ᠴᠢᠨᠠᠷ ᠰᠠᠢ᠌ᠲᠠᠢ ᠲᠡᠵᠢᠭᠡᠯ ᠡᠪᠡᠰᠦ ᠵᠢ ᠬᠠᠲᠠᠭ᠋ᠠᠬᠤ ᠠᠷᠭᠠ ᠵᠢ ᠬᠥᠮᠥᠨ ᠤ ᠬᠦᠴᠦ ᠪᠠᠷ ᠬᠠᠲᠠᠭ᠋ᠠᠬᠤ ᠪᠠ ᠠᠶᠠᠨᠳᠠᠭ᠋ᠠᠨ ᠬᠠᠲᠠᠭ᠋ᠠᠬᠤ ᠭᠡᠵᠦ ᠬᠤᠪᠢᠶᠠᠳᠠᠭ᠃ ᠡᠪᠡᠰᠦ ᠪᠣᠷᠳᠣᠭᠠ ᠵᠢ ᠬᠠᠲᠠᠭ᠋ᠠᠬᠤ ᠳᠤ ᠳᠣᠣᠷᠠᠬᠢ ᠵᠠᠷᠴᠢᠮ ᠤᠳ ᠢ ᠪᠠᠷᠢᠮᠲᠠᠯᠠᠬᠤ ᠬᠡᠷᠡᠭᠲᠡᠢ᠄
ᠴᠠᠭ ᠠᠭᠤᠷ ᠤᠨ ᠪᠠᠢ᠌ᠳᠠᠯ ᠢ ᠡᠵᠡᠮᠰᠢᠵᠦ᠂ ᠪᠣᠷᠣᠭ᠋ᠠᠨ ᠳᠤ ᠨᠣᠷᠣᠭᠳᠠᠬᠤ ᠵᠢ ᠠᠯᠢ ᠴᠢᠳᠠᠬᠤ ᠪᠠᠷ ᠪᠠᠭ᠋ᠠᠰᠬᠠᠨᠠ ᠃ ᠨᠡᠷᠡᠨ ᠤ ᠭᠡᠷᠡᠯ ᠳᠤ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠰᠢᠷᠠᠭᠳᠠᠬᠤᠠᠴᠠ ᠵᠠᠢ᠌ᠯᠠᠰᠬᠢᠬᠦ ᠬᠡᠷᠡᠭᠲᠡᠢ᠃ ᠲᠤᠩᠭ᠋ᠠᠯᠠᠭ ᠡᠳᠦᠷ ᠡᠪᠡᠰᠦ ᠬᠠᠲᠠᠭ᠋ᠠᠬᠤ ᠳᠤ᠂ ᠬᠥᠬᠡ ᠡᠪᠡᠰᠦᠨ ᠤ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠵᠢ 45% — 55% ᠪᠣᠯᠲᠠᠯᠠ ᠪᠠᠭᠤᠷᠠᠭᠤᠯᠬᠤ ᠳᠤ ᠶᠡᠷᠦ ᠳᠡᠭᠡᠨ 5 — 8 ᠴᠠᠭ ᠬᠡᠷᠡᠭᠰᠡᠨᠡ ᠂ ᠡᠢ᠌ᠮᠦ ᠠᠴᠠ ᠦᠷᠭᠦᠯᠵᠢ ᠤᠷᠪᠠᠭᠤᠯᠤᠨ ᠬᠥᠳᠡᠯᠭᠡᠵᠦ᠂ ᠤᠷᠭᠤᠮᠠᠯ ᠤᠨ ᠡᠯᠡ ᠬᠡᠰᠡᠭ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠵᠢ ᠵᠢᠭᠳᠡ ᠪᠠᠷ ᠲᠠᠷᠬᠠᠭ᠋ᠠᠨᠠ᠃ ᠡᠪᠡᠰᠦ ᠬᠠᠮᠤᠬᠤ᠂ ᠡᠪᠡᠰᠦ ᠴᠤᠭᠯᠠᠭᠤᠯᠬᠤ᠂ ᠪᠣᠭᠣᠵᠢᠯᠠᠬᠤ᠂ ᠵᠢᠶᠠᠰᠠᠯᠠᠬᠤ ᠵᠢᠴᠢ ᠣᠪᠣᠭ᠋ᠠᠯᠠᠬᠤ ᠶᠠᠪᠤᠴᠠᠳᠤ ᠤᠷᠭᠤᠮᠠᠯ ᠤᠨ ᠨᠢᠯᠬᠠ ᠪᠣᠯᠪᠠᠷᠠᠢ ᠬᠡᠰᠡᠭ ᠢ ᠬᠤᠭᠤᠯᠬᠤ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ᠃
ᠨᠢᠭᠡ᠂ ᠡᠩ ᠰᠠᠯᠬᠢ ᠨᠡᠪᠲᠡᠷᠡᠭᠦᠯᠦᠨ ᠬᠠᠳᠠᠭ᠋ᠠᠬᠤ ᠠᠷᠭᠠ
ᠲᠡᠵᠢᠭᠡᠯ ᠡᠪᠡᠰᠦ ᠵᠢ ᠬᠠᠳᠤᠭᠰᠠᠨᠤ ᠲᠠᠷᠠᠭᠠ ᠲᠠᠷᠢᠶᠠᠨ ᠠᠶᠠᠨᠳᠠᠭ᠋ᠠᠨ ᠬᠠᠲᠠᠭ᠋ᠠᠨᠠ᠂ ᠤᠰᠤᠨᠤ ᠠᠭᠤᠯᠤᠭᠳᠠᠴᠠᠨᠢ 35% — 50% ᠪᠣᠯᠬᠤ ᠦᠶ ᠡ ᠳᠤ᠂ ᠰᠠᠯᠬᠢ ᠨᠡᠪᠲᠡᠷᠡᠬᠦ ᠰᠤᠪᠠᠭ ᠲᠠᠢ ᠡᠪᠡᠰᠦᠨ ᠫᠸᠩ ᠵᠥᠭᠡᠭᠡᠪᠦᠷᠢᠯᠡᠨ ᠠᠪᠠᠴᠢᠵᠤ᠂ ᠰᠠᠯᠬᠢ ᠦᠯᠢᠶᠡᠬᠦ ᠲᠥᠬᠦᠭᠡᠷᠦᠮᠵᠢ ᠪᠠᠷ ᠬᠠᠲᠠᠭ᠋ᠠᠨᠠ ᠃ ᠲᠤᠰ ᠠᠷᠭᠠ ᠵᠢ ᠬᠥᠬᠡ ᠡᠪᠡᠰᠦ ᠬᠤᠷᠢᠶᠠᠬᠤ ᠦᠶ ᠡ ᠳᠤ ᠬᠠᠷᠢᠴᠠᠩᠭᠤᠢ ᠴᠢᠭᠢᠭ ᠤᠨ ᠬᠡᠮᠵᠢᠶᠡ ᠨᠢ 75% ᠳᠣᠣᠷᠠ ᠮᠥᠷᠲᠡᠭᠡᠨ ᠠᠭ᠋ᠠᠷ ᠳᠤᠯᠠᠭ᠋ᠠᠨ ᠨᠢ 15℃ᠠᠴᠠ ᠳᠡᠭᠡᠭᠰᠢ ᠭᠠᠵᠠᠷᠲᠤ ᠬᠡᠷᠡᠭᠯᠡᠬᠦ ᠲᠣᠬᠢᠷᠠᠨᠠ ᠃
ᠬᠣᠶᠠᠷ᠂ ᠡᠪᠡᠰᠦᠨ ᠵᠢᠶᠠᠰᠠ ᠳᠡᠭᠡᠷᠡ ᠬᠠᠳᠠᠭ᠋ᠠᠬᠤ ᠠᠷᠭᠠ
ᠪᠣᠷᠣᠭ᠋ᠠᠨ ᠶᠡᠬᠡᠲᠡᠢ ᠭᠠᠵᠠᠷ ᠣᠷᠣᠨ ᠳᠤ ᠬᠡᠷᠡᠭᠯᠡᠬᠦ ᠨᠢ ᠨᠡᠯᠢᠶᠡᠳ ᠠᠷᠪᠢᠨ ᠪᠠᠢ᠌ᠳᠠᠭ᠃ ᠲᠡᠵᠢᠭᠡᠯ ᠡᠪᠡᠰᠦ ᠵᠢ ᠬᠠᠳᠤᠭᠰᠠᠨ ᠤ ᠳᠠᠷᠠᠭᠠ ᠪᠠᠭᠠ ᠪᠣᠭᠣᠵᠢ ᠪᠣᠯᠭ᠋ᠠᠨ ᠪᠣᠭᠣᠵᠢᠯᠠᠬᠤ ᠪᠤᠶᠤ ᠰᠢᠭᠤᠳ ᠵᠥᠭᠡᠭᠡᠪᠦᠷᠢᠯᠡᠨ ᠠᠪᠠᠴᠢᠵᠦ ᠡᠪᠡᠰᠦᠨ ᠵᠢᠶᠠᠰᠠᠨ ᠳᠡᠭᠡᠷᠡ ᠬᠠᠲᠠᠭ᠋ᠠᠨᠠ ᠃ ᠡᠪᠡᠰᠦᠨ ᠵᠢᠶᠠᠰᠠ ᠵᠢ ᠮᠣᠳᠣ᠂ ᠬᠤᠯᠤᠰᠤ ᠪᠤᠶᠤ ᠲᠡᠮᠦᠷᠯᠢᠭ ᠬᠣᠭᠣᠯᠠᠢ ᠪᠠᠷ ᠲᠠᠩ ᠲᠠᠯᠠᠲᠤ ᠱᠠᠲᠤᠯᠵᠢᠨ ᠪᠤᠶᠤ ᠳᠠᠪᠬᠤᠷᠭ᠋ᠠᠯᠠᠭᠰᠠᠨ ᠬᠡᠯᠪᠡᠷᠢ ᠵᠢᠨ ᠫᠸᠩ ᠵᠢᠶᠠᠰᠠ ᠵᠢ ᠪᠠᠷᠢᠳᠠᠭ᠃ ᠵᠢᠶᠠᠰᠠᠨ ᠳᠡᠭᠡᠷᠡᠬᠢ ᠬᠥᠬᠡ ᠡᠪᠡᠰᠦᠨ ᠤ ᠦᠨᠳᠦᠰᠦᠨ ᠬᠡᠰᠡᠭ ᠬᠠᠨᠳᠤᠭᠤᠯᠤᠨ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠡᠢ ᠪᠤᠶᠤ ᠭᠡᠷ ᠤᠨ ᠨᠢᠷᠤᠭᠤ ᠬᠡᠯᠪᠡᠷᠢᠲᠡᠢ ᠣᠪᠣᠭ᠋ᠠᠯᠠᠭ᠋ᠠᠳ᠂ ᠵᠤᠵᠠᠭ᠋ᠠᠨ ᠨᠢ 80 ᠰᠠᠨᠲ᠋ᠢᠮᠧᠲᠷ ᠬᠡᠲᠦᠷᠡᠭᠦᠯᠬᠦ ᠦᠭᠡᠢ᠃ ᠵᠠᠷᠢᠮ ᠲᠠᠷᠢᠶᠠᠴᠢᠳ ᠪᠦᠳᠦᠭᠦᠨ ᠮᠣᠳᠣ᠂ ᠬᠡᠷᠡᠮ ᠤᠨ ᠣᠷᠣᠢ ᠵᠡᠷᠭᠡ ᠵᠢ ᠠᠰᠢᠭᠯᠠᠨ ᠡᠪᠡᠰᠦ ᠵᠢ ᠬᠠᠲᠠᠭ᠋ᠠᠬᠤ ᠨᠢ ᠡᠭᠦᠨ ᠲᠠᠢ ᠠᠳᠠᠯᠢᠪᠲᠤᠷ ᠦᠢ᠍ᠯᠡᠳᠦᠯ ᠲᠠᠢ ᠪᠠᠢ᠌ᠳᠠᠭ᠃
ᠭᠤᠷᠪᠠ᠂ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠡᠭᠡᠷᠡ ᠬᠠᠳᠠᠭ᠋ᠠᠬᠤ ᠠᠷᠭᠠ
