| ᠲᠤᠷᠤᠨᠠ | | | | | | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠬᠡ ᠬᠤᠶᠠᠳᠤᠭᠠᠷ ᠤᠨ ᠪᠤᠯ ᠬᠡᠤᠬᠡᠳ ᠴᠡᠴᠡᠷᠯᠢᠭ ᠠᠴᠠ ᠪᠠᠨ ᠪᠠᠭᠠ | ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠰᠠᠨ ᠴᠢᠬᠤᠯᠠ ᠰᠢᠯᠵᠢᠯᠳᠡ ᠶᠢᠨ ᠦᠶᠠ ᠪᠤᠯᠤᠨᠠ᠃ ᠰᠤᠷᠭᠠᠭᠤᠯᠢ ᠪᠤᠯ ᠴᠡᠴᠡᠷᠯᠢᠭ ᠠᠴᠠ | ᠢᠯᠭᠠᠭᠳᠠᠬᠤ ᠢᠯᠡ ᠲᠤᠳᠤ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠬ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠮᠠᠭᠴᠠ ᠬᠢᠴᠢᠶᠡᠯ ᠲᠦᠷᠦᠯ᠂ | ᠲᠠᠰᠬᠠᠯ ᠲᠠᠭᠠᠭᠠᠯᠭᠠᠪᠤᠷᠢ᠂ ᠪᠤᠯᠪᠠᠰᠤᠷᠠᠯ ᠦᠢᠯᠡᠳᠦᠯᠬᠡ ᠠᠷᠪᠢᠳᠤᠵᠤ ᠡᠬᠢᠯᠠᠨᠠ᠃ ᠲᠡᠬᠡᠪᠡᠯ ︽ᠶᠤᠰᠤ | ᠰᠤᠷᠳᠠᠬᠤᠨ ᠬᠢᠬᠡᠳ ᠬᠠᠤᠯᠢ ᠪᠠᠷ ᠵᠠᠰᠠᠬᠤᠢ︾ ᠶᠢᠨ ᠬᠢᠴᠢᠶᠡᠯ ᠢ ᠲᠤᠤᠷᠠᠳᠤ ᠤᠨ ᠳᠤ ᠭᠡᠷᠬᠢᠨ ᠵᠢᠭᠠᠨ ᠰᠤᠷᠭᠠᠬᠤ | ᠪᠤᠢ︖ ᠲᠤᠤᠷᠠ ᠵᠢᠭᠠᠨ ᠰᠤᠷᠭᠠᠯᠳᠠ ᠲᠤᠮᠳᠠ ᠲᠤᠬᠢᠶᠠᠯᠳᠤᠬᠤ ᠵᠠᠷᠢᠮ ᠦᠬᠡᠰ ᠤᠨ ᠤᠳᠬᠠ ᠶᠢ ᠬᠡᠷᠬᠢᠨ ᠲᠡᠳᠡᠨ ᠤ | ᠨᠠᠰᠤᠨ ᠤ ᠤᠨᠴᠠᠯᠢᠭ᠂ ᠮᠡᠳᠡᠯᠬᠡ ᠮᠡᠳᠡᠴᠡ ᠶᠢᠨ ᠬᠡᠮᠵᠢᠶᠡ᠂ ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ᠂ ᠰᠡᠳᠬᠢᠴᠡ ᠶᠢᠨ ᠱᠠᠳᠤ | ᠦᠶᠡ ᠵᠡᠷᠬᠡ ᠳᠤ ᠨᠢ ᠲᠤᠬᠢᠷᠠᠭᠤᠯᠤᠨ᠂ ᠬᠡᠳᠦ ᠭᠦᠢᠬᠡᠨ ᠪᠢᠰᠢ ᠮᠦᠷᠳᠡᠬᠡᠨ ᠬᠡᠳᠦ ᠭᠦᠨ ᠪᠤᠯᠬᠤ ᠠᠴᠠ ᠵᠠᠶᠢᠯᠠᠰᠬᠢᠵᠥ᠂ | ᠤᠨᠤᠪᠴᠢᠳᠠᠢ᠂ ᠲᠤᠬᠢᠷᠠᠮᠵᠢᠳᠠᠢ ᠤᠶᠢᠯᠠᠭᠠᠭᠤᠯᠬᠤ ᠪᠠᠷ ᠵᠤᠷᠢᠯᠭᠠ ᠪᠤᠯᠭᠠᠵᠥ᠂ ᠡᠭᠦᠨ ᠤ ᠤᠯᠠᠮ ᠠᠴᠠ ᠬᠢᠴᠢᠶᠡᠯ ᠤᠨ | ᠠᠭᠤᠯᠭᠠ ᠶᠢ ᠨᠡᠩ ᠰᠠᠶᠢᠨ ᠢᠶᠠᠷ ᠰᠤᠷᠤᠯᠴᠠᠨ ᠡᠵᠡᠮᠰᠢᠭᠦᠯᠭᠦ ᠲᠤᠬᠠᠢ ᠵᠢᠱᠢᠶᠡ ᠲᠠᠳᠠᠨ ᠶᠠᠷᠢᠶᠠ᠃ | ᠨᠢᠬᠡ᠂ ︽ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠵᠠᠮ ᠲᠡᠬᠡᠷᠡ︾᠂ ︽ᠪᠢ ᠪᠤᠯ ᠠᠩᠬᠢ ᠶᠢᠨ ᠨᠢᠬᠡᠨ | ᠵᠢᠵᠢᠭᠦᠷᠯᠡᠭᠴᠢ︾᠂ ︽ᠠᠮᠤᠷ ᠲᠦᠪᠰᠢᠨ ᠨᠠᠭᠠᠳᠤᠶᠠ︾᠂ ︽ᠪᠡᠶᠡ ᠪᠠᠨ ᠪᠢᠳᠡᠬᠡᠢ ᠰᠢᠷᠬᠠᠳᠤᠭᠤᠯᠤᠶᠠ︾ ᠵᠡᠷᠬᠡ | ᠬᠢᠴᠢᠶᠡᠯ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠠᠮᠤᠷ ᠲᠦᠪᠰᠢᠨ ᠬᠡᠭᠦ ᠦᠬᠡᠰ ᠤᠨ ᠤᠳᠬᠠ ᠶᠢᠨ ᠲᠤᠬᠠᠢ | ᠠᠮᠤᠷ ᠲᠦᠪᠰᠢᠨ ᠪᠤᠯ ᠤᠳᠬᠠ ᠶᠢᠨ ᠬᠤᠪᠢ ᠳᠤ ᠠᠶᠤᠯ ᠦᠬᠡᠢ ᠪᠠᠶᠢᠬᠤ ᠶᠢ ᠵᠢᠭᠠᠳᠠᠭ᠂ ᠬᠡᠳᠡᠯᠡ | ᠰᠤᠷᠤᠭᠴᠢᠳ ᠲᠤ ᠡᠨᠡ ᠨᠢ ᠠᠮᠤᠷ ᠲᠦᠪᠰᠢᠨ ᠪᠢᠰᠢ᠂ ᠲᠡᠷᠡ ᠨᠢ ᠠᠶᠤᠯ ᠲᠠᠢ᠂ ᠢᠩᠬᠢᠵᠥ ᠬᠢᠪᠡᠯ ᠡ᠊ᠨᠳᠠᠯ ᠲᠠᠢ | ᠬᠡᠵᠥ ᠬᠡᠯᠡᠭᠦ ᠨᠢ ᠲᠤᠩ ᠬᠡᠶᠢᠰᠪᠤᠷᠢ ᠪᠤᠯᠬᠤ ᠨᠢ ᠲᠠᠮᠵᠢᠭ ᠦᠬᠡᠢ᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠢ ᠪᠠᠭᠠ ᠠᠴᠠ ᠨᠢ ᠬᠡᠷ ᠤᠨ | ᠭᠦᠮᠦᠰ ᠨᠢ ᠭᠠᠯ ᠳᠤ ᠤᠶᠢᠷᠠᠳᠪᠠᠯ ᠬᠠᠯᠠᠵᠥ ᠰᠢᠳᠠᠬᠤ᠂ ᠤᠰᠤᠨ ᠳᠤ ᠤᠷᠤᠪᠠᠯ ᠬᠠᠭ᠋ᠠᠬᠤ ᠴᠠᠴᠠᠬᠤ᠂ ᠤᠶᠢᠴᠢᠵᠥ | ᠲᠤᠰᠪᠠᠯ ᠶᠠᠰᠤ ᠬᠤᠭᠤᠷᠬᠤ᠂ ᠠᠷᠠᠰᠤ ᠰᠢᠯᠪᠤᠷᠠᠬᠤ ᠵᠡᠷᠬᠡ ᠪᠠᠷ ᠠᠶᠤᠯᠭᠠᠨ ᠭᠦᠮᠦᠵᠢᠭᠦᠯᠵᠥ ᠪᠠᠶᠢᠳᠠᠭ᠃ ᠲᠠᠬᠢᠪᠠᠯ | ᠬᠢᠴᠢᠶᠡᠯ ᠤᠨ ᠪᠢᠴᠢᠭ ᠲᠤ ᠴᠦ ᠤᠯᠠᠨ ᠠᠷᠪᠢᠨ ᠵᠢᠷᠤᠭ᠂ ᠵᠢᠱᠢᠶᠡ ᠲᠠᠳᠠᠵᠥ᠂ ᠠᠮᠤᠷ ᠲᠦᠪᠰᠢᠨ ᠦᠬᠡᠢ᠂ | ᠠᠶᠤᠯ ᠲᠠᠢ᠂ ᠡ᠊ᠨᠳᠡᠯ ᠡᠭᠦᠰᠭᠦ ᠪᠠᠶᠢᠳᠠᠯ ᠢ ᠰᠤᠷᠤᠭᠴᠢᠳ ᠲᠤ ᠲᠠᠨᠢᠭᠤᠯᠵᠥ ᠪᠠᠶᠢᠨᠠ᠃ ᠢᠩᠬᠢᠭᠦ ᠳᠤ ᠡᠳᠡᠬᠡᠷ ᠨᠢ | ᠵᠦᠪᠬᠡᠨ ᠢᠩᠬᠢᠪᠡᠯ ᠠᠶᠤᠯ ᠲᠠᠢ ᠰᠢᠤ᠂ ᠡ᠊ᠨᠳᠡᠯ ᠲᠠᠢ ᠰᠢᠤ᠂ ᠠᠮᠤᠷ ᠲᠦᠪᠰᠢᠨ ᠪᠢᠰᠢ ᠬᠡᠵᠥ ᠬᠡᠯᠡᠬᠡᠳ᠂ | ᠰᠤᠷᠤᠭᠴᠢᠳ ᠤᠨ ᠪᠤᠳᠤᠯ ᠲᠠᠷᠢᠬᠢᠨ ᠳᠤ ᠵᠦᠪᠬᠡᠨ ᠢᠩᠬᠢᠪᠡᠯ ᠪᠤᠯᠬᠤ ᠦᠬᠡᠢ ᠬᠡᠰᠡᠨ ᠦᠵᠡᠯ ᠪᠤᠳᠤᠯ ᠤᠷᠤᠰᠢᠵᠥ | ᠲᠡᠶᠢᠯᠭᠦ ᠠᠴᠠ ᠪᠢᠰᠢ᠂ ᠠᠮᠤᠷ ᠲᠦᠪᠰᠢᠨ ᠵᠢᠴᠢ ᠲᠡᠭᠦᠨ ᠤ ᠡᠰᠡᠷᠭᠦ ᠠᠶᠤᠯ ᠲᠠᠢ᠂ ᠲᠡᠷᠡᠴᠢᠯᠡᠨ ᠢᠩᠬᠢᠪᠡᠯ ᠶᠠᠮᠠᠷ | ᠦᠷᠡ ᠳ᠋ᠦᠩ ᠭᠠᠷᠬᠤ᠂ ᠶᠠᠮᠠᠷ ᠬᠤᠬᠢᠷᠠᠯ ᠭᠠᠷᠬᠤ᠂ ᠶᠠᠮᠠᠷ ᠦᠷᠡᠭᠳᠡᠯ ᠭᠠᠷᠬᠤ ᠲᠠᠯᠠ ᠠᠴᠠ ᠨᠢ ᠶᠠᠷᠢᠵᠥ ᠦᠭᠭᠦ | ᠦᠬᠡᠢ ᠪᠤᠯ ᠤᠶᠢᠯᠠᠭᠠᠯᠳᠠ ᠨᠢ ᠭᠦᠢᠴᠡᠳ ᠦᠬᠡᠢ ᠪᠤᠯᠵᠥ᠂ ᠲᠤᠳᠠᠭᠤ ᠶᠠᠷᠢᠭᠰᠠᠨ ᠭᠡᠷᠡᠭ ᠪᠤᠯᠤᠨᠠ᠃ ᠤᠴᠢᠷ ᠨᠢ᠂ | ᠡᠨᠡ ᠨᠠᠰᠤᠨ ᠤ ᠬᠡᠤᠬᠡᠳ ᠪᠤᠯ ᠢᠯᠭᠠᠨ ᠲᠠᠨᠢᠬᠤ᠂ ᠮᠠᠭᠠᠳᠯᠠᠨ ᠰᠢᠨᠵᠢᠯᠡᠭᠦ ᠴᠢᠳᠠᠪᠤᠷᠢ ᠲᠤᠩ ᠠᠨᠠᠢ᠂ ᠦᠷᠡ ᠳ᠋ᠦᠩ᠂ | ᠬᠤᠤᠷ ᠭᠦᠨᠦᠬᠡᠯ᠂ ᠠᠶᠤᠯ ᠲᠦᠭᠰᠢᠭᠦᠷᠢ ᠶᠢ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠦᠩᠬᠡᠷᠡᠭᠦᠯᠵᠥ᠂ ᠪᠤᠳᠠᠳᠠᠢ ᠦᠢᠯᠡᠳᠦᠯᠬᠡ | ᠲᠠᠮᠵᠢᠭᠰᠠᠨ ᠦᠬᠡᠢ᠂ ᠭᠦᠬᠡᠷᠦᠨ ᠭᠦᠭᠰᠡᠪᠡᠯ ᠪᠠᠶᠢᠳᠠᠭ ᠢᠶᠠᠨ ᠮᠠᠷᠳᠡᠬᠤ ᠵᠠᠩ ᠲᠠᠢ ᠪᠠᠶᠢᠳᠠᠭ᠃ ᠢᠩᠬᠢᠭᠦᠯᠡᠷ᠂ ᠡᠨᠡ | ᠬᠤᠶᠠᠷ ᠲᠠᠯᠠ ᠠᠴᠠ ᠨᠢ ᠬᠠᠮᠳᠤᠷᠠᠭᠤᠯᠵᠥ᠂ ᠠᠮᠤᠷ ᠲᠦᠪᠰᠢᠨ ᠬᠡᠭᠦ ᠦᠬᠡ ᠶᠢᠨ ᠤᠳᠬᠠ ᠤᠴᠢᠷ ᠢ ᠰᠠᠶᠢᠳᠤᠷ | ᠤᠶᠢᠯᠠᠭᠠᠭᠤᠯᠪᠠᠯ᠂ ᠰᠤᠷᠤᠭᠴᠢᠳ ᠲᠤ ᠨᠡᠩ ᠢᠯᠡᠭᠦᠤ ᠰᠠᠭᠤᠭᠳᠠᠯ ᠲᠠᠢ ᠪᠤᠯᠤᠨᠠ᠃ | ᠬᠤᠶᠠᠷ᠂ ︽ᠪᠢ ᠠᠩᠬᠢ ᠨᠠᠶᠢᠳᠡ ᠳᠤ ᠪᠠᠨ ᠬᠠᠶᠢᠷᠠᠳᠠᠢ︾᠂ ︽ᠪᠢ ᠪᠤᠯ ᠠᠩᠬᠢ ᠶᠢᠨ ᠨᠢᠬᠡᠨ | ᠵᠢᠵᠢᠭᠦᠷᠯᠡᠭᠴᠢ︾᠂ ︽ᠠᠩᠬᠢ ᠶᠢᠨ ᠬᠡᠷ ᠢᠶᠠᠨ ᠴᠢᠮᠡᠭᠯᠡᠶᠡ︾ ᠵᠡᠷᠬᠡ ᠬᠢᠴᠢᠶᠡᠯ ᠳᠠᠬᠢ ᠨᠡᠶᠢᠳᠡᠴᠢ ᠦᠵᠡᠯ ᠤᠨ ᠲᠤᠬᠠᠢ | ᠰᠤᠷᠤᠭᠴᠢᠳ ᠨᠢ ᠲᠤᠭᠤᠶᠢᠯᠠᠩ᠂ ᠠᠩᠬᠢ᠂ ᠰᠤᠷᠭᠠᠭᠤᠯᠢ ᠬᠡᠭᠦ ᠮᠡᠳᠦ ᠪᠠᠷ ᠨᠢᠬᠡᠨ ᠬᠠᠮᠳᠤ ᠨᠡᠶᠢᠳᠡ ᠳᠤ | ᠪᠠᠭᠳᠠᠳᠠᠭ᠃ ᠠᠩᠬᠢ ᠬᠡᠳᠡᠭ ᠪᠤᠯ ᠰᠤᠷᠤᠭᠴᠢᠳ ᠠᠴᠠ ᠪᠦᠳᠦᠵᠥ ᠪᠦᠷᠢᠯᠳᠦᠭᠰᠡᠨ ᠬᠠᠮᠳᠤᠷᠠᠯ᠂ ᠡ᠊ᠨᠡ ᠭᠦ | ᠬᠠᠮᠳᠤᠷᠠᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠤ ᠲᠦᠯᠦᠬᠡ᠂ ᠪᠦᠷᠢᠯᠳᠦᠭᠦᠨ ᠬᠡᠰᠢᠭᠦᠨ ᠪᠤᠯᠤᠭᠰᠠᠨ ᠰᠤᠷᠤᠭᠴᠢ ᠨᠢᠬᠡᠪᠤᠷᠢ ᠨᠢ | ᠶᠠᠮᠠᠷ ᠪᠠᠶᠢᠪᠠᠯ ᠵᠤᠬᠢᠬᠤ᠂ ᠶᠠᠭᠠᠬᠢᠵᠥ ᠬᠢᠪᠡᠯ ᠵᠤᠬᠢᠬᠤ ᠲᠤᠬᠠᠢ ᠡᠳᠡᠬᠡᠷ ᠬᠢᠴᠢᠶᠡᠯ ᠤᠳ ᠲᠤ ᠶᠡᠭᠡ ᠰᠠᠶᠢᠬᠠᠨ ᠦᠯᠢᠬᠡᠷ | ᠵᠢᠱᠢᠶᠡ ᠲᠠᠢ ᠪᠠᠷ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠃ ᠰᠤᠷᠤᠭᠴᠢᠳ ᠴᠦ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ᠂ ᠰᠠᠨᠠᠭᠠᠴᠢᠯᠠᠭᠠ | ᠦᠬᠡᠢ ᠪᠠᠷ ᠠᠩᠬᠢ ᠶᠢᠨ ᠲᠦᠯᠦᠬᠡ ᠬᠡᠵᠥ ᠶᠡᠭᠡ ᠬᠢᠴᠢᠶᠡᠵᠥ᠂ ᠠᠩᠬᠢ ᠪᠠᠨ ᠪᠤᠰᠤᠳ ᠠᠴᠠ ᠲᠤᠤᠷᠠ ᠤᠷᠤᠭᠤᠯᠬᠤ | ᠦᠬᠡᠢ ᠬᠡᠵᠥ᠂ ᠶᠡᠭᠡ ᠴᠢᠷᠮᠠᠶᠢᠳᠠᠭ᠂ ᠬᠡᠪᠡᠴᠦ ᠲᠡᠳᠡ ᠠᠩᠬᠢ ᠬᠡᠭᠦ ᠦᠬᠡ ᠪᠤᠶᠤ ᠴᠢᠨᠠᠭᠰᠢᠯᠠᠨ ᠡᠭᠦᠨ ᠠᠴᠠ ᠨᠡᠩ | ᠶᠡᠭᠡ ᠬᠠᠮᠳᠤ ᠨᠡᠶᠢᠳᠡ ᠶᠢᠨ ᠬᠡᠭᠦ ᠨᠡᠷᠡᠰ᠂ ᠦᠬᠡ ᠤᠬᠠᠭᠳᠠᠬᠤᠨ ᠤ ᠲᠤᠬᠠᠢ ᠤᠶᠢᠯᠠᠭᠠᠵᠥ ᠪᠠᠶᠢᠨᠠ ᠤᠤ︖ ᠦᠬᠡᠢ | ᠤᠤ︖ ᠡᠶᠢᠮᠤ ᠠᠴᠠ ᠪᠠᠭᠰᠢ ᠠᠴᠠ ᠵᠠᠪᠠᠯ ᠰᠤᠷᠤᠭᠴᠢᠳ ᠲᠤ ᠲᠤᠭᠤᠶᠢᠯᠠᠩ᠂ ᠠᠩᠬᠢ ᠠᠴᠠ ᠡᠬᠢᠯᠡᠬᠡᠳ᠂ ᠤᠷᠤᠨ | ᠨᠤᠳᠤᠭ᠂ ᠤᠯᠤᠰ ᠬᠡᠷ ᠬᠡᠭᠦ ᠮᠡᠳᠦ ᠬᠠᠮᠳᠤ ᠨᠡᠶᠢᠳᠡ ᠳᠤ ᠬᠤᠯᠪᠤᠭᠳᠠᠬᠤ ᠦᠬᠡᠰ ᠤᠨ ᠤᠳᠬᠠ ᠶᠢ ᠲᠦᠭᠦᠮ ᠴᠦ | ᠬᠡᠰᠡᠨ ᠤᠶᠢᠯᠠᠭᠠᠭᠤᠯᠵᠥ᠂ ᠬᠠᠮᠳᠤ ᠨᠡᠶᠢᠳᠡ ᠶᠢᠨ ᠲᠤᠳᠤᠷᠠ ᠪᠠᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠥ᠂ ᠡᠶᠡ ᠨᠠᠶᠢᠷ ᠲᠠᠢ | ᠪᠠᠶᠢᠬᠤ᠂ ᠪᠤᠰᠤᠳ ᠢ ᠭᠦᠨᠳᠦᠯᠡᠭᠦ᠂ ᠡᠪ ᠵᠤᠬᠢᠴᠠᠯ ᠲᠠᠢ ᠬᠠᠮᠳᠤᠷᠠᠯᠴᠠᠨ ᠠᠵᠢᠯᠯᠠᠬᠤ᠂ ᠢᠷᠠᠭᠤ ᠠᠯᠳᠠᠷ᠂ ᠦᠩᠬᠡ | ᠬᠡᠷᠡᠯ ᠢ ᠡᠷᠬᠢᠮᠯᠡᠭᠦ ᠨᠡᠶᠢᠳᠡᠴᠢ ᠦᠵᠡᠯ ᠤᠨ ᠭᠦᠮᠦᠵᠢᠯ ᠢ ᠰᠠᠶᠢᠳᠤᠷ ᠬᠢᠭᠦ ᠬᠡᠷᠡᠭᠳᠠᠢ᠃ | ᠭᠤᠷᠪᠠ᠂ ︽ᠬᠤᠪᠢᠶᠠᠯᠴᠠᠬᠤ ᠶᠢᠨ ᠪᠠᠶᠠᠰᠤᠯ︾ ᠬᠢᠴᠢᠶᠡᠯ ᠤᠨ ᠬᠤᠪᠢᠶᠠᠯᠴᠠᠬᠤ ᠬᠡᠰᠡᠨ ᠦᠬᠡᠰ ᠤᠨ ᠲᠤᠬᠠᠢ | ᠡᠨᠡ ᠨᠢᠬᠡ ᠦᠶᠡ ᠶᠢᠨ ᠬᠡᠤᠬᠡᠳ ᠪᠤᠯ ᠤᠯᠠᠩᠬᠢ ᠨᠢ ᠬᠡᠷ ᠲᠤ ᠪᠠᠨ ᠠᠬᠠ ᠡᠬᠡᠴᠢ ᠪᠤᠶᠤ ᠲᠡᠭᠦᠤᠨᠠᠷ ᠲᠠᠢ | ᠪᠤᠯᠤᠭᠰᠠᠨ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠬᠡᠤᠬᠡᠳ ᠲᠠᠢ ᠬᠡᠷ ᠪᠦᠯᠢ ᠶᠢᠨ ᠪᠦᠷᠢᠯᠳᠦᠭᠦᠨ ᠶᠤᠮ᠂ ᠢᠩᠬᠢᠭᠦᠯᠡᠷ ᠭᠠᠭᠴᠠ | ᠬᠡᠤᠬᠡᠳ ᠲᠠᠢ ᠬᠡᠷ ᠪᠦᠯᠢ ᠶᠢᠨ ᠬᠡᠤᠬᠡᠳ ᠢ ᠪᠤᠳᠤᠪᠠᠯ᠂ ᠠᠭᠠᠰᠢ ᠵᠠᠩ᠂ ᠠᠬᠠᠰ ᠵᠠᠬᠠᠰ ᠢᠶᠠᠨ ᠬᠠᠶᠢᠷᠠᠯᠠᠵᠥ | ᠭᠦᠨᠳᠦᠯᠡᠭᠦ ᠲᠤᠬᠠᠢ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ᠂ ᠡᠶᠡ ᠨᠠᠶᠢᠷ ᠢ ᠡᠷᠬᠢᠮᠨᠡᠭᠦ ᠲᠠᠯᠠ ᠪᠠᠷ ᠨᠡᠯᠢᠶᠡᠳ ᠵᠦᠬᠡᠷ ᠪᠤᠯᠵᠥ᠂ | ᠠᠮᠢᠨᠴᠢᠷ ᠬᠤᠪᠢᠨᠴᠢᠷ ᠵᠠᠩ ᠨᠢ ᠪᠠᠭᠠᠰᠴᠦ᠂ ᠬᠤᠪᠢᠶᠠᠯᠴᠠᠬᠤ ᠶᠢᠨ ᠤᠬᠠᠮᠰᠠᠷᠠᠯ ᠲᠠᠢ ᠪᠤᠯᠤᠭᠰᠠᠨ ᠨᠢᠬᠡ ᠦᠶᠡ | ᠶᠤᠮ᠃ ᠬᠤᠪᠢᠶᠠᠯᠴᠠᠬᠤ ᠪᠤᠯ ᠬᠠᠷᠠᠨᠳᠠ᠂ ᠪᠠᠯᠠᠯᠤᠭᠤᠷ ᠪᠤᠶᠤ ᠰᠢᠬᠢᠷ ᠪᠤᠤᠪᠤ ᠵᠡᠷᠬᠡ ᠬᠡᠷ ᠠᠴᠠ ᠪᠠᠨ ᠠᠪᠴᠢᠷᠠᠭᠰᠠᠨ | ᠶᠠᠭᠤᠮᠠ ᠪᠦᠭᠦᠨ ᠢᠶᠠᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠤᠴᠢᠪᠠᠯ ᠪᠦᠭᠦᠳᠡ ᠶᠢ ᠪᠤᠰᠤᠳ ᠲᠤ ᠬᠤᠪᠢᠶᠠᠵᠥ ᠦᠭ ᠬᠡᠰᠡᠨ | ᠤᠴᠢᠷ ᠪᠢᠰᠢ᠂ ᠬᠠᠷᠢᠨ ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠢᠶᠠᠨ ᠪᠤᠰᠤᠳ ᠢ ᠬᠠᠪᠰᠤᠷᠴᠦ ᠪᠠᠶᠢᠬᠤ᠂ ᠭᠦᠴᠢᠷᠳᠡᠯ ᠲᠠᠢ | ᠦᠶᠡ ᠳᠤ ᠪᠠᠨ ᠪᠤᠰᠤᠳ ᠤᠨ ᠬᠠᠪᠰᠤᠷᠤᠯᠭᠠ ᠶᠢ ᠭᠦᠷᠳᠡᠭᠦ᠂ ᠡᠳ᠋ ᠪᠤᠳᠠᠰ ᠤᠨ ᠲᠠᠯᠠ ᠠᠴᠠ ᠠᠬᠢᠭᠤᠯᠤᠭᠠᠳ᠂ | ᠪᠠᠶᠠᠷ ᠪᠠᠶᠠᠰᠤᠯ᠂ ᠵᠤᠯ ᠵᠢᠷᠭᠠᠯ᠂ ᠦᠩᠬᠡ ᠬᠡᠷᠡᠯ᠂ ᠢᠷᠠᠭᠤ ᠠᠯᠳᠠᠷ᠂ ᠱᠠᠩᠨᠠᠯ ᠭᠦᠬᠢᠭᠦᠯᠦᠯ᠂ ᠤᠶᠢᠳᠬᠠᠷ ᠭᠤᠨᠢᠭ᠂ | ᠵᠤᠪᠠᠯ ᠵᠦᠳᠡᠭᠦᠷᠢ ᠵᠡᠷᠬᠡ ᠰᠡᠳᠬᠢᠯ ᠤᠨ ᠭᠦᠳᠡᠯᠬᠡᠬᠡᠨ ᠢ ᠬᠤᠪᠢᠶᠠᠯᠴᠠᠬᠤ ᠶᠢ ᠴᠦ ᠵᠢᠭᠠᠵᠥ ᠪᠠᠶᠢᠨᠠ᠃ ᠡᠷᠳᠡᠨ ᠠᠴᠠ | ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠠᠶᠢᠮᠠᠭ ᠤᠭᠰᠠᠭᠠᠳᠠᠨ ᠤ ᠠᠩ ᠤᠨ ᠤᠯᠵᠠ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠵᠠᠩ ᠦᠢᠯᠡ᠂ | ︽ᠨᠠᠶᠢᠷ ᠤᠨ ᠤᠯᠵᠠ ᠪᠠᠨ ᠤᠯᠠᠭᠤᠯᠠ ᠪᠠᠨ︾ ᠬᠡᠭᠦ ᠮᠡᠳᠦ ᠶᠢᠨ ᠵᠢᠱᠢᠶᠡ ᠨᠢ ᠬᠤᠪᠢᠶᠠᠯᠴᠠᠬᠤ ᠪᠤᠯ ᠭᠦᠮᠦᠨ | ᠲᠦᠷᠦᠯᠬᠢᠳᠡᠨ ᠤ ᠨᠡᠶᠢᠬᠡᠮ ᠠᠮᠢᠳᠤᠷᠠᠯ ᠤᠨ ᠭᠦᠭᠵᠢᠯ ᠤᠨ ᠶᠠᠪᠤᠴᠠ ᠳᠤ᠂ ᠡᠷᠳᠡ ᠠᠴᠠ ᠪᠤᠢ ᠪᠤᠯᠵᠥ᠂ | ᠤᠯᠠᠮᠵᠢᠯᠠᠭᠳᠠᠵᠥ ᠢᠷᠡᠭᠰᠡᠨ᠂ ᠪᠤᠯᠪᠠᠰᠤᠨ ᠰᠠᠶᠢᠬᠠᠨ ᠶᠤᠰᠤ ᠮᠤᠷᠠᠯ ᠲᠠᠢ ᠭᠦᠮᠦᠨ ᠢ ᠪᠤᠶᠢᠵᠢᠭᠤᠯᠬᠤ ᠡᠷᠬᠢᠮ ᠨᠠᠨᠳᠢᠨ | ᠶᠤᠰᠤ ᠵᠠᠩᠰᠢᠯ ᠪᠢᠯᠡ᠃ ᠬᠤᠪᠢᠶᠠᠯᠴᠠᠬᠤ ᠪᠤᠯ ᠭᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠪᠤᠯᠪᠠᠰᠤᠨ ᠤ ᠲᠠᠪᠰᠢᠯᠳᠠ ᠶᠢᠨ | ᠴᠢᠬᠤᠯᠠ ᠨᠢᠬᠡ ᠰᠠᠭᠤᠷᠢ ᠮᠦᠨ᠃ ᠲᠡᠷᠡ ᠨᠢ ᠭᠦᠮᠦᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠶᠢ | ᠠᠬᠢᠭᠤᠯᠳᠠᠭ᠃ ᠪᠢᠳᠡ ᠦᠪᠡᠷ ᠤᠨ ᠮᠡᠳᠡᠯᠬᠡ ᠲᠤᠷᠰᠢᠯᠭᠠ ᠪᠠᠨ ᠰᠤᠯᠢᠯᠴᠠᠵᠥ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠰᠠ | ᠪᠤᠰᠤᠳ ᠠᠴᠠ ᠰᠢᠨᠡ ᠦᠵᠡᠯ ᠰᠠᠨᠠᠭᠠ ᠶᠢ ᠰᠤᠷᠴᠦ᠂ ᠨᠡᠩ ᠰᠠᠶᠢᠨ ᠢᠶᠠᠷ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠵᠥ ᠪᠤᠯᠬᠤ | ᠶᠤᠮ᠃ ᠬᠤᠪᠢᠶᠠᠯᠴᠠᠬᠤ ᠨᠢ ᠵᠠᠶᠢᠯᠠᠰᠢ ᠦᠬᠡᠢ ᠨᠢᠬᠡ ᠵᠦᠢᠯ ᠤᠨ ᠢᠳᠡᠪᠬᠢ ᠠᠵᠢᠯᠯᠠᠭᠠ ᠮᠦᠨ᠃ ᠲᠡᠷᠡ ᠨᠢ | ᠬᠢᠵᠠᠭᠠᠷᠯᠠᠰᠢ ᠦᠬᠡᠢ ᠶᠡᠭᠡ ᠠᠴᠢ ᠲᠤᠰᠠ ᠶᠢ ᠠᠪᠴᠢᠷᠠᠵᠥ ᠦᠭᠭᠦᠨᠡ᠃ ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ ᠬᠤᠪᠢᠶᠠᠯᠴᠠᠬᠤ | ᠪᠤᠯ ᠦᠪᠡᠷ ᠤᠨ ᠤᠯᠤᠭᠰᠠᠨ ᠶᠠᠭᠤᠮᠠ ᠠᠴᠠ ᠬᠡᠳᠦ ᠲᠠᠬᠢᠨ ᠢᠯᠡᠭᠦᠤ ᠶᠠᠭᠤᠮᠠ ᠶᠢ ᠤᠯᠬᠤ ᠠᠵᠢᠯᠯᠠᠭᠠ᠂ | ᠪᠤᠰᠤᠳ ᠲᠤ ᠰᠠᠶᠢᠬᠠᠨ ᠵᠦᠪᠰᠢᠶᠡᠷᠡᠭᠳᠡᠵᠥ ᠲᠠᠭᠠᠯᠠᠭᠳᠠᠬᠤ ᠠᠵᠢᠯᠯᠠᠭᠠ ᠮᠦᠨ᠂ ᠬᠤᠪᠢᠶᠠᠯᠴᠠᠬᠤ ᠨᠢ ᠢᠯᠡᠭᠦᠤ ᠨᠢᠬᠡ | ᠭᠦᠮᠦᠨ ᠢ ᠪᠠᠶᠠᠷᠯᠠᠭᠤᠯᠵᠥ᠂ ᠭᠤᠨᠢᠭ ᠵᠤᠪᠠᠭᠤᠷᠢ ᠶᠢ ᠨᠢᠮᠬᠡᠯᠡᠳᠡᠭ᠂ ᠬᠠᠶᠢᠷᠠ ᠰᠡᠳᠬᠢᠯᠬᠡ ᠶᠢᠨ ᠲᠠᠮᠵᠢᠭᠤᠯᠭᠠ | ᠮᠦᠨ᠃ ᠬᠤᠪᠢᠶᠠᠯᠴᠠᠬᠤ ᠪᠤᠯ ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠷᠢᠯᠴᠠᠨ ᠦᠢᠯᠡᠳᠦᠯᠴᠡᠭᠦ ᠠᠵᠢᠯᠯᠠᠭᠠ ᠮᠦᠨ᠃ | ᠬᠤᠪᠢᠶᠠᠯᠴᠠᠭᠰᠠᠨ ᠭᠦᠮᠦᠨ ᠤ ᠠᠵᠢᠯᠯᠠᠭᠠ ᠶᠢᠨ ᠡᠰᠡᠷᠭᠦ ᠨᠦᠭᠦᠬᠡ ᠲᠠᠯᠠ ᠨᠢ ᠴᠦ ᠬᠠᠷᠢᠭᠤ ᠲᠤᠰᠬᠠᠯ ᠲᠠᠢ ᠪᠠᠶᠢᠬᠤ | ᠬᠡᠷᠡᠭᠳᠠᠢ᠃ ᠭᠦᠮᠦᠨ ᠪᠦᠭᠦᠨ ᠬᠤᠪᠢᠶᠠᠯᠴᠠᠬᠤ ᠶᠢᠨ ᠤᠬᠠᠮᠰᠠᠷᠠᠯ ᠲᠠᠢ ᠪᠤᠯᠪᠠᠯ ᠰᠠᠶ᠋ᠢ ᠬᠤᠪᠢᠶᠠᠯᠴᠠᠬᠤ ᠶᠠᠪᠤᠴᠠ ᠨᠢ | ᠦᠷᠭᠦᠯᠵᠢᠯᠡᠵᠥ ᠴᠢᠳᠠᠳᠠᠭ᠂ ᠢᠩᠬᠢᠭᠦᠯᠡᠷ ᠰᠤᠷᠤᠭᠴᠢᠳ ᠲᠤ ᠶᠠᠭᠤ ᠶᠢ ᠬᠤᠪᠢᠶᠠᠯᠴᠠᠬᠤ ᠬᠡᠳᠡᠭ᠂ ᠶᠠᠭᠤᠨ ᠤ | ᠤᠴᠢᠷ ᠠᠴᠠ ᠬᠤᠪᠢᠶᠠᠯᠴᠠᠬᠤ ᠪᠤᠢ︖ ᠶᠠᠭᠠᠬᠢᠵᠥ ᠬᠤᠪᠢᠶᠠᠯᠴᠠᠬᠤ ᠪᠤᠢ︖ ᠬᠤᠪᠢᠶᠠᠯᠴᠠᠪᠠᠯ ᠶᠠᠮᠠᠷ ᠪᠤᠯᠬᠤ | ᠪᠤᠢ︖ ᠬᠡᠭᠦ ᠵᠡᠷᠬᠡ ᠪᠠᠷ ᠲᠦᠭᠦᠮ ᠤᠶᠢᠯᠠᠭᠠᠭᠤᠯᠵᠥ᠂ ᠶᠤᠰᠤ ᠮᠤᠷᠠᠯ ᠲᠠᠢ᠂ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ ᠠᠷᠠᠨᠰᠢᠨ ᠲᠠᠢ | ᠭᠦᠮᠦᠨ ᠪᠤᠯᠭᠠᠬᠤ ᠪᠠᠷ ᠭᠦᠮᠦᠵᠢᠭᠦᠯᠭᠦ ᠬᠡᠷᠡᠭᠳᠠᠢ᠃ | ᠲᠦᠷᠪᠡ᠂ ︽ᠪᠠᠶᠠᠷ ᠭᠦᠷ ᠲᠠᠢ ᠰᠢᠨᠡ ᠵᠢᠯ ᠢᠶᠠᠨ ᠲᠡᠮᠳᠡᠭᠯᠡᠶᠡ︾᠂ ︽ᠬᠡᠷ ᠬᠤᠳᠠᠯᠠᠭᠠᠷ ᠢᠶᠠᠨ ᠨᠠᠮᠤᠷ ᠤᠨ | ᠲᠡᠷᠬᠡᠯ ᠡᠳᠤᠷ ᠢ ᠲᠡᠮᠳᠡᠭᠯᠡᠶᠡ︾ ᠵᠡᠷᠬᠡ ᠬᠢᠴᠢᠶᠡᠯ ᠳᠤ ᠭᠠᠷᠬᠤ ᠦᠨᠳᠦᠰᠦᠳᠡᠨ ᠬᠡᠭᠦ ᠦᠬᠡ ᠶᠢᠨ ᠲᠤᠬᠠᠢ | ᠰᠤᠷᠤᠭᠴᠢᠳ ᠲᠤ ᠦᠨᠳᠦᠰᠦᠳᠡᠨ ᠬᠡᠳᠡᠭ ᠦᠬᠡ ᠶᠢᠨ ᠤᠳᠬᠠ ᠶᠢ ᠤᠬᠠᠭᠳᠠᠬᠤᠨ ᠤ ᠲᠤᠮᠢᠶᠠᠯᠠᠯ ᠢᠶᠠᠷ | ᠲᠠᠶᠢᠯᠪᠤᠷᠢᠯᠠᠬᠤ ᠪᠢᠰᠢ᠂ ᠬᠠᠷᠢᠨ ᠲᠦᠭᠦᠮ ᠵᠢᠱᠢᠶᠡ ᠲᠠᠳᠡᠵᠥ᠂ ᠵᠢᠷᠤᠭ ᠪᠢᠴᠢᠯᠬᠡ ᠵᠡᠷᠬᠡ ᠵᠠᠭᠤᠴᠢ ᠮᠠᠲ᠋ᠧᠷᠢᠶᠠᠯ ᠢ | ᠠᠰᠢᠭᠯᠠᠨ᠂ ᠲᠤᠳᠤᠷ ᠵᠠᠭᠤᠷᠠ ᠪᠠᠨ ᠨᠢᠬᠡ ᠢᠵᠢᠯ ᠬᠡᠯᠡ ᠪᠠᠷ ᠬᠡᠯᠡᠯᠴᠡᠳᠡᠭ᠂ ᠬᠤᠪᠴᠠᠰᠤ ᠬᠤᠨᠠᠷ ᠤᠨ ᠶᠠᠩᠵᠥ | ᠬᠡᠯᠪᠡᠷᠢ ᠨᠢ ᠶᠡᠭᠡ ᠲᠦᠯᠦᠪ ᠠᠳᠠᠯᠢ᠂ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠨᠢ ᠪᠤᠰᠤᠳ ᠦᠨᠳᠦᠰᠦᠳᠡᠨ ᠠᠴᠠ ᠤᠨᠳᠤᠤ᠂ | ᠵᠠᠩ ᠵᠠᠩᠰᠢᠯ ᠨᠢ ᠮᠡᠳᠡᠭᠳᠡᠮᠡ ᠢᠯᠭᠠᠭᠠ ᠲᠠᠢ ᠭᠦᠮᠦᠰ ᠢ ᠬᠡᠯᠡᠳᠡᠭ ᠬᠡᠭᠦ ᠮᠡᠳᠦ ᠪᠠᠷ ᠲᠦᠭᠦᠮ ᠤᠶᠢᠯᠠᠭᠠᠭᠤᠯᠵᠥ᠂ | ᠦᠪᠡᠷ ᠢᠶᠠᠨ ᠶᠠᠮᠠᠷ ᠦᠨᠳᠦᠰᠦᠳᠡᠨ ᠪᠤᠯᠬᠤ᠂ ᠲᠤᠰ ᠦᠨᠳᠦᠰᠦᠳᠡᠨ ᠨᠢ ᠶᠠᠮᠠᠷ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠬᠤ᠂ ᠬᠠᠮᠳᠤ | ᠰᠤᠷᠤᠭᠴᠢᠳ ᠨᠢ ᠶᠠᠮᠠᠷ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠪᠤᠯᠬᠤ᠂ ᠲᠡᠳᠡᠨ ᠤ ᠦᠨᠳᠦᠰᠦᠳᠡᠨ ᠤ ᠤᠨᠴᠠᠯᠢᠭ ᠨᠢ ᠶᠠᠮᠠᠷ | ᠪᠠᠶᠢᠬᠤ ᠶᠢ ᠮᠡᠳᠡᠭᠦᠯᠵᠥ᠂ ᠦᠨᠳᠦᠰᠦᠳᠡᠨ ᠤᠯᠠᠨ ᠪᠠᠶᠢᠳᠠᠭ ᠤᠨ ᠲᠤᠬᠠᠢ ᠲᠠᠨᠢᠯᠳᠠ ᠲᠠᠢ ᠪᠤᠯᠭᠠᠨ ᠦᠷᠭᠦᠯᠵᠢ | ᠲᠤᠬᠢᠶᠠᠯᠳᠤᠬᠤ ᠬᠤᠪᠴᠠᠰᠤ ᠵᠠᠰᠠᠯ᠂ ᠦᠬᠡ ᠬᠡᠯᠡᠯᠬᠡ ᠪᠠᠷ ᠢᠯᠭᠠᠭᠳᠠᠬᠤ ᠦᠨᠳᠦᠰᠦᠳᠡᠨ ᠢ ᠵᠦᠪ ᠲᠠᠨᠢᠭᠤᠯᠵᠥ᠂ | ᠲᠡᠳᠡᠨ ᠤ ᠵᠠᠩ ᠵᠠᠩᠰᠢᠯ ᠤᠨ ᠲᠠᠯᠠ ᠪᠠᠷ ᠵᠤᠬᠢᠬᠤ ᠤᠶᠢᠯᠠᠭᠠᠯᠳᠠ ᠲᠠᠢ ᠪᠤᠯᠭᠠᠵᠥ᠂ ᠪᠤᠰᠤᠳ ᠦᠨᠳᠦᠰᠦᠳᠡᠨ ᠤ ᠵᠠᠩ | ᠵᠠᠩᠰᠢᠯ ᠢ ᠭᠦᠨᠳᠦᠳᠬᠡᠵᠤ᠂ ᠪᠢᠳᠡ ᠪᠤᠯ ᠤᠯᠠᠨ ᠦᠨᠳᠦᠰᠦᠳᠡᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠤᠯᠤᠰ ᠲᠤ ᠠᠮᠢᠳᠤᠷᠠᠵᠥ᠂ | ᠡᠯᠡ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠴᠦᠮ ᠪᠠᠶᠠᠷ ᠪᠠᠶ᠋ᠰᠤᠯ ᠲᠠᠢ᠂ ᠡᠷᠬᠡ ᠲᠡᠭᠰᠢ᠂ ᠡᠷᠬᠡ ᠴᠢᠯᠦᠬᠡᠳᠠᠢ᠂ ᠡᠶᠡ | ᠨᠠᠶᠢᠷ ᠲᠠᠢ ᠬᠠᠮᠳᠤ ᠪᠠᠷ ᠠᠮᠢᠳᠤᠷᠠᠵᠥ ᠪᠠᠶᠢᠭᠠ ᠬᠡᠳᠡᠭ ᠢ ᠤᠶᠢᠯᠠᠭᠠᠭᠤᠯᠪᠠᠯ ᠵᠤᠬᠢᠨᠠ᠃ | ᠲᠠᠪᠤ᠂ ︽ᠮᠢᠨᠤ ᠬᠡᠷ ᠪᠦᠯᠢ︾ ᠭᠡᠭᠦ ᠬᠢᠴᠢᠶᠡᠯ ᠠᠴᠠ ᠰᠤᠷᠤᠭᠴᠢᠳ ᠲᠤ ᠭᠡᠷ ᠪᠦᠯᠢ ᠶᠢᠨ ᠭᠦᠮᠦᠵᠢᠯ ᠬᠢᠭᠦ | ᠲᠤᠬᠠᠢ | ᠭᠡᠷ ᠪᠦᠯᠢ ᠳᠤ ᠠᠪᠤ ᠡᠵᠢ᠂ ᠠᠬᠠ ᠡᠬᠡᠴᠢ ᠲᠡᠭᠦᠤ ᠵᠡᠷᠬᠡ ᠪᠦᠷᠢᠯᠳᠦᠭᠦᠨ ᠪᠠᠶᠢᠳᠠᠭ ᠠᠴᠠ ᠭᠠᠳᠠᠨᠠ᠂ | ᠠᠪᠤ ᠶᠢᠨ ᠲᠠᠯᠠ ᠶᠢᠨ᠂ ᠡᠵᠢ ᠶᠢᠨ ᠲᠠᠯᠠ ᠶᠢᠨ ᠰᠠᠳᠤᠨ ᠠᠴᠠ᠂ ᠦᠷᠭᠦᠯᠵᠢ ᠬᠠᠮᠳᠤ ᠪᠠᠶᠢᠳᠠᠭ ᠡᠪᠦᠭᠡ᠂ ᠡᠮᠡᠭᠡ᠂ | ᠨᠠᠭᠠᠴᠦ ᠠᠪᠤ᠂ ᠨᠠᠭᠠᠴᠤ ᠡᠵᠢ᠂ ᠠᠪᠠᠭᠠ᠂ ᠠᠪᠠᠭᠠ ᠡᠵᠢ᠂ ᠨᠠᠭᠠᠴᠦ᠂ ᠨᠠᠭᠠᠴᠦ ᠡᠬᠡᠴᠢ ᠬᠡᠭᠦ ᠮᠡᠳᠦ ᠪᠠᠷ ᠤᠯᠠᠨ | ᠪᠦᠷᠢᠯᠳᠦᠭᠦᠨ ᠪᠠᠶᠢᠳᠠᠭ᠂ ᠦᠶᠡ ᠵᠠᠯᠭᠠᠮᠵᠢ ᠨᠢ ᠶᠠᠮᠠᠷ ᠪᠠᠶᠢᠳᠠᠭ᠂ ᠲᠠᠭᠤᠳᠠᠯᠭᠠ ᠨᠢ ᠲᠤᠰ ᠲᠤᠰ ᠶᠠᠮᠠᠷ ᠪᠠᠶᠢᠳᠠᠭ᠂ | ᠶᠠᠮᠠᠷ ᠭᠦᠮᠦᠰ ᠨᠢ ᠴᠤᠭ ᠠᠮᠢᠳᠤᠷᠠᠵᠥ ᠪᠠᠶᠢᠬᠤ ᠬᠡᠭᠦ ᠵᠡᠷᠬᠡ ᠲᠠᠯᠠ ᠠᠴᠠ ᠬᠡᠷ ᠪᠦᠯᠢ ᠬᠡᠭᠦ ᠦᠬᠡ ᠶᠢᠨ ᠤᠳᠬᠠ ᠶᠢ | ᠰᠤᠷᠤᠭᠴᠢᠳ ᠲᠤ ᠲᠦᠭᠦᠮ ᠤᠶᠢᠯᠠᠭᠠᠭᠤᠯᠵᠥ ᠪᠤᠯᠤᠨᠠ᠃ ᠬᠠᠮᠳᠤ ᠳᠤ ᠨᠢ᠂ ᠭᠦᠨᠳᠦᠳᠬᠡᠭᠰᠡᠨ᠂ ᠴᠡᠬᠡᠷᠯᠡᠭᠰᠡᠨ᠂ | ᠵᠠᠩᠰᠢᠭᠰᠠᠨ᠂ ᠠᠪᠤᠭᠠᠶᠢᠯᠠᠭᠰᠠᠨ᠂ ᠦᠭᠦᠬᠡᠷᠳᠡᠭᠰᠡᠨ᠂ ᠲᠦᠭᠦᠮᠴᠢᠯᠡᠭᠰᠡᠨ᠂ ᠲᠠᠭᠤᠳᠠᠯᠭᠠ ᠲᠠᠢ ᠭᠦᠮᠦᠰ ᠤᠨ ᠰᠠᠳᠤᠨ | ᠲᠦᠷᠦᠯ ᠤᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠶᠢᠨ ᠲᠤᠬᠠᠢ ᠴᠤᠬᠤᠰ ᠲᠤᠷᠠᠳᠴᠦ᠂ ᠬᠡᠨ ᠨᠢ ᠬᠡᠨ ᠪᠤᠯᠬᠤ ᠶᠢ ᠮᠡᠳᠡᠭᠦᠯᠵᠥ | ᠪᠤᠯᠤᠨᠠ᠃ ᠬᠠᠷᠢᠨ ᠴᠢᠰᠤᠨ ᠲᠦᠷᠦᠯ ᠤᠨ ᠬᠠᠷᠢᠴᠠᠭᠠ᠂ ᠲᠡᠬᠡᠭᠰᠢ ᠲᠤᠷᠤᠭᠰᠢ ᠭᠤᠷᠪᠠᠨ ᠦᠶᠡ ᠬᠡᠭᠦ ᠮᠡᠳᠦ ᠪᠠᠷ | ᠶᠠᠷᠢᠪᠠᠯ ᠰᠤᠷᠤᠭᠴᠢᠳ ᠤᠶᠢᠯᠠᠭᠠᠬᠤ ᠳᠤ ᠭᠦᠴᠢᠷ ᠪᠤᠯᠬᠤ ᠶᠤᠮ ᠰᠢᠬ᠃ | ᠵᠢᠷᠭᠤᠭᠠ᠂ ︽ᠡᠬᠡ ᠪᠠᠶᠢᠭᠠᠯᠢ ᠳᠤ ᠪᠠᠨ ᠲᠠᠯᠠᠷᠬᠠᠶᠠ︾ ᠬᠡᠭᠦ ᠬᠢᠴᠢᠶᠡᠯ ᠳᠤ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠪᠡᠯᠡᠭ᠂ | ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠦᠬᠡ ᠬᠡᠯᠡ᠂ ᠡᠬᠡ ᠪᠠᠶᠢᠭᠠᠯᠢ ᠳᠠᠬᠢ ᠪᠠᠶᠠᠷ ᠵᠢᠷᠭᠠᠯ ᠵᠡᠷᠬᠡ ᠠᠭᠤᠯᠭᠠ ᠶᠢᠨ ᠲᠤᠬᠠᠢ | ᠡᠬᠡ ᠪᠠᠶᠢᠭᠠᠯᠢ ᠬᠡᠳᠡᠭ ᠨᠢ ᠶᠠᠭᠤ ᠶᠢ ᠬᠡᠯᠡᠵᠥ ᠪᠠᠶᠢᠬᠤ ᠪᠤᠢ︖ ᠬᠡᠵᠥ ᠠᠰᠠᠭᠤᠪᠠᠯ ᠰᠤᠷᠤᠭᠴᠢᠳ ᠤᠨ | ᠬᠠᠷᠢᠭᠤᠯᠳᠠ ᠴᠦ ᠶᠠᠩᠵᠥ ᠶᠠᠩᠵᠥ ᠶᠢᠨ ᠪᠤᠯᠬᠤ ᠨᠢ ᠲᠠᠮᠵᠢᠭ ᠦᠬᠡᠢ ᠶᠤᠮ᠃ ᠡᠭᠦᠨ ᠳᠤ ᠪᠠᠭᠰᠢ ᠠᠴᠠ ᠤᠨᠤᠯ ᠤᠨ | ᠲᠠᠯᠠ ᠠᠴᠠ ᠡᠨᠡ ᠨᠢ ᠲᠠᠰᠤᠷᠠᠯᠳᠠ ᠦᠬᠡᠢ ᠤᠯᠠᠷᠢᠨ ᠬᠤᠪᠢᠰᠬᠤ ᠤᠷᠴᠢᠯᠠᠩ ᠤᠨ ᠲᠦᠮᠡᠨ ᠪᠤᠳᠠᠰ᠂ ᠠᠮᠢᠳᠤ | ᠪᠤᠳᠠᠰ ᠤᠨ ᠭᠦᠷᠢᠶᠡ ᠪᠠ ᠠᠮᠢᠳᠤ ᠪᠤᠳᠠᠰ ᠪᠤᠰᠤ ᠶᠢᠷᠳᠢᠨᠴᠦ ᠶᠢᠨ ᠬᠠᠷᠢᠯᠴᠠᠨ ᠨᠦᠭᠦᠴᠡᠯᠳᠦᠭᠦ ᠬᠤᠶᠠᠷ ᠰᠢᠰᠲ᠋ᠧᠮ ᠢ | ᠵᠢᠭᠠᠵᠥ ᠪᠠᠶᠢᠨᠠ ᠬᠡᠪᠡᠯ ᠲᠠᠳᠡ ᠶᠠᠭᠤᠨ ᠤ ᠤᠶᠢᠯᠠᠭᠠᠬᠤ ᠪᠤᠢ᠃ ᠲᠡᠬᠡᠭᠦᠯᠡᠷ ᠡᠬᠡ ᠪᠠᠶᠢᠭᠠᠯᠢ ᠬᠡᠳᠡᠭ ᠪᠤᠯ ᠪᠢᠳᠡᠨ ᠤ | ᠠᠮᠢᠳᠤᠷᠠᠵᠥ ᠪᠠᠶᠢᠭᠠ ᠤᠷᠴᠢᠨ ᠠᠬᠤᠢ᠂ ᠨᠠᠷᠠ ᠰᠠᠷᠠ᠂ ᠰᠠᠯᠬᠢᠨ ᠪᠤᠷᠤᠭᠠᠨ᠂ ᠭᠠᠵᠠᠷ ᠰᠢᠷᠤᠢ᠂ ᠤᠢ ᠰᠢᠭᠤᠢ᠂ | ᠲᠠᠯᠠᠢ ᠲᠠᠩᠬᠢᠰ᠂ ᠡᠯᠡᠰᠦ ᠮᠠᠩᠬᠠ᠂ ᠠᠭᠤᠯᠠ ᠬᠠᠳᠠ᠂ ᠲᠡᠭᠷᠢ᠂ ᠤᠭᠳᠠᠷᠭᠤᠢ᠂ ᠠᠭᠠᠷ ᠤᠰᠤ ᠵᠡᠷᠬᠡ ᠪᠠᠶᠢᠭᠠᠯᠢ ᠶᠢᠨ | ᠶᠠᠭᠤᠮᠠ ᠪᠤᠳᠠᠰ᠂ ᠦᠵᠡᠭᠳᠡᠯ᠂ ᠬᠡᠷᠡᠭ ᠪᠤᠳᠠᠰ ᠢ ᠬᠠᠮᠤᠷᠤᠭᠰᠠᠨ ᠤᠭ ᠦᠬᠡ ᠶᠢᠨ ᠰᠢᠯᠵᠢᠭᠰᠡᠨ ᠤᠳᠬᠠ ᠪᠠᠷ ᠨᠢ | ᠲᠦᠭᠦᠮ ᠤᠶᠢᠯᠠᠭᠠᠭᠤᠯᠪᠠᠯ ᠵᠦᠬᠡᠷ ᠰᠢᠭ᠃ | ᠲᠤᠯᠤᠭᠠ᠂ ︽ᠤᠯᠤᠰ ᠤᠨ ᠪᠠᠶᠠᠷ ᠢᠶᠠᠨ ᠪᠠᠶᠠᠷ ᠭᠦᠷ ᠲᠠᠢ ᠪᠠᠷ ᠲᠡᠮᠳᠡᠭᠯᠡᠶᠡ︾ ᠵᠡᠷᠬᠡ ᠬᠢᠴᠢᠶᠡᠯ ᠳᠠᠬᠢ ᠡᠬᠡ | ᠤᠯᠤᠰ ᠬᠡᠭᠦ ᠦᠬᠡ ᠶᠢᠨ ᠲᠤᠬᠠᠢ | ᠰᠤᠷᠤᠭᠴᠢᠳ ᠨᠢ ᠴᠡᠴᠡᠷᠯᠢᠭ ᠲᠤ ᠪᠠᠶᠢᠬᠤ ᠠᠴᠠ ᠡᠬᠢᠯᠡᠨ᠂ ᠺᠢᠨᠤ᠋᠂ ᠲᠧᠯᠸᠢᠰ ᠵᠡᠷᠬᠡ ᠵᠠᠭᠤᠴᠢ ᠮᠠᠲ᠋ᠧᠷᠢᠶᠠᠯ | ᠪᠤᠶᠤ ᠠᠮᠢᠳᠤᠷᠠᠯ ᠲᠤᠮᠳᠠ ᠪᠠᠨ ᠡᠬᠡ ᠤᠯᠤᠰ ᠭᠡᠭᠦ ᠦᠬᠡ ᠶᠢ ᠤᠯᠠᠨᠳᠠ ᠰᠤᠨᠤᠰᠴᠦ᠂ ᠲᠠᠭᠤᠤ ᠤᠷᠠᠯᠢᠭ ᠤᠨ | ᠪᠦᠳᠦᠬᠡᠯ ᠳᠤ ᠴᠦ ᠲᠠᠭᠤᠯᠠᠵᠥ ᠦᠩᠬᠡᠷᠡᠭᠰᠡᠨ᠂ ᠬᠡᠪᠡᠴᠦ ᠤᠳᠬᠠ ᠨᠢ ᠶᠠᠭᠤ ᠪᠤᠯᠬᠤ᠂ ᠶᠠᠭᠤ ᠶᠢ ᠵᠢᠭᠠᠵᠥ | ᠪᠠᠶᠢᠬᠤ ᠶᠢ ᠤᠶᠢᠯᠠᠭᠠᠭᠤᠯᠬᠤ ᠳᠤ᠂ ᠵᠦᠪᠬᠡᠨ ᠴᠢ ᠪᠤᠯ ᠠᠯᠢ ᠤᠯᠤᠰ ᠤᠨ ᠭᠦᠮᠦᠨ ᠮᠦᠨ ᠬᠡᠵᠥ ᠬᠡᠯᠡᠬᠡᠳ᠂ | ᠲᠡᠭᠦᠨ ᠤ ᠲᠠᠷᠢᠬᠢᠨ ᠳᠠᠬᠢ ᠬᠡᠶᠢᠰᠪᠤᠷᠢ ᠤᠶᠢᠯᠠᠭᠠᠯᠳᠠ ᠶᠢ ᠪᠦᠷᠢᠮᠤᠰᠤᠨ ᠵᠦᠪ ᠪᠤᠯᠭᠠᠵᠥ ᠴᠢᠳᠠᠬᠤ ᠦᠬᠡᠢ᠂ | ᠲᠡᠷᠡᠴᠢᠯᠡᠨ ᠲᠡᠳᠡᠨ ᠢ ᠡᠬᠡ ᠤᠯᠤᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠦᠵᠡᠯ ᠰᠠᠨᠠᠭᠠ ᠲᠠᠢ ᠪᠤᠯᠭᠠᠨ ᠭᠦᠮᠦᠵᠢᠭᠦᠯᠭᠦ ᠪᠠᠷ ᠵᠤᠷᠢᠵᠥ | ᠪᠠᠶᠢᠬᠤ ᠲᠤᠯᠠ᠂ ᠡᠬᠡ ᠤᠯᠤᠰ ᠬᠡᠳᠡᠭ ᠨᠢ ᠲᠠᠷᠤᠢ ᠦᠪᠡᠷ ᠤᠨ ᠤᠯᠤᠰ ᠬᠡᠷ᠂ ᠲᠦᠭᠦᠮ ᠢᠶᠠᠷ ᠬᠡᠯᠡᠪᠡᠯ᠂ ᠡᠪᠦᠭᠡ | ᠲᠡᠬᠡᠳᠤᠰ ᠤᠨ ᠦᠶᠡ ᠠᠴᠠ ᠤᠷᠤᠰᠢᠨ ᠲᠤᠭᠳᠠᠨᠢᠵᠥ ᠠᠮᠢᠳᠤᠷᠠᠵᠥ ᠢᠷᠡᠭᠰᠡᠨ ᠭᠠᠵᠠᠷ ᠰᠢᠷᠤᠢ᠂ ᠪᠢᠳᠡ ᠴᠦ ᠤᠳᠤ | ᠡ᠊ᠨᠳᠠ ᠠᠮᠢᠳᠤᠷᠠᠵᠥ ᠰᠤᠷᠤᠯᠴᠠᠵᠥ ᠪᠠᠶᠢᠨᠠ᠂ ᠵᠠᠯᠭᠠᠭᠠᠳ ᠮᠠᠨ ᠤ ᠲᠠᠷᠠᠭᠠᠴᠢ ᠶᠢᠨ ᠦᠶᠡ ᠶᠢᠨ ᠭᠦᠮᠦᠰ ᠴᠦ | ᠦᠶᠡ ᠶᠢᠨ ᠦᠶᠡ ᠳᠤ ᠪᠠᠨ ᠵᠠᠯᠭᠠᠵᠥ ᠠᠮᠢᠳᠤᠷᠠᠵᠥ ᠰᠠᠭᠤᠬᠤ ᠭᠠᠵᠠᠷ᠂ ᠡᠶᠢᠮᠤ ᠠᠴᠠ ᠬᠠᠶᠢᠷᠠᠯᠠᠬᠤ ᠬᠡᠷᠡᠭᠳᠠᠢ᠂ | ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠳᠠᠢ᠃ ᠮᠠᠨ ᠤ ᠤᠯᠤᠰ ᠪᠤᠯ ᠶᠠᠮᠠᠷ ᠤᠯᠤᠰ ᠬᠡᠳᠡᠭ᠂ ᠠᠯᠢ ᠤᠨ ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠬᠡᠭᠦ | ᠮᠡᠳᠦ ᠪᠠᠷ ᠲᠦᠭᠦᠮ ᠭᠦᠢᠬᠡᠨ ᠢᠶᠠᠷ ᠲᠠᠶᠢᠯᠪᠤᠷᠢᠯᠠᠪᠠᠯ ᠤᠶᠢᠯᠠᠭᠠᠬᠤ ᠳᠤ ᠠᠰᠢᠭ ᠲᠠᠢ ᠰᠢᠬ᠃ | ᠨᠠᠢᠮᠠ᠂ ︽ᠪᠢᠳᠡ ᠪᠤᠯ ᠬᠤᠰᠢᠭᠤᠴᠢ ᠠᠩᠬᠢ ᠶᠢᠨ ᠬᠡᠰᠢᠭᠦᠨ︾᠂ ︽ᠤᠯᠤᠰ ᠤᠨ ᠪᠠᠶᠠᠷ ᠢᠶᠠᠨ ᠪᠠᠶᠠᠷ | ᠭᠦᠷ ᠲᠠᠢ ᠲᠡᠮᠳᠡᠭᠯᠡᠶᠡ︾ ᠵᠡᠷᠬᠡ ᠬᠢᠴᠢᠶᠡᠯ ᠳᠤ ᠬᠤᠰᠢᠭᠤᠴᠢ ᠠᠩᠬᠢ᠂ ᠤᠯᠠᠭᠠᠨ ᠲᠤᠭ᠂ ᠤᠯᠤᠰ ᠤᠨ ᠲᠤᠭ᠂ | ᠤᠯᠠᠭᠠᠨ ᠪᠦᠴᠡ᠂ ᠤᠯᠤᠰ ᠤᠨ ᠰᠦᠯᠳᠡ᠂ ᠰᠦᠯᠳᠡ ᠲᠠᠭᠤᠤ᠂ ᠰᠢᠨᠡ ᠲᠤᠮᠳᠠᠳᠤ ᠤᠯᠤᠰ᠂ ᠰᠢᠨᠡ ᠦᠶᠡ ᠶᠢᠨ | ᠰᠢᠯᠢᠳᠡᠭ ᠪᠠᠭᠠᠴᠤᠳ᠂ ᠡᠪ ᠬᠠᠮᠳᠤ ᠶᠤᠰᠤᠨ ᠤ ᠵᠠᠯᠭᠠᠮᠵᠢᠯᠠᠭᠴᠢ ᠬᠡᠭᠦ ᠮᠡᠳᠦ ᠦᠬᠡᠰ ᠤᠳ ᠤᠨ ᠲᠤᠬᠠᠢ | ᠪᠢᠳᠡᠨ ᠤ ᠠᠮᠢᠳᠤᠷᠠᠵᠥ ᠰᠤᠷᠤᠯᠴᠠᠵᠥ ᠪᠠᠶᠢᠭᠠ ᠤᠯᠤᠰ ᠤᠨ ᠨᠡᠷᠡ ᠪᠤᠯ ︽ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠤ | ᠠᠷᠠᠳ ᠤᠯᠤᠰ︾᠂ ᠲᠦᠭᠦᠮᠴᠢᠯᠡᠬᠡᠳ ︽ᠲᠤᠮᠳᠠᠳᠤ ᠤᠯᠤᠰ︾ ᠬᠡᠳᠡᠭ᠃ 1949 ᠤᠨ ᠤ 10 ᠰᠠᠷᠠ ᠶᠢᠨ | 1 ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ᠃ ᠡ᠊ᠨᠡ ᠭᠦ ᠤᠯᠤᠰ ᠢ ᠪᠠᠶᠢᠭᠤᠯᠬᠤ ᠳᠤ ᠲᠤᠩ ᠤᠯᠠᠨ ᠬᠤᠪᠢᠰᠬᠠᠯᠴᠢᠳ ᠠᠮᠢ | ᠨᠠᠰᠤ ᠪᠠᠨ ᠦᠷᠡᠭᠳᠡᠭᠦᠯᠵᠥ᠂ ᠠᠷᠢᠭᠤᠨ ᠴᠢᠰᠤ ᠪᠠᠨ ᠤᠷᠤᠰᠬᠠᠭᠰᠠᠨ᠂ ᠲᠡᠳᠡᠬᠡᠷ ᠭᠦᠮᠦᠰ ᠢ ︽ᠬᠤᠪᠢᠰᠬᠠᠯᠳᠤ | ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷᠴᠤᠳ︾ ᠬᠡᠳᠡᠭ᠃ ᠲᠡᠳᠡ ᠪᠢᠳᠡᠨ ᠳᠤ ᠤᠳᠤ ᠶᠢᠨ ᠡ᠊ᠨᠡ ᠭᠦ ᠪᠠᠶᠠᠷ ᠵᠢᠷᠭᠠᠯ ᠲᠠᠢ | ᠠᠮᠢᠳᠤᠷᠠᠯ ᠢ ᠠᠪᠴᠢᠷᠠᠵᠥ ᠦᠭᠭᠦᠭᠰᠡᠨ᠂ ᠪᠢᠳᠡ ᠲᠡᠳᠡᠨ ᠢ ᠬᠠᠶᠢᠷᠠᠯᠠᠨ ᠭᠦᠨᠳᠦᠳᠬᠡᠭᠦ ᠬᠡᠷᠡᠭᠳᠠᠢ᠃ ᠤᠯᠤᠰ ᠤᠨ | ᠲᠤᠭ ᠪᠤᠯ ᠤᠯᠤᠰ ᠪᠤᠯᠭᠠᠨ ᠤ ᠪᠡᠯᠬᠡ ᠲᠡᠮᠳᠡᠭ᠂ ᠲᠤᠭ ᠢ ᠨᠢ ᠦᠵᠡᠪᠡᠯ ᠲᠠᠷᠤᠢ ᠠᠯᠢ ᠤᠯᠤᠰ ᠪᠤᠯᠬᠤ ᠶᠢ ᠨᠢ | ᠮᠡᠳᠡᠵᠥ ᠪᠤᠯᠳᠠᠭ᠂ ᠮᠠᠨ ᠤ ᠤᠯᠤᠰ ᠤᠨ ᠤᠯᠤᠰ ᠤᠨ ᠲᠤᠭ ᠨᠢ ᠶᠠᠮᠠᠷ ᠪᠠᠶᠢᠳᠠᠭ᠂ ᠰᠦᠯᠳᠡ ᠲᠠᠭᠤᠤ ᠨᠢ ᠶᠠᠮᠠᠷ | ᠪᠠᠶᠢᠳᠠᠭ᠂ ᠲᠤᠭ ᠮᠠᠨᠳᠤᠭᠤᠯᠬᠤ ᠶᠤᠰᠤᠯᠠᠯ ᠶᠠᠮᠠᠷ ᠪᠠᠶᠢᠳᠠᠭ᠃ ᠬᠤᠰᠢᠭᠤᠴᠢ ᠠᠩᠬᠢ ᠬᠡᠳᠡᠭ ᠪᠤᠯ ᠬᠡᠤᠬᠡᠳ | ᠪᠠᠭᠠᠴᠤᠳ ᠤᠨ ᠲᠤᠳᠤᠷᠠᠬᠢ ᠲᠡᠷᠢᠭᠦᠨ ᠤ ᠵᠢᠱᠢᠶᠡᠴᠢ ᠰᠢᠯᠢᠳᠡᠭ ᠬᠡᠤᠬᠡᠳ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠯᠳᠠ᠂ ᠪᠢᠳᠡᠨ ᠤ ᠭᠦᠵᠦᠭᠦᠨ ᠳᠤ ᠪᠠᠨ ᠵᠡᠭᠦᠳᠡᠭ ᠤᠯᠠᠭᠠᠨ ᠪᠦᠴᠡ ᠪᠤᠯ ᠤᠯᠠᠭᠠᠨ ᠲᠤᠭ ᠤᠨ ᠨᠢᠬᠡ | ᠦᠨᠴᠦᠭ ᠬᠡᠵᠥ ᠪᠡᠯᠬᠡᠳᠡᠳᠡᠭ᠃ ᠰᠢᠨᠡ ᠦᠶᠡ ᠶᠢᠨ ᠰᠢᠯᠢᠳᠡᠭ ᠪᠠᠭᠠᠴᠤᠳ ᠪᠤᠯ ᠰᠠᠶ᠋ᠢ ᠡ᠊ᠨᠡ ᠭᠦ ᠢᠷᠠᠭᠤ ᠠᠯᠳᠠᠷ᠂ | ᠦᠩᠬᠡ ᠬᠡᠷᠡᠯ ᠢ ᠤᠯᠳᠠᠭ᠃ ᠲᠤᠮᠤ ᠪᠤᠯᠪᠠᠯ ᠪᠢᠳᠡ ᠠᠬᠠᠮᠠᠳ ᠨᠢᠬᠡ ᠦᠶᠡ ᠶᠢᠨ ᠬᠢᠨ ᠤ ᠠᠵᠢᠯ ᠦᠢᠯᠡᠰ ᠢ | ᠵᠠᠯᠭᠠᠮᠵᠢᠯᠠᠵᠥ ᠠᠪᠳᠠᠭ ᠬᠡᠵᠥ ᠲᠦᠷᠰᠦ ᠰᠢᠩᠬᠡᠬᠡᠯᠳᠡ᠂ ᠲᠠᠭᠤᠤ ᠭᠦᠭᠵᠢᠮ᠂ ᠪᠤᠳᠠᠳᠤ ᠪᠤᠳᠠᠰ ᠵᠡᠷᠬᠡ ᠪᠠᠷ | ᠲᠠᠮᠵᠢᠭᠤᠯᠤᠨ ᠤᠶᠢᠯᠠᠭᠠᠭᠤᠯᠵᠥ᠂ ᠡᠭᠦᠨ ᠤ ᠤᠯᠠᠮ ᠠᠴᠠ ᠬᠤᠰᠢᠭᠤᠴᠢ ᠠᠩᠬᠢ ᠶᠢᠨ ᠬᠡᠰᠢᠭᠦᠨ ᠨᠢ ᠡᠩ ᠤᠨ | ᠴᠠᠭ ᠲᠤ ᠶᠠᠮᠠᠷ ᠪᠠᠶᠢᠪᠠᠯ ᠲᠠᠭᠠᠷᠠᠬᠤ᠂ ᠶᠠᠭᠠᠬᠢᠵᠥ ᠬᠢᠪᠡᠯ ᠲᠠᠭᠠᠷᠠᠬᠤ᠂ ᠠᠩᠬᠢ ᠶᠢᠨ ᠲᠦᠷᠢᠮ ᠢ ᠰᠠᠶᠢᠳᠤᠷ ᠰᠠᠬᠢᠬᠤ | ᠶᠤᠰᠤᠳᠠᠢ ᠭᠡᠭᠦ ᠮᠠᠳᠤ ᠪᠠᠷ ᠭᠦᠮᠦᠵᠢᠯ ᠬᠢᠪᠡᠯ ᠬᠢᠴᠢᠶᠡᠯ ᠤᠨ ᠠᠭᠤᠯᠭᠠ ᠶᠢ ᠭᠦᠢᠴᠡᠳ ᠤᠶᠢᠯᠠᠭᠠᠭᠤᠯᠬᠤ ᠳᠤ | ᠲᠤᠬᠢᠷᠠᠬᠤ ᠪᠤᠯᠪᠠᠤ᠃ ᠡᠳᠡᠬᠡᠷ ᠦᠬᠡᠰ ᠨᠢ ᠲᠤᠤᠷᠠᠳᠤ ᠤᠨ ᠤ ᠬᠡᠤᠬᠡᠳ ᠲᠤ ᠠᠪᠴᠦ ᠬᠡᠯᠡᠪᠡᠯ᠂ ᠤᠶᠢᠯᠠᠭᠠᠬᠤ ᠳᠤ | ᠵᠢᠭᠠᠬᠠᠨ ᠭᠦᠴᠢᠷ ᠰᠢᠭ᠂ ᠡᠨᠡ ᠨᠠᠰᠤᠨ ᠤ ᠬᠡᠤᠬᠡᠳ ᠤᠨ ᠰᠤᠨᠢᠭᠤᠴᠢ ᠰᠡᠳᠬᠢᠯ ᠨᠢ ᠲᠤᠩ ᠶᠡᠭᠡ᠂ ᠬᠡᠪᠡᠴᠦ | ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ᠂ ᠬᠡᠶᠢᠰᠪᠤᠷᠢᠯᠠᠨ ᠪᠤᠳᠤᠬᠤ ᠴᠢᠳᠠᠪᠤᠷᠢ ᠨᠢ ᠲᠡᠶᠢᠮᠤ ᠰᠠᠶᠢᠨ ᠪᠢᠰᠢ᠃ ᠵᠢᠱᠢᠶᠡᠯᠡᠭᠦ ᠳᠤ᠂ | ᠬᠠᠩᠰᠢ ᠶᠢᠨ ᠡᠳᠤᠷ ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷᠴᠤᠳ ᠢᠶᠠᠨ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠳᠠᠭ ᠬᠡᠵᠥ ᠪᠠᠶᠢᠨᠠ᠃ ᠲᠡᠬᠡᠪᠡᠯ | ᠶᠠᠭᠤ ᠶᠢ ᠦᠷᠡᠭᠳᠡᠭᠰᠡᠨ ᠬᠡᠭᠦ ᠪᠤᠢ︖ ᠶᠠᠭᠤ ᠬᠡᠵᠥ ᠦᠷᠡᠭᠳᠡᠭᠰᠡᠨ ᠪᠤᠢ︖ ᠦᠷᠡᠭᠳᠡᠭᠦ ᠦᠬᠡᠢ ᠪᠤᠯ ᠪᠤᠯᠬᠤ ᠦᠬᠡᠢ | ᠶᠤᠮ ᠤᠤ︖ ᠬᠡᠨ ᠲᠠᠢ ᠲᠡᠮᠡᠴᠡᠭᠰᠡᠨ ᠪᠤᠢ︖ ᠲᠡᠳᠡ ᠬᠠᠮᠢᠭᠠ ᠪᠠᠶᠢᠬᠤ ᠪᠤᠢ︖ ᠬᠡᠭᠦ ᠮᠡᠳᠦ ᠶᠢᠨ ᠤᠯᠠᠨ ᠤᠯᠠᠨ | ᠰᠤᠨᠢᠨ ᠠᠰᠠᠭᠤᠳᠠᠯ ᠢ ᠲᠤᠷᠠᠳᠴᠦ ᠪᠠᠶᠢᠳᠠᠭ᠃ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠤᠷᠠᠳᠤ ᠤᠨ ᠤ ᠰᠤᠷᠤᠭᠴᠢᠳ ᠪᠤᠯ ᠴᠡᠴᠡᠷᠯᠢᠭ ᠤᠨ ᠱᠠᠳᠤᠨ ᠳᠠᠬᠢ | ︽ᠨᠠᠭᠠᠳᠬᠤ︾ ᠠᠴᠠ ᠰᠤᠷᠭᠠᠭᠤᠯᠢ ᠶᠢᠨ ᠱᠠᠳᠤᠨ ᠳᠠᠬᠢ ︽ᠰᠤᠷᠬᠤ︾ ᠶᠠᠪᠤᠴᠠ ᠵᠦᠭ ᠰᠢᠯᠵᠢᠵᠥ ᠪᠠᠶᠢᠭᠠ᠂ | ᠰᠡᠳᠬᠢᠴᠡ ᠶᠢᠨ ᠬᠤᠪᠢ ᠳᠤ ᠲᠡᠳᠡᠨ ᠤ ᠬᠡᠶᠢᠰᠪᠤᠷᠢᠯᠡᠨ ᠪᠤᠳᠤᠬᠤ᠂ ᠲᠦᠰᠦᠬᠡᠯᠡᠨ ᠪᠤᠳᠤᠬᠤ᠂ ᠬᠤᠯᠪᠤᠨ ᠪᠤᠳᠤᠬᠤ᠂ | ᠬᠤᠷᠢᠶᠠᠩᠭᠤᠶᠢᠯᠠᠬᠤ᠂ ᠮᠠᠭᠠᠳᠯᠠᠬᠤ᠂ ᠲᠤᠮᠢᠶᠠᠴᠢᠯᠠᠬᠤ ᠵᠢᠴᠢ ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ ᠨᠢ ᠴᠦᠮ ᠠᠩᠬᠠᠨ ᠤ | ᠱᠠᠳᠤᠨ ᠳᠤ ᠪᠠᠨ ᠪᠠᠶᠢᠵᠥ᠂ ᠪᠤᠢ ᠪᠤᠯᠵᠥ ᠪᠦᠷᠢᠯᠳᠦᠨ ᠲᠡᠭᠦᠯᠳᠡᠷᠵᠢᠭᠦ ᠶᠢᠨ ᠡᠬᠢᠨ ᠤ ᠦᠶᠡ ᠳᠤ ᠪᠠᠶᠢᠭᠠ ᠲᠤᠯᠠ | ᠪᠠᠭᠰᠢ ᠶᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠪᠤᠯ ᠲᠤᠩ ᠴᠢᠬᠤᠯᠠ ᠪᠠᠶᠢᠳᠠᠭ᠃ ᠲᠡᠬᠡᠷᠡᠬᠢ ᠵᠢᠱᠢᠶᠡ ᠨᠦᠭᠦᠳ ᠲᠤ | ᠲᠤᠷᠠᠳᠤᠭᠰᠠᠨ ᠦᠬᠡᠰ ᠢ ᠲᠡᠳᠡᠨ ᠳᠤ ᠲᠠᠶᠢᠯᠪᠤᠷᠢᠯᠠᠬᠤ ᠦᠬᠡᠢ ᠪᠠᠷ ᠲᠤᠭᠤᠷᠢᠵᠥ ᠭᠠᠷᠬᠤ᠂ ᠠᠯᠢ ᠡᠰᠡᠭᠦᠯᠡ ᠬᠡᠳᠦ | ᠭᠦᠨ ᠶᠠᠷᠢᠵᠥ ᠤᠨᠤᠯᠵᠢᠭᠤᠯᠬᠤ ᠨᠢ ᠴᠦᠮ ᠲᠡᠳᠡᠨ ᠤ ᠬᠢᠴᠢᠶᠡᠯ ᠤᠨ ᠪᠢᠴᠢᠭ ᠤᠨ ᠠᠭᠤᠯᠭᠠ ᠪᠠᠨ ᠰᠠᠶᠢᠳᠤᠷ | ᠤᠶᠢᠯᠠᠭᠠᠬᠤ ᠳᠤ ᠬᠠᠷᠰᠢ ᠲᠠᠢ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠡᠭᠦᠨ ᠳᠤ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ ᠨᠢᠬᠡᠨ ᠠᠰᠠᠭᠤᠳᠠᠯ | ᠪᠤᠯ ᠲᠠᠷᠤᠢ ᠰᠤᠷᠤᠭᠴᠢᠳ ᠤᠨ ᠨᠠᠰᠤᠨ ᠤ ᠤᠨᠴᠠᠯᠢᠭ᠂ ᠰᠡᠳᠬᠢᠴᠡ ᠶᠢᠨ ᠤᠨᠴᠠᠯᠢᠭ᠂ ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ ᠳᠤ | ᠲᠤᠬᠢᠷᠠᠭᠤᠯᠬᠤ ᠬᠡᠷᠡᠭᠳᠠᠢ᠃ ᠠᠷᠭᠠ ᠠᠪᠴᠠᠯ ᠤᠨ ᠬᠤᠪᠢ ᠳᠤ᠂ ᠭᠠᠭᠴᠠ ᠬᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠡᠯ ᠳᠤ | ᠨᠠᠶᠢᠳᠠᠭᠠᠳ ᠪᠤᠯᠬᠤ ᠦᠬᠡᠢ ᠪᠠᠰᠠ ᠬᠢᠴᠢᠶᠡᠯ ᠲᠦᠷᠦᠯ ᠤᠨ ᠪᠤᠳᠠᠳᠠᠢ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠵᠤ᠂ ᠺᠠᠷᠲ᠋ᠤᠨ | ᠵᠦᠴᠦᠬᠡ᠂ ᠬᠡᠤᠬᠡᠯᠳᠠᠢ ᠺᠢᠨᠤ᠋᠂ ᠲᠦᠷᠰᠦ ᠪᠢᠴᠢᠯᠬᠡ᠂ ᠲᠠᠭᠤᠤ ᠤᠷᠠᠯᠢᠭ ᠵᠡᠷᠬᠡ ᠵᠠᠭᠤᠴᠢ ᠮᠠᠲ᠋ᠧᠷᠢᠶᠠᠯ ᠢ | ᠬᠠᠪᠰᠤᠷᠭᠠᠬᠤ᠂ ᠲᠦᠷᠢ ᠳᠤ ᠲᠤᠭᠯᠠᠭᠤᠯᠬᠤ᠂ ᠪᠠᠶᠠᠴᠢᠯᠡᠨ ᠲᠤᠷᠰᠢᠬᠤ᠂ ᠲᠤᠭᠤᠷᠢᠨ ᠦᠵᠡᠭᠦᠯᠭᠦ᠂ ᠶᠠᠷᠢᠯᠴᠠᠭᠠ ᠬᠢᠭᠦ | ᠵᠡᠷᠬᠡ ᠠᠯᠢ ᠤᠯᠠᠨ ᠠᠷᠭᠠ ᠬᠡᠮᠵᠢᠶᠡ ᠶᠢ ᠠᠪᠴᠦ᠂ ᠡᠳᠡᠬᠡᠷ ᠠᠵᠢᠯᠯᠠᠭᠠᠨ ᠲᠤᠮᠳᠠ ᠪᠠᠨ ᠠᠭᠤᠰᠬᠠᠨ ᠰᠢᠩᠬᠡᠬᠡᠵᠥ | ᠨᠠᠪᠴᠢᠭᠦᠯᠦᠨ ᠰᠢᠭᠤᠳ ᠪᠤᠶᠤ ᠲᠠᠮ ᠢᠶᠠᠷ ᠢᠳᠡᠭ ᠢᠳᠡᠭ ᠢᠶᠠᠷ᠂ ᠪᠠᠭᠠ ᠪᠠᠭᠠ ᠪᠠᠷ᠂ ᠠᠵᠢᠯ ᠤᠨ ᠠᠬᠢᠴᠠ ᠳᠤ ᠪᠠᠨ | ᠵᠤᠬᠢᠴᠠᠭᠤᠯᠵᠥ᠂ ᠫᠷᠤᠭ᠍ᠷᠤᠮ ᠶᠤᠰᠤᠭᠠᠷ ᠦᠬᠡᠰ ᠤᠨ ᠤᠳᠬᠠ ᠶᠢ ᠲᠠᠶᠢᠯᠪᠤᠷᠢᠯᠠᠵᠥ᠂ ᠬᠢᠴᠢᠶᠡᠯ ᠤᠨ ᠠᠭᠤᠯᠭᠠ ᠪᠠᠨ | ᠰᠠᠶᠢᠳᠤᠷ ᠤᠶᠢᠯᠠᠭᠠᠭᠤᠯᠪᠠᠯ ᠲᠠᠭᠠᠷᠠᠨᠠ᠃ ᠡᠨᠡ ᠨᠢ ᠬᠢᠴᠢᠶᠡᠯ ᠤᠨ ᠲᠠᠷᠤᠭᠠᠰᠤ ᠶᠢ ᠭᠦᠨᠳᠦᠷᠡᠭᠦᠯᠵᠥ ᠪᠠᠶᠢᠭᠠ | ᠠᠰᠠᠭᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠶᠠᠭᠤ ᠶᠠᠷᠢᠵᠥ ᠶᠠᠭᠤ ᠵᠢᠭᠠᠵᠥ ᠪᠠᠶᠢᠬᠤ ᠬᠡᠳᠡᠭ ᠢᠶᠠᠨ ᠮᠡᠳᠡᠭᠦᠯᠵᠥ᠂ ᠬᠢᠴᠢᠶᠡᠯ ᠤᠨ | ᠠᠭᠤᠯᠭᠠ ᠶᠢ ᠨᠡᠩ ᠰᠠᠶᠢᠨ ᠨᠡᠩ ᠭᠦᠢᠴᠡᠳ᠂ ᠨᠡᠩ ᠢᠯᠡᠭᠦᠤ ᠪᠦᠳᠦᠮᠵᠢ ᠲᠠᠢ ᠤᠶᠢᠯᠠᠭᠠᠭᠤᠯᠬᠤ ᠳᠤ ᠦᠢᠯᠡᠴᠢᠯᠡᠵᠥ | ᠪᠠᠶᠢᠭᠠ ᠬᠡᠷᠡᠭ ᠶᠤᠮ᠃ ᠲᠡᠬᠡᠷᠡ ᠶᠠᠷᠢᠭᠰᠠᠨ ᠨᠢ ᠮᠢᠨᠤ ᠬᠤᠪᠢ ᠭᠦᠮᠦᠨ ᠤ ᠦᠵᠡᠯᠳᠡ ᠪᠤᠳᠤᠯ ᠲᠡᠳᠦᠢ᠂ ᠪᠠᠭᠰᠢ ᠨᠠᠷ | ᠲᠤᠩᠭᠠᠭᠠᠨ ᠰᠢᠭᠦᠵᠥ᠂ ᠵᠠᠰᠠᠨ ᠵᠠᠯᠠᠷᠠᠭᠤᠯᠬᠤ ᠪᠤᠯᠪᠠᠤ︕ | | | | ᠠᠰᠢᠭᠯᠠᠭᠰᠠᠨ ᠮᠠᠲ᠋ᠧᠷᠢᠶᠠᠯ |
|
| ［1］ᠪᠠᠭᠠᠳᠤᠷ᠂ ︽ᠮᠤᠩᠭᠤᠯ ᠦᠬᠡᠰ ᠤᠨ ᠰᠠᠩ ᠤᠨ ᠰᠢᠨᠵᠢᠯᠡᠭᠡ︾᠂ ᠦᠨᠳᠦᠰᠦᠳᠡᠨ ᠤ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 1988 ᠤᠨ | ［2］ᠠᠯᠪᠠᠨ ᠵᠢᠷᠤᠮ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠡᠯ ᠤᠨ ᠪᠢᠴᠢᠭ | ︽ᠶᠤᠰᠤ ᠰᠤᠷᠳᠠᠬᠤᠨ ᠬᠢᠬᠡᠳ ᠬᠠᠤᠯᠢ ᠪᠠᠷ ᠵᠠᠰᠠᠬᠤᠢ︾ ︵ᠨᠢᠬᠡᠳᠦᠬᠡᠷ᠂ ᠬᠤᠶᠠᠳᠤᠭᠠᠷ ᠤᠨ ᠤ ᠲᠡᠬᠡᠳᠦ ᠲᠤᠤᠷᠠᠳᠤ | ᠲᠠᠪᠳᠡᠷ︶᠂ ᠠᠷᠠᠳ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2019 ᠤᠨ | ［3］︽ᠰᠡᠳᠬᠢᠴᠡ ᠶᠢᠨ ᠵᠦᠢ︾᠂ ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 1999 ᠤᠨ | ［4］ᠲᠦᠮᠡᠨᠵᠢᠷᠭᠠᠯ᠂ ︽ᠤᠳᠤ ᠦᠶᠡ ᠶᠢᠨ ᠮᠤᠩᠭᠤᠯ ᠬᠡᠯᠡ︾᠂ ᠦᠪᠤᠷ ᠮᠤᠩᠭᠤᠯ ᠤᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2009 ᠤᠨ | ［5］︽ᠮᠤᠩᠭᠤᠯ ᠬᠡᠯᠡ︾ ︵ᠲᠡᠬᠡᠳᠦ᠂ ᠲᠤᠮᠳᠠᠳᠤ᠂ ᠲᠤᠤᠷᠠᠳᠤ︶᠂ ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ | ᠭᠦᠮᠦᠵᠢᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1989 ᠤᠨ | ［6］ᠴᠡᠩᠬᠡᠯᠳᠠᠢ᠂ ︽ᠤᠳᠤ ᠦᠶᠡ ᠶᠢᠨ ᠮᠤᠩᠭᠤᠯ ᠬᠡᠯᠡᠨ ᠵᠦᠢ︾᠂ ᠦᠪᠤᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ | ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1979 ᠤᠨ ︵ᠰᠦᠯᠵᠢᠶᠡ︶ | | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠠᠩᠬᠠ | ᠵᠡᠷᠬᠡ ᠶᠢᠨ ᠨᠢᠬᠡᠳᠦᠬᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | | | |