ᠡᠪᠦᠯ ᠤᠨ ᠴᠠᠰᠤ | | ᠨᠠ᠊ · ᠵᠢᠷᠭᠠᠯ | | | ᠬᠠᠬᠢᠷ ᠬᠦᠢᠲᠡᠨ ᠵᠢᠬᠡᠭᠦᠨ ᠵᠢᠪᠡᠷ ᠬᠠᠴᠠᠷ ᠢ ᠵᠦᠰᠦᠵᠦ ᠬᠠᠤᠭᠢᠬᠤ ᠰᠠᠯᠬᠢᠨ ᠳᠤ ᠴᠠᠰᠤ ᠪᠤᠷᠠᠨᠠ | ᠬᠠᠷᠠᠭᠠᠨ ᠤ ᠦᠵᠦᠭᠦᠷ ᠰᠢᠭᠤᠷᠭᠠ ᠳᠤᠭᠰᠢᠷᠠᠵᠤ ᠬᠠᠮᠤᠭ ᠠᠮᠢᠲᠠᠨ ᠨᠦᠮᠦᠷᠢ ᠬᠤᠷᠭᠤᠳᠠᠨᠠ | ᠲᠠᠬᠤ ᠬᠡᠲᠦᠷᠡᠭᠰᠡᠨ ᠠᠳᠤᠭᠤᠴᠢᠨ ᠭᠤᠸᠠᠢ ᠳᠠᠪᠠᠭᠠ ᠶᠢᠨ ᠠᠷᠤ ᠳᠤ ᠳᠦᠷᠦᠭᠡ ᠦᠨᠳᠡᠶᠢᠨᠡ | ᠳᠡᠪᠡᠯ ᠡᠮᠦᠰᠦᠭᠰᠡᠨ ᠬᠤᠨᠢᠴᠢᠨ ᠡᠪᠦᠭᠡᠨ ᠳᠡᠷᠡᠰᠦᠲᠦ ᠶᠢᠨ ᠬᠦᠨᠳᠡᠢ ᠳᠤ ᠰᠦᠷᠦᠭ ᠬᠤᠮᠢᠨᠠ᠃ | | | ᠬᠡᠪᠲᠡᠷᠢ ᠬᠠᠭᠤᠷᠠᠶᠢᠯᠠᠭᠰᠠᠨ ᠪᠤᠭᠤᠷᠤᠯ ᠡᠵᠢ ᠬᠡᠷᠡᠮ ᠤᠨ ᠴᠠᠰᠤ ᠶᠢ ᠡᠭᠦᠷᠴᠦ ᠶᠠᠭᠠᠷᠠᠨᠠ | ᠬᠦᠷᠵᠡᠩ ᠳᠡᠪᠢᠰᠬᠦ ᠵᠠᠯᠠᠭᠤ ᠪᠦᠰᠡᠭᠦᠢ ᠬᠦᠯᠦᠰᠦ ᠤᠷᠤᠰᠬᠠᠨ ᠱᠠᠯᠠᠮᠠᠭᠠᠢ ᠪᠤᠰᠢᠭᠤᠯᠠᠨᠠ | ᠤᠲᠤᠷ ᠤᠨ ᠵᠠᠮ ᠢᠶᠠᠷ ᠬᠦᠰᠭᠡ ᠬᠦᠲᠦᠯᠵᠦ ᠶᠠᠳᠠᠷ ᠰᠦᠷᠦᠭ ᠲᠤ ᠬᠦᠨᠡᠰᠦ ᠬᠦᠷᠭᠡᠨᠡ | ᠤᠴᠠᠷᠠᠭᠰᠠᠨ ᠬᠤᠶᠠᠷ ᠬᠡᠯᠡᠯᠴᠡᠬᠦ ᠵᠠᠪ ᠦᠭᠡᠢ ᠤᠷᠲᠤ ᠬᠤᠶᠢᠲᠦ ᠪᠠᠭᠤᠴᠠ ᠶᠢ ᠴᠢᠭᠯᠡᠨᠡ᠃ | | | ᠴᠠᠰᠤ ᠲᠠᠢ ᠡᠪᠦᠯ ᠤᠨ ᠬᠦᠳᠡᠭᠡ ᠴᠠᠩᠳᠤᠭᠰᠠᠨ ᠲᠠᠯᠠ ᠲᠠᠢ ᠪᠠᠨ ᠬᠠᠬᠢᠷᠤᠨᠠ | ᠴᠢᠳᠠᠯ ᠰᠢᠯᠭᠠᠬᠤ ᠤᠳᠤᠮᠲᠤ ᠬᠦᠮᠦᠰ ᠤᠵᠠᠭᠤᠷ ᠲᠡᠤᠬᠡ ᠶᠢᠨ ᠬᠦᠢ ᠵᠠᠯᠭᠠᠨᠠ᠃ | |