ᠡᠨᠡ ᠪᠣᠯ ᠭᠠᠩ ᠬᠠᠭᠤᠷᠠᠢ ᠣᠷᠣᠨ ᠳᠤ ᠬᠡᠷᠡᠭᠯᠡᠬᠦ ᠨᠡᠯᠢᠶᠡᠳ ᠰᠠᠢ᠌ᠨ ᠠᠷᠭᠠ ᠮᠥᠨ᠂ ᠡᠷᠬᠡᠪᠰᠢ ᠲᠤᠩᠭ᠋ᠠᠯᠠᠭ ᠡᠳᠦᠷ ᠬᠡᠷᠡᠭᠯᠡᠬᠦ ᠬᠡᠷᠡᠭᠲᠡᠢ᠂ ᠴᠠᠭ ᠠᠭᠤᠷ ᠤᠨ ᠪᠠᠢ᠌ᠳᠠᠯ ᠨᠢ ᠲᠠᠵᠢᠭᠡᠯ ᠡᠪᠡᠰᠦ ᠵᠢ ᠨᠠᠢ᠌ᠷᠠᠭᠤᠯᠬᠤ ᠳᠤ ᠮᠠᠰᠢ ᠶᠡᠬᠡ ᠨᠥᠯᠥᠭᠡ ᠲᠠᠢ ᠪᠠᠢ᠌ᠳᠠᠭ᠃ ᠬᠠᠳᠤᠭᠰᠠᠨ ᠲᠠᠵᠢᠭᠡᠯ ᠡᠪᠡᠰᠤ ᠵᠢ ᠤᠷᠢᠳ ᠵᠶ᠋ᠠᠷ ᠭᠠᠵᠠᠷ ᠳᠡᠭᠡᠷᠡ ᠲᠡᠭᠰᠢᠬᠡᠨ ᠳᠡᠪᠢᠰᠴᠦ᠂ ᠥᠩᠭᠡᠨ ᠳᠠᠪᠬᠤᠷᠭᠠ ᠨᠢ ᠦᠬᠦᠰᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠲᠠᠷᠤᠢ᠌ᠬᠠᠨ ᠤᠷᠪᠠᠭᠤᠯᠵᠤ ᠨᠦᠭᠦᠭᠡ ᠳᠠᠯᠠ ᠵᠢ ᠨᠢ ᠨᠡᠷᠡᠨ ᠳᠤ ᠡᠭᠡᠭᠡᠨᠡ᠃ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠵᠢ 40% — 50% ᠬᠦᠷᠲᠡᠯᠡ ᠪᠠᠭᠤᠷᠠᠭᠤᠯᠬᠤ ᠦᠶ ᠡ ᠳᠤ ᠡᠪᠡᠰᠦ ᠵᠢ ᠬᠠᠮᠤᠨ ᠣᠪᠣᠭ᠋ᠠᠯᠠᠵᠤ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠨᠢ ᠳᠣᠷᠣᠭᠰᠢᠯᠠᠭ᠋ᠠᠳ 30% ᠣᠷᠴᠢᠮ ᠪᠣᠯᠵᠤ᠂ ᠨᠠᠪᠴᠢ ᠨᠢ ᠠᠮᠠᠷᠬᠠᠨ ᠵᠤᠯᠭ᠋ᠠᠷᠠᠬᠤ ᠦᠭᠡᠢ ᠦᠶᠡ ᠪᠡᠯᠴᠢᠭᠡᠷ ᠲᠤ ᠪᠤᠶᠤ ᠡᠪᠡᠰᠦᠨ ᠣᠪᠣᠭ᠋ᠠᠨ ᠳᠤ ᠠᠪᠠᠴᠢᠵᠤ ᠣᠪᠣᠭ᠋ᠠᠯᠠᠨ᠂ ᠡᠪᠡᠰᠦᠨ ᠣᠪᠣᠭ᠋ᠠᠨ ᠳᠤ ᠦᠷᠬᠦᠯᠵᠢᠯᠡᠨ ᠵᠣᠬᠢᠬᠤ ᠬᠡᠮᠵᠢᠶ ᠡ ᠪᠠᠷ ᠢᠰᠬᠡᠪᠡᠯ ᠤᠰᠤ ᠨᠢ ᠦᠷᠭᠦᠯᠵᠢᠯᠡᠨ ᠠᠭᠤᠷᠰᠢᠳᠠᠭ᠃ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠᠨᠢ ᠪᠠᠭᠤᠷᠠᠭ᠋ᠠᠳ 14% ᠣᠷᠴᠢᠮ ᠪᠣᠯᠬᠤ ᠦᠶᠡ ᠳᠡᠭᠡᠷᠡ ᠨᠢ ᠣᠪᠣᠭ᠋ᠠᠯᠠᠨ ᠬᠠᠳᠠᠭ᠋ᠠᠯᠠᠵᠤ ᠪᠣᠯᠣᠨᠠ᠃
