| ᠪᠣᠣ ᠬᠠᠢ | | | | | | ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠮᠤᠩᠭᠤᠯ ᠬᠡᠯᠡ ᠵᠦᠢ ᠶᠢᠨ ᠴᠢᠬᠤᠯᠠ ᠠᠭᠤᠯᠭᠠ ᠶᠢ ᠰᠤᠷᠤᠭᠴᠢᠳ ᠲᠤ ᠪᠠᠲᠤ | ᠡᠵᠡᠮᠰᠢᠭᠦᠯᠬᠦ ᠶᠢᠨ ᠲᠥᠯᠥᠭᠡ ᠡ᠊ᠨᠳᠠ ᠬᠡᠯᠡ ᠵᠦᠢ ᠶᠢᠨ ᠵᠠᠷᠢᠮ ᠠᠭᠤᠯᠭᠠ ᠶᠢ ᠴᠡᠭᠡᠵᠢᠯᠡᠭᠦ ᠠᠷᠭᠠ ᠶᠢ ᠬᠡᠳᠦ | ᠳᠤᠷᠠᠳᠴᠤ ᠰᠤᠷᠤᠭᠴᠢᠳ ᠤᠨ ᠲᠦᠷᠭᠡᠨ ᠴᠡᠭᠡᠵᠢᠯᠡᠬᠦ ᠳᠤ ᠲᠤᠰᠠᠯᠠᠮᠵᠢ ᠪᠣᠯᠭᠠᠶᠠ᠃ | ᠨᠢᠭᠡ᠂ ᠬᠤᠣᠰ ᠡᠭᠡᠰᠢᠭ ᠤᠨ ᠬᠤᠶᠠᠷ ᠲᠥᠷᠥᠯ ᠢ ᠬᠠᠷᠢᠴᠠᠭᠤᠯᠬᠤ ᠠᠷᠭᠠ ᠬᠢᠭᠡᠳ ᠣᠨᠴᠠᠯᠢᠭ ᠢ ᠨᠢ ᠰᠢᠨᠵᠢᠬᠦ | ᠠᠷᠭᠠ ᠪᠠᠷ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠤᠷᠤᠭᠤᠳᠠᠬᠤ ᠬᠤᠣᠰ ᠡᠭᠡᠰᠢᠭ ᠪᠦᠷᠢ ᠶᠢᠨ ᠰᠡᠭᠦᠯ ᠤᠨ ᠡᠭᠡᠰᠢᠭ ᠨᠢ ᠳᠠᠩᠳᠠ | ︽i︾ ᠪᠠᠶᠢᠵᠤ᠂ ᠥᠭᠰᠥᠬᠦ ᠬᠤᠣᠰ ᠡᠭᠡᠰᠢᠭ ᠤᠨ ᠰᠡᠭᠦᠯ ᠤᠨ ᠡᠭᠡᠰᠢᠭ ᠨᠢ ᠬᠠᠷᠢᠨ ᠤᠷᠤᠭᠤᠯ ᠤᠨ ᠡᠭᠡᠰᠢᠭ ᠢᠶᠠᠷ | ᠵᠣᠩᠬᠢᠯᠠᠵᠠᠢ᠃ ᠬᠤᠶᠠᠷ ᠪᠦᠯᠦᠭ ᠬᠤᠣᠰ ᠡᠭᠡᠰᠢᠭ ᠢ ᠵᠢᠭᠠᠭᠰᠠᠨ ᠤ ᠳᠠᠷᠠᠭᠠ᠂ ︽ᠤᠷᠤᠭᠤᠳᠠᠬᠤ︾ ᠬᠢᠭᠡᠳ | ︽i︾ ᠦᠰᠦᠭ ᠤᠨ ᠤᠩᠰᠢᠯᠭᠠ ᠠᠴᠠ ᠭᠠᠷᠲᠠᠵᠤ ᠴᠡᠭᠡᠵᠢᠯᠡᠭᠦᠯᠪᠡᠯ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠪᠣᠯᠴᠢᠬᠠᠨᠠ᠃ | ᠬᠤᠶᠠᠷ᠂ ᠬᠤᠯᠪᠣᠬᠤ ᠡᠭᠡᠰᠢᠭ ᠤᠨ ᠳᠦᠷᠢᠮ ᠢ ᠲᠥᠷᠥᠯ ᠬᠤᠪᠢᠶᠠᠵᠤ ᠭᠤᠣᠯᠳᠠᠯᠭᠠ ᠲᠠᠢ ᠪᠠᠷ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠬᠤᠯᠪᠣᠬᠤ ᠡᠭᠡᠰᠢᠭ ᠤᠨ ᠳᠦᠷᠢᠮ ᠳᠤ ᠡᠩ ᠤᠨ ᠳᠦᠷᠢᠮ ᠬᠢᠭᠡᠳ ᠣᠨᠴᠠᠭᠠᠢ ᠳᠦᠷᠢᠮ | ᠪᠠᠶᠢᠨᠠ᠃ ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠲᠣᠬᠢᠶᠠᠯᠳᠤᠳᠠᠭ ᠨᠢ ᠡᠩ ᠤᠨ ᠳᠦᠷᠢᠮ ᠪᠣᠯᠣᠨᠠ᠃ ᠡᠭᠦᠨ ᠤ ᠲᠤᠬᠠᠢ ᠨᠠᠷᠢᠯᠢᠬ | ᠲᠠᠶᠢᠯᠪᠤᠷᠢᠯᠠᠭᠠᠳ ᠰᠤᠷᠤᠭᠴᠢᠳ ᠲᠤ ᠵᠢᠮᠡ ᠶᠣᠰᠣ ᠶᠢ ᠮᠡᠳᠡᠭᠦᠯᠦᠭᠰᠡᠨ ᠤ ᠰᠡᠭᠦᠯᠡᠷ᠂ ᠡᠩ ᠤᠨ ᠳᠦᠷᠢᠮ ᠤᠨ | ᠠᠭᠤᠯᠭᠠ ᠶᠢ ᠵᠥᠪᠬᠡᠨ ︽ᠬᠤᠪᠢᠯᠤᠭᠴᠢ ᠦᠰᠦᠭ ︵ᠨ᠂ ᠪ᠂ ᠤᠨ᠂ ᠷ᠂ ᠰ᠂ ᠯ︶ + ᠬᠤᠪᠢᠯᠭᠠᠭᠴᠢ ᠦᠰᠦᠭ | ︵ᠨᠠ᠂ ᠮ᠂ ᠭ᠌ ᠭ᠂ ᠰᠢ᠂ ᠷᠠ᠂ ᠯᠠ᠂ ᠶᠠ᠂ ᠤᠷᠲᠤᠳᠬᠠᠯ ︿ᠭᠠ᠊﹀ ᠠᠶᠢᠮᠠᠭ︶ ᠤᠨ ᠦᠶᠡ ᠬᠤᠯᠪᠣᠬᠤ ᠡᠭᠡᠰᠢᠭ | ᠠᠪᠤᠨᠠ᠂ ᠦᠭᠡᠢ ᠪᠣᠯ ᠠᠪᠬᠤ ᠦᠭᠡᠢ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠳᠥᠭᠦᠮᠴᠢᠯᠡᠭᠡᠳ ︽ᠨᠡᠪᠲᠡᠷᠡᠰᠡᠯ + | ᠨᠠᠮᠤᠭᠰᠢᠷᠯᠠᠶᠠ᠂ ᠤᠷᠲᠤᠳᠬᠠᠯ ︿ᠭᠠ᠊﹀ ᠠᠶᠢᠮᠠᠭ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠣᠨᠴᠠᠭᠠᠢ ᠳᠦᠷᠢᠮ ᠤᠨ | ᠠᠭᠤᠯᠭᠠ ᠶᠢ ︽ᠦᠢᠯᠡ ᠦᠭᠡ ︿ᠬᠠᠨ᠂ ᠲᠤᠨ᠂ ᠰᠤᠨ ＼ ᠬᠥᠪ᠂ ᠵᠢᠪ᠂ ᠴᠢᠪ᠂ ᠠᠪ ＼ ᠥᠭ﹀ ᠲᠠᠢ | ᠬᠠᠮᠢᠶᠠ ᠲᠠᠢ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠭᠤᠷᠪᠠ᠂ ᠦᠶᠡ ᠪᠠᠷ ᠰᠠᠯᠭᠠᠬᠤ ᠠᠭᠤᠯᠭᠠ ᠪᠣᠯ ᠨᠡᠯᠢᠶᠡᠳ ᠠᠮᠠᠷᠬᠠᠨ ᠪᠣᠯᠪᠠᠴᠤ ᠦᠶᠡ ᠪᠠᠷ ᠰᠠᠯᠭᠠᠬᠤ | ᠵᠠᠷᠴᠢᠮ ᠤᠨ ᠲᠤᠬᠠᠢ ᠣᠯᠠᠩᠬᠢ ᠨᠣᠮ ᠳᠤ ᠶᠠᠷᠢᠵᠤ ᠪᠠᠶᠢᠬᠤ ᠨᠢ ᠨᠡᠯᠢᠶᠡᠳ ᠶᠠᠷᠰᠢᠭ ᠲᠠᠢ᠂ ᠨᠡᠩ ᠴᠢᠨᠠᠭᠰᠢᠳᠠ | ᠰᠤᠷᠤᠭᠴᠢᠳ ᠤᠨ ᠲᠠᠷᠢᠬᠢ ᠲᠣᠯᠣᠭᠠᠢ ᠶᠢ ᠡᠭᠡᠳᠡᠷᠡᠭᠦᠯᠬᠦ ᠪᠠᠶᠢᠳᠠᠯ ᠴᠦ ᠭᠠᠷᠳᠠᠭ᠃ ᠡᠩ ᠲᠡᠷᠢᠭᠦᠨ ᠳᠤ ᠪᠠᠭᠰᠢ ᠠᠴᠠ | ᠡᠭᠡᠰᠢᠭ ᠦᠰᠦᠭ᠂ ᠭᠡᠶᠢᠭᠦᠯᠦᠭᠴᠢ ᠦᠰᠦᠭ ᠪᠠ ᠳᠡᠪᠢᠰᠬᠡᠷ ᠦᠰᠦᠭ ᠤᠨ ᠤᠬᠠᠭᠳᠠᠬᠤᠨ ᠪᠠ ᠣᠨᠴᠠᠯᠢᠭ ᠢ ᠪᠠᠲᠤ | ᠮᠡᠳᠡᠭᠦᠯᠦᠨᠡ᠃ ᠳᠡᠪᠢᠰᠭᠡᠷ ᠦᠰᠦᠭ ᠨᠢ ᠬᠡᠳᠦ᠋ᠢᠪᠡᠷ ᠡᠭᠡᠰᠢᠭ ᠦᠰᠦᠭ ᠬᠢᠭᠡᠳ ᠭᠡᠶᠢᠭᠦᠯᠦᠭᠴᠢ ᠦᠰᠦᠭ ᠠᠴᠠ | ᠡᠭᠦᠰᠦᠯ ᠲᠠᠢ ᠪᠣᠯᠪᠠᠴᠤ᠂ ᠮᠦᠨ ᠴᠢᠨᠠᠷ ᠤᠨ ᠢᠯᠭᠠᠭᠠ ᠲᠠᠢ ᠭᠡᠳᠡᠭ ᠢ ᠣᠨᠴᠠ ᠰᠠᠶᠢᠨ ᠲᠠᠶᠢᠯᠪᠤᠷᠢᠯᠠᠨᠠ᠃ ᠵᠠᠯᠭᠠᠭᠠᠳ | ︽ᠡᠭᠡᠰᠢᠭ ᠦᠰᠦᠭ ᠪᠣᠯ ᠦᠶᠡ ᠶᠢᠨ ᠭᠤᠣᠯ ᠲᠤᠯᠭᠠᠭᠤᠷᠢ ᠪᠣᠯᠣᠨᠠ᠂ ᠬᠡᠳᠦᠨ ᠡᠭᠡᠰᠢᠭ ᠦᠰᠦᠭ ᠪᠠᠶᠢᠪᠠᠯ ᠬᠡᠳᠦᠨ | ᠦᠶᠡ ᠪᠠᠶᠢᠨᠠ︾ ᠭᠡᠵᠦ ᠣᠶᠢᠯᠠᠭᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠦᠶᠡ ᠪᠠᠷ ᠰᠠᠯᠭᠠᠬᠤ ᠵᠠᠷᠴᠢᠮ ᠢ ︽ᠬᠤᠶᠠᠷ ᠡᠭᠡᠰᠢᠭ | ︵ᠦᠰᠦᠭ︶ ᠤᠨ ᠬᠤᠭᠤᠷᠣᠨᠳᠤᠬᠢ ᠭᠡᠶᠢᠭᠦᠯᠦᠭᠴᠢᠳ ︵ᠦᠰᠦᠭ︶ ᠤᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠭᠡᠶᠢᠭᠦᠯᠦᠭᠴᠢ | ︵ᠦᠰᠦᠭ︶ ᠶᠢᠨ ᠡᠮᠦᠨᠡᠭᠦᠷ ᠨᠢ ᠰᠠᠯᠭᠠᠨᠠ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠳᠥᠷᠪᠡ᠂ ᠪᠦᠲᠦᠭᠡᠬᠦ ᠳᠠᠭᠠᠪᠤᠷᠢ ᠬᠢᠭᠡᠳ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠶᠢ ᠢᠯᠭᠠᠬᠤ ᠳᠤ᠂ ᠨᠢᠭᠡ ᠳᠤ᠂ ᠬᠤᠶᠠᠷ | ᠲᠥᠷᠥᠯ ᠤᠨ ᠳᠠᠭᠠᠪᠤᠷᠢ ᠶᠢᠨ ᠤᠬᠠᠭᠳᠠᠬᠤᠨ ᠪᠠ ᠣᠨᠴᠠᠯᠢᠭ ᠠᠴᠠ ᠨᠢ ᠭᠠᠷᠳᠠᠨ᠂ ︽ᠶᠡᠭᠡ ᠲᠥᠯᠥᠪ ᠲᠤ ᠪᠠᠨ | ᠪᠦᠲᠦᠭᠡᠬᠦ ᠳᠠᠭᠠᠪᠤᠷᠢ ᠪᠣᠯ ᠦᠭᠡᠰ ᠤᠨ ᠰᠠᠩ ᠤᠨ ᠤᠳᠬᠠ ᠶᠢ ᠬᠤᠪᠢᠷᠠᠭᠤᠯᠤᠨᠠ᠂ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠪᠣᠯ | ᠬᠡᠯᠡ ᠵᠦᠢ ᠶᠢᠨ ᠬᠡᠯᠪᠡᠷᠢ ᠶᠢ ᠬᠤᠪᠢᠷᠠᠭᠤᠯᠤᠨᠠ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠵᠢᠱᠢᠶᠡᠯᠡᠪᠡᠯ᠂ ︽ᠮᠠᠯ + ᠴᠢᠨ — | ᠮᠠᠯᠴᠢᠨ︾ ᠳᠤ ︽ᠴᠢᠨ︾ ᠪᠣᠯ ᠦᠭᠡᠰ ᠤᠨ ᠰᠠᠩ ᠤᠨ ᠤᠳᠬᠠ ᠶᠢ ᠬᠤᠪᠢᠷᠠᠭᠤᠯᠪᠠ᠂ ᠪᠦᠲᠦᠭᠡᠬᠦ ᠳᠠᠭᠠᠪᠤᠷᠢ | ᠪᠣᠯᠣᠨᠠ᠃ ︽ᠮᠠᠯ + ᠤᠳ — ᠮᠠᠯ ᠤᠳ︾ ᠲᠤ ︽ ᠤᠳ︾ ᠪᠣᠯ ᠵᠥᠪᠬᠡᠨ ᠬᠡᠯᠡ ᠵᠦᠢ ᠶᠢᠨ ᠤᠳᠬᠠ ᠶᠢ | ᠬᠤᠪᠢᠷᠠᠭᠤᠯᠪᠠ᠂ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠪᠣᠯᠣᠨᠠ᠃ ᠬᠤᠶᠠᠷ ᠲᠤ᠂ ᠨᠢᠭᠡ ᠵᠦᠢᠯ ᠢ ᠨᠢ ᠭᠠᠳᠠᠭᠤᠷᠴᠢᠯᠠᠬᠤ ᠠᠷᠭᠠ ᠶᠢ | ᠠᠰᠢᠭᠯᠠᠨᠠ᠃ ᠦᠭᠡ ᠶᠢᠨ ᠪᠦᠲᠦᠴᠡ ᠳᠠᠬᠢ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠳᠤ ᠠᠰᠤᠷᠤ ᠣᠯᠠᠨ ᠲᠣᠭᠲᠠᠩᠭᠤᠢ ᠲᠣᠭᠲᠠᠭᠠᠯ | ᠵᠤᠷᠪᠤᠰ ᠪᠠᠶᠢᠬᠤ ᠳᠤ᠂ ᠪᠦᠲᠦᠭᠡᠬᠦ ᠳᠠᠭᠠᠪᠤᠷᠢ ᠳᠤ ᠨᠢ ᠬᠠᠷᠢᠨ ᠡᠶᠢᠮᠦ ᠲᠣᠭᠲᠠᠪᠤᠷᠢᠲᠠᠢ ᠶᠠᠭᠤᠮᠠ ᠪᠠᠶᠢᠬᠤ | ᠦᠭᠡᠢ᠃ ᠡᠨᠡ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠭᠦᠯᠵᠦ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠶᠢᠨ ᠲᠣᠭᠲᠠᠭᠠᠯ ᠢ ᠴᠡᠭᠡᠵᠢᠯᠡᠭᠦᠯᠦᠭᠡᠳ᠂ | ᠪᠤᠰᠤᠳ ᠨᠢ ᠳᠠᠷᠤᠢ ᠪᠦᠲᠦᠭᠡᠬᠦ ᠳᠠᠭᠠᠪᠤᠷᠢ ᠪᠣᠯᠣᠨᠠ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠳᠤ᠄ | 1᠂ ᠦᠢᠯᠡ ᠦᠭᠡ — ᠬᠡᠯᠪᠡᠷᠢ᠂ ᠬᠡᠪ᠂ ᠪᠠᠶᠢᠳᠠᠯ︔ 2᠂ ᠨᠡᠷᠡ ᠦᠭᠡ — ᠲᠡᠶᠢᠨ ᠢᠯᠭᠠᠯ᠂ ᠣᠯᠠᠨ ᠲᠤᠭᠠ᠂ | ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ︔ 3᠂ ᠲᠣᠭᠠᠨ ᠤ ᠦᠭᠡ — ᠦᠨᠳᠦᠰᠦᠨ ᠲᠣᠭᠠᠨ ᠠᠴᠠ ᠪᠤᠰᠤᠳ ᠲᠥᠷᠥᠯ ᠤᠨ | ᠲᠣᠭᠠᠨ ᠤ ᠦᠭᠡ ᠬᠤᠪᠢᠯᠬᠤ︔ 4᠂ ᠲᠡᠮᠳᠡᠭ ᠦᠭᠡ ᠵᠡᠷᠭᠡ ᠪᠠᠶᠢᠨᠠ ᠭᠡᠵᠤ ᠡᠵᠡᠮᠰᠢᠭᠦᠯᠦᠨᠡ᠃ ᠡᠭᠦᠨ ᠳᠤ ︽ᠯᠲᠤ᠂ | ᠯᠴᠡ᠂ ᠭᠠᠯᠵᠠ ︵ᠭᠡᠯᠵᠡ︶᠂ ᠨᠠᠷ᠂ ᠊ᠰ᠂ ᠤᠨ᠂ ᠴᠤᠳ︾ ᠵᠡᠷᠭᠡ ᠳᠠᠭᠠᠪᠤᠷᠢ ᠨᠢ ᠣᠨᠴᠠ ᠪᠠᠶᠢᠳᠠᠯ ᠳᠣᠣᠷᠠ ᠦᠭᠡ | ᠪᠦᠲᠦᠭᠡᠬᠦ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ ᠢ ᠴᠡᠭᠡᠵᠢᠯᠡᠭᠦᠯᠬᠦ ᠠᠴᠠ ᠪᠠᠨ ᠡᠮᠦᠨᠡ ᠲᠠᠶᠢᠯᠪᠤᠷᠢᠯᠠᠬᠤ ᠴᠢᠬᠤᠯᠠ ᠲᠠᠢ᠃ | ᠲᠠᠪᠤ᠂ ᠨᠡᠷᠡ ᠦᠭᠡ ᠶᠢᠨ ᠣᠯᠠᠨ ᠲᠤᠭᠠ ᠶᠢ ᠪᠣᠯ ᠣᠯᠠᠨ ᠲᠣᠭᠠᠨ ᠤ ᠳᠠᠭᠠᠪᠤᠷᠢ ᠶᠢᠨ ᠬᠡᠷᠡᠭᠯᠡᠬᠦ ᠳᠦᠷᠢᠮ ᠢ | ᠣᠶᠢᠯᠠᠭᠠᠭᠤᠯᠤᠭᠰᠠᠨ ᠤ ᠰᠠᠭᠤᠷᠢ ᠳᠡᠭᠡᠷᠡ ᠵᠠᠪᠠᠯ ᠲᠡᠦᠬᠡ ᠶᠢᠨ ᠵᠠᠩᠰᠢᠯ ᠢ ᠢᠯᠡᠭᠦᠬᠡᠨ ᠠᠩᠬᠠᠷᠤᠭᠤᠯᠵᠤ᠂ ᠶᠡᠷᠦ ᠶᠢᠨ | ᠴᠠᠭ ᠲᠤ ᠪᠠᠨ ᠬᠤᠷᠠᠮᠳᠤᠭᠤᠯᠤᠨ ᠴᠡᠭᠡᠵᠢᠯᠡᠭᠦᠯᠬᠦ ᠶᠢ ᠴᠢᠬᠤᠯᠠᠴᠢᠯᠠᠨᠠ᠃ ᠨᠡᠷᠡ ᠦᠭᠡ ᠶᠢᠨ ᠣᠯᠠᠨ ᠲᠣᠭᠠᠨ ᠤ | ᠳᠠᠭᠠᠪᠤᠷᠢ ᠶᠢ ᠬᠡᠷᠡᠭᠯᠡᠬᠦ ᠳᠤ ᠵᠣᠬᠢᠬᠤ ᠳᠦᠷᠢᠮ ᠲᠣᠭᠲᠠᠭᠠᠯ ᠲᠠᠢ ᠭᠡᠬᠦ ᠳᠤ ᠦᠬᠦᠮᠡᠯ ᠢᠶᠠᠷ ᠲᠣᠬᠤᠵᠤ ᠬᠡᠷᠡᠭᠯᠡᠵᠦ | ᠪᠣᠯᠬᠤ ᠦᠭᠡᠢ᠂ ᠵᠠᠪᠠᠯ ᠲᠡᠦᠬᠡ ᠶᠢᠨ ᠵᠠᠩᠰᠢᠯ ᠢ ᠬᠦᠨᠳᠦᠳᠬᠡᠬᠦ ᠬᠡᠷᠡᠭᠲᠡᠢ ᠭᠡᠰᠡᠨ ᠦᠭᠡ᠃ ᠵᠢᠱᠢᠶᠡᠯᠡᠪᠡᠯ᠂ | ︽ᠠᠭᠤᠯᠠ︾ ᠶᠢ ᠣᠯᠠᠨ ᠲᠤᠭᠠ ᠪᠣᠯᠭᠠᠬᠤ ᠳᠤ᠂ ᠬᠡᠳᠦ᠋ᠢᠪᠡᠷ ︽ ᠨᠤᠭᠤᠳ︾ ᠳᠠᠭᠠᠪᠤᠷᠢ ᠶᠢ ᠡᠭᠡᠰᠢᠭ ᠢᠶᠠᠷ | ᠲᠡᠭᠦᠰᠦᠭᠰᠡᠨ ᠴᠢᠩᠭᠠ ᠦᠭᠡ ᠶᠢᠨ ᠳᠣᠣᠷᠠ ᠬᠡᠷᠡᠭᠯᠡᠳᠡᠭ ᠪᠣᠯᠪᠠᠴᠤ ︽ᠠᠭᠤᠯᠠ ᠨᠤᠭᠤᠳ︾ ᠭᠡᠬᠦ ᠦᠭᠡᠢ᠂ ᠬᠠᠷᠢᠨ | ᠲᠡᠦᠬᠡ ᠶᠢᠨ ᠵᠠᠩᠰᠢᠯ ᠢ ᠵᠢᠷᠥᠮᠯᠡᠵᠦ ᠵᠠᠪᠠᠯ ︽ᠠᠭᠤᠯᠠᠰ︾ ᠭᠡᠨᠡ᠂ ᠪᠠᠯᠭᠠᠰᠤ ᠶᠢ ︽ᠪᠠᠯᠭᠠᠰᠤᠰ︾ ᠭᠡᠬᠦ ᠦᠭᠡᠢ᠂ | ᠬᠠᠷᠢᠨ ︽ᠪᠠᠯᠭᠠᠳ︾ ᠭᠡᠳᠡᠭ ᠨᠢ ᠠᠳᠠᠯᠢ ᠶᠣᠰᠤ᠃ | ᠵᠢᠷᠭᠤᠭᠠ᠂ ᠦᠢᠯᠡ ᠦᠭᠡ ᠶᠢᠨ ᠴᠠᠭ ᠢ ᠵᠢᠭᠠᠬᠤ ᠬᠡᠯᠪᠡᠷᠢ ᠶᠢᠨ ᠳᠠᠭᠠᠪᠤᠷᠢ ᠶᠢ ᠲᠥᠯᠥᠭᠡᠯᠡᠭᠴᠢ ᠰᠣᠩᠭᠤᠬᠤ | ᠠᠷᠭᠠ ᠪᠠᠷ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠡᠷᠲᠡ ᠥᠩᠭᠡᠷᠡᠭᠰᠡᠨ ᠴᠠᠭ ᠤᠨ ᠳᠣᠯᠣᠭᠠᠨ ᠳᠠᠭᠠᠪᠤᠷᠢ ᠶᠢᠨ ᠳᠣᠲᠣᠷᠠ ᠠᠴᠠ | ︽ᠴᠠᠢ︾ ᠶᠢ ᠰᠣᠩᠭᠤᠵᠤ ᠪᠤᠰᠤᠳ ᠨᠢ ᠲᠡᠭᠦᠨ ᠤ ᠴᠢᠩᠭᠠ ᠬᠥᠨᠳᠡᠢ᠂ ᠬᠠᠲᠠᠭᠤ ᠵᠥᠭᠡᠯᠡᠨ᠂ ᠡᠷᠲᠡᠨ ᠤ ᠬᠡᠯᠡᠨ ᠤ | ᠬᠤᠪᠢᠯᠪᠤᠷᠢ ᠪᠣᠯᠬᠤ ᠶᠢ ᠮᠡᠳᠡᠭᠦᠯᠦᠨᠡ᠃ ᠡᠨᠡ ᠠᠷᠭᠠ ᠪᠠᠷ ᠨᠢᠭᠡᠨᠲᠡ ᠥᠩᠭᠡᠷᠡᠭᠰᠡᠨ ᠴᠠᠭ ᠤᠨ ︽ᠪᠠ︾᠂ ᠰᠠᠶ᠋ᠢᠬᠠᠨ | ᠥᠩᠭᠡᠷᠡᠭᠰᠡᠨ ᠴᠠᠭ ᠤᠨ ︽ᠯᠠ︾᠂ ᠣᠳᠣ ᠴᠠᠭ ᠢ ᠵᠢᠭᠠᠬᠤ ᠲᠠᠪᠤᠨ ᠳᠠᠭᠠᠪᠤᠷᠢ ᠠᠴᠠ ︽ᠨᠠ︾ ᠶᠢ ᠰᠣᠩᠭᠤᠵᠤ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠢᠷᠡᠭᠡᠳᠦᠢ ᠴᠠᠭ ᠢ ᠵᠢᠭᠠᠬᠤ ᠨᠢ ᠣᠳᠣ ᠴᠠᠭ ᠤᠨ ᠬᠢ ᠲᠠᠢ ᠪᠠᠨ ᠨᠢᠭᠡ ᠯᠡ ᠠᠳᠠᠯᠢ | ᠤᠴᠢᠷ ᠠᠴᠠ ᠳᠡᠭᠡᠷᠡᠬᠢ ᠮᠡᠲᠦ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠤ᠂ ︽ᠴᠠᠭ ᠢ ᠵᠢᠭᠠᠬᠤ — ᠴᠠᠶᠢᠪᠠᠯᠠᠨᠠ︾ ᠭᠡᠵᠤ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠳᠣᠯᠤᠭᠠ᠂ ᠦᠢᠯᠡ ᠦᠭᠡ ᠶᠢᠨ ᠵᠠᠬᠢᠷᠬᠤ ᠬᠦᠰᠡᠬᠦ ᠬᠡᠯᠪᠡᠷᠢ ᠶᠢᠨ ᠳᠠᠭᠠᠪᠤᠷᠢ ᠶᠢ ᠭᠤᠷᠪᠠᠨ ᠪᠡᠶᠡ ᠶᠢᠨ | ᠴᠢᠩᠭᠠ ᠳᠦᠷᠰᠦ ᠪᠠᠷ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠲᠤᠰ ᠠᠭᠤᠯᠭᠠ ᠶᠢ ᠲᠠᠶᠢᠯᠪᠤᠷᠢᠯᠠᠨ ᠣᠶᠢᠯᠠᠭᠠᠭᠤᠯᠤᠭᠰᠠᠨ ᠤ ᠰᠠᠭᠤᠷᠢ | ᠳᠡᠭᠡᠷᠡ ᠰᠢᠯᠦᠭ ᠤᠨ ᠠᠶᠢᠵᠠᠮ ᠢᠶᠠᠷ ︽ᠶᠠ᠂ ᠊ᠰᠤ᠂ ᠊ᠰᠤᠭᠠᠢ ＼ ᠭᠠᠷᠠᠢ᠂ ᠭᠠᠴᠢ᠂ ᠭᠠᠰᠠᠢ ＼ ᠭ᠌᠂ ᠬ᠋ᠳᠤᠨ᠂ | ᠳ᠋ᠤᠭᠠᠢ᠂ ᠭᠤᠵᠠᠢ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠡᠭᠦᠨ ᠳᠤ ᠳᠠᠭᠠᠪᠤᠷᠢ ᠨᠤᠭᠤᠳ ᠨᠢ ᠵᠠᠷᠢᠮ ᠳᠤ ᠪᠠᠨ ᠬᠡᠳᠦᠨ | ᠪᠡᠶᠡ ᠳᠤ ᠬᠡᠷᠡᠭᠯᠡᠭᠳᠡᠳᠡᠭ ᠢ ᠣᠨᠣᠪᠴᠢᠲᠠᠢ ᠵᠢᠱᠢᠶᠡ ᠪᠠᠷ ᠶᠠᠷᠢᠵᠤ ᠥᠭᠭᠦᠨᠡ᠃ | ᠨᠠᠢᠮᠠ᠂ ᠦᠢᠯᠡ ᠦᠭᠡ ᠶᠢᠨ ᠲᠡᠮᠳᠡᠭ ᠦᠢᠯᠡ ᠶᠢᠨ ᠬᠡᠯᠪᠡᠷᠢ ᠪᠣᠯ ᠲᠡᠮᠳᠡᠭ ᠦᠭᠡ ᠶᠢᠨ ᠣᠨᠴᠠᠯᠢᠭ ᠢ | ᠬᠠᠳᠠᠭᠠᠯᠠᠵᠤ᠂ ᠶᠡᠭᠡ ᠲᠥᠯᠥᠪ ᠨᠡᠷᠡ ᠦᠭᠡ ᠶᠢ ᠲᠣᠳᠣᠳᠬᠠᠨ ᠦᠢᠯᠡ ᠶᠢᠨ ᠴᠠᠭ ᠢ ᠲᠣᠳᠣᠷᠬᠠᠶᠢᠯᠠᠨᠠ ᠭᠡᠵᠤ | ᠮᠡᠳᠡᠭᠦᠯᠦᠭᠡᠳ ᠲᠡᠭᠦᠨ ᠤ ᠳᠠᠭᠠᠪᠤᠷᠢ ᠨᠤᠭᠤᠳ ᠢ ᠴᠢᠩᠭᠠ ᠬᠡᠯᠪᠡᠷᠢ ᠪᠠᠷ ᠨᠢ ᠲᠥᠯᠥᠭᠡᠯᠡᠭᠦᠯᠵᠦ ᠰᠢᠯᠦᠭ ᠤᠨ | ᠠᠶᠢᠵᠠᠮ ᠢᠶᠠᠷ ︽ᠬ᠋ᠰᠠᠨ᠂ ᠬᠤ᠂ ᠳ᠋ᠠᠭ ＼ ᠭᠠ᠂ ᠭᠠᠳᠤᠢ᠂ ᠭᠤᠰᠢᠲᠠᠢ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠶᠢᠰᠦ᠂ ᠨᠥᠬᠦᠴᠡᠯ ᠦᠢᠯᠡ ᠶᠢᠨ ᠬᠡᠯᠪᠡᠷᠢ ᠪᠣᠯ ᠳᠠᠷᠠᠭᠠᠬᠢ ᠦᠢᠯᠡ ᠳᠤ ᠪᠠᠨ ᠨᠥᠬᠦᠴᠡᠯ ᠰᠢᠯᠲᠠᠭᠠᠨ ᠢ | ᠪᠦᠷᠢᠯᠳᠦᠭᠦᠯᠦᠨᠡ᠃ ᠨᠥᠬᠦᠴᠡᠯ ᠦᠢᠯᠡ ᠶᠢᠨ ᠬᠡᠯᠪᠡᠷᠢ ᠶᠢ ᠴᠢᠩᠭᠠ ᠬᠡᠯᠪᠡᠷᠢ ᠪᠠᠷ ᠨᠢ ᠭᠤᠷᠪᠠᠯᠠᠨ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠨᠡᠷᠡᠶᠢᠳᠦᠯ ᠬᠢᠭᠡᠳ ᠳᠠᠭᠠᠪᠤᠷᠢ ᠶᠢ ᠣᠷᠭᠠᠨᠢᠭ ᠢᠶᠠᠷ ᠤᠶᠠᠯᠳᠤᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠤ | ᠰᠠᠭᠤᠷᠢ ᠳᠡᠭᠡᠷᠡ ᠰᠢᠯᠦᠭ ᠤᠨ ᠠᠶᠢᠵᠠᠮ ᠢᠶᠠᠷ ︽ᠵᠤ ︵ᠴᠤ︶᠂ ᠭᠠᠳ᠂ ᠨ ＼ ᠪᠠᠯ᠂ ᠪᠠᠴᠤ᠂ ᠳ᠋ᠠᠯᠠ ＼ | ᠬᠤᠯᠠᠷ᠂ ᠮᠠᠭᠴᠠ᠂ ᠬ᠋ᠰᠠᠭᠠᠷ ＼ ᠬᠤᠶᠠ᠂ ᠩᠭᠤᠳᠠ᠂ ᠮᠠᠨᠵᠢᠨ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠠᠷᠪᠠ᠂ ᠬᠡᠪ ᠤᠨ ᠳᠠᠭᠠᠪᠤᠷᠢ ᠶᠢ ᠨᠡᠷᠡᠶᠢᠳᠦᠯ ᠠᠴᠠ ᠨᠢ ᠰᠢᠨᠵᠢᠨᠡ᠃ ᠬᠡᠪ ᠤᠨ ᠳᠠᠭᠠᠪᠤᠷᠢ ᠨᠤᠭᠤᠳ ᠢ | ᠵᠢᠱᠢᠶᠡ ᠲᠠᠢ ᠪᠠᠷ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠤ ᠳᠠᠷᠠᠭᠠ ᠪᠢᠳᠠ ᠪᠠᠭ᠋ᠠᠨ ᠰᠢᠨᠵᠢᠮᠡᠭᠴᠡ ᠨᠡᠷᠡᠶᠢᠳᠦᠯ ᠬᠢᠭᠡᠳ ᠳᠠᠭᠠᠪᠤᠷᠢ ᠶᠢᠨ | ᠤᠶᠠᠯᠳᠤᠯ ᠨᠢ ᠠᠶᠠᠨᠳᠠᠭᠠᠨ ᠢᠯᠡᠷᠡᠨᠡ᠃ ᠡᠶᠢᠮᠦ ᠠᠴᠠ ᠨᠡᠷᠡᠶᠢᠳᠦᠯ ᠢ ᠨᠢ ᠮᠡᠳᠡᠪᠡᠯ ᠳᠠᠭᠠᠪᠤᠷᠢ ᠶᠢ ᠨᠢ ᠢᠯᠡᠷᠡᠭᠦᠯᠵᠦ | ᠴᠢᠳᠠᠨᠠ᠃ ᠳᠠᠭᠠᠪᠤᠷᠢ ᠶᠢ ᠨᠢ ᠮᠡᠳᠡᠴᠢᠬᠡᠪᠡᠯ ᠨᠡᠷᠡᠶᠢᠳᠦᠯ ᠨᠢ ᠴᠦ ᠢᠯᠡᠷᠡᠴᠢᠬᠡᠨᠡ᠃ ᠵᠢᠭᠰᠠᠭᠠᠨ ᠦᠵᠡᠭᠦᠯᠪᠡᠯ᠄ | ᠪᠤᠰᠤᠳ ᠢᠶᠠᠷ ᠦᠢᠯᠡᠳᠦᠭᠦᠯᠬᠦ ᠬᠡᠪ — ᠬᠦᠯ ︵ᠭᠤᠯ︶ ＼ ᠯᠭᠠ ︵ᠯᠭᠡ︶᠂ ᠪᠤᠰᠤᠳ ᠲᠤ ᠦᠢᠯᠡᠳᠦᠭᠳᠡᠬᠦ ᠬᠡᠪ | — ᠭᠳᠡ ︵ᠬ᠋ᠳᠠ︶ ＼ ᠳ᠋ᠠ᠂ ᠬᠠᠮᠲᠤᠷᠠᠨ ᠦᠢᠯᠡᠳᠦᠯᠳᠦᠬᠦ ᠬᠡᠪ — ᠯᠳᠦ᠂ ᠬᠠᠷᠢᠯᠴᠠᠨ ᠦᠢᠯᠡᠳᠦᠯᠴᠡᠬᠦ ᠬᠡᠪ | — ᠯᠴᠡ᠂ ᠣᠯᠠᠨ ᠢᠶᠠᠷ ᠦᠢᠯᠡᠳᠴᠡᠭᠡᠬᠦ ᠬᠡᠪ — ᠴᠡᠭᠡ ︵ᠴᠠᠭᠠ︶᠂ ᠥᠪᠡᠷ ᠢᠶᠠᠨ ᠦᠢᠯᠡᠳᠬᠦ ᠬᠡᠪ — | ᠳᠠᠭᠠᠪᠤᠷᠢ ᠦᠭᠡᠢ᠃ ᠡᠶᠢᠮᠦ ᠠᠴᠠ ᠦᠢᠯᠡ ᠦᠭᠡ ᠶᠢᠨ ᠬᠡᠪ ᠤᠨ ᠨᠡᠷᠡᠶᠢᠳᠦᠯ ᠢ ᠨᠢ ᠴᠡᠭᠡᠵᠢᠯᠡᠭᠦᠯᠪᠡᠯ ᠳᠠᠷᠤᠢ | ᠳᠠᠭᠠᠪᠤᠷᠢ ᠶᠢ ᠨᠢ ᠴᠡᠭᠡᠵᠢᠯᠡᠴᠢᠬᠡᠨᠡ᠃ | ᠠᠷᠪᠠᠨ ᠨᠢᠭᠡ᠂ ᠦᠢᠯᠡ ᠦᠭᠡ ᠶᠢᠨ ᠦᠷᠭᠦᠯᠵᠢᠯᠡᠨ ᠦᠢᠯᠡᠳᠬᠦ ᠬᠢᠭᠡᠳ ᠳᠠᠬᠢᠨ ᠳᠠᠪᠲᠠᠨ ᠦᠢᠯᠡᠳᠬᠦ | ᠪᠠᠶᠢᠳᠠᠯ ᠤᠨ ᠬᠤᠶᠠᠷ ᠪᠦᠯᠦᠭ ᠳᠠᠭᠠᠪᠤᠷᠢ ᠶᠢ ᠬᠡᠳᠦᠢ ᠴᠡᠭᠡᠵᠢᠯᠡᠯᠡ ᠴᠦ ᠭᠡᠰᠡᠨ ᠨᠡᠷᠡᠶᠢᠳᠦᠯ ᠢ ᠨᠢ ᠰᠣᠯᠢᠵᠤ | ᠬᠤᠳᠬᠤᠭᠠᠳ ᠯᠡ ᠪᠠᠶᠢᠳᠠᠭ ᠦᠵᠡᠭᠳᠡᠯ ᠮᠤᠩ ᠦᠭᠡᠢ ᠣᠯᠠᠨ ᠲᠠᠭᠠᠷᠠᠯᠳᠤᠳᠠᠭ᠃ ᠡᠭᠦᠨ ᠳᠤ ᠳᠠᠬᠢᠨ ᠳᠠᠪᠲᠠᠨ | ᠦᠢᠯᠡᠳᠬᠦ ᠶᠢᠨ ︽ᠯᠵᠠ᠂ ᠪᠠᠯᠵᠠ᠂ ᠭᠠᠯᠵᠠ᠂ ᠭᠠᠨᠠ᠂ ᠯᠠ᠂ ᠯ᠂ ᠴᠢ︾ ᠶᠢ ᠴᠢᠩᠭᠠ ᠬᠡᠯᠪᠡᠷᠢ ᠪᠠᠷ ᠨᠢ | ᠰᠢᠯᠦᠭ ᠤᠨ ᠠᠶᠢᠵᠠᠮ ᠢᠶᠠᠷ ᠤᠩᠰᠢᠪᠠᠯ ︽ᠯ᠊᠂ ᠵ᠊︾ ᠬᠤᠶᠠᠷ ᠠᠪᠢᠶᠠ ᠳᠠᠬᠢᠨ ᠳᠠᠪᠲᠠᠨ ᠬᠡᠯᠡᠭᠳᠡᠭᠡᠳ ᠯᠡ ᠪᠠᠶᠢᠬᠤ | ᠲᠥᠷᠥᠭᠳᠡᠯ ᠥᠭᠭᠦᠨᠡ᠃ ᠡᠨᠡ ᠪᠠᠶᠢᠳᠠᠯ ᠳᠤ ᠨᠢ ᠴᠢᠭᠯᠡᠭᠦᠯᠵᠦ ︽ᠳᠠᠬᠢᠨ ᠳᠠᠪᠲᠠᠨ ᠤᠩᠰᠢᠭᠳᠠᠭᠠᠳ ᠪᠠᠶᠢᠳᠠᠭ ᠨᠢ | ᠳᠠᠬᠢᠨ ᠳᠠᠪᠲᠠᠨ ᠦᠢᠯᠡᠳᠬᠦ ᠪᠠᠶᠢᠳᠠᠯ᠂ ᠦᠯᠡᠳᠡᠭᠰᠡᠨ ᠨᠢ ᠳᠠᠷᠤᠢ ᠦᠷᠭᠦᠯᠵᠢᠯᠡᠨ ᠦᠢᠯᠡᠳᠬᠦ ᠪᠠᠶᠢᠳᠠᠯ︾ ᠭᠡᠵᠤ | ᠣᠶᠢᠯᠠᠭᠠᠭᠤᠯᠤᠭᠠᠳ ︽ᠳᠠᠬᠢᠨ ᠳᠠᠪᠲᠠᠬᠤ ᠨᠢ ︿ᠯᠵᠠ᠂ ᠪᠠᠯᠵᠠ᠂ ᠭᠠᠯᠵᠠ ＼ ᠭᠠᠨᠠ᠂ ᠯᠠ᠂ ᠯ᠂ ᠴᠢ﹀︾ ᠭᠡᠵᠤ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠪᠠᠰᠠ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠵᠦᠢᠯ ᠭᠡᠪᠡᠯ᠂ ᠦᠢᠯᠡ ᠦᠭᠡ ᠶᠢᠨ ᠬᠡᠪ ᠪᠠ ᠪᠠᠶᠢᠳᠠᠯ ᠢ ᠬᠤᠳᠬᠤᠳᠠᠭ | ᠪᠠᠶᠢᠳᠠᠯ ᠪᠣᠯᠣᠨᠠ᠃ ᠡᠶᠢᠮᠦ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠭᠦᠯᠦᠨ ︽ᠬᠡᠪ ᠨᠢ ᠬᠥᠮᠥᠨ ᠪᠠ ᠪᠡᠶᠡ ᠲᠠᠢ ᠰᠢᠭᠤᠳ | ᠬᠤᠯᠪᠣᠭᠳᠠᠨᠠ᠂ ᠪᠠᠶᠢᠳᠠᠯ ᠨᠢ ᠬᠠᠷᠢᠨ ᠲᠤᠬᠠᠢ ᠶᠢᠨ ᠬᠥᠳᠡᠯᠦᠯ ᠪᠠᠶᠢᠳᠠᠯ ᠲᠠᠢ ᠬᠤᠯᠪᠣᠭᠳᠠᠨᠠ︾ ᠭᠡᠵᠤ ᠪᠠᠲᠤ | ᠣᠶᠢᠯᠠᠭᠠᠭᠤᠯᠪᠠᠯ ᠪᠣᠯᠴᠢᠬᠠᠨᠠ᠃ | ᠠᠷᠪᠠᠨ ᠬᠤᠶᠠᠷ᠂ ᠦᠢᠯᠡ ᠦᠭᠡ ᠨᠢ ᠬᠡᠯᠪᠡᠷᠢ᠂ ᠬᠡᠪ᠂ ᠪᠠᠶᠢᠳᠠᠯ ᠭᠡᠬᠦ ᠬᠡᠯᠡ ᠵᠦᠢ ᠶᠢᠨ ᠬᠤᠪᠢᠯᠤᠯ ᠠᠴᠠ | ᠪᠣᠯᠵᠤ ᠬᠡᠳᠦᠨ ᠠᠷᠪᠠᠨ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠪᠠᠶᠢᠨᠠ ᠭᠡᠬᠦ ᠳᠤ᠂ ᠦᠢᠯᠡ ᠦᠭᠡ ᠡᠭᠦᠰᠬᠡᠬᠦ ᠪᠦᠲᠦᠭᠡᠬᠦ | ᠳᠠᠭᠠᠪᠤᠷᠢ ᠴᠦ ᠣᠯᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠤ ᠳᠡᠭᠡᠷᠡ ᠵᠠᠷᠢᠮ ᠳᠠᠭᠠᠪᠤᠷᠢ ᠨᠢ ᠪᠢᠴᠢᠯᠭᠡ ᠢᠵᠢᠯ ᠪᠠᠶᠢᠳᠠᠭ ᠲᠤᠯᠠ | ᠬᠤᠳᠬᠤᠯᠳᠤᠬᠤ ᠪᠠᠶᠢᠳᠠᠯ ᠵᠥᠩᠳᠡᠭᠡᠨ ᠲᠣᠬᠢᠶᠠᠯᠳᠤᠳᠠᠭ᠃ ᠡᠭᠦᠨ ᠳᠤ ᠵᠠᠪᠠᠯ ᠬᠤᠪᠢᠯᠭᠠᠬᠤ ᠳᠠᠭᠠᠪᠤᠷᠢ ᠪᠠ | ᠪᠦᠲᠦᠭᠡᠬᠦ ᠳᠠᠭᠠᠪᠤᠷᠢ ᠶᠢᠨ ᠤᠬᠠᠭᠳᠠᠬᠤᠨ ᠪᠠ ᠣᠨᠴᠠᠯᠢᠭ ᠢ ᠣᠶᠢᠯᠠᠭᠠᠭᠤᠯᠤᠭᠰᠠᠨ ᠤ ᠰᠠᠭᠤᠷᠢ ᠳᠡᠭᠡᠷᠡ ᠦᠢᠯᠡ | ᠦᠭᠡ ᠶᠢᠨ ᠶᠠᠮᠠᠷ ᠬᠡᠯᠡ ᠵᠦᠢ ᠶᠢᠨ ᠬᠤᠪᠢᠯᠤᠯ ᠪᠣᠯᠬᠤ ᠶᠢ ᠲᠠᠰᠤ ᠲᠠᠨᠢᠭᠤᠯᠪᠠᠯ ᠪᠣᠯᠴᠢᠬᠠᠨᠠ᠃ ᠪᠣᠳᠠᠲᠠᠢ | ᠴᠡᠭᠡᠵᠢᠯᠡᠭᠦᠯᠬᠦ ᠠᠷᠭᠠ ᠨᠢ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠳᠥᠷᠪᠡᠳᠦᠭᠡᠷ ᠵᠤᠷᠪᠤᠰ ᠲᠠᠢ ᠠᠳᠠᠯᠢ᠃ | ᠠᠷᠪᠠᠨ ᠭᠤᠷᠪᠠ᠂ ᠰᠤᠯᠠ ᠦᠭᠡ᠂ ᠳᠠᠭᠠᠪᠤᠷᠢ ᠦᠭᠡ ᠶᠢ ᠠᠳᠠᠯᠢ ᠪᠤᠰᠤ ᠠᠷᠭᠠ ᠪᠠᠷ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠡᠨᠡ | ᠬᠤᠶᠠᠷ ᠦᠭᠡᠰ ᠤᠨ ᠠᠶᠢᠮᠠᠭ ᠨᠢ ᠬᠠᠷᠢᠯᠴᠠᠨ ᠬᠤᠳᠬᠤᠯᠳᠤᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠳᠠᠶᠢᠪᠤᠷᠢ ᠦᠭᠡ ᠬᠢᠭᠡᠳ | ᠬᠤᠯᠪᠣᠬᠤ ᠦᠭᠡ ᠲᠠᠢ ᠴᠦ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠠᠷ ᠬᠤᠳᠬᠤᠯᠳᠤᠳᠠᠭ᠃ ᠡᠨᠡ ᠠᠰᠠᠭᠤᠳᠠᠯ ᠢ | ᠰᠢᠢᠳᠪᠦᠷᠢᠯᠡᠬᠦ ᠳᠤ ᠳᠠᠷᠠᠭᠠᠬᠢ ᠠᠷᠭᠠ ᠶᠢ ᠠᠰᠢᠭᠯᠠᠵᠤ ᠪᠣᠯᠣᠨᠠ᠃ | ︵ᠨᠢᠭᠡ︶ ᠰᠤᠯᠠ ᠦᠭᠡ ᠨᠡᠶᠢᠲᠡ ᠭᠤᠴᠢ ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠲᠤᠯᠠ ᠪᠦᠭᠦᠳᠡ ᠶᠢ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ︵ᠬᠤᠶᠠᠷ︶ 1. ᠳᠠᠭᠠᠪᠤᠷᠢ ᠦᠭᠡ ᠶᠢᠨ ᠲᠥᠷᠥᠯ ᠣᠯᠠᠨ ᠮᠥᠷᠲᠡᠭᠡᠨ ᠪᠤᠰᠤᠳ ᠦᠭᠡ ᠠᠴᠠ ᠢᠷᠡᠯᠲᠡ ᠲᠠᠢ | ᠦᠭᠡ ᠣᠯᠠᠨ ᠪᠠᠶᠢᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠳᠠᠭᠠᠪᠤᠷᠢ ᠦᠭᠡ ᠪᠣᠯ ᠬᠡᠶᠢᠰᠪᠦᠷᠢ ᠦᠭᠡ᠂ ᠳᠡᠭᠡᠷᠡᠬᠢ ᠦᠭᠡ ᠲᠠᠢ ᠪᠠᠨ | ᠨᠢᠭᠡ ᠭᠡᠰᠢᠭᠦᠨ ᠪᠣᠯᠳᠠᠭ᠃ ᠡᠶᠢᠮᠦ ᠠᠴᠠ ᠴᠣᠬᠤᠮ ᠳᠠᠭᠠᠪᠤᠷᠢ ᠦᠭᠡ ᠮᠥᠨ ᠡᠰᠡᠬᠦ ᠶᠢ ᠢᠯᠭᠠᠬᠤ ᠳᠤ ᠪᠠᠨ ᠲᠡᠭᠦᠨ ᠤ | ᠤᠬᠠᠭᠳᠠᠬᠤᠨ ᠪᠠ ᠣᠨᠴᠠᠯᠢᠭ ᠠᠴᠠ ᠨᠢ ᠭᠠᠷᠳᠠᠨ ︽ᠲᠤᠰ ᠦᠭᠡ ᠨᠢ ᠳᠡᠭᠡᠷᠡᠬᠢ ᠦᠭᠡ ᠶᠢ ᠳᠠᠭᠠᠵᠤ ᠪᠠᠶᠢᠪᠠᠯ | ︵ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠬᠤᠶᠠᠷ ᠦᠭᠡ ᠶᠢᠨ ᠭᠤᠣᠯ ᠦᠭᠡ ᠨᠢ ᠳᠡᠭᠡᠷᠡ ᠨᠢ ᠪᠠᠶᠢᠪᠠᠯ︶ ᠳᠠᠭᠠᠪᠤᠷᠢ ᠦᠭᠡ᠂ ᠳᠠᠷᠤᠢ | ︿ᠳᠡᠭᠡᠷᠡᠬᠢ ᠦᠭᠡ ᠪᠠᠨ ᠳᠠᠭᠠᠬᠤ ᠦᠭᠡ﹀ ᠪᠣᠯᠵᠤ᠂ ᠳᠡᠭᠡᠷᠡᠬᠢ ᠦᠭᠡ ᠲᠠᠢ ᠪᠠᠨ ᠨᠢᠭᠡ ᠭᠡᠰᠢᠭᠦᠨ ᠪᠣᠯᠳᠠᠭ︾ ᠭᠡᠵᠤ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠰᠢᠷᠡᠭᠡᠨ ᠳᠣᠣᠷᠠ ᠪᠥᠮᠪᠦᠭᠡ ᠪᠠᠶᠢᠨᠠ — ᠳᠠᠭᠠᠪᠤᠷᠢ ᠦᠭᠡ᠂ ᠪᠢᠳᠠ | ᠳᠣᠣᠷᠠ ᠪᠠᠨ ᠶᠠᠪᠤᠨᠠ — ᠳᠠᠶᠢᠪᠤᠷᠢ ᠦᠭᠡ᠃ 2. ᠳᠠᠭᠠᠪᠤᠷᠢ ᠦᠭᠡ ᠶᠢᠨ ᠲᠥᠷᠥᠯ ᠢ ᠴᠡᠭᠡᠵᠢᠯᠡᠭᠦᠯᠬᠦ ᠦᠶᠡ | ᠳᠠᠭᠠᠪᠤᠷᠢ ᠦᠭᠡ ᠳᠣᠲᠣᠷᠠ ᠠᠴᠠ ︽ᠨᠡᠷᠡ ᠨᠢᠳᠡᠷ ᠲᠤ ᠪᠠᠨ ᠲᠡᠩᠴᠡᠭᠰᠡᠨ ᠲᠥᠯᠥᠭᠡᠯᠡᠭᠴᠢ ᠦᠭᠡ︾ ᠶᠢ ᠨᠢ | ᠰᠣᠩᠭᠤᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠣᠷᠣᠨ ᠤ ᠳᠠᠭᠠᠪᠤᠷᠢ ᠶᠢᠨ ᠳᠣᠲᠣᠷᠠᠬᠢ ︽ᠳᠠᠭᠠᠤ︾ ᠨᠢ | ᠬᠡᠳᠦ᠋ᠢᠪᠡᠷ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠪᠣᠳᠠᠲᠤ ᠤᠳᠬᠠ ᠦᠭᠡᠢ ᠪᠣᠯᠪᠠᠴᠤ ᠲᠡᠭᠦᠨ ᠤ ᠥᠪᠡᠷ ᠤᠨ ᠬᠢᠨᠢ ︽ᠶᠠᠮᠠᠷ | ᠨᠢᠭᠡᠨ ᠵᠠᠬᠠ ᠲᠠᠯᠠ ᠵᠡᠷᠭᠡ ᠶᠢ ᠳᠠᠭᠠᠯᠳᠤᠨ ᠬᠠᠪᠢᠯᠳᠤᠭᠰᠠᠨ︾ ᠭᠡᠰᠡᠨ ᠨᠢᠭᠡ ᠬᠡᠮᠵᠢᠶᠡᠨ ᠤ ᠬᠡᠶᠢᠰᠪᠦᠷᠢ | ᠤᠳᠬᠠ ᠲᠠᠢ ᠶᠢ ᠪᠢᠳᠠ ᠵᠢᠭᠠᠬᠠᠨ ᠰᠢᠨᠵᠢᠪᠡᠯ ᠮᠡᠳᠡᠴᠢᠬᠡᠨᠡ᠃ ᠡᠨᠡ ᠮᠡᠲᠦ ᠪᠠᠷ ᠳᠠᠭᠠᠪᠤᠷᠢ ᠦᠭᠡ ᠶᠢᠨ ᠲᠥᠷᠥᠯ | ᠵᠦᠢᠯ ᠪᠦᠬᠦᠨ ᠠᠴᠠ ᠨᠢᠭᠡ ᠶᠢ ᠰᠣᠩᠭᠤᠵᠤ ᠨᠡᠷᠡᠶᠢᠳᠦᠯ ᠲᠠᠢ ᠨᠢ ᠤᠶᠠᠯᠳᠤᠭᠤᠯᠤᠨ ︽ᠣᠷᠣᠨ — ᠳᠠᠭᠠᠤ᠂ ᠴᠠᠭ | — ᠵᠠᠭᠤᠷᠠ᠂ ᠵᠣᠷᠢᠯᠭᠠ — ᠲᠥᠯᠥᠭᠡ᠂ ᠰᠢᠯᠲᠠᠭᠠᠨ — ᠤᠴᠢᠷ᠂ ᠬᠠᠮᠲᠤᠷᠠᠬᠤ — ᠬᠠᠮᠲᠤ᠂ | ᠠᠳᠠᠯᠢᠳᠬᠠᠬᠤ — ᠠᠳᠠᠯᠢ᠂ ᠪᠠᠷᠤᠭᠯᠠᠬᠤ — ᠪᠠᠷᠤᠭ᠂ ᠬᠢᠵᠠᠭᠠᠷᠯᠠᠬᠤ — ᠬᠦᠷᠲᠡᠯᠡ᠂ ᠬᠠᠮᠢᠶᠠᠳᠠᠭᠤᠯᠬᠤ | — ᠲᠤᠬᠠᠢ᠂ ᠳᠠᠭᠤᠷᠢᠶᠠᠬᠤ — ᠶᠣᠰᠣᠭᠠᠷ᠂ ᠳᠠᠪᠰᠢᠭᠤᠷᠠᠬᠤ — ᠳᠣᠳᠥᠮ᠂ ᠬᠤᠷᠢᠶᠠᠬᠤ — ᠵᠡᠷᠭᠡ︾ | ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠠᠷᠪᠠᠨ ᠳᠥᠷᠪᠡ᠂ ᠰᠤᠷᠤᠭᠴᠢᠳ ᠳᠠᠶᠢᠪᠤᠷᠢ ᠦᠭᠡ ᠪᠣᠯᠣᠨ ᠳᠠᠭᠠᠪᠤᠷᠢ ᠦᠭᠡ ᠶᠢ ᠬᠤᠳᠬᠤᠯᠳᠤᠬᠤ ᠪᠠᠶᠢᠳᠠᠯ | ᠭᠠᠷᠳᠠᠭ᠃ ᠡᠶᠢᠮᠦ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠳᠤ ᠪᠠᠨ ᠳᠡᠭᠡᠷᠡᠬᠢ ᠶᠠᠷᠢᠭᠰᠠᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠤᠷᠪᠤᠰ ᠢ | ᠯᠠᠪᠯᠠᠵᠤ ︽ᠳᠠᠶᠢᠪᠤᠷᠢ ᠦᠭᠡ ᠪᠣᠯ ᠭᠤᠣᠯ ᠲᠥᠯᠥᠪ ᠦᠢᠯᠡ ᠦᠭᠡ ᠪᠠ ᠲᠡᠮᠳᠡᠭ ᠦᠭᠡ ᠶᠢ ᠬᠢᠵᠠᠭᠠᠷᠯᠠᠨ | ᠲᠣᠳᠣᠷᠬᠠᠶᠢᠯᠠᠬᠤ ᠮᠥᠷᠲᠡᠭᠡᠨ ᠥᠭᠦᠯᠡᠪᠦᠷᠢ ᠳᠤ ᠭᠤᠣᠯ ᠲᠥᠯᠥᠪ ᠪᠠᠶᠢᠴᠠ ᠭᠡᠰᠢᠭᠦᠨ ᠪᠣᠯᠣᠨᠠ︾ ᠭᠡᠵᠤ | ᠴᠡᠭᠡᠵᠢᠯᠡᠭᠦᠯᠦᠨᠡ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠲᠤᠰ ᠦᠭᠡ ᠨᠢ ᠬᠡᠷᠪᠡ ᠳᠣᠣᠷᠠᠬᠢ ᠦᠢᠯᠡ ᠦᠭᠡ ᠪᠤᠶᠤ ᠲᠡᠮᠳᠡᠭ | ᠦᠭᠡ ᠪᠠᠨ ᠬᠢᠵᠠᠭᠠᠷᠯᠠᠨ ᠲᠣᠳᠣᠷᠬᠠᠶᠢᠯᠠᠵᠤ ᠪᠠᠶᠢᠪᠠᠯ ᠳᠠᠷᠤᠢ ᠳᠠᠶᠢᠪᠤᠷᠢ ᠦᠭᠡ ᠪᠣᠯᠣᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ︽ᠪᠢᠳᠠ | ᠳᠣᠣᠷᠠ ᠪᠠᠨ ᠶᠠᠪᠤᠨᠠ︾ ᠭᠡᠬᠦ ᠥᠭᠦᠯᠡᠪᠦᠷᠢ ᠶᠢᠨ ︽ᠳᠣᠣᠷᠠ︾ ᠪᠣᠯ ᠳᠠᠶᠢᠪᠤᠷᠢ ᠦᠭᠡ᠂ ᠲᠤᠰᠠᠭᠠᠷ ᠢᠶᠠᠨ ᠪᠠᠶᠢᠴᠠ | ᠭᠡᠰᠢᠭᠦᠨ ᠪᠣᠯᠣᠨᠠ᠃ ᠭᠡᠲᠡᠯᠡ ︽ᠳᠣᠣᠷᠠ ᠨᠢ ᠪᠥᠮᠪᠦᠭᠡ ᠪᠠᠶᠢᠨᠠ︾ ᠭᠡᠪᠡᠯ ︽ᠳᠣᠣᠷᠠ︾ ᠭᠡᠳᠡᠭ ᠦᠭᠡ ᠶᠢᠨ | ᠡᠮᠦᠨᠡ ᠨᠢ ᠶᠠᠮᠠᠷ ᠨᠢᠭᠡᠨ ᠨᠡᠷᠡ ᠦᠭᠡ ᠶᠢ ᠳᠥᠭᠦᠮᠴᠢᠯᠡᠭᠰᠡᠨ ᠨᠢ ᠶᠡᠭᠡ ᠢᠯᠡᠷᠬᠡᠢ᠂ ᠡᠶᠢᠮᠦ ᠠᠴᠠ ᠲᠤᠰ ︽ᠳᠣᠣᠷᠠ︾ ᠶᠢ | ᠳᠠᠭᠠᠪᠤᠷᠢ ᠦᠭᠡ ᠪᠠᠷ ᠦᠵᠡᠬᠦ ᠦᠭᠡᠢ ᠬᠠᠷᠢᠨ ᠨᠡᠷᠡ ᠦᠭᠡ ᠶᠢᠨ ᠰᠢᠨᠵᠢ ᠲᠠᠢ ᠪᠣᠯᠣᠭᠰᠠᠨ ᠢᠶᠠᠷ ᠨᠢ ᠨᠡᠷᠡ ᠦᠭᠡ ᠪᠠᠷ | ᠦᠵᠡᠨᠡ᠂ ᠥᠭᠦᠯᠡᠪᠦᠷᠢ ᠳᠤ ᠥᠭᠦᠯᠡᠭᠳᠡᠬᠦᠨ ᠭᠡᠰᠢᠭᠦᠨ ᠤ ᠡᠭᠦᠷᠭᠡ ᠶᠢ ᠭᠦᠢᠴᠡᠳᠬᠡᠨᠡ᠃ | ᠠᠷᠪᠠᠨ ᠲᠠᠪᠤ᠂ ᠬᠤᠯᠪᠣᠬᠤ ᠦᠭᠡ ᠶᠢᠨ ᠦᠭᠡᠰ ᠤᠨ ᠰᠠᠩ ᠤᠨ ᠤᠳᠬᠠ ᠨᠢ ᠨᠡᠩ ᠬᠡᠶᠢᠰᠪᠦᠷᠢ᠃ ᠲᠥᠷᠥᠯ | ᠦᠭᠡ ᠨᠢ ᠣᠯᠠᠨ ᠳᠡᠭᠡᠷᠡ ᠪᠤᠰᠤᠳ ᠪᠣᠳᠠᠲᠤ ᠦᠭᠡ ᠠᠴᠠ ᠬᠤᠪᠢᠷᠠᠨ ᠢᠷᠡᠭᠰᠡᠨ ᠦᠭᠡ ᠨᠡᠯᠢᠶᠡᠳ ᠠᠷᠪᠢᠨ | ᠪᠠᠶᠢᠳᠠᠭ᠃ ᠴᠣᠬᠤᠮ ᠬᠤᠯᠪᠣᠬᠤ ᠦᠭᠡ ᠪᠣᠯᠬᠤ ᠡᠰᠡᠬᠦ ᠶᠢ ᠦᠵᠡᠬᠦ ᠳᠤ ᠪᠠᠨ ᠲᠤᠰ ᠦᠭᠡ ᠨᠢ ᠴᠣᠬᠤᠮ ᠬᠤᠯᠪᠣᠬᠤ | ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠬᠤ ᠡᠰᠡᠬᠦ ᠶᠢ ᠦᠵᠡᠨᠡ᠃ ᠡᠭᠦᠨ ᠳᠤ ︽ᠵᠡᠷᠭᠡᠴᠡᠭᠦᠯᠦᠨ ᠬᠤᠯᠪᠣᠬᠤ ᠦᠭᠡ᠂ | ᠰᠣᠩᠭᠤᠨ ᠬᠤᠯᠪᠣᠬᠤ ᠦᠭᠡ ᠨᠢ ᠦᠭᠡ ᠨᠦᠭᠦᠳ ᠢ ᠬᠤᠯᠪᠣᠬᠤ ᠠᠴᠠ ᠭᠠᠳᠠᠨᠠ᠂ ᠪᠤᠰᠤᠳ ᠬᠤᠯᠪᠣᠬᠤ ᠨᠢ ᠶᠡᠭᠡ | ᠲᠥᠯᠥᠪ ᠡᠩ ᠤᠨ ᠥᠭᠦᠯᠡᠪᠦᠷᠢ ᠶᠢ ᠬᠤᠯᠪᠣᠵᠤ ᠨᠡᠶᠢᠯᠡᠮᠡᠯ ᠥᠭᠦᠯᠡᠪᠦᠷᠢ ᠪᠣᠯᠭᠠᠨᠠ︾ ᠭᠡᠵᠤ ᠴᠡᠭᠡᠵᠢᠯᠡᠭᠦᠯᠦᠨᠡ᠃ | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠬᠠᠷᠠᠮᠦ᠋ᠷᠠᠨ ᠮᠤᠵᠢ ᠶᠢᠨ ᠳᠥᠷᠪᠡᠳ ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ ᠤ | ᠪᠠᠭᠰᠢ ᠶᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | 2023.5 ᠳ᠋ᠤᠭᠠᠷ ᠬᠤᠭᠤᠴᠠᠭᠠ | | | |