ᠴᠦᠭᠦᠷᠰᠦ ᠵᠢᠨ ᠢᠵᠠᠭᠤᠷ
ᠨᠠᠪᠴᠢ ᠵᠤᠯᠭ᠋ᠠᠷᠠᠬᠤ ᠲᠤᠷᠤᠭ ᠮᠣᠳᠣ᠂ 8 — 20m ᠥᠨᠳᠥᠷ᠃ ᠬᠠᠵᠠᠭᠤ ᠵᠢᠨ ᠣᠬᠣᠷ ᠮᠥᠴᠢᠷᠨᠢ ᠨᠠᠪᠴᠢᠲᠠᠢᠪᠠᠨ ᠬᠠᠮᠲᠤ ᠵᠤᠯᠭ᠋ᠠᠷᠠᠨᠠ᠃ ᠡᠪᠦᠯᠤᠨ ᠨᠠᠬᠢᠶᠠᠠᠴᠠ ᠤᠷᠭᠤᠭᠰᠠᠨ ᠵᠢᠵᠢᠭ ᠮᠥᠴᠢᠷᠨᠢ 4mm ᠣᠷᠴᠢᠮ ᠤᠷᠲᠤ ᠬᠠᠢ᠌ᠷᠰᠤᠨ ᠢᠯᠲᠠᠰᠤ ᠰᠢᠭ᠋ ᠨᠠᠪᠴᠢᠲᠠᠢ ᠪᠠ ᠡᠨᠡ ᠬᠦ᠌ ᠨᠠᠪᠴᠢᠨᠢ ᠡᠪᠦᠯ ᠵᠤᠯᠭ᠋ᠠᠷᠠᠬᠤ ᠦᠭᠡᠢ᠃ ᠬᠠᠵᠠᠭᠤ ᠵᠢᠨ ᠮᠥᠴᠢᠷᠲᠠᠬᠢ ᠨᠠᠪᠴᠢᠨᠢ 6 — 10mm ᠤᠷᠲᠤ᠂ ᠪᠦᠰᠡ ᠰᠢᠭ ᠦᠷᠦᠮ ᠬᠡᠯᠪᠡᠷᠢᠲᠠᠢ᠂ ᠥᠳᠥᠯᠢᠭ ᠵᠡᠷᠭᠡᠴᠡᠨᠡ᠃ ᠡᠪᠦᠯᠳᠡᠭᠡᠨ ᠵᠤᠯᠭ᠋ᠠᠷᠠᠨᠠ᠃ ᠴᠡᠴᠡᠭᠨᠢ ᠭᠠᠭᠴᠠ ᠪᠡᠯᠭᠡᠲᠠᠢ᠂ ᠨᠢᠭᠡ ᠭᠡᠷᠲᠠᠢ᠃ ᠡᠷᠡ ᠪᠠᠭ ᠴᠡᠴᠡᠭᠨᠢ ᠮᠥᠴᠢᠷᠤᠨ ᠣᠷᠣᠢᠳᠤ ᠭᠠᠭᠴᠠᠭ᠋ᠠᠷ ᠰᠢᠯᠤᠭᠤᠨ ᠤᠷᠭᠤᠳᠠᠭ᠂ ᠬᠠᠢ᠌ᠷᠰᠤᠨ ᠢᠯᠲᠠᠰᠤᠨᠢ ᠱᠣᠷᠬᠠᠯᠠᠭᠰᠠᠨ ᠰᠢᠭ᠋ ᠸᠠᠭ᠋ᠠᠷᠯᠠᠵᠤ ᠪᠠᠢ᠌ᠷᠢᠯᠡᠨᠠ᠃ ᠡᠮᠡ ᠪᠠᠭ ᠴᠡᠴᠡᠭᠨᠢ ᠬᠠᠵᠠᠭᠤ ᠵᠢᠨ ᠰᠠᠯᠠᠭᠠ ᠵᠢᠨ ᠣᠷᠣᠢᠳᠤ ᠭᠠᠭᠴᠠᠭ᠋ᠠᠷ ᠤᠷᠭᠤᠨᠠ᠂ ᠥᠨᠳᠡᠭᠡᠯᠵᠢᠨ ᠵᠤᠤᠪᠠᠩ᠂ ᠪᠠᠭᠯᠠᠭᠴᠢ ᠬᠠᠢ᠌ᠷᠰᠤᠨ ᠢᠯᠲᠠᠰᠤᠨᠢ 20 — 22᠂ ᠸᠠᠭ᠋ᠠᠷᠯᠠᠵᠤ ᠪᠠᠢ᠌ᠷᠢᠯᠠᠭᠰᠠᠨ ᠶᠤᠮ᠃ ᠦᠷᠡ ᠵᠢᠨ ᠬᠠᠢ᠌ᠷᠰᠤᠨᠢ ᠵᠢᠵᠢᠭ᠂ ᠲᠤᠰ ᠪᠦᠷᠢ ᠬᠣᠶᠠᠷ ᠦᠷᠡ ᠨᠠᠬᠢᠶᠠᠲᠠᠢ᠂ ᠦᠷᠡ ᠲᠣᠭᠲᠠᠭᠰᠠᠨᠤ ᠰᠡᠭᠦᠯᠡᠷ ᠲᠣᠮᠣᠷᠠᠵᠤ ᠵᠤᠵᠠᠭ᠋ᠠᠷᠠᠨᠠ᠃ ᠪᠣᠷᠭᠣᠴᠣᠭᠨᠢ ᠲᠣᠩᠭᠣᠷᠠᠭᠤ ᠥᠨᠳᠡᠭᠡᠯᠵᠢᠨ᠂ 2cm ᠣᠷᠴᠢᠮ ᠤᠷᠲᠤ᠂ ᠲᠡᠭᠦᠨᠤ ᠦᠷᠡ ᠵᠢᠨ ᠬᠠᠢ᠌ᠷᠰᠤᠨᠢ ᠰᠡᠢ᠌ᠷᠡᠭᠬᠡᠨ ᠵᠶ᠋ᠠᠷ ᠸᠠᠭ᠋ᠠᠷᠯᠠᠵᠤ ᠲᠣᠭᠲᠠᠭᠰᠠᠨ ᠪᠠᠢ᠌ᠳᠠᠭ᠂ ᠭᠡᠪᠡᠴᠦ ᠭᠠᠳᠠᠷ᠂ ᠳᠣᠲᠣᠷ ᠬᠢᠭᠡᠳ ᠳᠣᠣᠷᠠ ᠬᠡᠰᠡᠭᠤᠨ ᠬᠠᠢ᠌ᠷᠰᠤᠨᠤᠭᠤᠳᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠬᠡᠯᠪᠡᠷᠢᠲᠠᠢ᠂ ᠭᠠᠳᠠᠷ ᠲᠠᠯᠠ ᠵᠢᠨ ᠬᠠᠢ᠌ᠷᠰᠤᠨ ᠢᠯᠲᠠᠰᠤ ᠵᠢᠨ ᠠᠷᠤ ᠵᠢᠨ ᠳᠡᠭᠡᠳᠦ ᠬᠡᠰᠡᠭᠲᠤᠨᠢ 6 — 9 ᠭᠣᠬᠠ ᠮᠡᠲᠦ ᠱᠣᠪᠣᠭᠣᠷᠲᠠᠢ᠃ ᠦᠷᠡ ᠵᠢᠨ ᠤᠭᠲᠤᠨᠢ ᠤᠷᠲᠤᠯᠵᠢᠨ ᠳᠤᠭᠤᠷᠠᠭ ᠰᠢᠭ᠋ ᠬᠠᠪᠲᠠᠭ᠋ᠠᠢ ᠲᠡᠪᠡᠨᠡ ᠬᠡᠯᠪᠡᠷᠢᠲᠦ ᠳᠠᠯᠠᠪᠴᠢᠲᠠᠢ᠃
ᠪᠣᠷᠣᠭ᠋ᠠᠨ ᠭᠦᠢ᠍ᠴᠡᠳ ᠪᠥᠭᠡᠳ ᠳᠤᠯᠠᠭ᠋ᠠᠨ ᠠᠭᠤᠷ ᠠᠮᠢᠰᠬᠤᠯᠲᠤ ᠭᠠᠵᠠᠷᠤᠨ ᠬᠦᠴᠢᠯᠯᠢᠭ ᠬᠥᠷᠥᠰᠥ ᠤᠰᠤᠨᠤ ᠬᠥᠪᠡᠭᠡ᠂ ᠲᠤᠲᠤᠷᠭᠠ ᠵᠢᠨ ᠲᠠᠷᠢᠶᠠᠨᠤ ᠵᠠᠬᠠᠪᠠᠷ ᠰᠠᠢ᠌ᠨ ᠤᠷᠭᠤᠨᠠ᠂ ᠠᠭᠤᠯᠠᠨᠳᠤ ᠪᠠᠰᠠ ᠤᠷᠭᠤᠳᠠᠭ᠃
ᠮᠠᠨᠤ ᠤᠯᠤᠰᠤᠨ ᠣᠨᠴᠠ ᠭᠠᠷᠤᠯᠲᠠ ᠮᠥᠨ᠃ ᠹᠦᠵᠢᠶᠠᠨ᠂ ᠵᠢᠶᠠᠩᠰᠢ᠂ ᠭᠤᠸᠠᠩᠳᠥ᠋ᠩ᠂ ᠭᠤᠸᠠᠩᠰᠢ᠂ ᠶᠦᠨᠨᠠᠨ᠂ ᠰᠧᠴᠤᠸᠠᠨᠳᠤ ᠤᠷᠭᠤᠳᠠᠭ᠃ ᠮᠣᠳᠣ ᠵᠢᠨᠢ ᠪᠠᠷᠢᠯᠭᠠ᠂ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯᠳᠤ ᠬᠡᠷᠡᠭᠯᠡᠨᠡ᠃ ᠪᠣᠷᠭᠣᠴᠣᠭ᠂ ᠬᠣᠯᠲᠣᠰᠣᠨᠳᠤᠨᠢ ᠲᠠᠨᠨᠢᠨ ᠪᠣᠢ᠃ ᠮᠠᠰᠢ ᠰᠠᠢ᠌ᠬᠠᠨ ᠦᠵᠡᠮᠵᠢ ᠵᠢᠨ ᠮᠣᠳᠣ᠃ ᠨᠠᠪᠴᠢ ᠮᠥᠴᠢᠷ ᠬᠢᠭᠡᠳ ᠪᠣᠷᠭᠣᠴᠣᠭᠨᠢ ᠡᠮᠳᠤ ᠣᠷᠣᠨᠠ᠃
ᠬᠢᠲᠠᠳ ᠨᠡᠷᠡ᠄ 水松
ᠠᠩᠭ᠍ᠯᠢ ᠨᠡᠷᠡ᠄ Glyptostrobus pensilis （Staunt.ex D.Don） K. Koch