| ᠴᠠᠰᠤ ᠯᠠᠪᠰᠠᠯᠠᠬᠤ ᠰᠠᠶᠢᠬᠠᠨ | ᠨᠠ᠊ · ᠵᠢᠷᠭᠠᠯ | | | ᠴᠠᠰᠤ ᠵᠤᠭᠰᠤᠭᠠ ᠦᠭᠡᠢ ᠯᠠᠪᠰᠠᠯᠠᠬᠤ ᠶᠢᠨ ᠲᠠᠭᠠᠲᠠᠢ ᠰᠠᠶᠢᠬᠠᠨ ᠭᠡᠵᠦ ᠡ᠂ ᠠᠭᠤᠷ ᠠᠮᠢᠰᠬᠤᠯ ᠴᠡᠪ ᠴᠡᠪᠡᠷᠬᠡᠨ | ᠴᠢᠮᠡᠭᠡ ᠱᠤᠤᠭᠢᠶᠠᠨ ᠦᠭᠡᠢ ᠰᠡᠪᠰᠡᠭᠡᠷᠳᠡᠬᠦ ᠶᠢᠨ ᠠᠶᠠᠲᠠᠢ ᠵᠦᠭᠡᠯᠡᠨ ᠭᠡᠵᠦ ᠡ᠂ ᠡᠷᠭᠢᠨ ᠲᠤᠭᠤᠷᠢᠨ ᠨᠠᠮ ᠵᠢᠮᠬᠡᠨ | ᠴᠡᠴᠡᠭᠡᠰ ᠮᠢᠷᠠᠯᠵᠠᠭᠰᠠᠨ ᠮᠤᠳᠤᠳ ᠤᠨ ᠨᠤᠭᠤᠭᠠᠨ ᠨᠠᠮᠠᠭᠠ ᠰᠠᠯᠠᠭᠠ ᠡ᠂ ᠤᠯᠠᠷᠢᠯ ᠤᠨ ᠭᠤᠶᠤᠬᠠᠨ ᠦᠵᠡᠰᠭᠦᠯᠡᠩ | ᠴᠢᠩ ᠦᠨᠡᠨᠴᠢ ᠪᠠᠷ ᠰᠦᠰᠦᠭᠯᠡᠬᠦ ᠳᠡᠭᠡᠳᠦ ᠶᠡᠭᠡ ᠲᠡᠭᠷᠢ ᠮᠢᠨᠢ ᠡ᠂ ᠡᠪᠦᠯ ᠤᠨ ᠰᠤᠶᠤᠷᠬᠠᠭᠰᠠᠨ ᠷᠠᠰᠢᠶᠠᠨ ᠲᠡᠵᠢᠭᠡᠯ | | | | ᠴᠠᠭ ᠠᠭᠠᠷ ᠤᠨ ᠵᠢᠮᠡ ᠪᠠᠷ ᠤᠷᠤᠰᠢᠬᠤ ᠠᠬᠤᠢ ᠪᠠᠶᠢᠭᠠᠯᠢ ᠶᠢᠨ ᠬᠥᠨᠳᠡᠭᠡᠰᠢ ᠦᠭᠡᠢ ᠳᠠᠷᠬᠠᠨ ᠦᠵᠡᠮᠵᠢ ᠭᠤᠶᠤᠮᠰᠤᠭ | ᠴᠡᠯᠡᠭᠡᠷ ᠴᠡᠮᠴᠡᠭᠡᠷ ᠵᠦᠢᠯ ᠤᠨ ᠤᠷᠭᠤᠮᠠᠯ ᠤᠨ ᠬᠠᠷᠠᠭᠳᠠᠬᠤ ᠨᠢ ᠵᠦᠢᠷᠯᠡᠰᠢ ᠦᠭᠡᠢ ᠤᠷᠠᠯᠢᠭ ᠵᠢᠷᠤᠭᠯᠠᠯ ᠤᠨ ᠳᠡᠯᠭᠡᠴᠡ | ᠴᠠᠩᠬᠠᠭᠠ ᠪᠠᠨ ᠲᠠᠶᠢᠯᠬᠤ ᠭᠠᠵᠠᠷ ᠤᠨ ᠬᠦᠷᠦᠰᠦᠨ ᠠᠴᠠ ᠠᠮᠤᠭᠤᠯᠠᠩ ᠬᠤᠷᠸᠠ ᠶᠢᠨ ᠬᠠᠯᠠᠭᠤᠨ ᠠᠮᠢᠰᠬᠤᠯ ᠰᠡᠩᠭᠢᠨᠡᠵᠦ | ᠴᠡᠩᠬᠡᠷ ᠬᠦᠬᠡ ᠤᠭᠲᠠᠷᠭᠤᠢ ᠠᠴᠠ ᠠᠶᠠᠷᠬᠠᠨ ᠬᠠᠶᠢᠯᠬᠤ ᠨᠢ ᠡᠩᠬᠡ ᠮᠡᠨᠳᠦ ᠶᠢᠨ ᠢᠪᠡᠭᠡᠯᠲᠦ ᠴᠠᠭᠠᠨ ᠬᠠᠳᠠᠭ ᠪᠠᠶᠢᠨᠠᠮ | | | ᠠᠯᠤᠰ ᠤᠨ ᠠᠭᠤᠳᠠᠮ ᠪᠠᠷᠠ ᠬᠠᠷᠠᠭᠠ ᠠᠯᠳᠠᠮᠠ ᠴᠡᠯᠡᠶᠢᠭᠡᠳ ᠭᠬᠢᠷ ᠦᠭᠡᠢ ᠴᠠᠭᠠᠰᠤ ᠶᠢ ᠳᠡᠯᠭᠡᠭᠰᠡᠨ ᠮᠡᠲᠦ ᠲᠡᠨᠢᠭᠦᠬᠡᠨ | ᠠᠭᠤᠯᠠ ᠬᠠᠶᠢᠷᠬᠠᠨ ᠮᠦᠩᠭᠦᠨ ᠬᠤᠶᠠᠭ ᠬᠡᠲᠦᠷᠡᠨ ᠰᠦᠨᠳᠡᠷᠯᠡᠬᠦ ᠨᠢ ᠲᠠᠯᠠ ᠶᠢᠨ ᠳᠤᠮᠳᠠ ᠪᠠᠨ ᠤᠮᠤᠭᠯᠠᠩ ᠰᠦᠷᠯᠢᠭᠬᠡᠨ | ᠠᠶᠢᠯ ᠬᠤᠲᠠ ᠶᠢᠨ ᠪᠠᠭᠤᠴᠠ ᠰᠠᠭᠤᠷᠢᠰᠢᠯ ᠲᠡᠭᠷᠢ ᠶᠢᠨ ᠬᠠᠨᠠ ᠲᠠᠢ ᠵᠠᠯᠭᠠᠯᠳᠤᠵᠤ ᠢᠯᠦᠮ ᠵᠢᠯᠦᠮ ᠠᠰᠤᠷᠤ ᠲᠦᠪᠬᠢᠨᠡᠭᠦᠨ | ᠠᠷᠭᠠᠯ ᠤᠨ ᠤᠲᠤᠭᠠ ᠰᠤᠭᠤᠨᠠᠭᠯᠠᠬᠤ ᠬᠦᠳᠡᠭᠡ ᠬᠡᠭᠡᠷᠡ ᠶᠢᠨ ᠡᠪᠦᠯᠵᠢᠶᠡ ᠤᠲᠤᠷ ᠤᠨ ᠮᠠᠯ ᠰᠦᠷᠦᠭ ᠨᠢ ᠲᠠᠶᠢᠪᠤᠭᠤᠬᠠᠨ | | | ᠡᠪᠦᠯ ᠤᠨ ᠴᠠᠰᠤ ᠯᠠᠪᠰᠠᠯᠠᠬᠤ ᠶᠢᠨ ᠢᠳᠡ ᠬᠦᠴᠦ ᠭᠡᠵᠦ ᠡ᠂ ᠢᠷᠡᠬᠦ ᠵᠢᠯ ᠤᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠤᠨ ᠠᠷᠢᠭᠤᠨ ᠰᠢᠮᠡ | ᠡᠷᠭᠢ ᠭᠠᠩᠭᠠ ᠬᠠᠭᠤᠷᠠᠢ ᠭᠤᠣᠯ ᠤᠨ ᠬᠡᠪᠡᠯᠢ ᠶᠢ ᠮᠢᠯᠢᠶᠠᠬᠤ ᠭᠡᠵᠦ ᠡ᠂ ᠠᠮᠢᠯᠠᠨ ᠬᠦᠬᠡᠷᠡᠬᠦ ᠶᠢᠨ ᠬᠢᠨᠢ ᠪᠡᠯᠭᠡᠲᠦ ᠵᠡᠭᠦᠳᠦᠯᠡᠯ | ᠡᠭᠡᠯᠵᠢᠯᠡᠬᠦ ᠳᠦᠷᠪᠡᠨ ᠤᠯᠠᠷᠢᠯ ᠤᠨ ᠳᠤᠬᠢᠲᠠᠢ ᠵᠤᠬᠢᠷᠠᠬᠤ ᠨᠢ ᠡ᠂ ᠡᠶᠡᠪᠡᠷᠬᠦᠦ ᠳᠤᠯᠠᠭᠠᠨ ᠤᠷᠢᠬᠠᠨ ᠬᠠᠪᠤᠷ ᠤᠨ ᠵᠦᠩᠨᠡᠯ | ᠡᠭᠦᠷᠢᠳᠡ ᠳᠡᠭᠡᠳᠦᠯᠡᠬᠦ ᠡᠬᠡ ᠭᠠᠵᠠᠷ ᠤᠨ ᠰᠢᠲᠦᠭᠡᠨ ᠮᠢᠨᠢ ᠡ᠂ ᠡᠰᠡᠨᠢᠨ ᠲᠦᠯᠵᠢᠬᠦ ᠶᠢᠨ ᠦᠯᠵᠡᠢ ᠬᠡᠰᠢᠭᠲᠦ ᠦᠯᠦᠭᠡᠢ᠃ | |