10 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 25ᠤ ᠡᠳᠦᠷ᠂ ᠤᠯᠤᠰᠤᠨ ᠵᠠᠮᠤᠨ 213 ᠱᠤᠭᠤᠮᠤᠨ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠵᠠᠮᠤᠨ ᠲᠡᠷᠭᠡ ᠨᠡᠪᠲᠡᠷᠡᠬᠦ ᠶᠣᠰᠣᠯᠠᠯ ᠥᠪᠥᠷ ᠮᠣᠩᠭᠣᠯ ᠭᠠᠨᠰᠦ ᠵᠢᠨ ᠵᠠᠭ᠋ᠠᠭᠤᠨ ᠵᠠᠮᠤᠨ ᠬᠡᠰᠡᠭᠲᠤ ᠶᠠᠪᠤᠭᠳᠠᠪᠠ᠃
ᠤᠯᠤᠰᠤᠨ ᠵᠠᠰᠠᠮᠠᠯ ᠵᠠᠮᠤᠨ ᠲᠣᠣᠷᠤᠨ ᠲᠥᠯᠥᠪᠵᠢᠭᠦᠯᠭᠡ ᠵᠢᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠲᠤᠰ ᠵᠠᠰᠠᠮᠠᠯ ᠵᠠᠮᠤᠨ ᠪᠦᠬᠦ ᠤᠷᠳᠤᠨᠢ 71 ᠺᠢᠯᠣᠮᠧᠲᠷ ᠪᠠᠢ᠌ᠵᠤ᠂ ᠶᠡᠷᠦᠩᠬᠡᠢ ᠵᠠᠮ ᠱᠤᠭᠤᠮᠨᠢ ᠬᠣᠢ᠌ᠨᠠᠠᠴᠠ ᠡᠮᠦᠨᠡᠰᠢᠪᠠᠨ ᠴᠢᠭᠯᠡᠯᠲᠠᠢ᠂ ᠭᠠᠨᠰᠤ ᠵᠢᠨ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠵᠠᠰᠠᠮᠠᠯ ᠵᠠᠮᠤᠨ ᠾᠧᠢ ᠾᠧ ᠶᠡᠬᠡ ᠬᠥᠭᠥᠷᠭᠡ ᠵᠢᠨ ᠵᠡᠭᠦᠨ ᠡᠷᠭᠢ ᠵᠢᠨ ᠬᠥᠭᠥᠷᠭᠡ ᠵᠢᠨ ᠦᠵᠦᠭᠦᠷᠲᠠᠢ ᠵᠠᠯᠭ᠋ᠠᠯᠳᠤᠨᠠ᠃
ᠤᠯᠤᠰᠤᠨ ᠵᠠᠮᠤᠨ 213 ᠱᠤᠭᠤᠮᠤᠨ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠵᠠᠮᠨᠢ 2024 ᠣᠨᠤ 4 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠪᠠᠷᠢᠯᠭᠠ ᠡᠬᠢᠯᠡᠭᠰᠡᠨᠠᠴᠠ ᠨᠠᠭ᠋ᠠᠰᠢ᠂ ᠮᠢᠩᠭᠠ ᠰᠢᠬᠠᠮ ᠪᠥᠲᠥᠭᠡᠨ ᠪᠠᠢ᠌ᠭᠤᠯᠤᠭᠴᠢ ᠡᠯᠡᠰᠦᠨ ᠴᠥᠯ ᠭᠣᠪᠢᠳᠤ ᠣᠷᠣᠵᠤ᠂ ᠡᠯᠡᠰᠦ ᠰᠢᠭᠤᠷᠭᠠᠲᠠᠢ ᠲᠡᠮᠡᠴᠡᠵᠦ᠂ ᠠᠭ᠋ᠠᠭᠢᠮᠠ ᠬᠠᠯᠠᠭᠤᠨᠲᠠᠢ ᠲᠡᠮᠡᠴᠡᠵᠦ᠂ ᠵᠢᠯ ᠭᠠᠷᠤᠶ ᠵᠢᠨ ᠪᠣᠭᠣᠮᠲᠠ ᠰᠢᠪᠲᠤᠯᠬᠤ ᠳᠠᠢ᠌ᠯᠠᠯᠳᠤᠭ᠋ᠠᠨᠢ ᠥᠩᠭᠡᠷᠡᠭᠡᠵᠦ᠂ ᠤᠷᠢᠳ ᠬᠣᠵᠢᠳ ᠡᠵᠡᠩᠨᠡᠯᠲᠡ ᠵᠢᠨ ᠲᠥᠬᠥᠮ ᠵᠠᠮ᠂ ᠵᠠᠮᠤᠨ ᠰᠠᠭᠤᠷᠢ ᠵᠢᠨ ᠰᠢᠷᠣᠶ ᠴᠢᠯᠠᠭᠤ᠂ ᠬᠠᠷᠠ ᠵᠠᠮᠤᠨ ᠭᠠᠳᠠᠷᠭᠤ ᠵᠢ ᠳᠡᠪᠢᠰᠬᠦ ᠵᠡᠷᠭᠡ ᠵᠠᠩᠭᠢᠯᠠᠭᠠ ᠵᠢᠨ ᠴᠡᠭᠤᠨ ᠪᠠᠷᠢᠯᠭᠠ ᠵᠢᠨ ᠡᠭᠦᠷᠭᠡ ᠵᠢ ᠪᠡᠶᠡᠯᠡᠭᠦᠯᠵᠦ᠂ 2025 ᠣᠨᠤ 10 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 19ᠤ ᠡᠳᠦᠷ ᠭᠣᠤᠯ ᠱᠤᠭᠤᠮᠢ ᠪᠦᠬᠦᠨᠢ ᠨᠡᠪᠲᠡᠷᠡᠭᠦᠯᠪᠡ᠃ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠳᠤᠮᠳᠠ᠂ ᠡᠯᠡ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠᠳᠤ ᠣᠷᠣᠯᠴᠠᠭᠰᠠᠨ ᠨᠢᠭᠡᠴᠢᠨᠦᠭᠦᠳ ᠬᠦᠴᠦᠪᠠᠨ ᠬᠠᠮᠲᠤᠳᠬᠠᠨ ᠬᠠᠮᠵᠢᠯᠴᠠᠵᠤ᠂ ᠬᠠᠷᠢᠭᠤᠴᠠᠯᠭᠠᠪᠠᠨ ᠬᠢᠨᠠᠮᠠᠭ᠋ᠠᠶ ᠭᠦᠢ᠍ᠴᠡᠳᠬᠡᠨ᠂ ᠳᠠᠪᠬᠤᠷ ᠳᠠᠪᠬᠤᠷ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠢ ᠴᠢᠷᠮᠠᠢ᠌ᠨ ᠢᠯᠠᠨ ᠳᠠᠪᠠᠵᠤ᠂ ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯᠲᠠᠶᠪᠠᠷ ᠲᠡᠮᠡᠴᠡᠬᠦ᠂ ᠨᠤᠭᠤᠷᠠᠰᠢ ᠦᠭᠡᠶ ᠲᠡᠮᠡᠴᠡᠬᠦ ᠵᠣᠷᠢᠭ ᠰᠠᠨᠠᠭᠠ ᠵᠢ ᠭᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠤᠨ᠂ ᠡᠯᠡ ᠵᠦᠢ᠍ᠯᠤᠨ ᠪᠠᠷᠢᠯᠭᠠ ᠵᠢᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠡᠭᠦᠷᠭᠡᠪᠠᠨ ᠲᠡᠭᠦᠰ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠭᠦᠯᠪᠡ᠃
ᠲᠣᠰ ᠵᠠᠰᠠᠮᠠᠯ ᠵᠠᠮᠤᠨ ᠪᠥᠲᠥᠭᠡᠨ ᠪᠠᠢ᠌ᠭᠤᠯᠤᠯᠲᠠᠨᠢ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠬᠠᠷᠪᠤᠯᠲᠠ ᠵᠢᠨ ᠲᠥᠪᠤᠨ ᠬᠥᠭᠵᠢᠯᠲᠡ ᠵᠢ ᠲᠦᠷᠭᠡᠳᠬᠡᠬᠦ ᠴᠠᠭ ᠦᠶᠡ ᠵᠢᠨ ᠬᠦᠨᠳᠦ ᠡᠭᠦᠷᠭᠡ ᠪᠠ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠬᠦᠴᠦᠷᠬᠡᠭ ᠤᠯᠤᠰᠢ ᠪᠥᠲᠥᠭᠡᠨ ᠪᠠᠢ᠌ᠭᠤᠯᠬᠤ ᠠᠭᠤᠤ ᠶᠡᠬᠡ ᠬᠦᠰᠡᠯ ᠵᠡᠭᠦᠳᠦ ᠵᠢ ᠠᠴᠢᠶᠠᠯᠠᠵᠤ᠂ ᠥᠪᠥᠷ ᠮᠣᠩᠭᠣᠯ ᠭᠠᠨᠰᠦ ᠬᠣᠶᠠᠷ ᠭᠠᠵᠠᠷᠤᠨ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠠᠷᠠᠳ ᠲᠦᠮᠡᠨᠤ ᠬᠠᠯᠠᠭᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠢ ᠠᠴᠢᠶᠠᠯᠠᠵᠤ᠂ ᠥᠪᠥᠷ ᠮᠣᠩᠭᠣᠯ ᠭᠠᠨᠰᠦ ᠬᠣᠶᠠᠷ ᠮᠤᠵᠢ ᠣᠷᠣᠨᠤ ᠵᠠᠮᠤᠨ ᠲᠣᠤᠷᠤᠨ ᠨᠥᠬᠥᠴᠡᠯ ᠪᠠ ᠨᠡᠪᠲᠡᠷᠡᠬᠦ ᠶᠠᠰᠤ ᠴᠢᠨᠠᠷᠢ ᠶᠡᠬᠡᠪᠠᠷ ᠰᠠᠢ᠌ᠵᠢᠷᠠᠭᠤᠯᠵᠤ᠂ ᠠᠵᠤ ᠠᠬᠤᠶ ᠨᠡᠢ᠌ᠭᠡᠮᠤᠨ ᠬᠥᠭᠵᠢᠯᠲᠡ ᠵᠢ ᠨᠠᠩ ᠰᠠᠢ᠌ᠲᠤᠷ ᠠᠬᠢᠭᠤᠯᠤᠭᠰᠠᠨ ᠵᠶ᠋ᠠᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠦᠢᠯᠡᠰᠲᠤ ᠦᠢᠯᠡᠴᠢᠯᠡᠬᠦ᠂ ᠴᠡᠷᠢᠭ ᠠᠷᠠᠳᠤᠨ ᠠᠭᠤᠰᠤᠯᠴᠠᠯᠢ ᠨᠡᠮᠡᠭᠳᠡᠭᠦᠯᠬᠦᠳᠤ ᠠᠯᠤᠰ ᠬᠡᠲᠦ ᠵᠢᠨ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠶᠤᠮ᠃
