ᠮᠦᠨᠴᠤ ᠤᠷᠤᠨ ᠨᠤᠲᠤᠭ᠎ᠤᠨ ᠲᠦᠷᠦᠯ ᠵᠦᠢ᠍ᠯ ᠪᠤᠯᠤᠨ᠎ᠠ᠂ ᠡᠭᠦᠨ᠎ᠢ ᠪᠠᠰᠠ ᠲᠤᠮᠤ ᠤᠯᠠᠭ᠋ᠠᠨ ᠭᠦᠢ᠍ᠯᠡᠰᠦ  ᠭᠡᠨ᠎ᠡ᠃ 1966 ᠤᠨ᠎ᠳᠤ ᠲᠦᠮᠡᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ᠎ᠤ ᠮᠢᠶᠤᠤ ᠸᠠᠨ ᠵᠢᠮᠢᠰ᠎ᠤᠨ ᠬᠦᠷᠢᠶᠡᠯᠡᠩ᠎ᠳᠤ ᠦᠷ᠎ᠡ᠎ᠪᠠᠷ ᠲᠠᠷᠢᠵᠦ ᠭᠠᠷᠭ᠋ᠠᠭᠰᠠᠨ ᠶᠤᠮ᠃
   ᠮᠤᠳᠤᠨ᠎ᠤ ᠤᠷᠭᠤᠴᠠ᠎ᠨᠢ ᠢᠳᠡᠷᠡᠬᠦᠨ᠂ ᠮᠤᠳᠤᠨ᠎ᠤ ᠤᠷᠤᠢ᠎ᠨᠢ ᠳᠡᠯᠭᠡᠭᠦᠦ᠂ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ᠎ᠨᠢ ᠳᠤᠷᠤᠭᠰᠢ ᠤᠨᠵᠠᠢ᠌ᠵᠦ ᠤᠷᠭᠤᠳᠠᠭ᠃ ᠮᠤᠳᠤᠨ᠎ᠤ ᠬᠡᠯᠪᠡᠷᠢ᠎ᠨᠢ ᠬᠠᠭ᠋ᠠᠰ ᠲᠤᠭᠤᠷᠢᠭ ᠬᠡᠯᠪᠡᠷᠢᠳᠠᠢ᠂ ᠨᠢᠭᠡ ᠵᠢᠯ᠎ᠤᠨ ᠮᠦᠴᠢᠷ᠎ᠤᠨ ᠨᠠᠷᠠᠨ ᠲᠠᠯ᠎ᠠ᠎ᠨᠢ ᠪᠤᠷᠤ ᠤᠯᠠᠭ᠋ᠠᠨ ᠦᠩᠭᠡᠳᠡᠢ᠂ ᠭᠢᠯᠦᠭᠡᠷ᠂ ᠨᠠᠪᠴᠢ᠎ᠨᠢ ᠲᠤᠮᠤ ᠪᠦᠭᠡᠳ ᠵᠤᠵᠠᠭ᠋ᠠᠨ ᠬᠠᠷᠠᠪᠲᠤᠷ ᠨᠤᠭᠤᠭ᠋ᠠᠨ᠂ ᠮᠤᠬᠤᠭᠤ ᠬᠢᠷᠦᠭᠡᠨ ᠰᠢᠲᠦᠲᠦ ᠬᠦᠪᠡᠭᠡ᠎ᠲᠠᠢ᠃ ᠦᠷ᠎ᠡ ᠵᠢᠮᠢᠰ᠎ᠨᠢ ᠬᠠᠪᠲᠠᠭ᠋ᠠᠢ᠌ᠯᠵᠢᠨ ᠲᠤᠭᠤᠷᠢᠭ ᠬᠡᠯᠪᠡᠷᠢᠳᠠᠢ᠂ ᠵᠢᠮᠢᠰ᠎ᠤᠨ ᠤᠷᠤᠢ᠎ᠨᠢ ᠲᠡᠭᠰᠢᠬᠡᠨ᠂ ᠬᠠᠯᠢᠰᠤ ᠵᠢᠨ ᠰᠠᠭᠤᠷᠢ ᠦᠩᠭᠡ᠎ᠨᠢ ᠰᠢᠷ᠎ᠠ᠂ ᠨᠠᠷᠠᠨ ᠡᠭᠡᠪᠦᠷ ᠲᠠᠯ᠎ᠠ᠎ᠨᠢ ᠤᠯᠠᠭ᠋ᠠᠨ ᠪᠠᠢ᠌ᠳᠠᠭ᠃ ᠵᠢᠮᠢᠰ᠎ᠤᠨ ᠮᠢᠬ᠎ᠠ᠎ᠨᠢ ᠰᠢᠷ᠎ᠠ ᠦᠩᠭᠡᠳᠡᠢ᠂ ᠵᠦᠭᠡᠯᠡᠨ᠂ ᠰᠢᠭᠦᠰᠦᠯᠢᠭ᠂ ᠲᠤᠩ ᠰᠢᠬᠢᠷᠯᠢᠭ ᠪᠠᠢ᠌ᠳᠠᠭ᠃ ᠦᠷ᠎ᠡ ᠵᠢᠮᠢᠰ᠎ᠨᠢ 6 ᠳ᠋ᠤᠭ᠋ᠠᠷ ᠰᠠᠷ᠎ᠠ ᠵᠢᠨ ᠬᠤᠷᠢᠳ᠎ᠠᠴᠠ 7 ᠳ᠋ᠤᠭ᠋ᠠᠷ ᠰᠠᠷ᠎ᠠ ᠵᠢᠨ ᠡᠬᠢᠨ ᠵᠶ᠋ᠡᠷ ᠪᠤᠯᠪᠠᠰᠤᠷᠠᠨ᠎ᠠ᠃ ᠡᠯᠪᠡᠭ ᠬᠤᠷᠢᠶᠠᠯᠳᠠ᠎ᠲᠠᠢ ᠰᠢᠯᠢᠳᠡᠭ ᠰᠠᠢ᠌ᠨ ᠡᠭᠦᠯᠳᠡᠷ᠎ᠤᠨ ᠲᠦᠷᠦᠯ ᠵᠦᠢ᠍ᠯ ᠪᠤᠯᠤᠨ᠎ᠠ᠃ ᠡᠬᠦᠨ᠎ᠠᠴᠠ ᠭᠠᠳᠠᠨ᠎ᠠ᠂ ᠤᠷᠤᠨ ᠨᠤᠲᠤᠭ᠎ᠤᠨ ᠰᠠᠢ᠌ᠨ ᠡᠭᠦᠯᠳᠡᠷ ᠨᠡᠯᠢᠶᠠᠳ ᠤᠯᠠᠨ ᠪᠠᠢ᠌ᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ ᠮᠢᠶᠤᠤ ᠸᠠᠨ 7 ᠳ᠋ᠤᠭ᠋ᠠᠷ ᠨᠤᠮᠸᠷᠲᠤ᠂ ᠱᠤᠸᠠᠩ ᠲᠢᠶᠠᠨ ᠰᠢᠩ ᠵᠡᠷᠭᠡ ᠪᠤᠢ᠃