| ᠨᠤᠬᠠᠢ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠰᠠᠶᠢᠨ ᠨᠠᠶᠢᠵᠠ᠂ ᠳᠤᠳᠤᠨᠤ ᠬᠠᠨᠢ᠃ ᠨᠤᠬᠠᠢ ᠳᠠᠵᠢᠭᠡᠬᠦ ᠪᠤᠯ | ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠵᠦᠢᠯ᠃ ᠮᠤᠩᠭᠤᠯ ᠠᠶᠢᠯ ︵ᠮᠠᠯᠴᠢᠨ᠂ ᠳᠠᠷᠢᠶᠠᠴᠢᠨ᠂ | ᠠᠩᠴᠢᠨ᠂ ᠬᠦᠷᠦᠭᠡᠴᠢᠨ ᠁︶ ᠠᠯᠢ ᠠᠶᠢᠯ ᠡᠷᠦᠭᠡ ᠨᠢ ᠴᠤ ᠬᠡᠰᠡᠨ ᠭᠡᠵᠢᠶᠡᠳᠡ ᠪᠠᠨ 1 — 2 ᠨᠤᠬᠠᠢ | ᠳᠡᠵᠢᠬᠡᠳᠡᠭ᠃ ᠪᠠᠶᠢᠳᠠᠯ ᠭᠡᠷᠡᠭᠴᠡᠭᠡ ᠪᠠᠨ ᠦᠨᠳᠦᠰᠦᠯᠠᠵᠦ ᠪᠠᠶᠢᠭᠠᠳ ᠵᠠᠷᠢᠮ ᠠᠶᠢᠯ ᠨᠢ ᠭᠡᠳᠦ ᠭᠡᠳᠦᠨ ᠨᠤᠬᠠᠢ | ᠳᠠᠵᠢᠬᠡᠳᠡᠭ ᠴᠤ ᠪᠤᠢ᠃ | ᠮᠤᠩᠭᠤᠯ ᠬᠦᠮᠦᠨ ᠨᠢᠭᠡ ᠠᠶᠢᠯ ᠡᠷᠦᠭᠡ ᠶᠢᠨ ᠤᠷᠦᠰᠢᠨ ᠠᠮᠢᠳᠤᠷᠠᠵᠦ ᠪᠠᠶᠢᠭᠠ ᠡᠰᠠᠬᠦ ᠶᠢ ᠨᠤᠬᠠᠢ ᠶᠢᠨ | ᠳᠠᠭᠤ ᠪᠠᠷ ᠨᠢ ᠭᠡᠮᠵᠢᠶᠡᠯᠡᠳᠡᠭ᠃ ᠨᠤᠬᠠᠢ ᠶᠢᠨ ᠳᠠᠭᠤ ᠭᠠᠷᠴᠤ ᠯᠠ ᠪᠠᠶᠢᠪᠠᠯ᠂ ᠡᠨᠡ ᠠᠶᠢᠯ ᠡᠷᠦᠭᠡ ᠬᠠᠮᠢᠭᠠ | ᠬᠠᠮᠢᠭᠠᠭᠤᠷ ᠪᠠᠶᠢᠨᠠ᠂ ᠶᠠᠭᠤ ᠶᠠᠭᠤ ᠬᠢᠵᠦ ᠪᠠᠶᠢᠨᠠ᠂ ᠶᠠᠮᠠᠷ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠨᠠ᠂ ᠭᠡᠷ ᠲᠤᠨᠢ ᠬᠦᠮᠦᠨ ᠪᠠᠶᠢᠬᠤ | ᠡᠰᠠᠬᠦ᠂ ᠠᠮᠢᠳᠤᠷᠠᠯ ᠤᠷᠤᠰᠢᠯ ᠨᠢ ᠶᠠᠮᠠᠷ ᠵᠡᠷᠭᠡ ᠪᠠᠶᠢᠬᠤ ᠡᠰᠠᠬᠦ ᠵᠡᠷᠭᠡ ᠶᠢ ᠮᠠᠭᠠᠳᠯᠠᠨ ᠳᠦᠰᠦᠭᠡᠯᠡᠳᠡᠭ᠃ | ᠨᠤᠬᠠᠢ ᠶᠢᠨ ᠳᠠᠭᠤ ᠳᠠᠰᠤᠷᠠᠯᠠ ᠯᠠ ᠭᠡᠪᠡᠯ ᠡᠨᠡ ᠠᠶᠢᠯ ᠡᠷᠦᠭᠡ ᠶᠢᠨ ᠠᠯᠢᠪᠠ ᠠᠮᠢᠳᠤᠷᠠᠯ ᠤᠷᠤᠰᠢᠯ ᠳᠠᠭᠤᠰᠤᠯᠠ ᠯᠠ | ᠭᠡᠰᠡᠨ ᠤᠴᠢᠷ ᠭᠡᠵᠦ ᠦᠵᠡᠳᠡᠭ᠃ | ᠨᠤᠬᠠᠢ ᠪᠤᠯ ᠦᠨᠠᠨᠴᠢ ᠰᠢᠳᠤᠷᠭᠤ᠂ ᠬᠤᠷᠴᠠ ᠰᠠᠷᠭᠡᠭ ᠠᠮᠢᠳᠠᠨ ᠶᠤᠮ᠃ ᠮᠤᠩᠭᠤᠯᠴᠤᠳ ᠨᠤᠬᠠᠢ ᠳᠠᠵᠢᠭᠡᠵᠦ | ᠪᠠᠶᠢᠳᠠᠭ ᠨᠢ᠂ ᠨᠤᠬᠠᠢ ᠶᠢ ᠦᠪᠡᠷ ᠤᠨ ᠪᠠᠶᠠ ᠳᠡᠭᠡᠨ ᠬᠠᠨᠢ ᠨᠠᠶᠢᠵᠠ᠂ ᠪᠠᠷᠠ ᠳᠦᠰᠢᠭ ᠪᠤᠯᠭᠠᠬᠤ ᠶᠢᠨ ᠳᠦᠯᠦᠭᠡ ᠪᠠᠷ | ᠪᠠᠷᠠᠬᠤ ᠦᠭᠡᠢ᠂ ᠨᠠᠩ ᠴᠢᠬᠤᠯᠠ ᠨᠢ ᠨᠤᠬᠠᠢ ᠪᠠᠷ ᠬᠤᠳᠠ ᠤᠰᠤ᠂ ᠭᠡᠷ ᠡᠷᠦᠭᠡ ᠪᠠᠨ ᠰᠠᠬᠢᠭᠤᠯᠵᠦ᠂ ᠬᠤᠯᠠᠭᠠᠢ | ᠳᠡᠭᠡᠷᠡᠮ ᠢ ᠰᠠᠷᠭᠡᠶᠢᠯᠠᠵᠦ᠂ ᠬᠤᠤᠷᠳᠠᠨ ᠳᠠᠶᠢᠰᠦᠨ ᠢ ᠳᠠᠷᠤᠨ ᠠᠷᠢᠯᠭᠠᠬᠤ ᠶᠢᠨ ᠳᠦᠯᠦᠭᠡ ᠶᠤᠮ᠃ ᠰᠠᠶᠢᠨ ᠮᠠᠨᠠᠭᠠᠴᠢ | ᠂ ᠬᠤᠳᠠᠴᠢ ᠨᠤᠬᠠᠢ ᠲᠠᠢ ᠠᠶᠢᠯ ᠳᠤ ᠪᠤᠯ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠶᠠᠮᠠᠷᠪᠠ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠪᠤᠶᠤ ᠬᠤᠤᠷᠳᠠᠨ | ᠳᠠᠶᠢᠰᠦᠨ ︵ᠦᠨᠡᠭᠡ᠂ ᠴᠢᠨ᠋ᠸᠠ᠂ ᠪᠠᠷᠰ᠂ ᠪᠠᠭᠠᠪᠠᠭᠠᠢ ᠁︶᠂ ᠮᠠᠭᠤ ᠡᠳᠡᠭᠡᠳ ᠤᠶᠢᠷᠠᠳᠤᠵᠦ ᠬᠠᠯᠳᠠᠵᠦ | ᠴᠢᠳᠠᠳᠠᠭ ᠦᠭᠡᠢ ᠶᠤᠮ᠃ ᠬᠤᠯᠠᠭᠤᠷ ᠵᠠᠶᠢᠳᠠᠨ ᠬᠤᠯᠠᠭᠤᠵᠦ ᠰᠢᠯᠭᠡᠬᠡᠵᠦ ᠬᠠᠷᠠᠨ ᠶᠠᠪᠤᠳᠠᠭ ᠶᠤᠮ᠃ | ᠨᠤᠬᠠᠢ ᠶᠢ ᠳᠠᠵᠢᠭᠡᠭᠦ ᠳᠤ ᠬᠦᠯᠦᠭᠡᠨ ᠠᠴᠠ ᠨᠢ ᠡᠬᠢᠯᠡᠨ ᠳᠠᠵᠢᠭᠡᠵᠦ ᠳᠠᠰᠬᠠᠳᠠᠭ᠃ ᠳᠤᠮᠤ ᠪᠤᠯᠤᠭᠰᠠᠨ | ᠬᠤᠶᠢᠨᠠ ᠳᠠᠵᠢᠭᠡᠵᠦ ᠳᠠᠰᠬᠠᠬᠤ ᠳᠤ ᠳᠤᠩ ᠬᠦᠴᠢᠷ᠃ ᠤᠴᠢᠷ ᠨᠢ ᠨᠤᠬᠠᠢ ᠦᠪᠠᠷ ᠤᠨ ᠦᠰᠦᠭᠰᠡᠨ ᠳᠠᠰᠤᠭᠰᠠᠨ | ᠭᠡᠷ ᠡᠷᠦᠭᠡ ᠪᠤᠶᠤ ᠦᠰᠭᠡᠵᠦ ᠳᠠᠵᠢᠭᠡᠭᠰᠡᠨ ᠡᠵᠡᠨ ᠠᠴᠠ ᠪᠠᠨ ᠦᠭᠡᠷᠡ ᠠᠶᠢᠯ ᠡᠷᠦᠭᠡ᠂ ᠦᠭᠡᠷᠡ ᠬᠦᠮᠦᠨ ᠬᠠᠷᠠ ᠶᠢ | ᠶᠡᠷᠦ ᠨᠢ ᠢᠳᠡᠭᠡᠳᠡᠭ ᠦᠭᠡᠢ᠂ ᠴᠦᠮ ᠢ ︽ᠮᠠᠭᠤ ᠠᠮᠢᠳᠠᠨ︾᠂ ︽ᠮᠠᠭᠤ ᠡᠳᠡᠭᠡᠳ︾ ᠢᠶᠠᠷ ᠦᠵᠡᠳᠡᠭ ᠶᠤᠮ᠃ | ᠨᠤᠬᠠᠢ ᠳᠠᠵᠢᠭᠡᠬᠦ ᠳᠤ ᠬᠦᠯᠦᠭᠡ ᠰᠤᠩᠭᠤᠬᠤ ᠪᠤᠯ ᠬᠠᠮᠤᠭ ᠤᠨ ᠴᠢᠬᠤᠯᠠ᠃ ︽ᠨᠢᠭᠡ ᠰᠠᠶᠢᠨ ᠨᠤᠬᠠᠢ ᠲᠠᠢ | ᠪᠤᠯᠤᠶᠠ ᠭᠡᠪᠡᠯ ᠡᠬᠦᠷ ᠢ ᠨᠢ ᠦᠵᠠ ︵ᠤᠳᠤᠮ ᠢ ᠨᠢ ᠦᠵᠠ︶᠂ ᠡᠭᠡ ᠶᠢ ᠨᠢ ᠦᠵᠠ᠂ ᠬᠦᠯᠦᠭᠡ ᠶᠢ ᠨᠢ ᠦᠵᠠ ︵ | ᠨᠢᠭᠡ ᠡᠭᠦᠷ ᠬᠦᠯᠦᠭᠡ ᠠᠴᠠ ᠠᠯᠢ ᠨᠢ ᠰᠠᠶᠢᠨ ᠪᠤᠢ ᠭᠡᠰᠡᠨ ᠢ ᠰᠠᠶᠢᠨ ᠦᠵᠠ᠂ ᠰᠠᠶᠢᠳᠦᠷ ᠰᠤᠩᠭᠤ︶︾ ᠭᠡᠵᠦ | ᠮᠤᠩᠭᠤᠯᠴᠤᠳ ᠦᠷᠬᠦᠯᠵᠢᠳᠠ ᠶᠠᠷᠢᠳᠠᠭ᠃ ᠮᠤᠩᠭᠤᠯᠴᠤᠳ ᠨᠢᠭᠡ ᠡᠬᠦᠷ ᠬᠦᠯᠦᠭᠡ ᠠᠴᠠ ᠳᠠᠵᠢᠭᠡᠭᠦ ᠬᠦᠯᠦᠭᠡ ᠪᠠᠨ | ᠰᠤᠩᠭᠤᠬᠤ ᠳᠠᠭᠠᠨ ᠠᠯᠢ ᠨᠢᠭᠡ ᠨᠢ ᠶᠠᠮᠠᠷ ᠠᠪᠠ ᠳᠤ ᠰᠠᠶᠢᠨ᠂ ᠠᠯᠢ ᠨᠢᠭᠡ ᠨᠢ ᠭᠡᠷ ᠬᠠᠷᠠᠬᠤ ᠳᠤ ᠰᠠᠶᠢᠨ᠂ ᠠᠯᠢ | ᠨᠢᠭᠡ ᠨᠢ ᠬᠤᠳᠠ ᠰᠠᠬᠢᠬᠤ ᠳᠤ ᠰᠠᠶᠢᠨ᠂ ᠠᠯᠢ ᠨᠢᠭᠡ ᠨᠢ ᠮᠠᠨᠠᠭᠠ ᠮᠠᠨᠠᠬᠤ ᠳᠤ ᠰᠠᠶᠢᠨ ᠭᠡᠵᠦ ᠢᠯᠭᠠᠵᠦ ᠰᠢᠯᠢᠨ | ᠦᠵᠠᠳᠡᠭ᠃ ᠶᠡᠷᠦ ᠳᠡᠭᠡᠨ ᠪᠠᠶᠠ ᠪᠠᠷᠠ ᠳᠠᠩᠴᠠᠬᠦᠬᠡᠨ᠂ ᠠᠵᠢᠭᠴᠢ ᠬᠢᠷᠠᠬᠠᠢ᠂ ᠬᠤᠷᠴᠠ ᠰᠠᠷᠭᠡᠭ ᠬᠦᠯᠦᠬᠡ ᠪᠤᠯ ᠭᠡᠷ | ᠳᠡᠷᠭᠡ ᠬᠠᠷᠠᠬᠤ᠂ ᠬᠤᠳᠠ ᠤᠰᠤ ᠰᠠᠬᠢᠬᠤ ᠳᠤ ᠰᠠᠶᠢᠨ ᠨᠤᠬᠠᠢ ᠪᠤᠯᠤᠨᠠ ᠭᠡᠵᠦ ᠬᠤᠳᠠᠴᠢ᠂ ᠮᠠᠨᠠᠭᠠᠴᠢ ᠨᠤᠬᠠᠢ ᠪᠠᠷ | ᠰᠤᠩᠭᠤᠨ ᠪᠤᠯᠪᠠᠰᠤᠷᠠᠭᠤᠯᠵᠦ ᠳᠠᠰᠬᠠᠳᠠᠭ᠃ ᠪᠠᠶᠠ ᠪᠠᠷᠠ ᠪᠠᠭᠠᠪᠳᠤᠷ᠂ ᠬᠦᠳᠠᠯᠵᠦ ᠪᠠᠷᠢᠬᠤ ᠨᠢ ᠱᠠᠯᠠᠮᠠᠭ ᠰᠢᠬ | ᠬᠦᠯᠦᠭᠡ ᠪᠤᠯ ᠦᠨᠡᠭᠡ ᠱᠠᠬᠠᠷᠠ ᠪᠠᠷᠢᠬᠤ ᠳᠤ ᠰᠠᠶᠢᠨ ᠨᠤᠬᠠᠢ ᠪᠤᠯᠤᠨᠠ ᠭᠡᠵᠦ ᠦᠵᠠᠵᠦ᠂᠂ ᠪᠠᠶᠠ ᠪᠦᠳᠦᠬᠦᠨ᠂ | ᠵᠠᠪᠠᠵᠢ ᠠᠭᠤᠳᠠᠮ᠂ ᠴᠠᠭᠡᠵᠢ ᠦᠷᠭᠡᠨ᠂ ᠳᠤᠯᠤᠭᠠᠢ ᠨᠢ ᠳᠤᠮᠤ᠂ ᠭᠠᠪᠠᠯᠠ ᠮᠠᠩᠨᠠᠢ ᠶᠢᠨ ᠶᠠᠰᠤ ᠨᠢ ᠬᠦᠳᠦᠬᠦᠷ | ᠬᠦᠯᠦᠭᠡ ᠪᠤᠯ ᠭᠡᠷᠡᠭᠦᠯ ᠵᠤᠳᠤᠭᠠᠨ ᠬᠢᠬᠦ ᠳᠤ ᠬᠦᠴᠦ ᠴᠢᠳᠠᠯ ᠲᠠᠢ᠂ ᠠᠩᠴᠢ ᠬᠦᠷᠦᠭᠡᠴᠢ ᠨᠤᠬᠠᠢ ᠪᠤᠯᠤᠨᠠ ᠭᠡᠵᠦ | ᠠᠩᠴᠢ ᠬᠦᠷᠦᠭᠡᠴᠢ ᠨᠤᠬᠠᠢ ᠪᠠᠷ ᠰᠤᠩᠭᠤᠵᠦ ᠳᠠᠰᠬᠠᠨ ᠪᠤᠯᠪᠠᠰᠤᠷᠠᠭᠤᠯᠳᠠᠭ᠃ ᠤᠨᠴᠠᠭᠠᠶᠢᠯᠠᠨ ᠨᠢᠯᠬᠠ ᠬᠦᠯᠦᠭᠡ ᠶᠢ | ᠳᠤᠬᠤᠨ ᠤ ᠬᠢᠨᠢ ᠠᠷᠠᠰᠤ ᠠᠴᠠ ᠪᠠᠵᠠᠵᠦ ᠳᠡᠭᠡᠭᠰᠢ ᠳᠡᠬᠦᠵᠢᠯᠠᠨ ᠡᠷᠭᠦᠭᠦ ᠳᠤ ︽ᠭᠠᠩ︾ ᠭᠡᠵᠦ ᠳᠤᠤᠭᠠᠷᠬᠤ ᠦᠭᠡᠢ᠂ | ᠭᠠᠰᠠᠯᠵᠦ ᠤᠷᠢᠯᠠᠵᠦ ᠴᠢᠷᠠᠯᠠᠬᠤ ᠦᠭᠡᠢ ᠪᠤᠯ ᠡᠨᠡ ᠬᠦᠯᠦᠭᠡ ᠨᠢ ᠳᠤᠮᠤ ᠪᠤᠯᠪᠠᠯ ᠳᠠᠰᠪᠤᠷᠢ ᠰᠠᠶᠢᠳᠠᠢ᠂ | ᠶᠠᠭᠤᠨ ᠠᠴᠠ ᠴᠤ ᠠᠶᠤᠬᠤ ᠦᠭᠡᠢ᠂ ᠵᠤᠷᠢᠭ ᠰᠦᠰᠦ ᠲᠠᠢ ᠭᠡᠴᠠᠬᠦᠦ ᠨᠤᠬᠠᠢ ᠪᠤᠯᠤᠨᠠ ᠭᠡᠵᠦ ᠦᠵᠠᠳᠡᠭ᠃ ᠡᠶᠢᠮᠦ | ᠨᠤᠬᠠᠢ ᠨᠢ ᠠᠶᠢᠯ ᠡᠷᠦᠭᠡ᠂ ᠬᠤᠳᠠ ᠤᠰᠤ ᠰᠠᠬᠢᠭᠰᠠᠨ ᠴᠤ ᠰᠠᠶᠢᠨ ᠬᠤᠳᠠᠴᠢ᠂ ᠮᠠᠨᠠᠭᠠᠴᠢ ᠨᠤᠬᠠᠢ ᠪᠤᠯᠵᠦ ᠴᠢᠳᠠᠬᠤ | ᠮᠦᠷᠳᠡᠭᠡᠨ ᠦᠨᠡᠭᠡ᠂ ᠴᠢᠨ᠋ᠸᠠ ᠪᠠᠷᠰ᠂ ᠪᠠᠭᠠᠪᠠᠭᠠᠢ᠂ ᠢᠷᠪᠢᠰ ᠮᠠᠳᠤ ᠵᠡᠷᠯᠢᠭ ᠳᠤᠭᠰᠢᠨ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠲᠠᠢ | ᠳᠤᠯᠤᠯᠳᠤᠭᠰᠠᠨ ᠴᠤ ᠠᠶᠤᠵᠦ ᠰᠦᠷᠳᠡᠭᠦ ᠦᠭᠡᠢ᠂ ᠰᠦᠷ ᠬᠦᠴᠦᠨ ᠲᠠᠢ ᠨᠤᠬᠠᠢ ᠪᠤᠯᠵᠦ ᠴᠢᠳᠠᠳᠠᠭ ᠮᠦᠷᠳᠡᠭᠡᠨ | ᠡᠵᠡᠨ ᠳᠡᠭᠡᠨ ᠳᠤᠰᠠ ᠬᠦᠴᠦ ᠪᠠᠨ ᠪᠦᠷᠢᠨ ᠬᠦᠷᠭᠡᠵᠦ ᠴᠢᠳᠠᠳᠠᠭ᠃ ᠳᠡᠵᠢᠭᠡᠭᠦ ᠬᠦᠯᠦᠭᠡ ᠪᠠᠨ ᠰᠤᠩᠭᠤᠵᠦ | ᠳᠤᠭᠳᠠᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠰᠤᠷᠭᠠᠵᠦ ᠳᠠᠰᠬᠠᠬᠤ ᠪᠤᠯ ᠭᠤᠤᠯ ᠠᠵᠢᠯ᠃ ᠶᠠᠮᠠᠷ ᠴᠢᠭᠯᠡᠯ ᠢᠶᠠᠷ ᠰᠤᠷᠭᠠᠬᠤ ᠨᠤᠬᠠᠢ | ᠪᠤᠯ ᠶᠠᠮᠠᠷ ᠴᠢᠭᠯᠡᠯ ᠢᠶᠠᠷ ᠨᠢ ᠳᠠᠰᠬᠠᠵᠦ ᠪᠤᠯᠪᠠᠰᠤᠷᠠᠭᠤᠯᠳᠠᠭ᠃ ᠳᠠᠷᠤᠢ ᠬᠤᠳᠠᠴᠢ᠂ ᠮᠠᠨᠠᠭᠠᠴᠢ ᠨᠤᠬᠠᠢ ᠪᠤᠯᠭᠠᠬᠤ | ᠭᠡᠪᠡᠯ᠂ ᠪᠠᠭᠠ ᠠᠴᠠ ᠨᠢ ᠮᠠᠯ ᠠᠬᠤᠢ᠂ ᠭᠡᠷ ᠳᠠᠷᠭᠡ ᠲᠠᠢ ᠢᠯᠠᠬᠦᠦ ᠤᠶᠢᠷᠠᠳᠤᠭᠤᠯᠵᠦ᠂ ᠭᠡᠷ ᠳᠡᠷᠭᠡ ᠰᠠᠬᠢᠬᠤ ᠪᠤᠶᠤ | ᠮᠠᠯ ᠤᠨᠤᠭᠠ ᠬᠠᠷᠠᠬᠤ ᠳᠤ ᠢᠯᠠᠬᠦᠦ ᠳᠠᠭᠠᠭᠤᠯᠵᠦ ᠳᠠᠰᠬᠠᠳᠠᠭ᠃ ᠠᠩᠴᠢ᠂ ᠬᠦᠷᠦᠭᠡᠴᠢ ᠨᠤᠬᠠᠢ ᠪᠤᠯᠭᠠᠬᠤ ᠭᠡᠪᠡᠯ᠂ | ᠠᠩ ᠬᠦᠷᠦᠭᠡ ᠳᠤ ᠢᠯᠠᠬᠦᠦ ᠳᠠᠭᠠᠭᠤᠯᠵᠦ᠂ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠲᠠᠢ ᠢᠯᠠᠬᠦᠦ ᠤᠶᠢᠷᠠᠳᠤᠭᠤᠯᠵᠦ᠂ ᠠᠪᠠᠯᠠᠵᠦ | ᠬᠦᠷᠦᠭᠡᠯᠡᠬᠦ ᠠᠷᠭᠠ ᠳᠠᠮ ᠢ ᠵᠢᠭᠠᠵᠦ ᠳᠤᠬᠢᠵᠦ ᠦᠭᠴᠦ᠂ ᠠᠪᠠᠯᠠᠵᠦ ᠬᠦᠷᠦᠭᠡᠯᠡᠬᠦ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠶᠢ ᠨᠢ | ᠠᠯᠭᠤᠷ ᠢᠶᠠᠷ ᠪᠤᠯᠪᠠᠰᠤᠷᠠᠭᠤᠯᠤᠨ ᠳᠠᠭᠡᠭᠰᠢᠯᠠᠬᠦᠯᠵᠦ ᠳᠠᠰᠬᠠᠳᠠᠭ᠃ | ᠨᠤᠬᠠᠢ ᠶᠢ ᠰᠤᠷᠭᠠᠵᠦ ᠳᠠᠰᠬᠠᠬᠤ ᠳᠤ ᠨᠠᠷᠠ ᠦᠭᠭᠦ ᠮᠠᠰᠢ ᠴᠢᠬᠤᠯᠠ᠃ ᠶᠠᠮᠠᠷ ᠨᠠᠷᠠ ᠦᠭᠭᠦ ᠭᠡᠪᠡᠯ ᠳᠠᠷᠠ | ᠨᠠᠷᠠ ᠪᠠᠨ ᠬᠦᠯᠦᠭᠡᠨ ᠳᠤᠨᠢ ︵ᠬᠦᠯᠦᠭᠡ ᠪᠠᠶᠢᠬᠤ ᠦᠶᠠ ᠳᠤᠨᠢ︶ ᠦᠭᠴᠤ᠂ ᠬᠦᠯᠦᠭᠡᠨ ᠠᠴᠠ ᠨᠢ ᠴᠢᠬᠢᠨ ᠳᠤᠨᠢ | ᠬᠠᠳᠠᠩᠰᠢᠳᠠᠯᠠ ᠳᠠᠭᠤᠳᠠᠵᠦ ᠰᠢᠪᠠᠨᠠᠵᠦ᠂ ᠵᠠᠩᠨᠠᠵᠦ ᠳᠤᠭᠳᠤᠷᠴᠤ᠂ ᠵᠢᠭᠠᠵᠦ ᠳᠤᠬᠢᠵᠦ ᠰᠤᠷᠭᠠᠨᠠ᠃ ᠶᠠᠮᠠᠷ ᠨᠤᠬᠠᠢ | ᠪᠤᠯᠤᠭᠰᠠᠨ ᠴᠤ᠂ ᠪᠠᠭᠠ ᠠᠴᠠ ᠨᠢ ᠳᠠᠭᠤᠳᠠᠭᠠᠳ ᠢᠷᠡᠭᠰᠡᠨ ᠨᠠᠷᠠ ᠪᠠᠷ ᠨᠢ ᠳᠠᠭᠤᠳᠠᠯᠠ ᠯᠠ ᠭᠡᠪᠡᠯ᠂ ᠪᠠᠷᠢᠨ | ᠳᠤᠤᠷᠠ ᠪᠠᠨ ᠳᠠᠪᠭᠡᠷᠦᠨ ᠪᠤᠰᠴᠦ᠂ ᠶᠠᠭᠤ ᠬᠢ ᠭᠡᠪᠡᠯ ᠶᠠᠭᠤ ᠶᠢ ᠴᠢᠨᠢ ᠬᠢᠴᠢᠭᠡᠳᠡᠭ᠂ ᠶᠠᠭᠠᠬᠢᠵᠦ ᠬᠢ ᠭᠡᠪᠡᠯ | ᠶᠠᠭᠠᠬᠢᠵᠦ ᠴᠤ ᠬᠢᠴᠢᠭᠡᠳᠡᠭ ᠪᠦᠭᠡᠳ ᠡᠵᠡᠨ ᠤ ᠪᠠᠨ ᠳᠤᠬᠢᠶᠠ᠂ ᠵᠢᠭᠠᠪᠤᠷᠢ ᠠᠴᠠ ᠤᠭᠳᠤᠬᠠᠨ ᠴᠤ ᠵᠦᠷᠢᠬᠦ ᠦᠭᠡᠢ | ᠪᠠᠶᠢᠳᠠᠭ ᠶᠤᠮ᠃ | ᠮᠤᠩᠭᠤᠯ ᠬᠦᠮᠦᠨ ᠨᠤᠬᠠᠢ ᠳᠠᠭᠠᠨ ᠨᠠᠷᠠ ᠦᠭᠭᠦ ᠳᠤ ᠨᠤᠬᠠᠢ ᠶᠢᠨ ᠢᠶᠠᠨ ᠠᠪᠢᠶᠠᠰ᠂ ᠤᠨᠴᠠᠯᠢᠭ ᠪᠤᠶᠤ | ᠦᠪᠠᠷ ᠤᠨ ᠳᠠᠭᠠᠰᠢᠶᠠᠯ ᠢᠶᠠᠨ ᠦᠨᠳᠦᠰᠦᠯᠠᠨ ᠦᠭᠳᠡᠭ ᠶᠤᠮ᠃ ᠶᠠᠷᠦᠩᠬᠡᠢ ᠳᠡᠭᠡᠨ ᠬᠤᠳᠠᠴᠢ᠂ ᠮᠠᠨᠠᠭᠠᠴᠢ ᠨᠤᠬᠠᠢ ᠳᠤ | ᠪᠤᠯ ︽ᠵᠢᠷᠬᠢᠬᠡ᠂ ᠨᠢᠰᠭᠡ᠂ ᠳᠡᠭᠳᠡᠭᠡᠭᠡ᠂ ᠰᠤᠭᠤᠷᠤᠭᠠ ᠁︾ ᠭᠡᠭᠦ ᠬᠤᠷᠴᠠ ᠰᠠᠷᠭᠡᠭ᠂ ᠬᠤᠷᠳᠤᠨ ᠱᠠᠯᠠᠮᠠᠭ | ᠭᠡᠭᠦ ᠤᠨᠴᠠᠯᠢᠭ ᠰᠢᠨᠵᠢ ᠲᠠᠢ ᠨᠠᠷᠠ ᠦᠭᠴᠦ᠂ ᠠᠩᠴᠢ᠂ ᠬᠦᠷᠦᠭᠡᠴᠢ ᠨᠤᠬᠠᠢ ᠳᠤ ᠪᠤᠯ ︽ᠠᠷᠰᠯᠠᠨ᠂ ᠪᠠᠷᠰ᠂ | ᠬᠠᠷᠴᠠᠭᠠᠢ᠂ ᠪᠦᠷᠬᠦᠳ᠂ ᠱᠤᠩᠬᠤᠷ᠂ ᠨᠠᠴᠢᠨ ᠁︾ ᠭᠡᠭᠦ ᠮᠡᠳᠦ ᠠᠷᠢᠶᠠᠳᠠᠨ ᠵᠢᠬᠦᠷᠳᠡᠨ᠂ ᠠᠪᠤᠷᠭᠤ | ᠬᠦᠴᠦᠳᠠᠨ ᠤ ᠨᠠᠷᠠ ᠶᠢ ᠦᠭᠳᠡᠭ᠃ ᠵᠠᠷᠢᠮ ᠳᠤᠨᠢ ᠳᠦᠷᠦᠭᠰᠡᠨ ᠤᠨᠴᠠᠯᠢᠭ ᠳᠦᠷᠬᠦ ᠪᠠᠷ ᠨᠢ ︽ᠳᠠᠯᠳᠠᠩ᠂ ᠪᠠᠨᠳᠠᠭᠠᠷ᠂ | ᠪᠠᠭᠠ ᠬᠠᠷᠠ᠂ ᠬᠠᠯᠳᠠᠷ᠂ ᠰᠢᠷᠠ ᠁︾ ᠭᠡᠭᠦ ᠨᠠᠷᠠ ᠦᠭᠴᠤ᠂ ᠪᠠᠰᠠ ᠵᠠᠷᠢᠮ ᠳᠤᠨᠢ ︽ᠠᠰᠠᠷ᠂ ᠪᠠᠰᠠᠷ᠂ | ᠠᠩᠭᠠᠷ᠂ ᠪᠠᠨᠰᠠᠭᠠᠷ ᠁︾ ᠭᠡᠭᠦ ᠮᠠᠳᠤ ᠶᠠᠮᠠᠷ ᠴᠤ ᠤᠨᠴᠠᠭᠠᠢ ᠤᠳᠬᠠ ᠠᠭᠤᠯᠭᠠ ᠦᠭᠡᠢ ᠨᠠᠷᠠ ᠪᠤᠶᠤ | ᠤᠳᠬᠠ ᠬᠠᠯᠭᠤᠭᠤᠯᠤᠭᠰᠠᠨ ︵ᠰᠢᠯᠵᠢᠬᠦᠯᠦᠭᠰᠡᠨ︶ ᠨᠠᠷᠠ ᠴᠤ ᠦᠭᠳᠡᠭ᠃ ᠶᠠᠮᠠᠷ ᠨᠠᠷᠠ ᠦᠭᠭᠦᠭᠰᠡᠨ ᠴᠤ ᠬᠠᠮᠢᠶᠠ | ᠦᠭᠡᠢ᠂ ᠨᠠᠷᠠᠰᠢᠬᠦᠯᠦᠭᠡᠳ ᠳᠠᠭᠤᠳᠠᠭᠠᠳ ᠰᠤᠷᠭᠠᠴᠢᠬᠠᠪᠠᠯ ᠡᠵᠡᠨ ᠤ ᠪᠠᠨ ᠦᠭᠡ ᠠᠴᠠ ᠨᠢᠭᠡ ᠴᠤ ᠵᠦᠷᠢᠳᠡᠭ ᠦᠭᠡᠢ | ᠶᠤᠮ᠂ ᠮᠤᠩᠭᠤᠯ ᠨᠤᠬᠠᠳ ᠮᠢᠨᠢ︕ | ᠨᠤᠬᠠᠢ ᠪᠤᠯ ᠤᠢ ᠪᠢᠯᠢᠭ ᠰᠠᠶᠢᠳᠠᠢ᠂ ᠤᠶᠢᠯᠠᠭᠠᠵᠦ ᠳᠦᠭᠦᠭᠡᠷᠭᠦ ᠴᠢᠳᠠᠪᠤᠷᠢ ᠪᠠᠷ ᠦᠨᠳᠦᠷ᠂ ᠤᠶᠤᠨ ᠮᠠᠳᠠᠷᠠᠯ | ᠳᠠᠭᠦᠰ ᠠᠮᠢᠳᠠᠨ ᠶᠤᠮ᠃ ︽ᠮᠠᠭᠤ ᠡᠷᠡ ᠶᠢ ᠮᠠᠯᠵᠢᠬᠤ ᠪᠠᠷ ᠰᠠᠶᠢᠨ ᠭᠠᠷᠵᠢ ︵ᠨᠤᠬᠠᠢ︶ ᠶᠢ ᠳᠠᠵᠢᠭᠡᠭᠰᠡᠨ ᠢ ᠬᠦᠷᠬᠦ | ᠦᠭᠡᠢ︾ ᠭᠡᠵᠦ ᠮᠤᠩᠭᠤᠯᠴᠤᠳ ᠭᠡᠯᠡᠳᠡᠭ᠃ ᠮᠤᠩᠭᠤᠯᠴᠤᠳ ᠨᠤᠬᠠᠢ ᠳᠠᠵᠢᠭᠡᠭᠦ ᠳᠤᠷᠠᠳᠠᠢ᠃ ᠮᠤᠩᠭᠤᠯ ᠠᠷᠠᠳ ᠤᠨ | ᠵᠦᠢᠷ ᠰᠠᠴᠠᠨ ᠦᠭᠡᠨ ᠳᠤ᠄ ︽ᠭᠠᠩ ᠭᠡᠭᠦ ᠨᠤᠬᠠᠢ ᠦᠭᠡᠢ᠂ ᠭᠠᠵᠠᠷ ᠭᠢᠰᠬᠢᠬᠦ ᠮᠠᠯ ᠦᠭᠡᠢ︾ ᠭᠡᠭᠦ ᠦᠭᠡ ᠪᠠᠶᠢᠳᠠᠭ᠃ | ᠡᠨᠡ ᠨᠢ ᠵᠠᠷᠢᠮ ᠮᠠᠯ ᠬᠠᠷᠠ ᠳᠠᠵᠢᠭᠡᠭᠦ ᠳᠤᠷᠠ ᠦᠭᠡᠢ᠂ ᠠᠮᠢᠳᠤᠷᠠᠯ ᠠᠬᠤᠢ ᠪᠠᠨ ᠡᠷᠬᠢᠴᠠᠭᠦᠯᠭᠦ ᠦᠭᠡᠢ᠂ ᠳᠦᠢᠯ ᠤᠨ | ᠠᠯᠵᠠᠭᠤ ᠵᠠᠯᠬᠠᠭᠤ ᠴᠦᠭᠡᠭᠡᠨ ᠳᠤᠭᠠᠨ ᠤ ᠭᠡᠳᠦᠨ ᠬᠦᠮᠦᠨ ᠢ ᠮᠠᠭᠤᠰᠢᠶᠠᠨ ᠭᠡᠯᠡᠭᠰᠡᠨ ᠦᠭᠡ ᠪᠤᠯᠪᠠᠴᠤ ᠴᠠᠭᠠᠨᠠᠬᠢ | ᠤᠳᠬᠠ ᠨᠢ ᠬᠦᠨ ᠶᠤᠮ᠃ ᠭᠠᠵᠠᠷ ᠭᠢᠰᠬᠢᠬᠦ ᠮᠠᠯ ᠦᠭᠡᠢ ᠶᠤᠮ ᠪᠤᠯ ᠭᠠᠩ ᠭᠡᠭᠦ ᠨᠤᠬᠠᠢ ᠪᠠᠷ ᠶᠠᠭᠤ ᠪᠠᠨ ᠬᠢᠨᠡ ᠪᠤᠢ | ︖ ᠭᠠᠩ ᠭᠡᠭᠦ ᠨᠤᠬᠠᠢ ᠪᠠᠨ ᠶᠠᠭᠤ ᠪᠠᠷ ᠳᠠᠵᠢᠭᠡᠨᠡ ᠪᠤᠢ︖ | ᠮᠤᠩᠭᠤᠯ ᠬᠦᠮᠦᠨ ᠨᠤᠬᠠᠢ ᠳᠠᠭᠠᠨ ᠳᠦᠢᠯ ᠤᠨ ᠬᠠᠶᠢᠷᠠᠳᠠᠢ ᠪᠠᠶᠢᠳᠠᠭ᠃ ᠮᠤᠩᠭᠤᠯᠴᠤᠳ ᠬᠡᠤᠬᠡᠳ ᠨᠢ ᠠᠯᠢᠶᠠ | ᠵᠠᠶᠢᠳᠠᠩ ᠠᠭᠠᠰᠢᠯᠠᠵᠦ ᠪᠠᠶᠢᠪᠠᠯ᠂ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨᠢ ᠠᠯᠢ ᠨᠢᠭᠡᠨ ᠠᠬᠠᠮᠠᠳ ᠳᠤᠮᠤᠴᠤᠤᠯ ᠨᠢ ᠤᠯᠵᠦ | ᠦᠵᠡᠭᠡᠳ ᠭᠡᠯᠡᠴᠢᠭᠡᠭᠦ᠂ ᠵᠠᠩᠨᠠᠴᠢᠬᠠᠬᠤ᠂ ᠭᠤᠶᠠᠳᠠᠴᠢᠬᠠᠬᠤ᠂ ᠳᠠᠰᠢᠭᠤᠷᠳᠠᠴᠢᠬᠠᠬᠤ ᠳᠤ ᠡᠴᠢᠭᠡ ᠡᠭᠡ ᠨᠢ ᠶᠠᠭᠤ ᠴᠤ | ᠳᠤᠤᠭᠠᠷᠳᠠᠭ ᠦᠭᠡᠢ᠃ ᠬᠠᠷᠢᠨ ᠨᠤᠬᠠᠢ ᠶᠢ ᠨᠢ ᠬᠤᠴᠠᠯᠠ᠂ ᠬᠤᠷᠭᠤᠭᠠᠯᠠ ᠭᠡᠵᠦ ᠵᠠᠩᠨᠠᠵᠦ ᠴᠤᠬᠢᠬᠤ ᠳᠤ ᠬᠦᠷᠪᠠᠯ | ᠡᠵᠡᠨ ᠨᠢ ᠳᠤᠷᠠ ᠦᠭᠡᠶᠢᠴᠠᠳᠡᠭ᠃ | ᠮᠤᠩᠭᠤᠯᠴᠤᠳ ᠨᠤᠬᠠᠢ ᠪᠠᠨ ᠶᠠᠷᠦ ᠠᠴᠠ ᠴᠤᠬᠢᠵᠦ ᠶᠤᠷᠳᠠᠳᠠᠭ ᠦᠭᠡᠢ᠃ ᠨᠤᠬᠠᠢ ᠶᠢ ᠦᠩᠭᠡᠷᠡᠤ ᠴᠤᠬᠢᠵᠦ | ᠶᠤᠷᠳᠠᠪᠠᠯ ᠭᠡᠳᠡᠷ ᠳᠤᠭᠰᠢᠨ᠂ ᠬᠠᠵᠢᠭ ᠪᠤᠯᠤᠨᠠ ᠭᠡᠵᠦ ᠶᠡᠷᠢᠳᠠᠭ᠃ ᠨᠤᠬᠠᠢ ᠪᠠᠨ ᠪᠤᠰᠤᠳ ᠢ ᠨᠢᠭᠤᠵᠦ ᠬᠠᠵᠠᠬᠤ᠂ | ᠭᠡᠷ ᠦᠷᠦᠭᠡ ᠳᠤ ᠬᠤᠯᠠᠭᠤᠨ ᠤᠷᠤᠬᠤ ᠶᠢ ᠪᠠᠭᠠ ᠠᠴᠠ ᠨᠢ ᠭᠡᠷᠰᠠᠤᠯᠠᠨ ᠬᠢᠴᠢᠶᠡᠳᠡᠭ᠃ ᠭᠡᠷ ᠲᠤ ᠤᠷᠤᠬᠤ᠂ | ᠭᠡᠷ ᠠᠴᠠ ᠭᠠᠷᠬᠤ᠂ ᠬᠦᠮᠦᠨ ᠠᠴᠠ ᠶᠠᠭᠤᠮᠠ ᠠᠪᠬᠤ᠂ ᠠᠪᠤᠭᠰᠠᠨ ᠶᠠᠭᠤᠮᠠ ᠶᠢ ᠪᠤᠴᠠᠭᠠᠵᠦ ᠳᠠᠯᠪᠢᠬᠤ ᠵᠡᠷᠭᠡ ᠶᠢ | ᠪᠠᠭᠠ ᠠᠴᠠ ᠨᠢ ᠨᠠᠷᠢᠨ ᠭᠡᠯᠡᠵᠦ ᠶᠡᠷᠢᠵᠦ ᠵᠢᠭᠠᠵᠦ ᠳᠤᠬᠢᠵᠦ ᠰᠤᠷᠭᠠᠳᠠᠭ᠃ ᠨᠤᠬᠠᠢ ᠶᠢ ᠠᠯᠠᠵᠦ ᠨᠢᠳᠦᠯᠳᠠᠭ ᠦᠭᠡᠢ᠂ | ᠬᠤᠳᠠᠯᠳᠤᠵᠦ ᠵᠠᠷᠤᠳᠠᠭ ᠦᠭᠡᠢ᠃ ᠵᠦᠨᠦᠵᠦ ᠮᠤᠨᠤᠳᠠᠯᠠ ᠨᠢ ᠳᠠᠵᠢᠭᠡᠵᠦ᠂ ᠶᠠᠪᠤᠵᠦ ᠶᠠᠭ ᠴᠢᠳᠠᠬᠤ ᠦᠭᠡᠢ ᠪᠤᠯᠬᠤ | ᠪᠤᠶᠤ ᠭᠡᠮᠳᠤᠵᠦ ᠰᠢᠷᠬᠠᠳᠤᠪᠠᠯ ᠭᠡᠭᠡᠷᠡ ᠭᠠᠳᠠᠨᠠ ᠬᠠᠶᠠᠵᠦ ᠤᠷᠬᠢᠳᠠᠭ ᠦᠭᠡᠢ᠂ ᠳᠡᠷᠭᠡ ᠭᠦᠰᠭᠡᠨ ᠳᠡᠭᠡᠨ ᠳᠡᠭᠡᠭᠡᠭᠡᠳ | ᠶᠠᠪᠤᠳᠠᠭ᠃ ᠨᠤᠬᠠᠢ ᠨᠢ ᠦᠬᠦᠪᠠᠯ᠂ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠠᠶᠠᠳᠠᠭ ᠦᠭᠡᠢ᠃ ᠬᠦᠮᠦᠨ ᠮᠠᠯ ᠤᠨ ᠬᠦᠯ | ᠤᠰᠤ ᠠᠴᠠ ᠵᠠᠶᠢᠳᠠᠭᠤ ᠳᠤᠪᠤ ᠳᠤᠯᠤᠭᠠᠢ ᠶᠢᠨ ᠤᠷᠤᠢ ᠵᠡᠷᠭᠡ ᠦᠨᠳᠦᠷᠯᠢᠭ ᠭᠠᠵᠠᠷ ᠪᠤᠶᠤ ᠳᠠᠷᠠᠰᠦ ᠪᠤᠳᠠ ᠲᠠᠢ | ᠳᠤᠬᠢᠯᠢᠭ ᠰᠠᠶᠢᠬᠠᠨ ᠭᠠᠵᠠᠷ ᠢ ᠰᠤᠩᠭᠤᠨ ᠤᠷᠤᠰᠢᠭᠤᠯᠳᠠᠭ᠃ ᠤᠷᠤᠰᠢᠭᠤᠯᠬᠤ ᠳᠠᠭᠠᠨ ᠰᠠᠬᠦᠯ ᠢ ᠨᠢ ᠤᠭᠳᠤᠯᠤᠨ | ᠳᠤᠯᠤᠭᠠᠢ ᠳᠤᠨᠢ ᠳᠠᠷᠠᠯᠠᠬᠦᠯᠵᠦ᠂ ᠬᠤᠶᠢᠳᠦ ᠵᠦᠭ ᠲᠤ ᠬᠠᠨᠳᠤᠭᠤᠯᠤᠨ ᠳᠠᠯᠪᠢᠳᠠᠭ᠃ ᠳᠠᠷᠠᠴᠢᠯᠠᠨ ᠠᠮᠠᠨ ᠳᠤᠨᠢ | ᠦᠭᠡᠭᠦ ᠳᠤᠰᠤ᠂ ᠴᠠᠭᠠᠨ ᠢᠳᠡᠭᠡ᠂ ᠪᠤᠳᠠᠭᠠ ᠳᠠᠷᠢᠶᠠ ᠳᠠᠷᠢᠭᠦᠳᠠᠨ ᠢ ᠡᠮᠬᠦᠬᠦᠯᠵᠦ᠂ ︽ᠬᠤᠶᠢᠳᠦ ᠳᠦᠷᠦᠯ ᠳᠡᠭᠡᠨ | ᠬᠦᠮᠦᠨ ᠪᠤᠯᠵᠦ ᠳᠦᠷᠦ︾ ᠭᠡᠵᠦ ᠪᠡᠯᠭᠡᠰᠢᠶᠠᠨ ᠵᠦᠩᠨᠠᠳᠡᠭ᠃ ᠨᠤᠬᠠᠢ ᠶᠢ ᠦᠭᠦᠭᠰᠡᠨ ᠤ ᠳᠠᠷᠠᠭᠠ ᠰᠠᠬᠦᠯ ᠢ ᠨᠢ | ᠤᠭᠳᠤᠯᠵᠦ ᠠᠪᠬᠤ ᠦᠭᠡᠢ ︵ᠬᠠᠶᠠᠬᠤ ᠦᠭᠡᠢ︶ ᠪᠤᠯ ᠳᠠᠷᠠᠭᠠ ᠳᠦᠷᠦᠯ ᠳᠡᠭᠡᠨ ᠬᠦᠮᠦᠨ ᠪᠤᠯᠵᠦ ᠳᠦᠷᠦᠭᠦ ᠦᠭᠡᠢ᠂ | ᠴᠢᠳᠬᠦᠷ ᠪᠤᠯᠵᠦ ᠳᠦᠷᠦᠨᠡ ᠭᠡᠵᠦ ᠦᠵᠡᠳᠡᠭ᠃ | ᠨᠤᠬᠠᠢ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠰᠠᠶᠢᠨ ᠨᠠᠶᠢᠵᠠ᠂ ᠳᠤᠳᠤᠨᠤ ᠬᠠᠨᠢ᠃ ᠨᠤᠬᠠᠢ ᠳᠠᠵᠢᠭᠡᠭᠦ ᠪᠤᠯ | ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠭᠡᠰᠡᠭ᠃ | ᠮᠤᠷᠢ᠂ ᠨᠤᠬᠠᠢ᠂ ᠡᠷᠡ ᠭᠤᠷᠪᠠ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠭᠡᠶᠢᠮᠦᠷᠯᠢᠭ ᠰᠦᠷ︕ ᠮᠤᠩᠭᠤᠯ ᠭᠠᠵᠠᠷ ᠤᠨ | ᠳᠡᠭᠷᠢᠯᠢᠭ ᠳᠤᠭ︕ |