| ᠴᠠᠰᠤ ᠵᠢᠷᠤᠭᠯᠠᠬᠤᠢ | ᠨᠠ᠊ · ᠵᠢᠷᠭᠠᠯ | | | ᠤᠯᠠᠷᠢᠯ ᠤᠨ ᠵᠢᠮᠡ ᠪᠠᠷ ᠢᠶᠠᠨ ᠤᠭᠲᠤᠵᠤ ᠢᠷᠡᠭᠰᠡᠨ ᠡᠪᠦᠯ ᠤᠨ ᠡᠬᠢᠨ ᠤ ᠬᠦᠷ ᠴᠠᠰᠤ ᠮᠢᠨᠤ | ᠤᠷᠢᠳᠤ ᠴᠠᠭ ᠤᠨ ᠦᠯᠢᠭᠡᠷ ᠳᠣᠮᠤᠭ ᠢ ᠬᠠᠭᠤᠴᠢᠯᠠᠭᠤᠯᠬᠤ ᠪᠡᠯᠭᠡᠲᠦ ᠠᠷᠢᠭᠤᠨ ᠷᠠᠰᠢᠶᠠᠨ ᠪᠢᠯᠡ | ᠤᠮᠳᠠᠭᠠᠰᠤᠭᠰᠠᠨ ᠬᠦᠷᠦᠰᠦ ᠲᠠᠴᠢᠷᠳᠠᠭᠰᠠᠨ ᠪᠠᠶᠢᠭᠠᠯᠢ ᠶᠢᠨ ᠴᠠᠩᠬᠠᠭᠠ ᠶᠢ ᠲᠠᠶᠢᠯᠬᠤ ᠰᠢᠮᠡ | ᠤᠷᠤᠰᠬᠠᠯ ᠭᠤᠷᠤᠬᠠ ᠨᠠᠭᠤᠷ ᠪᠦᠷᠢᠲᠦ ᠳᠤ ᠨᠡᠮᠡᠷᠢᠯᠡᠬᠦ ᠲᠡᠭᠷᠢ ᠶᠢᠨ ᠢᠪᠡᠭᠡᠯᠲᠦ ᠠᠳᠢᠰᠯᠠᠯ ᠪᠢᠯᠡ᠃ | | | ᠤᠲᠤᠭᠠ ᠤᠨᠢᠶᠠᠷ ᠮᠠᠨᠠᠨ ᠪᠤᠳᠠᠩ ᠪᠦᠬᠦᠨ ᠢ ᠦᠯᠳᠡᠨ ᠳᠠᠷᠤᠭᠰᠠᠨ ᠴᠡᠪᠡᠷ ᠰᠠᠶᠢᠬᠠᠨ ᠠᠮᠢᠰᠬᠤᠯ | ᠤᠳᠠᠭᠠᠨ ᠬᠤᠨᠤᠭ ᠤᠨ ᠰᠢᠷᠬᠠ ᠰᠤᠷᠪᠢ ᠶᠢ ᠢᠯᠪᠢᠨ ᠠᠨᠠᠭᠠᠬᠤ ᠡᠬᠡ ᠭᠠᠵᠠᠷ ᠤᠨ ᠮᠢᠨᠢ ᠠᠮᠢᠵᠢᠷᠠᠯ | ᠤᠷᠳᠤ ᠠᠭᠤᠯᠠ ᠠᠷᠤ ᠶᠢᠨ ᠬᠠᠶᠢᠷᠬᠠᠨ ᠮᠢᠨᠢ ᠮᠦᠩᠭᠦᠨ ᠬᠤᠶᠠᠭ ᠬᠡᠳᠦᠷᠡᠭᠡᠳ ᠠᠳᠠᠪᠠᠰᠢ ᠭᠤᠶᠤᠮᠰᠤᠭ | ᠤᠳᠠ ᠬᠠᠶᠢᠯᠠᠰᠤ ᠶᠢᠨ ᠪᠠᠭᠰᠤᠷᠭᠠ ᠴᠡᠴᠡᠭ ᠨᠢ ᠤᠤᠭᠠᠯ ᠪᠠᠶᠢᠭᠠᠯᠢ ᠶᠢᠨ ᠳᠠᠷᠬᠠᠨ ᠰᠦᠷ ᠪᠠᠳᠠᠷᠠᠩᠭᠤᠢ᠃ | | | ᠬᠡᠳᠦᠨ ᠵᠢᠯ ᠢᠶᠠᠷ ᠢᠶᠠᠨ ᠬᠡᠪᠡᠯᠢ ᠰᠢᠷᠭᠢᠭᠡᠭᠰᠡᠨ ᠬᠠᠭᠤᠴᠢᠨ ᠠᠷᠠᠯ ᠴᠠᠰᠤᠨ ᠤ ᠪᠦᠪᠡᠶᠢᠯᠡᠯ ᠢᠶᠠᠷ ᠮᠢᠷᠠᠯᠵᠠᠵᠤ | ᠬᠡᠪ ᠢᠶᠠᠨ ᠠᠯᠳᠠᠭᠰᠠᠨ ᠲᠠᠯᠠ ᠬᠦᠳᠡᠭᠡ ᠶᠢᠨ ᠠᠩ ᠴᠠᠪᠠ ᠴᠠᠰᠤᠨ ᠤ ᠭᠤᠶᠤᠯᠠᠯ ᠢᠶᠠᠷ ᠡᠵᠡᠭᠦᠢ ᠨᠡᠯᠦᠶᠢᠵᠤ | ᠬᠡᠭᠵᠡᠷᠡᠭᠰᠡᠨ ᠰᠢᠯᠢ ᠶᠢᠨ ᠬᠠᠭᠰᠠᠷᠠᠭᠰᠠᠨ ᠬᠤᠵᠤᠤᠯᠠ ᠴᠠᠰᠤᠨ ᠤ ᠬᠤᠴᠢᠯᠭᠠ ᠪᠠᠷ ᠨᠠᠮ ᠳᠤᠭᠤᠢ ᠠᠨᠢᠵᠤ | ᠬᠡᠮᠡᠯᠢᠭᠳᠡᠭᠰᠡᠨ ᠵᠤ ᠶᠢᠨ ᠬᠤᠰᠠᠷᠠᠭᠰᠠᠨ ᠦᠵᠢᠯ ᠴᠠᠰᠤᠨ ᠤ ᠠᠨᠢᠷ ᠢᠶᠠᠷ ᠲᠠᠶᠢᠪᠤᠭᠤᠨ ᠵᠡᠭᠦᠳᠦ ᠮᠠᠨᠠᠬᠤᠢ᠃ | | | ᠬᠦᠯ ᠦᠭᠡᠢ ᠲᠣᠭᠤᠰᠤᠨ ᠤ ᠠᠮᠠᠭᠠᠢ ᠦᠭᠡᠢ ᠳᠤᠪᠲᠤᠯᠤᠭᠠ ᠶᠢ ᠯᠠᠪᠰᠠᠯᠠᠬᠤ ᠴᠠᠰᠤ ᠠᠶᠠᠲᠠᠶᠢᠬᠠᠨ ᠥᠷᠦᠭᠡᠯᠳᠡᠵᠦ | ᠬᠦᠵᠦᠭᠦᠦ ᠦᠭᠡᠢ ᠰᠠᠯᠬᠢᠨ ᠤ ᠵᠢᠯᠤᠭᠤ ᠦᠭᠡᠢ ᠰᠢᠯᠪᠢᠭᠦᠷᠳᠡᠬᠦ ᠶᠢ ᠵᠦᠭᠡᠯᠡᠨ ᠴᠠᠰᠤ ᠪᠡᠯᠴᠢᠭᠡᠷ ᠲᠤ ᠨᠢ ᠴᠣᠮᠤᠵᠤ | ᠬᠦᠬᠡᠷᠡᠬᠦ ᠴᠠᠭ ᠤᠨ ᠠᠮᠢᠰᠬᠤᠯ ᠢᠶᠠᠷ ᠲᠦᠮᠡᠨ ᠤᠷᠭᠤᠮᠠᠯ ᠴᠠᠰᠤᠨ ᠤ ᠳᠤᠤᠷᠠ ᠬᠤᠨᠤᠭ ᠲᠤᠭᠠᠯᠠᠨ ᠢᠴᠡᠭᠡᠯᠡᠵᠦ | ᠬᠦᠬᠡᠮᠳᠦᠭ ᠠᠭᠤᠯᠠᠰ ᠤᠨ ᠮᠢᠨᠢ ᠮᠦᠩᠭᠦᠨ ᠰᠠᠷᠢᠳᠠᠭ ᠤᠷᠭᠢᠯ ᠳᠡᠯᠡᠭᠡᠢ ᠶᠢ ᠪᠠᠷᠠᠯᠠᠵᠤ ᠰᠦᠷᠯᠢᠭ ᠰᠦᠨᠳᠡᠷᠯᠡᠬᠦᠢ᠃ | | | ᠰᠠᠷᠠᠪᠴᠢᠨ ᠤ ᠲᠠᠭᠲᠠᠭᠠ ᠵᠢᠭᠦᠷ ᠢᠶᠠᠨ ᠰᠡᠭᠰᠦᠷᠦᠨ ᠮᠤᠳᠤᠳ ᠤᠨ ᠦᠵᠡᠮᠵᠢ ᠶᠢ ᠪᠠᠭ᠋ᠠᠷᠬᠠᠨ ᠳᠠᠭᠤᠯᠠᠯᠳᠤᠵᠤ | ᠰᠡᠯᠡᠭᠦᠳᠡᠭᠰᠡᠨ ᠱᠠᠭᠠᠵᠠᠭᠠᠢ ᠤᠯᠢᠶᠠᠰᠤᠨ ᠤ ᠰᠠᠯᠠᠭᠠᠨ ᠳᠤ ᠴᠤᠭᠯᠠᠷᠠᠨ ᠬᠤᠷᠠᠭᠰᠠᠨ ᠴᠠᠰᠤ ᠶᠢ ᠱᠠᠭᠰᠢᠯᠳᠤᠵᠤ | ᠰᠠᠯᠬᠢᠨ ᠳᠤ ᠰᠢᠭᠤᠷᠠᠬᠤ ᠬᠦᠮᠦᠨ ᠬᠠᠷᠠ ᠲᠤᠯᠤᠭᠠᠶᠢᠲᠠᠳ ᠤᠨ ᠪᠠᠷᠠ ᠶᠢ ᠰᠡᠮᠡᠭᠡᠷ ᠱᠤᠯᠤᠭᠠᠨᠠᠨ ᠱᠤᠭᠯᠠᠯᠳᠤᠵᠤ | ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠬᠤᠷᠠ ᠴᠠᠰᠤ ᠲᠠᠢ ᠪᠠᠨ ᠪᠦᠲᠦᠨ ᠤᠷᠤᠰᠢᠬᠤ ᠶᠢᠨ ᠦᠯᠵᠡᠶᠢᠲᠦ ᠬᠡᠰᠢᠭ ᠢ ᠪᠡᠯᠭᠡᠳᠡᠬᠦᠢ᠃ | | | ᠬᠦᠯᠳᠡᠭᠦᠰᠦ ᠴᠣᠬᠤᠬᠤ ᠡᠪᠦᠭᠡᠳ ᠤᠨ ᠠᠯᠬᠤᠭᠠ ᠬᠤᠯᠠ ᠶᠢᠨ ᠬᠤᠯᠠ ᠠᠴᠠ ᠰᠠᠭᠤᠷᠢᠰᠢᠯ ᠵᠦᠭ ᠢᠶᠠᠨ ᠠᠶᠠᠷ ᠲᠦᠬᠦᠵᠦ | ᠬᠦᠯ ᠳᠡᠪᠢᠰᠦᠭᠦᠯᠬᠢᠯᠡᠬᠦ ᠠᠶᠢᠯ ᠤᠨ ᠬᠡᠤᠬᠡᠳ ᠢᠳᠡᠰᠢ ᠪᠠᠨ ᠪᠠᠵᠠᠭᠠᠬᠤ ᠰᠠᠭᠠᠬᠠᠯᠲᠠ ᠶᠢᠨ ᠡᠭᠦᠳᠡᠨ ᠳᠤ ᠪᠦᠭᠡᠮᠨᠡᠷᠡᠯᠳᠦᠵᠦ | ᠬᠦᠷᠡᠯᠳᠡᠢ ᠱᠤᠩᠬᠤᠷ ᠬᠤᠲᠠᠴᠢ ᠬᠠᠯᠲᠠᠷ ᠠᠯᠤᠰ ᠤᠨ ᠴᠢᠮᠡᠭᠡ ᠪᠠᠷ ᠠᠩ ᠤᠨ ᠴᠤᠪᠤᠭᠠ ᠶᠢ ᠦᠨᠦᠷᠯᠡᠨ ᠬᠡᠶᠢᠷᠬᠡᠯᠳᠦᠵᠦ | ᠬᠦᠳᠡᠭᠡ ᠶᠢᠨ ᠬᠦᠮᠦᠨ ᠤ ᠡᠪᠦᠯᠵᠢᠶᠡ ᠶᠢᠨ ᠠᠶᠠᠨ ᠴᠤ ᠴᠠᠰᠤ ᠲᠠᠢ ᠪᠠᠨ ᠴᠤᠭ ᠢᠶᠠᠷ ᠰᠢᠨᠡ ᠡᠳᠦᠷ ᠢ ᠪᠠᠨ ᠤᠭᠲᠤᠬᠤᠢ᠃ | | | ᠬᠠᠷᠠᠭᠠᠨ ᠤ ᠡᠮᠦᠨᠡ ᠡᠩ ᠦᠭᠡᠢ ᠠᠭᠤᠳᠠᠮ ᠮᠦᠩᠭᠦᠨ ᠶᠢᠷᠲᠢᠨᠴᠦ ᠶᠢᠨ ᠵᠢᠷᠤᠭ ᠤᠨ ᠦᠵᠡᠰᠭᠦᠯᠡᠩ ᠳᠡᠯᠭᠡᠵᠦ | ᠬᠠᠴᠢᠨ ᠤᠷᠠᠯᠠᠯ ᠶᠠᠩᠵᠤ ᠶᠢᠨ ᠴᠡᠴᠡᠭᠡᠰ ᠡᠪᠡᠰᠦ ᠤᠷᠭᠤᠮᠠᠯ ᠪᠦᠬᠦᠨ ᠢ ᠲᠡᠭᠷᠢ ᠶᠢᠨ ᠬᠤᠷᠠ ᠪᠠᠷ ᠠᠷᠢᠭᠤᠰᠬᠠᠵᠤ | ᠬᠦᠳᠦᠰᠦᠨ ᠳᠡᠭᠡᠷᠡ ᠳᠤᠰᠬᠤ ᠳᠤ ᠤᠰᠤ ᠴᠤ ᠬᠦᠷᠦᠰᠦᠨ ᠳᠡᠭᠡᠷᠡ ᠲᠤᠰᠬᠤ ᠳᠤ ᠲᠤᠰᠤ ᠭᠡᠬᠦ ᠠᠷᠠᠳ ᠤᠨ ᠦᠭᠡ | ᠬᠦᠰᠡᠯ ᠤᠨ ᠳᠠᠭᠤᠤ ᠪᠠᠷ ᠬᠠᠪᠤᠷ ᠢ ᠤᠭᠲᠤᠬᠤ ᠬᠦᠬᠡᠭᠡ ᠡᠪᠦᠯ ᠤᠨ ᠬᠠᠭᠳᠠ ᠳᠤ ᠬᠠᠶᠢᠷᠠᠯᠠᠭᠰᠠᠨ ᠦᠨᠡᠲᠦ ᠪᠡᠯᠡᠭ᠃ | | | ᠴᠠᠭ ᠤᠨ ᠬᠦᠷᠳᠦ ᠪᠠᠷ ᠢᠶᠠᠨ ᠠᠶᠢᠯᠴᠢᠯᠠᠬᠤ ᠬᠦᠷ ᠴᠠᠰᠤ ᠴᠢᠯᠡᠭᠡ ᠪᠠᠨ ᠲᠠᠯᠪᠢᠭᠤᠷᠠᠲᠠᠯᠠ ᠯᠠᠪᠰᠠᠯᠠᠬᠤ ᠶᠢ ᠪᠠᠭ᠋ᠠᠷᠬᠠᠵᠤ | ᠴᠢᠭᠢᠭ ᠬᠤᠷᠠ ᠲᠠᠢ ᠴᠡᠪᠡᠷ ᠠᠷᠢᠭᠤᠨ ᠠᠮᠢᠰᠬᠤᠯ ᠳᠤ ᠠᠮᠢᠲᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠠᠮᠤᠭᠤᠯᠠᠩ ᠲᠠᠭᠠᠲᠠᠢ ᠡᠪᠦᠯᠵᠢᠵᠦ | ᠴᠠᠰᠤ ᠵᠤᠭᠰᠤᠯ ᠦᠭᠡᠢ ᠤᠷᠤᠭᠠᠰᠠᠢ ᠯᠠ ᠭᠡᠵᠦ ᠬᠡᠴᠢᠨᠡᠨ ᠵᠢᠯ ᠤᠨ ᠬᠠᠭᠰᠠᠷᠠᠭᠰᠠᠨ ᠭᠠᠴᠢᠭ ᠢ ᠪᠠᠨ ᠭᠦᠨ ᠨᠠᠮᠠᠨᠴᠢᠯᠠᠵᠤ | ᠴᠡᠴᠡᠭ ᠮᠦᠰᠢᠶᠡᠵᠦ ᠵᠢᠭᠦᠷᠲᠡᠨ ᠪᠦᠵᠢᠭᠯᠡᠬᠦ ᠶᠢᠨ ᠦᠨᠢᠷ ᠲᠠᠩᠰᠤᠭ ᠡᠷᠢᠨ ᠳᠤ ᠬᠠᠨ ᠳᠡᠯᠡᠬᠡᠢ ᠮᠢᠨᠢ ᠪᠠᠶᠠᠰᠤᠨ ᠵᠢᠷᠭᠠᠨᠠᠮ᠃ | |