ᠰᠡᠴᠡᠨᠴᠢᠮᠡᠭ

      ᠰᠢᠨ᠎ᠠ ᠮᠢᠩᠭ᠋ᠠᠨ᠎ᠤ ᠰᠢᠨ᠎ᠠ ᠴᠠᠭ ᠦᠶ᠎ᠡ᠎ᠳᠤ ᠡᠴᠢᠭᠡ ᠠ᠋ᠭᠡᠴᠤᠤᠯ ᠬᠡᠤᠭᠡᠳ᠎ᠤᠨ ᠵᠶ᠋ᠠᠨ ᠪᠡᠶ᠎ᠡ ᠰᠡᠳᠬᠢᠯ᠎ᠤᠨ ᠠ᠋ᠷᠡᠬᠦᠯ ᠮᠡᠨᠳᠦ ᠵᠢᠨ ᠪᠤᠯᠪᠠᠰᠤᠷᠠᠯ᠎ᠢ ᠲᠡᠷᠢᠬᠦᠨ ᠪᠠᠶ᠋ᠢᠷᠢᠨ᠎ᠳᠤ ᠲᠠᠯᠪᠢᠨ᠂ ᠬᠡᠤᠭᠡᠳ ᠨᠢᠭᠡ ᠪᠦᠷᠢ ᠪᠤᠯ ᠨᠢᠭᠡᠨ ᠪᠤᠳᠠᠭ᠋ᠠᠯᠢ ᠪᠡᠶ᠎ᠡ ᠪᠤᠯᠬᠤ ᠵᠢ ᠬᠦᠨᠳᠤᠳᠭᠡᠵᠤ᠂ ᠲᠡᠳᠡᠨ᠎ᠤ ᠦᠪᠡᠷ ᠦᠪᠡᠷ᠎ᠤᠨ ᠤᠨᠴᠠᠯᠢᠭ ᠰᠢᠨᠵᠢ᠎ᠲᠠᠢ᠂ ᠦᠰᠤᠨ ᠪᠤᠶ᠋ᠢᠵᠢᠬᠤ ᠶᠠᠪᠤᠴᠠ᠂ ᠤᠷᠤᠨ ᠵᠠᠢ᠎ᠲᠠᠢ᠂ ᠰᠡᠳᠬᠢᠬᠦᠢ᠂ ᠮᠡᠳᠡᠷᠡᠮᠵᠢ᠎ᠲᠠᠢ ᠭᠡᠳᠡᠭ᠎ᠢ ᠦᠢ᠍ᠯᠠᠭ᠋ᠠᠨ᠂ ᠲᠡᠳᠡᠨ᠎ᠤ ᠲᠤᠳᠤᠭ᠋ᠠᠳᠦ ᠭᠡᠷᠡᠭᠴᠡᠭᠡ ᠵᠢ ᠬᠠᠩᠭ᠋ᠠᠵᠤ᠂ ᠠᠮᠢ ᠨᠠᠰᠤᠨ᠎ᠤ ᠤᠷᠤᠰᠬᠠᠯ ᠠᠶ᠋ᠢᠵᠠᠮ ᠵᠶ᠋ᠠᠷ ᠠᠮᠢᠳᠤᠷᠠᠭᠤᠯᠤᠨ᠂ ᠬᠡᠤᠭᠡᠳ᠎ᠤᠨ ᠲᠡᠷᠢᠬᠢ ᠵᠢ ᠬᠦᠭᠵᠢᠬᠦᠯᠵᠦ᠂ ᠤᠶᠤᠨ ᠰᠠᠨᠠᠭ᠎ᠠ ᠰᠡᠳᠬᠢᠬᠦᠢ ᠵᠢ ᠪᠤᠶ᠋ᠢᠵᠢᠭᠤᠯᠬᠤ᠎ᠳᠤ ᠰᠠᠶ᠋ᠢᠨ ᠰᠠᠭᠤᠷᠢ ᠵᠢ ᠲᠠᠯᠪᠢᠬᠤ ᠴᠢᠬᠤᠯᠠᠳᠠᠢ᠃
      ᠤᠳᠤᠬᠠᠨ᠎ᠤ ᠡᠵᠢ ᠠᠪᠤ ᠪᠤᠯᠤᠬᠰᠠᠳ ᠬᠡᠤᠭᠡᠳ ᠵᠶ᠋ᠠᠨ ᠦᠰᠬᠡᠨ ᠬᠦᠮᠦᠵᠢᠬᠦᠯᠬᠦ ᠲᠠᠯ᠎ᠠ᠎ᠳᠤ ᠮᠠᠰᠢ ᠤᠯᠠᠨ ᠠᠰᠠᠭᠤᠳᠠᠯ ᠤᠷᠤᠰᠢᠵᠤ᠂ ᠭᠠᠴᠢᠬᠳᠠᠯ ᠲᠦᠪᠡᠭ᠎ᠲᠤ ᠤᠴᠠᠷᠠᠵᠤ ᠪᠠᠶ᠋ᠢᠭ᠎ᠠ ᠪᠠᠶ᠋ᠢᠳᠠᠯ᠎ᠳᠤ ᠴᠢᠭᠯᠡᠬᠦᠯᠦᠨ᠂ ᠰᠢᠨ᠎ᠠ ᠴᠠᠭ ᠠ᠋ᠷᠢᠨ᠎ᠤ ᠬᠡᠤᠭᠡᠳ᠎ᠢ ᠶᠠᠭ᠋ᠠᠬᠢᠵᠤ ᠵᠦᠪ ᠬᠦᠮᠦᠵᠢᠬᠦᠯᠬᠦ ᠲᠤᠬᠠᠢ ᠬᠡᠳᠤᠨ ᠲᠠᠯ᠎ᠠ᠎ᠪᠠᠷ ᠲᠦᠬᠦᠮ ᠶᠡᠷᠢᠶ᠎ᠠ᠃
      1. ᠬᠡᠤᠭᠡᠳ ᠵᠶ᠋ᠠᠨ ᠵᠦᠪ ᠬᠠᠶ᠋ᠢᠷᠠᠯᠠᠭ᠍ᠤ ᠭᠡᠷᠡᠭᠳᠡᠢ
      ᠬᠡᠤᠭᠡᠳ ᠪᠤᠯ ᠠᠪᠤ ᠡᠵᠢ᠎ᠠᠴᠠ᠎ᠪᠠᠨ ᠬᠠᠮᠤᠭ᠎ᠤᠨ ᠶᠡᠭᠡ ᠠ᠋ᠨ᠋ᠸᠷᠬᠢ ᠠᠪᠤᠨ᠎ᠠ᠃ ᠠ᠋ᠶ᠋ᠢᠮᠤ ᠎ᠠᠴᠠ ᠠᠪᠤ ᠡᠵᠢ ᠪᠤᠯᠤᠬᠰᠠᠳ ᠬᠡᠤᠭᠡᠳ᠎ᠢ ᠰᠡᠳᠬᠢᠯᠭᠡ᠎ᠪᠠᠷ ᠵᠶ᠋ᠠᠨ ᠤᠴᠢᠵᠤ ᠬᠦᠮᠤᠵᠢᠬᠦᠯᠵᠦ ᠬᠠᠶ᠋ᠢᠷᠠᠯᠠᠭ᠍ᠤ ᠭᠡᠷᠡᠭᠳᠡᠢ᠃ ᠲᠡᠷᠤᠢ ᠬᠡᠤᠭᠡᠳ᠎ᠲᠤ᠎ᠪᠠᠨ ᠬᠠᠶ᠋ᠢᠷᠠᠳᠠᠢ ᠭᠡᠳᠡᠭ ᠵᠶ᠋ᠠᠨ ᠵᠦᠪ ᠮᠡᠳᠡᠷᠡᠬᠦᠯᠵᠦ ᠰᠤᠷᠬᠤ ᠭᠡᠷᠡᠭᠳᠡᠢ᠃ ᠤᠴᠢᠷ᠎ᠨᠢ ᠰᠢᠨ᠎ᠠ ᠠ᠋ᠷᠢᠨ᠎ᠤ ᠬᠡᠤᠭᠡᠳ᠎ᠤᠳ ᠮᠡᠳᠡᠷᠡᠮᠵᠢ᠎ᠨᠢ ᠬᠠᠮᠤᠭ᠎ᠤᠨ ᠶᠡᠭᠡ ᠴᠡᠪᠠᠷᠰᠢᠭ᠌ᠰᠡᠨ ᠤᠴᠢᠷ᠎ᠠᠴᠠ ᠲᠡᠳᠡᠨ᠎ᠢ ᠵᠦᠪᠬᠡᠨ ᠰᠠᠶ᠋ᠢᠨ᠎ᠢ ᠢᠳᠡᠬᠦᠯᠵᠦ᠂ ᠰᠠᠶ᠋ᠢᠬᠠᠨ᠎ᠢ ᠠ᠋ᠮᠤᠰᠬᠡᠬᠦ᠎ᠠᠴᠠ ᠬᠠᠶ᠋ᠢᠷ᠎ᠠ ᠵᠢ ᠮᠡᠳᠡᠷᠡᠵᠤ ᠲᠡᠶ᠋ᠢᠯᠬᠦ ᠦᠭᠡᠢ᠃ ᠬᠠᠷᠢᠨ ᠦᠪᠡᠷ ᠎ᠤᠨ ᠦᠭᠡ ᠶᠠᠷᠢᠶ᠎ᠠ ᠦᠢ᠍ᠯᠡ ᠠᠵᠢᠯᠯᠠᠭ᠎ᠠ᠂ ᠤᠪᠤᠷ ᠬᠠᠨᠳᠤᠯᠭ᠎ᠠ᠎ᠪᠠᠷ ᠤᠴᠢᠵᠤ ᠲᠡᠳᠡᠨ᠎ᠤ ᠰᠡᠳᠬᠢᠯ᠎ᠳᠤ᠎ᠨᠢ ᠦᠷᠬᠦᠯᠵᠢ ᠲᠠᠭ᠋ᠠᠳᠠᠢ ᠮᠡᠳᠡᠷᠡᠮᠵᠢ ᠵᠢ ᠤᠯᠭᠤᠨ᠎ᠠ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠬᠡᠤᠭᠡᠳ᠎ᠤᠨ ᠵᠶ᠋ᠠᠨ ᠲᠤᠯᠤᠭ᠋ᠠᠢ ᠵᠢ ᠢᠯᠪᠢᠵᠦ ᠠᠪᠤ ᠡᠵᠢ᠎ᠨᠢ ᠬᠠᠶ᠋ᠢᠷᠠᠳᠠᠢ ᠭᠡᠳᠡᠭ ᠵᠶ᠋ᠠᠨ ᠬᠡᠯᠡᠵᠤ ᠢᠯᠡᠳᠭᠡᠬᠦ᠂ ᠲᠡᠪᠡᠷᠢᠵᠤ ᠦᠨᠤᠰᠬᠦ᠂ ᠰᠠᠶ᠋ᠢᠨᠳᠠᠢ ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠵᠢ ᠤᠯᠵᠦ ᠦᠵᠡᠨ᠂ ᠬᠡᠤᠭᠡᠳ ᠵᠶ᠋ᠠᠷ ᠵᠶ᠋ᠠᠨ ᠪᠠᠭ᠍ᠠᠷᠬᠠᠬᠤ᠂ ᠪᠦᠬᠦ ᠶᠠᠭᠤᠮ᠎ᠠ ᠵᠢ ᠤᠷᠮᠠᠰᠢᠭᠤᠯᠵᠤ ᠵᠤᠷᠢᠬ᠍ᠵᠢᠭᠤᠯᠤᠨ᠂ ᠠ᠋ᠶᠡᠷᠬᠦ ᠰᠠᠶ᠋ᠢᠨᠳᠠᠢ ᠲᠠᠯ᠎ᠠ᠎ᠠᠴᠠ᠎ᠨᠢ ᠢᠯᠡᠬᠦᠤ ᠶᠠᠷᠢᠵᠤ᠂ ᠵᠦᠪ ᠲᠡᠢ᠍ᠢ᠍ᠰᠢ ᠦᠭᠡᠳᠡᠷᠭᠡᠭ ᠵᠶ᠋ᠠᠷ ᠲᠠᠭ᠋ᠠᠭᠤᠯᠵᠤ ᠴᠢᠭᠯᠡᠬᠦᠯᠦᠨ᠎ᠡ᠃
      2. ᠬᠡᠤᠭᠡᠳ ᠵᠶ᠋ᠠᠨ ᠵᠦᠪ ᠦᠢ᠍ᠯᠠᠭ᠋ᠠᠬᠤ ᠭᠡᠷᠡᠭᠳᠡᠢ
