ᠨᠢᠳᠦᠨᠦᠨ ᠤ 12 ᠳ᠋ᠤᠭᠠᠷ ᠰᠠᠷᠠ ᠶᠢᠨ 15 ᠤ ᠡᠳᠦᠷ᠂ ᠲᠡᠭ ᠠᠴᠠ ᠲᠤᠷᠤᠭᠰᠢ ᠭᠤᠴᠢᠨ ᠭᠷᠠᠳᠦ᠋ᠰ ᠤᠨ ᠬᠦᠢᠳᠡᠨ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠬᠡᠰᠢᠭᠳᠡᠨ | ᠨᠤᠳᠤᠭ ᠲᠤ ᠴᠠᠭᠠᠨ ᠰᠢᠭᠤᠷᠭᠠᠨ ᠳᠡᠭᠳᠡᠪᠡ᠃ ᠠᠶᠠᠯᠠᠨ ᠵᠤᠭᠠᠴᠠᠭᠴᠢ ᠪᠡ᠊ ᠭᠤᠸᠠᠢ ᠠᠰᠬᠠᠳᠤ ᠵᠦᠭ ᠠᠶᠠᠯᠠᠨ ᠶᠠᠪᠤᠵᠤ ᠪᠠᠶᠢᠭᠠᠳ ᠰᠠᠨᠠᠮᠰᠠᠷ ᠦᠭᠡᠢ ᠲᠡᠷᠭᠡ ᠨᠢ | ᠵᠠᠮ ᠤᠨ ᠬᠠᠵᠠᠭᠤᠳᠡᠬᠢ ᠴᠠᠰᠤ ᠬᠤᠷᠠᠭᠰᠠᠨ ᠭᠤᠤ ᠳᠤ ᠬᠠᠯᠳᠤᠷᠢᠨ ᠤᠷᠤᠵᠤ ᠬᠡᠴᠢᠨᠡᠨ ᠨᠤᠴᠤᠯᠳᠤᠭᠰᠠᠨ ᠴᠤ ᠲᠡᠷᠭᠡ ᠪᠠᠨ ᠭᠠᠷᠭᠠᠵᠤ ᠲᠡᠶᠢᠯᠡᠬᠦ ᠦᠭᠡᠢ ᠪᠤᠯᠴᠢᠬᠠᠪᠠ᠃ | ᠲᠡᠷᠡ ᠠᠷᠭᠠ ᠪᠠᠷᠠᠭᠳᠠᠵᠤ ᠰᠠᠶᠢᠨ ᠠᠨᠳᠠ ᠳᠤ ᠪᠠᠨ ᠤᠳᠠᠰᠤ ᠠᠪᠤᠭᠠᠳ ᠪᠠᠶᠢᠳᠠᠯ ᠢᠶᠠᠨ ᠬᠡᠯᠡᠭᠰᠡᠨ ᠳᠤ᠂ ᠲᠤᠰᠠᠯᠠᠬᠤ ᠪᠠᠷ ᠢᠷᠡᠬᠦ ᠵᠠᠮ ᠳᠤ ᠪᠠᠨ ᠰᠠᠶᠢᠨ ᠠᠨᠳᠠ ᠨᠢ | ᠪᠠᠰᠠ ᠴᠠᠰᠤᠨ ᠳᠤ ᠬᠠᠰᠢᠭᠳᠠᠵᠠᠢ᠃ ᠡᠴᠤᠰ ᠲᠤ ᠪᠠᠨ ᠲᠡᠷᠡ 110 ᠳᠤ ᠤᠳᠠᠰᠤᠳᠠᠵᠤ ᠲᠤᠰᠠᠯᠠᠮᠵᠢ ᠭᠤᠶᠤᠪᠠ᠃ | | | | ᠡᠨᠡ ᠬᠦ ᠵᠠᠮ ᠠᠴᠠ ᠬᠠᠮᠤᠭ ᠤᠶᠢᠷᠠ ᠪᠠᠶᠢᠳᠠᠭ ᠬᠤᠨᠭ᠍ᠭᠤ ᠶᠢᠨ ᠲᠠᠪᠠᠭᠠ ᠶᠢᠨ ᠲᠤᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠶᠢᠨ ᠴᠠᠭᠳᠠᠭᠠ ᠯᠢ ᠶᠦᠨ ᠹᠸᠡᠭ ᠬᠠᠪᠰᠤᠷᠤᠭᠴᠢ | ᠴᠠᠭᠳᠠᠭᠠ ᠲᠢᠶᠠᠨ ᠯᠢ ᠵᠢᠶᠧ ᠬᠠᠮᠳᠤᠪᠠᠷ ᠲᠠᠷᠤᠢ ᠲᠦᠷᠭᠡᠨ ᠬᠦᠷᠵᠡ ᠴᠠᠷᠢᠯ᠂ ᠲᠡᠭᠡᠰᠦ ᠪᠡᠯᠡᠳᠬᠡᠵᠦ ᠲᠡᠷᠭᠡ ᠬᠠᠰᠢᠭᠳᠠᠭᠰᠠᠨ ᠭᠠᠵᠠᠷ ᠲᠤ ᠬᠦᠷᠴᠦ ᠢᠷᠡᠯᠡ᠃ | ᠲᠤᠰᠠᠯᠠᠮᠵᠢ ᠦᠵᠡᠭᠦᠯᠬᠦ ᠪᠠᠷ ᠢᠷᠡᠭᠰᠡᠨ ᠬᠤᠶᠠᠷ ᠴᠠᠭᠳᠠᠭᠠ ᠶᠢ ᠬᠦᠷᠬᠦ ᠳᠤ ᠲᠡᠷᠭᠡᠨ ᠵᠢᠯᠤᠭᠤᠴᠢ ᠨᠢ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠦ ᠭᠠᠷᠴᠤ ᠲᠡᠶᠢᠯᠬᠦ ᠦᠭᠡᠢ ᠲᠡᠷᠭᠡᠨ | ᠲᠤᠳᠤᠷᠠ ᠪᠠᠨ ᠬᠠᠰᠢᠭᠳᠠᠭᠰᠠᠨ ᠪᠠᠶᠢᠯᠠ᠃ ᠬᠤᠶᠠᠷ ᠴᠠᠭᠳᠠᠭᠠ ᠨᠢᠭᠡ ᠲᠠᠯᠠ ᠪᠠᠷ ᠲᠡᠷᠭᠡᠨ ᠡᠭᠦᠳᠡᠨ ᠤ ᠬᠠᠪᠢ ᠶᠢᠨ ᠴᠠᠰᠤ ᠶᠢ ᠠᠷᠢᠯᠭᠠᠵᠤ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ | ᠬᠤᠨᠭ᠍ᠭᠤ ᠤᠢ ᠰᠢᠭᠤᠢ ᠶᠢᠨ ᠲᠠᠯᠠᠪᠠᠢ ᠲᠠᠢ ᠬᠠᠷᠢᠯᠴᠠᠵᠤ ᠶᠡᠭᠡ ᠬᠦᠴᠦᠨ ᠤ ᠲᠷᠠᠺᠲ᠋ᠣᠷ ᠲᠠᠭᠤᠳᠠᠭᠤᠯᠵᠤ ᠲᠡᠷᠭᠡ ᠶᠢ ᠨᠢ ᠲᠠᠳᠠᠵᠤ ᠦᠭᠭᠦ ᠶᠢ ᠭᠤᠶᠤᠴᠢᠯᠠᠪᠠ᠃ ᠬᠤᠶᠠᠷ | ᠴᠠᠭᠳᠠᠭᠠ ᠬᠤᠶᠠᠷ ᠴᠠᠭ ᠬᠢᠷᠢᠳᠠᠢ ᠠᠵᠢᠯᠯᠠᠵᠤ ᠲᠡᠷᠭᠡᠨ ᠬᠠᠪᠢ ᠶᠢᠨ ᠴᠠᠰᠤ ᠶᠢ ᠦᠨᠳᠦᠰᠦᠨ ᠳᠤ ᠪᠠᠨ ᠠᠷᠢᠯᠭᠠᠭᠰᠠᠨ ᠴᠤ ᠬᠡᠳᠦᠨ ᠬᠡᠰᠡᠭ ᠲᠤᠮᠤ ᠴᠢᠯᠠᠭᠤ ᠨᠢ | ᠲᠡᠷᠭᠡ ᠬᠦᠳᠡᠯᠬᠦ ᠶᠢ ᠬᠠᠷᠰᠢᠯᠠᠵᠤ ᠪᠠᠶᠢᠯᠠ᠃ | | | | ᠬᠦᠢᠳᠡᠨ ᠤ ᠡᠷᠴᠢ ᠤᠯᠠᠮ ᠴᠢᠩᠭᠠᠷᠠᠵᠤ ᠬᠡᠳᠦᠬᠡᠨ ᠮᠢᠨᠦ᠋ᠲ ᠴᠠᠰᠤ ᠮᠠᠯᠳᠠᠬᠤ ᠳᠤ ᠴᠢᠷᠠᠢ ᠨᠢᠭᠤᠷ ᠪᠠ ᠭᠠᠷ ᠨᠢ ᠵᠢᠮᠵᠢᠭᠢᠨᠡᠵᠦ᠂ ᠦᠨᠡᠬᠡᠷ ᠠᠷᠭᠠ | ᠪᠠᠷᠠᠭᠳᠠᠭᠤᠯᠤᠨᠠ᠃ ᠭᠡᠪᠡᠴᠦ ᠵᠢᠯᠤᠭᠤᠴᠢ ᠶᠢ ᠠᠪᠤᠷᠠᠵᠦ ᠭᠠᠷᠭᠠᠬᠤ ᠨᠢ ᠲᠡᠷᠢᠭᠦᠨ ᠴᠢᠬᠤᠯᠠ ᠲᠤᠯᠠ ᠬᠤᠶᠠᠷ ᠴᠠᠭᠳᠠᠭᠠ ᠬᠦᠢᠳᠡᠨ ᠴᠠᠰᠤ ᠪᠠᠷ ᠨᠢᠭᠤᠷ ᠭᠠᠷ ᠢᠶᠠᠨ | ᠨᠤᠬᠤᠯᠠᠵᠤ ᠲᠠᠬᠢᠨ ᠲᠠᠬᠢᠨ ᠠᠮᠢᠰᠬᠤᠵᠤ ᠪᠠᠶᠢᠭᠠᠳ ᠮᠠᠯᠳᠠᠨᠠ᠃ ᠲᠡᠷᠭᠡᠨ ᠵᠢᠯᠤᠭᠤᠴᠢ ᠪᠠ᠊ ᠭᠤᠸᠠᠢ ᠠᠮᠤᠷ ᠮᠡᠨᠳᠤ ᠪᠠᠷ ᠠᠪᠤᠷᠠᠭᠳᠠᠨ ᠭᠠᠷᠴᠦ ᠰᠡᠳᠬᠢᠯ ᠬᠦᠳᠡᠯᠦᠨ | ︽ᠠᠷᠠᠳ ᠤᠨ ᠴᠠᠭᠳᠠᠭᠠ ᠨᠠᠷ ᠪᠠᠶᠢᠭᠰᠠᠨ ᠠᠴᠠ ᠠᠮᠤᠷ ᠮᠡᠨᠳᠦᠬᠡᠨ ᠭᠠᠷᠴᠦ ᠢᠷᠡᠯᠡ᠂ ᠲᠠᠨᠠᠷ ᠦᠭᠡᠢ ᠪᠤᠯ ᠪᠢ ᠴᠤᠬᠤᠮ ᠶᠠᠮᠠᠷ ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ ᠪᠠᠨ ᠮᠡᠳᠡᠬᠦ | ᠦᠭᠡᠢ ᠰᠢᠦ᠂ ᠲᠡᠷᠡ ᠴᠠᠰᠤ ᠰᠢᠭᠤᠷᠭᠠᠨ ᠲᠤᠮᠳᠠ ᠴᠠᠰᠤ ᠮᠠᠯᠳᠠᠵᠤ ᠪᠠᠶᠢᠬᠤ ᠶᠢ ᠴᠢᠨᠢ ᠬᠠᠷᠠᠭᠠᠳ ᠮᠢᠨᠤ ᠵᠢᠷᠦᠬᠡ ᠰᠡᠳᠬᠢᠯ ᠴᠤ ᠰᠢᠮᠰᠢᠷᠡᠨ ᠡᠪᠡᠳᠴᠦ ᠪᠠᠶᠢᠯᠠ᠂ ᠲᠠᠨᠠᠷ | ᠪᠤᠯ ᠮᠢᠨᠤ ᠠᠮᠢ ᠶᠢ ᠠᠪᠤᠷᠠᠭᠰᠠᠨ ᠠᠴᠢᠳᠡᠨ︾ ᠬᠡᠮᠡᠨ ᠴᠠᠭᠳᠠᠭᠠ ᠶᠢᠨ ᠭᠠᠷ ᠢ ᠴᠢᠩᠭᠠ ᠠᠴᠠ ᠴᠢᠩᠭᠠ ᠠᠳᠬᠤᠨᠠ᠃ | | | | ᠬᠤᠨᠭ᠍ᠭᠤ ᠶᠢᠨ ᠲᠠᠪᠠᠭᠠ ᠪᠤᠯ ᠬᠢᠨᠭ᠍ᠭᠠᠨ ᠲᠠᠪᠠᠭᠠ ᠶᠢᠨ ᠬᠠᠮᠤᠭ ᠦᠨᠳᠦᠷ ᠤᠷᠬᠢᠯ ᠬᠡᠰᠡᠭ ᠪᠤᠯᠬᠤ ᠪᠦᠭᠡᠳ ᠡᠪᠦᠯ ᠵᠤᠨ ᠤ ᠦᠵᠡᠮᠵᠢ ᠬᠤᠪᠢ ᠶᠢᠨ ᠭᠠᠳᠠᠨᠠ | ᠭᠤᠶᠤᠮᠰᠤᠭ ᠪᠠᠶᠢᠳᠠᠭ ᠠᠴᠠ ᠠᠳᠡ ᠵᠤᠭᠠᠴᠠᠨ ᠲᠤᠭᠤᠷᠢᠬᠤ ᠬᠦᠮᠦᠰ ᠲᠠᠰᠤᠷᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠠᠭᠤᠯᠠ ᠨᠢᠷᠤᠭᠤᠳ ᠦᠨᠳᠦᠷ ᠤᠴᠢᠷ ᠭᠠᠷ ᠤᠳᠠᠰᠤᠨ | ᠲᠤᠬᠢᠶᠠ ᠲᠤᠶᠢᠯ ᠤᠨ ᠪᠠᠷᠤᠭᠳᠠᠢ ᠪᠠᠶᠢᠵᠦ ᠶᠠᠮᠠᠷ ᠨᠢᠭᠡᠨ ᠠᠳᠡᠯ ᠭᠠᠷᠪᠠᠯ ᠲᠠᠷᠤᠢ ᠲᠦᠷᠭᠡᠨ ᠬᠠᠷᠢᠯᠴᠠᠬᠤ ᠳᠤ ᠲᠦᠪᠡᠭᠳᠡᠢ ᠪᠤᠯᠳᠠᠭ᠂ ᠡᠨᠡ ᠬᠦ ᠪᠠᠶᠢᠳᠠᠯ ᠳᠤ | ᠴᠢᠭᠯᠡᠭᠦᠯᠦᠨ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠ ᠶᠢᠨ ᠬᠤᠨᠭ᠍ᠭᠤ ᠶᠢᠨ ᠲᠠᠪᠠᠭᠠ ᠶᠢᠨ ᠲᠤᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠨᠢ ᠡᠳᠦᠷ ᠪᠦᠷᠢ | ᠠᠭᠤᠯᠠᠨ ᠵᠠᠮ ᠢᠶᠠᠷ ᠴᠠᠭᠳᠠᠨ ᠲᠤᠭᠤᠷᠢᠵᠦ ᠦᠷᠭᠦᠯᠵᠢ ᠠᠷᠠᠳ ᠲᠦᠮᠡᠨ ᠳᠤ ᠲᠦᠭᠦᠮ ᠦᠵᠡᠭᠦᠯᠦᠭᠰᠡᠭᠡᠷ ᠢᠷᠡᠪᠡ᠃ | | ᠮᠡᠳᠡᠭᠡᠯᠡᠭᠴᠢ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠ ᠶᠢᠨ ᠨᠠᠰᠤᠨᠵᠠᠶᠠᠭᠠ | |