ᠥᠪᠥᠷ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠬᠡᠰᠡᠭᠲᠤ ᠪᠠᠢ᠌ᠭᠠ ᠦᠬᠠᠢ ᠬᠤᠳᠠ ᠵᠢ ᠨᠡᠭᠦᠷᠡᠰᠦ ᠵᠢᠨ ᠲᠥᠯᠥᠭᠡ ᠪᠠᠢ᠌ᠭᠤᠯᠵᠤ᠂ ᠨᠡᠭᠦᠷᠡᠰᠦᠪᠠᠷ ᠵᠶ᠋ᠡᠨ ᠨᠡᠷᠡ ᠠᠯᠳᠠᠷᠰᠢᠵᠤ᠂ ᠲᠤᠰ ᠬᠤᠳᠠ ᠵᠢᠨ ᠨᠣᠭᠣᠭ᠋ᠠᠨ ᠥᠩᠭᠡᠨᠢ ᠨᠡᠭᠦᠷᠡᠰᠦᠲᠠᠢᠪᠠᠨ ᠠᠳᠠᠯᠢᠪᠠᠷ ᠨᠡᠷᠡ ᠠᠯᠳᠠᠷᠰᠢᠵᠠᠢ᠃ ᠬᠡᠳᠦᠨ ᠵᠢᠯᠤᠨ ᠡᠮᠦᠨᠡ᠂ ᠲᠡᠨᠳᠡᠬᠢ ᠨᠣᠭᠣᠭ᠋ᠠᠨ ᠥᠩᠭᠡ ᠵᠣᠬᠢᠶᠠᠭᠴᠢᠳᠤ ᠭᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠵᠡᠢ᠃ ᠣᠢ᠌ᠷᠠᠳᠤ᠂ ᠵᠣᠬᠢᠶᠠᠭᠴᠢ ᠳᠠᠬᠢᠨᠲᠠ ᠡᠨᠡ ᠬᠦ᠌ ᠨᠣᠭᠣᠭ᠋ᠠᠨ ᠥᠩᠭᠡ ᠵᠢᠨ ᠶᠢᠷᠲᠢᠨᠴᠦᠪᠠᠷ ᠠᠶᠠᠯᠠᠵᠤ᠂ ᠭᠠᠳᠠᠭ᠋ᠠᠳᠤ ᠶᠢᠷᠲᠢᠨᠴᠦ ᠵᠢᠨ ᠠᠯᠢ ᠤᠯᠠᠨ ᠰᠢᠨᠡ ᠰᠣᠷᠭᠣᠭ ᠮᠡᠳᠡᠯᠭᠡ ᠵᠢ ᠬᠠᠢ᠌ᠨ ᠰᠦᠪᠡᠭᠴᠢᠯᠡᠯᠡ ᠁
ᠦᠬᠠᠢ ᠵᠢᠨ ᠬᠥᠮᠥᠰ ᠠᠮᠢ ᠠᠬᠤᠢ ᠵᠢᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠠᠮᠵᠢᠯᠲᠠ ᠪᠦᠲᠦᠮᠵᠢᠪᠠᠨ ᠢᠩᠭᠢᠵᠦ ᠲᠠᠨᠢᠯᠴᠠᠭᠤᠯᠳᠠᠭ᠄ 1976 ᠣᠨᠳᠤ ᠬᠣᠲᠠ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠡᠬᠢᠨᠤ ᠬᠤᠭᠤᠴᠠᠭ᠋ᠠᠨᠳᠤ᠂ ᠪᠥᠬᠥ ᠬᠣᠲᠠ ᠵᠢᠨ ᠣᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠶ ᠵᠥᠪᠬᠡᠨ 533.3 ᠾᠧᠺᠲ᠋ᠠᠷ ᠪᠠᠢ᠌ᠵᠤ᠂ ᠣᠢ ᠰᠢᠭᠤᠢ ᠵᠢᠨ ᠪᠦᠷᠬᠦᠴᠡ ᠵᠢᠨ ᠨᠣᠷᠮᠠ ᠵᠥᠪᠬᠡᠨ 0.38% ᠪᠠᠶ᠋ᠢᠪᠠ᠃ ᠣᠳᠣᠬᠠᠨᠳᠤ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠪᠠᠢ᠌ᠭᠤᠯᠤᠭᠰᠠᠨ ᠲᠣᠭᠣᠷᠢᠭᠤᠨ ᠨᠣᠭᠣᠭ᠋ᠠᠷᠠᠭᠤᠯᠤᠯᠲᠠ ᠵᠢᠨ ᠪᠦᠷᠬᠦᠴᠡ ᠵᠢᠨ ᠨᠣᠷᠮᠠ 43%ᠳᠤ ᠬᠦᠷᠴᠦ᠂ ᠬᠥᠮᠥᠨ ᠳᠤᠮᠳᠠᠴᠢ ᠵᠢᠨ ᠴᠡᠴᠡᠷᠯᠢᠭᠤᠨ ᠨᠣᠭᠣᠭ᠋ᠠᠷᠠᠭᠤᠯᠤᠯᠲᠠ ᠵᠢᠨ ᠲᠠᠯᠠᠪᠠᠶ 19.5 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷᠲᠤ ᠬᠦᠷᠦᠭᠰᠡᠨ ᠪᠥᠭᠡᠳ ᠤᠷᠢᠳ ᠬᠣᠵᠢᠳ 《ᠪᠥᠬᠥ ᠤᠯᠤᠰᠤᠨ ᠨᠣᠭᠣᠭ᠋ᠠᠷᠠᠭᠤᠯᠤᠯᠲᠠ ᠵᠢᠨ ᠵᠢᠱ᠌ᠢᠶᠡᠴᠢ ᠬᠣᠲᠠ》 《ᠤᠯᠤᠰᠤᠨ ᠴᠡᠴᠡᠷᠯᠢᠭᠤᠨ ᠬᠣᠲᠠ》 ᠵᠢᠨ ᠡᠩᠨᠡᠭᠡᠨᠳᠤ ᠣᠷᠣᠭᠰᠠᠨ ᠪᠠᠢ᠌ᠨᠠ᠃ ᠲᠣᠭᠠ ᠪᠠᠷᠢᠮᠲᠠ ᠵᠢ ᠦᠵᠡᠬᠦᠳᠤ ᠰᠣᠨᠢᠷᠬᠠᠯ ᠦᠭᠡᠢ ᠪᠣᠯᠪᠠᠴᠤ᠂ ᠲᠡᠭᠦᠨᠤ ᠠᠷᠤᠳᠤ ᠬᠠᠷᠢᠨ ᠮᠠᠰᠢ ᠤᠯᠠᠨ ᠬᠥᠮᠥᠨᠢ ᠰᠣᠴᠢᠭ᠋ᠠᠮᠠ ᠪᠠ ᠳᠣᠭᠳᠣᠯᠤᠭᠤᠯᠤᠯ ᠶᠠᠪᠤᠳᠠᠯ ᠠᠭᠤᠯᠵᠤ ᠪᠠᠢ᠌ᠳᠠᠭ᠃
ᠨᠢᠰᠬᠡᠯ ᠳᠡᠭᠡᠷᠡᠠᠴᠠ ᠬᠠᠷᠠᠬᠤᠳᠤ᠂ ᠬᠠᠳᠤᠨ ᠭᠣᠣᠯ ᠬᠤᠳᠠ ᠵᠢᠨ ᠲᠥᠪ ᠵᠶ᠋ᠡᠷ ᠤᠷᠤᠰᠤᠨ ᠥᠩᠭᠡᠷᠡᠨᠡ᠃ ᠬᠤᠳᠠᠨᠢ ᠤᠯᠠᠭ᠋ᠠᠨᠪᠤᠬᠠ᠂ ᠬᠥᠪᠴᠢ᠂ ᠮᠤᠤᠠᠤᠰᠤ ᠵᠡᠷᠭᠡ ᠭᠤᠷᠪᠠᠨ ᠶᠡᠬᠡ ᠡᠯᠡᠰᠦᠨ ᠴᠦᠯᠤᠨ ᠠᠭᠤᠯᠵᠠᠷᠲᠤ ᠪᠠᠢ᠌ᠷᠢᠯᠠᠳᠠᠭ᠂ ᠭᠡᠪᠡᠴᠦ ᠬᠤᠳᠠ ᠵᠢᠨ ᠲᠣᠭᠣᠷᠢᠭ ᠵᠢᠴᠢ ᠲᠡᠭᠦᠨᠤ ᠡᠷᠬᠢᠨ ᠲᠣᠭᠣᠷᠢᠨᠳᠤ ᠬᠠᠷᠢᠨ ᠢᠭᠴᠤ ᠰᠠᠬᠤᠯᠢᠭ ᠨᠣᠮᠢᠨ ᠨᠣᠭᠣᠭ᠋ᠠᠨ ᠮᠣᠳᠣ ᠬᠠᠷᠠᠭᠠ ᠳᠦᠭᠦᠷᠡᠩ ᠬᠥᠬᠡᠷᠡᠨ ᠨᠣᠭᠣᠭ᠋ᠠᠷᠠᠨᠠ᠃ ᠬᠥᠮᠥᠰᠤᠨ ᠦᠵᠡᠯ ᠪᠤᠳᠤᠯ ᠰᠢᠨᠡᠳᠴᠦ᠂ ᠦᠬᠠᠢ ᠬᠤᠳᠠᠨᠢ ᠲᠡᠷᠡ ᠴᠢᠭ ᠵᠶ᠋ᠡᠷ ᠵᠶ᠋ᠡᠨ ᠵᠣᠬᠢᠶᠠᠮᠠᠯ ᠪᠠᠶᠠᠨ ᠪᠦᠷᠢᠳᠦ ᠪᠠᠶ᠋ᠢᠵᠠᠶ᠃ ᠡᠨᠡ ᠬᠦ᠌ ᠨᠣᠭᠣᠭ᠋ᠠᠨ ᠪᠦᠷᠢᠳᠦ ᠵᠡᠭᠦᠨ ᠬᠡᠰᠡᠭᠤᠨ ᠬᠠᠲᠤᠨ ᠭᠣᠣᠯᠤᠨ ᠲᠣᠬᠣᠢ ᠳᠠᠭ᠋ᠠᠤ ᠲᠠᠯᠠ ᠭᠠᠵᠠᠷᠤᠨ ᠨᠣᠭᠣᠭ᠋ᠠᠨ ᠪᠦᠷᠢᠳᠦ ᠵᠢᠨ ᠣᠷᠣᠨᠳᠤ ᠬᠠᠷᠢᠶᠠᠯᠠᠭᠳᠠᠪᠠᠯ ᠵᠣᠬᠢᠨᠠ᠂ ᠤᠤᠯᠨᠢ ᠵᠥᠪᠬᠡᠨ ᠨᠣᠭᠣᠭ᠋ᠠᠨ ᠪᠦᠷᠢᠳᠦ ᠵᠢ ᠢᠦᠢ ᠮᠧᠨ ᠭᠤᠸᠠᠨ ᠪᠣᠭᠣᠮᠲᠠᠠᠴᠠ ᠪᠠᠷᠠᠭᠤᠨᠰᠢ ᠪᠤᠶᠤ ᠴᠡᠢ᠌ᠳᠡᠮᠤᠨ ᠬᠣᠲᠣᠭᠣᠷᠲᠤ ᠪᠠᠢ᠌ᠪᠠᠯ ᠵᠣᠬᠢᠨᠠ ᠭᠡᠵᠦ ᠪᠣᠳᠣᠵᠤ ᠪᠠᠶ᠋ᠢᠵᠠᠶ᠂ ᠥᠨᠥ ᠨᠢᠳᠦᠨ ᠡᠮᠦᠨᠡ ᠲᠣᠳᠣᠷᠠᠵᠤ᠂ ᠪᠢᠳᠡᠨᠠᠴᠠ ᠡᠢ᠌ᠮᠦ ᠯᠡ ᠣᠶ᠋ᠢᠷᠠᠬᠠᠨ ᠪᠠᠢ᠌ᠯᠠ᠃
ᠥᠷᠯᠥᠭᠡ ᠡᠷᠲᠡ ᠵᠣᠬᠢᠶᠠᠭᠴᠢ ᠣᠢ ᠮᠣᠳᠣ ᠨᠣᠭᠣᠭ᠋ᠠᠷᠠᠭᠰᠠᠨ᠂ ᠴᠡᠴᠡᠭ ᠡᠪᠡᠰᠦ ᠢᠭᠴᠤ ᠰᠠᠬᠤᠯᠢᠭ ᠠᠷᠠᠳᠤᠨ ᠴᠡᠴᠡᠷᠯᠢᠭᠲᠤ ᠬᠦᠷᠴᠦ ᠢᠷᠠᠯᠠ᠃ ᠲᠣᠰ ᠴᠡᠴᠡᠷᠯᠢᠭ ᠪᠣᠯ ᠦᠬᠠᠢ ᠵᠢᠨ ᠬᠠᠮᠤᠭᠤᠨ ᠡᠷᠲᠡᠨᠤ ᠪᠥᠭᠡᠳ ᠴᠣᠷᠤᠨ ᠭᠠᠭᠴᠠ ᠰᠣᠨᠢᠷᠬᠠᠬᠤ᠂ ᠠᠮᠠᠷᠠᠬᠤ᠂ ᠪᠡᠶᠡ ᠴᠢᠭᠢᠷᠠᠭᠵᠢᠭᠤᠯᠬᠤ ᠵᠡᠷᠭᠡ ᠵᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠲᠠᠢ ᠵᠠᠳᠠᠭ᠋ᠠᠢ ᠴᠡᠴᠡᠷᠯᠢᠭ ᠪᠣᠯᠣᠨᠠ᠃ ᠨᠣᠭᠣᠭ᠋ᠠᠷᠠᠭᠤᠯᠤᠭᠰᠠᠨ ᠭᠠᠵᠠᠷᠨᠢ ᠴᠡᠴᠡᠷᠯᠢᠭᠤᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠶ ᠵᠢᠨ 70%ᠠᠴᠠ ᠳᠡᠭᠡᠭᠰᠢᠬᠢ ᠵᠢ ᠡᠵᠡᠯᠡᠵᠦ᠂ ᠡᠯᠡ ᠲᠥᠷᠥᠯᠤᠨ ᠲᠤᠷᠤᠭ ᠪᠤᠲᠠ ᠮᠣᠳᠣ ᠵᠢ ᠨᠠᠢ᠌ᠳᠠ 40 ᠭᠠᠷᠤᠢ ᠵᠦᠢ᠍ᠯ ᠳᠠᠷᠢᠵᠠᠢ᠃ ᠥᠨᠳᠥᠷ ᠪᠣᠭᠣᠨᠢᠨᠢ ᠰᠣᠯᠪᠢᠴᠠᠵᠤ᠂ ᠥᠩᠭᠡ ᠪᠤᠳᠤᠭᠨᠢ ᠮᠢᠷᠠᠯᠵᠠᠭᠰᠠᠨ ᠤᠷᠭᠤᠮᠠᠯᠤᠨ ᠪᠦᠯᠦᠭ ᠪᠣᠯᠣᠨ ᠤᠰᠤᠨ ᠳᠡᠭᠡᠷᠡ ᠬᠦᠪᠦᠯᠵᠡᠬᠦ ᠬᠡᠰᠡᠭ ᠬᠡᠰᠡᠭ ᠨᠣᠭᠣᠭ᠋ᠠᠨ ᠯᠢᠩᠬᠤᠠ ᠵᠢᠨ ᠨᠠᠪᠴᠢᠰ ᠡᠦ ᠭᠤᠸᠠᠨ ᠵᠥᠩ ᠠᠪᠤᠭ᠋ᠠᠢ ᠵᠢᠨ ᠪᠢᠷᠤᠨ ᠳᠣᠣᠷᠠᠬᠢ ᠵᠢᠶᠠᠩᠨᠠᠨ ᠣᠷᠣᠨᠢ ᠥᠪᠡᠷᠤᠨ ᠡᠷᠬᠡ ᠦᠭᠡᠢ ᠰᠠᠨᠠᠭ᠋ᠠᠨᠳᠤ ᠣᠷᠣᠭᠤᠯᠤᠨᠠ᠃ ᠬᠠᠮᠲᠤ ᠶᠠᠪᠤᠭᠠ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠨᠠᠢ᠌ᠵᠠ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠶᠠᠷᠢᠨᠠ᠃ ᠦᠬᠠᠢ ᠵᠢᠨ ᠠᠬᠠᠮᠠᠳ ᠨᠢᠭᠡ ᠦᠶᠡ ᠵᠢᠨᠬᠢᠨ ᠡᠨᠡ ᠨᠤᠲᠤᠭᠲᠠᠭᠠᠨ ᠦᠨᠡᠬᠡᠷ ᠬᠠᠢ᠌ᠷᠠ ᠰᠡᠳᠬᠢᠯᠭᠡ ᠭᠦᠨ ᠁
ᠬᠣᠲᠠ ᠵᠢᠨ ᠲᠣᠭᠣᠷᠢᠭᠤᠨ ᠬᠣᠢ᠌ᠭᠤᠷ ᠪᠠᠢ᠌ᠭᠠ ᠤᠷᠭᠤᠮᠠᠯᠤᠨ ᠬᠦᠷᠢᠶᠡᠯᠡᠩᠳᠤ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠬᠠᠮᠤᠭ ᠤᠯᠠᠨ ᠲᠥᠷᠥᠯᠤᠨ ᠤᠷᠭᠤᠮᠠᠯ ᠪᠠᠢ᠌ᠳᠠᠭ᠃ ᠣᠢ᠌ᠯᠠᠭ᠋ᠠᠭᠰᠠᠨ ᠵᠶ᠋ᠠᠷ᠂ ᠴᠡᠴᠡᠷᠯᠢᠭᠲᠤ ᠵᠢᠭ᠋ᠠᠷᠲᠤ ᠨᠠᠷᠠᠰᠤ᠂ ᠰᠢᠨᠵᠢᠶᠠᠩᠤᠨ ᠤᠯᠢᠶᠠᠰᠤ᠂ ᠨᠣᠭᠣᠭ᠋ᠠᠨ ᠲᠤᠭᠤᠷ᠂ ᠬᠣᠩᠭᠤᠷᠴᠠᠭ ᠮᠣᠳᠣ᠂ ᠭᠣᠣᠯᠲᠤ ᠪᠣᠷᠣ᠂ ᠬᠠᠢ᠌ᠲᠠᠩ᠂ ᠤᠯᠠᠭ᠋ᠠᠨ ᠲᠠᠷᠠᠨᠠᠢ᠂ ᠰᠢᠷᠠ ᠰᠣᠯᠣᠩᠭᠠ ᠴᠡᠴᠡᠭ᠂ ᠪᠠᠲᠤᠴᠠᠭ᠋ᠠᠨ᠂ ᠢᠯᠠᠮᠠ ᠵᠢᠨ ᠮᠣᠳᠣ ᠵᠡᠷᠭᠡ 90 ᠭᠠᠷᠤᠢ ᠵᠦᠢ᠍ᠯᠤᠨ 30 ᠲᠦᠮᠡᠨ ᠰᠠᠭᠤᠷᠢ ᠮᠣᠳᠣ ᠪᠤᠢ᠃ ᠴᠠᠷᠭ᠋ᠠᠰᠤ ᠵᠢᠨ ᠦᠨᠳᠦᠰᠦ ᠵᠢᠨ ᠴᠡᠴᠡᠭ 30 ᠵᠦᠢ᠍ᠯᠤᠨ 10 ᠲᠦᠮᠡ ᠭᠠᠷᠤᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ᠃ ᠤᠷᠭᠤᠮᠠᠯᠤᠨ ᠬᠦᠷᠢᠶᠡᠯᠡᠩᠤᠨ ᠬᠠᠮᠢᠶᠠᠷᠤᠯᠲᠠ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠭᠠᠵᠠᠷᠤᠨ ᠳᠠᠷᠤᠭᠠ ᠶᠠᠩ ᡁᠢ ᠭᠠᠩᠤᠨ ᠬᠡᠯᠡᠬᠦᠪᠠᠷ᠂ ᠲᠣᠰ ᠬᠦᠷᠢᠶᠡᠯᠡᠩᠤᠨ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠲᠥᠯᠥᠪᠯᠡᠭᠡ ᠵᠢᠨ ᠪᠠᠶ᠋ᠢᠷᠢ ᠲᠣᠭᠲᠠᠭ᠋ᠠᠯᠲᠠ ᠪᠣᠯ ᠳᠠᠷᠤᠢ ᠪᠣᠬᠢᠷᠲᠤᠯ ᠦᠭᠡᠢ ᠤᠷᠭᠤᠮᠠᠯᠤᠨ ᠦᠵᠡᠮᠵᠢ ᠵᠢ ᠪᠣᠢ᠌ᠵᠢᠭᠤᠯᠤᠨ ᠬᠥᠭᠵᠢᠭᠦᠯᠬᠦᠪᠠᠷ ᠭᠣᠣᠯᠳᠠᠯᠭᠠ ᠪᠣᠯᠭ᠋ᠠᠵᠤ᠂ ᠢᠯᠠᠩᠭᠤᠶᠠ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠᠯᠢᠭᠲᠠᠢ ᠡᠯᠡᠰᠦᠨᠤ ᠬᠣᠪᠣᠷ ᠴᠤᠬᠠᠭ ᠤᠷᠭᠤᠮᠠᠯᠢ ᠪᠣᠢ᠌ᠵᠢᠭᠤᠯᠤᠨ ᠬᠥᠭᠵᠢᠭᠦᠯᠬᠦᠪᠠᠷ ᠭᠣᠣᠯᠳᠠᠯᠭᠠ ᠪᠣᠯᠭ᠋ᠠᠵᠠᠢ ᠭᠡᠯᠡ᠃ ᠲᠣᠰ ᠬᠦᠷᠢᠶᠡᠯᠡᠩᠤᠨ ᠲᠠᠯᠠᠪᠠᠶᠪᠠᠷ ᠬᠠᠮᠤᠭᠤᠨ ᠶᠡᠬᠡ ᠣᠢ ᠮᠣᠳᠣᠨᠤ ᠦᠵᠡᠮᠦᠷᠢ ᠵᠢᠨ ᠲᠣᠭᠣᠷᠢᠭᠲᠤ᠂ ᠵᠣᠬᠢᠶᠠᠭᠴᠢ ᠠᠷᠴᠠ ᠵᠢᠨ ᠬᠦᠷᠢᠶᠡᠯᠡᠩ᠂ ᠭᠠᠴᠤᠷᠠ᠂ ᠳ᠋ᠧᠩᠯᠦ ᠮᠣᠳᠣ ᠵᠢᠨ ᠬᠦᠷᠢᠶᠡᠯᠡᠩ᠂ ᠭᠣᠣᠯᠲᠤ ᠪᠣᠷᠣ ᠵᠢᠨ ᠬᠦᠷᠢᠶᠡᠯᠡᠩ᠂ ᠠᠭᠤᠯᠠ ᠵᠢᠨ ᠲᠤᠭᠤᠷᠤᠨ ᠬᠦᠷᠢᠶᠡᠯᠡᠩ ᠵᠡᠷᠭᠡ ᠨᠢᠭᠡ ᠮᠣᠳᠣᠨᠤ ᠲᠥᠷᠥᠯ ᠨᠢᠭᠡ ᠨᠢᠭᠡ ᠬᠡᠰᠡᠭ ᠵᠶ᠋ᠠᠷ ᠪᠠᠢ᠌ᠬᠤ ᠵᠢ ᠣᠯᠵᠤ ᠬᠠᠷᠠᠵᠠᠢ᠂ ᠵᠠᠷᠢᠮ ᠮᠣᠳᠣᠨᠤ ᠲᠥᠷᠥᠯᠨᠢ ᠬᠣᠯᠢᠯᠳᠤᠨ ᠤᠷᠭᠤᠭᠰᠠᠨ ᠪᠤᠶᠤ ᠲᠠᠯᠠᠪᠠᠶᠨᠢ ᠨᠡᠯᠢᠶᠡᠳ ᠪᠠᠭᠠ ᠪᠠᠢ᠌ᠵᠤ᠂ ᠨᠡᠢ᠌ᠯᠡᠭᠡᠳ ᠴᠡᠴᠡᠷᠯᠢᠭ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃ ᠴᠡᠴᠡᠷᠯᠢᠭᠤᠨ ᠳᠣᠲᠣᠷᠠ ᠠᠳᠠᠯᠢ ᠪᠤᠰᠤ ᠮᠣᠳᠣᠨᠤ ᠲᠥᠷᠥᠯᠤᠨ ᠬᠡᠯᠪᠡᠷᠢ ᠳᠦᠷᠰᠦ᠂ ᠥᠨᠳᠥᠷ ᠪᠣᠭᠣᠨᠢ᠂ ᠰᠡᠢ᠌ᠷᠡᠭ ᠨᠢᠭᠲᠠ ᠵᠡᠷᠭᠡ ᠵᠢ ᠦᠨᠳᠦᠰᠦᠯᠡᠨ ᠴᠡᠴᠡᠷᠯᠢᠭᠤᠨ ᠵᠢᠵᠢᠭ ᠪᠦᠲᠦᠭᠡᠯᠢ ᠨᠡᠮᠡᠨ ᠪᠠᠢ᠌ᠭᠤᠯᠵᠠᠢ᠃ ᠬᠥᠬᠡᠮᠳᠦᠭ ᠨᠣᠭᠣᠭ᠋ᠠᠨ ᠴᠡᠴᠡᠭ ᠮᠣᠳᠣᠨᠤ ᠳᠤᠮᠳᠠᠭᠤᠷ ᠲᠣᠭᠣᠷᠢᠨ ᠵᠤᠭ᠋ᠠᠴᠠᠭᠰᠠᠳ ᠨᠠᠭ᠋ᠠᠰᠢ ᠴᠠᠭ᠋ᠠᠰᠢ ᠵᠣᠷᠴᠢᠨᠠ ᠁
ᠡᠮᠦᠨᠡᠲᠦ ᠣᠷᠣᠨᠤ ᠮᠣᠳᠣᠨᠤ ᠲᠥᠷᠥᠯ ᠦᠨᠡᠬᠡᠷ ᠭᠣᠶᠣ᠂ ᠭᠡᠪᠡᠴᠦ ᠶᠠᠭ᠋ᠠᠬᠢᠭ᠋ᠠᠳ ᠠᠲᠠ ᠤᠷᠭᠤᠬᠤᠳᠤ ᠪᠡᠷᠬᠡ ᠪᠠᠢ᠌ᠳᠠᠭ ᠪᠤᠢ？ ᠨᠢᠭᠡ ᠨᠡᠷᠡ ᠬᠦᠨᠳᠦᠲᠠᠢ ᠣᠢ ᠰᠢᠭᠤᠢ ᠵᠢᠨ ᠠᠵᠢᠯᠲᠠᠨᠤ ᠬᠡᠯᠡᠬᠦᠪᠠᠷ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠬᠤᠷᠠ ᠲᠤᠨᠳᠠᠰᠤᠨᠤ ᠬᠡᠮᠵᠢᠶᠡᠨᠢ ᠵᠥᠪᠬᠡᠨ 160 ᠮᠢᠯᠢᠮᠧᠲᠷ ᠯᠡ ᠪᠠᠢ᠌ᠳᠠᠭ ᠪᠣᠯᠪᠠᠴᠤ ᠠᠭᠤᠷᠰᠢᠯᠲᠠ ᠵᠢᠨ ᠬᠡᠮᠵᠢᠶᠡᠨᠢ ᠬᠠᠷᠢᠨ 3200 ᠭᠠᠷᠤᠢ ᠮᠢᠯᠢᠮᠧᠲᠷ ᠥᠨᠳᠥᠷ ᠪᠠᠢ᠌ᠳᠠᠭ᠃ ᠠᠲᠠ 4 ᠰᠠᠷᠠ ᠵᠢᠨ ᠡᠬᠢᠪᠠᠷ ᠰᠠᠯᠬᠢᠯᠠᠳᠠᠭ ᠬᠠᠭᠤᠷᠠᠢ ᠬᠠᠯᠠᠭᠤᠨ ᠰᠠᠯᠬᠢᠨᠢ ᠶᠠᠭ ᠰᠠᠢ᠌ᠬᠠᠨ ᠤᠷᠭᠤᠵᠤ ᠪᠠᠢ᠌ᠭᠠ ᠮᠣᠳᠣᠨᠳᠤ ᠶᠡᠬᠡ ᠭᠠᠢ ᠭᠠᠮᠰᠢᠭ ᠪᠣᠯᠳᠠᠭ᠃ ᠲᠡᠷᠡ ᠦᠶᠡᠳᠤ᠂ ᠠᠭ᠋ᠠᠷᠤᠨ ᠳᠤᠯᠠᠭ᠋ᠠᠨ ᠭᠡᠨᠡᠳᠲᠡ ᠳᠡᠭᠡᠭᠰᠢᠯᠡᠵᠦ᠂ ᠮᠣᠳᠣᠨᠤ ᠬᠥᠷᠥᠰᠥᠨ ᠳᠡᠭᠡᠷᠡᠬᠢ ᠬᠡᠰᠡᠭᠨᠢ ᠡᠬᠢᠯᠡᠨ ᠰᠣᠶᠣᠭ᠋ᠠᠯᠠᠵᠤ᠂ ᠦᠨᠳᠦᠰᠦᠨᠤ ᠰᠢᠰᠲ᠋ᠧᠮᠨᠢ ᠬᠠᠷᠠᠬᠠᠨ ᠰᠣᠶᠣᠭ᠋ᠠᠯᠠᠵᠤ ᠳᠡᠢ᠌ᠯᠦᠭᠡ ᠦᠭᠡᠢ᠂ ᠤᠰᠤᠨᠤ ᠬᠠᠩᠭ᠋ᠠᠯᠭᠠᠨᠢ ᠬᠦᠨᠳᠦ ᠨᠣᠴᠢᠲᠠᠢ ᠲᠡᠩᠴᠡᠭᠦᠷᠢᠪᠠᠨ ᠠᠯᠳᠠᠵᠤ᠂ ᠮᠣᠳᠣᠨᠤ ᠹᠢᠽᠢᠣᠯᠣᠭᠢ ᠵᠢᠨ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠢ ᠪᠤᠢ ᠪᠣᠯᠭ᠋ᠠᠳᠠᠭ᠃ ᠹᠢᠽᠢᠣᠯᠣᠭᠢ ᠵᠢᠨ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠠᠴᠠ ᠪᠣᠯᠵᠤ ᠵᠠᠷᠢᠮ ᠰᠢᠨᠡᠪᠠᠷ ᠳᠠᠷᠢᠭᠰᠠᠨ ᠮᠣᠳᠣᠨᠤ ᠨᠠᠪᠴᠢᠨᠢ ᠬᠡᠦᠷᠰᠢᠵᠦ᠂ ᠲᠦᠷᠭᠡᠨ ᠨᠠᠬᠢᠶᠠᠯᠠᠨᠠ （ᠤᠷᠭᠤᠮᠠᠯ ᠰᠥᠷᠭᠡᠦ ᠣᠷᠴᠢᠨᠳᠤ ᠪᠤᠶᠤ ᠭᠡᠮᠲᠦᠭᠰᠡᠨᠤ ᠳᠠᠷᠠᠭᠠ ᠰᠢᠨᠡᠪᠠᠷ ᠨᠠᠬᠢᠶᠠᠯᠠᠬᠤ ᠪᠤᠶᠤ ᠰᠢᠨᠡ ᠨᠠᠪᠴᠢ ᠤᠷᠭᠤᠬᠤ ᠵᠢ ᠵᠢᠭ᠋ᠠᠵᠤ ᠪᠠᠢ᠌ᠨᠠ）᠂ ᠭᠡᠪᠡᠴᠦ ᠤᠰᠤ ᠳᠤᠲᠠᠭᠳᠠᠬᠤ ᠵᠡᠷᠭᠡ ᠰᠢᠯᠲᠠᠭ᠋ᠠᠨᠠᠴᠠ ᠪᠣᠯᠵᠤ ᠨᠠᠬᠢᠶᠠᠯᠠᠭ᠋ᠠᠳ ᠦᠬᠦᠳᠡᠭ᠃ ᠰᠣᠨᠢᠷᠬᠠᠯᠲᠠᠢᠨᠢ᠂ ᠡᠨᠡ ᠬᠦ᠌ ᠬᠠᠯᠠᠭᠤᠨ ᠰᠠᠯᠬᠢᠨᠢ ᠦᠬᠠᠢ ᠵᠢᠨ ᠲᠤᠭᠤᠷᠤᠨ ᠴᠡᠴᠡᠭᠢ ᠥᠪᠥᠷ ᠮᠣᠩᠭᠣᠯᠳᠤ ᠬᠠᠮᠤᠭᠤᠨ ᠡᠷᠲᠡ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠣᠯᠬᠣᠷ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨᠬᠢᠨ ᠪᠠᠰᠠ 《ᠥᠪᠥᠷ ᠮᠣᠩᠭᠣᠯᠤᠨ ᠬᠠᠪᠤᠷᠤᠨ ᠬᠠᠮᠤᠭᠤᠨ ᠡᠷᠲᠡ ᠰᠠᠭ᠋ᠠᠭᠳᠠᠭᠰᠠᠨ ᠭᠠᠵᠠᠷ》 ᠭᠡᠵᠦ ᠨᠡᠷᠡᠢ᠌ᠳᠦᠭᠳᠡᠭᠰᠡᠨ ᠪᠠᠢ᠌ᠨᠠ᠃
ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠳᠠᠪᠠᠭᠤᠯᠢᠭ ᠲᠠᠯᠠᠲᠠᠢ ᠲᠤᠷᠤᠭ ᠮᠣᠳᠣ ᠪᠣᠯ ᠴᠢᠪᠠᠭᠠ ᠵᠢᠨ ᠮᠣᠳᠣᠨᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ ᠲᠤᠰ ᠮᠣᠳᠣᠨᠢ ᠨᠠᠪᠴᠢ ᠵᠤᠯᠭ᠋ᠠᠷᠠᠬᠤ ᠲᠤᠷᠤᠭ ᠮᠣᠳᠣᠨᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠮᠣᠳᠣᠨᠤ ᠥᠨᠳᠥᠷᠨᠢ 5 ~ 10 ᠮᠧᠲᠷᠤᠨ ᠬᠣᠭᠣᠷᠣᠨᠳᠤ ᠪᠠᠢ᠌ᠵᠤ᠂ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠢ ᠡᠰᠡᠷᠭᠦᠴᠡᠬᠦ᠂ ᠰᠠᠯᠬᠢ ᠡᠯᠡᠰᠦ ᠵᠢ ᠰᠡᠷᠭᠡᠢ᠌ᠯᠡᠬᠦ᠂ ᠬᠤᠵᠢᠷᠲᠤ ᠲᠡᠰᠪᠦᠷᠢᠲᠡᠢ᠂ ᠲᠠᠴᠢᠷ ᠨᠢᠮᠭᠡᠨ ᠵᠡᠷᠭᠡ ᠳᠠᠪᠠᠭᠤᠯᠢᠭ ᠲᠠᠯᠠᠲᠠᠢ᠃ ᠥᠩᠭᠡᠷᠡᠭᠰᠡᠨᠳᠤ ᠮᠠᠰᠢ ᠤᠯᠠᠨ᠂ ᠪᠠᠷᠤᠭ ᠭᠠᠵᠠᠷ ᠪᠣᠯᠭ᠋ᠠᠨᠳᠤ ᠪᠠᠢ᠌ᠭᠰᠠᠨ ᠪᠣᠯᠪᠠᠴᠤ ᠥᠩᠭᠡ ᠵᠢᠰᠦᠨᠢ ᠪᠠᠷᠤᠭᠲᠠᠢ᠂ ᠡᠪᠡᠳᠴᠢᠨ ᠬᠣᠷᠣᠬᠠᠢ ᠵᠢᠨ ᠭᠠᠮᠰᠢᠭ ᠵᠡᠷᠭᠡᠠᠴᠠ ᠪᠣᠯᠵᠤ ᠬᠣᠲᠠ ᠵᠢᠨ ᠲᠣᠭᠣᠷᠢᠭᠤᠨ ᠭᠣᠣᠯ ᠵᠡᠭᠡᠯᠢᠠᠴᠠ ᠬᠥᠭᠡᠭᠡᠭᠳᠡᠭᠰᠡᠨ ᠪᠠᠢ᠌ᠨᠠ᠃ ᠬᠣᠷᠢᠨ ᠬᠡᠳᠦᠨ ᠵᠢᠯᠤᠨ ᠡᠮᠦᠨᠡ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ ᠰᠢᠨᠬᠤᠸᠠ ᠶᠡᠬᠡ ᠵᠡᠭᠡᠯᠢᠳᠠᠬᠢ ᠨᠢᠭᠡᠨ ᠬᠥᠭᠰᠢᠨ ᠴᠢᠪᠠᠭᠠ ᠵᠢᠨ ᠮᠣᠳᠣᠨᠤ ᠬᠥᠰᠢᠶᠡ ᠪᠣᠰᠬᠠᠨ ᠨᠠᠮᠲᠠᠷᠢ ᠲᠤᠰᠬᠠᠢ᠌ᠯᠠᠨ ᠪᠢᠴᠢᠵᠡᠢ᠃ ᠵᠣᠬᠢᠶᠠᠭᠴᠢ ᠣᠴᠢᠵᠤ ᠦᠵᠡᠬᠦᠳᠤ ᠴᠢᠯᠠᠭᠤᠨ ᠬᠥᠰᠢᠶᠡ ᠬᠡᠪ ᠵᠶ᠋ᠡᠷ ᠵᠶ᠋ᠡᠨ ᠪᠠᠢ᠌ᠭᠰᠠᠨ ᠪᠣᠯᠪᠠᠴᠤ ᠬᠥᠰᠢᠶᠡᠨ ᠳᠡᠭᠡᠷᠡᠬᠢ ᠦᠰᠦᠭᠨᠢ ᠬᠠᠷᠢᠨ ᠰᠢᠷ ᠪᠤᠳᠤᠭᠨᠢ ᠤᠨᠠᠭᠰᠠᠨᠠᠴᠠ ᠪᠣᠯᠵᠤ ᠲᠠᠨᠢᠭᠳᠠᠬᠤ ᠵᠢᠨ ᠠᠷᠭᠠ ᠦᠭᠡᠢ ᠪᠠᠶ᠋ᠢᠪᠠ᠃ ᠴᠢᠪᠠᠭᠠ ᠵᠢᠨ ᠴᠡᠴᠡᠭ ᠰᠢᠷᠠᠪᠲᠤᠷ ᠥᠩᠭᠡᠲᠡᠢ᠂ ᠠᠩᠬᠢᠯᠤᠮᠠ ᠦᠨᠦᠷ ᠬᠠᠩᠬᠤᠯᠵᠤ᠂ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠᠨᠢ ᠴᠦ᠍ ᠤᠷᠲᠤ᠂ ᠪᠣᠯᠪᠠᠰᠤᠷᠠᠭᠰᠠᠨ ᠴᠢᠪᠠᠭᠠ ᠢᠰᠬᠦᠯᠡᠩ ᠠᠮᠲᠠᠲᠠᠢ ᠭᠡᠵᠦ ᠨᠠᠢ᠌ᠵᠠ ᠨᠠᠷᠨᠢ ᠭᠦᠨ ᠰᠡᠳᠬᠢᠯᠭᠡᠲᠠᠢᠪᠠᠷ ᠬᠡᠯᠡᠳᠡᠭ᠃ ᠴᠢᠪᠠᠭᠠ ᠵᠢᠨ ᠴᠡᠴᠡᠭᠨᠢ ᠰᠢᠷᠠᠪᠲᠤᠷ ᠥᠩᠭᠡᠲᠡᠢ᠂ ᠠᠩᠬᠢᠯᠤᠮᠠ ᠦᠨᠦᠷ ᠬᠠᠩᠬᠤᠯᠵᠤ᠂ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠᠨᠢ ᠴᠦ᠍ ᠤᠷᠲᠤ᠂ ᠪᠣᠯᠪᠠᠰᠤᠷᠠᠭᠰᠠᠨ ᠴᠢᠪᠠᠭᠠ ᠵᠢᠨ ᠢᠰᠬᠦᠯᠡᠩ ᠠᠮᠲᠠᠲᠠᠢ ᠪᠠᠢ᠌ᠳᠠᠭ᠃ 2017 ᠣᠨᠤ 4 ᠰᠠᠷᠠᠳᠤ᠂ ᠲᠡᠭᠦᠨᠤ ᠲᠤᠬᠠᠢ ᠰᠢᠨᠡ ᠲᠠᠨᠢᠯᠲᠠ ᠵᠢᠴᠢ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡ ᠵᠡᠷᠭᠡ ᠬᠦᠴᠦᠨ ᠵᠦᠢ᠍ᠯᠠᠴᠠ ᠪᠣᠯᠵᠤ᠂ ᠴᠢᠪᠠᠭᠠ ᠵᠢᠨ ᠮᠣᠳᠣ ᠵᠢ ᠦᠬᠠᠢ ᠵᠢᠨ ᠬᠣᠲᠠ ᠵᠢᠨ ᠮᠣᠳᠣᠪᠠᠷ ᠲᠣᠭᠲᠠᠭ᠋ᠠᠪᠠ᠃ ᠡᠨᠡ ᠮᠣᠳᠣᠨᠤ ᠮᠤᠷᠤᠢ ᠰᠠᠷᠤᠢ ᠪᠥᠭᠡᠳ ᠬᠤᠪᠢᠷᠠᠯᠲᠠ ᠶᠡᠬᠡᠲᠡᠢ ᠬᠤᠪᠢ ᠵᠠᠶᠠᠭᠠᠨᠢ ᠬᠥᠮᠥᠰᠢ ᠭᠠᠢ᠌ᠬᠠᠰᠢ ᠠᠯᠳᠠᠭᠤᠯᠤᠨᠠ ᠁
ᠤᠷᠭᠤᠮᠠᠯᠤᠨ 《ᠠᠮᠢᠳᠤ ᠴᠢᠯᠠᠭᠤᠵᠢᠮᠠᠯ》 《ᠲᠣᠮᠣ ᠮᠠᠯᠤᠷ ᠦᠳᠡᠭᠡ》 ᠬᠡᠮᠡᠭᠳᠡᠭᠰᠡᠨ ᠨᠣᠴᠣᠭ᠋ᠠᠨᠠ ᠮᠣᠳᠣ ᠪᠣᠯ ᠨᠢᠭᠡ ᠵᠦᠢ᠍ᠯᠤᠨ 50 ~ 80 ᠰᠠᠨᠲ᠋ᠢᠮᠧᠲᠷ ᠥᠨᠳᠥᠷ ᠪᠣᠳᠠ ᠮᠣᠳᠣ ᠪᠠᠢ᠌ᠵᠤ᠂ ᠡᠷᠲᠡᠨᠤ ᠠᠮᠢᠳᠤ ᠪᠣᠳᠠᠰ᠂ ᠡᠷᠲᠡᠨᠤ ᠭᠠᠵᠠᠷ ᠵᠦᠢ ᠵᠢᠴᠢ ᠪᠦᠬᠦ ᠪᠥᠮᠪᠥᠷᠴᠡᠭᠤᠨ ᠬᠤᠪᠢᠷᠠᠯᠲᠠ ᠵᠢ ᠰᠤᠳᠤᠯᠬᠤ ᠮᠠᠰᠢ ᠰᠠᠶ᠋ᠢᠨ ᠪᠣᠷᠣ ᠮᠠᠲ᠋ᠧᠷᠢᠶᠠᠯ ᠪᠠᠢ᠌ᠵᠤ᠂ ᠭᠠᠶ᠋ᠢᠬᠠᠮᠰᠢᠭᠲᠤ ᠰᠠᠢ᠌ᠬᠠᠨ ᠥᠩᠭᠡ ᠪᠤᠳᠤᠭᠲᠠᠢ ᠪᠠᠢ᠌ᠳᠠᠭ᠃ ᠡᠨᠡ ᠮᠣᠳᠣ ᠪᠣᠯ ᠡᠷᠲᠡᠨᠤ ᠭᠠᠵᠠᠷᠤᠨ ᠳᠤᠮᠳᠠᠳᠤ ᠲᠠᠩᠭᠢᠰᠤᠨ ᠦᠯᠡᠳᠡᠭᠳᠡᠯ ᠳᠦᠷᠰᠦ ᠮᠥᠨ᠃ ᠳᠥᠷᠪᠡᠳᠡᠭᠴᠢ ᠭᠠᠯᠪᠠ ᠵᠢᠨ ᠮᠥᠰᠥᠲᠦᠯᠭᠡ ᠬᠦᠷᠴᠦ ᠢᠷᠡᠬᠦ ᠦᠶᠡᠳᠤ᠂ ᠦᠬᠠᠢ ᠣᠷᠴᠢᠮ ᠲᠡᠭᠦᠨᠤ ᠠᠶᠤᠯᠠᠴᠠ ᠵᠠᠶ᠋ᠢᠯᠠᠬᠤ ᠭᠠᠵᠠᠷ ᠪᠣᠯᠪᠠ᠃ ᠪᠥᠬᠥ ᠳᠡᠯᠡᠬᠡᠢ ᠵᠢᠨ ᠬᠡᠪᠴᠢᠶᠡᠨᠳᠤ᠂ ᠣᠲᠣ ᠵᠥᠪᠬᠡᠨ ᠦᠬᠠᠢ ᠣᠷᠣᠨ ᠵᠢᠴᠢ ᠲᠡᠭᠦᠨᠤ ᠡᠷᠬᠢᠨ ᠲᠣᠭᠣᠷᠢᠨᠳᠤ ᠬᠦᠢ ᠵᠢᠨ ᠪᠦᠲᠦᠴᠡᠪᠠᠨ ᠪᠦᠷᠢᠨ ᠪᠦᠲᠦᠨ ᠬᠠᠳᠠᠭ᠋ᠠᠯᠠᠵᠤ ᠪᠠᠢ᠌ᠨᠠ᠂ ᠡᠢ᠌ᠮᠦᠠᠴᠠ ᠦᠬᠠᠢ ᠵᠢᠨ ᠬᠢᠯᠢ ᠳᠣᠲᠣᠷᠠ ᠤᠯᠤᠰᠤᠨ ᠲᠠᠰᠤᠨ ᠨᠣᠴᠣᠭ᠋ᠠᠨᠠ ᠮᠣᠳᠣᠨᠤ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠣᠷᠣᠨᠢ ᠪᠠᠢ᠌ᠭᠤᠯᠵᠤ᠂ ᠡᠷᠲᠡᠨᠤ ᠦᠯᠡᠳᠡᠭᠳᠡᠯ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠤᠷᠭᠤᠮᠠᠯ ᠵᠢᠴᠢ ᠲᠠᠯᠠ ᠨᠤᠲᠤᠭᠤᠨ ᠡᠯᠡᠰᠦᠷᠬᠡᠭᠵᠢᠯᠳᠤ ᠰᠢᠯᠵᠢᠬᠦ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠵᠢᠨ ᠪᠦᠰᠡ ᠵᠡᠷᠭᠡ ᠵᠢ ᠬᠠᠮᠠᠭ᠋ᠠᠯᠠᠬᠤ ᠵᠢᠨ ᠲᠥᠯᠥᠭᠡ᠂ ᠦᠬᠠᠢ ᠵᠢᠨ ᠬᠢᠯᠢ ᠳᠣᠲᠣᠷᠠ ᠤᠯᠤᠰᠤᠨ ᠲᠠᠰᠤᠨ ᠨᠣᠴᠣᠭ᠋ᠠᠨᠠ ᠮᠣᠳᠣᠨᠤ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠣᠷᠣᠨᠢ ᠪᠠᠢ᠌ᠭᠤᠯᠤᠭᠰᠠᠨ ᠪᠠᠢ᠌ᠨᠠ᠃ ᠦᠬᠠᠢ ᠵᠢᠨ ᠬᠥᠮᠥᠰ ᠨᠣᠴᠣᠭ᠋ᠠᠨᠠᠪᠠᠷ ᠣᠮᠣᠭᠰᠢᠯ ᠵᠶ᠋ᠠᠨ ᠪᠣᠯᠭ᠋ᠠᠵᠤ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠲᠡᠦᠬᠡ ᠪᠠ ᠵᠣᠷᠢᠭ ᠰᠠᠨᠠᠭᠠ ᠵᠢ ᠠᠴᠢᠶᠠᠯᠠᠵᠤ ᠪᠠᠢ᠌ᠨᠠ ᠭᠡᠵᠦ ᠬᠡᠯᠡᠳᠡᠭ᠃
ᠦᠬᠠᠢ ᠪᠣᠯ ᠬᠠᠲᠤᠨ ᠭᠣᠣᠯᠤᠨ ᠥᠪᠥᠷ ᠮᠣᠩᠭᠣᠯᠳᠤ ᠤᠷᠤᠰᠤᠨ ᠣᠷᠣᠬᠤ ᠠᠩᠬᠠᠨᠤ ᠥᠷᠲᠡᠭᠡ ᠪᠠᠢ᠌ᠵᠤ᠂ ᠲᠡᠭᠦᠨᠤ ᠬᠢᠯᠢᠪᠠᠷ 105 ᠺᠢᠯᠣᠮᠧᠲᠷ ᠤᠷᠤᠰᠤᠨ ᠥᠩᠭᠡᠷᠡᠨᠡ᠃ ᠡᠳᠦᠭᠡ᠂ ᠬᠠᠳᠤᠨ ᠭᠣᠣᠯᠤᠨ ᠨᠤᠭᠤ ᠭᠠᠵᠠᠷᠤᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠᠨᠢ ᠦᠬᠠᠢ ᠵᠢᠨ ᠨᠣᠭᠣᠭ᠋ᠠᠨ ᠥᠩᠭᠡ ᠵᠢᠨ ᠳᠣᠲᠣᠷᠠᠬᠢ ᠬᠠᠮᠤᠭᠤᠨ ᠭᠢᠯᠠᠯᠵᠠᠮᠠ ᠬᠡᠰᠡᠭ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃ ᠣᠢ᠌ᠯᠠᠭ᠋ᠠᠭᠰᠠᠨ ᠵᠶ᠋ᠠᠷ᠂ ᠲᠣᠰ ᠬᠣᠲᠠᠳᠤ ᠣᠲᠣ ᠳᠥᠷᠪᠡᠨ ᠶᠡᠬᠡ ᠨᠤᠭᠤ ᠭᠠᠵᠠᠷ ᠪᠤᠢ᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠶᠨᠢ 11683.90 ᠾᠧᠺᠲ᠋ᠠᠷ ᠪᠠᠢ᠌ᠵᠤ᠂ ᠲᠡᠭᠦᠨᠤ ᠤᠯᠤᠰᠤᠨ ᠨᠤᠲᠤᠭ ᠳᠡᠪᠢᠰᠬᠡᠷᠤᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠶ ᠵᠢᠨ 7% ᠵᠢ ᠡᠵᠡᠯᠡᠵᠦ ᠪᠤᠢ᠂ ᠡᠭᠦᠨᠳᠤ ᠭᠣᠣ ᠰᠤᠪᠠᠭ᠂ ᠰᠥᠭᠡᠭᠤᠨ ᠨᠠᠮᠤᠭ ᠭᠠᠵᠠᠷ᠂ ᠡᠪᠡᠰᠦᠲᠦ ᠨᠠᠮᠤᠭ ᠭᠠᠵᠠᠷ᠂ ᠨᠠᠮᠤᠭ ᠭᠠᠵᠠᠷ ᠵᠡᠷᠭᠡ ᠶᠢᠰᠦᠨ ᠲᠥᠷᠥᠯ ᠪᠠᠭᠲᠠᠨᠠ᠃ ᠯᠦᠩ ᠶᠢᠦ ᠸᠠᠨᠤ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠲᠤ᠂ ᠭᠥᠪᠡᠭᠡ ᠬᠢᠵᠠᠭ᠋ᠠᠷᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠵᠡᠭᠡᠰᠦ ᠰᠠᠯᠬᠢᠨᠤ ᠠᠶᠠᠪᠠᠷ ᠬᠠᠯᠢᠭᠤᠷᠠᠵᠤ᠂ ᠤᠰᠤᠨ ᠰᠢᠪᠠᠭᠤᠳ ᠳᠡᠭᠡᠭᠰᠢ ᠳᠣᠷᠣᠭᠰᠢ ᠬᠠᠯᠢᠨ ᠨᠢᠰᠦᠨᠡ᠃ ᠵᠢᠭ᠋ᠠᠰᠤᠴᠢᠨᠤ ᠣᠩᠭᠣᠴᠠ ᠣᠷᠣᠢ ᠳᠠᠭᠤᠯᠠᠵᠤ᠂ ᠵᠢᠷᠭ᠋ᠠᠬᠤ ᠨᠡᠷᠡᠨᠤ ᠤᠯᠠᠪᠤᠷ ᠲᠤᠶᠠᠭᠠ ᠤᠷᠳᠤ ᠮᠥᠷᠡᠨ᠂ ᠡᠯᠡᠰᠦ ᠮᠠᠩᠬᠠ ᠪᠠ ᠠᠭᠤᠯᠠ ᠬᠠᠢ᠌ᠷᠬᠠᠨᠢ ᠤᠯᠠᠢ᠌ᠯᠭ᠋ᠠᠪᠠ᠃ ᠲᠤᠰ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠠᠩᠭᠢ ᠵᠢᠨ ᠳᠠᠷᠤᠭᠠ ᠪᠠᠢ ᠵᠢᠶᠦ᠋ᠨ ᠶᠢᠩᠤᠨ ᠬᠡᠯᠡᠬᠦᠪᠠᠷ ᠲᠡᠷᠡ ᠪᠣᠯ ᠣᠢ᠌ᠷᠠ ᠬᠠᠪᠢ ᠵᠢᠨ ᠲᠣᠰᠬᠤᠨᠤᠬᠢ ᠶᠤᠮ᠂ ᠥᠩᠭᠡᠷᠡᠭᠰᠡᠨᠳᠤ ᠠᠲᠠ ᠴᠥᠭᠡᠨ ᠪᠤᠰᠤᠨᠢ ᠲᠠᠷᠢᠶᠠᠨ ᠭᠠᠵᠠᠷ ᠪᠠᠶ᠋ᠢᠵᠠᠢ᠂ 2012 ᠣᠨᠠᠴᠠ ᠡᠬᠢᠯᠡᠨ ᠨᠤᠭᠤ ᠭᠠᠵᠠᠷᠤᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠡᠷᠴᠢᠮ ᠮᠡᠳᠡᠭᠳᠡᠮᠡ ᠴᠢᠩᠭ᠋ᠠᠷᠠᠵᠠᠢ᠃ ᠲᠡᠷᠡ ᠬᠡᠯᠡᠬᠦᠳᠡᠭᠡᠨ᠂ ᠣᠳᠣᠬᠠᠨᠳᠤ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠢᠯᠡᠳᠲᠡ ᠨᠡᠮᠡᠭᠳᠡᠵᠦ᠂ ᠲᠡᠭᠦᠨᠤ ᠳᠣᠲᠣᠷᠠᠬᠢ ᠦᠨᠡᠭᠡ᠂ ᠲᠠᠤᠯᠠᠢ᠂ ᠰᠢᠪᠠᠭᠤᠨᠤ ᠲᠥᠷᠥᠯ ᠪᠠ ᠮᠣᠭ᠋ᠠᠢ ᠵᠢᠨ ᠲᠥᠷᠥᠯ ᠵᠡᠷᠭᠡᠨᠢ ᠴᠦ᠍ ᠳᠠᠭ᠋ᠠᠯᠳᠤᠨ ᠶᠡᠬᠡᠪᠠᠷ ᠨᠡᠮᠡᠭᠳᠡᠵᠡᠢ ᠁
ᠦᠬᠠᠢ ᠵᠢᠨ ᠨᠣᠭᠣᠭ᠋ᠠᠨ ᠥᠩᠭᠡ ᠵᠢ ᠨᠡᠮᠡᠭᠳᠡᠭᠦᠯᠬᠦ ᠪᠠ ᠬᠠᠮᠠᠭ᠋ᠠᠯᠠᠬᠤᠳᠤ ᠦᠨᠡᠬᠡᠷ ᠬᠢᠯᠪᠠᠷ ᠪᠤᠰᠤ ᠶᠤᠮ᠃ ᠥᠩᠭᠡᠷᠡᠭᠰᠡᠨᠳᠤ ᠢᠮᠠᠬᠤ ᠵᠢᠨ ᠲᠡᠳᠦᠢ ᠡᠪᠡᠰᠦ ᠤᠷᠭᠤᠬᠤ ᠦᠭᠡᠢ ᠪᠠᠢ᠌ᠭᠰᠠᠨ ᠭᠠᠨᠳᠠᠷ ᠠᠭᠤᠯᠠ ᠡᠳᠦᠭᠡ ᠬᠠᠷᠠᠭᠠ ᠳᠦᠭᠦᠷᠡᠩ ᠴᠡᠯᠭᠡᠷᠡᠨ᠂ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠵᠶ᠋ᠡᠷ ᠪᠢᠯᠬᠠᠵᠤ᠂ ᠣᠢ ᠮᠣᠳᠣ ᠨᠢᠭᠡᠨᠲᠡ 2.8 ᠲᠦᠮᠡᠨ ᠮᠦ᠍ ᠭᠦᠷᠦᠭᠰᠡᠨ ᠪᠠᠢ᠌ᠨᠠ᠃ ᠡᠨᠡ ᠬᠦ᠌ ᠬᠤᠪᠢᠷᠠᠯᠲᠠ ᠵᠢᠨ ᠠᠷᠤᠳᠤ ᠵᠠᠭᠤ ᠭᠠᠷᠤᠢ ᠠᠮᠢ ᠠᠬᠤᠢ ᠵᠢᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠭᠴᠢᠳᠤᠨ ᠠᠷᠪᠠᠨ ᠬᠡᠳᠦᠨ ᠵᠢᠯᠤᠨ ᠰᠢᠷᠭ᠋ᠠᠭᠤ ᠴᠢᠷᠮᠠᠢ᠌ᠯᠭᠠ ᠪᠤᠢ᠄ ᠮᠠᠨᠲᠠᠤ ᠳᠠᠪᠤᠰᠤᠯᠠᠭᠰᠠᠨ ᠨᠣᠭᠣᠭᠠ ᠢᠳᠡᠵᠦ᠂ ᠮᠠᠢ᠌ᠬᠠᠨᠳᠤ ᠰᠠᠭᠤᠵᠤ᠂ ᠡᠳᠦᠷ ᠪᠦᠷᠢ ᠪᠠᠷᠤᠭ 6 ᠴᠠᠭᠤᠨ ᠵᠠᠮ ᠶᠠᠪᠤᠨᠠ᠂ ᠤᠤᠯᠤᠨ ᠦᠬᠠᠢ ᠬᠤᠳᠠ ᠵᠢᠨ ᠡᠯᠡᠰᠦ ᠵᠠᠰᠠᠬᠤ ᠥᠷᠲᠡᠭᠡ ᠵᠢᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠪᠠᠷᠢᠭ᠋ᠠᠳᠠ ᠵᠢᠨ ᠳᠠᠷᠤᠭᠠ ᠳ᠋ᠦᠩ ᠶᠠᠨ ᠱᠧᠩ ᠴᠢᠨᠠᠭᠰᠢᠯᠠᠭ᠋ᠠᠳ ᠡᠬᠡᠨᠡᠷ ᠵᠶ᠋ᠡᠨ ᠳᠠᠭ᠋ᠠᠭᠤᠯᠤᠨ ᠠᠭᠤᠯᠠᠨᠳᠤ ᠠᠷᠪᠠᠨ ᠬᠡᠳᠦᠨ ᠵᠢᠯ ᠰᠠᠭᠤᠵᠠᠢ᠃ ᠲᠡᠮᠡᠭᠡᠨ ᠠᠭᠤᠯᠠ ᠵᠢᠨ ᠠᠭᠤᠷᠬᠠᠢ ᠵᠢᠨ ᠣᠷᠣᠨ ᠪᠣᠯ ᠦᠬᠠᠢ ᠬᠣᠲᠠ ᠵᠢᠨ ᠠᠭᠤᠷᠬᠠᠢ ᠵᠢᠨ ᠣᠷᠣᠨᠢ ᠶᠡᠷᠦᠩᠬᠡᠢ᠌ᠯᠡᠨ ᠵᠠᠰᠠᠬᠤ ᠪᠠ ᠠᠮᠢ ᠠᠬᠤᠢ ᠵᠢ ᠰᠡᠷᠭᠦᠭᠡᠬᠦ ᠭᠣᠣᠯᠳᠠᠯᠭᠠᠲᠠᠢ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠣᠷᠣᠨ ᠪᠦᠰᠡ ᠪᠣᠯᠣᠨᠠ᠃ ᠡᠨᠡ ᠬᠦ᠌ ᠠᠮᠢ ᠠᠬᠤᠢ ᠵᠢᠨ ᠰᠡᠷᠭᠦᠭᠡᠯᠲᠡ ᠵᠢᠨ ᠣᠷᠣᠨᠤ ᠬᠠᠮᠤᠭᠤᠨ ᠥᠨᠳᠥᠷ ᠲᠠᠪᠴᠠᠩ ᠳᠡᠭᠡᠷᠡᠠᠴᠠ ᠨᠢᠭᠡ ᠪᠣᠳᠠ ᠪᠣᠳᠠ ᠲᠠᠷᠢ ᠲᠡᠭᠰᠢ ᠵᠢᠭᠳᠡᠷᠡᠭᠰᠡᠨ ᠬᠠᠷᠠᠭ᠋ᠠᠨᠠ᠂ ᠵᠠᠭ ᠮᠣᠳᠣ ᠵᠡᠷᠭᠡ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠳᠤ ᠲᠡᠰᠪᠦᠷᠢᠲᠡᠢ ᠡᠯᠡᠰᠦᠷᠬᠡᠭ ᠭᠠᠵᠠᠷᠤᠨ ᠤᠷᠭᠤᠮᠠᠯᠢ ᠣᠯᠵᠤ ᠬᠠᠷᠠᠪᠠ᠂ ᠡᠲᠡᠭᠡᠷ ᠤᠷᠭᠤᠮᠠᠯᠨᠢ ᠮᠠᠰᠢ ᠵᠢᠵᠢᠭ ᠪᠣᠯᠪᠠᠴᠤ ᠨᠢᠭᠡᠨᠲᠡ ᠭᠤᠷᠪᠠᠳᠤᠭ᠋ᠠᠷ ᠵᠢᠯ ᠪᠣᠯᠵᠠᠢ᠃ ᠠᠯᠤᠰᠢ ᠪᠠᠷᠠᠯᠠᠬᠤᠶᠠ᠂ ᠣᠳᠣᠬᠠᠨᠳᠤ ᠲᠤᠰ ᠣᠷᠣᠨ ᠪᠦᠰᠡ ᠵᠢᠨ 6.5 ᠺᠢᠯᠤᠮᠥᠲᠷᠤᠨ ᠦᠵᠡᠭᠳᠡᠬᠦ ᠬᠡᠪᠴᠢᠶᠡᠨᠳᠠᠬᠢ 5 ᠳᠡᠭᠲᠡᠷᠢ ᠪᠦᠬᠦᠨᠢ ᠵᠠᠰᠠᠵᠤ᠂ ᠠᠮᠢ ᠠᠬᠤᠢ ᠵᠢ ᠪᠦᠲᠦᠮᠵᠢᠲᠡᠢ ᠰᠡᠷᠭᠦᠭᠡᠪᠡ ᠁
