᠡᠷᠦᠬᠡ ᠠᠶᠢᠯ ᠤᠨ ᠥᠭᠡᠳᠡᠯᠡᠬᠦ ᠵᠠᠶᠠᠭᠠ ᠶᠢ ᠪᠠᠶᠡ ᠳᠤ ᠪᠠᠨ ᠳᠠᠳᠠᠵᠤ | ᠡᠮᠡᠭᠡᠯ ᠲᠠᠢ ᠮᠣᠷᠢᠨ ᠤ ᠨᠢᠷᠤᠭᠤᠨ ᠳᠤ ᠡᠷᠡ ᠵᠠᠯᠠᠭᠤ ᠨᠠᠰᠤ ᠪᠠᠨ ᠬᠡᠶᠢᠰᠬᠡᠨ | ᠡᠷᠡᠮᠡᠬᠡᠢ ᠵᠣᠷᠢᠭ ᠢᠳᠡ ᠬᠦᠴᠦ ᠪᠠᠷ ᠢᠶᠠᠨ ᠵᠢᠳᠬᠦᠭᠰᠡᠭᠡᠷ ᠪᠠᠶᠢᠯᠠ | ᠰᠣᠶᠣᠯ ᠤᠨ ᠪᠠᠯᠠᠢ ᠶᠢᠨ ᠨᠥᠯᠥᠭᠡ ᠶᠢ ᠨᠡᠪᠲᠡ ᠬᠦᠷᠲᠡᠭᠰᠡᠨ ᠠᠪᠤ | ᠰᠤᠳᠤᠷ ᠪᠢᠴᠢᠭ ᠤᠨ ᠷᠢᠳᠢ ᠰᠢᠳᠢ ᠶᠢ ᠪᠠᠲᠤ ᠢᠲᠡᠭᠡᠵᠦ | ᠰᠣᠷᠬᠤ ᠨᠠᠰᠤᠨ ᠤ ᠨᠠᠮᠠ ᠶᠢ ᠮᠡᠳᠡᠯᠭᠡ ᠶᠢᠨ ᠪᠠᠯ ᠢ ᠠᠮᠰᠠᠭᠤᠯᠬᠤ ᠬᠡᠮᠡᠨ | ᠰᠤᠮᠤ ᠬᠤᠰᠢᠭᠤᠨ ᠤ ᠵᠠᠮ ᠢ ᠮᠣᠷᠢ ᠮᠤᠲᠤᠷ ᠢᠶᠠᠷ ᠨᠢᠮᠭᠡᠷᠡᠲᠡᠯᠡ ᠳᠠᠪᠬᠢᠯᠠ ᠬᠦᠭᠡᠷᠦᠬᠦᠢ | ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠣᠨ ᠵᠢᠯ ᠢ ᠠᠶᠠᠯᠠᠭᠤᠯᠵᠤ | ᠬᠥᠳᠡᠭᠡ ᠶᠢᠨ ᠲᠠᠩᠰᠤᠭ ᠪᠡᠯᠴᠢᠭᠡᠷ ᠲᠤ ᠪᠠᠨ ᠮᠠᠯ ᠰᠦᠷᠦᠭ ᠢᠶᠠᠨ ᠪᠡᠯᠴᠢᠭᠡᠨ | ᠬᠥᠪᠡᠭᠡ ᠦᠭᠡᠢ ᠠᠮᠢᠳᠤᠷᠠᠯ ᠤᠨ ᠬᠠᠷᠭᠤᠢ ᠳᠤ | ᠬᠦᠦ ᠶᠢᠨ ᠢᠶᠠᠨ ᠬᠦᠰᠡᠯ ᠢ ᠬᠠᠷᠢᠭᠤᠯᠤᠨᠠ ᠬᠥᠭᠡᠷᠦᠬᠦᠢ | ᠠᠯᠤᠰ ᠢ ᠵᠣᠷᠢᠨ ᠠᠶᠢᠯ ᠠᠴᠠ ᠰᠠᠯᠬᠤ ᠪᠣᠯᠭᠠᠨ | ᠠᠨᠢᠰᠬᠠ ᠪᠠᠨ ᠴᠢᠯᠡᠲᠡᠯᠡ ᠬᠠᠷᠠᠴᠠ ᠪᠠᠷ ᠢᠶᠠᠨ ᠨᠠᠮᠠ ᠶᠢ ᠬᠦᠷᠭᠡᠳᠡᠭ | ᠠᠭᠲᠠ ᠶᠢᠨ ᠵᠢᠯᠣᠭᠤ ᠡᠷᠭᠢᠭᠦᠯᠦᠨ ᠠᠷᠤ ᠭᠡᠷ ᠲᠤ ᠪᠠᠨ ᠬᠠᠷᠢᠬᠤ ᠪᠣᠯᠭᠠᠨ | ᠠᠳᠤᠭᠤᠨ ᠤ ᠪᠠᠨ ᠪᠡᠯᠴᠢᠭᠡᠷ ᠠᠴᠠ ᠰᠠᠷᠠᠪᠴᠢᠯᠠᠨ ᠬᠦᠯᠢᠶᠡᠳᠡᠭ ᠶᠤᠮ ᠬᠥᠭᠡᠷᠦᠬᠦᠢ | ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠪᠠᠨ ᠰᠣᠯᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠭᠡᠵᠦ ᠡᠵᠢ ᠪᠠᠷ ᠵᠠᠩᠨᠠᠭᠤᠯᠤᠨ ᠪᠠᠶᠢᠳᠠᠭ | ᠡᠪᠦᠳᠦᠭ ᠴᠤᠭᠤᠷᠬᠠᠢ ᠥᠮᠥᠳᠦ ᠪᠠᠨ ᠲᠠᠶᠢᠯᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠭᠳᠡᠭᠡᠳ ᠪᠠᠶᠢᠳᠠᠭ | ᠡᠷᠲᠡ ᠣᠷᠣᠢ ᠭᠠᠳᠠᠨᠠ ᠭᠦᠶᠦᠵᠦ ᠪᠠᠶᠢᠬᠤ ᠴᠢᠨᠢ ᠭᠡᠳ ᠬᠡᠳᠦᠨ ᠦᠭᠡ ᠪᠠᠷ ᠬᠠᠷᠢᠭᠤᠯᠠᠭᠠᠳ | ᠡᠪ ᠢ ᠨᠢ ᠦᠵᠡᠵᠦ ᠡᠪᠳᠡᠶᠢᠬᠡᠨ ᠥᠩᠭᠡᠷᠡᠭᠦᠯᠳᠡᠭ ᠬᠠᠰᠢᠷ ᠠᠪᠤ ᠮᠢᠨᠢ ᠬᠥᠭᠡᠷᠦᠬᠦᠢ | ᠬᠠᠳᠠᠨ ᠤ ᠵᠠᠪᠰᠠᠷ ᠢᠶᠠᠷ ᠣᠷᠭᠢᠯᠬᠤ ᠲᠤᠩᠭᠠᠯᠠᠭ ᠪᠤᠯᠠᠭ ᠤᠨ ᠤᠰᠤ ᠰᠢᠭ᠋ | ᠬᠠᠶᠢᠷᠠᠲᠤ ᠠᠪᠤ ᠶᠢᠨ ᠮᠢᠨᠢ ᠨᠠᠳᠠᠳᠤ ᠥᠭᠭᠦᠭᠰᠡᠨ ᠬᠠᠶᠢᠷᠠ | ᠬᠠᠨ ᠬᠤᠷᠮᠤᠰᠲᠠ ᠶᠢᠨ ᠭᠦᠨ ᠳᠤ ᠡᠯᠭᠦᠭᠳᠡᠬᠦ ᠨᠠᠷᠠ ᠠᠴᠠ ᠢᠯᠴᠢ ᠲᠠᠢ ᠪᠠᠶᠢᠵᠤ | ᠬᠠᠰᠢᠷ ᠪᠣᠯᠣᠨ ᠪᠦᠷᠢᠮᠦᠰᠦᠨ ᠣᠶᠢᠯᠠᠭᠠᠭᠳᠠᠬᠤ ᠳᠤ ᠶᠠᠭᠤ ᠪᠠᠷ ᠬᠠᠷᠢᠭᠤᠯᠠᠬᠤ ᠪᠤᠢ | ᠬᠦᠰᠡᠯ ᠢᠶᠠᠷ ᠬᠦᠯᠦᠭ ᠪᠣᠯᠭᠠᠨ ᠬᠤᠯᠠ ᠶᠢ ᠵᠣᠷᠢᠬᠤ ᠳᠤ | ᠬᠥᠮᠥᠵᠢᠭᠦᠯᠦᠭᠰᠡᠨ ᠪᠦᠷᠭᠦᠳ ᠨᠢ ᠵᠢᠭᠦᠷ ᠢᠶᠠᠨ ᠳᠡᠯᠭᠡᠭᠰᠡᠨ ᠰᠢᠭ ᠪᠠᠶᠠᠷᠯᠠᠨ | ᠬᠥᠭᠵᠢᠶᠡᠨᠲᠦ ᠬᠤᠳᠠ ᠶᠢᠨ ᠭᠤᠳᠤᠮᠵᠢ ᠳᠤ ᠴᠡᠩᠭᠡᠯᠳᠦᠬᠦ ᠵᠠᠭᠤᠷᠠ | ᠬᠦᠭᠰᠢᠨ ᠠᠪᠤ ᠶᠢᠨ ᠢᠶᠠᠨ ᠬᠦᠰᠡᠯᠡᠩ ᠨᠢ ᠪᠠᠶᠢᠳᠠᠭ ᠢᠶᠠᠨ ᠠᠩᠵᠠᠭᠠᠷᠠᠭᠰᠠᠨ ᠦᠭᠡᠢ ᠬᠠᠷᠠᠮᠰᠠᠨᠠ | ᠪᠤᠭᠤᠷᠤᠯ ᠬᠤᠷᠸᠠ ᠳᠤ ᠠᠴᠢ ᠶᠢᠨ ᠲᠡᠭᠷᠢ ᠪᠠᠷ ᠵᠠᠶᠠᠭᠠᠭᠰᠠᠨ | ᠪᠣᠳᠣᠯ ᠤᠨ ᠭᠦᠨ ᠳᠤ ᠮᠥᠩᠬᠡᠷᠡᠬᠦ ᠶᠣᠰᠣᠲᠠᠢ | ᠪᠤᠷᠬᠠᠨ ᠰᠡᠳᠭᠡᠯᠳᠤ ᠮᠢᠨᠤ ᠠᠪᠤ | ᠪᠣᠷᠣᠭᠵᠢᠭᠤᠨ ᠠᠮᠢᠳᠤᠷᠠᠯ ᠢ ᠭᠡᠶᠢᠭᠦᠯᠬᠦ ᠨᠠᠷᠠ ᠪᠢᠯᠡ | ᠣᠨ ᠵᠢᠯ ᠤᠨ ᠤᠷᠤᠰᠬᠠᠯ ᠠᠪᠤ ᠶᠢ ᠶᠠᠭᠤᠨ ᠳᠤ ᠡᠳᠤᠢ ᠬᠠᠲᠠᠭᠤ ᠲᠠᠭᠠᠷᠢᠪᠠ | ᠤᠴᠢᠵᠤ ᠢᠷᠡᠬᠦ ᠨᠠᠷᠠᠨ ᠰᠠᠷᠠᠨ ᠤ ᠡᠷᠭᠢᠯᠲᠡ ᠨᠢ ᠨᠠᠮᠤᠭᠤᠨ ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ ᠦᠦ | ᠤᠷᠤᠨ ᠨᠤᠲᠤᠭ ᠤᠨ ᠬᠥᠬᠡ ᠲᠡᠭᠷᠢ ᠬᠤᠷᠠ ᠪᠣᠷᠣᠭᠠᠨ ᠪᠥᠬᠦᠨ | ᠣᠷᠴᠢᠯᠠᠩ ᠳᠡᠯᠡᠬᠡᠢ ᠳᠤ ᠠᠪᠤ ᠶᠢ ᠥᠨᠢᠳᠡ ᠢᠪᠡᠭᠡᠬᠦ ᠪᠣᠯᠲᠤᠭᠠᠢ᠃ | | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠦᠬᠠᠢ ᠬᠤᠲᠠ ᠶᠢᠨ ᠲᠣᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ | | | |