12 ᠳ᠋ᠤᠭᠠᠷ ᠰᠠᠷᠠᠶᠢᠨ 2ᠤᠨ ᠡᠳᠦᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠴᠡᠷᠢᠭ ᠡᠯᠰᠡᠬᠦ ᠠᠯᠪᠠᠨ ᠭᠡᠷᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠴᠡᠷᠢᠭ ᠡᠯᠰᠡᠬᠦᠪᠠᠷ ᠣᠶᠤᠲᠠᠳᠲᠤ ᠤᠬᠠᠭᠤᠯᠭᠠ ᠬᠢᠭᠰᠡᠨ ᠵᠢᠴᠢ ᠴᠡᠷᠢᠭᠦᠨ ᠬᠤᠸᠠᠷᠠᠨᠢᠶᠠᠷ ᠲᠣᠭᠣᠷᠢᠨ ᠦᠵᠡᠬᠦ ᠠᠵᠢᠯᠯᠠᠭᠠ ᠨᠢ ᠵᠡᠪᠰᠡᠭᠲᠦ ᠴᠠᠭᠳᠠᠭᠠᠶᠢᠨ ᠥᠪᠥᠷ ᠮᠣᠩᠭᠣᠯᠳᠠᠬᠢ ᠶᠡᠷᠦᠩᠬᠡᠢ ᠠᠩᠭᠢᠶᠢᠨ ᠪᠡᠯᠡᠳᠬᠡᠯ ᠰᠠᠯᠪᠤᠷᠢ ᠠᠩᠭᠢᠳᠤ ᠶᠠᠪᠤᠭᠳᠠᠪᠠ᠃
ᠠᠵᠢᠯᠯᠠᠭᠠᠶᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ᠂ ᠬᠥᠬᠡᠬᠣᠲᠠ ᠭᠠᠵᠠᠷ ᠣᠷᠣᠨᠤ 24 ᠶᠡᠬᠡ ᠰᠤᠷᠭᠠᠭᠤᠯᠢᠠᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ 1200 ᠭᠠᠷᠤᠢ ᠣᠶᠤᠲᠠᠳ ᠴᠡᠷᠢᠭᠦᠨ ᠬᠣᠸᠠᠷᠠᠨᠳᠤ ᠬᠦᠷᠴᠦ᠂ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠢᠴᠢᠶᠡᠯᠦᠨ ᠲᠣᠭᠯᠠᠯᠲᠠᠶᠢ ᠰᠣᠨᠢᠷᠬᠠᠵᠤ᠂ ᠵᠡᠪᠰᠡᠭ ᠲᠣᠨᠣᠭᠯᠠᠯᠤᠨ ᠦᠵᠡᠭᠦᠯᠭᠡᠶᠢᠨ ᠲᠣᠭᠣᠷᠢᠭ᠋᠂ ᠴᠡᠷᠢᠭ ᠠᠩᠭᠢᠶᠢᠨ ᠢᠷᠠᠭᠤ ᠠᠯᠳᠠᠷᠤᠨ ᠲᠠᠰᠤᠭ ᠬᠢᠭᠡᠳ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳᠤᠨ ᠠᠮᠢᠳᠤᠷᠠᠯᠤᠨ ᠲᠣᠭᠣᠷᠢᠭ᠋ᠢ ᠲᠣᠭᠣᠷᠢᠨ ᠦᠵᠡᠵᠡᠢ᠃ ᠴᠡᠷᠢᠭ ᠬᠥᠮᠥᠨᠦ ᠠᠮᠢᠳᠤᠷᠠᠯᠢ ᠬᠦᠨᠡ ᠮᠡᠳᠡᠷᠡᠭᠦᠯᠦᠨ ᠣᠢᠯᠠᠭᠠᠭᠤᠯᠵᠤ᠂ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳᠤᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠡᠪ ᠴᠢᠨᠠᠷ ᠪᠠ ᠡᠷᠡᠰ ᠬᠠᠲᠠᠭᠤ ᠵᠣᠷᠢᠭ᠋ ᠰᠠᠨᠠᠭᠠ ᠵᠠᠩ ᠴᠢᠨᠠᠷᠢ ᠬᠠᠮᠤᠭᠤᠨ ᠣᠢᠷᠠ ᠵᠠᠢᠠᠴᠠ ᠮᠡᠳᠡᠷᠡᠭᠦᠯᠦᠨ ᠣᠢᠯᠠᠭᠠᠭᠤᠯᠬᠤᠪᠠᠷ ᠳᠠᠮᠵᠢᠭᠤᠯᠤᠨ᠂ ᠵᠠᠯᠠᠭᠤ ᠰᠤᠷᠤᠭ᠍ᠴᠢᠳᠤᠨ ᠴᠡᠷᠢᠭᠦᠨ ᠬᠣᠸᠠᠷᠠᠨᠤ ᠨᠢᠭᠡ ᠭᠡᠰᠢᠭᠦᠨ ᠪᠣᠯᠵᠤ᠂ ᠡᠬᠡ ᠣᠷᠣᠨᠳᠤᠪᠠᠨ ᠬᠦᠴᠦᠪᠡᠨ ᠡᠷᠭᠦᠬᠦ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠠ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡᠶᠢ ᠨᠢ ᠬᠥᠭᠵᠢᠭᠡᠪᠡ᠃
ᠣᠶᠤᠲᠠᠳᠢ ᠴᠡᠷᠢᠭᠲᠦ ᠡᠯᠰᠡᠬᠦ ᠨᠢ ᠴᠡᠷᠢᠭᠦᠨ ᠢᠷᠡᠯᠲᠡᠶᠢᠨ ᠪᠦᠲᠦᠴᠡᠶᠢ ᠰᠠᠢᠵᠢᠷᠠᠭᠤᠯᠬᠤ᠂ ᠴᠡᠷᠢᠭ ᠠᠩᠭᠢᠶᠢᠨ ᠲᠠᠢ᠍ᠢᠴᠢᠨ ᠬᠦᠴᠦᠨᠢ ᠳᠡᠭᠡᠭᠰᠢᠯᠡᠭᠦᠯᠬᠦ᠂ ᠵᠠᠯᠠᠭᠤ ᠰᠤᠷᠤᠭ᠍ᠴᠢᠳᠤᠨ ᠦᠰᠦᠨ ᠪᠣᠢᠵᠢᠵᠤ ᠲᠠᠪᠰᠢᠬᠤᠶᠢ ᠠᠬᠢᠭᠤᠯᠬᠤᠳᠤ ᠲᠤᠢᠯᠤᠨ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠶᠤᠮ᠃ 《ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ》ᠤᠨ ᠲᠥᠯᠥᠪᠵᠢᠭᠦᠯᠭᠡᠶᠢᠨ ᠬᠤᠭᠤᠴᠠᠭᠠᠨᠳᠤ᠂ ᠮᠠᠨᠤ ᠣᠷᠣᠨᠤ 1.5 ᠲᠦᠮᠡ ᠭᠠᠷᠤᠢ ᠣᠶᠤᠲᠠᠳ ᠤᠷᠢᠳ ᠬᠣᠵᠢᠳ ᠴᠡᠷᠢᠭᠲᠦ ᠣᠷᠣᠵᠤ᠂ ᠪᠣᠳᠠᠲᠤ ᠠᠵᠢᠯᠯᠠᠭᠠᠪᠠᠷᠢᠶᠠᠨ ᠤᠯᠤᠰᠢᠶᠠᠨ ᠬᠦᠴᠦᠷᠬᠡᠭᠵᠢᠭᠦᠯᠵᠦ ᠴᠡᠷᠢᠭᠢᠶᠡᠨ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠠᠭᠤᠤ ᠶᠡᠬᠡ ᠦᠢᠯᠡᠳᠦᠯᠭᠡᠳᠦ ᠣᠷᠣᠯᠴᠠᠵᠠᠭᠠᠪᠠ᠃