ᠦᠬᠠᠢᠳᠤ ᠪᠠᠢ᠌ᠬᠤ ᠡᠳᠦᠷᠤᠳᠲᠤ᠂ ᠵᠣᠬᠢᠶᠠᠭᠴᠢ ᠤᠰᠤ ᠪᠣᠯᠣᠨ ᠨᠣᠭᠣᠭ᠋ᠠᠨ ᠥᠩᠭᠡ ᠵᠢᠨ ᠬᠠᠷᠢᠴᠠᠭᠠ ᠵᠢ ᠢᠮᠠᠭᠲᠠ ᠠᠩᠬᠠᠷᠤᠭᠰᠠᠭ᠋ᠠᠷ ᠢᠷᠠᠵᠠᠢ᠃ ᠤᠰᠤ ᠳᠤᠲᠠᠭᠳᠠᠬᠤᠠᠴᠠ ᠪᠣᠯᠵᠤ᠂ ᠭᠠᠳᠠᠨᠠᠠᠴᠠ ᠢᠷᠡᠭᠰᠡᠨ ᠲᠤᠷᠤᠭ ᠮᠣᠳᠣᠨᠢ ᠵᠢᠵᠢᠭ ᠲᠤᠷᠤᠭ ᠮᠣᠳᠣ ᠪᠣᠯᠵᠤ᠂ ᠵᠢᠵᠢᠭ ᠲᠤᠷᠤᠭ ᠮᠣᠳᠣᠨᠢ ᠪᠣᠳᠠ ᠮᠣᠳᠣ ᠪᠣᠯᠵᠤ ᠬᠤᠪᠢᠷᠠᠭ᠋ᠠᠳ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠡᠭᠦᠯᠳᠡᠷᠨᠢ ᠬᠠᠷᠢᠨ ᠨᠡᠯᠢᠶᠡᠳ ᠰᠠᠶ᠋ᠢᠨ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃ ᠤᠰᠤ ᠠᠷᠪᠢᠯᠠᠬᠤ ᠵᠢᠨ ᠲᠥᠯᠥᠭᠡ᠂ ᠬᠣᠲᠠ ᠵᠢᠨ ᠳᠣᠲᠣᠷᠠᠬᠢ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠵᠢ ᠪᠦᠷ ᠰᠦᠷᠴᠢᠨ ᠤᠰᠤᠯᠠᠬᠤ ᠪᠠ ᠳᠤᠰᠤᠯᠭ᠋ᠠᠨ ᠤᠰᠤᠯᠠᠬᠤ᠂ ᠬᠣᠲᠠ ᠵᠢᠨ ᠭᠠᠳᠠᠨᠠᠬᠢ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠳᠤ ᠵᠠᠰᠠᠮᠠᠯ ᠵᠠᠮᠤᠨ ᠬᠣᠶᠠᠷ ᠬᠠᠵᠠᠭᠤ ᠵᠢᠨ ᠬᠣᠩᠭᠤᠷᠴᠠᠭ ᠮᠣᠳᠣ ᠵᠡᠷᠭᠡ ᠲᠤᠷᠤᠭ ᠮᠣᠳᠣ ᠵᠢ ᠭᠠᠷᠭ᠋ᠠᠪᠠᠯ᠂ ᠣᠯᠠᠩᠬᠢᠨᠢ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠳᠤ ᠲᠡᠰᠪᠦᠷᠢᠲᠡᠢ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠪᠣᠳᠠ ᠮᠣᠳᠣᠨᠤ ᠲᠥᠷᠥᠯ ᠵᠦᠢ᠍ᠯ ᠪᠣᠯᠣᠨᠠ᠃ ᠬᠣᠲᠠ ᠵᠢᠨ ᠣᠢ ᠰᠢᠭᠤᠢ ᠵᠢᠨ ᠰᠠᠯᠠᠭᠠ ᠮᠥᠴᠢᠷᠤᠨ ᠨᠥᠬᠥᠳ ᠶᠠᠷᠢᠬᠤᠳᠠᠭᠠᠨ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨᠬᠢᠨ 《ᠤᠰᠤᠪᠠᠷ ᠣᠢ ᠰᠢᠭᠤᠢ ᠵᠢ ᠲᠣᠭᠲᠠᠭ᠋ᠠᠵᠤ᠂ ᠲᠣᠬᠢᠷᠠᠮᠵᠢᠲᠠᠢ ᠭᠠᠵᠠᠷᠲᠤ ᠮᠣᠳᠣ ᠲᠠᠷᠢᠬᠤ》 ᠵᠠᠷᠴᠢᠮᠢ ᠴᠢᠩᠭᠠ ᠵᠢᠷᠤᠮᠯᠠᠨ᠂ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠲᠠᠢ ᠲᠡᠮᠡᠴᠡᠬᠦ ᠡᠯᠡᠰᠦᠨᠤ ᠮᠣᠳᠣᠨᠤ ᠲᠥᠷᠥᠯᠢ ᠣᠷᠣᠭᠤᠯᠤᠨ ᠪᠣᠢ᠌ᠵᠢᠭᠤᠯᠬᠤ ᠠᠵᠢᠯᠢ ᠴᠢᠩᠭ᠋ᠠᠳᠬᠠᠵᠤ᠂ 《ᠲᠤᠷᠤᠭ ᠮᠣᠳᠣ ᠵᠢ ᠵᠠᠬᠠ ᠬᠠᠪᠢᠳᠤᠨᠢ ᠪᠠᠢ᠌ᠯᠭ᠋ᠠᠵᠤ᠂ ᠪᠣᠳᠠ ᠮᠣᠳᠣᠪᠠᠷ ᠡᠵᠡᠨ ᠪᠣᠯᠭ᠋ᠠᠬᠤ》 ᠨᠣᠭᠣᠭ᠋ᠠᠷᠠᠭᠤᠯᠤᠯᠲᠠ ᠵᠢᠨ ᠵᠠᠭᠪᠤᠷᠢ ᠰᠦᠪᠡᠭᠴᠢᠯᠡᠨ ᠳ᠋ᠦᠩᠨᠡᠵᠦ᠂ ᠣᠶ᠋ᠢᠵᠢᠭᠤᠯᠬᠤ ᠪᠠ ᠬᠠᠮᠠᠭ᠋ᠠᠯᠠᠬᠤ ᠥᠪᠡᠷᠤᠨ ᠥᠷᠲᠡᠭᠢ ᠪᠦᠲᠦᠮᠵᠢᠲᠡᠢ ᠪᠠᠭᠤᠷᠠᠭᠤᠯᠵᠤ᠂ ᠡᠯᠡᠰᠦᠷᠬᠡᠭᠵᠢᠭᠰᠡᠨ ᠭᠠᠵᠠᠷ ᠰᠢᠷᠣᠢ ᠵᠢ ᠰᠡᠷᠭᠡᠢ᠌ᠯᠡᠨ ᠵᠠᠰᠠᠬᠤ ᠠᠵᠢᠯᠢ ᠨᠠᠩ ᠦᠷᠭᠦᠯᠵᠢᠯᠡᠬᠦᠢ᠌ᠴᠡ ᠴᠢᠨᠠᠷᠲᠠᠢ ᠪᠣᠯᠭ᠋ᠠᠨᠠ ᠭᠡᠵᠡᠢ᠃
ᠨᠣᠭᠣᠭ᠋ᠠᠨ ᠥᠩᠭᠡ ᠪᠣᠯ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠮᠥᠨ᠂ ᠨᠣᠭᠣᠭ᠋ᠠᠨ ᠥᠩᠭᠡ ᠪᠣᠯ ᠰᠠᠢ᠍ᠢ᠍ᠨ ᠰᠠᠢ᠌ᠬᠠᠨ ᠢᠷᠡᠭᠡᠳᠦᠢ ᠮᠥᠨ᠃ ᠦᠬᠠᠢ ᠵᠢᠨ ᠨᠣᠭᠣᠭ᠋ᠠᠨ ᠥᠩᠭᠡᠨᠢ ᠬᠡᠳᠦᠨ ᠦᠶᠡ ᠵᠢᠨ ᠬᠥᠮᠥᠰᠤᠨ ᠰᠢᠷᠭ᠋ᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠴᠢᠷᠮᠠᠢ᠌ᠯᠭᠠ ᠵᠢ ᠠᠴᠢᠶᠠᠯᠠᠵᠤ ᠪᠤᠢ᠂ ᠲᠡᠭᠦᠨᠤ ᠳᠣᠲᠣᠷᠠ ᠲᠣᠭ᠋ᠠᠯᠠᠰᠢ ᠦᠭᠡᠢ ᠤᠯᠠᠨ ᠳᠠᠭᠤᠤ ᠪᠠ ᠥᠯᠢᠭᠡᠷ᠂ ᠬᠥᠯᠥᠰᠦ ᠪᠠ ᠨᠢᠯᠪᠤᠰᠤ᠂ ᠭᠠᠴᠢᠭᠳᠠᠯ ᠪᠠ ᠠᠷᠭᠠ ᠪᠠᠷᠠᠭᠳᠠᠬᠤ᠂ ᠨᠤᠭᠤᠷᠠᠰᠢ ᠦᠭᠡᠢ ᠪᠠ ᠲᠡᠮᠡᠴᠡᠯᠳᠦᠭᠡᠨ ᠪᠤᠢ᠃ ᠤᠯᠠᠨ ᠵᠢᠯᠤᠨ ᠳᠠᠷᠠᠭᠠ᠂ ᠡᠨᠡ ᠪᠦᠬᠦᠨᠨᠢ ᠴᠥᠮ ᠲᠡᠦᠬᠡ ᠪᠣᠯᠣᠨᠠ᠂ ᠭᠡᠪᠡᠴᠦ ᠲᠡᠷᠡ ᠬᠦ᠌ ᠨᠣᠭᠣᠭ᠋ᠠᠨ ᠳᠣᠯᠭᠢᠶᠠᠨ ᠳᠠᠪᠠᠯᠭ᠋ᠠᠯᠠᠬᠤ ᠲᠠᠭᠤᠨᠨᠢ ᠬᠣᠵᠢᠮᠤᠨ ᠬᠥᠮᠥᠰᠤᠨ ᠰᠡᠳᠬᠢᠯ ᠵᠢᠷᠦᠬᠡᠢ ᠬᠥᠨᠳᠡᠨᠡ᠃