| ᠬᠤᠪᠢᠯᠠᠢ ᠬᠠᠭᠠᠨ ᠤ ᠦᠶᠡ ᠳᠤ ᠬᠡᠳᠦ ᠬᠡᠳᠦᠨ ᠬᠠᠤᠯᠢ ᠴᠠᠭᠠᠵᠠ ᠪᠠᠲᠤᠯᠠᠭᠳᠠᠨ ᠭᠠᠷᠤᠭᠰᠠᠨ ᠤ ᠲᠤᠳᠤᠷᠠ | ᠲᠤᠮᠤᠬᠠᠨ ᠨᠢ ︽ᠶᠡᠭᠡ ᠶᠤᠧᠠᠨ ᠤ ᠨᠡᠪᠲᠡᠷᠬᠡᠢ ᠬᠠᠤᠯᠢ︾᠂ ︽ᠶᠡᠭᠡ ᠶᠤᠧᠠᠨ ᠤ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠪᠢᠴᠢᠭ︾ | ᠮᠦᠨ ᠪᠣᠯᠬᠤ ᠶᠢ ᠡᠷᠳᠡᠮᠲᠡᠨ ᠰᠣᠳᠣᠯᠣᠭᠠᠴᠢᠳ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠠ᠃ | ᠲᠡᠣᠬᠡᠴᠢ᠂ ᠠᠺᠠᠳᠧᠮᠢᠴᠢ ᠴ᠊᠂ ᠳᠠᠯᠠᠢ ︽ᠶᠡᠭᠡ ᠶᠤᠧᠠᠨ ᠤ ᠨᠡᠪᠲᠡᠷᠬᠡᠢ ᠬᠠᠤᠯᠢ︾ ᠨᠢ ᠡᠮᠦᠨᠡᠬᠢ ᠬᠠᠤᠯᠢ | ᠵᠠᠷᠯᠢᠭ ᠤᠳ ᠤᠨ ᠡᠮᠬᠢᠳᠬᠡᠯ ᠪᠠᠶᠢᠭᠰᠠᠨ ᠭᠡᠵᠦ ᠦᠵᠡᠳᠡᠭ᠃ | ᠶᠤᠧᠠᠨ ᠭᠦᠷᠦᠨ ᠤ ᠦᠶᠡ ᠶᠢᠨ ᠬᠠᠤᠯᠢ ᠮᠣᠩᠭᠤᠯ ᠤᠨ ᠡᠷᠲᠡᠨ ᠤ ᠪᠤᠰᠤᠳ ᠬᠠᠤᠯᠢ ᠴᠠᠭᠠᠵᠠ ᠨᠤᠭᠤᠳ | ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠪᠠᠭᠠ ᠰᠤᠳᠤᠯᠤᠭᠳᠠᠭᠰᠠᠨ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠶᠤᠧᠠᠨ ᠭᠦᠷᠦᠨ ᠤ ᠬᠠᠮᠣᠷᠣᠭᠰᠠᠨ | ᠦᠷᠭᠡᠨ ᠠᠭᠤᠳᠠᠮ ᠨᠣᠲᠤᠭ ᠳᠡᠪᠢᠰᠭᠡᠷ᠂ ᠰᠠᠭᠤᠷᠢᠰᠢᠮᠠᠯ ᠪᠤᠯᠤᠨ ᠨᠡᠭᠦᠳᠡᠯᠴᠢᠨ ᠰᠣᠶᠣᠯ ᠢᠷᠭᠡᠨᠰᠢᠯ ᠤᠨ ᠬᠤᠣᠰᠯᠠᠯ᠂ | ᠵᠠᠩ ᠵᠠᠩᠰᠢᠯ᠂ ᠠᠬᠤᠢ ᠠᠮᠢᠳᠤᠷᠠᠯ᠂ ᠡᠳ᠋ ᠤᠨ ᠵᠠᠰᠠᠭ᠂ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠣᠨᠴᠠᠯᠢᠭ ᠲᠠᠢ ᠣᠶᠠᠯᠳᠣᠨ ᠬᠠᠤᠯᠢ | ᠴᠠᠭᠠᠵᠠ ᠶᠢᠨ ᠰᠣᠳᠣᠯᠭᠠ ᠨᠢ ᠨᠠᠷᠢᠨ ᠲᠦᠪᠡᠭᠲᠡᠢ ᠪᠠᠶᠢᠵᠤ ᠪᠤᠯᠬᠤ ᠪᠢᠯᠡ᠃ | ᠶᠡᠭᠡ ᠶᠤᠧᠠᠨ ᠤ ᠨᠡᠪᠲᠡᠷᠬᠡᠢ ᠬᠠᠣᠯᠢ ᠳᠤ ᠮᠣᠩᠭᠤᠯ ᠬᠠᠣᠯᠢ ᠶᠢᠨ ᠲᠡᠷᠡ ᠳᠣᠮᠳᠠ ᠪᠠᠨ ᠶᠡᠭᠡ ᠵᠠᠰᠠᠭ ᠬᠠᠣᠯᠢ | ᠶᠢᠨ ᠵᠢᠭᠠᠯᠲᠠ᠂ ᠨᠦᠯᠦᠭᠡ᠂ ᠮᠣᠩᠭᠤᠯ ᠵᠠᠩᠰᠢᠯ ᠦᠯᠠᠮᠵᠢ ᠶᠡᠬᠡᠪᠡᠷ ᠲᠤᠰᠬᠠᠭᠳᠠᠭᠰᠠᠨ ᠤ ᠲᠤᠳᠤᠷᠠ ᠪᠠᠶᠢᠭᠠᠯᠢ | ᠬᠠᠮᠠᠭᠠᠯᠠᠬᠤ ᠲᠠᠢ ᠬᠤᠯᠪᠤᠭᠠ ᠲᠠᠢ ᠵᠦᠢᠯ ᠵᠢᠭᠠᠯᠲᠠ ᠨᠤᠭᠤᠳ ᠣᠯᠠᠨ ᠲᠠᠢ ᠪᠠᠶᠢᠭᠠ ᠪᠤᠯᠤᠨᠠ᠃ ᠢᠯᠠᠩᠭᠤᠶᠠ | ᠭᠠᠵᠠᠷ ᠬᠦᠷᠦᠰᠦ᠂ ᠣᠰᠤ᠂ ᠣᠢ ᠮᠣᠳᠣ᠂ ᠠᠩ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ᠂ ᠠᠩ ᠠᠪᠠ ᠬᠢᠬᠦ᠂ ᠣᠢ ᠬᠡᠭᠡᠷᠡ ᠶᠢ | ᠲᠦᠢᠮᠡᠷ ᠠᠴᠠ ᠬᠠᠮᠠᠭᠠᠯᠠᠬᠤ ᠲᠠᠢ ᠬᠤᠯᠪᠤᠭᠠ ᠪᠦᠬᠦᠢ ᠡᠷᠬᠡ ᠵᠦᠢ ᠶᠢᠨ ᠬᠡᠮ ᠬᠡᠮᠵᠢᠶᠡ ᠲᠣᠰᠬᠠᠭᠳᠠᠭᠰᠠᠨ ᠨᠢ | ᠦᠨᠳᠦᠰᠦᠨ ᠳᠡᠭᠡᠨ ᠶᠡᠭᠡ ᠵᠠᠰᠠᠭ ᠬᠠᠣᠯᠢ ᠶᠢᠨ ᠵᠢᠭᠠᠯᠲᠠ ᠨᠤᠭᠤᠳ ᠪᠠᠷᠤᠭ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠣᠷᠤᠵᠠᠢ᠃ | ᠲᠤᠣᠷᠠ ᠳᠤᠷᠠᠳᠤᠭᠰᠠᠨ 3 ᠵᠦᠢᠯ ᠵᠢᠭᠠᠯᠳᠠ ᠶᠢ ᠨᠠᠷᠢᠪᠴᠢᠯᠠᠨ ᠰᠢᠨᠠ ᠪᠠᠷ ᠣᠷᠣᠭᠤᠯᠣᠭᠰᠠᠨ ᠪᠠᠶᠢᠳᠠᠭ | ᠪᠠᠶᠢᠨᠠ᠃ | ᠠᠩ ᠠᠪᠠ ᠬᠢᠬᠦ ᠵᠢᠭᠠᠯᠲᠠ᠄ | ᠬᠤᠪᠢᠯᠠᠢ ᠬᠠᠭᠠᠨ ᠤ ᠵᠠᠷᠯᠢᠭ᠄ ︽ᠶᠡᠭᠡ ᠬᠠᠭᠠᠨ ᠤ ᠵᠠᠬᠢᠷᠭᠠᠨ ᠤ ᠪᠦᠬᠦ ᠭᠠᠵᠠᠷ ᠨᠣᠲᠤᠭ ᠲᠤ ᠭᠤᠷᠪᠠᠳᠤᠭᠠᠷ | ᠰᠠᠷᠠ ᠠᠴᠠ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠰᠠᠷᠠ ᠬᠦᠷᠳᠡᠯᠡ ᠠᠩ ᠠᠮᠢᠲᠠᠨ ᠦᠷᠡᠵᠢᠵᠤ ᠲᠦᠯᠯᠡᠬᠦ ᠦᠶᠡ ᠳᠤ ᠶᠠᠮᠠᠷ ᠴᠦ | ᠬᠠᠨ ᠸᠠᠩ᠂ ᠨᠣᠶᠠᠳ ᠰᠠᠶᠢᠳ ᠶᠡᠷᠦ ᠬᠡᠨ ᠬᠦᠮᠦᠨ ᠪᠦᠬᠦ ᠲᠦᠷᠦᠯ ᠤᠨ ᠠᠩ ᠠᠮᠢᠲᠠᠨ᠂ ᠮᠠᠷᠠᠯ ᠪᠣᠭᠤ᠂ ᠲᠠᠤᠯᠠᠢ | ᠴᠢᠨᠳᠠᠭᠠ᠂ ᠵᠡᠭᠡᠷᠡ ᠭᠦᠷᠦᠭᠡᠰᠦ ᠮᠡᠲᠤ ᠶᠢ ᠠᠪᠠᠯᠠᠬᠤ ᠶᠢ ᠬᠤᠷᠢᠭᠯᠠᠨᠠ᠃ ᠬᠡᠷᠪᠡ ᠵᠦᠷᠢᠴᠡᠪᠡᠯ ᠬᠠᠳᠠᠭᠤ | ᠴᠡᠭᠡᠷᠯᠡᠭᠦᠯᠦᠨᠡ︾ ᠭᠡᠵᠦ ᠵᠢᠭᠠᠭᠰᠠᠨ ᠢ᠂ ᠲᠡᠭᠦᠨ ᠢ ᠪᠠᠨ ᠪᠡᠶᠡᠯᠡᠬᠦᠯᠬᠦ ᠶᠢ ᠬᠠᠳᠠᠭᠤ ᠱᠠᠭᠠᠷᠳᠠᠳᠠᠭ ᠲᠤᠬᠠᠢ ︽ᠵᠢᠯ | ᠪᠦᠷᠢ 3 ᠠᠴᠠ 10 ᠳ᠋ᠣᠭᠠᠷ ᠰᠠᠷᠠ ᠬᠦᠷᠳᠡᠯᠡ ᠲᠠᠤᠯᠠᠢ᠂ ᠪᠣᠭᠤ᠂ ᠪᠣᠷᠣ ᠭᠦᠷᠦᠭᠡᠰᠦ᠂ ᠴᠠᠭᠠᠨ ᠵᠡᠭᠡᠷᠡ᠂ ᠬᠠᠷᠠ | ᠰᠡᠭᠦᠯᠲᠦ ᠵᠡᠷᠭᠡ ᠶᠢ ᠲᠦᠷᠦᠬᠦ ᠦᠷᠡᠵᠢᠬᠦ ᠴᠠᠭ ᠲᠤ ᠨᠢ ᠬᠠᠨ ᠸᠠᠩ᠂ ᠡᠷᠬᠡᠳᠡᠨ ᠳᠠᠷᠬᠠᠲᠠᠨ ᠶᠠᠮᠠᠷ ᠴᠦ ᠬᠦᠮᠦᠨ | ᠠᠩᠨᠠᠬᠤ ᠡᠷᠬᠡ ᠦᠭᠡᠢ ᠭᠡᠰᠡᠨ ᠬᠠᠤᠯᠢ ᠳᠦᠷᠢᠮ ᠮᠣᠩᠭᠤᠯ ᠳᠤ ᠪᠠᠶᠢᠬᠤ ᠶᠤᠮ︾ ᠭᠡᠵᠦ ᠮᠣᠩᠭᠤᠯ ᠳᠤ 25 ᠵᠢᠯ | ᠠᠮᠢᠳᠣᠷᠠᠨ ᠰᠠᠭᠤᠭᠠᠳ 1327 ᠣᠨ ᠳᠤ ᠨᠣᠲᠤᠭ ᠪᠣᠴᠠᠭᠰᠠᠨ ᠢᠲ᠋ᠠᠯᠢ ᠶᠢᠨ ᠢᠷᠭᠡᠨ ᠮᠠᠷᠺᠦ ᠫᠤᠯᠤ᠋ ᠨᠣᠮ ᠳᠠᠭᠠᠨ | ᠳᠣᠷᠠᠳᠣᠨ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ | ᠬᠤᠪᠢᠯᠠᠢ ᠬᠠᠭᠠᠨ ᠤ ᠦᠪᠡᠷ ᠤᠨ ᠰᠤᠩᠭᠤᠨ ᠠᠪᠣᠭᠰᠠᠨ ᠨᠡᠶᠢᠰᠯᠡᠯ ᠬᠠᠭᠠᠨ ᠪᠠᠯᠭᠠᠰᠣᠨ ᠳᠤ ( ᠪᠡᠭᠡᠵᠢᠩ ) | ᠬᠤᠳᠠ ᠠᠴᠠ ᠵᠢᠯ ᠪᠦᠷᠢ ᠰᠢᠷᠠ ᠮᠦᠷᠡᠨ ᠤ ᠵᠦᠭ ᠶᠡᠭᠡ ᠠᠩ ᠬᠤᠮᠣᠷᠭᠠ ᠳᠤ ᠮᠣᠷᠳᠠᠳᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ | ᠡᠶᠢᠨᠬᠦ ᠶᠠᠪᠤᠬᠤ ᠳᠠᠭᠠᠨ ᠣᠯᠠᠨ ᠵᠠᠭᠤᠨ ᠪᠠᠷᠠ ᠪᠣᠯᠣᠭᠴᠢᠳ ᠮᠦᠨ ᠠᠩ ᠠᠮᠢᠳᠠᠨ ᠢ ᠪᠠᠷᠢᠭᠤᠯᠵᠣ ᠰᠤᠷᠭᠠᠭᠰᠠᠨ | ᠨᠣᠬᠠᠢ᠂ ᠠᠷᠰᠯᠠᠨ᠂ ᠪᠠᠷᠰ᠂ ᠴᠢᠨ᠋ᠸᠠ᠂ ᠱᠤᠩᠬᠤᠷ᠂ ᠪᠦᠷᠭᠦᠳ ᠮᠡᠳᠦ ᠶᠢᠨ ᠣᠯᠠᠨ ᠠᠮᠢᠲᠠᠨ ᠢᠶᠠᠨ ᠠᠪᠴᠣ ᠶᠠᠪᠣᠵᠤ | ᠲᠠᠭᠠᠷᠠᠯᠳᠤᠭᠰᠠᠨ ᠠᠩ ᠠᠮᠢᠳᠠᠨ ᠢ ᠪᠠᠷᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠨᠢ ᠠᠩ ᠠᠪᠠ ᠶᠢᠨ ᠠᠵᠢᠯ ᠭᠤᠣᠯ ᠲᠦᠯᠦᠪ ᠬᠠᠭᠠᠳ | ᠨᠣᠶᠠᠳ ᠵᠡᠷᠭᠡ ᠶᠡᠬᠡᠰ ᠳᠡᠭᠡᠳᠦᠰ ᠤᠨ ᠵᠤᠭᠠ ᠴᠡᠩᠭᠡᠯ ᠤᠨ ᠰᠢᠨᠵᠢ ᠴᠢᠨᠠᠷ ᠲᠠᠢ ᠪᠠᠶᠢᠵᠤ᠂ ᠡᠬᠡᠯ ᠵᠢᠷ ᠤᠨ ᠠᠷᠠᠳ | ᠤᠳ ᠠᠩ ᠠᠪᠠ ᠶᠢ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠢᠶᠠᠨ ᠵᠡᠷᠭᠡᠴᠡᠭᠡ ᠠᠮᠢᠳᠤᠷᠠᠯ ᠠᠬᠤᠢ ᠳᠠᠭᠠᠨ ᠨᠡᠮᠡᠷᠢ ᠰᠡᠯᠪᠢᠭ ᠲᠡᠳᠦᠢ | ᠪᠠᠷ ᠡᠷᠬᠢᠯᠡᠵᠤ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠬᠤ ᠨᠢᠭᠡ ᠪᠠᠷᠢᠮᠲᠠ ᠶᠤᠮ᠃ | ᠦᠷᠲᠡᠭᠡ ᠵᠠᠮ ᠤᠨ ᠳᠠᠭᠠᠤ ᠳᠤ ᠮᠣᠳᠣ ᠲᠠᠷᠢᠵᠣ ᠬᠠᠮᠠᠭᠠᠯᠠᠨ ᠣᠷᠭᠤᠭᠤᠯᠬᠤ ᠵᠢᠭᠠᠯᠲᠠ᠄ | ᠬᠤᠪᠢᠯᠠᠢ ᠬᠠᠭᠠᠨ ᠤ ᠵᠠᠷᠯᠢᠭ᠄ ︽ᠶᠡᠭᠡ ᠬᠠᠭᠠᠨ ᠪᠠᠷ ᠡᠯᠴᠢ ᠵᠠᠷᠤᠯᠭᠠ᠂ ᠬᠤᠳᠠᠯᠳᠤᠭᠠᠴᠢᠳ ᠬᠢᠭᠡᠳ ᠡᠩ | ᠤᠨ ᠠᠷᠠᠳ ᠤᠨ ᠦᠷᠭᠦᠯᠵᠢ ᠬᠥᠯᠬᠢᠳᠡᠭ ᠶᠡᠭᠡ ᠵᠠᠮ ᠤᠨ ᠳᠠᠭᠠᠤ ᠬᠤᠶᠠᠷ ᠬᠤᠶᠠᠷ ᠠᠯᠬᠤᠮ ᠤᠨ ᠵᠠᠶᠢᠲᠠᠢ ᠭᠠᠵᠠᠷ | ᠮᠣᠳᠣ ᠲᠠᠷᠢᠬᠤ ᠶᠢ ᠁︾ ᠵᠢᠭᠠᠵᠡᠢ᠃ ᠡᠨᠡ ᠲᠤᠬᠠᠢ ᠮᠠᠷᠺᠦ ᠫᠤᠯᠤ᠋ ᠲᠡᠮᠳᠡᠭᠯᠡᠯ ᠳᠤ ᠪᠠᠨ ︽ᠮᠣᠩᠭᠤᠯᠴᠣᠳ | ᠦᠷᠲᠡᠭᠡ ᠵᠠᠮ ᠤᠨ ᠬᠤᠶᠠᠷ ᠬᠠᠵᠠᠭᠤ ᠪᠠᠷ ᠮᠣᠳᠣ ᠲᠠᠷᠢᠭᠰᠠᠨ ᠨᠢ ᠨᠠᠷᠠ ᠰᠢᠷᠠᠬᠤ ᠦᠭᠡᠢ ᠰᠡᠭᠦᠳᠡᠷ ᠲᠠᠢ᠂ ᠡᠪᠦᠯ | ᠴᠠᠰᠣ ᠣᠨᠠᠬᠤ ᠳᠤ ᠵᠠᠮ ᠠᠯᠳᠠᠵᠦ ᠲᠦᠭᠡᠷᠢᠬᠦ ᠦᠭᠡᠢ ᠰᠠᠶᠢᠨ ᠲᠠᠯᠠ ᠲᠠᠢ᠃ ᠡᠨᠡ ᠮᠤᠳᠤᠳ ᠠᠯᠤᠰ ᠠᠴᠠ ᠶᠡᠭᠡ | ᠰᠦᠷᠯᠢᠭ ᠬᠠᠷᠠᠭᠳᠠᠨᠠ ᠁ ᠭᠤᠪᠢ ᠴᠦᠯ ᠤᠨ ᠵᠠᠮ ᠳᠠᠭᠠᠤ ᠴᠦ ᠮᠦᠨ ᠲᠡᠶᠢᠮᠦ ᠮᠣᠳᠣ ᠰᠠᠭᠤᠯᠭᠠᠭᠰᠠᠨ ᠨᠢ | ᠬᠤᠳᠠᠯᠳᠤᠭᠠᠴᠢᠳ ᠬᠢᠭᠡᠳ ᠡᠯᠴᠢ ᠨᠠᠷ ᠲᠤ ᠲᠦᠢᠯ ᠤᠨ ᠲᠠᠭᠠᠲᠠᠢ᠃ ᠲᠡᠷᠡᠴᠢᠯᠡᠨ ᠪᠦᠬᠦ ᠬᠠᠭᠠᠨᠲᠤ ᠣᠯᠤᠰ ᠮᠣᠵᠢ | ᠣᠯᠤᠰ ᠤᠨ ᠵᠠᠮ ᠤᠨ ᠳᠠᠭᠠᠤ ᠲᠡᠶᠢᠮᠦ ᠮᠣᠳᠣ ᠴᠦᠮ ᠪᠤᠢ ᠠᠵᠠᠢ︾ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ | ᠮᠦᠨ ᠦᠯᠵᠡᠶᠢᠲᠤ ᠬᠠᠭᠠᠨ ᠤ ᠦᠶᠡ ᠳᠤ ᠭᠠᠷᠭᠠᠭᠰᠠᠨ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠪᠢᠴᠢᠭ ᠲᠤ 1294 ᠣᠨ | ᠤ ᠣᠷᠴᠢᠮ ᠮᠣᠳᠣ ᠣᠭᠲᠣᠯᠬᠤ ᠶᠢ ᠬᠤᠷᠢᠭᠯᠠᠨ᠄ ︽᠁ ᠬᠠᠪᠤᠷ ᠪᠤᠯᠬᠤ ᠳᠤ ᠬᠠᠮᠤᠭ ᠤᠨ ᠣᠷᠢᠳ ᠮᠣᠳᠣ | ᠲᠠᠷᠢᠵᠣ ᠰᠠᠭᠤᠯᠭᠠᠬᠤ ᠬᠡᠷᠡᠭᠲᠡᠢ᠃ ᠮᠤᠳᠤ ᠶᠢ ᠵᠦᠢ ᠪᠣᠰᠣ ᠪᠠᠷ ᠣᠭᠲᠤᠯᠵᠤ ᠦᠯᠦ ᠪᠤᠯᠤᠨᠠ᠃ ᠵᠦᠷᠢᠴᠢᠭᠴᠢᠳ ᠢ | ᠬᠠᠤᠯᠢ ᠶᠣᠰᠣ ᠪᠠᠷ ᠶᠠᠯᠠᠯᠠᠰᠣᠭᠠᠢ᠃ ᠣᠢ ᠮᠣᠳᠣ ᠶᠡᠭᠡ ᠪᠤᠯᠬᠤ ᠠᠪᠠᠰᠤ ᠠᠯᠪᠠ ᠪᠠ ᠠᠮᠢᠨ ᠤ ᠴᠦᠮ ᠠᠰᠢᠭᠲᠠᠢ ᠁ | ︾ ᠭᠡᠵᠦ ᠵᠢᠭᠠᠭᠰᠠᠨ ᠪᠠᠶᠢᠨᠠ᠃ | ᠴᠠᠭ ᠠᠭᠠᠷ ᠤᠨ ᠪᠠᠶᠢᠳᠠᠯ ᠢ ᠵᠢᠷᠤᠬᠠᠢ ᠶᠢᠨ ᠠᠷᠭᠠ ᠪᠠᠷ ᠣᠷᠢᠳᠴᠢᠯᠠᠨ ᠲᠦᠰᠦᠭᠡᠯᠡᠬᠦ ᠵᠢᠭᠠᠯᠲᠠ᠄ | ᠶᠡᠭᠡ ᠶᠤᠧᠠᠨ ᠭᠦᠷᠦᠨ ᠤ ᠦᠶᠡ ᠳᠤ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠲᠠᠯᠠ ᠪᠠᠷ ᠡᠷᠬᠡ ᠵᠦᠢ ᠶᠢᠨ ᠬᠡᠮ ᠬᠡᠮᠵᠢᠶᠡᠨ ᠤ | ᠬᠦᠷᠢᠶᠡᠨ ᠳᠤ ᠬᠢᠵᠦ ᠪᠠᠶᠢᠭᠰᠠᠨ ᠠᠵᠢᠯ ᠤᠨ ᠨᠢᠭᠡᠨ ᠪᠠᠷᠢᠮᠲᠠ ᠶᠢ ᠡᠰᠢ ᠲᠠᠲᠠᠶᠠ᠃ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠲᠦᠯᠦᠪ | ᠪᠠᠶᠢᠳᠠᠯ ᠢ ᠤᠷᠢᠳ ᠠᠴᠠ ᠲᠠᠨᠢᠨ ᠮᠡᠳᠡᠵᠦ ᠲᠡᠭᠦᠨ ᠲᠠᠢ ᠵᠤᠬᠢᠴᠠᠨ ᠠᠵᠤ ᠲᠦᠷᠦᠬᠦ ᠠᠷᠭᠠ ᠣᠬᠠᠭᠠᠨ ᠢ ᠬᠤᠪᠢᠯᠠᠢ | ᠬᠠᠭᠠᠨ ᠶᠡᠬᠡᠳᠠ ᠡᠷᠬᠢᠮᠯᠡᠨ ᠵᠢᠷᠤᠬᠠᠢ ᠶᠢᠨ ᠣᠬᠠᠭᠠᠨ ᠢ ᠡᠭᠦᠨ ᠳᠤ ᠢᠯᠡᠭᠦᠦ ᠬᠡᠷᠡᠭᠯᠡᠵᠦ ᠪᠠᠶᠢᠵᠠᠢ᠃ | ᠶᠡᠭᠡ ᠬᠠᠭᠠᠨ 5000 ᠣᠷᠴᠢᠮ ᠵᠢᠷᠤᠬᠠᠶᠢᠴᠢ᠂ ᠲᠦᠯᠭᠡᠴᠢ ᠨᠠᠷ ᠲᠠᠢ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠳᠡ ᠣᠳᠤ | ᠭᠠᠷᠠᠭ ᠲᠡᠭᠷᠢ ᠡᠷᠬᠡᠰ ᠤᠨ ᠣᠷᠴᠢᠯ ᠢ ᠰᠢᠨᠵᠢᠵᠦ ᠮᠡᠳᠡᠭᠡᠳ ᠴᠠᠭ ᠣᠯᠠᠷᠢᠯ ᠶᠠᠮᠠᠷ ᠪᠠᠶᠢᠬᠤ ᠵᠢᠯ ᠤᠨ ᠰᠠᠷᠠ ᠪᠦᠷᠢ | ᠶᠢᠨ ᠣᠨᠴᠠᠯᠢᠭ ᠵᠡᠷᠭᠡ ᠶᠢ ᠰᠢᠨᠵᠢᠵᠦ ᠲᠤᠳᠤᠷᠬᠠᠶᠢᠯᠠᠳᠠᠭ ᠪᠠᠶᠢᠵᠠᠢ᠃ ᠲᠣᠬᠠᠶᠢᠯᠠᠪᠠᠯ᠄ ᠶᠠᠮᠠᠷ ᠰᠠᠷᠠ ᠳᠤ ᠲᠡᠭᠷᠢ | ᠡᠬᠢᠯᠡᠵᠦ ᠳᠤᠣᠭᠠᠷᠬᠤ᠂ ᠰᠠᠯᠬᠢ ᠰᠢᠭᠤᠷᠭᠠ ᠪᠤᠯᠬᠤ᠂ ᠭᠠᠵᠠᠷ ᠬᠦᠳᠡᠯᠬᠦ᠂ ᠳᠣᠭᠰᠢᠨ ᠰᠢᠷᠦᠭᠦᠨ ᠪᠤᠷᠤᠭᠠ ᠣᠷᠣᠬᠤ᠂ | ᠡᠪᠡᠳᠴᠢᠨ ᠲᠠᠬᠤᠯ ᠭᠠᠷᠬᠤ᠂ ᠦᠬᠦᠯ ᠵᠤᠪᠠᠯᠠᠩ ᠳᠤᠬᠢᠶᠠᠯᠳᠤᠬᠤ ᠭᠡᠬᠦ ᠮᠡᠲᠤ ᠶᠢ ᠤᠷᠢᠳ ᠠᠴᠠ ᠬᠡᠯᠡᠳᠡᠭ ᠪᠠᠶᠢᠵᠠᠢ᠃ | ᠲᠡᠳᠡᠨ ᠤ ᠰᠢᠨᠵᠢᠵᠦ ᠮᠡᠳᠡᠭᠰᠡᠨ ᠤ ᠬᠢᠷᠢ ᠪᠠᠷ ᠡᠨᠡ ᠰᠠᠷᠠ ᠳᠤ ᠡᠶᠢᠮᠦ ᠲᠡᠶᠢᠮᠦ ᠶᠠᠭᠤᠮᠠ ᠪᠤᠯᠤᠨᠠ᠂ ᠬᠠᠷᠢᠨ | ᠪᠤᠯᠬᠤ ᠬᠡᠷᠡᠭ ᠢ ᠪᠣᠷᠬᠠᠨ ᠲᠡᠭᠷᠢ ᠦᠪᠡᠷ ᠤᠨ ᠲᠠᠭᠠᠯᠠᠯ ᠢᠶᠠᠷ ᠶᠡᠭᠡ ᠪᠠᠭᠠ ᠠᠯᠢ ᠨᠢᠭᠡᠨ ᠬᠡᠮᠵᠢᠶᠠ ᠪᠠᠷ | ᠦᠭᠡᠷᠡᠴᠢᠯᠡᠵᠦ ᠪᠤᠯᠤᠨᠠ ᠭᠡᠮᠡᠨ ᠨᠡᠶᠢᠲᠡ ᠳᠤ ᠵᠠᠷᠯᠠᠨ ᠮᠡᠳᠡᠭᠡᠯᠡᠵᠤ ᠠᠷᠠᠳ ᠣᠯᠠᠨ ᠢ ᠰᠡᠷᠡᠮᠵᠢᠯᠡᠭᠦᠯᠦᠨ | ᠪᠤᠯᠭᠤᠮᠵᠢᠯᠠᠭᠤᠯᠵᠤ ᠪᠠᠶᠢᠭᠠᠯᠢ ᠣᠷᠴᠢᠨ ᠲᠠᠢ ᠵᠤᠬᠢᠴᠠᠨ ᠠᠮᠢᠳᠣᠷᠠᠬᠤ ᠠᠷᠭᠠ ᠠᠵᠢᠯᠯᠠᠭᠠᠨ ᠳᠤ ᠰᠣᠷᠭᠠᠵᠦ | ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | | |