ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠠᠷᠦ ᠬᠤᠷᠴᠢᠨ ᠤ ᠬᠤᠰᠢᠭᠤᠨ ᠸᠠᠩ ᠤᠨ ᠲᠠᠬᠢᠯᠭ᠎ᠠ ᠲᠠᠢ ᠱᠦᠩᠯᠦᠨ ᠮᠤᠳᠤ ᠡᠷᠳᠡᠨᠢ ᠣᠪᠣᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/4/23
     ᠵᠣᠬᠢᠶᠠᠭᠴᠢ᠄  ᠲᠤᠯᠤᠳ  ᠬᠠ᠊᠂ ᠪᠠᠶᠠᠷ      ᠠᠷᠦ ᠬᠤᠷᠴᠢᠡᠴᠣᠳ ᠤᠨ ᠠᠭᠤᠯᠠ ᠣᠰᠣ᠂ ᠣᠪᠣᠭ᠎ᠠ ᠱᠠᠩᠰᠢ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠰᠣᠶᠣᠯ ᠨᠢ ︽ᠬᠦᠯᠦᠨ ᠪᠤᠶᠢᠷ ᠨᠣᠳᠤᠭ ᠲᠠᠢ᠂ ᠬᠦᠨᠳᠡᠯᠡᠨ ᠲᠠᠶᠢᠴᠢᠩ ᠨᠣᠶᠠᠨ ᠲᠠᠢ︾ ᠪᠠᠶᠢᠭᠰᠠᠨ ᠦᠶ᠎ᠠ ᠶᠢᠨ ᠣᠯᠠᠮᠵᠢᠯᠠᠯᠳᠣ ᠰᠢᠳᠦᠬᠡᠨ ᠰᠣᠶᠣᠯ ᠢᠶᠠᠨ ᠲᠣᠰ ᠨᠣᠳᠤᠭ ᠲᠤ ᠨᠡᠬᠦᠳᠡᠯᠯᠡᠨ ᠰᠠᠭᠤᠷᠢᠰᠢᠭᠰᠠᠨ ᠠᠴᠠ ᠨᠠᠰᠢ ᠮᠥᠨ ᠯᠠ ᠣᠯᠠᠮᠵᠢᠯᠡᠨ ᠪᠠᠳᠠᠷᠠᠭᠤᠯᠵᠦ ᠣᠳᠣ ᠪᠣᠯᠳᠠᠯ᠎ᠠ ᠦᠷᠬᠦᠯᠵᠢᠯᠡᠭᠰᠡᠬᠡᠷ ᠪᠠᠶᠢᠭ᠎ᠠ ᠬᠡᠷᠡᠴᠢ ᠵᠢᠱᠢᠶ᠎ᠠ ᠪᠣᠯᠬᠤ ᠶᠤᠮ᠃      ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠭᠤᠭᠤᠰᠣᠳᠠᠢ ᠬᠠᠨ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ ︵ᠦᠡᠭᠬᠡᠷᠡᠭᠰᠡᠨ ᠳᠤ ᠶᠡᠭᠡ ᠬᠠᠶᠢᠷᠬᠠᠨ ᠤ ᠲᠠᠬᠢᠯᠭ᠎ᠠ ᠪᠣᠶᠣ ᠶᠡᠭᠡ ᠬᠠᠨ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ ᠬᠡᠳᠡᠭ︶᠂ ᠪᠣᠭᠳᠠ ᠠᠭᠤᠯᠠᠰ ᠤᠨ ᠲᠠᠬᠢᠯᠭ᠎ᠠ᠂ ᠬᠠᠰᠠᠷ ᠤᠨ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ᠂ ᠬᠦᠯᠢᠬᠡᠷ ᠬᠠᠨ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ᠂ ᠰᠢᠷᠠᠠᠦ᠋ᠨᠳᠦᠷ ᠬᠠᠨ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ᠂ ᠪᠠᠶᠠᠨ ᠪᠣᠷᠣᠯᠵᠢ ᠬᠠᠨ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ ᠵᠡᠷᠬᠡ ᠠᠷᠦ ᠬᠤᠷᠴᠢᠨ ᠸᠠᠩ ᠤᠨ ᠣᠷᠣᠯᠴᠠᠯᠭ᠎ᠠ ᠲᠠᠢ ᠬᠦᠢᠴᠡᠳᠬᠡᠳᠡᠭ ᠪᠣᠶᠣ ᠵᠠᠰᠠᠭ ᠤᠨ ᠬᠦᠮᠦᠵᠢᠯ ᠤᠨ ᠣᠷᠣᠯᠴᠠᠯᠭ᠎ᠠ ᠲᠠᠢ ᠬᠦᠢᠴᠡᠳᠬᠡᠳᠡᠭ᠃ ᠲᠠᠬᠢᠯᠭ᠎ᠠ ᠨᠢ ᠠᠳᠠᠯᠢ ᠪᠣᠰᠣ ᠬᠦᠷᠢᠶ᠎ᠠ ᠬᠡᠪᠴᠢᠶᠠᠨ ᠳᠤ ᠠᠳᠠᠯᠢ ᠪᠣᠰᠣ ᠠᠶᠢᠮᠠᠭ ᠪᠦᠯᠦᠭ ᠤᠨ ᠬᠦᠮᠦᠰ ᠤᠨ ᠣᠷᠣᠯᠴᠠᠯᠭ᠎ᠠ ᠲᠠᠢ ᠪᠠᠷ ᠣᠳᠣ ᠰᠡᠷᠬᠦᠭᠡᠭᠳᠡᠨ ᠲᠠᠬᠢᠭᠳᠠᠵᠦ᠂ ᠠᠷᠦ ᠬᠤᠷᠴᠢᠨᠴᠣᠳ ᠤᠨ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠦᠨᠳᠦᠳᠬᠡᠬᠦ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠵᠢᠮ᠎ᠠ ᠶᠣᠰᠣ ᠶᠢ ᠬᠦᠨᠳᠦᠳᠬᠡᠬᠦ᠂ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢ ᠬᠦᠨᠳᠦᠳᠬᠡᠨ ᠲᠡᠬᠡᠳᠦᠯᠡᠬᠦ ᠣᠬᠠᠮᠰᠠᠷ ᠢ ᠰᠡᠷᠬᠦᠬᠡᠨ ᠴᠢᠩᠭᠠᠳᠬᠠᠵᠦ ᠪᠠᠶᠢᠭ᠎ᠠ᠃      ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠸᠠᠩ ᠤᠨ ᠲᠠᠬᠢᠯᠭ᠎ᠠ ᠲᠠᠢ᠂ ᠱᠦᠡᠭᠯᠤᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠪᠠ ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ 1944 ᠣᠨ ᠤ ᠲᠠᠬᠢᠯᠭ᠎ᠠ ᠠᠴᠠ ᠨᠠᠰᠢ ᠲᠠᠬᠢᠯᠭ᠎ᠠ ᠶᠢᠨ ᠦᠢᠯᠠ ᠠᠵᠢᠯᠯᠠᠭ᠎ᠠ ᠲᠠᠰᠣᠷᠠᠵᠦ ᠣᠳᠣ ᠪᠣᠯᠳᠠᠯ᠎ᠠ ᠰᠡᠷᠬᠦᠭᠡᠭᠳᠡᠭᠡ ᠦᠬᠡᠢ ᠪᠠᠶᠢᠭᠰᠠᠭᠠᠷ ᠶᠤᠮ᠃ ᠱᠦᠡᠭᠯᠤᠨ ᠮᠣᠳᠣ ᠪᠣᠯ ᠠᠷᠦ ᠬᠤᠷᠴᠢᠨ ᠸᠠᠩ ᠤᠨ ᠣᠷᠳᠣᠨ ᠠᠴᠠ ᠪᠠᠷᠠᠭᠤᠨᠰᠢ ᠲᠣᠯᠣᠭᠠᠨ ᠭᠠᠵᠠᠷ ᠤᠨ ᠵᠠᠢ ᠳᠤ ᠣᠷᠣᠰᠢᠨ᠎ᠠ᠃ ᠠᠷᠰᠯᠠᠩᠳᠦ ᠶᠢᠨ ᠪᠣᠯᠣᠩ ᠤᠨ ᠵᠡᠬᠦᠨ ᠬᠤᠶᠢᠨ᠎ᠠ ᠨᠢᠬᠡ ᠭᠠᠵᠠᠷ ᠤᠨ ᠵᠠᠢ ᠳᠤ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠪᠣᠯᠠᠭ ᠤᠨ ᠲᠠᠯ᠎ᠠ ᠶᠢᠨ ᠪᠠᠷᠠᠭᠤᠨ ᠬᠦᠪᠡᠭᠡ ᠶᠢ ᠲᠠᠭᠠᠭᠰᠠᠨ ᠲᠣᠮᠣ ᠲᠣᠮᠣ ᠬᠠᠶᠢᠯᠠᠰᠣᠨ ᠲᠦᠡᠭ ᠤᠨ ᠨᠢᠬᠡ ᠬᠡᠰᠡᠭ ᠪᠣᠯᠣᠨ᠎ᠠ᠃ ᠪᠣᠯᠠᠭ ᠤᠨ ᠲᠠᠯ᠎ᠠ ᠪᠣᠯ ᠡᠮᠦᠨᠡᠰᠢ ᠪᠣᠯᠠᠭ ᠤᠨ ᠬᠤᠸᠠ ᠬᠦᠷᠴᠦ ᠣᠮᠠᠷᠠᠰᠢ ᠱᠠᠩᠰᠢ ᠶᠢᠨ ᠪᠣᠯᠣᠩ ᠤᠨ ᠲᠠᠯ᠎ᠠ ᠲᠠᠢ ᠵᠠᠯᠭᠠᠨ᠎ᠠ᠃ ᠵᠡᠬᠦᠨᠰᠢ ᠪᠣᠭᠳᠠ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠪᠠᠯ ᠲᠠᠢ ᠵᠠᠯᠭᠠᠵᠦ᠂ ᠪᠠᠷᠠᠭᠤᠨᠰᠢ ᠠᠷᠰᠯᠡᠩᠳᠦ ᠶᠢᠨ ᠪᠣᠯᠣᠩ᠂ ᠦᠯᠵᠡᠶᠢᠳᠣ ᠬᠤᠸᠠ ᠶᠢᠨ ᠰᠣᠭᠤ ᠶᠢ ᠬᠤᠯᠪᠣᠭᠰᠠᠨ ᠶᠡᠭᠡ ᠲᠠᠯ᠎ᠠ ᠶᠤᠮ᠃ ᠦᠡᠭᠬᠡᠷᠡᠭᠰᠡᠨ ᠳᠤ ᠪᠣᠯᠠᠭ ᠤᠨ ᠲᠠᠯ᠎ᠠ ᠪᠠᠷᠠᠭᠤᠨ ᠲᠠᠯ᠎ᠠ ᠪᠠᠷ ᠢᠶᠠᠨ ᠲᠣᠮᠣ ᠲᠣᠮᠣ ᠰᠦᠭᠯᠡᠶᠢᠭᠰᠡᠨ ᠬᠠᠶᠢᠯᠠᠰᠣᠨ ᠲᠦᠡᠭ᠂ ᠲᠣᠮᠳᠠ ᠵᠡᠬᠦᠨ ᠬᠡᠰᠡᠭ ᠨᠢ ᠲᠡᠮᠡᠬᠡᠨ ᠡᠪᠦᠳᠦᠭ ᠶᠡᠬᠡᠳᠠᠢ ᠨᠣᠭᠤ ᠭᠠᠵᠠᠷ ᠤᠨ ᠣᠷᠭᠤᠮᠠᠯ ᠪᠦᠷᠢᠨ᠂ ᠴᠠᠬᠢᠷᠮ᠎ᠠ ᠶᠢᠨ ᠪᠣᠳᠠ ᠨᠢ ᠬᠤᠨᠢ ᠢᠮᠠᠭ᠎ᠠ ᠣᠷᠣᠭᠠᠳ ᠦᠵᠡᠭᠳᠡᠳᠡᠭ ᠦᠬᠡᠢ ᠦᠡᠭᠬᠡ ᠰᠢᠮᠡᠯᠢᠭ ᠶᠡᠭᠡ ᠲᠠᠯ᠎ᠠ ᠶᠤᠮ᠃ ᠲᠠᠯ᠎ᠠ ᠶᠢᠨ ᠲᠣᠮᠳᠠ ᠪᠣᠯᠠᠭ ᠲᠠᠢ᠂ ᠪᠣᠯᠠᠭ ᠤᠨ ᠣᠰᠣ ᠨᠢ ᠬᠡᠵᠢᠶᠡᠳᠠ ᠨᠣᠭᠤᠭᠠᠨ ᠪᠠᠶᠢᠳᠠᠭ᠃ ᠪᠣᠯᠠᠭ ᠨᠢ ᠵᠡᠬᠦᠨ ᠡᠮᠦᠨᠡᠰᠢ ᠬᠤᠶᠠᠷ ᠭᠠᠵᠠᠷ ᠰᠢᠬᠠᠮ ᠣᠷᠣᠰᠴᠦ ᠨᠣᠶᠠᠨ ᠰᠦᠮ᠎ᠠ ᠶᠢᠨ ᠪᠠᠷᠠᠭᠤᠨ ᠲᠣᠣᠷ᠎ᠠ ᠲᠣᠬᠤᠮᠳᠠᠢ ᠭᠤᠣᠯ ᠲᠠᠢ ᠨᠡᠶᠢᠯᠡᠨ᠎ᠠ᠃ ᠣᠳᠣ ᠪᠣᠯᠳᠠᠯ᠎ᠠ ᠡᠨᠡ ᠪᠣᠯᠠᠭ ᠣᠨᠳᠣᠷᠴᠦ ᠣᠷᠣᠰᠣᠭᠰᠠᠭᠠᠷ ᠪᠠᠶᠢᠨ᠎ᠠ᠃     ᠱᠦᠡᠭᠯᠣᠨ ᠮᠣᠳᠣ ᠶᠢ 1745 ᠣᠨ ᠳᠤ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠸᠠᠩ ᠲᠠᠭᠳᠠᠨᠸᠠᠩᠴᠤᠭ ᠬᠤᠰᠢᠭᠤᠨ ᠸᠠᠩ ᠤᠨ ᠣᠷᠳᠣᠨ ᠢᠶᠠᠨ ᠪᠠᠶᠢᠭᠤᠯᠣᠭᠰᠠᠨ ᠤ ᠲᠠᠷᠠᠭ᠎ᠠ ᠱᠦᠡᠭ ᠱᠦᠡᠭᠯᠡᠵᠦ ᠲᠠᠬᠢᠪᠠ ᠭᠡᠵᠦ ᠨᠠᠰᠣᠳᠠᠳ ᠬᠠᠭᠤᠴᠢᠯᠠᠳᠠᠭ᠃ ᠱᠦᠡᠭᠯᠦᠨ ᠮᠣᠳᠣ ᠨᠢ ᠣᠣᠯ ᠨᠢ 13 ᠮᠣᠳᠣ ᠶᠢ ᠱᠦᠡᠭᠯᠡᠵᠦ ᠲᠠᠬᠢᠵᠦ ᠪᠠᠶᠢᠪᠠ᠃ ᠣᠳᠣ ᠪᠣᠯᠬᠤ ᠳᠤ ᠬᠡᠳᠦᠨ ᠬᠦᠮᠦᠨ ᠲᠠᠪᠠᠷᠢᠮ᠎ᠠ ᠲᠣᠮᠣ 9 ᠬᠠᠶᠢᠯᠠᠰᠣᠨ ᠮᠣᠳᠣ ᠨᠢ ᠦᠯᠡᠳᠡᠵᠦ ᠬᠠᠪᠣᠷ ᠪᠣᠯᠭᠠᠨ ᠰᠦᠭᠯᠡᠶᠢᠨ ᠨᠣᠭᠤᠭᠠᠷᠠᠨ᠎ᠠ᠃      ᠶᠠᠷᠨᠠᠢ ᠣᠪᠣᠭ᠎ᠠ ᠪᠣᠯ ᠱᠦᠡᠭᠯᠦᠨ ᠮᠣᠳᠣᠨ ᠠᠴᠠ ᠵᠡᠬᠦᠨ ᠬᠤᠶᠢᠨ᠎ᠠ ᠲᠦᠷᠪᠡᠨ ᠭᠠᠵᠠᠷ ᠣᠷᠴᠢᠮ ᠳᠤ ᠪᠠᠶᠢᠳᠠᠭ ᠭᠠᠵᠠᠷ ᠣᠪᠣᠭ᠎ᠠ ᠪᠣᠯᠣᠨ᠎ᠠ᠃ ᠲᠣᠬᠤᠮᠳᠠᠢ ᠭᠤᠣᠯ ᠤᠨ ᠪᠠᠷᠠᠭᠤᠨ ᠬᠦᠪᠡᠬᠡᠨ ᠳᠤ ᠣᠷᠣᠰᠢᠨ᠎ᠠ᠃ ᠶᠠᠷᠨᠠᠢ ᠣᠪᠣᠭ᠎ᠠ ᠪᠣᠯ ᠲᠣᠬᠤᠮᠳᠠᠢ ᠭᠤᠣᠯ ᠤᠨ ᠲᠡᠬᠢᠯᠭ᠎ᠠ ᠶᠢᠨ ᠣᠪᠣᠭ᠎ᠠ ᠪᠣᠯᠣᠨ᠎ᠠ᠃ ᠦᠬᠡᠷ᠎ᠠ ᠪᠠᠷ ᠬᠡᠯᠡᠪᠡᠯ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤ ᠸᠠᠩ ᠤᠨ ᠯᠣᠣᠰ ᠤᠨ ᠲᠡᠬᠢᠯᠭ᠎ᠠ ᠶᠢᠨ ᠣᠪᠣᠭ᠎ᠠ ᠪᠣᠯᠣᠨ᠎ᠠ᠃      ᠱᠦᠡᠭᠯᠦᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠪᠠ ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠨᠢᠬᠡ ᠯᠠ ᠡᠳᠦᠷ ᠲᠤ ᠬᠦᠢᠴᠡᠳᠬᠡᠨ᠎ᠠ᠃ ᠱᠦᠡᠭᠯᠦᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠪᠠ ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ ᠨᠢ ᠦᠡᠭᠬᠡᠷᠡᠭᠰᠡᠨ ᠳᠡᠭᠡᠨ ᠪᠢᠯᠢᠭ ᠤᠨ ᠲᠣᠯᠣᠭᠠᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠲᠠᠪᠣᠨ ᠳᠤ ᠲᠠᠬᠢᠳᠠᠭ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠬᠤᠶᠠᠷ ᠤᠨ ᠡᠳᠦᠷ ᠲᠠᠬᠢᠬᠤ ᠪᠣᠯᠪᠠ᠃ ︵ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ ᠢ ᠰᠢᠯᠵᠢᠬᠦᠯᠦᠭᠰᠡᠨ ᠲᠣᠬᠠᠢ ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠶᠠᠷᠢᠬᠤ ᠳᠤ ᠶᠠᠷᠢᠭᠰᠠᠨ ᠪᠣᠯᠬᠤᠷ ᠠᠳᠠ ᠨᠣᠷᠱᠣᠬᠤ ᠦᠬᠡᠢ︶ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠪᠣᠯ ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ ᠶᠤᠮ᠃ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤ ᠵᠠᠰᠠᠭ ᠱᠦᠡᠭᠯᠦᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ᠂ ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ᠂ ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠬᠠᠮᠳᠣᠷᠠᠭᠤᠯᠵᠦ ᠶᠡᠭᠡ ᠨᠠᠶᠢᠷ ᠬᠢᠵᠦ ᠡᠷ᠎ᠠ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠶᠠᠪᠤᠠᠠᠳᠠᠭᠤᠯᠳᠠᠭ ᠪᠠᠶᠢᠵᠠᠢ᠃ ᠦᠬᠡᠷ᠎ᠠ ᠪᠠᠷ ᠬᠡᠯᠡᠪᠡᠯ ᠡᠨᠡ ᠭᠤᠷᠪᠠᠨ ᠲᠠᠬᠢᠯᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ ᠨᠢ ᠠᠰᠳᠠᠭᠠᠨ ᠪᠣᠯᠪᠠᠴᠦ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠨᠢ ᠨᠢᠬᠡ ᠯᠠ ᠶᠠᠪᠣᠭᠳᠠᠳᠠᠭ ᠪᠠᠶᠢᠵᠠᠢ᠃      ᠱᠦᠡᠭᠯᠣᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠪᠠ ᠶᠠᠷᠨᠡᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠡᠳ᠋ ᠪᠣᠳᠠᠰ᠂ ᠲᠠᠬᠢᠯᠭ᠎ᠠ ᠶᠢᠨ ᠲᠡᠰ ᠲᠠᠷᠠᠭ᠎ᠠ ᠨᠢ ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ ᠪᠠᠶᠢᠳᠠᠭ᠃ ᠱᠦᠡᠭᠯᠣᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠳᠤ ᠣᠪᠣᠭ᠎ᠠ ᠪᠣᠰᠬᠠᠬᠤ ᠦᠬᠡᠢ᠂ ᠲᠠᠬᠢᠯᠭ᠎ᠠ ᠡᠷᠬᠦᠯᠳᠠ ᠶᠢᠨ ᠵᠦᠢᠯ ᠢᠶᠠᠨ ᠭᠤᠣᠯ ᠮᠣᠳᠣᠨ ᠤ ᠣᠭ ᠲᠤ ᠰᠢᠷᠡᠭᠡ ᠪᠡᠯᠡᠳᠬᠡᠵᠦ ᠲᠡᠬᠡᠷ᠎ᠠ ᠨᠢ ᠲᠠᠯᠪᠢᠵᠦ ᠠᠷᠪᠠᠨ ᠭᠤᠷᠪᠠᠨ ᠮᠣᠳᠣᠨ ᠳᠠᠭᠠᠨ ᠬᠠᠳᠠᠭ ᠣᠶᠠᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭ᠎ᠠ ᠲᠠᠬᠢᠯᠭ᠎ᠠ ᠶᠢᠨ ᠶᠣᠰᠣ ᠣᠴᠢᠷ ᠢᠶᠠᠨ ᠬᠦᠢᠴᠡᠳᠬᠡᠨ᠎ᠠ᠃ ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠪᠣᠯ ᠣᠳᠠ ᠮᠣᠳᠣ ᠶᠢᠨ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ ᠪᠣᠶᠣ ᠪᠣᠷᠭᠠᠰᠣ ᠪᠠᠷ ᠣᠪᠣᠭ᠎ᠠ ᠪᠣᠰᠬᠠᠵᠦ ᠲᠠᠬᠢᠨ᠎ᠠ᠃      ᠲᠣᠰ ᠬᠤᠶᠠᠷ ᠲᠠᠬᠢᠯᠭ᠎ᠠ ᠳᠤ ᠣᠯᠠᠩᠬᠢ ᠳᠠᠭᠠᠨ ᠬᠤᠰᠢᠭᠤ ᠸᠠᠩ ᠪᠠᠶ᠎ᠠ ᠪᠠᠷ ᠢᠶᠠᠨ ᠣᠷᠣᠯᠴᠠᠨ᠎ᠠ᠃ ᠬᠤᠰᠢᠭᠤ ᠸᠠᠩ ᠭᠠᠳᠠᠭᠰᠢ ᠭᠠᠷᠣᠭᠰᠠᠨ ᠵᠡᠷᠬᠡ ᠣᠴᠢᠷ ᠶᠠᠪᠣᠳᠠᠯ ᠲᠣᠬᠢᠶᠠᠯᠳᠣᠪᠠᠯ ᠲᠣᠰᠠᠯᠠᠭᠴᠢ ᠣᠷᠣᠯᠠᠨ ᠬᠦᠢᠴᠡᠳᠬᠡᠨ᠎ᠠ᠃ ᠲᠠᠬᠢᠯᠭ᠎ᠠ ᠶᠢᠨ ᠵᠦᠢᠯ ᠳᠤ ᠭᠤᠣᠯᠳᠠᠭᠤ ᠬᠠᠳᠠᠭ᠂ ᠠᠷᠢᠬᠢ᠂ ᠬᠤᠨᠢᠨ ᠰᠢᠬᠦᠰᠣ᠂ ᠴᠠᠭᠠᠨ ᠢᠳᠡᠭᠡ ᠶᠢ ᠬᠡᠷᠡᠭᠯᠡᠨ᠎ᠠ᠃ ᠯᠠᠮᠠ ᠨᠠᠷ ᠢᠷᠡᠵᠦ ᠨᠣᠮ ᠤᠡᠭᠰᠢᠨ᠎ᠠ᠃      ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠳᠤ ᠦᠡᠭᠬᠡᠷᠡᠭᠰᠡᠨ ᠳᠡᠭᠡᠨ ᠴᠠᠭᠠᠨ ᠢᠳᠡᠬᠡᠨ ᠤ ᠲᠠᠬᠢᠯᠭ᠎ᠠ ᠬᠢᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠬᠤᠵᠢᠮ ᠰᠡᠬᠦᠯ ᠳᠡᠭᠡᠨ ᠱᠦᠡᠭᠯᠣᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠲᠠᠢ ᠠᠳᠠᠯᠢ ᠣᠯᠠᠭᠠᠨ ᠴᠠᠭᠠᠨ ᠢᠳᠡᠬᠡᠨ ᠤ ᠲᠠᠬᠢᠯᠭ᠎ᠠ ᠲᠠᠢ ᠪᠣᠯᠣᠭᠰᠠᠨ ᠶᠤᠮ ᠭᠡᠵᠦ ᠨᠠᠰᠣᠳᠠᠶᠢᠴᠣᠳ ᠬᠠᠭᠤᠴᠢᠯᠡᠨ᠎ᠠ᠃ ᠲᠣᠰ ᠬᠤᠶᠠᠷ ᠣᠪᠣᠭᠠᠨ ᠤ ᠲᠠᠬᠢᠯᠭ᠎ᠠ ᠶᠢᠨ ᠠᠷᠢᠬᠢ ᠲᠠᠷᠠᠰᠣ᠂ ᠮᠢᠬ᠎ᠠ ᠰᠢᠬᠦᠰᠣ᠂ ᠬᠤᠷᠣᠳ ᠲᠣᠰᠣ ᠶᠢ ᠲᠠᠬᠢᠯᠭ᠎ᠠ ᠳᠤ ᠣᠷᠣᠯᠴᠠᠭᠰᠠᠨ ᠬᠦᠮᠦᠨ ᠪᠦᠬᠦᠨ ᠳᠤ ᠬᠤᠪᠢ ᠲᠦᠬᠡᠬᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠲᠣᠰ ᠬᠤᠶᠠᠷ ᠲᠠᠬᠢᠯᠭ᠎ᠠ ᠳᠤ ᠬᠤᠰᠢᠭᠤ ᠵᠠᠰᠠᠭ ᠠᠴᠠ ᠠᠯᠪᠠᠨ ᠶᠠᠪᠣᠳᠠᠯ ᠰᠢᠢᠳᠪᠦᠷᠢᠯᠡᠵᠦ ᠬᠡᠷᠡᠭ ᠵᠠᠷᠭᠤ ᠰᠢᠬᠦᠬᠦ ᠵᠡᠷᠬᠡ ᠠᠭᠤᠯᠭ᠎ᠠ ᠣᠷᠣᠭᠤᠯᠳᠠᠭ ᠦᠬᠡᠢ ︵ᠡᠨᠡ ᠨᠢ ᠨᠢᠭᠡᠨᠳᠠ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠭᠤᠭᠤᠰᠣᠳᠠᠢ ᠬᠠᠨ ᠤ ᠲᠠᠬᠢᠯᠭ᠎ᠠ ᠶᠢᠨ ᠦᠶ᠎ᠠ ᠳᠤ ᠬᠦᠢᠴᠡᠳᠬᠡᠭᠰᠡᠨ ᠪᠠᠶᠢᠳᠠᠭ ᠶᠤᠮ︶᠂ ᠲᠠᠬᠢᠯᠭ᠎ᠠ ᠪᠣᠯᠣᠨ ᠨᠠᠶᠢᠷ ᠨᠠᠭᠠᠳᠣᠮ ᠢᠶᠠᠷ ᠭᠤᠣᠯ ᠪᠣᠯᠭᠠᠨ᠎ᠠ᠃ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠢᠶᠠᠨ ᠦᠯᠵᠡᠶᠢᠳᠣ ᠬᠤᠸᠠ ᠶᠢᠨ ᠡᠩᠬᠡᠷ᠂ ᠠᠷᠰᠯᠠᠩᠳᠦ ᠶᠢᠨ ᠪᠣᠯᠣᠩ ᠤᠨ ᠠᠷᠦ ᠳᠠᠬᠢ ᠪᠣᠯᠠᠭ ᠤᠨ ᠲᠠᠯ᠎ᠠ ᠶᠢᠨ ᠪᠠᠷᠠᠭᠤᠨ ᠲᠡᠬᠡᠷᠡᠬᠢ ᠲᠠᠪᠰᠡᠭ ᠲᠤ ᠬᠢᠳᠡᠭ᠃      ᠠᠳᠡᠬᠢ ᠶᠢᠨ ᠬᠦᠮᠦᠰ ᠱᠦᠡᠭᠯᠣᠨ ᠮᠣᠳᠣ ᠶᠢ ᠡᠵᠡᠨ ᠰᠠᠬᠢᠭᠤᠰᠣ ᠲᠠᠢ ᠭᠡᠵᠦ ᠬᠦᠨᠳᠦᠳᠬᠡᠵᠦ ᠦᠵᠡᠨ᠎ᠠ᠃ ᠬᠡᠳᠦ᠋ᠢᠪᠡᠷ ᠱᠦᠡᠭᠯᠣᠨ ᠮᠣᠳᠣ ᠶᠢᠨ ᠲᠦᠷᠪᠡᠨ ᠲᠠᠯ᠎ᠠ ᠨᠢ ᠪᠦᠷ ᠲᠠᠷᠢᠶᠠᠨ ᠭᠠᠵᠠᠷ ᠪᠣᠯᠣᠭᠰᠠᠨ ᠪᠣᠯᠪᠠᠴᠦ ᠱᠦᠡᠭᠯᠣᠨ ᠮᠣᠳᠣ ᠶᠢᠨ ᠬᠠᠵᠠᠭᠤ ᠲᠠᠯ᠎ᠠ ᠪᠠᠷ ᠵᠣᠬᠢᠬᠤ ᠵᠠᠢ ᠦᠯᠡᠳᠡᠬᠡᠳᠡᠭ ᠪᠦᠬᠡᠳ ᠱᠦᠡᠭᠯᠣᠨ ᠮᠣᠳᠣᠨ ᠤ ᠬᠠᠳᠠᠵᠦ ᠣᠨᠠᠭᠰᠠᠨ ᠰᠠᠯᠠᠭ᠎ᠠ ᠮᠦᠴᠢᠷ ᠢ ᠶᠠᠷᠦᠨᠢ ᠬᠡᠷ ᠲᠡᠭᠡᠨ ᠠᠪᠠᠴᠢᠳᠠᠭ ᠦᠬᠡᠢ᠂ ᠭᠠᠯ ᠲᠦᠯᠡᠳᠡᠭ ᠦᠬᠡᠢ ᠶᠤᠮ᠃      ᠱᠦᠡᠭᠯᠣᠨ ᠮᠣᠳᠣ᠂ ᠶᠠᠷᠨᠠᠢ ᠣᠪᠣᠭ᠎ᠠ᠂ ᠪᠣᠭᠳᠠ ᠠᠭᠤᠯᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠲᠤ ᠡᠶᠢᠮᠦ ᠨᠢᠬᠡᠨ ᠰᠠᠶᠢᠬᠠᠨ ᠲᠣᠮᠤᠭ ᠶᠠᠷᠢᠭᠳᠠᠳᠠᠭ᠃ ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ ᠤᠨ ᠦᠷᠯᠦᠬᠡ ᠨᠠᠶᠢᠷ ᠡᠬᠢᠯᠡᠬᠦ ᠪᠠᠷ ᠬᠦᠮᠦᠰ ᠬᠦᠬᠡᠷᠦᠯᠳᠣᠵᠦ ᠪᠠᠶᠢᠳᠠᠯ᠎ᠠ ᠵᠡᠬᠦᠨ ᠡᠮᠦᠨ᠎ᠠ ᠨᠢᠬᠡᠨ ᠬᠤᠨᠭ᠌ ᠬᠡᠷᠢᠶ᠎ᠠ ᠭᠤᠸᠠ ᠭᠤᠸᠠ ᠭᠤᠸᠠᠭᠯᠠᠵᠦ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠶᠢᠨ ᠭᠤᠣᠯ ᠵᠦᠭ ᠨᠢᠰᠦᠬᠡᠳ ᠢᠷᠠᠯ᠎ᠠ ᠬᠡᠨ᠎ᠠ᠃ ᠬᠤᠰᠢᠭᠤᠨ ᠸᠠᠩ ᠴᠡᠷᠢᠭ ᠤᠨ ᠪᠤᠶᠢᠳᠠ ᠪᠠᠨ ︽ᠬᠠᠷᠪᠤ︾ ᠭᠡᠵᠦ ᠵᠠᠷᠯᠢᠭᠳᠠᠵᠠᠢ᠃ ᠴᠡᠷᠢᠭ ᠤᠨ ᠪᠤᠶᠢᠳᠠ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠵᠦ ᠲᠣᠪᠳᠣᠯᠵᠦ ᠭᠠᠷᠣᠭᠠᠳ ᠨᠣᠮᠣ ᠪᠠᠨ ᠲᠠᠯᠢᠵᠦ ᠰᠣᠮᠣ ᠪᠠᠨ ᠬᠠᠷᠪᠣᠭᠰᠠᠨ ᠳᠤ ᠬᠤᠨᠭ᠌ ᠬᠡᠷᠢᠶ᠎ᠠ ᠡᠪᠴᠢᠬᠦᠦ ᠪᠠᠷ ᠢᠶᠠᠨ ᠰᠦᠪᠡᠯᠡᠭᠳᠡᠵᠦ᠂ ᠲᠠᠬᠢᠯᠭ᠎ᠠ ᠶᠢᠨ ᠲᠠᠭᠳᠣ ᠶᠢᠨ ᠠᠷᠦ ᠶᠢᠨ ᠬᠤᠳᠣᠭᠤᠷ ᠲᠤ ᠫᠠᠰ ᠬᠡᠳᠡᠯ᠎ᠠ ᠭᠠᠵᠠᠷ ᠣᠨᠠᠵᠠᠢ᠃ ᠸᠠᠩ ᠨᠣᠶᠠᠨ ᠪᠠᠶᠠᠰᠬᠤ ᠳᠠᠭᠠᠨ ᠠᠳᠣᠭᠤᠨ ᠤ ᠪᠠᠨ ᠲᠣᠮᠳᠠ ᠠᠴᠠ ᠠᠯᠢ ᠰᠠᠶᠢᠨ ᠢ ᠨᠢ ᠰᠣᠩᠭᠤᠵᠦ ᠠᠭᠳᠠ ᠪᠠᠷ ᠱᠠᠩᠨᠠᠯ᠎ᠠ ᠭᠡᠵᠦ ᠬᠠᠭᠤᠴᠢᠯᠠᠭᠳᠠᠳᠠᠭ᠃       ᠱᠦᠡᠭᠯᠣᠨ ᠮᠣᠳᠣᠨ ᠤ ᠲᠠᠬᠢᠯᠭ᠎ᠠ ᠶᠢᠨ ᠲᠣᠬᠠᠢ ᠳᠤ ᠬᠡᠪᠡᠯ ᠣᠶᠢᠷ᠎ᠠ ᠶᠢᠨ ᠵᠢᠯ ᠳᠤ ᠪᠠᠰᠠ ᠨᠢᠬᠡᠨ ᠰᠣᠨᠢᠨ ᠶᠠᠪᠣᠳᠠᠯ ᠭᠠᠷᠴᠠᠢ᠃ ᠬᠤᠨᠳᠣ ᠪᠠᠯᠭᠠᠰᠣᠨ ᠳᠤ ︵ᠨᠣᠶᠠᠨ ᠰᠦᠮ᠎ᠠ ᠶᠢᠨ ᠬᠠᠭᠤᠴᠢᠨ ᠪᠠᠭᠤᠷᠢ︶ ᠬᠤᠭᠤᠯᠠᠨ ᠬᠡᠷ ᠡᠷᠬᠢᠯᠡᠳᠡᠭ ᠨᠢᠬᠡᠨ ᠵᠠᠩ ᠣᠪᠣᠭ ᠲᠠᠢ ᠬᠢᠳᠡᠳ ᠬᠦᠮᠦᠨ ︵ᠠᠳᠡᠬᠢ ᠬᠦᠮᠦᠰ ᠵᠠᠩ ᠳ᠋ᠠ ᠪᠢᠡᠭᠽᠢ ᠭᠡᠵᠦ ᠲᠠᠭᠤᠳᠠᠨ᠎ᠠ︶ ᠠᠷᠰᠯᠠᠩᠳᠦ ᠶᠢᠨ ᠪᠣᠯᠣᠩ ᠤᠨ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠪᠠᠶᠢᠳᠠᠭ ᠲᠣᠮᠣ ᠬᠠᠶᠢᠯᠠᠰᠣᠨ ᠮᠣᠳᠣ ᠶᠢ ᠱᠦᠡᠭᠯᠣᠨ ᠮᠣᠳᠣ ᠭᠡᠵᠦ ᠪᠣᠳᠣᠵᠦ 2007 ᠣᠨ ᠤ ᠪᠢᠳᠡᠬᠦᠨ ᠤ ᠰᠦᠨᠢ ᠣᠴᠢᠵᠦ ᠲᠠᠬᠢᠵᠠᠢ ︵ᠡᠨᠡ ᠮᠣᠳᠣ ᠪᠣᠯ ᠣᠣᠯ ᠤᠨ ᠲᠠᠬᠢᠯᠭ᠎ᠠ ᠲᠠᠢ ᠱᠦᠡᠭᠯᠣᠨ ᠮᠣᠳᠣ ᠪᠢᠰᠢ᠂ ᠣᠣᠯ ᠤᠨ ᠲᠠᠬᠢᠯᠭ᠎ᠠ ᠲᠠᠢ ᠱᠦᠡᠭᠯᠣᠨ ᠮᠣᠳᠣ ᠠᠴᠠ ᠡᠮᠦᠨ᠎ᠠ ᠲᠠᠪᠣᠨ ᠵᠠᠭᠤ ᠰᠢᠬᠠᠮ ᠮᠧᠲᠷ ᠬᠤᠯᠠ ᠳᠤ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠣᠷᠭᠤᠭᠰᠠᠨ ᠲᠣᠮᠣ ᠬᠠᠶᠢᠯᠠᠰᠣᠨ ᠮᠣᠳᠣ ᠪᠣᠯᠣᠨ᠎ᠠ᠂ ᠲᠣᠰ ᠮᠣᠳᠣᠨ ᠤ ᠨᠠᠰᠣ ᠨᠢ ᠱᠦᠡᠭᠯᠣᠨ ᠮᠣᠳᠣ ᠲᠠᠢ ᠪᠠᠷᠤᠭ ᠠᠳᠠᠯᠢ︶᠃ ᠲᠡᠬᠡᠬᠡᠳ ᠭᠠᠯ ᠠᠯᠳᠠᠭᠰᠠᠨ ᠬᠡᠷᠡᠭ ᠭᠠᠷᠭᠠᠵᠠᠢ ︵ᠡᠨᠡ ᠬᠦᠮᠦᠨ ᠪᠠᠷᠤᠭ ᠱᠦᠡᠭᠯᠣᠨ ᠮᠣᠳᠣ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠶᠣᠰᠣ ᠣᠴᠢᠷ ᠢ ᠮᠡᠳᠡᠬᠦ ᠦᠬᠡᠢ ᠠᠴᠠ ᠪᠣᠯᠵᠦ ᠲᠣᠶ᠋ᠢᠩ ᠰᠢᠳᠠᠭᠠᠬᠤ ᠮᠡᠳᠦ ᠭᠠᠯ ᠲᠦᠯᠡᠵᠦ ᠲᠠᠬᠢᠭᠰᠠᠨ ᠪᠠᠶᠢᠵᠦ ᠮᠡᠳᠡᠨ᠎ᠠ︶᠃ ᠭᠠᠯ ᠨᠢ ᠮᠣᠳᠣᠨ ᠤ ᠭᠤᠣᠯ ᠢᠶᠠᠷ ᠲᠡᠬᠡᠭᠰᠢ ᠨᠣᠴᠣᠵᠦ᠂ ᠶᠠᠮᠠᠷ ᠠᠷᠭ᠎ᠠ ᠭᠠᠷᠭᠠᠭᠰᠠᠨ ᠴᠦ ᠣᠨᠳᠠᠷᠠᠭᠠᠵᠦ ᠲᠡᠶᠢᠯᠦᠭᠰᠡᠨ ᠦᠬᠡᠢ᠂ ᠦᠷ ᠢᠶᠠᠷ ᠠᠷᠦ ᠬᠤᠷᠴᠢᠨ ᠤ ᠭᠠᠯ ᠣᠨᠳᠠᠷᠠᠭᠠᠬᠤ ᠠᠩᠬᠢ ᠶᠢᠨ ᠬᠢᠨ ᠢᠷᠡᠵᠦ ᠣᠨᠳᠠᠷᠠᠭᠠᠵᠦ᠂ ᠵᠠᠩ ᠣᠪᠣᠭᠳᠣ ᠭᠠᠯ ᠲᠠᠯᠪᠢᠭᠰᠠᠨ ᠬᠡᠷᠡᠭ ᠲᠤ ᠣᠷᠣᠵᠦ ᠬᠤᠷᠢᠭᠳᠠᠵᠦ ᠶᠠᠯᠠᠳᠠᠭᠳᠠᠵᠠᠢ᠃ ᠡᠬᠦᠨ ᠠᠴᠠ ᠬᠤᠶᠢᠨ᠎ᠠ ᠵᠠᠩ ᠣᠪᠣᠭᠳᠣ ᠶᠢᠨ ᠬᠦᠭᠵᠢᠶᠡᠨᠳᠠᠢ ᠪᠠᠶᠢᠭᠰᠠᠨ ᠬᠤᠭᠤᠯᠠᠨ ᠬᠡᠷ ᠴᠦ ᠠᠶᠠᠭ᠎ᠠ ᠰᠢᠨᠠᠭ᠎ᠠ ᠪᠠᠨ ᠬᠤᠷᠢᠶᠠᠵᠦ᠂ ᠵᠠᠩ ᠣᠪᠣᠭᠳᠦ ᠴᠦ ᠲᠠᠯ᠎ᠠ ᠪᠠᠶ᠎ᠠ ᠶᠢᠨ ᠡᠪᠡᠳᠴᠢᠨ ᠣᠯᠵᠦ ᠣᠳᠣ ᠪᠣᠯᠳᠠᠯ᠎ᠠ ᠬᠡᠪᠳᠡᠷᠢ ᠳᠤ ᠪᠠᠶᠢᠭ᠎ᠠ ᠬᠡᠳᠡᠭ ᠴᠢᠮᠡᠭᠡ ᠲᠠᠢ᠃ ᠬᠦᠮᠦᠰ ᠡᠨᠡ ᠲᠣᠬᠠᠢ ᠡᠯᠳᠡᠪ ᠢᠶᠠᠷ ᠬᠡᠯᠡᠯᠴᠡᠬᠦ ᠨᠢ ᠣᠳᠣ ᠪᠣᠯᠳᠠᠯ᠎ᠠ ᠲᠠᠰᠣᠷᠠᠭ᠎ᠠ ᠦᠬᠡᠢ᠃       ᠶᠠᠷᠨᠠᠢ ᠣᠪᠣᠭ᠎ᠠ ᠨᠢ ᠲᠠᠷᠢᠶᠠᠨ ᠭᠠᠵᠠᠷ ᠪᠣᠯᠣᠭᠰᠠᠨ ᠪᠣᠯᠪᠠᠴᠦ ᠡᠨᠡᠬᠦ ᠲᠠᠯ᠎ᠠ ᠶᠢᠨ ᠣᠪᠣᠭ᠎ᠠ ᠶᠢ ᠲᠡᠭᠰᠢᠯᠡᠭᠰᠡᠨ ᠬᠦᠮᠦᠨ ᠪᠠᠶᠢᠭ᠎ᠠ ᠦᠬᠡᠢ᠃ ᠠᠭᠤᠯᠠ ᠣᠰᠣ ᠣᠪᠣᠭ᠎ᠠ ᠱᠠᠩᠰᠢ ᠶᠢᠨ ᠲᠠᠬᠢᠯᠭ᠎ᠠ ᠪᠣᠯ ᠮᠣᠩᠭᠤᠯᠴᠣᠳ ᠤᠨ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠲᠡᠬᠡᠳᠦᠯᠡᠬᠦ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠳᠠᠭ ᠣᠯᠠᠮᠵᠢᠯᠠᠯᠳᠣ ᠦᠪ ᠰᠣᠶᠣᠯ ᠤᠨ ᠨᠢᠬᠡ ᠬᠡᠰᠡᠭ ᠡᠷᠳᠡᠨᠢ ᠨᠢ ᠶᠤᠮ᠃ ᠡᠨᠡᠬᠦ ᠦᠪ ᠰᠣᠶᠣᠯ ᠢᠶᠠᠨ ᠣᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠨᠢ ᠤᠳᠤ ᠶᠢᠨ ᠣᠷᠴᠢᠨ ᠠᠬᠤᠢ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠲᠦᠪ ᠴᠢᠩᠭ᠎ᠠ ᠲᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠲᠠᠢ ᠶᠠᠪ ᠴᠠᠪ ᠨᠡᠶᠢᠴᠡᠵᠦ᠂ ᠬᠦᠮᠦᠰ ᠤᠨ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠲᠡᠬᠡᠳᠦᠯᠡᠵᠦ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠵᠦ᠂ ᠪᠠᠶᠢᠭᠠᠯᠢ ᠶᠢᠨ ᠵᠢᠮ᠎ᠠ ᠶᠣᠰᠣᠨ ᠳᠤ ᠦᠢᠯᠠ ᠠᠵᠢᠯᠯᠠᠭ᠎ᠠ ᠪᠠᠨ ᠨᠡᠶᠢᠴᠡᠬᠦᠯᠵᠦ᠂ ᠬᠦᠮᠦᠨ ᠪᠠᠶᠢᠭᠠᠯᠢ ᠡᠶ᠎ᠡ ᠵᠣᠬᠢᠴᠠᠯ ᠲᠠᠢ ᠠᠮᠢᠳᠣᠷᠠᠬᠤ ᠦᠵᠡᠯ ᠣᠬᠠᠮᠰᠠᠷ ᠢ ᠰᠡᠷᠬᠦᠬᠡᠨ ᠲᠡᠬᠡᠭᠰᠢᠯᠡᠬᠦᠯᠬᠦ ᠳᠤ ᠲᠣᠩ ᠠᠰᠢᠭᠳᠠᠢ ᠪᠠᠶᠢᠳᠠᠭ ᠶᠤᠮ᠃ ᠱᠦᠡᠭᠯᠣᠨ ᠮᠣᠳᠣ᠂ ᠶᠠᠷᠨᠠᠢ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠰᠡᠷᠬᠦᠬᠡᠬᠦ ᠨᠢ ᠣᠯᠠᠮᠵᠢᠯᠠᠯᠳᠣ ᠦᠪ ᠰᠣᠶᠣᠯ ᠢᠶᠠᠨ ᠰᠡᠷᠬᠦᠬᠡᠨ ᠪᠠᠳᠠᠷᠠᠭᠤᠯᠬᠤ ᠪᠠᠰᠠ ᠨᠢᠬᠡᠨ ᠰᠠᠶᠢᠬᠠᠨ ᠠᠵᠢᠯᠯᠠᠭ᠎ᠠ ᠪᠣᠯᠬᠤ ᠪᠠᠶᠢᠬ᠎ᠠ᠃
  
ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠳᠠ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠤᠮᠠᠷᠠᠲᠤ ᠸᠧᠶ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ ᠬᠠᠭᠠᠨ ᠤ ᠲᠩᠷᠢ ᠲᠠᠬᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ︽2020 ᠣᠨ ᠤ ᠳᠤᠮᠳᠠᠳᠤ ᠁
ᠪᠡᠯᠴᠢᠭᠡᠷ ᠤᠨ ᠲᠦᠢᠮᠡᠷ ᠢ ᠰᠡᠷᠬᠡᠶᠢᠯᠡᠬᠦ ᠶᠢᠨ ᠴᠢᠬᠤᠯᠠ ᠴᠢᠨᠠᠷ
ᠠᠯᠪᠠᠨ ᠵᠢᠷᠤᠮ ᠤᠨ ᠮᠣᠳᠣ ᠳᠠᠷᠢᠬᠤ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠭᠦᠢᠴᠡᠳᠭᠡᠬᠦ 8 ᠲᠦᠷᠦᠯ ᠤᠨ ᠠᠷᠭ᠎ᠠ ᠬᠡᠯᠪᠡᠷᠢ
ᠲᠠᠪᠢᠬᠦᠷᠯᠢᠭ ᠮᠥᠭᠦ ᠲᠡᠷᠢᠬᠰᠠᠨ ᠪᠠᠶᠠᠵᠢᠯ ᠤᠨ ᠵᠠᠮ
ᠪᠠᠳᠠᠢ ᠶᠢᠨ ᠵᠢᠷᠠᠠ ᠤ ᠡᠯᠠᠰᠤᠠ ᠤ ᠢᠷᠠᠯᠳᠠ ᠭᠢᠭᠡᠤᠠ ᠡᠯᠠᠰᠤ ᠪᠠᠭᠤᠭᠰᠠᠠ ᠳᠤᠮᠤᠭ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号