ᠪᠤᠷᠴᠠᠭᠤᠨ ᠢᠵᠠᠭᠤᠷ᠂ ᠰᠢᠬᠢᠷ ᠡᠪᠡᠰᠦ ᠵᠢᠨ ᠲᠥᠷᠥᠯ᠃ ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ 6 — 7 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠴᠡᠴᠡᠭᠯᠡᠵᠦ᠂ 7 — 9 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠦᠷᠡᠯᠡᠨᠡ᠃ ᠳᠤᠮᠳᠠ ᠵᠡᠷᠭᠡ ᠵᠢᠨ ᠭᠠᠩᠰᠠᠭ ᠤᠷᠭᠤᠮᠠᠯ ᠪᠣᠯᠣᠨᠠ᠃ ᠡᠷᠲᠡᠨᠤ ᠭᠠᠵᠠᠷᠤᠨ ᠳᠤᠮᠳᠠᠳᠤ ᠲᠠᠩᠭᠢᠰᠤᠨ ᠲᠠᠷᠬᠠᠯᠲᠠ ᠵᠢᠨ ᠲᠦᠷᠰᠦ ᠮᠥᠨ᠃ ᠪᠦᠬᠦ ᠬᠤᠰᠢᠭᠤᠨᠤ ᠡᠯᠡ ᠭᠠᠵᠠᠷᠲᠤ ᠤᠷᠭᠤᠳᠠᠭ᠃ ᠪᠠᠶᠠᠨᠪᠤᠯᠠᠭ ᠣᠷᠴᠢᠮ ᠵᠶ᠋ᠠᠷ ᠢᠯᠡᠭᠦᠦ ᠨᠢᠭᠲᠠ ᠪᠠᠶ᠋ᠢᠳᠠᠭ᠃ ᠢᠳᠡᠭᠡᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠵᠦ ᠦᠢ᠍ᠯᠡᠳᠪᠦᠷᠢ ᠳᠡᠭᠡᠷᠡ ᠫᠢᠸᠤ᠋ ᠵᠢᠨ ᠬᠥᠭᠡᠰᠦᠷᠡᠭᠦᠯᠦᠭᠴᠢ ᠡᠳ᠋ ᠪᠤᠶᠤ ᠵᠢᠶᠠᠩᠶᠢᠦ᠂ ᠰᠢᠬᠢᠷᠯᠡᠭᠰᠡᠨ ᠵᠢᠮᠢᠰᠤᠨ ᠦᠨᠦᠷᠲᠦ ᠡᠳ᠋ ᠬᠢᠵᠦ ᠪᠣᠯᠬᠤ ᠪᠥᠭᠡᠳ ᠭᠠᠯ ᠤᠨᠲᠠᠷᠠᠭ᠋ᠠᠭᠤᠷᠤᠨ ᠬᠥᠭᠡᠰᠦᠷᠡᠭᠦᠯᠦᠭᠴᠢ ᠡᠳ᠋᠂ ᠶᠠᠨᠵᠤᠤᠷ ᠲᠠᠮᠠᠬᠢᠨᠤ ᠦᠨᠦᠷᠲᠦ ᠡᠳ᠋ ᠬᠢᠵᠦ ᠪᠣᠯᠣᠨᠠ᠃ ᠮᠥᠨ ᠴᠤ᠌ ᠳᠤᠮᠳᠠ ᠵᠡᠷᠭᠡ ᠵᠢᠨ ᠲᠡᠵᠢᠭᠡᠯ ᠤᠷᠭᠤᠮᠠᠯ ᠮᠥᠨ᠃ ᠴᠣᠮᠤᠷᠯᠢᠭᠳᠤᠬᠤᠠᠴᠠ ᠡᠮᠦᠨᠡ ᠲᠡᠮᠡᠭᠡ ᠢᠳᠡᠬᠦ ᠳᠤᠷᠠᠲᠠᠢ᠂ ᠬᠤᠨᠢ ᠢᠮᠠᠭᠠ ᠴᠤ᠌ ᠢᠳᠡᠳᠡᠭ᠂ ᠪᠠᠭᠠ ᠬᠠᠲᠠᠭᠰᠠᠨᠤ ᠳᠠᠷᠠᠭᠠ ᠡᠯᠡ ᠲᠥᠷᠥᠯᠤᠨ ᠭᠡᠷᠤᠨ ᠲᠡᠵᠢᠭᠡᠪᠦᠷᠢ ᠪᠦᠷ ᠢᠳᠡᠳᠡᠭ᠃ ᠬᠤᠨᠢ ᠢᠮᠠᠭᠠ ᠪᠤᠷᠴᠠᠭ ᠵᠢᠮᠢᠰᠢᠨᠢ ᠨᠡᠩ ᠴᠤ᠌ ᠢᠳᠡᠬᠦ ᠳᠤᠷᠠᠲᠠᠢ᠃ ᠬᠠᠲᠤᠵᠦ ᠬᠠᠲᠠᠭ᠋ᠠᠭ᠋ᠠᠳ ᠲᠥᠯ ᠮᠠᠯ ᠲᠡᠵᠢᠭᠡᠬᠦᠳᠤ ᠬᠠᠮᠤᠭᠤᠨ ᠰᠠᠶ᠋ᠢᠨ ᠦᠷᠡ ᠠᠰᠢᠭᠲᠠᠢ᠃ ᠦᠨᠳᠦᠰᠦᠨᠢ ᠡᠮᠳᠤ ᠣᠷᠣᠨᠠ᠃ ᠰᠢᠬᠢᠷ ᠡᠪᠡᠰᠦ ᠪᠣᠯ ᠴᠢᠬᠤᠯᠠ ᠪᠠᠶ᠋ᠢᠩᠭᠤ ᠬᠡᠷᠡᠭᠯᠡᠳᠡᠭ ᠡᠮᠤᠨ ᠮᠠᠲ᠋ᠧᠷᠢᠶᠠᠯ ᠪᠣᠯᠬᠤ ᠪᠥᠭᠡᠳ ᠢᠳᠡᠭᠡᠨᠤ ᠠᠵᠦ ᠦᠢ᠍ᠯᠡᠳᠪᠦᠷᠢ ᠪᠣᠯᠣᠨ ᠬᠥᠩᠭᠡᠨ ᠠᠵᠦ ᠦᠢ᠍ᠯᠡᠳᠪᠦᠷᠢᠳᠤ ᠥᠷᠭᠡᠨ ᠵᠶ᠋ᠠᠷ ᠬᠡᠷᠡᠭᠯᠡᠳᠡᠭ᠃ ᠵᠢᠯ ᠪᠦᠷᠢ ᠶᠡᠭᠡ ᠬᠡᠮᠵᠢᠶᠡᠪᠠᠷ ᠮᠠᠯᠲᠠᠵᠤ ᠪᠠᠶ᠋ᠢᠨᠠ᠂ ᠲᠡᠶ᠋ᠢᠮᠦᠠᠴᠠ ᠲᠤᠭᠠ ᠬᠡᠮᠵᠢᠶᠡ ᠪᠠ ᠲᠠᠷᠬᠠᠯᠲᠠ ᠵᠢᠨ ᠬᠡᠪᠴᠢᠶᠡᠨᠢ ᠦᠳᠲᠡᠷ ᠲᠦᠷᠭᠡᠨ ᠬᠠᠰᠤᠭᠳᠠᠵᠤ᠂ ᠤᠰᠠᠳᠬᠤ ᠰᠢᠬᠠᠭᠰᠠᠨ ᠪᠠᠶ᠋ᠢᠨᠠ᠃ ᠨᠢᠭᠡᠨᠲᠡ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠥᠷᠪᠡᠳᠦᠭᠡᠷ ᠲᠥᠷᠥᠯᠤᠨ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠤᠷᠭᠤᠮᠠᠯ ᠵᠶ᠋ᠠᠷ ᠲᠣᠭᠲᠠᠭ᠋ᠠᠭᠳᠠᠵᠠᠢ᠃
《ᠤᠲᠤᠭᠤᠨ ᠠᠮᠢᠳᠤ ᠪᠤᠳᠠᠰᠤᠨ ᠡᠬᠢ ᠪᠠᠶᠠᠯᠢᠭ》 ᠪᠠᠭ᠋ᠠᠲᠤᠷ ᠨᠠᠶ᠋ᠢᠷᠠᠭᠤᠯᠤᠨ ᠵᠤᠬᠢᠶᠠᠪᠠ