      ᠡᠴᠢᠭᠡ ᠠ᠋ᠬᠡ ᠪᠤᠯᠤᠬᠰᠠᠳ ᠬᠡᠤᠭᠡᠳ ᠵᠶ᠋ᠠᠨ ᠴᠠᠭ ᠢᠮᠠᠭᠳᠠ ᠠᠩᠬᠠᠷᠴᠤ ᠬᠠᠯᠠᠮᠵᠢᠯᠠᠨ ᠪᠡᠶ᠎ᠡ ᠮᠠᠭ᠍ᠠᠪᠤᠳ ᠪᠠ ᠰᠡᠳᠬᠢᠴᠡ ᠵᠢᠨ ᠦᠰᠤᠯᠳᠠ ᠬᠦᠭᠵᠢᠯᠳᠡ᠂ ᠬᠤᠪᠢᠷᠠᠯᠳᠠ ᠪᠠᠶ᠋ᠢᠳᠠᠯ᠎ᠢ ᠵᠦᠪ ᠦᠢ᠍ᠯᠠᠭ᠋ᠠᠨ᠂ ᠲᠠᠳᠡᠨ᠎ᠤ ᠠᠳᠠᠯᠢ ᠪᠤᠰᠤ ᠨᠠᠰᠤᠨ᠎ᠤ᠎ᠬᠢ ᠦᠰᠤᠨ ᠪᠤᠶ᠋ᠢᠵᠢᠯᠳᠡ ᠵᠢᠨ ᠵᠢᠮ᠎ᠡ ᠶᠤᠰᠤ ᠵᠢ ᠮᠡᠳᠡᠵᠤ ᠬᠦᠮᠤᠵᠢᠬᠦᠯᠵᠦ ᠬᠦᠭᠵᠢᠬᠦᠯᠦᠨ᠎ᠡ᠃ ᠲᠠᠳᠡᠨ          ᠎ᠢ ᠪᠠᠶ᠋ᠢᠭ᠎ᠠ᠎ᠪᠠᠷ᠎ᠨᠢ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠵᠦ᠂ ᠠᠭᠤᠴᠢᠯᠠᠨ ᠪᠠᠭᠳᠠᠭ᠋ᠠᠵᠦ᠂ ᠰᠡᠳᠬᠢᠯ᠎ᠢ᠎ᠨᠢ ᠵᠦᠪ ᠪᠤᠯᠪᠠᠰᠤᠷᠠᠭᠤᠯᠤᠨ᠎ᠠ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠴᠢᠨᠤ ᠬᠡᠤᠭᠡᠳ ᠴᠢᠨᠢ ᠰᠢᠯᠭ᠋ᠠᠯᠳᠠ᠎ᠳᠤ᠎ᠪᠠᠨ ᠠᠨᠠᠢ ᠬᠤᠪᠢ ᠠᠪᠤᠬᠰᠠᠨ ᠴᠤ᠌ ᠵᠦᠪ ᠬᠦᠯᠢᠶᠡᠨ ᠠᠪᠴᠤ ᠪᠠᠭᠳᠠᠭ᠋ᠠᠵᠤ ᠰᠤᠷᠬᠤ ᠭᠡᠷᠡᠭᠳᠡᠢ᠃ ᠲᠠᠷᠤᠢ ᠠᠨᠠᠢ ᠬᠤᠪᠢ ᠠᠪᠤᠬᠰᠠᠨ ᠰᠢᠯᠳᠠᠭ᠋ᠠᠨ᠎ᠢ ᠠ᠋ᠷᠢᠵᠤ᠂ ᠲᠠᠷᠠᠭ᠋ᠠᠴᠢ᠎ᠪᠠᠷ ᠠᠯᠬᠤᠮ ᠲᠠᠪᠰᠢᠬᠤ᠎ᠳᠤ᠎ᠨᠢ ᠵᠤᠷᠢᠬ᠍ᠵᠢᠭᠤᠯᠤᠯ ᠬᠦᠴᠤ ᠦᠭᠬᠦ ᠭᠡᠷᠡᠭᠳᠡᠢ᠃
      3. ᠬᠡᠤᠭᠡᠳ᠎ᠲᠠᠢ᠎ᠪᠠᠨ ᠵᠦᠪ ᠬᠠᠷᠢᠴᠠᠭ᠎ᠠ ᠵᠢ ᠪᠠᠶ᠋ᠢᠭᠤᠯᠬᠤ ᠭᠡᠷᠡᠭᠳᠡᠢ
      ᠪᠦᠬᠦ ᠬᠦᠮᠦᠨ᠎ᠳᠤ ᠠᠳᠠᠯᠢᠬᠠᠨ ᠦᠭᠬᠦᠭᠳᠡᠭᠰᠡᠨ ᠨᠢᠭᠡ ᠵᠦᠢ᠍ᠯ ᠪᠤᠯ ᠭᠡᠷ ᠪᠦᠯᠢ ᠪᠠᠶ᠋ᠢᠳᠠᠭ᠃ ᠭᠡᠷ ᠪᠦᠯᠢ ᠵᠢᠨ ᠤᠷᠴᠢᠨ᠂ ᠡᠴᠢᠭᠡ ᠠ᠋ᠬᠡ ᠵᠢᠨ ᠠᠩᠬᠠᠷᠤᠯ ᠬᠠᠯᠠᠮᠵᠢ ᠬᠡᠬᠦ ᠮᠡᠳᠦ ᠵᠢᠨ ᠤᠯᠠᠨ ᠵᠦᠢ᠍ᠯ᠎ᠠᠴᠠ ᠰᠢᠯᠳᠠᠭ᠋ᠠᠯᠠᠭᠳᠠᠨ ᠲᠤᠰ ᠬᠦᠮᠦᠨ᠎ᠨᠢ ᠨᠠᠶ᠋ᠢᠭᠡᠮ᠎ᠳᠤ ᠶᠠᠮᠠᠷ ᠬᠦᠮᠦᠨ ᠪᠤᠯᠵᠤ ᠦᠰᠴᠤ ᠲᠤᠷᠨᠢᠬᠤ ᠵᠢ ᠨᠦᠯᠤᠭᠡᠯᠡᠳᠡᠭ᠃
      ᠭᠡᠷ ᠪᠦᠯᠢ᠎ᠳᠤ᠎ᠪᠠᠨ ᠠ᠋ᠶ᠎ᠡ ᠨᠠᠶ᠋ᠢᠷᠠᠮᠳᠠᠭᠤ᠂ ᠬᠠᠶ᠋ᠢᠷ᠎ᠠ ᠪᠢᠯᠬᠠᠬᠰᠠᠨ ᠤᠷᠴᠢᠨ᠎ᠢ ᠪᠤᠢ ᠪᠤᠯᠭ᠋ᠠᠵᠤ᠂ ᠬᠡᠤᠭᠡᠳ᠎ᠲᠠᠢ᠎ᠪᠠᠨ ᠬᠡᠵᠢᠶᠡᠳᠡ ᠠ᠋ᠶᠡᠷᠬᠦ᠎ᠪᠠᠷ ᠵᠦᠪ ᠬᠠᠷᠢᠯᠴᠠᠨ᠂ ᠤᠷᠢᠳ ᠵᠶ᠋ᠠᠷ ᠲᠠᠳᠡᠨ᠎ᠤ ᠰᠠᠨᠠᠯ ᠪᠤᠳᠤᠯ᠎ᠢ ᠬᠦᠨᠳᠤᠳᠭᠡᠨ ᠰᠤᠨᠤᠰᠴᠤ᠂ ᠲᠠᠷᠠᠭ᠎ᠠ᠎ᠨᠢ ᠭᠡᠷ᠎ᠤᠨ ᠠᠬᠠᠮᠠᠳ᠎ᠠᠴᠠ ᠦᠪᠡᠷ᠎ᠤᠨ ᠰᠠᠨᠠᠯ ᠰᠠᠨᠠᠭᠤᠯᠤᠮᠵᠢ᠎ᠪᠠᠨ ᠢᠯᠡᠳᠬᠡᠨ᠂ ᠬᠠᠷᠢᠯᠴᠠᠨ ᠦᠢ᠍ᠯᠠᠭ᠋ᠠᠯᠴᠠᠵᠤ᠂ ᠡᠴᠢᠭᠡ ᠠ᠋ᠬᠡ ᠪᠤᠯᠤᠬᠰᠠᠳ᠂ ᠦᠪᠡᠷ᠎ᠤᠨ ᠰᠠᠨᠠᠭ᠎ᠠ ᠪᠤᠳᠤᠯ ᠵᠶ᠋ᠠᠨ ᠬᠡᠤᠭᠡᠳ᠎ᠲᠤ ᠲᠤᠬᠤᠬᠤ᠂ ᠲᠠᠳᠡᠨ᠎ᠢ ᠤᠷᠤᠯᠡᠨ ᠰᠢᠢ᠍ᠳᠪᠤᠷᠢ ᠭᠠᠷᠭ᠋ᠠᠬᠤ᠂ ᠲᠡᠳᠡᠨ᠎ᠢ ᠠᠯᠪᠠᠳᠠᠨ ᠦᠪᠡᠷ᠎ᠤᠨ ᠰᠠᠨᠠᠭ᠎ᠠ᠎ᠪᠠᠷ ᠵᠶ᠋ᠠᠨ ᠶᠠᠪᠤᠭᠤᠯᠬᠤ᠎ᠠᠴᠠ ᠵᠠᠶ᠋ᠢᠯᠠᠰᠬᠢᠬᠤ ᠭᠡᠷᠡᠭᠳᠡᠢ᠃ ᠠᠯᠢᠪᠠ ᠤᠴᠢᠷ᠎ᠲᠤ ᠰᠢᠢ᠍ᠳᠪᠤᠷᠢ ᠭᠠᠷᠭ᠋ᠠᠬᠤ ᠠ᠋ᠷᠭᠡ ᠵᠢ ᠲᠡᠳᠡᠨ᠎ᠳᠤ ᠦᠭᠬᠦ ᠬᠡᠷᠡᠭᠳᠡᠢ᠃
      ᠭᠡᠷ ᠪᠦᠯᠢ ᠵᠢᠨ ᠠᠵᠠ ᠵᠢᠷᠭ᠋ᠠᠯ᠎ᠢ ᠮᠡᠳᠡᠷᠡᠬᠦᠯᠵᠦ᠂ ᠬᠡᠤᠭᠡᠳ᠎ᠲᠤ ᠦᠰᠤᠨ ᠪᠤᠶ᠋ᠢᠵᠢᠬᠤ ᠲᠤᠬᠢᠶᠡᠯ ᠨᠦᠬᠦᠴᠡᠯ᠂ ᠤᠷᠴᠢᠨ᠎ᠢ ᠬᠠᠩᠭ᠋ᠠᠵᠤ᠂ ᠡᠴᠢᠬᠡ ᠠ᠋ᠬᠡ ᠪᠠ ᠬᠡᠤᠭᠡᠳ᠎ᠤᠨ ᠵᠦᠪ ᠬᠠᠷᠢᠴᠠᠭ᠎ᠠ ᠵᠢ ᠪᠠᠶ᠋ᠢᠭᠤᠯᠤᠨ᠎ᠠ᠃
      4. ᠬᠡᠤᠭᠡᠳ᠎ᠲᠤ᠎ᠪᠠᠨ ᠢᠳᠡᠭᠡᠯ ᠵᠤᠷᠢᠭ᠎ᠢ ᠤᠯᠭᠤᠨ᠎ᠠ
      ᠬᠡᠤᠭᠡᠳ ᠢᠳᠡᠭᠡᠯ᠎ᠢ ᠬᠠᠮᠤᠭ᠎ᠤᠨ ᠦᠢ᠍ᠷ᠎ᠠ ᠬᠦᠮᠤᠨ᠎ᠠᠴᠠ᠎ᠪᠠᠨ ᠠᠪᠳᠠᠭ᠃ ᠠ᠋ᠶ᠋ᠢᠮᠤ᠎ᠠᠴᠠ ᠡᠴᠢᠭᠡ ᠠ᠋ᠬᠡᠴᠦᠤᠯ ᠵᠠᠭᠤᠨ᠎ᠤ ᠵᠠᠭᠤ᠎ᠪᠠᠷ ᠬᠡᠤᠭᠡᠳ ᠵᠶ᠋ᠠᠨ ᠢᠳᠡᠭᠡᠵᠤ᠂ ᠬᠡᠤᠭᠡᠳ᠎ᠢ ᠦᠪᠡᠷ᠎ᠢ᠎ᠪᠠᠨ ᠢᠳᠡᠬᠡᠬᠦ ᠢᠳᠡᠭᠡᠯ᠎ᠲᠠᠢ᠂ ᠵᠤᠷᠢᠭ ᠰᠦᠰᠤ᠎ᠲᠠᠢ ᠪᠤᠯᠭ᠋ᠠᠨ ᠬᠦᠮᠦᠵᠢᠬᠦᠯᠦᠨ᠎ᠠ᠃ ᠪᠠᠭ᠎ᠠ᠎ᠠᠴᠠ᠎ᠨᠢ ᠦᠪᠡᠷ᠎ᠤᠨ ᠬᠢᠵᠤ ᠲᠡᠶ᠋ᠢᠯᠬᠦ ᠵᠦᠢ᠍ᠯᠡᠰ᠎ᠢ ᠪᠡᠶ᠎ᠡ ᠵᠢ᠎ᠨᠢ ᠲᠠᠭ᠋ᠠᠭ᠋ᠠᠯᠭ᠋ᠠᠨ ᠬᠢᠯᠭᠡᠵᠤ᠂ ᠦᠪᠡᠷ᠎ᠤᠨ ᠪᠡᠶ᠎ᠡ᠎ᠪᠠᠷ᠎ᠨᠢ ᠦᠰᠤᠨ ᠪᠤᠶ᠋ᠢᠵᠢᠬᠤ ᠶᠠᠪᠤᠴᠠ ᠠᠷᠭ᠎ᠠ ᠵᠢ ᠪᠡᠶᠡᠴᠢᠯᠡᠨ ᠦᠩᠭᠡᠷᠡᠭᠡᠵᠤ ᠮᠡᠳᠡᠷᠡᠬᠦᠯᠤᠨ᠎ᠠ᠃ ᠶᠡᠷᠤᠨᠢ 《ᠵᠢᠭ᠋ᠠᠵᠤ ᠰᠤᠷᠭ᠋ᠠᠬᠤ᠎ᠪᠠᠷ ᠵᠠᠷᠤᠵᠦ ᠰᠤᠷᠭ᠎ᠠ᠂ ᠬᠡᠯᠡᠵᠤ ᠰᠤᠷᠭ᠋ᠠᠬᠤ᠎ᠪᠠᠷ ᠬᠢᠵᠤ ᠰᠤᠷᠭ᠎ᠠ》 ᠭᠡᠳᠡᠭ ᠰᠢᠤ᠃
      ᠪᠢᠳᠠ ᠬᠡᠤᠭᠡᠳ᠎ᠲᠤ᠎ᠪᠠᠨ 《ᠪᠢ ᠪᠤᠯᠵᠤ ᠪᠠᠶ᠋ᠢᠨ᠎ᠠ》᠂ 《ᠪᠢ ᠶᠠᠭᠤ ᠬᠢᠭᠰᠡᠨ ᠴᠦ᠍ ᠴᠢᠳᠠᠨ᠎ᠠ》 ᠬᠡᠬᠦ ᠢᠳᠡᠭᠡᠯ ᠵᠤᠷᠢᠭ᠎ᠢ ᠴᠠᠭ ᠢᠮᠠᠭᠳᠠ ᠤᠯᠭᠤᠵᠤ ᠪᠠᠶ᠋ᠢᠪᠠᠯ ᠲᠡᠳᠡᠨ᠎ᠤ ᠬᠤᠶ᠋ᠢᠰᠢᠳᠠ ᠵᠢᠨ ᠦᠰᠤᠨ ᠪᠤᠶ᠋ᠢᠵᠢᠯᠳᠡ᠂ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ᠎ᠳᠤ ᠴᠢᠬᠤᠯᠠ ᠦᠢ᠍ᠯᠡᠳᠤᠯ ᠦᠵᠡᠬᠦᠯᠤᠨ᠂ ᠦᠪᠡᠷ᠎ᠤᠨ ᠪᠡᠶ᠎ᠡ᠎ᠳᠤ᠎ᠪᠠᠨ ᠢᠳᠡᠭᠡᠯ ᠲᠦᠬᠦᠷᠠᠩ ᠤᠷᠤᠬᠰᠢ ᠲᠠᠪᠰᠢᠵᠤ ᠲᠡᠶ᠋ᠢᠯᠤᠨ᠎ᠠ᠃
      5. ᠬᠡᠤᠭᠡᠳ᠎ᠢ ᠬᠦᠰᠡᠯ ᠲᠡᠮᠡᠤᠯᠤᠯ᠎ᠲᠠᠢ ᠪᠤᠯᠭ᠋ᠠᠨ᠎ᠠ
      ᠬᠡᠤᠭᠡᠳ᠎ᠤᠨ ᠨᠢᠭᠡ ᠨᠠᠰᠤᠨ᠎ᠳᠤ᠎ᠪᠠᠨ ᠬᠠᠳᠠᠭ᠋ᠠᠯᠠᠵᠤ ᠶᠠᠪᠤᠬᠤ ᠠ᠋ᠷᠳᠡᠨᠢ — ᠠ᠋ᠷᠬᠢᠮ ᠨᠠᠨᠳᠢᠨ ᠵᠦᠢ᠍ᠯ ᠪᠤᠯ ᠬᠦᠰᠡᠯ ᠪᠤᠯᠤᠨ᠎ᠠ᠃ ᠬᠡᠤᠭᠡᠳ᠎ᠤᠨ ᠦᠪᠡᠷ᠎ᠤᠨ ᠬᠢᠨᠢ ᠰᠤᠨᠢᠷᠬᠠᠯ᠂ ᠲᠤᠷ᠎ᠡ ᠪᠠᠬ᠎ᠠ ᠵᠢ᠎ᠨᠢ ᠨᠡᠭᠡᠭᠡᠨ ᠢᠯᠡᠷᠡᠬᠦᠯᠵᠦ᠂ ᠬᠦᠰᠡᠯ ᠮᠦᠷᠤᠭᠡᠳᠤᠯ᠎ᠲᠠᠢ ᠪᠤᠯᠭ᠋ᠠᠨ᠎ᠠ᠃
      ᠬᠡᠤᠭᠡᠳ᠎ᠤᠨ ᠦᠪᠡᠷ᠎ᠤᠨ ᠬᠦᠰᠡᠯ ᠲᠡᠮᠡᠤᠯᠤᠯ ᠵᠶ᠋ᠠᠷ ᠠᠮᠢᠳᠤᠷᠠᠭ᠍ᠤ ᠴᠢᠭᠯᠡᠬᠦᠷ ᠵᠤᠷᠢᠯᠭ᠎ᠠ᠎ᠲᠠᠢ ᠪᠤᠯᠭ᠋ᠠᠪᠠᠯ᠂ ᠲᠡᠳᠡ ᠦᠪᠡᠷ᠎ᠤᠨ ᠲᠤᠷᠠᠳᠠᠢ ᠵᠦᠢ᠍ᠯ ᠵᠶ᠋ᠠᠨ ᠬᠢᠬᠦ ᠠ᠋ᠷᠴᠢ ᠬᠦᠴᠦ᠎ᠨᠢ ᠨᠡᠮᠡᠭᠳᠡᠵᠦ᠂ ᠬᠦᠰᠡᠯ ᠲᠡᠮᠡᠤᠯᠤᠯ᠎ᠤᠨ ᠵᠶ᠋ᠠᠨ ᠲᠦᠯᠤᠭᠡ ᠲᠡᠮᠡᠴᠡᠬᠦ ᠬᠠᠷᠠᠯᠳᠡ ᠲᠤᠳᠤᠷᠬᠠᠢ ᠪᠤᠯᠵᠤ ᠠᠮᠵᠢᠯᠳᠠ ᠤᠯᠵᠦ ᠴᠢᠳᠠᠨ᠎ᠠ᠃
