ᠡᠸᠡᠩᠬᠢ ᠬᠤᠰᠢᠭᠤᠨᠤᠬᠢᠨ ᠰᠢ ᠵᠢᠨ ᠫᠢᠩᠤᠨ ᠠᠮᠢ ᠠᠬᠤᠢ ᠵᠢᠨ ᠪᠣᠯᠪᠠᠰᠤᠨᠤ ᠦᠵᠡᠯ ᠰᠠᠨᠠᠭᠠ ᠵᠢ ᠭᠦᠨᠵᠡᠭᠡᠢ ᠰᠤᠷᠤᠯᠴᠠᠨ ᠳᠤᠭᠤᠰᠢᠯᠠᠭᠤᠯᠵᠦ᠂ 《ᠬᠦᠭᠡ ᠠᠭᠤᠯᠠ ᠬᠥᠬᠡᠮᠳᠦᠭ ᠤᠰᠤ ᠪᠣᠯ ᠠᠯᠳᠠ ᠮᠥᠩᠭᠦᠨ ᠠᠭᠤᠯᠠ》 ᠭᠡᠬᠦ ᠤᠢ᠍ᠢ᠍ᠯᠠᠭ᠋ᠠᠭᠳᠠᠬᠤᠨᠢ ᠦᠢ᠍ᠯᠡᠳᠦᠯᠭᠡᠵᠢᠭᠦᠯᠵᠦ᠂ ᠤᠶ᠋ᠢᠷᠠ ᠵᠢᠨ ᠵᠢᠯᠠᠴᠠ ᠠᠮᠢ ᠠᠬᠤᠢ ᠵᠢᠨ ᠠᠮᠤᠷ ᠲᠦᠪᠰᠢᠨᠢ ᠪᠠᠳᠤᠯᠠᠬᠤ ᠮᠠᠯᠴᠢᠨᠤᠨ ᠤᠷᠤᠯᠭᠠ ᠵᠢᠨ ᠨᠠᠮᠡᠭᠳᠡᠯᠢ ᠠᠬᠢᠭᠤᠯᠬᠤ᠂ ᠠᠮᠢ ᠠᠬᠤᠢ ᠵᠢᠨ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠵᠠᠯᠭ᠋ᠠᠮᠵᠢᠯᠠᠬᠤᠠᠴᠠ ᠭᠠᠷᠳᠠᠵᠤ᠂ ᠳᠠᠯᠠ ᠨᠤᠳᠤᠭᠤᠨ ᠠᠮᠢ ᠠᠬᠤᠢ ᠵᠢᠨ ᠪᠠᠶ᠋ᠢᠭᠤᠯᠤᠯᠲᠠ ᠵᠢ 《ᠠᠮᠢ ᠠᠬᠤᠢ ᠵᠢᠨ ᠨᠤᠭᠤᠭ᠋ᠠᠨᠢ ᠴᠤᠭᠴᠠᠯᠠᠬᠤ》 ᠠᠮᠢᠨ ᠰᠤᠳᠠᠰᠤ ᠪᠤᠯᠭ᠋ᠠᠨ ᠠᠳᠬᠤᠵᠤ᠂ ᠬᠤᠰᠢᠭᠤᠨᠤᠪᠠᠨ ᠨᠤᠳᠤᠭ ᠪᠡᠯᠴᠢᠭᠡᠷᠤᠨ ᠠᠮᠢ ᠠᠬᠤᠢ ᠵᠢᠨ ᠰᠡᠷᠬᠦᠯᠳᠡᠳᠤ ᠵᠤᠬᠢᠬᠤ ᠦᠷᠡ ᠪᠦᠳᠦᠮᠵᠢ ᠤᠯᠪᠠ᠃ ᠮᠠᠨᠤ ᠮᠡᠳᠡᠭᠡᠯᠡᠯᠤᠨ ᠭᠤᠤᠯ ᠪᠠᠭ᠋ᠠᠳᠤᠷ ᠪᠤᠯᠬᠤ ᠵᠢᠪᠬᠤᠯᠠᠩ ᠪᠤᠯ ᠮᠤᠳᠤ ᠳᠠᠷᠢᠵᠤ ᠨᠤᠳᠤᠭ ᠤᠷᠤᠨ ᠵᠶ᠋ᠠᠨ ᠪᠦᠳᠦᠭᠡᠨ ᠪᠠᠶ᠋ᠢᠭᠤᠯᠤᠭᠰᠠᠨ ᠬᠦᠮᠤᠰᠤᠨ ᠨᠢᠬᠡ ᠪᠤᠯᠤᠨᠠ᠃
ᠤᠷᠢᠨ ᠳᠤᠯᠠᠭ᠋ᠠᠨ ᠰᠠᠭ᠋ᠠᠳᠠᠬᠤᠶᠠ ᠡᠸᠡᠩᠬᠢ ᠨᠤᠳᠤᠭᠤᠨ ᠭᠠᠵᠠᠷ ᠪᠤᠯᠭ᠋ᠠᠨᠳᠤ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠵᠤ ᠡᠰᠨᠢᠯ ᠬᠦᠭᠵᠢᠯᠤᠨ ᠤᠷᠠᠢ ᠬᠠᠩᠬᠢᠨᠠᠨᠠ᠃ ᠰᠢᠷᠠᠶ᠋ᠢᠳ ᠬᠠᠯᠠᠲᠠᠢ ᠳᠠᠮᠪᠠ ᠵᠢᠨ ᠵᠠᠨᠠᠰᠢᠷᠢ ᠵᠢᠨ ᠵᠢᠪᠬᠤᠯᠠᠩ ᠪᠤᠯ ᠰᠢᠨᠡᠬᠡᠨ ᠪᠠᠷᠠᠭᠤᠨ ᠰᠤᠮᠤᠨᠤ ᠰᠢᠪᠡᠭᠡ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨ᠂ ᠪᠦᠬᠡ ᠵᠢᠨ ᠤᠳᠤᠮᠲᠠᠢ᠂ ᠡᠪᠦᠭᠡ ᠪᠤᠯᠤᠨ ᠠᠪᠤᠨᠢ ᠪᠦᠷ ᠨᠤᠳᠤᠭ ᠤᠷᠤᠨᠤᠪᠠᠨ ᠨᠡᠷᠡᠳᠡᠢ ᠪᠦᠭᠡᠴᠢᠨ ᠪᠠᠶ᠋ᠢᠵᠦ ᠶᠡᠭᠡ ᠪᠠᠭᠠ ᠨᠠᠶ᠋ᠢᠷ ᠨᠠᠭ᠋ᠠᠳᠤᠮᠳᠤ ᠤᠯᠠᠨᠳᠠ ᠱᠠᠩᠨᠠᠯ ᠠᠪᠤᠭᠰᠠᠨ ᠳᠡᠤᠬᠡᠲᠠᠢ᠃ ᠵᠢᠪᠬᠤᠯᠠᠩ ᠴᠤ᠌ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠳᠠᠮᠢᠷᠲᠤᠪᠠᠨ ᠤᠨᠴᠠ ᠰᠠᠶ᠋ᠢᠨ᠂ ᠢᠮᠠᠭᠳᠠ ᠰᠤᠷᠭ᠋ᠠᠭᠤᠯᠢᠪᠠᠨ ᠲᠦᠯᠦᠭᠡᠯᠡᠵᠦ ᠬᠤᠳᠠ ᠵᠢᠨ ᠳᠡᠰᠤᠨ ᠳᠠᠮᠢᠷᠤᠨ ᠤᠷᠤᠯᠳᠤᠭ᠋ᠠᠨᠳᠤ ᠤᠷᠤᠯᠴᠠᠵᠤ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠤᠯᠠᠨ ᠤᠳᠠᠭᠠ ᠢᠷᠠᠭᠤ ᠠᠯᠳᠠᠷ ᠠᠪᠴᠢᠷᠠᠭᠰᠠᠨ ᠪᠦᠬᠡᠳ ᠡᠪᠦᠭᠡ᠂ ᠠᠪᠤ ᠵᠢᠨ ᠵᠶ᠋ᠠᠨ ᠨᠦᠯᠦᠭᠡᠪᠠᠷ ᠪᠦᠬᠡ ᠰᠠᠶ᠋ᠢᠨ ᠪᠠᠷᠢᠯᠳᠤᠳᠠᠭ ᠳᠤᠯᠠ 2001 ᠤᠨ᠂ 2002 ᠤᠨᠤ ᠬᠦᠯᠦᠨ ᠪᠦᠢ᠍ᠷᠤᠨ ᠠᠶ᠋ᠢᠮᠠᠭᠤᠨ ᠨᠠᠶ᠋ᠢᠷᠲᠤ ᠲᠦᠷᠦᠬᠦᠤ ᠨᠠᠢ᠍ᠮᠠᠳᠤ ᠤᠷᠤᠵᠤ ᠳᠤᠰ ᠳᠤᠰ ᠭᠤᠷᠪᠠᠳᠤᠭ᠋ᠠᠷ ᠪᠠ ᠲᠦᠷᠪᠡᠳᠦᠬᠡᠷᠲᠤ ᠲᠤᠳᠤᠷᠠᠵᠤ ᠬᠦᠯᠦᠨ ᠪᠦᠢ᠍ᠷ ᠪᠦᠬᠡ ᠵᠢᠨ ᠨᠡᠶ᠋ᠢᠬᠡᠮᠯᠢᠭᠠᠴᠠ ᠳᠡᠬᠦᠨᠳᠤ ᠬᠠᠷᠴᠠᠭ᠋ᠠᠢ ᠴᠤᠯᠠ ᠤᠯᠭᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠡᠶ᠋ᠢᠮᠦ ᠨᠢᠬᠡ ᠲᠠᠮᠢᠷᠤᠨ ᠳᠠᠪᠴᠠᠩᠳᠤ ᠦᠯᠢᠭᠡᠷ ᠳᠡᠤᠬᠡᠲᠠᠢ ᠬᠦᠮᠤᠨ ᠶᠠᠭ᠋ᠠᠬᠢᠭ᠋ᠠᠳ ᠮᠤᠳᠤ ᠳᠠᠷᠢᠭᠰᠠᠨ ᠪᠤᠢ ᠬᠡᠬᠦ ᠰᠤᠨᠢᠭᠤᠭ᠋ᠠᠴᠢ ᠰᠡᠳᠬᠢᠯᠢ ᠡᠪᠦᠷᠯᠡᠨ ᠨᠠᠷᠠ ᠲᠤᠨᠤᠷᠠᠭᠰᠠ ᠨᠠᠯᠠᠭ᠋ᠠᠷ ᠰᠠᠶ᠋ᠢᠬᠠᠨ ᠡᠳᠦᠷ ᠪᠢᠳᠠ ᠮᠤᠳᠤ ᠲᠠᠷᠢᠵᠤ ᠨᠤᠳᠤᠭ ᠵᠶ᠋ᠠᠨ ᠨᠤᠭᠤᠭ᠋ᠠᠷᠠᠭᠤᠯᠤᠭᠰᠠᠨ ᠵᠢᠪᠬᠤᠯᠠᠩᠢ ᠰᠤᠷᠪᠤᠯᠵᠢᠯᠠᠬᠤᠪᠠᠷ ᠰᠢᠨᠡᠬᠡᠨ ᠪᠠᠷᠠᠭᠤᠨ ᠰᠤᠮᠤᠨᠤ ᠰᠢᠪᠡᠭᠡ ᠭᠠᠴᠠᠭᠠ ᠵᠦᠭ ᠳᠠᠪᠬᠢᠯᠠ᠃
ᠪᠢᠳᠠ ᠵᠢᠪᠬᠤᠯᠠᠩᠤᠨ ᠡᠪᠦᠯᠵᠢᠶᠠᠳᠤ ᠬᠦᠷᠬᠦᠳᠤ ᠵᠢᠪᠬᠤᠯᠠᠩ ᠶᠠᠭ ᠰᠠᠶ᠋ᠢᠬᠠᠨ ᠲᠡᠷᠭᠡᠨ ᠬᠦᠮᠦᠷᠭᠡ ᠪᠠᠷᠢᠵᠦ ᠪᠠᠶ᠋ᠢᠭᠠ ᠬᠦᠮᠤᠰᠲᠠᠢ ᠪᠠᠷᠢᠯᠭᠠ ᠵᠢᠨ ᠠᠵᠢᠯᠤᠨ ᠳᠤᠬᠠᠢ ᠶᠠᠷᠢᠯᠴᠠᠵᠤ ᠪᠠᠶ᠋ᠢᠪᠠ᠃ ᠵᠢᠪᠬᠤᠯᠠᠩᠢ ᠬᠠᠷᠠᠬᠤᠳᠤ ᠴᠢᠷᠠᠢ ᠲᠦᠷᠪᠡᠯᠵᠢᠨ᠂ ᠬᠦᠮᠦᠰᠬᠡ ᠦᠳᠭᠡᠨ᠂ ᠨᠢᠳᠦᠨᠳᠤᠪᠠᠨ ᠬᠡᠷᠡᠯᠳᠡᠢ᠂ ᠪᠡᠶᠡᠪᠠᠷ ᠬᠦᠳᠡᠷᠯᠢᠭ᠂ ᠠᠯᠬᠤᠵᠤ ᠬᠢᠰᠬᠡᠬᠦᠨᠢ ᠬᠦᠩᠬᠡᠨ᠂ ᠬᠡᠯᠡᠵᠦ ᠪᠠᠷᠢᠬᠤᠨᠢ ᠳᠤᠳᠤ ᠴᠢᠩᠭᠠ᠂ ᠶᠡᠷᠤᠨᠢ ᠳᠠᠪᠢ ᠭᠠᠷᠤᠭᠰᠠᠨ ᠬᠦᠮᠤᠨᠤ ᠰᠢᠨᠵᠢ ᠤᠭᠳᠤ ᠬᠠᠷᠠᠭᠳᠠᠬᠤ ᠦᠬᠡᠢ ᠪᠠᠶ᠋ᠢᠯᠠ᠃ ᠪᠢᠳᠠ ᠮᠤᠳᠤ ᠳᠠᠷᠢᠭᠰᠠᠨ ᠳᠤᠬᠠᠢ ᠰᠤᠷᠪᠤᠯᠵᠢᠯᠭᠠ ᠠᠪᠬᠤ ᠰᠠᠨᠠᠭᠠᠪᠠᠨ ᠶᠠᠷᠢᠪᠠᠯ ᠲᠡᠷᠡ ᠪᠠᠶᠠᠷᠲᠠᠢ ᠬᠦᠯᠢᠶᠡᠨ ᠠᠪᠴᠤ ᠭᠠᠷᠲᠤᠬᠢ ᠠᠵᠢᠯ ᠵᠶ᠋ᠠᠨ ᠪᠠᠷᠠᠭ᠋ᠠᠭ᠋ᠠᠳ ᠮᠤᠳᠤ ᠳᠠᠷᠢᠭᠰᠠᠨ ᠭᠠᠵᠠᠷᠲᠤᠪᠠᠨ ᠤᠴᠢᠶᠠ ᠬᠡᠯᠡ᠃ ᠬᠡᠳᠦ᠋ᠢ᠍ᠪᠡᠷ ᠡᠳᠦᠬᠡ ᠮᠠᠯᠪᠠᠨ ᠪᠦᠷ ᠬᠦᠳᠡᠭᠡ ᠭᠠᠷᠭ᠋ᠠᠭᠰᠠᠨ ᠪᠤᠯᠪᠠᠴᠤ ᠬᠤᠷᠤᠭᠠ ᠬᠠᠰᠢᠶᠠᠪᠠᠨ ᠴᠡᠪᠡᠷᠯᠡᠬᠦ᠂ ᠠᠳᠤᠭᠤ ᠮᠠᠯ ᠵᠶ᠋ᠠᠨ ᠤᠰᠤᠯᠠᠬᠤ ᠮᠡᠳᠦ ᠵᠢᠨ ᠤᠯᠠᠨ ᠠᠵᠢᠯᠲᠠᠢ ᠪᠤᠯᠬᠤᠷ ᠵᠢᠪᠬᠤᠯᠠᠩ ᠶᠡᠭᠡ ᠶᠠᠭ᠋ᠠᠷᠠᠤ ᠪᠠᠶ᠋ᠢᠯᠠ᠃ ᠪᠢᠳᠠ ᠴᠤ᠌ ᠬᠦᠮᠦᠨᠤ ᠠᠵᠢᠯᠳᠤ ᠪᠤᠤ ᠰᠠᠭ᠋ᠠᠳ ᠪᠤᠯᠤᠶᠠ ᠬᠡᠳ ᠵᠢᠪᠬᠤᠯᠠᠩᠢ ᠳᠠᠭ᠋ᠠᠵᠤ ᠨᠢᠬᠡ ᠲᠠᠯᠠᠪᠠᠷ ᠰᠤᠷᠪᠤᠯᠵᠢᠯᠭᠠᠪᠠᠨ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶ᠋ᠢᠯᠠ᠃ ᠵᠢᠪᠬᠤᠯᠠᠩᠤᠨᠬᠢ 100 ᠭᠠᠷᠤᠢ ᠠᠳᠤᠭᠤ᠂ 400 ᠭᠠᠷᠤᠢ ᠬᠤᠨᠢ᠂ ᠠᠷᠪᠠ ᠭᠠᠷᠤᠢ ᠦᠭᠡᠷᠲᠠᠢ᠃ ᠬᠤᠨᠢᠨᠢ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠵᠢᠨ ᠪᠡᠯᠴᠢᠭᠡᠷᠲᠤ ᠭᠠᠷᠴᠤ᠂ ᠡᠳᠦᠬᠡ ᠡᠪᠦᠯᠵᠢᠶᠠᠳᠤᠪᠠᠨ ᠠᠷᠪᠠᠨ ᠭᠡᠳᠦ ᠦᠭᠡᠷ ᠵᠶ᠋ᠠᠨ ᠬᠠᠷᠠᠵᠤ ᠪᠠᠶ᠋ᠢᠨᠠ᠃ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠵᠢᠨ ᠬᠢᠨᠢ ᠪᠡᠯᠴᠢᠭᠡᠷ ᠵᠦᠭᠡᠷ ᠪᠤᠯᠬᠤᠷ ᠠᠳᠤᠭᠤᠨᠢ ᠴᠤ᠌ ᠲᠡᠷᠡ ᠬᠠᠪᠢᠪᠠᠷ ᠪᠠᠶ᠋ᠢᠵᠤ᠂ ᠵᠢᠪᠬᠤᠯᠠᠩ ᠡᠳᠦᠷ ᠪᠦᠷᠢ ᠠᠳᠤᠭᠤᠪᠠᠨ ᠤᠴᠢᠵᠦ ᠤᠰᠤᠯᠠᠳᠠᠭ ᠪᠠᠶ᠋ᠢᠯᠠ᠃ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠᠨᠢ ᠡᠪᠦᠯᠵᠢᠶᠠᠠᠴᠠᠪᠠᠨ ᠲᠠᠪᠢᠨ ᠭᠠᠵᠠᠷᠤᠨ ᠵᠠᠶ᠋ᠢᠳᠠᠢ ᠪᠠᠶ᠋ᠢᠳᠠᠭ ᠪᠤᠯᠬᠤᠷ ᠵᠢᠪᠬᠤᠯᠠᠩ ᠡᠳᠦᠷ ᠪᠦᠷᠢ ᠨᠠᠭ᠋ᠠᠰᠢ ᠴᠠᠭ᠋ᠠᠰᠢ ᠵᠠᠭᠤᠨ ᠭᠠᠵᠠᠷ ᠲᠠᠪᠬᠢᠵᠤ ᠠᠵᠢᠯ ᠵᠶ᠋ᠠᠨ ᠬᠢᠳᠡᠭ ᠪᠠᠶ᠋ᠢᠯᠠ᠃ 《ᠳᠤᠬᠠᠢ ᠵᠢᠨ ᠦᠶᠡᠳᠤ ᠶᠠᠭᠤ ᠪᠤᠳᠤᠭ᠋ᠠᠳ ᠮᠤᠳᠤ ᠳᠠᠷᠢᠬᠤ ᠵᠢ ᠰᠠᠨᠠᠪᠠ？》 ᠬᠡᠵᠦ ᠠᠵᠢᠯ ᠬᠢᠵᠦ ᠪᠠᠶ᠋ᠢᠭᠠ ᠵᠢᠪᠬᠤᠯᠠᠩᠠᠴᠠ ᠠᠰᠠᠭᠤᠪᠠᠯ ᠲᠡᠷᠡ᠄ 《ᠮᠠᠨᠤ ᠠᠳᠡ ᠵᠢᠯ ᠪᠦᠷᠢ ᠵᠢᠨ ᠬᠠᠪᠤᠷ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ ᠰᠠᠯᠬᠢ ᠰᠢᠭᠤᠷᠭᠠ ᠶᠡᠭᠡ ᠳᠤᠯᠠ ᠮᠠᠯᠳᠤᠪᠠᠨ ᠨᠦᠮᠦᠷᠢ ᠭᠠᠷᠭ᠋ᠠᠬᠤ ᠵᠢᠨ ᠲᠦᠯᠦᠬᠡ᠂ ᠮᠦᠨ ᠴᠦ᠍ ᠨᠤᠲᠤᠭ ᠪᠡᠯᠴᠢᠭᠡᠷᠲᠤᠪᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠤᠷᠴᠢᠨᠢ ᠪᠤᠢ ᠪᠤᠯᠭ᠋ᠠᠵᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠵᠶ᠋ᠠᠨ ᠬᠠᠮᠠᠭ᠋ᠠᠯᠠᠵᠤ᠂ ᠬᠤᠶ᠋ᠢᠴᠢ ᠦᠶᠡᠳᠤᠪᠠᠨ ᠶᠠᠭᠤ ᠨᠢᠬᠡ ᠵᠢ ᠦᠯᠡᠳᠡᠭᠡᠶᠡ ᠭᠡᠰᠡᠨ ᠵᠤᠷᠢᠯᠭᠠᠠᠴᠠ ᠶᠤᠮ》 ᠭᠡᠪᠡ᠃
ᠵᠢᠪᠬᠤᠯᠠᠩ 2014 ᠤᠨᠳᠤ ᠡᠸᠡᠩᠬᠢ ᠬᠤᠰᠢᠭᠤᠨᠤ ᠤᠢ ᠰᠢᠭᠤᠢ ᠵᠢᠨ ᠳᠤᠪᠴᠢᠶᠠᠲᠠᠢ ᠬᠡᠷᠡ ᠳᠤᠭᠳᠠᠵᠤ᠂ 500 ᠮᠤ᠌ ᠭᠠᠵᠠᠷᠲᠤ 3 ᠲᠦᠮᠡ ᠭᠠᠷᠤᠢ ᠰᠠᠭᠤᠷᠢ ᠮᠤᠳᠤ ᠲᠠᠷᠢᠭᠰᠠᠨ ᠪᠠᠶ᠋ᠢᠯᠠ᠃ ᠬᠡᠷᠡᠳᠤ ᠤᠢ ᠰᠢᠭᠤᠢ ᠵᠢᠨ ᠳᠤᠪᠴᠢᠶᠠᠠᠴᠠ 3 ᠲᠦᠮᠡ ᠭᠠᠷᠦᠢ 20 ᠰᠡᠨᠲ᠋ᠢᠮᠧᠳ᠋ᠷ ᠬᠢᠷᠢ ᠵᠢᠨ ᠨᠢᠯᠬᠠ ᠨᠠᠷᠠᠰᠤ ᠵᠢ ᠵᠦᠪᠬᠡᠨ ᠳᠠᠷᠢᠵᠤ ᠦᠭᠬᠦᠠᠴᠠ ᠪᠢᠰᠢ ᠬᠤᠵᠢᠮᠤᠨ ᠠᠷᠠᠴᠢᠯᠠᠬᠤ ᠠᠵᠢᠯᠢ ᠬᠠᠮᠢᠶᠠᠷᠠᠬᠤ ᠦᠬᠡᠢ ᠭᠡᠰᠡᠨ ᠪᠠᠶ᠋ᠢᠵᠠᠢ᠃ ᠡᠶ᠋ᠢᠮᠤ ᠵᠢᠨ ᠳᠤᠯᠠ ᠡᠳᠡᠬᠡᠷ ᠵᠤᠯᠵᠠᠭ᠋ᠠᠨ ᠨᠠᠷᠠᠰᠤ ᠵᠢ ᠠᠷᠠᠴᠢᠯᠠᠵᠤ ᠬᠠᠮᠠᠭ᠋ᠠᠯᠠᠬᠤᠨᠢ ᠬᠠᠷᠢᠨ ᠳᠤᠮᠤ ᠠᠵᠢᠯ ᠪᠠᠶ᠋ᠢᠯᠠ᠃ ᠬᠠᠷᠠᠭᠠ ᠠᠯᠳᠠᠮᠠ ᠬᠡᠳᠦᠨ ᠲᠦᠮᠡᠨ ᠨᠢᠯᠬᠠ ᠨᠠᠷᠠᠰᠤᠨᠢ ᠦᠯᠦᠭᠡᠢᠲᠠᠢ ᠬᠡᠤᠬᠡᠳ ᠰᠢᠭ ᠬᠠᠯᠠᠭᠤᠬᠠᠨ ᠬᠠᠷᠠᠭᠲᠠᠵᠤ᠂ ᠮᠤᠩᠭᠤᠯ ᠬᠦᠮᠤᠨᠤ ᠴᠠᠶ᠋ᠢᠯᠭ᠋ᠠᠨ ᠰᠠᠨᠠᠭᠠ ᠡᠷᠡ ᠬᠦᠮᠤᠨᠤ ᠬᠠᠳᠠᠭᠤ ᠵᠤᠷᠢᠭᠢ ᠬᠦᠪᠴᠢᠯᠡᠵᠦ᠂ ᠡᠳᠡᠭᠡᠷ ᠨᠠᠷᠠᠰᠤᠪᠠᠨ ᠶᠠᠭ᠋ᠠᠬᠢᠭᠰᠠᠨ ᠴᠦ᠍ ᠪᠦᠷ ᠡᠳᠡᠭᠡᠷᠡᠵᠦ ᠠᠪᠤᠶᠠ ᠬᠡᠵᠦ ᠰᠢᠭᠤᠳᠤᠭᠰᠠᠨ ᠭᠡᠳᠡᠭ᠃ 《ᠡᠷᠡ ᠬᠦᠮᠤᠨ ᠰᠠᠨᠠᠭᠰᠠᠨᠳᠤᠪᠠᠨ᠂ ᠡᠮᠡᠭᠡᠯᠳᠦ ᠮᠤᠷᠢ ᠵᠤᠷᠢᠭᠰᠠᠨᠳᠤᠪᠠᠨ》 ᠭᠡᠳᠡᠭ ᠵᠶ᠋ᠠᠷ ᠵᠢᠪᠬᠤᠯᠠᠩ ᠨᠢᠯᠬᠠ ᠨᠠᠷᠠᠰᠤᠪᠠᠨ ᠠᠷᠠᠴᠢᠯᠠᠬᠤ ᠬᠠᠳᠠᠭᠤ ᠪᠡᠷᠭᠡ ᠠᠵᠢᠯ ᠵᠶ᠋ᠠᠨ ᠡᠶ᠋ᠢᠨ ᠬᠦ᠌ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶ᠋ᠢᠯᠠ᠃ ᠶᠠᠭᠤᠨᠤ ᠡᠮᠦᠨᠡ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠵᠢᠯ ᠪᠤᠯ ᠮᠤᠳᠤ ᠤᠰᠤᠯᠠᠬᠤ ᠠᠵᠢᠯ ᠪᠤᠯᠤᠨᠠ᠃ ᠨᠠᠷᠠᠰᠤ ᠦᠨᠳᠤᠰᠤᠪᠠᠨ ᠬᠠᠳᠬᠤᠵᠤ ᠳᠡᠶ᠋ᠢᠯᠪᠡᠯ ᠰᠠᠶᠢ ᠡᠳᠡᠭᠡᠷᠡᠬᠦ ᠳᠤᠯᠠ ᠨᠢᠯᠬᠠ ᠨᠠᠷᠠᠰᠤᠳᠤ ᠤᠰᠤ ᠬᠠᠩᠭ᠋ᠠᠬᠤᠨᠢ ᠬᠠᠮᠤᠭᠤᠨ ᠴᠢᠬᠤᠯᠠ ᠠᠵᠢᠯ ᠪᠠᠶ᠋ᠢᠯᠠ᠃ ᠬᠡᠳᠡᠯᠡ ᠬᠡᠳᠦᠨ ᠵᠢᠯ ᠳᠠᠷᠠᠭ᠋ᠠᠯᠠᠨ ᠭᠠᠩᠲᠠᠢ᠂ ᠪᠡᠯᠴᠢᠭᠡᠷ ᠪᠠᠰᠠ ᠮᠠᠭᠤ ᠪᠠᠶ᠋ᠢᠭᠰᠠᠨ ᠳᠤᠯᠠ ᠨᠢᠯᠬᠠ ᠨᠠᠷᠠᠰᠤ ᠵᠢ ᠵᠦᠪᠬᠡᠨ ᠬᠦᠮᠤᠨᠤ ᠬᠦᠴᠦᠪᠠᠷ ᠤᠰᠤᠯᠠᠬᠤ ᠯᠠ ᠬᠡᠷᠡᠭ ᠪᠠᠶ᠋ᠢᠯᠠ᠃ ᠡᠳᠦᠷᠲᠤ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠶᠠᠪᠤᠵᠤ ᠭᠤᠷᠪᠠᠨ ᠲᠦᠮᠡ ᠭᠠᠷᠤᠢ ᠰᠠᠭᠤᠷᠢ ᠨᠠᠷᠠᠰᠤ ᠤᠰᠤᠯᠠᠬᠤ ᠭᠡᠳᠡᠭᠨᠢ ᠠᠮᠠᠷ ᠠᠵᠢᠯ ᠪᠢᠰᠢ ᠳ᠋ᠠ᠃ ᠵᠢᠪᠬᠤᠯᠠᠩ ᠪᠦᠰᠡᠬᠦᠢ ᠰᠤᠪᠤᠳᠲᠠᠢᠪᠠᠨ ᠬᠤᠶᠠᠭᠤᠯᠠᠪᠠᠨ ᠪᠤᠷᠪᠢ ᠨᠤᠭᠤᠷᠠᠯ ᠦᠬᠡᠢ ᠠᠵᠢᠯᠯᠠᠭ᠋ᠠᠳ ᠨᠢᠬᠡ ᠡᠳᠦᠷ ᠮᠢᠩᠭᠠ ᠭᠠᠷᠤᠢ ᠰᠠᠭᠤᠷᠢ ᠮᠤᠳᠤ ᠤᠰᠤᠯᠠᠳᠠᠭ ᠪᠠᠶ᠋ᠢᠵᠠᠢ᠃ ᠡᠨᠡ ᠶᠠᠩᠵᠤᠪᠠᠷ ᠦᠷᠬᠦᠯᠵᠢᠯᠡᠬᠦ ᠶᠤᠮ ᠪᠤᠯ ᠨᠢᠬᠡ ᠪᠦᠯᠦᠭ ᠨᠠᠷᠠᠰᠤ ᠵᠢ ᠤᠰᠤᠯᠠᠵᠤ ᠪᠠᠷᠠᠬᠤᠠᠴᠠ ᠡᠮᠦᠨᠡ ᠨᠦᠬᠦᠬᠡ ᠪᠦᠯᠦᠭᠨᠢ ᠳᠠᠬᠢᠨ ᠬᠠᠳᠠᠵᠤ᠂ ᠶᠠᠭ ᠵᠠᠪᠳᠤᠬᠤ ᠦᠬᠡᠢ ᠪᠤᠯᠤᠭᠰᠠᠨ ᠳᠤᠯᠠ ᠵᠢᠪᠬᠤᠯᠠᠩ ᠲᠦᠷᠪᠡᠨ ᠬᠦᠮᠤᠨᠢ ᠡᠳᠦᠷᠲᠤ ᠨᠢᠬᠡ ᠬᠦᠮᠤᠨᠢ 150 ᠲᠦᠭᠦᠷᠢᠭ ᠵᠶ᠋ᠠᠷ ᠬᠦᠯᠦᠰᠦᠯᠡᠵᠦ ᠨᠠᠷᠠᠰᠤᠪᠠᠨ ᠤᠰᠤᠯᠠᠭᠰᠠᠨ ᠪᠠᠶ᠋ᠢᠪᠠ᠃ 2014 ᠤᠨᠠᠴᠠ 2016 ᠤᠨ ᠪᠤᠯᠳᠠᠯᠠ 3 ᠵᠢᠯ ᠳᠠᠷᠠᠭ᠋ᠠᠯᠠᠨ ᠨᠠᠷᠠᠰᠤᠪᠠᠨ ᠤᠰᠤᠯᠠᠭᠰᠠᠨᠠᠴᠠ ᠡᠳᠦᠬᠡ ᠭᠤᠷᠪᠠᠨ ᠲᠦᠮᠡ ᠭᠠᠷᠤᠢ ᠨᠠᠷᠠᠰᠤᠨ ᠮᠤᠳᠤᠨᠤ ᠵᠠᠭᠤᠨᠤ ᠨᠠᠶᠠᠨᠢ ᠡᠳᠡᠭᠡᠷᠡᠵᠦ᠂ ᠳᠤᠬᠠᠢ ᠵᠢᠨ ᠦᠶᠡ ᠵᠢᠨ 20 ᠰᠡᠨᠲ᠋ᠢᠮᠧᠳ᠋ᠷᠤᠨ ᠨᠢᠯᠬᠠ ᠨᠠᠷᠠᠰᠤᠨᠢ ᠡᠳᠦᠬᠡ 2ᠠᠴᠠ 3 ᠮᠧᠳ᠋ᠷᠤᠨ ᠦᠨᠳᠤᠷ ᠨᠠᠷᠠᠰᠤ ᠪᠤᠯᠵᠤ᠂ ᠵᠢᠭᠳᠡᠷᠡᠨ ᠨᠤᠭᠤᠭ᠋ᠠᠷᠠᠬᠤ ᠨᠠᠷᠠᠰᠤᠨ ᠤᠢᠨᠢ ᠨᠤᠳᠤᠭᠤᠨ ᠴᠢᠮᠡᠭ ᠪᠤᠯᠤᠨ ᠳᠤᠩ ᠰᠠᠶ᠋ᠢᠬᠠᠨ ᠬᠠᠷᠠᠭᠳᠠᠨᠠ᠃ ᠵᠢᠪᠬᠤᠯᠠᠩ ᠪᠢᠳᠠᠨᠢ ᠳᠠᠭ᠋ᠠᠭᠭᠤᠯᠤᠨ ᠨᠠᠷᠠᠰᠤᠨ ᠳᠤᠮᠳᠠ ᠶᠠᠪᠤᠬᠤᠳᠠᠭᠠᠨ ᠨᠠᠷᠠᠰᠤᠪᠠᠨ ᠬᠠᠷᠠᠨ ᠬᠠᠷᠠᠨ ᠤᠮᠤᠭᠰᠢᠵᠤ᠂ ᠪᠠᠶ᠋ᠢᠨ ᠪᠠᠶ᠋ᠢᠨ ᠡᠨᠡ ᠲᠡᠷᠡ ᠵᠢᠨᠢ ᠵᠠᠰᠠᠨ᠂ ᠬᠠᠶᠠ ᠪᠦᠬᠦ᠋ᠢ᠍ᠨ ᠰᠠᠯᠬᠢᠨᠳᠤ ᠬᠡᠶ᠋ᠢᠰᠴᠦ ᠢᠷᠡᠭᠰᠡᠨ ᠬᠤᠭ ᠨᠤᠪᠰᠢ ᠵᠢ ᠴᠡᠪᠡᠷᠯᠡᠨ ᠶᠠᠪᠤᠬᠤᠨᠢ ᠠᠪᠤ ᠬᠦᠮᠤᠨᠤ ᠡᠨᠡᠷᠢᠩᠬᠦᠢ ᠪᠠᠶ᠋ᠢᠳᠠᠯ ᠢᠯᠡᠷᠭᠡᠢ ᠬᠠᠷᠠᠭᠳᠠᠬᠤ ᠶᠤᠮ᠃ ᠨᠠᠷᠠᠰᠤᠨᠤ ᠳᠤᠮᠳᠠ ᠨᠡᠭᠡᠷᠡᠨ ᠨᠦᠮᠦᠷᠢᠲᠠᠢ᠂ ᠬᠦᠷᠦᠰᠦᠨᠢ ᠴᠢᠬᠢᠭᠲᠠᠢ᠂ ᠤᠷᠴᠢᠨ ᠳᠤᠭᠤᠷᠢᠨᠤ ᠡᠪᠡᠰᠦ ᠤᠷᠭᠤᠮᠠᠯᠤᠨ ᠤᠷᠭᠤᠴᠠᠨᠢ ᠴᠦ᠍ ᠰᠠᠶ᠋ᠢᠨ ᠪᠠᠶ᠋ᠢᠵᠤ᠂ ᠠᠷᠭ᠋ᠠᠯ ᠬᠤᠮᠤᠯ ᠠᠳᠠ ᠳᠡᠨᠳᠠ ᠬᠠᠷᠠᠭᠳᠠᠬᠤᠪᠠᠷ ᠦᠵᠡᠪᠡᠯ ᠠᠳᠤᠭᠤ ᠮᠠᠯ ᠨᠠᠷᠠᠰᠤᠨ ᠳᠤᠮᠳᠠ ᠢᠷᠡᠵᠦ ᠨᠦᠮᠦᠷᠳᠡᠳᠡᠭ ᠶᠤᠮ ᠪᠠᠶ᠋ᠢᠨᠠ᠃ ᠨᠠᠷᠠᠰᠦ ᠤᠰᠤᠯᠠᠬᠤ ᠶᠠᠪᠤᠳᠠᠯᠢ ᠶᠠᠷᠢᠬᠤᠳᠤ ᠵᠢᠪᠬᠤᠯᠠᠩᠤᠨ ᠬᠤᠳᠳᠤᠭ ᠮᠠᠯᠳᠠᠭᠰᠠᠨ ᠦᠯᠢᠭᠡᠷᠢ ᠪᠠᠰᠠ ᠳᠤᠭ᠋ᠠᠴᠢᠬᠤ ᠶᠤᠰᠤᠳᠠᠢ᠃
ᠵᠢᠪᠬᠤᠯᠠᠩᠤᠨ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠵᠢᠨ ᠤᠷᠴᠢᠮ ᠬᠤᠳᠳᠤᠭ ᠦᠬᠡᠢ ᠤᠴᠢᠷ ᠬᠦᠮᠤᠨ ᠮᠠᠯᠤᠨ ᠤᠰᠤ ᠤᠤᠭᠤᠬᠤᠨᠢ ᠶᠡᠭᠡ ᠠᠰᠠᠭᠤᠳᠠᠯ ᠪᠤᠯᠵᠤ ᠪᠠᠶ᠋ᠢᠪᠠ᠃ ᠵᠢᠪᠬᠤᠯᠠᠩ ᠬᠤᠳᠳᠤᠭ ᠮᠠᠯᠳᠠᠬᠤ ᠵᠢᠨ ᠲᠦᠯᠦᠬᠡ 2007 ᠤᠨᠠᠴᠠ ᠡᠬᠢᠯᠡᠵᠦ ᠳᠠᠪᠤᠨ ᠵᠢᠯᠤᠨ ᠬᠤᠭᠤᠴᠠᠭᠠ ᠵᠠᠷᠤᠴᠠᠭᠤᠯᠵᠤ ᠪᠠᠶ᠋ᠢᠭ᠋ᠠᠳ 2012 ᠤᠨᠳᠤ ᠰᠠᠶᠢ ᠦᠨᠦᠳᠦᠷᠤᠨ 150 ᠮᠧᠳ᠋ᠷᠤᠨ ᠬᠦᠨ ᠬᠠᠳᠠᠨ ᠬᠤᠳᠳᠤᠭᠢ ᠮᠠᠯᠳᠠᠭᠰᠠᠨ ᠪᠠᠶ᠋ᠢᠪᠠ᠃ 《ᠪᠢ ᠲᠡᠷᠡ ᠦᠶᠡᠳᠤ ᠵᠢᠯ ᠵᠢᠯ ᠬᠤᠳᠳᠤᠭ ᠮᠠᠯᠳᠠᠨᠠ᠂ ᠨᠢᠬᠡ ᠮᠠᠯᠳᠠᠪᠠᠯ ᠬᠤᠶᠠᠷ ᠭᠤᠷᠪᠠᠨ ᠲᠦᠮᠡᠨ ᠲᠦᠭᠦᠷᠢᠭ ᠤᠷᠤᠨᠠ᠃ ᠡᠨᠡ ᠬᠤᠳᠳᠤᠭ ᠪᠤᠯ ᠳᠤᠯᠤᠳᠤᠭ᠋ᠠᠷ ᠬᠤᠳᠳᠤᠭ ᠪᠤᠯᠤᠨᠠ᠃ ᠬᠤᠳᠳᠤᠭ ᠮᠠᠯᠳᠠᠭ᠋ᠠᠳ ᠪᠢ ᠪᠠᠰᠠ ᠠᠷᠪᠠᠨ ᠬᠡᠳᠦᠨ ᠲᠦᠮᠡᠨ ᠲᠦᠬᠦᠷᠢᠭ ᠵᠠᠷᠤᠭᠰᠠᠨ ᠰᠢᠤ！ ᠮᠠᠨᠤ ᠠᠳᠠ 40 ᠮᠧᠳ᠋ᠷᠠᠴᠠ ᠳᠤᠷᠤᠭᠰᠢ ᠪᠤᠯᠪᠠᠯ ᠪᠦᠷ ᠴᠢᠯᠠᠭᠤ᠂ ᠲᠡᠷᠡ ᠦᠶᠡᠳᠤ ᠪᠠᠭ᠋ᠠᠵᠢ ᠰᠠᠶ᠋ᠢᠨ ᠪᠢᠰᠢ ᠪᠤᠯᠬᠤᠷ ᠬᠤᠳᠳᠤᠭ ᠮᠠᠯᠳᠠᠬᠤᠳᠤ ᠶᠡᠭᠡ ᠬᠦᠴᠢᠷᠳᠡᠵᠦ ᠪᠠᠶ᠋ᠢᠵᠠᠢ᠃ ᠰᠡᠬᠦᠯᠡᠷᠨᠢ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠤᠰᠤᠨᠤ ᠶᠠᠪᠤᠳᠠᠯᠤᠨ ᠳᠤᠪᠴᠢᠶᠠᠨ ᠳᠠᠷᠤᠭᠠ ᠪᠠᠶ᠋ᠢᠭᠰᠠᠨ ᠰᠠᠷᠠᠨᠪᠠᠳᠤ ᠳᠤᠰᠬᠠᠶ᠋ᠢᠯᠠᠨ ᠰᠢᠨᠡ ᠤᠷᠤᠭᠤᠯᠤᠭᠰᠠᠨ ᠴᠢᠯᠠᠭᠤ ᠦᠷᠦᠮᠳᠡᠳᠡᠭ ᠮᠠᠰᠢᠨ ᠵᠶ᠋ᠠᠷ ᠰᠠᠶᠢ ᠡᠨᠡ ᠬᠤᠳᠳᠤᠭᠢ ᠮᠠᠯᠲᠠᠵᠤ ᠤᠰᠤ ᠭᠠᠷᠭ᠋ᠠᠭᠰᠠᠨ ᠶᠤᠮ᠃ 〈ᠤᠰᠤ ᠵᠢᠨᠢ ᠤᠤᠭᠤᠪᠠᠯ ᠡᠬᠢ ᠵᠢᠨᠢ ᠪᠤᠤ ᠮᠠᠷᠳᠠ〉 ᠭᠡᠳᠡᠭ ᠵᠶ᠋ᠠᠷ ᠪᠢ ᠬᠡᠵᠢᠶᠡᠳᠡᠪᠠᠨ ᠰᠠᠷᠠᠨᠪᠠᠳᠤ ᠳᠠᠷᠤᠭᠠᠳᠤ ᠪᠠᠶᠠᠷᠯᠠᠵᠤ ᠶᠠᠪᠤᠳᠠᠭ ᠶᠤᠮ》 ᠬᠡᠵᠦ ᠵᠢᠪᠬᠤᠯᠠᠩ ᠬᠤᠳᠳᠤᠭᠤᠨ ᠤᠰᠤᠪᠠᠨ ᠬᠠᠷᠠᠨ ᠰᠡᠳᠬᠢᠯ ᠳᠤᠭᠳᠤᠯᠤᠨ ᠶᠠᠷᠢᠪᠠ᠃ ᠡᠳᠦᠬᠡ ᠳᠤᠰ ᠬᠤᠳᠳᠤᠭᠨᠢ ᠡᠨᠡ ᠤᠷᠴᠢᠮᠤᠨ ᠬᠦᠮᠤᠨ ᠮᠠᠯᠤᠨ ᠤᠤᠭᠤᠬᠤ ᠤᠰᠤ ᠵᠢ ᠬᠠᠩᠭ᠋ᠠᠵᠤ ᠪᠠᠶ᠋ᠢᠬᠤ ᠮᠦᠷᠳᠡᠬᠡᠨ ᠶᠠᠮᠠᠷ ᠴᠦ᠍ ᠦᠨᠡ ᠲᠦᠯᠦᠪᠦᠷᠢ ᠠᠪᠳᠠᠭ ᠦᠬᠡᠢ ᠪᠠᠶ᠋ᠢᠯᠠ᠃ ᠵᠢᠪᠬᠤᠯᠠᠩ ᠰᠦᠷᠦᠭ ᠠᠳᠤᠭᠤᠪᠠᠨ ᠬᠤᠳᠳᠤᠭ ᠤᠷᠤᠭᠤ ᠳᠠᠭᠤᠭ᠋ᠠᠳ ᠢᠷᠡᠬᠦᠨᠢ ᠶᠠᠭ ᠯᠠ ᠳᠠᠭᠤᠨᠳᠤ ᠳᠠᠭᠤᠯᠠᠳᠠᠭ ᠰᠢᠭ᠋᠄ ᠴᠤᠯᠪᠤᠭᠤᠷ ᠴᠢᠳᠤᠷᠲᠤ ᠨᠤᠮᠤᠬᠠᠷᠠᠭᠠ ᠦᠬᠡᠢ᠂ ᠴᠤᠪᠤᠭᠤ ᠬᠡᠶ᠋ᠢᠮᠦᠷᠢᠳᠡᠢ ᠮᠤᠩᠭᠤᠯ ᠠᠳᠤᠭᠤ᠂ ᠴᠤᠷᠬᠢᠨ ᠢᠨᠴᠠᠭ᠋ᠠᠵᠤ ᠴᠦᠢ᠍ᠯᠠᠨ ᠬᠤᠷᠳᠤᠯᠠᠭ᠋ᠠᠳ᠂ ᠴᠤᠭᠬᠢᠭ᠋ᠠᠳ ᠳᠠᠯᠠᠪᠠᠷ ᠬᠦᠶᠦᠭᠡᠳ ᠢᠷᠡᠬᠦ ᠮᠡᠳᠦ ᠬᠠᠷᠠᠭᠳᠠᠨᠠ᠃
ᠵᠢᠪᠬᠤᠯᠠᠩ ᠵᠤᠭᠰᠤᠯ ᠦᠬᠡᠢ ᠠᠵᠢᠯ ᠵᠶ᠋ᠠᠨ ᠬᠢᠵᠦ ᠶᠠᠪᠤᠨᠠ᠃ ᠤᠶ᠋ᠢᠷᠠᠳᠤ ᠪᠠᠰᠠ ᠨᠢᠬᠡ ᠪᠦᠯᠦᠭ ᠵᠢᠵᠢᠭ ᠨᠠᠷᠠᠰᠤ ᠠᠪᠴᠤ ᠪᠠᠷᠠᠭᠤᠨ ᠳᠠᠯᠠᠪᠠᠷᠨᠢ ᠨᠦᠬᠦᠵᠦ ᠳᠠᠷᠢᠭᠰᠠᠨ ᠳᠤᠯᠠ ᠪᠦᠰᠡᠬᠦᠢ ᠰᠤᠪᠤᠳᠲᠠᠢ ᠬᠤᠶᠠᠭᠤᠯᠠ ᠨᠠᠷᠠᠰᠤᠪᠠᠨ ᠤᠰᠤᠯᠠᠵᠤ ᠶᠠᠭ᠋ᠠᠷᠠᠨᠠ᠃ ᠠᠷᠪᠠᠭ᠋ᠠᠳ ᠵᠢᠯ ᠮᠤᠳᠤ ᠠᠷᠠᠴᠢᠯᠠᠭ᠋ᠠᠳ ᠵᠢᠪᠬᠤᠯᠠᠩ ᠨᠠᠷᠠᠰᠤ ᠳᠠᠷᠢᠬᠤ ᠳᠤᠷᠰᠢᠯᠭᠠ ᠨᠡᠮᠡᠭᠳᠡᠵᠦ ᠪᠢᠳᠠᠨᠳᠤ ᠨᠠᠷᠠᠰᠤᠨᠤ ᠤᠷᠭᠤᠴᠠ ᠵᠢᠨ ᠳᠤᠬᠠᠢ ᠳᠠᠶ᠋ᠢᠯᠪᠤᠷᠢ ᠬᠢᠵᠦ ᠶᠠᠪᠤᠨᠠ᠃ ᠲᠡᠷᠡ ᠪᠢᠳᠠᠨᠳᠤ᠄ 《ᠬᠦᠳᠡᠯᠮᠦᠷᠢ ᠪᠤᠯ ᠬᠦᠮᠤᠨᠢ ᠪᠠᠶᠠᠵᠢᠭᠤᠯᠬᠤᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠶᠠᠰᠬᠠᠳᠠᠭ᠃ ᠪᠢ ᠪᠤᠯ ᠠᠵᠢᠯ ᠬᠢᠬᠦ ᠳᠤᠷᠠᠲᠠᠢ᠃ ᠮᠦᠨ ᠴᠦ᠍ ᠠᠵᠢᠯᠢ ᠰᠠᠶ᠋ᠢᠨ ᠬᠢᠨᠠ》 ᠬᠡᠵᠦ ᠢᠨᠢᠶᠡᠨ ᠶᠠᠷᠢᠨᠠ᠃ ᠨᠡᠭᠡᠷᠡᠨ ᠴᠦ᠍ ᠠᠵᠢᠯᠢ ᠰᠠᠶ᠋ᠢᠨ ᠬᠢᠨᠡ᠃ ᠨᠢᠬᠡ ᠡᠳᠦᠷᠤᠨ ᠰᠤᠷᠪᠤᠯᠵᠢᠯᠠᠭᠠ ᠠᠪᠬᠤ ᠳᠤᠮᠳᠠ ᠳᠡᠬᠦᠨᠤ ᠠᠮᠠᠷᠠᠭᠰᠠᠨᠢ ᠶᠡᠷᠦ ᠤᠯᠵᠤ ᠦᠵᠡᠭᠡ ᠦᠬᠡᠢ᠃ ᠵᠢᠪᠬᠤᠯᠠᠩ ᠪᠤᠯ ᠬᠦᠳᠡᠯᠮᠤᠷᠢᠪᠠᠷ ᠬᠦᠷᠦᠩᠭᠡᠵᠢᠵᠦ᠂ ᠬᠦᠯᠦᠰᠦᠪᠠᠷ ᠴᠢᠨᠡᠭᠡᠯᠢᠭᠵᠢᠭᠰᠡᠨ ᠪᠤᠳᠠᠳᠤ ᠵᠢᠱ᠌ᠢᠶᠡ ᠪᠤᠯᠤᠨᠠ᠃
ᠠᠵᠢᠯᠴᠢ ᠮᠦᠷᠳᠡᠭᠡᠨ ᠬᠤᠯᠠ ᠵᠢᠨ ᠬᠠᠷᠠᠯᠳᠠᠲᠠᠢ ᠵᠢᠪᠬᠤᠯᠠᠩᠳᠤ ᠪᠢᠳᠠ ᠦᠪᠡᠷᠤᠨ ᠡᠷᠬᠡ ᠦᠬᠡᠢ ᠪᠢᠰᠢᠷᠡᠵᠦ ᠬᠦᠨᠳᠦᠳᠭᠡᠬᠦ ᠰᠡᠳᠬᠢᠯ ᠲᠦᠷᠦᠭᠳᠡᠵᠦ᠂ ᠭᠡᠰᠢᠭ ᠬᠤᠷᠦ᠋ᠢ᠍ᠯᠠᠵᠤ ᠬᠡᠶ᠋ᠢᠮᠦᠷᠢ ᠮᠠᠨᠳᠤᠬᠤ ᠪᠤᠯᠳᠤᠭ᠋ᠠᠢ ᠭᠡᠳ ᠨᠢᠬᠡ ᠡᠳᠦᠷᠤᠨ ᠰᠤᠷᠪᠤᠯᠵᠢᠯᠠᠭᠠᠪᠠᠨ ᠦᠨᠳᠦᠷᠯᠡᠬᠦᠯᠦᠯᠡ᠃ ᠰᠤᠷᠪᠤᠯᠵᠢᠯᠠᠭᠴᠢ ᠪᠢᠴᠢᠨ