ᠳᠥᠷᠪᠡ᠂ ᠢᠰᠬᠡᠵᠦ ᠬᠠᠳᠠᠭ᠋ᠠᠬᠤ ᠠᠷᠭᠠ
ᠪᠣᠷᠣᠭ᠋ᠠᠨᠲᠠᠢ ᠡᠳᠦᠷ ᠲᠣᠬᠢᠶᠠᠯᠳᠤᠪᠠᠯ ᠡᠪᠡᠰᠦᠨ ᠵᠢᠶᠠᠰᠠ ᠪᠠᠢ᠌ᠬᠤ ᠦᠭᠡᠢ ᠲᠤᠯᠠ ᠬᠡᠪ ᠤᠨ ᠪᠠᠢ᠌ᠳᠠᠯ ᠵᠶ᠋ᠠᠷ ᠬᠠᠭᠤᠷᠠᠢ ᠪᠣᠯᠭ᠋ᠠᠬᠤ ᠵᠢᠨ ᠠᠷᠭᠠ ᠦᠭᠡᠢ ᠦᠶᠡ ᠲᠤᠰ ᠠᠷᠭᠠ ᠵᠢ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ ᠃ ᠠᠷᠭᠠ ᠨᠢ ᠨᠢᠭᠡᠨᠲᠡ ᠬᠠᠳᠤᠭᠰᠠᠨ ᠦᠬᠦᠰᠢᠷᠡᠮᠡᠯ ᠡᠪᠡᠰᠦ ᠵᠢ ᠳᠠᠪᠬᠤᠷᠭᠠ ᠬᠤᠪᠢᠶᠠᠨ ᠳᠠᠷᠤᠰᠢᠭᠤᠯᠵᠤ᠂ ᠨᠥᠬᠥᠴᠡᠯ ᠲᠠᠢ ᠦᠶᠡ ᠳᠠᠪᠬᠤᠷᠭᠠ ᠬᠤᠪᠢᠶᠠᠨ ᠬᠥᠬᠡ ᠡᠪᠡᠰᠦᠨᠳᠤ ᠬᠦᠨᠳᠦ ᠵᠢᠨ ᠬᠡᠮᠵᠢᠶᠡ ᠨᠢ 5‰— 10‰ ᠵᠢᠨ ᠢᠳᠡᠰᠢᠨ ᠳᠠᠪᠤᠰᠤ ᠵᠢ ᠰᠠᠴᠤᠵᠤ᠂ 3 — 5 ᠮᠧᠲᠷ ᠥᠨᠳᠥᠷ ᠡᠪᠡᠰᠦᠨ ᠣᠪᠣᠭᠠ ᠪᠣᠯᠭ᠋ᠠᠨ ᠣᠪᠣᠭ᠋ᠠᠯᠠᠵᠤ᠂ 30 — 60 ᠡᠳᠦᠷ ᠢᠰᠬᠡᠭᠰᠡᠨ ᠤ ᠲᠤᠩᠭ᠋ᠠᠯᠠᠭ ᠡᠳᠦᠷ ᠲᠤ ᠡᠪᠡᠰᠦᠨ ᠣᠪᠣᠭᠠ ᠵᠢ ᠨᠡᠭᠡᠭᠡᠵᠦ᠂ ᠤᠰᠤ ᠵᠢ ᠠᠭᠤᠷᠰᠢᠭᠤᠯᠤᠨᠠ ᠃ ᠲᠤᠰ ᠠᠷᠭᠠ ᠪᠠᠷ ᠨᠠᠢ᠌ᠷᠠᠭᠤᠯᠤᠭᠰᠠᠨ ᠬᠠᠭᠤᠷᠠᠢ ᠡᠪᠡᠰᠦ ᠨᠢ ᠬᠦᠷᠡᠩ ᠥᠩᠭᠡᠲᠡᠢ ᠪᠠᠢ᠌ᠵᠤ᠂ ᠰᠢᠮᠡ ᠲᠡᠵᠢᠭᠡᠯ ᠰᠦᠢ᠍ᠳᠦᠯ ᠨᠢ 50%ᠠᠴᠠ ᠳᠡᠭᠡᠭᠰᠢ ᠪᠠᠢ᠌ᠳᠠᠭ᠃ ᠡᠨᠡ ᠪᠣᠯ ᠴᠠᠭ ᠠᠭᠤᠷ ᠤᠨ ᠪᠠᠢ᠌ᠳᠠᠯ ᠮᠠᠭᠤ ᠨᠥᠬᠥᠴᠡᠯ ᠳᠣᠣᠷᠠ ᠠᠷᠭᠠ ᠪᠤᠰᠤ ᠠᠪᠤᠭᠰᠠᠨ ᠠᠷᠭᠠ ᠬᠡᠮᠵᠢᠶᠡ ᠮᠥᠨ᠃
ᠲᠠᠪᠤ᠂ ᠥᠨᠳᠥᠷ ᠳᠤᠯᠠᠭ᠋ᠠᠨ ᠲᠦᠷᠭᠡᠨ ᠬᠠᠳᠠᠭ᠋ᠠᠬᠤ ᠠᠷᠭᠠ
ᠬᠡᠷᠴᠢᠭᠰᠡᠨ ᠲᠡᠵᠢᠭᠡᠯ ᠡᠪᠡᠰᠦ ᠵᠢ ᠬᠠᠲᠠᠭ᠋ᠠᠬᠤ ᠮᠠᠰᠢᠨᠳᠤ ᠣᠷᠣᠭᠤᠯᠵᠤ᠂ ᠥᠨᠳᠥᠷ ᠳᠤᠯᠠᠭ᠋ᠠᠨ ᠤ ᠠᠭ᠋ᠠᠷ ᠠᠰᠢᠭᠯᠠᠨ ᠲᠡᠵᠢᠭᠡᠯ ᠡᠪᠡᠰᠦ ᠵᠢ ᠲᠦᠷᠭᠡᠨ ᠬᠠᠲᠠᠭ᠋ᠠᠨᠠ ᠃ ᠬᠠᠲᠠᠭ᠋ᠠᠬᠤ ᠴᠠᠭ ᠨᠢ ᠬᠠᠲᠠᠭ᠋ᠠᠬᠤ ᠮᠠᠰᠢᠨ ᠤ ᠬᠡᠯᠪᠡᠷᠢ ᠮᠠᠶᠢᠭ ᠲᠣᠭᠲᠠᠭ᠋ᠠᠭᠳᠠᠨᠠ ᠃ ᠲᠤᠰ ᠠᠷᠭᠠ ᠵᠢᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠭᠡᠪᠡᠯ ᠡᠪᠡᠰᠦᠨ ᠨᠤᠨᠳᠠᠭ ᠦᠢ᠍ᠯᠡᠳᠪᠦᠷᠢᠯᠡᠯ ᠪᠠ ᠮᠥᠬᠦᠯᠢᠭᠵᠢᠭᠦᠯᠬᠦ ᠦᠢ᠍ᠯᠡᠳᠪᠦᠷᠢᠯᠡᠯ ᠢ ᠬᠠᠮᠲᠤ ᠨᠢᠭᠡ ᠴᠣᠭᠴᠠ ᠪᠣᠯᠭ᠋ᠠᠵᠤ᠂ ᠲᠡᠵᠢᠭᠡᠯ ᠡᠪᠡᠰᠦᠨ ᠠᠰᠢᠭᠯᠠᠮᠵᠢ ᠪᠠ ᠲᠠᠸᠠᠷ ᠤᠨ ᠴᠢᠨᠠᠷ ᠢ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠪᠠᠢ᠌ᠨᠠ ᠃ ᠭᠡᠪᠡᠴᠦ ᠡᠢ᠌ᠮᠦᠷᠬᠦ ᠲᠥᠬᠦᠭᠡᠷᠦᠮᠵᠢ ᠵᠢᠨ ᠪᠡᠯᠡ ᠣᠷᠣᠭᠤᠯᠤᠯᠲᠠᠨᠢ ᠶᠡᠬᠡ ᠲᠤᠯᠠ ᠤᠯᠤᠰ ᠤᠨ ᠳᠣᠲᠣᠭ᠋ᠠᠳᠤ ᠲᠤᠰ ᠠᠷᠭᠠ ᠵᠢ ᠲᠡᠮᠡᠢ ᠠᠷᠪᠢᠨ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃
ᠵᠢᠷᠭᠤᠭᠠ ᠂ ᠳᠠᠷᠤᠭᠳᠠᠵᠤ ᠬᠠᠭ᠋ᠠᠷᠠᠭᠰᠠᠨ ᠲᠡᠵᠢᠭᠡᠯ ᠡᠪᠡᠰᠦᠨ ᠤ ᠡᠰᠢ ᠰᠦᠷᠡᠯ ᠢ ᠬᠠᠳᠠᠭ᠋ᠠᠬᠤ ᠠᠷᠭᠠ
ᠮᠠᠨ ᠤᠯᠤᠰ ᠤᠨ ᠬᠥᠳᠡᠭᠡ ᠲᠣᠰᠬᠣᠨ ᠳᠤ ᠣᠯᠠᠩᠬᠢ ᠳᠠᠭᠠᠨ ᠴᠠᠷᠭ᠋ᠠᠰᠤ ᠪᠠ ᠪᠤᠭᠤᠳᠠᠢ ᠵᠢᠨ ᠰᠦᠷᠡᠯ ᠢ ᠬᠣᠯᠢᠭ᠋ᠠᠳ ᠬᠠᠪᠲᠠᠭ᠋ᠠᠢ᠌ᠷᠠᠭᠤᠯᠵᠤ᠂ ᠡᠪᠡᠰᠦ ᠪᠣᠷᠳᠣᠭᠠ ᠵᠢ ᠬᠠᠲᠠᠭ᠋ᠠᠬᠤ ᠬᠤᠷᠳᠤᠴᠠ ᠵᠢ ᠲᠦᠷᠭᠡᠳᠬᠡᠭᠰᠡᠨ ᠮᠥᠷᠲᠡᠭᠡᠨ ᠡᠰᠢ ᠰᠦᠷᠡᠯ ᠤᠨ ᠲᠡᠵᠢᠭᠡᠯ ᠪᠣᠷᠳᠣᠭ᠋ᠠᠨ ᠤ ᠦᠷᠳᠡᠭ ᠢ ᠴᠦ᠍ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠪᠠᠢ᠌ᠨᠠ᠃ ᠠᠷᠭᠠ ᠨᠢ᠄ ᠪᠤᠭᠤᠳᠠᠢ ᠵᠢᠨ ᠰᠦᠷᠡᠯ ᠢ ᠬᠠᠲᠠᠭ᠋ᠠᠬᠤ ᠲᠠᠯᠠᠪᠠᠢ ᠳᠤ ᠲᠡᠭᠰᠢᠬᠡᠨ ᠳᠡᠪᠢᠰᠴᠦ᠂ ᠵᠤᠵᠠᠭ᠋ᠠᠨ ᠨᠢ 10 ᠰᠠᠨᠲ᠋ᠢᠮᠧᠲᠷ᠂ ᠳᠤᠮᠳᠠ ᠨᠢ 10 ᠰᠠᠨᠲ᠋ᠢᠮᠧᠲᠷ ᠵᠤᠵᠠᠭ᠋ᠠᠨ ᠴᠠᠷᠭ᠋ᠠᠰᠤ ᠵᠢ ᠳᠡᠪᠢᠰᠴᠦ᠂ ᠳᠡᠭᠡᠷᠡ ᠨᠢ ᠪᠠᠰᠠ ᠨᠢᠭᠡ ᠳᠠᠪᠬᠤᠷ ᠪᠤᠭᠤᠳᠠᠢ ᠵᠢᠨ ᠰᠦᠷᠡᠯ ᠨᠡᠮᠡᠭᠡᠳ᠂ ᠲᠠᠬᠢᠨ ᠳᠠᠷᠤᠨᠠ᠂ ᠴᠠᠷᠭ᠋ᠠᠰᠤ ᠵᠢᠨ ᠰᠢᠭᠦᠰᠦ ᠨᠢ ᠪᠤᠭᠤᠳᠠᠢ ᠵᠢᠨ ᠰᠦᠷᠡᠯ ᠳᠤ ᠰᠢᠩᠭᠡᠭᠡᠭᠳᠡᠬᠦ ᠦᠶ ᠡ ᠳᠤ ᠬᠠᠲᠠᠭ᠋ᠠᠵᠤ ᠣᠪᠣᠭ᠋ᠠᠯᠠᠪᠠᠯ ᠪᠣᠯᠴᠢᠬᠠᠨᠠ ᠃