      ᠵᠢᠱ᠌ᠢᠶᠠᠯᠠᠪᠠᠯ᠂ ᠨᠢᠭᠡ ᠬᠡᠤᠭᠡᠳ ᠵᠢᠷᠤᠬ᠍ᠴᠢᠨ ᠪᠤᠯᠬᠤ ᠬᠦᠰᠡᠯ᠎ᠲᠠᠢ ᠪᠤᠯ ᠵᠢᠷᠤᠭ ᠵᠢᠷᠤᠬᠤ ᠲᠤᠷᠠᠳᠠᠢ᠂ ᠨᠠᠷᠡᠳᠦ ᠵᠢᠷᠤᠬ᠍ᠴᠢᠨ᠎ᠤ ᠪᠦᠳᠤᠭᠡᠯ᠎ᠢ ᠰᠤᠨᠢᠷᠬᠠᠳᠠᠭ᠂ ᠶᠠᠮᠠᠷ ᠵᠢᠷᠤᠭ᠎ᠤᠨ ᠮᠠᠷᠭᠡᠵᠢᠯ᠎ᠢ ᠰᠤᠷᠤᠯᠴᠠᠭ᠍ᠤ᠎ᠨᠢ ᠨᠠᠳᠠ᠎ᠳᠤ ᠲᠤᠬᠢᠷᠠᠭ᠍ᠤ ᠵᠠᠷᠭᠡ ᠵᠢ ᠪᠦᠷ ᠦᠪᠡᠷ ᠵᠶ᠋ᠠᠨ ᠰᠤᠳᠤᠯᠵᠤ ᠰᠤᠩᠭᠤᠵᠤ ᠲᠡᠶ᠋ᠢᠯᠳᠡᠭ ᠮᠦᠷᠳᠡᠭᠡᠨ ᠠ᠋ᠬᠦᠨ᠎ᠤ ᠲᠦᠯᠤᠭᠡ ᠴᠢᠷᠮᠠᠶ᠋ᠢᠨ ᠲᠡᠮᠡᠴᠡᠵᠤ ᠦᠨᠡᠨ ᠬᠦ᠌ ᠠᠮᠵᠢᠯᠳᠠ ᠪᠦᠳᠤᠭᠡᠯ᠎ᠢ ᠤᠯᠵᠦ ᠴᠢᠳᠠᠨ᠎ᠠ᠃
      6. ᠬᠡᠤᠭᠡᠳ᠎ᠢ ᠵᠦᠪ ᠲᠠᠳᠬᠠᠯ᠎ᠲᠠᠢ ᠪᠤᠯᠭ᠋ᠠᠨ᠎ᠠ
      ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠲᠠᠳᠬᠠᠯ᠎ᠤᠨ ᠬᠦᠮᠤᠵᠢᠯ᠎ᠨᠢ ᠨᠠᠰᠤᠨ ᠲᠤᠷᠰᠢᠳᠡ ᠵᠢᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ           ᠦᠢ᠍ᠯᠡ ᠠᠵᠢᠯᠯᠠᠭ᠋ᠠᠨ᠎ᠤ ᠲᠠᠳᠬᠠᠯ᠎ᠲᠠᠢ ᠪᠤᠯᠭ᠋ᠠᠬᠤ᠎ᠪᠠᠷ ᠵᠤᠷᠢᠯᠳᠡ᠎ᠪᠠᠨ ᠪᠤᠯᠭ᠋ᠠᠳᠠᠭ᠎ᠠᠴᠠ ᠬᠡᠤᠭᠡᠳ᠎ᠢ ᠵᠦᠪ           ᠠᠮᠢᠳᠤᠷᠠᠭ᠍ᠤ ᠲᠠᠳᠬᠠᠯ᠎ᠲᠠᠢ ᠪᠤᠯᠭ᠋ᠠᠬᠤ ᠠ᠋ᠩ᠎ᠤᠨ ᠴᠠᠭ᠎ᠤᠨ ᠠᠷᠰᠠᠷ ᠪᠠᠭ᠎ᠠ ᠶᠠᠪᠤᠳᠠᠯ᠎ᠠᠴᠠ ᠭᠠᠷᠳᠠᠨ           ᠬᠦᠮᠦᠵᠢᠬᠦᠯᠤᠨ᠎ᠠ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠬᠡᠤᠭᠡᠳ᠎ᠢ ᠲᠤᠬᠳᠠᠭᠰᠠᠨ ᠴᠠᠭ᠎ᠲᠤ ᠤᠨᠳᠠᠵᠤ ᠠᠮᠠᠷᠠᠭᠤᠯᠬᠤ᠂ ᠠ᠋ᠷᠡᠬᠦᠯ ᠵᠶ᠋ᠠᠷ ᠬᠤᠭᠤᠯᠠᠯᠠᠭ᠍ᠤ᠂ ᠠ᠋ᠳᠤᠷ ᠪᠦᠷᠢ ᠠᠷᠪᠠᠨ ᠲᠠᠪᠤᠨ ᠮᠢᠨᠦ᠋ᠲ ᠨᠤᠮ ᠤᠩᠰᠢᠬᠤ᠂ ᠪᠡᠶ᠎ᠡ ᠵᠢᠨ ᠲᠡᠮᠢᠷ᠎ᠤᠨ ᠬᠦᠳᠡᠯᠭᠡᠭᠡᠨ᠎ᠳᠤ ᠤᠷᠤᠯᠴᠠᠭ᠍ᠤ ᠮᠡᠳᠦ᠎ᠪᠠᠷ ᠪᠠᠭ᠎ᠠ ᠵᠦᠢ᠍ᠯ᠎ᠢ ᠬᠢᠵᠤ ᠲᠡᠶ᠋ᠢᠯᠦᠭᠰᠡᠨ ᠵᠶ᠋ᠠᠷ ᠬᠤᠵᠢᠮ ᠶᠡᠭᠡ ᠵᠢ ᠪᠦᠳᠤᠭᠡᠬᠦ ᠰᠠᠶ᠋ᠢᠬᠠᠨ ᠲᠠᠳᠬᠠᠯ ᠤᠬᠠᠮᠰᠠᠷ᠎ᠲᠤ ᠰᠠᠶ᠋ᠢᠨ ᠰᠠᠭᠤᠷᠢ᠎ᠲᠠᠢ ᠪᠤᠯᠵᠤ᠂ ᠨᠠᠰᠤᠨ ᠲᠤᠷᠰᠢᠳᠡ ᠵᠢᠨ ᠠᠮᠢᠳᠤᠷᠠᠯ᠎ᠳᠤ᠎ᠨᠢ ᠵᠦᠪ ᠨᠦᠯᠤᠭᠡ ᠵᠢ ᠠᠪᠴᠢᠷᠠᠵᠤ ᠲᠡᠶ᠋ᠢᠯᠤᠨ᠎ᠠ᠃
      7. ᠬᠡᠤᠭᠡᠳ᠎ᠲᠤ ᠵᠦᠪ ᠤᠷᠴᠢᠨ᠎ᠢ ᠬᠠᠩᠭ᠋ᠠᠵᠤ ᠦᠭᠬᠦᠨ᠎ᠡ
      ᠬᠡᠤᠭᠡᠳ᠎ᠢ ᠪᠠᠭ᠎ᠠ᠎ᠠᠴᠠ᠎ᠨᠢ ᠡᠴᠢᠬᠡ ᠠ᠋ᠬᠡ᠎ᠨᠢ ᠦᠭᠡᠳᠡᠷᠭᠡᠭ ᠵᠦᠪ ᠠᠮᠢᠳᠤᠷᠠᠳᠠᠭ᠂ ᠰᠤᠷᠤᠯᠴᠠᠭ᠍ᠤ ᠲᠤᠷᠠᠳᠠᠢ᠂ ᠪᠤᠰᠤᠳ᠎ᠢ ᠬᠠᠯᠠᠮᠵᠢᠯᠠᠵᠤ ᠬᠠᠪᠰᠤᠷᠤᠨ ᠬᠦᠨᠳᠤᠳᠭᠡᠳᠡᠭ ᠭᠡᠷ ᠪᠦᠯᠢ ᠵᠢᠨ ᠵᠦᠪ ᠠ᠋ᠷᠡᠬᠦᠯ ᠤᠷᠴᠢᠨ᠎ᠢ ᠪᠤᠢ ᠪᠤᠯᠭ᠋ᠠᠨ᠂ ᠲᠠᠭᠤᠷᠢᠶᠠᠯ᠎ᠤᠨ ᠦᠢ᠍ᠯᠡᠳᠤᠯ ᠵᠶ᠋ᠠᠷ ᠬᠡᠤᠭᠡᠳ᠎ᠢ ᠲᠠᠭ᠋ᠠᠭᠤᠯᠵᠤ᠂ ᠭᠡᠷ ᠪᠦᠯᠢ ᠵᠢᠨ ᠰᠤᠶᠤᠯ᠎ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠵᠶ᠋ᠠᠷ ᠬᠡᠤᠭᠡᠳ᠎ᠤᠨ ᠲᠤᠳᠤᠷ᠎ᠠ ᠪᠠᠶ᠋ᠢᠭ᠎ᠠ ᠤᠶᠤᠨ ᠰᠠᠨᠠᠭ᠎ᠠ ᠵᠢ ᠬᠦᠭᠵᠢᠬᠦᠯᠦᠨ ᠪᠤᠶ᠋ᠢᠵᠢᠭᠤᠯᠵᠤ ᠤᠷᠭᠤᠭᠤᠯᠤᠨ᠎ᠠ᠃ ᠠ᠋ᠰᠡᠬᠦᠯ᠎ᠠ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢ᠎ᠳᠤ᠎ᠨᠢ ᠦᠢ᠍ᠷᠠᠳᠤᠭᠤᠯᠤᠨ ᠮᠤᠩᠭᠤᠯ ᠠᠮᠢᠳᠤᠷᠠᠯ᠂ ᠮᠠᠯᠵᠢᠬᠤ ᠰᠤᠶᠤᠯ ᠠᠬᠤᠢ ᠵᠢ ᠦᠢ᠍ᠯᠠᠭ᠋ᠠᠭᠤᠯᠤᠨ᠂ ᠬᠦᠮᠤᠵᠢᠯ ᠬᠦᠷᠳᠡᠭᠡᠵᠤ ᠪᠤᠯᠤᠨ᠎ᠠ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠮᠠᠯᠵᠢᠬᠤ ᠰᠤᠶᠤᠯ᠎ᠤᠨ ᠬᠠᠮᠳᠦ ᠵᠢᠨ ᠵᠤᠰᠠᠯᠠᠩ᠎ᠤᠨ ᠠᠵᠢᠯᠯᠠᠭ᠎ᠠ᠎ᠳᠤ ᠤᠷᠤᠯᠴᠠᠭ᠍ᠤ ᠲᠤᠮᠳᠠ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢ᠎ᠳᠤ ᠴᠢᠯᠤᠭᠡᠳᠡᠢ ᠨᠠᠭ᠋ᠠᠳᠴᠤ ᠲᠤᠬᠯᠠᠭᠤᠯᠬᠤ᠂ ᠪᠤᠰᠤᠳ᠎ᠲᠠᠢ ᠬᠠᠷᠢᠯᠴᠠᠵᠤ ᠰᠤᠷᠬᠤ᠂ ᠮᠤᠩᠭᠤᠯ ᠠᠮᠢᠳᠤᠷᠠᠯ᠎ᠳᠤ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠵᠤ ᠪᠤᠯᠤᠨ᠎ᠠ᠃
      8. ᠬᠡᠤᠭᠡᠳ᠎ᠲᠤ ᠠᠵᠠ ᠵᠢᠷᠭ᠋ᠠᠯ᠎ᠢ ᠮᠡᠳᠡᠷᠡᠬᠦᠯᠵᠦ ᠰᠤᠷᠭ᠋ᠠᠨ᠎ᠠ
      ᠬᠡᠤᠭᠡᠳ᠎ᠢ ᠦᠷᠬᠦᠯᠵᠢ ᠦᠭᠡᠳᠡᠷᠭᠡᠭ ᠪᠠᠶ᠋ᠢᠯᠭ᠋ᠠᠵᠤ᠂ ᠪᠠᠶᠠᠷ ᠪᠠᠶᠠᠰᠤᠯ ᠵᠶ᠋ᠠᠨ ᠬᠤᠪᠢᠶᠠᠯᠴᠠᠭ᠍ᠤ᠂ ᠪᠤᠰᠤᠳ᠎ᠤᠨ ᠰᠠᠶ᠋ᠢᠨ ᠲᠠᠯ᠎ᠠ ᠵᠢ ᠢᠯᠡᠬᠦᠤ ᠬᠠᠷᠠᠵᠤ᠂ ᠰᠠᠭ᠋ᠠᠳ ᠪᠠᠷᠭᠡᠰᠢᠶᠠᠯ᠎ᠢ ᠠ᠋ᠶᠡᠷᠬᠦ᠎ᠪᠠᠷ ᠬᠦᠯᠢᠶᠠᠨ ᠠᠪᠬᠤ᠂ ᠵᠤᠷᠢᠭ ᠰᠦᠰᠤ᠂ ᠲᠡᠰᠪᠤᠷᠢ ᠲᠡᠪᠴᠢᠶᠠᠷᠢᠳᠡᠢ ᠪᠠᠶ᠋ᠢᠬᠤ᠂ ᠪᠤᠰᠤᠳ᠎ᠢ ᠠᠭᠤᠴᠢᠯᠠᠵᠤ ᠪᠠᠭᠳᠠᠭ᠋ᠠᠬᠤ᠂ ᠲᠠᠯᠠᠷᠬᠠᠵᠤ ᠬᠠᠶ᠋ᠢᠷᠠᠯᠠᠵᠤ ᠰᠤᠷᠬᠤ᠎ᠠᠴᠠ ᠠᠮᠢᠳᠤᠷᠠᠯ᠎ᠤᠨ ᠠᠵᠠ ᠵᠢᠷᠭ᠋ᠠᠯ᠎ᠢ ᠮᠡᠳᠡᠷᠡᠬᠦᠯᠵᠦ ᠰᠤᠷᠭ᠋ᠠᠨ᠎ᠠ᠃
      ᠠ᠋ᠨᠡ ᠮᠡᠳᠦ᠎ᠪᠠᠷ ᠬᠡᠤᠭᠡᠳ᠎ᠢ ᠠᠮᠢᠳᠤᠷᠠᠯ᠎ᠢ ᠬᠠᠶ᠋ᠢᠷᠠᠯᠠᠭ᠍ᠤ᠂ ᠠᠮᠢᠳᠤᠷᠠᠯ᠎ᠢ ᠠ᠋ᠷᠬᠢᠮᠯᠡᠨ ᠲᠡᠭᠡᠳᠤᠯᠡᠬᠦ᠂ ᠦᠪᠡᠷ᠎ᠢ᠎ᠪᠠᠨ ᠦᠨᠡᠯᠡᠬᠦ᠂ ᠦᠪᠡᠷ᠎ᠤᠨ ᠪᠡᠶ᠎ᠡ᠎ᠳᠤ᠎ᠪᠠᠨ ᠢᠳᠡᠭᠡᠯᠳᠡᠢ᠂ ᠤᠬᠠᠭ᠋ᠠᠯᠢᠭ ᠪᠠᠶ᠋ᠢᠬᠤ ᠵᠦᠪ ᠬᠦᠮᠤᠨ ᠪᠤᠯᠤᠨ ᠬᠦᠮᠤᠵᠢᠬᠦ᠎ᠳᠤ ᠰᠠᠶ᠋ᠢᠨ ᠰᠠᠭᠤᠷᠢ ᠵᠢ ᠲᠡᠯᠪᠢᠵᠦ ᠲᠡᠶ᠋ᠢᠯᠬᠦ ᠮᠦᠷᠳᠡᠭᠡᠨ ᠮᠡᠳᠡᠯᠭᠡ᠂ ᠰᠢᠳᠤᠷᠭᠤ ᠶᠤᠰᠤ᠂ ᠬᠦᠮᠤᠨ ᠴᠢᠨᠠᠷ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠵᠠᠷᠭᠡ ᠪᠦᠬᠦ ᠲᠡᠯ᠎ᠠ ᠵᠢ᠎ᠨᠢ ᠲᠡᠩᠴᠡᠬᠦᠷᠢ᠎ᠲᠠᠢ ᠬᠦᠭᠵᠢᠬᠦᠯᠵᠦ ᠲᠡᠶ᠋ᠢᠯᠬᠦ᠎ᠨᠢ ᠯᠠᠪᠳᠠᠢ ᠶᠤᠮ᠃
      ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭ᠎ᠠ ᠪᠠᠢ᠍ᠢ᠍ᠭᠤᠯᠭ᠎ᠠ᠄ ᠬᠦᠪᠡᠭᠡᠳᠤ ᠰᠢᠷ᠎ᠠ ᠬᠤᠰᠢᠭᠤᠨ᠎ᠤ 
                               ᠨᠢᠭᠡᠳᠤᠭᠡᠷ ᠪᠠᠭ᠎ᠠ ᠰᠤᠷᠭ᠋ᠠᠭᠤᠯᠢ
                              （ᠠᠯᠳᠠᠨᠰᠦᠢ᠍ᠭᠡ ᠨᠠᠢ᠍ᠢ᠍ᠷᠠᠭᠤᠯᠪᠠ）