ᠰᠠᠷᠠᠨᠠ
《ᠬᠦᠮᠦᠨᠳᠤ ᠨᠢᠭᠡ ᠬᠠᠯᠪᠠᠭᠠ ᠤᠰᠤ ᠦᠭᠬᠦᠳᠤ ᠦᠪᠡᠷᠲᠡᠭᠡᠨ ᠨᠢᠭᠡ ᠰᠠᠭᠤᠯᠠᠭᠠ ᠤᠰᠤ ᠪᠠᠢ᠍ᠢ᠍ᠬᠤ ᠬᠡᠷᠡᠭᠲᠡᠢ》 ᠭᠡᠳᠡᠭ᠃ ᠪᠠᠭᠰᠢᠯᠠᠭ᠍ᠤ ᠬᠦᠮᠦᠨ ᠦᠪᠡᠷᠤᠨ ᠪᠡᠶᠡᠨᠢ ᠦᠷᠭᠡᠨ ᠲᠡᠯᠭᠡᠷ ᠮᠡᠳᠡᠯᠭᠡ ᠴᠢᠳᠠᠪᠤᠷᠢᠲᠠᠢ ᠪᠠᠶ᠋ᠢᠮᠠᠨᠵᠢᠨ ᠰᠠᠶᠢ ᠦᠷᠦᠭᠡᠯ ᠪᠤᠰᠤᠳ ᠢ ᠰᠠᠶ᠋ᠢᠨ ᠰᠤᠷᠭ᠋ᠠᠵᠤ ᠴᠢᠳᠠᠭ᠍ᠤ ᠶᠤᠮ᠃ ᠡ᠊ᠨᠳᠡ ᠪᠠᠭᠰᠢ ᠬᠦᠮᠦᠨᠤ ᠤᠯᠠᠨ ᠲᠠᠯᠠ ᠵᠢᠨ ᠠ᠋ᠷᠳᠡᠮ ᠴᠢᠳᠠᠪᠤᠷᠢ᠂ ᠲᠡᠷᠡ ᠪᠦᠬᠦᠨᠢ ᠶᠠᠷᠢᠬᠤ ᠪᠢᠰᠢ᠂ ᠶᠠᠷᠢᠬᠤ ᠴᠦ᠍ ᠴᠢᠬᠤᠯᠠ ᠦᠭᠡᠢ᠃ ᠬᠠᠷᠢᠨ ᠵᠦᠪᠬᠡᠨ ᠪᠠᠭᠰᠢ ᠬᠦᠮᠦᠨ ᠶᠠᠭ᠋ᠠᠬᠢᠵᠤ ᠬᠡᠪ ᠲᠠᠭᠤᠷᠢᠶᠠᠯ ᠪᠤᠯᠵᠤ ᠠᠵᠢᠯᠯᠠᠵᠤ ᠪᠠᠶ᠋ᠢᠪᠠᠯ ᠵᠤᠬᠢᠬᠤ ᠲᠤᠬᠠᠢ ᠲᠤᠪᠴᠢ ᠦᠭᠦᠯᠡᠨ ᠶᠠᠷᠢᠶᠠ ᠭᠡᠰᠡᠨ ᠶᠤᠮ᠃
1. ᠪᠠᠭᠰᠢ ᠰᠤᠷᠤᠭᠴᠢᠳᠲᠤ ᠠᠳᠠᠯᠢ ᠲᠡᠭᠰᠢᠪᠠᠷ ᠬᠠᠨᠳᠤᠬᠤ ᠬᠡᠷᠡᠭᠳᠠᠢ᠃
ᠪᠠᠭᠰᠢᠨᠢ ᠰᠤᠷᠤᠭᠴᠢᠳᠢ ᠠ᠋ᠷᠬᠢᠮ ᠲᠡᠭᠡᠳᠦ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠶᠤᠰᠤ ᠰᠤᠷᠳᠠᠭ᠍ᠤᠨ ᠵᠶ᠋ᠠᠷ ᠰᠤᠷᠳᠠᠯᠴᠢᠯᠠᠨ ᠬᠦᠮᠦᠵᠢᠭᠦᠯᠦᠨᠡ᠂ ᠲᠡᠭᠡᠭᠡᠳ ᠠᠩᠭᠢ ᠪᠦᠯᠦᠭᠲᠤᠪᠠᠨ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠲᠦᠯᠦᠪᠯᠡᠭᠡ ᠪᠤᠶᠤ ᠵᠢᠭ᠋ᠠᠵᠤ ᠰᠤᠷᠭ᠋ᠠᠬᠤ ᠱᠠᠭ᠋ᠠᠷᠳᠠᠯᠭᠠ ᠲᠤᠭᠳᠠᠭ᠋ᠠᠨ᠂ ᠲᠡᠷᠡ ᠶᠤᠰᠤᠭ᠋ᠠᠷ ᠰᠤᠷᠤᠭᠴᠢ ᠬᠡᠦᠬᠡᠳᠤᠳᠲᠤ ᠬᠠᠮᠤᠭ ᠠᠩᠬᠠᠨᠤ ᠰᠠᠭᠤᠷᠢ ᠮᠡᠳᠡᠯᠭᠡ ᠵᠢ ᠡᠵᠡᠮᠰᠢᠭᠦᠯᠳᠡᠭ᠃ ᠰᠤᠷᠤᠭᠴᠢᠳᠤᠨ ᠵᠠᠩ ᠠᠷᠠᠨᠰᠢᠨ᠂ ᠤᠶ᠋ᠢᠯᠠᠭ᠋ᠠᠬᠤ ᠬᠢᠷᠢ ᠬᠡᠮᠵᠢᠶᠡ ᠠᠳᠠᠯᠢ ᠪᠤᠰᠤ ᠪᠤᠯᠪᠠᠴᠤ ᠪᠠᠭᠰᠢᠠᠴᠠ ᠬᠡᠦᠬᠡᠳᠤᠳᠲᠤᠪᠠᠨ ᠠᠳᠠᠯᠢ ᠲᠡᠭᠰᠢᠪᠠᠷ ᠬᠠᠨᠳᠤᠵᠤ ᠰᠠᠶ᠋ᠢᠨᠢᠨᠢ ᠤᠯᠠᠮ ᠲᠡᠭᠡᠭᠰᠢᠯᠡᠭᠦᠯᠵᠦ ᠰᠤᠷᠤᠯᠭᠠ ᠬᠦᠴᠢᠷᠳᠡᠳᠡᠭᠢᠨᠢ ᠴᠦ᠍ ᠬᠠᠶᠠᠭ᠋ᠠᠨᠳᠤᠨᠢ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ ᠱᠠᠭ᠋ᠠᠷᠳᠠᠵᠤ ᠴᠢᠩᠭ᠋ᠠᠳᠬᠠᠬᠤ ᠶᠤᠰᠤᠳᠠᠢ ᠶᠤᠮ᠃ ᠠᠯᠢ ᠨᠢᠭᠡ ᠵᠡᠷᠭᠡ ᠠ᠋ᠷᠬᠡᠮᠳᠡᠨ ᠪᠠ ᠠ᠋ᠷᠬᠡ ᠰᠦᠷᠳᠡᠨᠤ ᠬᠡᠦᠬᠡᠳ ᠬᠢᠭᠡᠳ ᠠ᠋ᠭᠡᠯ ᠠᠷᠠᠳᠤᠨ ᠬᠡᠦᠬᠡᠳᠢ ᠴᠦ᠍ ᠠᠳᠠᠯᠢ ᠲᠡᠭᠰᠢᠪᠠᠷ ᠬᠠᠨᠳᠤᠵᠤ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠬᠡᠷᠡᠭᠳᠠᠢ ᠭᠡᠳᠡᠭᠢ ᠪᠠᠷᠢᠮᠳᠠᠯᠠᠭ᠍ᠤᠨᠢ ᠴᠢᠬᠤᠯᠠ ᠵᠠᠷᠴᠢᠮ ᠮᠦᠨ᠃
2. ᠪᠠᠭᠰᠢ ᠬᠦᠮᠦᠨ ᠦᠪᠡᠷᠤᠨ ᠪᠡᠶᠡᠪᠠᠷ ᠵᠶ᠋ᠠᠨ ᠦᠯᠢᠭᠡᠷ ᠲᠠᠭᠤᠷᠢᠶᠠᠯ ᠪᠤᠯᠬᠤ ᠬᠡᠷᠡᠭᠳᠠᠢ᠃
ᠪᠠᠭᠰᠢ ᠬᠦᠮᠦᠨᠢ ᠰᠤᠷᠤᠭᠴᠢᠳᠤᠨ 《ᠲᠤᠯᠢ》 ᠭᠡᠳᠡᠭ᠃
ᠬᠡᠴᠢᠨᠡᠨ ᠤᠯᠠᠨ ᠰᠤᠷᠤᠭᠴᠢ ᠬᠡᠦᠬᠡᠳᠤᠳᠤᠨ ᠨᠢᠳᠦ ᠪᠠᠭᠰᠢ ᠵᠢᠨ ᠪᠡᠶᠡ ᠲᠡᠭᠡᠷᠡ ᠲᠤᠰᠴᠤ᠂ ᠪᠠᠭᠰᠢ ᠵᠢᠪᠠᠨ ᠲᠠᠭᠤᠷᠢᠶᠠᠳᠠᠭ ᠭᠡᠳᠡᠭᠢ ᠮᠡᠳᠡᠬᠦ ᠶᠤᠰᠤᠳᠠᠢ᠃ ᠲᠡᠶ᠋ᠢᠮᠦᠠᠴᠠ ᠪᠠᠭᠰᠢ ᠪᠤᠯᠤᠭᠰᠠᠳ ᠠ᠋ᠮᠦᠰᠴᠦ ᠵᠡᠭᠦᠬᠦ᠂ ᠶᠠᠪᠤᠵᠤ ᠰᠠᠭᠤᠬᠤ᠂ ᠦᠭᠡ ᠶᠠᠷᠢᠶᠠ᠂ ᠵᠠᠩ ᠠᠭ᠋ᠠᠰᠢ᠂ ᠦᠢ᠍ᠯᠡ ᠬᠦᠳᠡᠯᠭᠡᠭᠡᠨ᠂ ᠪᠢᠴᠢᠵᠦ ᠵᠢᠷᠤᠬᠤ᠂ ᠤᠩᠰᠢᠬᠤ᠂ ᠠᠵᠢᠯᠯᠠᠵᠤ ᠬᠦᠳᠡᠯᠮᠦᠷᠢᠯᠡᠬᠦ ᠠᠯᠢᠪᠠ ᠪᠦᠬᠦᠨᠳᠤ ᠰᠤᠷᠤᠭᠴᠢ ᠬᠡᠦᠬᠡᠳᠤᠳᠲᠤᠪᠠᠨ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠤᠯᠵᠤ ᠪᠠᠶ᠋ᠢᠳᠠᠭ᠃
3. ᠪᠠᠭᠰᠢ ᠬᠦᠮᠦᠨ ᠬᠡᠦᠬᠡᠳᠤᠳᠢ ᠢᠯᠡᠭᠦᠦ ᠰᠠᠶ᠋ᠢᠨ ᠮᠠᠭᠳᠠᠨ ᠰᠠᠶ᠋ᠢᠰᠢᠶᠠᠵᠤ ᠲᠡᠳᠡᠨᠢ ᠵᠤᠷᠢᠬ᠍ᠵᠢᠭᠤᠯᠵᠤ ᠤᠷᠮᠠᠰᠢᠭᠤᠯᠬᠤ ᠬᠡᠷᠡᠭᠳᠠᠢ ᠶᠤᠮ᠃
ᠪᠠᠭᠰᠢ ᠪᠤᠯᠤᠭᠰᠠᠳ ᠬᠡᠦᠬᠡᠳᠤᠳᠢ ᠮᠠᠭᠳᠠᠨ ᠰᠠᠶ᠋ᠢᠰᠢᠶᠠᠵᠤ ᠤᠷᠮᠠᠰᠢᠭᠤᠯᠬᠤ ᠴᠢᠬᠤᠯᠠᠳᠠᠢ᠂ ᠤᠴᠢᠷᠨᠢ ᠶᠠᠮᠠᠷ ᠴᠦ᠍ ᠶᠠᠭᠤᠮᠠᠨᠳᠤ ᠬᠤᠶᠠᠷ ᠲᠠᠯᠠᠲᠠᠢ ᠪᠠᠶ᠋ᠢᠳᠠᠭ᠃ ᠰᠠᠶ᠋ᠢᠨ ᠪᠠᠶ᠋ᠢᠬᠤᠳᠤ ᠮᠠᠭᠤ ᠴᠦ᠍ ᠪᠤᠢ᠂ ᠮᠠᠭᠤ ᠪᠠᠶ᠋ᠢᠬᠤᠳᠤ ᠰᠠᠶ᠋ᠢᠨ ᠴᠦ᠍ ᠵᠦᠢ᠍ᠯ ᠪᠤᠢ᠃ ᠴᠤᠬᠤᠮ ᠵᠠᠭᠤᠨᠤ ᠬᠡᠳᠦ ᠵᠢ ᠡᠵᠡᠯᠡᠵᠦ᠂ ᠬᠦᠨᠳᠦ ᠬᠦᠩᠭᠡᠨᠨᠢ ᠬᠢᠷᠢ ᠵᠡᠷᠭᠡ ᠭᠡᠰᠡᠨᠳᠤ ᠪᠤᠢ᠃ ᠬᠡᠦᠬᠡᠳ ᠶᠠᠮᠠᠷ ᠰᠦᠷᠡᠬᠡᠢ ᠮᠠᠭᠤ ᠲᠠᠯᠠ ᠪᠠᠶ᠋ᠢᠬᠤᠪ᠂ ᠲᠡᠶ᠋ᠢᠮᠦᠠᠴᠠ ᠬᠡᠦᠬᠡᠳᠤᠨ ᠪᠠᠭᠠ ᠯᠠ ᠰᠠᠶ᠋ᠢᠨ ᠲᠠᠯᠠ ᠦᠵᠡᠭᠳᠡᠪᠡᠯ ᠰᠠᠶ᠋ᠢᠰᠢᠶᠠᠨ ᠮᠠᠭᠳᠠᠭ᠍ᠤ ᠬᠡᠷᠡᠭᠳᠠᠢ ᠶᠤᠮ᠃ ᠢᠩᠭᠢᠪᠡᠯ ᠬᠡᠦᠬᠡᠳ ᠪᠠᠶᠠᠷᠯᠠᠭ᠍ᠤ ᠮᠦᠷᠳᠡᠭᠡᠨ ᠰᠠᠢ᠍ᠢ᠍ᠨ ᠵᠶ᠋ᠠᠨ ᠪᠠᠳᠠᠷᠠᠭᠤᠯᠤᠨ ᠮᠠᠭᠤᠪᠠᠨ ᠬᠠᠯᠠᠵᠤ᠂ ᠪᠠᠭᠰᠢᠪᠠᠨ ᠴᠤ᠌ ᠤᠯᠠᠮ ᠬᠦᠨᠳᠦᠳᠭᠡᠬᠦ ᠪᠤᠯᠳᠠᠬ᠃ ᠪᠠᠭᠰᠢ᠂ ᠬᠡᠦᠬᠡᠳᠤᠳᠤᠨ ᠬᠦᠷᠢᠶᠡᠯᠡᠯᠢ ᠤᠯᠵᠤ ᠴᠢᠳᠠᠪᠠᠯ ᠰᠠᠶᠢ ᠦᠭᠡᠨᠢ ᠨᠡᠩ ᠶᠠᠪᠤᠭᠤᠷᠢᠲᠠᠢ ᠪᠤᠯᠵᠤ᠂ ᠦᠭᠡ ᠶᠠᠪᠤᠭᠤᠷᠢᠲᠠᠢ ᠪᠤᠯᠪᠠᠯ ᠬᠦᠮᠦᠵᠢᠯ ᠰᠤᠷᠭ᠋ᠠᠯᠤᠨ ᠠᠵᠢᠯ ᠴᠦ᠍ ᠲᠤᠪᠤᠶ᠋ᠢᠮᠠ ᠪᠤᠯᠵᠤ᠂ ᠬᠠᠳᠠᠭᠤ ᠵᠦᠭᠡᠯᠡᠨ ᠰᠤᠷᠭ᠋ᠠᠯᠢ ᠤᠷᠠᠯᠢᠭ ᠶᠠᠪᠤᠭᠳᠠᠭᠤᠯᠪᠠᠯ ᠰᠠᠶᠢ ᠠᠮᠵᠢᠯᠳᠠᠳᠤ ᠬᠦᠷᠴᠦ ᠴᠢᠳᠠᠭ᠍ᠤ ᠶᠤᠮ᠃
4. ᠪᠠᠭᠰᠢ ᠬᠦᠮᠦᠨ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠭᠡᠷᠤᠨ ᠠᠬᠠᠮᠠᠳᠲᠠᠢ ᠵᠦᠪ ᠰᠠᠶ᠋ᠢᠬᠠᠨ ᠵᠶ᠋ᠠᠷ ᠬᠠᠷᠢᠴᠠᠵᠤ᠂ ᠡᠪᠳᠠᠢ ᠨᠠᠶ᠋ᠢᠷᠳᠠᠢ᠂ ᠠ᠋ᠶᠡ ᠵᠤᠬᠢᠴᠠᠯᠳᠠᠢ ᠪᠠᠢ᠍ᠢ᠍ᠬᠤ ᠬᠡᠷᠡᠭᠳᠠᠢ ᠶᠤᠮ᠃
ᠭᠡᠷ ᠪᠦᠯᠢ ᠵᠢ ᠬᠡᠦᠬᠡᠳᠤᠨ ᠦᠯᠦᠭᠡᠢ ᠭᠡᠵᠦ ᠦᠵᠡᠳᠡᠭ᠂ ᠡᠴᠢᠭᠡ ᠠ᠋ᠬᠡ ᠪᠤᠯ ᠠᠩᠬᠠᠨᠤ ᠪᠠᠭᠰᠢ ᠪᠤᠯᠤᠨᠠ᠃ ᠲᠡᠭᠡᠭᠦᠯᠡᠷ ᠠᠩᠬᠠᠨᠤ ᠪᠠᠭᠰᠢ ᠪᠤᠯᠬᠤ ᠡᠵᠢ ᠠᠪᠤᠳᠤᠨᠢ ᠬᠡᠦᠬᠡᠳᠤᠳᠤᠨ ᠪᠠᠶ᠋ᠢᠳᠠᠯᠢ ᠵᠦᠪ ᠦᠨᠡᠨ ᠵᠶ᠋ᠠᠷᠨᠢ ᠲᠤᠰᠬᠠᠵᠤ᠂ ᠭᠡᠷ ᠤᠷᠤᠨᠳᠤᠪᠠᠨ ᠬᠠᠷᠢᠪᠠᠯ ᠶᠠᠮᠠᠷ ᠰᠢᠦ ᠪᠠᠶ᠋ᠢᠳᠠᠯᠲᠠᠢ ᠪᠠᠶ᠋ᠢᠬᠤ᠂ ᠰᠤᠷᠭ᠋ᠠᠭᠤᠯᠢᠳᠤ ᠢᠷᠡᠪᠡᠯ ᠶᠠᠮᠠᠷ ᠪᠠᠶ᠋ᠢᠳᠠᠭ ᠲᠤᠬᠠᠢ ᠦᠨᠡᠨ ᠵᠦᠪ ᠵᠶ᠋ᠠᠷ ᠤᠶ᠋ᠢᠯᠠᠭ᠋ᠠᠯᠴᠠᠵᠤ᠂ ᠬᠠᠷᠢᠯᠴᠠᠨ ᠤᠶᠠᠯᠳᠤᠵᠤ ᠪᠠᠢ᠍ᠢ᠍ᠬᠤ ᠤᠴᠢᠷᠲᠠᠢ᠃ ᠤᠳᠤ ᠵᠢᠨ ᠨᠡᠶ᠋ᠢᠭᠡᠮᠤᠨ ᠬᠦᠭᠵᠢᠯᠳᠡ ᠵᠢ ᠲᠠᠭ᠋ᠠᠯᠳᠤᠨ ᠬᠡᠦᠬᠡᠳ ᠶᠡᠭᠡ ᠲᠤᠷᠠ ᠲᠠᠪᠠᠪᠠᠷ ᠵᠶ᠋ᠠᠨ ᠪᠤᠯᠵᠤ ᠪᠠᠶ᠋ᠢᠬᠤ ᠪᠠᠶ᠋ᠢᠳᠠᠯ ᠢᠯᠡᠷᠡᠵᠤ ᠪᠠᠢ᠍ᠢ᠍ᠨᠠ᠂ ᠤᠴᠢᠷᠨᠢ ᠨᠢᠭᠡ ᠠᠶ᠋ᠢᠯ ᠠ᠋ᠷᠦᠬᠡᠨᠢ ᠨᠢᠭᠡ ᠯᠡ ᠬᠡᠦᠬᠡᠳᠲᠠᠢ᠂ ᠲᠡᠶ᠋ᠢᠮᠦᠠᠴᠠ ᠠᠪᠤ ᠡᠵᠢ ᠪᠤᠯᠤᠭᠰᠠᠳᠲᠠᠢᠨᠢ ᠢᠯᠡᠭᠦᠦ ᠬᠠᠷᠢᠴᠠᠵᠤ ᠲᠡᠳᠡᠨᠢ ᠬᠠᠪᠰᠤᠷᠤᠨ ᠬᠦᠮᠦᠵᠢᠯᠤᠨ ᠠᠵᠢᠯᠢ ᠰᠠᠶ᠋ᠢᠳᠤᠷ ᠬᠢᠬᠦ ᠬᠡᠷᠡᠭᠳᠠᠢ᠃ ᠵᠠᠷᠢᠮ ᠲᠠᠯᠠᠠᠴᠠ ᠦᠵᠡᠪᠡᠯ ᠬᠡᠦᠬᠡᠳ ᠶᠡᠭᠡ ᠲᠤᠷᠠ ᠲᠠᠪᠠᠪᠠᠷ ᠵᠶ᠋ᠠᠨ ᠪᠠᠶ᠋ᠢᠵᠤ ᠭᠡᠷᠤᠨ ᠠᠬᠠᠮᠠᠳ ᠨᠠᠷ ᠴᠦ᠍ ᠲᠡᠮᠡᠢ ᠬᠡᠯᠡᠵᠦ ᠰᠤᠷᠭ᠋ᠠᠵᠤ ᠴᠢᠳᠠᠭ᠍ᠤ ᠦᠭᠡᠢ ᠦᠵᠡᠭᠳᠡᠯ ᠴᠦ᠍ ᠵᠦᠩᠳᠡᠭᠡᠨ ᠢᠯᠡᠷᠡᠵᠦ ᠪᠤᠢ᠃ ᠠ᠋ᠨᠡ ᠪᠤᠯ ᠵᠦᠢ ᠵᠤᠬᠢᠰ ᠦᠭᠡᠢ᠂ ᠬᠡᠦᠬᠡᠳ ᠴᠦ᠍ ᠰᠠᠶ᠋ᠢᠨ ᠪᠤᠯᠵᠤ ᠴᠢᠳᠠᠭ᠍ᠤ ᠦᠭᠡᠢ᠃ ᠬᠡᠦᠬᠡᠳ ᠪᠤᠯ ᠬᠠᠰᠢ ᠯᠡ ᠬᠡᠦᠬᠡᠳ ᠰᠢᠦ ᠳ᠋ᠠ᠂ ᠲᠡᠶ᠋ᠢᠮᠦ ᠤᠯᠠᠨ ᠠᠷᠪᠢᠨ ᠵᠦᠢ᠍ᠯᠢ ᠪᠤᠳᠤᠵᠤ ᠴᠢᠳᠠᠭ᠍ᠤ ᠦᠭᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳᠨᠢ ᠬᠡᠦᠬᠡᠳ ᠵᠶ᠋ᠠᠨ ᠵᠦᠪ ᠰᠠᠶ᠋ᠢᠬᠠᠨ ᠵᠶ᠋ᠠᠷ ᠬᠦᠮᠦᠵᠢᠭᠦᠯᠬᠦᠳᠤ ᠪᠠᠭᠠᠠᠴᠠᠨᠢ ᠠ᠋ᠬᠢᠯᠠᠨ ᠠᠨᠭ᠌ᠬᠠᠷᠴᠤ ᠪᠠᠢ᠍ᠢ᠍ᠪᠠᠯ ᠵᠤᠬᠢᠨᠠ᠂ ᠬᠡᠦᠬᠡᠳᠨᠢ ᠶᠠᠭᠤᠮᠠ ᠲᠦᠬᠦᠭᠡᠷᠡᠭᠡᠳ ᠢᠷᠡᠬᠦᠳᠤᠨᠢ ᠰᠤᠷᠭ᠋ᠠᠨᠠ ᠭᠡᠪᠡᠯ ᠤᠷᠤᠶ᠋ᠢᠳᠠᠨᠠ ᠰᠢᠦ᠃ 《ᠠ᠋ᠷᠬᠡ ᠬᠡᠦᠬᠡᠳ ᠡᠴᠢᠭᠡ ᠠ᠋ᠬᠡ ᠵᠢᠪᠠᠨ ᠭᠠᠰᠠᠯᠭ᠋ᠠᠨᠠ》 ᠭᠡᠳᠡᠭ ᠦᠭᠡ ᠵᠢᠨ ᠤᠳᠬᠠ ᠵᠢ ᠭᠦᠨᠵᠡᠭᠡᠢ ᠤᠶ᠋ᠢᠯᠠᠭ᠋ᠠᠵᠤ 《ᠲᠠᠭ᠋ᠠᠯᠠᠭ᠋ᠠᠳ ᠦᠰᠭᠡᠭᠰᠡᠨ ᠬᠡᠤᠬᠡᠳ ᠲᠠᠪᠤᠨ ᠯᠠᠩ᠂ ᠳᠠᠰᠢᠭ᠋ᠠᠳ ᠦᠰᠭᠡᠭᠰᠡᠨ ᠬᠡᠤᠬᠡᠳ ᠲᠠᠪᠢᠨ ᠯᠠᠩ》 ᠭᠡᠳᠡᠭᠢ ᠰᠠᠨᠠᠬᠤ ᠬᠡᠷᠡᠭᠳᠠᠢ ᠶᠤᠮ᠃
5. ᠶᠠᠳᠠᠭᠤ ᠲᠤᠷᠤᠢ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠪᠤᠶᠤ ᠭᠡᠷ ᠪᠦᠯᠢᠨᠢ ᠰᠠᠯᠵᠤ ᠪᠤᠳᠠᠷᠠᠭᠰᠠᠨ ᠬᠡᠦᠬᠡᠳᠢ ᠬᠠᠷᠠᠭ᠋ᠠᠯᠵᠠᠵᠤ᠂ ᠪᠠᠭᠰᠢ ᠵᠢᠨ ᠬᠡᠪ ᠰᠤᠷᠳᠠᠯ ᠬᠡᠪ ᠲᠦᠷᠢᠮᠢ ᠪᠠᠳᠠᠷᠠᠭᠤᠯᠬᠤ ᠬᠡᠷᠡᠭᠳᠠᠢ᠃
ᠬᠡᠦᠬᠡᠳ ᠪᠤᠯ ᠬᠦᠭᠡᠷᠦᠬᠦᠢ ᠰᠢᠦ ᠳ᠋ᠠ᠂ ᠠᠳᠠᠯᠢ ᠪᠤᠰᠤ ᠰᠢᠯᠳᠠᠭ᠋ᠠᠨᠠᠴᠠ ᠪᠤᠯᠵᠤ ᠶᠠᠳᠠᠭᠤ ᠲᠤᠷᠤᠢ ᠬᠦᠴᠢᠷᠲᠠᠢ ᠠ᠋ᠷᠦᠬᠡ ᠵᠢᠨ ᠬᠡᠦᠬᠡᠳ ᠴᠦ᠍ ᠪᠠᠶ᠋ᠢᠳᠠᠭ᠃ ᠵᠠᠷᠢᠮᠨᠢ ᠡᠴᠢᠭᠡ ᠠ᠋ᠬᠡᠨᠢ ᠬᠠᠭ᠋ᠠᠴᠠᠵᠤ ᠰᠠᠯᠤᠭᠰᠠᠨ ᠠᠶ᠋ᠢᠯᠤᠨ ᠬᠡᠦᠬᠡᠳ ᠴᠦ᠍ ᠪᠤᠢ᠃ ᠪᠠᠰᠠ ᠵᠠᠷᠢᠮᠨᠢ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠡᠦᠬᠡᠳ ᠴᠦ᠍ ᠪᠤᠢ᠃ ᠠ᠋ᠭᠦᠨᠳᠤ ᠪᠠᠭᠰᠢ ᠪᠤᠯᠤᠭᠰᠠᠳ ᠵᠦᠪ ᠲᠠᠨᠢᠯᠳᠠᠲᠠᠢ ᠪᠠᠶ᠋ᠢᠵᠤ ᠲᠡᠳᠡᠭᠡᠷ ᠬᠡᠦᠬᠡᠳᠢ ᠭᠠᠳᠠᠭᠤᠷᠴᠢᠯᠠᠭ᠍ᠤ ᠦᠭᠡᠢ ᠪᠦᠭᠡᠳ ᠲᠡᠳᠡᠨᠤ ᠤᠶᠤᠨ ᠤᠬᠠᠭ᠋ᠠᠨ᠂ ᠰᠠᠨᠠᠭᠠ ᠰᠡᠳᠬᠢᠯᠢ ᠵᠦᠪ ᠲᠠᠯᠠ ᠵᠦᠭ ᠭᠦᠳᠦᠯᠦᠨ ᠲᠠᠭ᠋ᠠᠭᠤᠯᠵᠤ ᠵᠢᠯᠤᠭᠤᠳᠴᠤ ᠪᠠᠶ᠋ᠢᠪᠠᠯ ᠵᠤᠬᠢᠨᠠ᠃ ᠤᠯᠠᠨ ᠲᠠᠯᠠᠪᠠᠷ ᠬᠠᠷᠠᠵᠤ ᠬᠠᠷᠠᠭ᠋ᠠᠯᠵᠠᠭ᠍ᠤ᠂ ᠬᠠᠶ᠋ᠢᠷᠠ ᠬᠠᠯᠠᠮᠵᠢ ᠵᠢ ᠪᠠᠷᠢᠮᠳᠠᠯᠠᠨ ᠭᠦᠢ᠍ᠴᠡᠳᠭᠡᠪᠡᠯ ᠵᠤᠬᠢᠬᠤ ᠵᠢᠨ ᠬᠠᠮᠲᠤ ᠵᠤᠷᠰᠢᠯ ᠪᠤᠯᠭ᠋ᠠᠵᠤ ᠠᠯᠢ ᠴᠢᠳᠠᠭ᠍ᠤᠪᠠᠷ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠠᠷᠭᠠ ᠪᠤᠳᠤᠯᠭᠠ ᠵᠢ ᠠᠪᠴᠤ ᠤᠯᠠᠨ ᠲᠠᠯᠠ ᠵᠢᠨᠬᠢᠨᠲᠠᠢ ᠬᠠᠮᠵᠢᠯᠴᠠᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠢᠨᠢ ᠰᠢᠢ᠍ᠳᠪᠦᠷᠢᠯᠡᠵᠦ ᠪᠠᠶ᠋ᠢᠵᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠦᠨᠡ᠃
6. ᠪᠠᠭᠰᠢ ᠬᠦᠮᠦᠨ ᠰᠤᠷᠬᠤ ᠰᠤᠳᠤᠯᠬᠤ ᠠᠵᠢᠯ ᠵᠶ᠋ᠠᠨ ᠴᠢᠩᠭ᠋ᠠᠳᠬᠠᠵᠤ ᠪᠠᠭᠰᠢ ᠵᠢᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠵᠶ᠋ᠠᠨ ᠰᠡᠯᠪᠢᠨ ᠰᠢᠨᠡᠳᠭᠡᠬᠦ ᠬᠡᠪ ᠰᠤᠷᠳᠠᠯᠢ ᠪᠠᠷᠢᠮᠳᠠᠯᠠᠨ ᠪᠠᠳᠠᠷᠠᠭᠤᠯᠬᠤ ᠬᠡᠷᠡᠭᠳᠠᠢ᠃
ᠨᠡᠶ᠋ᠢᠭᠡᠮ ᠶᠡᠷᠦᠨᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠬᠦᠭᠵᠢᠨ ᠬᠤᠪᠢᠷᠠᠵᠤ ᠪᠠᠶ᠋ᠢᠳᠠᠭ᠃ ᠬᠠᠷᠢᠨ ᠬᠦᠮᠦᠰᠤᠨ ᠦᠵᠡᠯ ᠲᠠᠨᠢᠯᠳᠠ ᠬᠤᠴᠤᠷᠤᠭ᠋ᠠᠳ ᠪᠠᠶ᠋ᠢᠳᠠᠭ᠃ ᠠ᠋ᠭᠦᠨᠢᠪᠠᠨ ᠬᠦᠮᠦᠰ ᠪᠠᠰᠠ ᠲᠡᠮᠡᠢ ᠤᠯᠵᠤ ᠮᠡᠳᠡᠳᠡᠭ ᠦᠭᠡᠢ ᠶᠤᠮ᠃ ᠬᠡᠨ ᠬᠦᠮᠦᠨ ᠮᠡᠳᠡᠶᠡ ᠴᠢᠳᠠᠶᠠ ᠭᠡᠪᠡᠯ ᠠ᠋ᠷᠬᠡᠪᠰᠢ ᠰᠤᠷᠤᠯᠴᠠᠭ᠍ᠤ ᠬᠡᠷᠡᠭᠳᠠᠢ᠃ ᠴᠢᠳᠠᠯᠤᠨ ᠲᠤᠳᠤᠷᠠ ᠲᠠᠷᠢᠬᠢᠪᠠᠨ ᠢᠯᠡᠭᠦᠦ ᠬᠦᠳᠡᠯᠭᠡᠨ ᠰᠤᠷᠴᠤ ᠰᠤᠳᠤᠯᠬᠤ᠂ ᠲᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢᠪᠠᠨ ᠴᠦ᠍ ᠭᠡᠰᠡᠨ ᠲᠡᠮᠳᠡᠭᠯᠡᠨ ᠪᠢᠴᠢᠬᠦ᠂ ᠪᠤᠰᠤᠳᠤ ᠲᠠᠪᠠᠭᠤᠯᠢᠭᠢᠲᠠᠭᠠᠨ ᠰᠤᠷᠤᠯᠴᠠᠨ ᠦᠪᠡᠷᠤᠨ ᠲᠤᠳᠠᠭᠳᠠᠯ ᠵᠶ᠋ᠠᠨ ᠬᠠᠯᠠᠨ ᠵᠠᠯᠠᠷᠠᠭᠤᠯᠵᠤ᠂ ᠰᠤᠷᠴᠤ ᠰᠤᠳᠤᠯᠬᠤ ᠲᠡᠭᠡᠷᠡᠪᠠᠨ ᠬᠦᠴᠦ ᠭᠠᠷᠭ᠋ᠠᠬᠤ ᠬᠡᠷᠡᠭᠳᠠᠢ ᠪᠠᠶ᠋ᠢᠳᠠᠭ ᠶᠤᠮ᠃ ᠰᠢᠨᠡ ᠰᠡᠪᠡᠭᠦᠨ ᠵᠢᠭ᠋ᠠᠬᠤ ᠠᠷᠭᠠ ᠮᠠᠶᠢᠭᠢ ᠰᠦᠪᠡᠭᠴᠢᠯᠡᠨ᠂ ᠤᠳᠤᠬᠢᠴᠢᠯᠠᠭᠰᠠᠨ ᠵᠢᠭ᠋ᠠᠬᠤ ᠠᠷᠭᠠ ᠮᠠᠶᠢᠭᠢ ᠰᠢᠩᠭᠡᠭᠡᠨ ᠠᠭᠤᠰᠬᠠᠵᠤ᠂ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠦᠷᠡ ᠠᠰᠢᠭᠢ ᠪᠠᠳᠤᠯᠠᠭ᠍ᠤ ᠵᠢ ᠴᠠᠭ ᠦᠷᠭᠦᠯᠵᠢ ᠠᠩᠬᠠᠷᠴᠤ ᠪᠠᠷᠢᠮᠳᠠᠯᠠᠭ᠍ᠤ᠂ ᠬᠤᠪᠢᠪᠠᠷ ᠰᠤᠷᠬᠤ ᠪᠠ ᠬᠠᠮᠳᠤᠪᠡᠷ ᠰᠤᠷᠬᠤ ᠵᠢ ᠤᠶᠠᠯᠳᠤᠭᠤᠯᠬᠤ᠂ ᠪᠤᠰᠤᠳᠤᠨ ᠲᠡᠷᠢᠭᠦᠨᠤ ᠲᠤᠷᠰᠢᠯᠭᠠ ᠵᠢ ᠰᠤᠷᠤᠯᠴᠠᠨ ᠦᠷᠭᠦᠯᠵᠢ ᠵᠢᠨ ᠴᠢᠨᠠᠷᠳᠠᠢ ᠰᠤᠷᠴᠤ ᠰᠤᠳᠤᠯᠬᠤᠪᠠᠷ ᠦᠪᠡᠷᠢᠪᠠᠨ ᠲᠡᠭᠦᠯᠳᠡᠷᠵᠢᠭᠦᠯᠦᠨ᠂ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠠᠭᠤᠷ ᠠᠮᠢᠰᠬᠤᠯᠢ ᠠ᠋ᠯᠪᠡᠭ ᠪᠠᠶᠠᠯᠢᠭ ᠠᠭᠤᠯᠭᠠᠲᠠᠢ ᠰᠤᠷᠤᠭᠴᠢᠳᠤᠨ ᠲᠤᠷᠠ ᠪᠠᠬᠠ ᠵᠢ ᠲᠠᠳᠠᠭᠰᠠᠨ ᠤᠷᠮᠠ ᠪᠠᠶᠠᠰᠤᠯᠤᠨ ᠲᠤᠮᠳᠠ ᠰᠢᠨᠡ ᠮᠡᠳᠡᠯᠭᠡ ᠵᠢ ᠤᠯᠠᠮᠵᠢᠯᠠᠭ᠍ᠤ ᠵᠢ ᠪᠠᠷᠢᠮᠳᠠᠯᠠᠨᠠ᠃
ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠭᠡᠷᠡᠴᠢᠯᠡᠯᠳᠡ ᠵᠢ ᠭᠦᠨᠵᠡᠭᠡᠶ᠋ᠢᠷᠡᠭᠦᠯᠵᠦ ᠬᠡᠪ ᠴᠢᠨᠠᠷᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠪᠦᠬᠦ ᠲᠠᠯᠠᠪᠠᠷ ᠲᠦᠯᠬᠢᠨ ᠠᠬᠢᠭᠤᠯᠬᠤ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠ᠋ᠷᠬᠡ ᠲᠡᠭᠰᠢ ᠵᠢ ᠴᠢᠷᠮᠠᠶ᠋ᠢᠨ ᠠᠬᠢᠭᠤᠯᠬᠤ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠠ᠋ᠷᠡᠭᠦᠯ ᠵᠶ᠋ᠠᠷ ᠬᠦᠭᠵᠢᠭᠦᠯᠬᠦ ᠪᠤᠳᠠᠳᠤ ᠪᠠᠶ᠋ᠢᠳᠠᠯᠲᠠᠢ ᠤᠶᠠᠯᠳᠤᠭᠤᠯᠵᠤ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠶᠠᠰᠤ ᠴᠢᠨᠠᠷᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠰᠢᠯᠢᠳᠡᠭᠵᠢᠭᠦᠯᠦᠨ᠂ ᠰᠤᠷᠤᠭᠴᠢᠳ ᠵᠶ᠋ᠠᠷ ᠲᠦᠪ ᠪᠤᠯᠭ᠋ᠠᠵᠤ ᠬᠢᠴᠢᠶᠡᠯᠤᠨ ᠦᠨᠡ ᠦᠷᠳᠡᠭ᠂ ᠵᠢᠭ᠋ᠠᠬᠤ ᠬᠠᠷᠠᠯᠳᠠ ᠵᠢᠨ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠪᠦᠬᠦ ᠲᠠᠯᠠᠪᠠᠷ ᠲᠤᠭᠤᠰᠢᠯᠠᠭᠤᠯᠤᠨ ᠪᠡᠶᠡᠯᠡᠭᠦᠯᠬᠦ ᠵᠢ ᠵᠤᠷᠢᠵᠤ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤᠪᠠᠨ ᠬᠠᠶ᠋ᠢᠷᠠᠳᠠᠢ ᠪᠠᠶ᠋ᠢᠵᠤ᠂ ᠬᠠᠶ᠋ᠢᠷᠠᠪᠠᠷ ᠰᠤᠷᠤᠭᠴᠢᠳ ᠵᠶ᠋ᠠᠨ ᠬᠦᠮᠦᠵᠢᠭᠦᠯᠬᠦ ᠵᠢ ᠦᠨᠳᠦᠰᠦᠯᠡᠯ ᠪᠤᠯᠭ᠋ᠠᠨ 《ᠰᠤᠷᠬᠤᠳᠤ ᠴᠦᠬᠦᠷᠡᠰᠢ ᠦᠭᠡᠢ᠂ ᠰᠤᠷᠭ᠋ᠠᠬᠤᠳᠤ ᠬᠠᠯᠠᠰᠢᠷᠠᠯ ᠦᠭᠡᠢ》 ᠵᠤᠷᠢᠭ ᠵᠶ᠋ᠠᠷ ᠴᠢᠷᠮᠠᠶ᠋ᠢᠨ ᠠᠵᠢᠯᠯᠠᠵᠤ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠᠳᠤᠪᠠᠨ ᠮᠡᠷᠡᠢ᠍ᠢ᠍ᠨ ᠵᠢᠳᠭᠦᠪᠡᠯ ᠵᠤᠬᠢᠨᠠ᠃
ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨᠤ
ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭ᠋ᠠᠭᠤᠯᠢ
（ᠠᠯᠳᠠᠨᠰᠦᠢ᠍ᠭᠡ ᠨᠠᠢ᠍ᠢ᠍ᠷᠠᠭᠤᠯᠪᠠ）