ᠲᠥᠪ ᠲᠧᠯᠸᠢᠰᠦᠨ ᠰᠦᠯᠵᠢᠶᠡᠨᠦ᠌ ᠮᠡᠳᠡᠭᠡ ᠥᠪᠥᠷ ᠮᠣᠩᠭᠣᠯᠤ᠋ᠨ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤ᠋ᠨ ᠣᠷᠳᠣᠨᠤ᠋ ᠲᠥᠪ ᠬᠣᠲᠠ ᠪᠣᠯᠤᠭ᠍ᠰᠠᠨᠤ᠋ ᠬᠤᠪᠢᠳ᠋ᠤ᠂ ᠱᠢᠯᠢᠶ᠋ᠢᠨ ᠬᠣᠲᠠᠶᠢᠨ ᠣᠯᠠᠨ ᠨᠡᠢᠲᠡᠶᠢᠨ ᠵᠠᠮ ᠬᠠᠷᠢᠯᠴᠠᠭᠠ ᠢᠮᠠᠭ᠍ᠲᠠ ᠪᠦᠬᠦ᠌ ᠠᠢᠮᠠᠭᠤ᠋ᠨ ᠡᠮᠦᠨᠡ ᠡᠩᠨᠡᠭᠡᠨᠳ᠋ᠦ᠍ ᠶᠠᠪᠤᠳᠠᠭ᠃ ᠣᠳᠣᠬᠠᠨᠳᠤ ᠨᠢᠭᠡᠨᠲᠡ ᠪᠦᠷᠬᠦᠴᠡᠨᠢ ᠥᠷᠭᠡᠨ᠂ ᠦᠢᠯᠡᠴᠢᠯᠡᠭᠡᠨᠢ ᠱᠢᠯᠢᠳᠡᠭ᠂ ᠤᠶᠤᠨᠴᠢᠯᠠᠭ᠍ᠰᠠᠨ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡᠨᠤ ᠲᠣᠭᠲᠠᠯᠴᠠᠭᠠᠶᠢ ᠪᠠᠢᠭᠤᠯᠵᠤ᠂ ᠬᠤᠳᠠᠶ᠋ᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠶ᠋ᠢᠨ ᠰᠠᠢᠨ ᠰᠠᠢᠬᠠᠨ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠣᠯᠵᠠᠢ᠃
ᠣᠳᠣᠬᠠᠨᠳ᠋ᠤ᠂ ᠱᠢᠯᠢᠶ᠋ᠢᠨ ᠬᠤᠲᠠ ᠨᠢᠭᠡᠨᠲᠡ ᠲᠣᠭ᠍ᠲᠠᠮᠠᠯ ᠨᠡᠢᠲᠡᠶᠢᠨ ᠵᠠᠮ ᠬᠠᠷᠢᠯᠴᠠᠭᠠ᠂ ᠲᠤᠰᠭᠠᠢ ᠬᠡᠷᠡᠭ᠌ᠯᠡᠬᠦ᠌ ᠵᠠᠮ ᠱᠤᠭᠤᠮ᠂ ᠬᠣᠲᠠ ᠬᠥᠳᠡᠭᠡᠶᠢᠨ ᠨᠡᠢᠲᠡᠶᠢᠨ ᠵᠠᠮ ᠬᠠᠷᠢᠯᠴᠠᠭᠠ ᠵᠢᠴᠢ ᠨᠡᠪᠲᠡᠷᠡᠬᠦ᠌ ᠨᠡᠢᠲᠡᠶᠢᠨ ᠵᠠᠮ ᠬᠠᠷᠢᠯᠴᠠᠭᠠ ᠵᠡᠷᠭᠡ ᠡᠯᠡ ᠲᠥᠷᠥᠯᠦ᠋ᠨ ᠵᠠᠮ ᠱᠤᠭᠤᠮᠢ᠋ 22 ᠵᠤᠷᠪᠤᠰ ᠨᠡᠭᠡᠭᠡᠵᠦ᠍᠂ ᠱᠤᠭᠤᠮᠤ᠋ᠨ ᠶᠡᠷᠦᠩᠬᠡᠢ ᠤᠷᠲᠤ ᠨᠢ 368 ᠺᠢᠯᠣᠮᠧᠲ᠋ᠷ᠂ 377 ᠨᠡᠶ᠋ᠢᠲᠡᠶᠢᠨ ᠮᠠᠰᠢᠨ ᠲᠡᠷᠭᠡᠨᠦ ᠥᠷᠲᠡᠭᠡ ᠴᠡᠭᠦᠨ 500 ᠮᠧᠲᠷᠦᠨ ᠪᠦᠷᠬᠦᠴᠡᠶᠢᠨ ᠨᠣᠷᠮᠠᠶᠢ 100% ᠪᠡᠷ ᠪᠡᠶᠡᠯᠡᠭᠦᠯᠪᠡ᠃ ᠲᠡᠭᠡᠭᠡᠪᠦᠷᠢ ᠡᠵᠡᠩᠨᠡᠯᠲᠡᠶᠢᠨ ᠮᠠᠰᠢᠨ ᠲᠡᠷᠭᠡᠨᠦ ᠳᠣᠲᠣᠷᠠ ᠰᠢᠨᠡ ᠡᠨᠧᠷᠭᠢᠶᠢᠨ ᠰᠤᠷᠪᠤᠯᠵᠢᠶᠢᠨ ᠡᠵᠡᠯᠡᠬᠦ ᠬᠠᠷᠢᠴᠠᠯ 81% ᠳᠤ ᠬᠦᠷᠴᠦ᠂ ᠵᠢᠯᠦᠨ ᠦᠢᠯᠡᠴᠢᠯᠡᠭᠡᠨᠦ ᠠᠶᠠᠨᠴᠢᠳᠤᠨ ᠲᠣᠭᠠ ᠪᠠᠷᠤᠭ 1100 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠡᠢ᠃ ᠴᠡᠪᠡᠷ ᠴᠠᠬᠢᠯᠭᠠᠨ ᠲᠡᠷᠭᠡ ᠲᠣᠭ᠍ᠲᠠᠭᠤᠨ ᠪᠦᠭᠡᠳ ᠨᠠᠮᠵᠢᠭᠤᠨ ᠪᠠᠢᠵᠤ᠂ ᠲᠠᠯᠠᠪᠤᠷ ᠥᠷᠲᠡᠭᠡᠨᠳᠠᠬᠢ 50 ᠴᠠᠬᠢᠯᠭᠠᠨ ᠴᠡᠨᠡᠭ᠌ᠯᠡᠬᠦ᠌ ᠪᠠᠭᠠᠨᠠ ᠨᠢ ᠡᠨᠧᠷᠭᠢ ᠨᠥᠬᠦᠪᠦᠷᠢᠯᠡᠬᠦ᠌ᠳᠦ ᠨᠠᠩ ᠳᠥᠭᠦᠮ ᠪᠣᠯᠭᠠᠵᠤ᠂ ᠣᠶᠤᠨᠴᠢ ᠲᠣᠬᠢᠷᠠᠭᠤᠯᠤᠯᠲᠠᠶ᠋ᠢᠨ ᠱᠢᠰᠲ᠋ᠧᠮᠨᠢ ᠪᠠᠰᠠ ᠠᠮᠤᠷ ᠲᠦᠪᠱᠢᠨᠤ ᠲᠦᠭ᠌ᠰᠢᠭᠦᠷᠢᠶ᠋ᠢ ᠴᠠᠭ ᠲᠤᠬᠠᠶᠳᠤᠨᠢ ᠰᠡᠷᠡᠮᠵᠢᠯᠡᠭᠦᠯᠵᠦ᠍᠂ ᠲᠣᠬᠢᠷᠠᠭᠤᠯᠬᠤ ᠲᠠᠰᠤᠭᠨᠢ ᠵᠠᠮᠤᠨ ᠪᠠᠢᠳᠠᠯᠢ ᠱᠢᠭᠤᠳ ᠰᠠᠨᠠᠭᠤᠯᠵᠤ᠂ ᠳᠠᠬᠢᠨ ᠲᠤᠷᠱᠢᠯᠭᠠᠶᠢᠨ ᠮᠠᠭ᠋ᠠᠳᠯᠠᠯᠲᠠᠳᠤ ᠲᠦᠰᠢᠭᠯᠡᠬᠦ ᠬᠡᠷᠡᠭ ᠦᠭᠡᠢ᠂ ᠲᠣᠭ᠍ᠲᠠᠭ᠍ᠰᠠᠨ ᠴᠠᠭᠤᠨ ᠨᠣᠷᠮᠠᠨᠢ ᠤᠯᠠᠮᠠᠴᠠ ᠤᠯᠠᠮ ᠥᠨᠳᠥᠷ ᠪᠣᠯᠪᠠ᠃
