ᠰᠦᠨ ᠴᠡᠴᠡᠭ᠎ᠢ ᠵᠠᠷᠢᠮ ᠨᠤᠲᠤᠭ᠎ᠲᠤ ᠪᠠᠰᠠ ᠵᠦᠭᠡᠭᠡᠢ ᠵᠢᠨ ᠴᠡᠴᠡᠭ ᠪᠤᠶᠤ ᠢᠯᠠᠭ᠋ᠠᠨ ᠴᠡᠴᠡᠭ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠡᠯᠡᠰᠦ᠂ ᠴᠠᠢ᠌ᠳᠠᠮ᠂ ᠲᠠᠯ᠎ᠠ ᠭᠠᠵᠠᠷ ᠵᠶ᠋ᠠᠷ ᠤᠷᠭᠤᠨ᠎ᠠ᠃ ᠡᠰᠢ᠎ᠨᠢ ᠲᠡᠭᠡᠷ᠎ᠡ ᠬᠡᠰᠡᠭ᠎ᠲᠤ᠎ᠪᠠᠨ ᠤᠯᠠᠨ ᠰᠠᠯᠠᠭ᠋ᠠᠯᠠᠵᠤ ᠰᠠᠷᠪᠠᠢ᠌ᠭ᠋ᠠᠳ ᠰᠢᠬᠦᠷ ᠰᠢᠭ᠂ ᠡᠰᠢᠨ᠎ᠤ ᠦᠵᠦᠬᠦᠷ᠎ᠲᠤ᠎ᠨᠢ ᠮᠠᠰᠢ ᠤᠯᠠᠨ ᠴᠤᠮᠬᠠᠨ ᠪᠠᠭ ᠴᠠᠭ᠋ᠠᠨ ᠪᠤᠶᠤ ᠶᠠᠭ᠋ᠠᠪᠳᠤᠷ ᠴᠡᠴᠡᠭ ᠪᠠᠭᠰᠢᠷᠠᠨ ᠳᠡᠯᠭᠡᠷᠡᠭᠡᠳ ᠡᠬᠡᠬᠡ ᠯᠡ ᠦᠳᠦᠨ ᠰᠢᠬᠦᠷ ᠰᠢᠭ ᠬᠠᠷᠠᠭᠳᠠᠳᠠᠭ᠃ ᠰᠦ ᠰᠠᠭ᠋ᠠᠯᠢ ᠬᠢᠳᠡᠭ ᠠᠭ᠋ᠠᠷᠤ ᠰᠠᠭᠤᠯᠭ᠎ᠠ᠎ᠪᠠᠨ ᠰᠦᠨ ᠴᠡᠴᠡᠭ ᠵᠶ᠋ᠡᠷ ᠠᠷᠢᠭᠤᠯᠪᠠᠯ ᠰᠦ ᠡᠪᠳᠡᠷᠡᠳᠡᠭ ᠦᠭᠡᠢ ᠮᠦᠷᠳᠡᠭᠡᠨ ᠵᠦᠬᠡᠬᠡᠢ ᠰᠠᠢ᠌ᠨ ᠰᠠᠭᠤᠳᠠᠭ ᠭᠡᠬᠦ ᠨᠤᠲᠤᠭ᠎ᠤᠨ ᠰᠤᠶᠤᠯ ᠵᠠᠩᠰᠢᠯ ᠪᠠᠢ᠌ᠳᠠᠭ᠃ ᠰᠠᠭ᠋ᠠᠯᠢ ᠰᠦ ᠵᠢᠨ ᠬᠠᠵᠠᠭᠤ᠎ᠳᠤ ᠰᠦᠨ ᠴᠡᠴᠡᠭ ᠲᠠᠯᠪᠢᠪᠠᠯ ᠢᠯᠠᠭ᠎ᠠ ᠰᠢᠮᠠᠭᠤᠯ ᠰᠦ ᠰᠠᠭ᠋ᠠᠯᠢ᠎ᠳᠤ ᠤᠢ᠌ᠷᠠᠳᠤᠳᠠᠭ ᠦᠭᠡᠢ᠃