ᠤᠢ᠍ᠢ᠍ᠷᠠᠳᠤ᠂ ᠪᠦᠬᠦ ᠤᠯᠤᠰᠤᠨ ᠠᠩᠬᠠᠳᠠᠭᠴᠢ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠴᠢᠨᠠᠷᠲᠠᠢ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠳᠠᠭ᠋ᠠᠳᠬᠠᠯᠤᠨ ᠭᠡᠷᠡ ᠲᠣᠭᠲᠠᠬᠤ ᠶᠣᠰᠣᠯᠠᠯ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠵᠢᠨ ᠤᠷᠠᠳᠤᠨ ᠬᠤᠶ᠋ᠢᠲᠤ ᠬᠤᠰᠢᠭᠤᠨᠳᠤ ᠶᠠᠪᠤᠭᠳᠠᠵᠤ᠂ ᠲᠤᠰ ᠬᠤᠰᠢᠭᠤᠨᠤ ᠬᠥᠭᠡᠴᠢ ᠰᠤᠮᠤ ᠵᠢᠨ ᠪᠠᠯᠠᠠᠭᠤᠯᠠ ᠭᠠᠴᠠᠭ᠋ᠠᠨᠤ 77 ᠡᠷᠦᠬᠡ ᠵᠢᠨ 115.7 ᠲᠦᠮᠡᠨ ᠮᠦ᠍ ᠨᠤᠲᠤᠭ ᠪᠡᠯᠴᠢᠭᠡᠷ ᠳᠠᠭ᠋ᠠᠳᠬᠠᠯᠤᠨ ᠬᠠᠮᠠᠭ᠋ᠠᠯᠠᠯᠳᠠᠲᠠᠢ ᠪᠤᠯᠪᠠ᠃ ᠤᠷᠠᠳᠤᠨ ᠬᠤᠶ᠋ᠢᠲᠤ ᠬᠤᠰᠢᠭᠤᠨᠤ ᠡᠨᠡ ᠬᠦ᠌ ᠲᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢᠨ ᠴᠢᠨᠠᠷᠲᠠᠶ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠤᠷᠰᠢᠯᠲᠠ ᠵᠢᠨ ᠴᠡᠭᠤᠨ ᠲᠥᠷᠥᠯ ᠵᠦᠢ᠍ᠯᠨᠢ ᠪᠥᠬᠦ ᠤᠯᠤᠰᠤᠨ ᠠᠩᠬᠠᠳᠠᠭᠴᠢ ᠵᠢᠱ᠌ᠢᠶᠡ ᠪᠤᠯᠵᠤ ᠪᠣᠬᠢᠷᠲᠤᠯ ᠥᠬᠡᠶ ᠴᠢᠨᠠᠷ ᠰᠠᠶ᠋ᠢᠳᠠᠢ ᠬᠥᠭᠵᠢᠯᠲᠡ ᠵᠢᠨ ᠤᠢ᠍ᠢ᠍ᠯᠠᠭ᠋ᠠᠭᠳᠠᠬᠤᠨᠢ ᠦᠢ᠍ᠯᠡᠳᠦᠯᠭᠡᠵᠢᠭᠦᠯᠦᠭᠰᠡᠨ ᠴᠣ᠌ ᠰᠢᠨᠡ ᠲᠤᠷᠰᠢᠴᠠ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠦᠪᠦᠷ ᠮᠤᠩᠭᠤᠯᠢ 《ᠠᠷᠪᠠᠨ ᠵᠢᠯᠤᠨ ᠬᠢᠨᠢ ᠶᠢᠰᠤᠨ ᠵᠢᠯᠨᠢ ᠭᠠᠩᠲᠠᠢ》 ᠬᠡᠳᠡᠭ᠃ ᠭᠠᠩ ᠬᠠᠭᠰᠠᠷᠠᠭ᠋ᠠᠨ᠂ ᠬᠤᠷᠤᠬᠠᠢ ᠰᠢᠪᠡᠵᠢ ᠬᠤᠯᠤᠭ᠋ᠠᠨᠠ ᠵᠢᠨ ᠬᠦᠨᠦᠭᠡᠯᠨᠢ ᠨᠤᠳᠤᠭ ᠪᠡᠯᠴᠢᠭᠡᠷᠤᠨ ᠡᠪᠡᠰᠤᠨᠤ ᠤᠷᠭᠤᠴᠠ ᠵᠢ ᠨᠦᠯᠦᠭᠡᠯᠡᠭᠰᠡᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠯᠴᠢᠨ ᠲᠦᠮᠡᠨᠤ ᠦᠢ᠍ᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠢ ᠴᠦ᠍ ᠬᠦᠨᠳᠤ ᠨᠤᠴᠢᠳᠠᠢ ᠨᠦᠯᠦᠭᠡᠯᠡᠭᠰᠡᠬᠡᠷ ᠢᠷᠡᠵᠠᠢ᠃ ᠡᠬᠦᠨᠳᠤ ᠤᠷᠠᠳᠤᠨ ᠬᠤᠶ᠋ᠢᠲᠤ ᠬᠤᠰᠢᠭᠤ ᠢᠳᠡᠪᠬᠢᠳᠠᠢ ᠰᠦᠪᠡᠭᠴᠢᠯᠡᠯᠳᠡ ᠬᠢᠵᠤ᠂ ᠳᠠᠭ᠋ᠠᠳᠬᠠᠯᠤᠨ ᠵᠠᠷᠤᠳᠠᠯᠢ ᠣᠷᠣᠨ ᠨᠤᠲᠤᠭᠤᠨ ᠡᠳ᠋ᠤᠨ ᠵᠠᠰᠠᠭᠠᠴᠠ ᠨᠥᠬᠦᠪᠥᠷᠢᠯᠡᠬᠦ ᠲᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢᠨ ᠴᠢᠨᠠᠷᠲᠠᠶ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠤᠷᠰᠢᠯᠲᠠ ᠵᠢ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃ ᠡᠨᠡ ᠬᠦ᠌ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠬᠰᠠᠨ ᠮᠠᠯᠴᠢᠳ ᠬᠡᠷᠪᠡ ᠭᠠᠩ ᠬᠠᠭᠰᠠᠷᠠᠭ᠋ᠠᠨ᠂ ᠬᠤᠷᠣᠬᠠᠶ ᠰᠢᠪᠠᠵᠢ ᠬᠤᠯᠤᠭ᠋ᠠᠨᠠ ᠵᠢᠨ ᠬᠥᠨᠥᠭᠡᠯ᠂ ᠡᠯᠡᠰᠦᠨ ᠰᠢᠭᠤᠷᠭᠠ ᠪᠠ ᠲᠦᠢ᠍ᠮᠠᠷᠤᠨ ᠭᠠᠮᠰᠢᠭ ᠵᠡᠷᠭᠡ ᠲᠦᠷᠪᠠᠨ ᠵᠦᠢ᠍ᠯᠤᠨ ᠭᠠᠮᠰᠢᠭ ᠬᠥᠨᠥᠭᠡᠯᠳᠤ ᠤᠴᠠᠷᠠᠪᠠᠯ ᠬᠠᠮᠤᠭᠤᠨ ᠥᠨᠳᠥᠷᠲᠡᠭᠡᠨ 2000 ᠭᠠᠷᠤᠶ ᠲᠦᠮᠡᠨ ᠲᠥᠭᠦᠷᠢᠭᠤᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠲᠤᠯᠠᠭᠠ ᠬᠦᠷᠲᠡᠬᠦ ᠪᠣᠯᠤᠨᠠ᠃
《ᠪᠠᠯᠠᠠᠭᠤᠯᠠ ᠭᠠᠴᠠᠭ᠋ᠠᠨᠤ 70 ᠭᠠᠷᠤᠢ ᠮᠠᠯᠵᠢᠬᠤ ᠡᠷᠦᠭᠡ ᠵᠢᠨ ᠳᠠᠭ᠋ᠠᠭ᠋ᠠᠴᠢᠯᠠᠬᠰᠠᠨ 99 ᠲᠦᠮᠡᠨ ᠮᠦ᠍ ᠨᠤᠳᠤᠭ ᠪᠡᠯᠴᠢᠭᠡᠷ ᠪᠤᠯᠤᠨ ᠭᠠᠴᠠᠭ᠋ᠠᠨᠤ 16.7 ᠲᠦᠮᠡᠨ ᠮᠦ᠍ ᠬᠠᠮᠳᠤ ᠵᠢᠨ ᠬᠠᠳᠤᠯᠠᠩᠢ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠭᠤᠯᠵᠠᠢ᠂ ᠮᠦ᠍ ᠪᠦᠷᠢᠳᠤ ᠲᠤᠰᠢᠶᠠᠬᠤ 1 ᠲᠦᠭᠦᠷᠢᠭᠤᠨ ᠳᠠᠭ᠋ᠠᠳᠬᠠᠯᠤᠨ ᠮᠦᠩᠭᠦᠠᠴᠠ ᠮᠠᠯᠵᠢᠬᠤ ᠡᠷᠦᠭᠡ 0.1 ᠲᠦᠭᠦᠷᠢᠭᠢ ᠬᠠᠷᠢᠭᠤᠴᠠᠵᠤ᠂ ᠬᠤᠰᠢᠭᠤᠨᠤ ᠡᠳ᠋ᠤᠨ ᠵᠠᠰᠠᠭᠠᠴᠠ 0.9 ᠲᠦᠭᠦᠷᠢᠭᠢᠨᠢ ᠤᠷᠤᠯᠠᠨ ᠳᠤᠰᠢᠶᠠᠪᠠ᠂ ᠮᠠᠯᠴᠢᠳᠤᠨ ᠨᠤᠳᠤᠭ ᠪᠡᠯᠴᠢᠭᠡᠷ ᠭᠠᠮᠰᠢᠭᠳᠠᠪᠠᠯ ᠮᠦ᠍ ᠪᠦᠷᠢᠳᠤ ᠬᠠᠮᠤᠭᠤᠨ ᠠᠷᠪᠢᠨᠳᠠᠭᠠᠨ 20 ᠲᠦᠭᠦᠷᠢᠭᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠤᠯᠭᠤᠬᠤ ᠪᠤᠯᠤᠨᠠ᠃ ᠨᠢᠭᠡ ᠵᠢᠯᠤᠨ ᠳᠤᠷᠰᠢᠯᠳᠠ ᠵᠢᠨ ᠴᠡᠭᠤᠨ ᠠᠵᠢᠯᠤᠨ ᠪᠠᠶ᠋ᠢᠳᠠᠯᠢ ᠦᠨᠳᠦᠰᠤᠯᠡᠨ ᠢᠷᠡᠭᠦ ᠵᠢᠯᠳᠤ ᠪᠦᠬᠦ ᠬᠤᠰᠢᠭᠤᠨᠤ 3634 ᠲᠦᠮᠡᠨ ᠮᠦ᠍ ᠨᠤᠳᠤᠭ ᠪᠡᠯᠴᠢᠭᠡᠷᠠᠴᠠ 600 ᠲᠦᠮᠡ ᠰᠢᠬᠠᠮ ᠮᠦ᠍ ᠵᠢᠨᠢ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠭᠤᠯᠬᠤᠪᠠᠷ ᠲᠦᠯᠦᠪᠯᠡᠵᠤ ᠪᠤᠢ》 ᠭᠡᠵᠤ ᠤᠷᠠᠳᠤᠨ ᠬᠤᠶ᠋ᠢᠳᠤ ᠬᠤᠰᠢᠭᠤᠨᠤ ᠤᠢ ᠰᠢᠭᠤᠢ ᠪᠠ ᠨᠤᠳᠤᠭ ᠪᠡᠯᠴᠢᠭᠡᠷᠤᠨ ᠳᠤᠪᠴᠢᠶᠠᠨᠤ ᠳᠡᠳ᠋ ᠳᠠᠷᠤᠭᠠ ᠶᠠᠩ ᠱ᠌ᠢ ᠫᠢᠩ ᠰᠤᠷᠪᠤᠯᠵᠢᠯᠠᠭᠴᠢᠳᠤ ᠳᠠᠨᠢᠯᠴᠠᠭᠤᠯᠤᠨᠠ᠃
ᠮᠠᠨᠤ ᠤᠷᠤᠨᠤ ᠠᠰᠢᠬᠯᠠᠵᠤ ᠪᠤᠯᠬᠤ ᠨᠤᠳᠤᠭ ᠪᠡᠯᠴᠢᠬᠡᠷᠤᠨ ᠬᠤᠷᠠ ᠲᠤᠨᠳᠠᠰᠤᠨᠤ ᠬᠡᠮᠵᠢᠶᠡᠪᠠᠷ ᠪᠠᠭᠠ᠂ ᠠᠮᠢ ᠠᠬᠤᠢ ᠵᠢᠨ ᠰᠢᠰᠲ᠋ᠧᠮ ᠬᠡᠪᠡᠷᠡᠭ ᠪᠤᠯᠬᠤᠷ ᠡᠪᠳᠡᠭᠳᠡᠭᠰᠡᠬᠡᠷ ᠰᠡᠷᠭᠦᠬᠦᠳᠤ ᠬᠦᠴᠢᠷ ᠮᠦᠷᠳᠡᠭᠡᠨ ᠰᠡᠷᠭᠦᠬᠦ ᠦᠶᠡᠯᠡᠯᠤᠨ ᠬᠤᠭᠤᠴᠠᠭᠠᠨᠢ ᠴᠦ᠍ ᠤᠷᠲᠤ ᠪᠠᠶ᠋ᠢᠳᠠᠭ᠃ 2018 ᠣᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠳᠠᠭ᠋ᠠᠳᠬᠠᠯᠤᠨ ᠡᠳ᠋ ᠬᠦᠷᠦᠩᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠤᠨ ᠶᠡᠷᠦᠩᠬᠡᠢ ᠺᠤᠮᠫᠠᠨᠢ ᠵᠢᠨ ᠥᠪᠥᠷ ᠮᠣᠩᠭᠤᠯᠳᠠᠬᠢ ᠬᠤᠪᠢᠶᠠᠷᠢ ᠺᠣᠮᠫᠠᠨᠢᠨᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠳ᠋ᠤᠨ ᠵᠠᠰᠠᠭᠤᠨ ᠲᠢᠩᠬᠢᠮ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠣᠶ ᠰᠢᠭᠤᠶ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠲᠣᠪᠴᠢᠶᠠᠳᠤ ᠪᠥᠬᠦ ᠣᠷᠣᠨᠤ ᠬᠡᠪᠴᠢᠶᠡᠨᠳᠤ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠳᠠᠭ᠋ᠠᠳᠬᠠᠯ ᠥᠷᠨᠢᠭᠦᠯᠬᠦ ᠲᠤᠰᠬᠠᠶ ᠰᠡᠳᠦᠪᠲᠦ ᠰᠠᠨᠠᠭᠤᠯᠭᠠ ᠳᠤᠷᠠᠳᠴᠠᠢ᠃ ᠳᠠᠷᠠᠭᠠᠨᠢ ᠳᠤᠰ ᠺᠣᠮᠫᠠᠨᠢ ᠪᠣᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠳᠠᠭ᠋ᠠᠳᠬᠠᠯᠤᠨ ᠰᠤᠳᠤᠯᠭ᠋ᠠᠨᠢ ᠬᠤᠶᠠᠷ ᠲᠠᠯᠠ ᠵᠢᠨ 《ᠪᠠᠶ᠋ᠢᠯᠳᠤᠬᠤ ᠪᠣᠳᠣᠯᠭᠠ ᠵᠢᠨ ᠬᠠᠮᠲᠤᠷᠠᠯᠴᠠᠭ᠋ᠠᠨᠤ ᠵᠥᠪᠯᠡᠯᠴᠡᠭᠡᠷ》ᠲᠤ ᠣᠷᠣᠭᠤᠯᠪᠠ᠃ ᠡᠨᠡ ᠵᠢᠯᠤᠨ 8 ᠰᠠᠷᠠᠳᠤ᠂ ᠲᠤᠰ ᠬᠤᠪᠢᠶᠠᠷᠢ ᠺᠣᠮᠫᠠᠨᠢ ᠵᠢᠨᠬᠢᠨ ᠤᠯᠤᠰ ᠪᠠ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠬᠠᠮᠢᠶᠠ ᠪᠦᠬᠦᠢ ᠬᠠᠷᠢᠭᠤᠴᠠᠯᠭ᠋ᠠᠲᠠᠨ ᠪᠣᠯᠤᠨ ᠲᠤᠰᠬᠠᠶ ᠮᠡᠷᠭᠡᠵᠢᠯᠲᠡᠨ ᠡᠷᠳᠡᠮᠲᠡᠳᠢ ᠤᠷᠢᠵᠤ᠂ ᠥᠪᠥᠷ ᠮᠣᠩᠭᠤᠯᠤᠨ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠶᠡᠷᠦᠩᠬᠡᠶ᠋ᠢᠯᠡᠭᠰᠡᠨ ᠳᠠᠭ᠋ᠠᠳᠬᠠᠯᠤᠨ ᠲᠤᠷᠰᠢᠯᠲᠠ ᠵᠢᠨ ᠴᠡᠭᠤᠨ ᠠᠵᠢᠯᠤᠨ ᠲᠥᠰᠦᠯᠳᠤ ᠬᠢᠨᠠᠨ ᠲᠣᠭᠲᠠᠭ᠋ᠠᠯᠲᠠ ᠬᠢᠵᠤ᠂ ᠤᠷᠠᠳᠤᠨ ᠬᠤᠶ᠋ᠢᠲᠤ ᠬᠤᠰᠢᠭᠤᠨᠳᠤ ᠲᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢᠨ ᠴᠢᠨᠠᠷᠲᠠᠶ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠤᠷᠰᠢᠯᠲᠠ ᠵᠢ ᠬᠡᠷᠡᠭᠵᠢᠭᠦᠯᠬᠦᠪᠠᠷ ᠲᠣᠭᠲᠠᠵᠤ᠂ ᠪᠤᠳᠠᠳᠠᠢᠳᠤ ᠨᠠᠶ᠋ᠢᠳᠠᠪᠤᠷᠢᠵᠢᠭᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