ᠱᠢᠯᠢᠶ᠋ᠢᠨ ᠬᠤᠲᠠᠶ᠋ᠢᠨ ᠲᠢᠶᠠᠨ ᠠᠨ ᠨᠡᠢᠲᠡᠶ᠋ᠢᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢᠶ᠋ᠢᠨ ᠲᠤᠬᠢᠷᠠᠭᠤᠯᠤᠨ ᠬᠢᠨᠠᠨ ᠡᠵᠡᠮᠳᠡᠬᠦ᠌ ᠲᠥᠪᠤᠨ ᠡᠷᠬᠢᠯᠡᠭ᠌ᠴᠢ ᠰᠦᠩ ᠱᠢᠶᠣᠤ ᠨᠢᠩ᠄ 《ᠺᠣᠮᠫᠠᠨᠢ 2013 ᠣᠨᠤ ᠡᠪᠦᠯᠤᠨ ᠤᠯᠠᠷᠢᠯᠳᠤ ᠣᠶᠤᠨᠴᠢᠯᠠᠭ᠍ᠰᠠᠨ ᠲᠣᠬᠢᠷᠠᠭᠤᠯᠤᠯᠲᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡᠨᠤ ᠺᠣᠮᠫᠠᠨᠢᠶ᠋ᠢᠨ ᠲᠤᠬᠢᠷᠠᠭᠤᠯᠤᠨ ᠵᠢᠯᠣᠭᠤᠳᠭᠤ ᠲᠥᠪᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠲᠤᠰᠭᠠᠢ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠪᠠᠢᠭᠤᠯᠤᠮᠵᠢᠶ᠋ᠢ ᠪᠠᠢ᠌ᠭᠤᠯᠪᠠ᠃ ᠣᠳᠣᠬᠠᠨᠳᠤ ᠱᠢᠯᠢᠶ᠋ᠢᠨ ᠬᠤᠲᠠᠶ᠋ᠢᠨ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡᠨᠤ ᠵᠠᠮ ᠱᠤᠭᠤᠮᠨᠢ ᠨᠢᠭᠡᠨᠲᠡ ᠪᠦᠬᠦᠯᠢ ᠡᠳᠦᠷᠢᠶᠠᠷ ᠣᠶᠤᠨᠴᠢᠯᠠᠭ᠍ᠰᠠᠨ ᠲᠣᠬᠢᠷᠠᠭᠤᠯᠤᠯᠲᠠᠶ᠋ᠢ ᠪᠡᠶᠡᠯᠡᠭᠦᠯᠪᠡ᠂ ᠡᠭᠦᠨᠳᠤ ᠠᠬᠤᠢ ᠲᠠᠯᠠᠪᠠᠢᠳᠤ ᠸᠢᠳᠢᠤ᠋ᠪᠡᠷ ᠬᠢᠨᠠᠨ ᠡᠵᠡᠮᠳᠡᠬᠦ᠂ ᠡᠵᠡᠩᠨᠡᠯᠲᠡᠶᠢᠨ ᠲᠦᠯᠦᠪᠯᠡᠭᠡᠶᠢ ᠠᠥᠲ᠋ᠦ᠋ᠴᠢᠯᠠᠨ ᠡᠭᠡᠯᠵᠢᠯᠡᠬᠦ᠂ ᠲᠡᠷᠭᠡ ᠬᠥᠰᠭᠡᠶ᠋ᠢ ᠠᠮᠢᠳᠤᠯᠢᠭᠢᠶᠠᠷ ᠲᠣᠬᠢᠷᠠᠭᠤᠯᠬᠤ᠂ ᠬᠡᠳᠦ ᠬᠤᠷᠳᠦᠶᠢᠨ ᠲᠦᠭ᠌ᠰᠢᠭᠦᠷᠢᠶᠢ ᠮᠡᠳᠡᠭᠦᠯᠬᠦ᠂ ᠲᠣᠭᠤᠷᠢᠯ ᠵᠠᠮᠠᠴᠠ ᠵᠠᠢᠳᠠᠬᠤ ᠵᠡᠷᠭᠡ ᠲᠦᠭ᠌ᠰᠢᠭᠦᠷᠢᠶᠢ ᠮᠡᠳᠡᠭᠦᠯᠬᠦ᠌ ᠴᠢᠳᠠᠮᠵᠢᠶ᠋ᠢ ᠪᠠᠭ᠍ᠲᠠᠭᠠᠵᠠᠢ》 ᠭᠡᠵᠦ ᠬᠡᠯᠡᠪᠡ᠃
ᠣᠨᠴᠠᠭᠠᠶ ᠬᠠᠮᠲᠦ ᠨᠡᠢ᠌ᠲᠡᠳᠦ ᠴᠢᠭ᠌ᠯᠡᠭᠦᠯᠦᠨ᠂ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡᠨᠤ ᠺᠣᠮᠫᠠᠨᠢ ᠠᠯᠪᠠᠨ ᠴᠡᠷᠢᠭᠠᠴᠠ ᠪᠢᠯᠧᠲ ᠠᠪᠬᠤ ᠦᠭᠡᠢ᠂ ᠪᠦᠬᠦᠯᠢ 60 ᠨᠠᠰᠤᠨᠠᠴᠠ ᠳᠡᠭᠡᠭ᠌ᠰᠢᠬᠢ ᠨᠠᠰᠤᠲᠠᠢᠴᠤᠳᠤᠨ ᠲᠡᠷᠭᠡᠨᠳᠤ ᠰᠠᠭᠤᠬᠤ ᠨᠡᠮᠡᠭᠦᠷᠢ ᠵᠡᠷᠭᠡ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ 14 ᠰᠠᠥᠷᠢ ᠳᠣᠤᠷᠠ ᠱᠠᠯᠠ ᠲᠠᠢ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡ ᠨᠢ ᠨᠠᠰᠤᠲᠠᠢ ᠠᠶᠠᠨᠴᠢᠳ ᠪᠠ ᠵᠡᠮᠳᠡᠭ᠌ᠴᠦᠳᠤᠨ ᠲᠡᠷᠭᠡᠨᠳᠤ ᠭᠠᠷᠴᠦ ᠪᠠᠭᠤᠬᠤᠳᠤ ᠨᠠᠩ ᠳᠦᠭᠦᠮ ᠪᠣᠯᠭᠠᠪᠠ᠃
ᠵᠠᠮ ᠱᠤᠭᠤᠮᠢ ᠰᠢᠯᠢᠳᠡᠭᠵᠢᠭᠦᠯᠬᠦᠡᠴᠡ ᠦᠢᠯᠡᠴᠢᠯᠡᠭᠡᠨᠦ ᠶᠠᠰᠤ ᠴᠢᠨᠠᠷᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠬᠦᠷᠲᠡᠯᠡ᠂ ᠱᠢᠯᠢᠶ᠋ᠢᠨ ᠬᠤᠲᠠᠶᠢᠨ ᠨᠡᠶ᠋ᠢᠲᠡᠶᠢᠨ ᠵᠠᠮ ᠬᠠᠷᠢᠯᠴᠠᠭᠠ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠠᠰ ᠳᠡᠪᠰᠢᠪᠡ᠃ ᠰᠤᠷᠭ᠋ᠠᠭᠤᠯᠢᠳᠤ ᠨᠡᠪᠲᠡᠷᠡᠬᠦ 8 ᠲᠤᠰᠬᠠᠢ ᠱᠤᠭᠤᠮ᠂ ᠨᠢᠭᠡᠳ ᠨᠢᠭᠡᠪᠡᠷ ᠡᠮᠨᠡᠯᠭᠡᠳᠦ ᠨᠡᠪᠲᠡᠷᠡᠬᠦ ᠲᠤᠰᠭᠠᠢ ᠱᠤᠭᠤᠮᠢ ᠨᠠᠪᠲᠠᠷᠡᠭᠦᠯᠵᠦ᠍ ᠣᠯᠠᠨ ᠲᠦᠮᠡᠨᠤ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠶ᠋ᠢ ᠤᠨᠤᠴᠢᠲᠠᠢ ᠵᠣᠯᠭᠠᠭᠤᠯᠵᠤ᠂ 158 ᠰᠠᠥᠷᠢ ᠲᠡᠷᠭᠡ ᠬᠦᠯᠢᠶᠡᠬᠦ᠌ ᠲᠢᠩᠰᠡᠨᠢ ᠲᠡᠷᠭᠡ ᠬᠦᠯᠢᠶᠡᠬᠦ᠌ ᠣᠷᠴᠢᠨᠢ ᠨᠡᠩ ᠲᠠᠭᠠᠯᠠᠮᠵᠢᠲᠠᠢ ᠪᠣᠯᠭᠠᠪᠠ᠃ ᠱᠢᠯᠢᠶ᠋ᠢᠨ ᠬᠤᠲᠠᠶᠢᠨ ᠵᠠᠰᠠᠭᠤ᠋ᠨ ᠣᠷᠳᠣᠨ ᠥᠪᠡᠷᠦ᠋ᠨ ᠥᠷᠲᠡᠭᠦ᠋ᠨ ᠳᠦᠷᠢᠮᠤᠨ ᠨᠡᠮᠡᠭᠦᠷᠢ ᠥᠭ᠌ᠬᠦ ᠪᠠ ᠦᠢᠯᠡᠴᠢᠯᠡᠭᠡᠨᠦ᠌ ᠶᠠᠰᠤ ᠴᠢᠨᠠᠷᠢ᠋ ᠬᠢᠨᠠᠨ ᠰᠢᠯᠭ᠋ᠠᠵᠦ ᠱᠠᠩᠨᠠᠨ ᠬᠥᠬᠢᠭᠦᠯᠬᠦ᠌ᠶᠢ ᠤᠶᠠᠯᠳᠤᠭᠤᠯᠬᠤ ᠠᠷᠭᠠ ᠮᠠᠶᠢᠭᠢᠶᠠᠷ ᠳᠠᠮᠵᠢᠭᠤᠯᠤᠨ᠂ ᠨᠡᠢᠲᠡᠶᠢᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ᠋ ᠠᠵᠢᠯ ᠲᠥᠷᠥᠯᠦ᠋ᠨ ᠦᠷᠭᠦᠯᠵᠢᠯᠡᠬᠦ ᠬᠦᠭᠵᠢᠯᠲᠡᠶᠢ ᠪᠠᠲᠤᠯᠠᠵᠤ ᠪᠠᠢ᠌ᠨᠠ᠃
