ᠮᠠᠯᠵᠢᠬᠤ ᠤᠷᠤᠨ ᠪᠠ ᠪᠤᠰᠤᠳ ᠵᠠᠷᠢᠮ ᠭᠠᠵᠠᠷ ᠤᠷᠤᠨᠲᠠᠬᠢ ᠭᠠᠵᠠᠷᠤᠨ ᠪᠠᠶ᠋ᠢᠳᠠᠯᠨᠢ ᠨᠡᠯᠢᠶᠡᠳ ᠳᠤᠤᠷᠠ ᠡᠯᠡᠰᠦᠷᠭᠡᠭ ᠭᠠᠵᠠᠷᠢ ᠡᠯᠡᠰᠦᠨ ᠳᠠᠩ ᠭᠡᠳᠡᠭ᠃ ᠳᠡᠭᠡᠪᠡᠯ ᠬᠡᠷᠭᠢᠨ ᠡᠯᠡᠰᠦᠨ ᠳᠠᠩᠢ ᠵᠠᠰᠠᠨ ᠦᠭᠡᠷᠡᠴᠢᠯᠡᠬᠦ ᠪᠤᠢ？ ᠡᠯᠡᠰᠦ ᠵᠢ ᠵᠠᠰᠠᠬᠤᠳᠤ ᠤᠷᠢᠳᠠᠪᠠᠷ ᠡᠯᠡᠰᠦᠨ ᠳᠠᠩᠤᠨ ᠪᠠᠷᠠᠭᠤᠨ ᠬᠤᠶ᠋ᠢᠨᠠᠬᠢ ᠭᠡᠰᠡᠭᠲᠤᠨᠢ ᠪᠤᠷᠭ᠋ᠠᠰᠤ ᠳᠠᠷᠢᠨᠠ᠃
ᠳᠠᠷᠠᠭᠠᠨᠢ ᠮᠠᠩᠬᠠᠨ ᠤᠷᠤᠢ ᠵᠢᠨ ᠳᠦᠷᠪᠡᠨ ᠳᠠᠯᠠᠪᠠᠷᠨᠢ ᠪᠤᠷᠭ᠋ᠠᠰᠤ ᠳᠠᠷᠢᠨᠠ᠃ ᠡᠭᠦᠨᠢ 《ᠡᠬᠢ ᠵᠢᠨᠢ ᠳᠠᠰᠤᠯᠵᠤ᠂ ᠳᠦᠷᠪᠡᠨ ᠳᠠᠯᠠᠠᠴᠠᠨᠢ ᠪᠦᠰᠡᠯᠡᠨ ᠳᠠᠭ᠋ᠠᠷᠢᠬᠤ》 ᠠᠷᠭᠠ ᠭᠡᠳᠡᠭ᠃
ᠬᠤᠶᠠᠳᠤᠭ᠋ᠠᠷ ᠠᠯᠬᠤᠮᠨᠢ ᠤᠢ ᠵᠢᠨ ᠳᠤᠤᠷᠤᠨ ᠪᠦᠳᠦᠭᠡᠨ ᠪᠠᠶ᠋ᠢᠭᠤᠯᠤᠯᠳᠠ ᠵᠢ ᠶᠠᠪᠤᠭᠤᠯᠤᠨᠠ᠃ ᠢᠩᠬᠢᠪᠡᠯ ᠰᠠᠯᠬᠢᠨᠤ ᠰᠡᠷᠭᠡᠶ᠋ᠢᠯᠡᠬᠦ ᠦᠢ᠍ᠯᠡᠳᠦᠯᠢ ᠳᠡᠭᠡᠭᠰᠢᠯᠡᠭᠦᠯᠵᠤ ᠴᠢᠳᠠᠨᠠ᠃
ᠪᠤᠳᠠᠳᠠᠢ ᠬᠢᠬᠦ ᠠᠷᠭᠠᠨᠢ᠄ ᠳᠦᠷᠪᠡᠨ ᠳᠠᠯᠠᠳᠤᠨᠢ ᠪᠤᠷᠭ᠋ᠠᠰᠤᠪᠠᠨ ᠳᠠᠷᠢᠭᠰᠠᠨᠤ ᠳᠠᠷᠠᠭᠠ ᠳᠤᠳᠤᠷᠠᠨᠢ ᠪᠦᠷ ᠦᠨᠳᠦᠷ ᠡᠰᠢᠲᠠᠢ ᠬᠠᠷᠠ ᠬᠠᠯᠢᠰᠤᠲᠠᠢ ᠤᠳᠠ ᠮᠤᠳᠤ ᠵᠢ ᠳᠠᠷᠢᠨᠠ᠃ ᠮᠤᠳᠤ ᠳᠠᠷᠢᠬᠤᠳᠠᠭᠠᠨ ᠭᠠᠵᠠᠷᠤᠨ ᠤᠨᠴᠠᠯᠢᠭᠢ ᠦᠨᠳᠦᠰᠦᠯᠡᠵᠤ᠂ ᠨᠢᠭᠳᠠᠴᠠ ᠵᠢᠨᠢ ᠵᠤᠬᠢᠰᠳᠠᠢ ᠳᠤᠬᠢᠷᠠᠭᠤᠯᠬᠤ ᠬᠡᠷᠡᠭᠳᠡᠢ᠃ ᠬᠡᠳᠦᠷᠬᠡᠢ ᠵᠤᠵᠠᠭ᠋ᠠᠨ ᠳᠠᠷᠢᠪᠠᠯ ᠮᠤᠳᠤᠨᠤ ᠦᠨᠳᠦᠰᠦᠨᠢ ᠨᠢᠭᠡ ᠯᠠ ᠳᠤᠤᠷᠠ ᠴᠤᠭᠯᠠᠷᠠᠭ᠋ᠠᠳ᠂ ᠬᠦᠷᠦᠰᠦ ᠰᠢᠷᠤᠢ ᠳᠤᠮᠳᠠᠬᠢ ᠰᠢᠮᠡ ᠳᠡᠵᠢᠭᠡᠯᠨᠢ ᠪᠦᠷ ᠮᠤᠳᠤᠨᠳᠤ ᠳᠠᠳᠠᠭᠳᠠᠨ ᠰᠢᠮᠡᠳᠦᠭᠡᠳ ᠡᠪᠡᠰᠤ ᠤᠷᠭᠤᠬᠤ ᠵᠢᠨ ᠠᠷᠭᠠ ᠦᠭᠡᠢ ᠪᠤᠯᠤᠨᠠ᠃ ᠬᠡᠳᠦᠷᠬᠡᠢ ᠰᠢᠩᠭᠡᠨ ᠳᠠᠷᠢᠪᠠᠯ᠂ ᠰᠡᠯᠬᠢᠨᠢ ᠰᠡᠷᠭᠡᠶ᠋ᠢᠯᠡᠵᠤ᠂ ᠡᠯᠡᠰᠦ ᠵᠢ ᠳᠤᠭᠳᠠᠪᠤᠷᠢᠵᠢᠭᠤᠯᠬᠤ ᠵᠢ ᠨᠦᠯᠦᠭᠡᠯᠡᠬᠦ ᠶᠤᠮ᠃ ᠤᠷᠢᠳᠠᠪᠠᠷ ᠬᠦᠷᠦᠰᠦ ᠰᠢᠷᠤᠢ ᠵᠢᠨ ᠬᠦᠴᠦ ᠰᠢᠮᠡ ᠪᠠ ᠬᠠᠭᠤᠷᠠᠢ ᠤᠰᠤᠯᠢᠭ ᠪᠠᠶ᠋ᠢᠳᠠᠯᠢ ᠦᠨᠳᠦᠰᠦᠯᠡᠵᠤ᠂ ᠰᠠᠭᠤᠷᠢ ᠮᠦᠷᠤᠨ ᠵᠠᠢ ᠵᠢ ᠡᠵᠡᠮᠰᠢᠵᠤ ᠠᠪᠬᠤ ᠬᠡᠷᠡᠭᠳᠡᠢ᠃
ᠬᠡᠷᠪᠡ ᠰᠢᠷᠤᠢ ᠵᠢᠨ ᠴᠢᠨᠠᠷ ᠰᠠᠶ᠋ᠢᠨ ᠬᠦᠷᠦᠰᠦ ᠰᠢᠷᠤᠢ ᠵᠢᠨ ᠬᠦᠴᠦ ᠰᠢᠮᠡᠨᠢ ᠴᠢᠩᠭᠠ᠂ ᠤᠰᠤᠨᠤ ᠬᠡᠮᠵᠢᠶᠡᠨᠢ ᠪᠦᠷᠢᠨ ᠭᠦᠢ᠍ᠴᠡᠳ ᠪᠤᠯ ᠵᠤᠬᠢᠰᠳᠠᠢᠪᠠᠷ ᠵᠤᠵᠠᠭ᠋ᠠᠨ ᠰᠢᠭ᠋ ᠳᠠᠷᠢᠨᠠ᠃
ᠡᠪᠡᠰᠤ ᠤᠷᠭᠤᠮᠠᠯ ᠠᠶᠠᠨᠳᠠᠭ᠋ᠠᠨ ᠤᠷᠭᠤᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠭᠠᠵᠠᠷᠲᠤ ᠡᠪᠡᠰᠦᠨᠤ ᠤᠨᠠᠯᠳᠠ ᠵᠢ ᠳᠡᠭᠡᠭᠰᠢᠯᠡᠭᠦᠯᠬᠦᠪᠠᠷ ᠭᠤᠤᠯ ᠵᠤᠷᠢᠯᠭᠠᠪᠠᠨ ᠪᠤᠯᠭ᠋ᠠᠬᠤ ᠵᠢᠨ ᠬᠠᠮᠳᠤ ᠪᠠᠰᠠ ᠳᠡᠷᠢ ᠳᠡᠭᠰᠢᠬᠡᠨ ᠭᠤᠶᠤ ᠦᠵᠡᠮᠵᠢᠲᠠᠢ ᠪᠠᠶ᠋ᠢᠯᠭ᠋ᠠᠬᠤ ᠳᠠᠯᠠᠪᠠᠷ ᠬᠦᠴᠦ ᠵᠠᠷᠤᠴᠠᠭᠤᠯᠬᠤ ᠬᠡᠷᠡᠭᠳᠡᠢ᠃ ᠠᠷᠭᠠᠨᠢ᠄ ᠤᠢ ᠵᠢᠨ ᠳᠤᠤᠷᠤᠨ ᠳᠦᠷᠪᠡᠨ ᠳᠠᠯᠠᠪᠠᠷᠨᠢ ᠴᠠᠬᠢᠯᠳᠠᠭ ᠳᠠᠷᠢᠨᠠ᠃ ᠤᠴᠢᠷᠨᠢ ᠴᠠᠬᠢᠯᠳᠠᠭᠤᠨ ᠦᠨᠳᠦᠰᠦᠨᠢ ᠬᠦᠭᠵᠢᠭᠰᠡᠨ ᠪᠤᠯᠬᠤᠷ ᠮᠤᠳᠤᠲᠠᠢ ᠬᠠᠮᠳᠤᠪᠠᠷ ᠰᠢᠮᠡ ᠳᠡᠵᠢᠭᠡᠯ ᠪᠠ ᠤᠰᠤ ᠵᠢ ᠰᠤᠷᠤᠨ ᠠᠪᠴᠤ ᠴᠢᠳᠠᠳᠠᠭ᠃ ᠳᠤᠮᠳᠠᠨᠢ ᠴᠠᠷᠭ᠋ᠠᠰᠤ᠂ ᠬᠦᠴᠢᠩᠭᠢ ᠵᠡᠷᠭᠡ ᠵᠢᠨ ᠴᠢᠨᠠᠷᠯᠢᠭ ᠪᠡᠯᠴᠢᠭᠡᠷ ᠡᠪᠡᠰᠤ ᠵᠢ ᠳᠠᠷᠢᠨᠠ᠃ ᠢᠩᠬᠢᠪᠡᠯ ᠪᠡᠯᠴᠢᠭᠡᠷᠨᠢ ᠬᠠᠪᠤᠷ ᠵᠤᠨᠤ ᠤᠯᠠᠷᠢᠯ ᠪᠤᠯᠬᠤ ᠪᠦᠷᠢᠳᠤ᠂ ᠤᠢ ᠵᠢᠨ ᠳᠤᠤᠷᠤᠨ ᠨᠢᠳᠤ ᠪᠦᠷᠢᠨᠢ ᠳᠦᠷᠪᠡᠨ ᠳᠠᠯᠡᠪᠠᠷ ᠵᠶ᠋ᠠᠨ ᠬᠦᠬᠡ ᠦᠩᠭᠡ ᠵᠢᠨ ᠴᠡᠴᠡᠭᠲᠠᠢ ᠴᠠᠬᠢᠯᠳᠠᠭ ᠤᠷᠭᠤᠵᠤ᠂ ᠳᠤᠮᠳᠠᠨᠢ ᠬᠦᠷᠡᠩ ᠴᠠᠭ᠋ᠠᠨ ᠰᠢᠷᠡ ᠴᠡᠴᠡᠭᠲᠠᠢ ᠡᠪᠡᠰᠤ ᠨᠦᠭᠦᠳ ᠬᠠᠷᠠᠭᠳᠠᠨᠠ᠃