《ᠢᠨᠢᠶᠡᠮᠰᠦᠭᠯᠡᠨ ᠦᠢᠯᠡᠴᠢᠯᠡᠵᠦ᠂ ᠶᠣᠰᠣᠷᠬᠠᠭᠢᠶᠠᠷ ᠵᠣᠴᠢᠳᠲᠤ ᠬᠠᠨᠳᠤᠬᠤ》 ᠨᠢ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡᠨᠤ ᠵᠢᠯᠣᠭᠤᠴᠢᠶ᠋ᠢᠨ ᠬᠡᠪ ᠪᠠᠷᠢᠮᠵᠢᠶᠠ ᠪᠣᠯᠵᠣ᠂ ᠲᠣᠭ᠍ᠲᠠᠮᠠᠯ ᠬᠤᠭᠤᠴᠠᠭᠠᠲᠠᠢᠪᠠᠷ ᠥᠷᠨᠢᠭᠦᠯᠦᠭ᠌ᠰᠡᠨ ᠦᠶ᠋ᠯᠡᠴᠢᠯᠡᠭᠡᠨᠤ ᠶᠣᠰᠣᠯᠠᠯ ᠪᠠ ᠠᠮᠤᠷ ᠲᠦᠪᠱᠢᠨᠢᠶᠠᠷ ᠵᠢᠯᠣᠭᠤᠳᠭᠤ ᠪᠣᠯᠪᠠᠰᠤᠷᠠᠯ ᠪᠣᠯᠵᠣ᠂ ᠠᠶᠠᠨᠴᠢᠳᠤᠨ ᠬᠠᠨᠤᠮᠵᠢᠶ᠋ᠢᠨ ᠬᠡᠮᠵᠢᠶᠡᠶ᠋ᠢ 98.47% ᠳᠤ ᠬᠦᠷᠭᠡᠪᠡ᠃ ᠥᠨᠥᠳᠦᠷᠤᠨ ᠱᠢᠯᠢᠶ᠋ᠢᠨ ᠬᠤᠲᠠᠶᠢᠨ ᠨᠡᠢᠲᠡᠶ᠋ᠢᠨ ᠵᠠᠮ ᠬᠠᠷᠢᠯᠴᠠᠭᠠ ᠪᠣᠯ᠂ ᠬᠤᠲᠠᠶ᠋ᠢᠨ ᠠᠷᠠᠳᠤᠨ ᠶᠠᠪᠤᠵᠤ ᠰᠠᠭᠤᠬᠤ ᠱᠢᠯᠢᠳᠡᠭ ᠰᠣᠩᠭᠤᠯᠲᠠ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠪᠣᠬᠢᠷᠲᠤᠯ ᠥᠬᠡᠶ ᠣᠷᠴᠢᠨ ᠲᠣᠭᠤᠷᠢᠨᠤ ᠬᠠᠮᠠᠭᠠᠯᠠᠯᠲᠠ᠂ ᠣᠶᠤᠨᠴᠢ ᠳᠥᠭᠦᠮ ᠳᠥᠲᠡ ᠳᠦᠷᠢ ᠲᠥᠷᠬᠦ᠌ᠪᠠᠷ ᠬᠤᠲᠠᠶ᠋ᠢᠨ ᠰᠣᠶᠣᠯ ᠢᠷᠭᠡᠨᠱᠢᠯᠤᠨ ᠬᠠᠯᠠᠮᠵᠢᠯᠠᠯᠢ ᠢᠯᠡᠷᠡᠭᠦᠯᠬᠦ᠌ ᠨᠡᠭᠦᠳᠡᠯ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠣᠯᠵᠣ᠂ ᠬᠤᠲᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠳᠤ ᠦᠷᠭᠦᠯᠵᠢᠯᠡᠬᠦ᠌ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨᠢ ᠨᠡᠮᠡᠷᠢᠯᠡᠪᠡ᠃ （ᠵᠣᠬᠢᠶᠠᠯ/ ᠸᠠᠩ ᠾᠦᠢ）
