| ᠤᠰᠤ ᠲᠦᠯᠡᠭᠡᠨ ᠤ ᠤᠶᠢᠷᠠ ᠨᠢ ᠲᠡᠭᠡᠷᠡ ᠤᠷᠤᠭ ᠲᠦᠷᠦᠯ ᠤᠨ ᠬᠤᠯᠠ ᠨᠢ ᠲᠡᠭᠡᠷᠡ ᠭᠡᠳᠡᠭ ᠦᠬᠡ ᠲᠠᠢ | ᠴᠦ ᠮᠠᠨ ᠤ ᠤᠷᠠᠳ ᠭᠤᠪᠢᠴᠤᠳ ᠬᠤᠳᠳᠤᠭ ᠤᠰᠤᠨ ᠠᠴᠠ ᠬᠤᠯᠠ ᠪᠠᠭᠤᠵᠤ ᠠᠮᠠᠨ ᠤ ᠤᠰᠤ ᠪᠠᠨ ᠲᠡᠮᠡᠭᠡ ᠪᠠᠷ | ᠲᠡᠩᠨᠡᠵᠤ᠂ ᠪᠤᠭ ᠮᠠᠯ ᠢᠶᠠᠨ ᠦᠨᠵᠢᠵᠦ ᠤᠰᠤᠯᠠᠳᠠᠭ᠃ | ᠭᠡᠭᠡᠯ᠂ ᠬᠠᠰᠢᠶᠠ᠂ ᠪᠤᠱᠤᠭᠠ᠂ ᠯᠠᠢ᠂ ᠢᠷᠤᠭᠠᠷ ᠁ ᠭᠡᠳ ᠬᠤᠳᠳᠤᠭ ᠤᠰᠤᠨ ᠳᠤ ᠬᠤᠯᠪᠤᠭᠳᠠᠬᠤ | ᠡᠳᠦᠢ ᠲᠡᠳᠦᠢ ᠨᠡᠷᠡᠶᠢᠳᠦᠯ ᠪᠤᠢ᠃ ᠬᠤᠳᠳᠤᠭ ᠤᠨ ᠤᠰᠤ ᠤᠨᠳᠤᠷᠤᠭᠠᠳ ᠲᠤᠭᠳᠠᠭᠰᠠᠨ ᠲᠦᠪᠰᠢᠨ ᠳᠤ ᠬᠦᠷᠪᠡᠯ | ᠤᠨᠳᠤᠷᠬᠤ ᠪᠠᠨ ᠪᠤᠯᠢᠨᠡ᠃ ᠡᠬᠦᠨ ᠢ ᠴᠢᠨᠤᠮᠡᠯ ᠳᠤ ᠪᠠᠨ ᠬᠦᠷᠦᠯᠡ ᠭᠡᠳᠡᠭ᠃ ᠤᠨᠳᠤᠷᠤᠭᠠ ᠨᠢ ᠤᠳᠠᠭᠠᠨ | ᠬᠤᠳᠳᠤᠭ ᠢ ᠬᠦᠯᠦᠷᠡᠭᠡᠨ ᠤᠰᠤ ᠲᠠᠢ ᠬᠤᠳᠳᠤᠭ ᠭᠡᠨᠡ᠃ | ᠬᠤᠳᠳᠤᠭ ᠤᠨ ᠤᠰᠤ ᠶᠢ ᠬᠤᠪᠤᠭᠤ ᠪᠠᠷ ᠲᠠᠳᠠᠨᠠ᠃ ᠹᠠᠩᠪᠦ ᠪᠤᠶᠤ ᠲᠡᠮᠡᠭᠡ᠂ ᠦᠭᠡᠷ ᠤᠨ ᠰᠢᠷᠢ ᠪᠠᠷ | ᠬᠢᠭᠰᠡᠨ ᠤᠰᠤ ᠤᠳᠬᠤᠬᠤ ᠪᠦᠭᠡᠷᠡᠩᠬᠡᠢ ᠰᠠᠪᠠ ᠶᠢ ᠬᠤᠪᠤᠭᠤ ᠬᠡᠨᠡ᠃ ᠬᠤᠪᠤᠭᠤ ᠬᠤᠪᠤᠭᠤᠨ ᠤ ᠲᠤᠯᠤᠭᠠᠢ᠂ | ᠤᠷᠬᠢᠭᠤᠯ᠂ ᠪᠠᠷᠢᠭᠤᠯ᠂ ᠴᠠᠭᠠᠷᠢᠭ᠂ ᠬᠤᠪᠤᠭᠤᠨ ᠤ ᠲᠡᠷᠢᠬᠢ ᠵᠡᠷᠭᠡ ᠠᠴᠠ ᠪᠦᠷᠢᠯᠳᠦᠳᠡᠭ᠃ ᠤᠩᠭᠤᠴᠠᠨ ᠳᠤ | ᠤᠰᠤ ᠬᠢᠬᠦ ᠳᠤ ᠬᠤᠳᠳᠤᠭ ᠤᠨ ᠠᠮᠠᠰᠠᠷ᠂ ᠤᠩᠭᠤᠴᠠᠨ ᠤ ᠲᠡᠷᠡᠯᠡᠭᠡ ᠶᠢᠨ ᠬᠤᠭᠤᠷᠤᠨᠳᠤ ᠨᠠᠰᠢ ᠴᠠᠰᠢ ᠶᠠᠪᠤᠬᠤ | ᠦᠭᠡᠢ ᠶᠢᠨ ᠲᠤᠯᠠᠳᠠ ᠠᠯᠳᠠ ᠬᠢᠷᠢ ᠤᠷᠳᠤ᠂ ᠭᠠᠷ ᠲᠤ ᠪᠠᠭᠳᠠᠬᠤᠶᠢᠴᠡ ᠨᠠᠷᠢᠨ ᠮᠤᠳᠤ ᠪᠠᠷ ᠬᠤᠪᠤᠭᠤᠨ ᠤ | ᠪᠠᠷᠢᠭᠤᠯ ᠬᠢᠳᠡᠭ᠃ ᠪᠠᠷᠢᠭᠤᠯ ᠤᠨ ᠬᠤᠶᠠᠷ ᠦᠵᠦᠬᠦᠷ ᠢ ᠨᠢ ᠴᠤᠷᠭᠢᠵᠦ ᠨᠢᠬᠡ ᠦᠵᠦᠬᠦᠷ ᠲᠤ ᠨᠢ ᠬᠤᠪᠤᠭᠤᠨ ᠤ | ᠴᠠᠭᠠᠷᠢᠭ ᠢ ᠬᠤᠯᠪᠤᠭᠰᠠᠨ ᠲᠡᠭᠡᠰᠤ ᠶᠢ ᠰᠦᠪᠡᠯᠡᠵᠦ ᠪᠡᠭᠡᠯᠡᠨ᠂ ᠨᠦᠬᠦᠭᠡ ᠦᠵᠦᠬᠦᠷ ᠲᠤ ᠨᠢ ᠨᠠᠷᠢᠨ ᠰᠢᠳᠠᠮ ᠢᠶᠠᠷ | ᠭᠤᠭᠴᠤᠭᠠ ᠭᠠᠷᠭᠠᠨ ᠬᠤᠪᠤᠭᠤᠨ ᠤ ᠰᠡᠭᠡᠯᠳᠦᠷᠭᠡ ᠭᠡᠵᠤ ᠨᠡᠷᠡᠯᠡᠨᠡ᠃ ᠬᠤᠪᠤᠭᠤᠨ ᠤ ᠰᠡᠭᠡᠯᠳᠦᠷᠭᠡ ᠳᠤ ᠤᠷᠬᠢᠭᠤᠯ | ᠢᠶᠠᠨ ᠵᠠᠯᠭᠠᠨᠠ᠃ ᠬᠦᠨ ᠬᠤᠳᠳᠤᠭ ᠠᠴᠠ ᠤᠰᠤ ᠲᠠᠳᠠᠬᠤ ᠳᠤ ᠭᠠᠷ ᠲᠤ ᠵᠦᠭᠡᠯᠡᠨ ᠢ ᠪᠤᠳᠤᠯᠬᠢᠯᠠᠵᠤ ᠤᠯᠠᠩᠬᠢ | ᠳᠤ ᠪᠠᠨ ᠬᠤᠶᠠᠷ ᠢᠶᠠᠷ ᠤᠶᠤᠭᠰᠠᠨ ᠲᠡᠮᠡᠬᠡᠨ ᠲᠡᠭᠡᠰᠦ ᠪᠠᠷ ᠤᠷᠬᠢᠭᠤᠯ ᠬᠢᠳᠡᠭ ᠪᠦᠭᠡᠳ ᠬᠤᠳᠳᠤᠭ ᠤᠨ ᠬᠦᠨ | ᠬᠦᠢᠭᠡᠨ ᠢᠶᠠᠷ ᠤᠷᠬᠢᠭᠤᠯ ᠤᠨ ᠤᠷᠳᠤ ᠤᠬᠤᠷ ᠢ ᠲᠤᠭᠳᠠᠭᠠᠨᠠ᠃ ᠬᠤᠪᠤᠭᠤᠨ ᠤ ᠴᠠᠭᠠᠷᠢᠭ ᠪᠠ ᠬᠤᠪᠤᠭᠤᠨ ᠤ | ᠪᠠᠷᠢᠭᠤᠯ ᠢ ᠬᠤᠯᠪᠤᠭᠰᠠᠨ ᠲᠡᠭᠡᠰᠦ ᠶᠢ ᠬᠤᠪᠤᠭᠤᠨ ᠤ ᠲᠡᠷᠢᠬᠢ ᠭᠡᠳᠡᠭ᠃ | ᠬᠦᠢᠬᠡᠨ ᠬᠤᠳᠳᠤᠭ ᠡᠪᠦᠯ ᠳᠤ ᠪᠠᠨ ᠠᠮᠠᠷᠬᠠᠨ ᠬᠦᠯᠳᠡᠨᠡ᠃ ᠬᠤᠳᠳᠤᠭ ᠤᠨ ᠤᠰᠤ ᠢᠷᠤᠭᠠᠷ ᠲᠤ ᠪᠠᠨ | ᠲᠤᠯᠳᠠᠯᠠ ᠬᠦᠯᠳᠡᠬᠦ ᠶᠢ ᠬᠤᠳᠳᠤᠭ ᠠᠨᠢᠯᠠ ᠭᠡᠳᠡᠭ᠃ ᠬᠤᠳᠳᠤᠭ ᠢᠶᠠᠨ ᠠᠨᠢᠭᠤᠯᠬᠤ ᠦᠭᠡᠢ ᠶᠢᠨ ᠲᠤᠰᠠᠳᠠ | ᠦᠷᠬᠦᠯᠵᠢ ᠮᠦᠰᠦ ᠴᠤᠭᠤᠯᠬᠤ ᠠᠵᠢᠯ ᠭᠠᠷᠤᠨᠠ᠃ ᠬᠤᠳᠳᠤᠭ ᠤᠨ ᠮᠦᠰᠦ ᠶᠢ ᠤᠷᠳᠤ ᠴᠠᠷᠢᠯ᠂ ᠤᠷᠳᠤ ᠮᠤᠳᠤᠨ | ᠪᠠᠭᠠᠨᠠ ᠵᠡᠷᠭᠡ ᠪᠠᠷ ᠴᠤᠭᠤᠯᠤᠨ ᠮᠦᠰᠦ ᠶᠢ ᠨᠢ ᠱᠦᠬᠦᠵᠦ ᠬᠠᠶᠠᠨᠠ᠃ ᠴᠡᠷᠢᠯ ᠴᠤᠭᠤᠯᠳᠤᠷ ᠢᠶᠠᠷ ᠴᠤᠭᠤᠯᠵᠤ | ᠲᠡᠶᠢᠯᠬᠦ ᠦᠭᠡᠢ ᠪᠤᠯ ᠲᠠᠮᠤᠷ ᠰᠠᠭᠤᠯᠠᠭᠠᠨ ᠳᠤ ᠴᠤᠭ ᠬᠢᠵᠤ ᠬᠤᠳᠳᠤᠭ ᠲᠤᠳᠤᠷᠠ ᠡᠯᠬᠦᠬᠦ ᠪᠤᠶᠤ ᠲᠠᠮᠤᠷ ᠰᠠᠪᠠ | ᠰᠠᠭᠤᠯᠠᠭᠠᠨ ᠳᠤ ᠭᠠᠯ ᠲᠦᠯᠡᠵᠦ ᠭᠡᠰᠭᠡᠨᠡ᠃ | ᠬᠤᠳᠳᠤᠭ ᠲᠤ ᠮᠠᠯ ᠤᠨᠠᠬᠤ᠂ ᠬᠤᠭ ᠯᠤᠪᠰᠢ ᠤᠷᠤᠬᠤ᠂ ᠬᠦᠯᠳᠡᠬᠦ ᠵᠡᠷᠭᠡ ᠠᠴᠠ ᠰᠡᠷᠭᠡᠶᠢᠯᠡᠨ ᠬᠤᠳᠳᠤᠭ | ᠪᠦᠭᠯᠡᠬᠦ ᠶᠢ ᠡᠷᠬᠢᠮᠯᠡᠨᠡ᠃ ᠬᠤᠳᠳᠤᠭ ᠤᠨ ᠪᠦᠭᠯᠡᠭᠡ ᠶᠢ ᠬᠤᠳᠳᠤᠭ ᠤᠨ ᠠᠮᠠᠰᠠᠷ ᠤᠨ ᠶᠡᠭᠡ ᠪᠠᠭᠠ ᠳᠤ | ᠵᠤᠬᠢᠴᠠᠭᠤᠯᠤᠨ ᠬᠠᠪᠳᠠᠭᠠᠢ ᠮᠤᠳᠤ ᠵᠦᠢᠵᠦ ᠬᠢᠬᠦ ᠪᠤᠶᠤ ᠢᠰᠡᠭᠡᠢ ᠬᠤᠷᠮᠤᠰᠤ ᠲᠠᠪᠬᠤᠷᠯᠠᠨ ᠰᠢᠷᠢᠵᠦ ︵ᠤᠶᠤᠵᠤ︶ | ᠬᠢᠳᠡᠭ᠃ | ᠮᠠᠯ ᠢ ᠤᠩᠭᠤᠴᠠᠨ ᠳᠤ ᠤᠰᠤᠯᠠᠨᠠ᠃ ᠤᠩᠭᠤᠴᠠ ᠶᠢ ᠬᠢᠭᠰᠡᠨ ᠮᠠᠲ᠋ᠧᠷᠢᠶᠡᠯ ᠢᠶᠠᠷ ᠨᠢ ᠮᠤᠳᠤᠨ ᠤᠩᠭᠤᠴᠠ᠂ | ᠲᠡᠮᠦᠷ ᠤᠩᠭᠤᠴᠠ᠂ ᠴᠢᠯᠠᠭᠤᠨ ᠤᠩᠭᠤᠴᠠ᠂ ᠱᠦᠢᠨᠢ ᠤᠩᠭᠤᠴᠠ ᠭᠡᠵᠤ ᠨᠠᠷᠠᠯᠠᠨᠠ᠃ ᠪᠤᠭ ᠮᠠᠯ ᠤᠨ ᠤᠩᠭᠤᠴᠠ | ᠪᠤᠭᠤᠨᠢ᠂ ᠪᠤᠳᠠ ᠶᠢᠨ ᠤᠩᠭᠤᠴᠠ ᠦᠨᠳᠦᠷ ᠰᠢᠭ ᠪᠠᠶᠢᠳᠠᠭ᠃ ᠬᠤᠪᠤᠭᠤ ᠪᠠᠷ ᠤᠰᠤ ᠲᠠᠳᠠᠨ ᠤᠩᠭᠤᠴᠠᠨ ᠳᠤ | ᠬᠢᠬᠦ ᠳᠤ ᠬᠤᠪᠤᠭᠤ ᠲᠠᠯᠪᠢᠬᠤ ᠪᠠᠷ ᠵᠤᠷᠢᠭᠤᠯᠤᠨ ᠬᠢᠭᠰᠡᠨ ᠲᠡᠭᠰᠢ ᠬᠠᠪᠳᠠᠭᠠᠢ ᠴᠢᠯᠠᠭᠤ ᠪᠤᠶᠤ ᠮᠤᠳᠤ ᠶᠢ ᠤᠩᠭᠤᠴᠠᠨ | ᠤ ᠲᠡᠷᠡᠯᠡᠭᠡ ᠭᠡᠨᠡ᠃ | ᠪᠢᠯᠬᠠᠮᠠ ᠠᠶᠠᠭᠠ ᠲᠠᠢ ᠬᠤᠭᠤᠯᠠ ᠴᠠᠢ ᠲᠤᠰᠤᠭᠰᠠᠨ ᠬᠦᠮᠦᠨ ᠤ ᠨᠢᠳᠦ ᠨᠢ ᠪᠦᠯᠳᠡᠶᠢᠵᠦ ᠠᠮᠠ ᠨᠢ | ᠠᠩᠭᠠᠶᠢᠨ ᠬᠠᠮᠠᠷ ᠨᠢ ᠰᠡᠷᠳᠡᠶᠢᠵᠦ ᠦᠬᠦᠯ ᠤᠨ ᠭᠤᠷᠪᠠᠨ ᠰᠢᠨᠵᠢ ᠪᠦᠷᠢᠳᠦᠳᠡᠭ ᠬᠡᠮᠡᠨ ᠮᠤᠩᠭᠤᠯᠴᠤᠳ ᠬᠦᠮᠦᠨ ᠳᠤ | ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠬᠤ ᠳᠤ ᠪᠠᠨ ᠠᠶᠠᠭᠠ ᠪᠢᠯᠬᠠᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠲᠠᠢ ᠠᠳᠠᠯᠢ ᠮᠠᠯ ᠤᠰᠤᠯᠠᠬᠤ ᠳᠤ | ᠴᠦ ᠤᠩᠭᠤᠴᠠ ᠪᠢᠯᠬᠠᠭᠤᠯᠵᠤ ᠲᠠᠪᠠᠭᠤᠯᠬᠤ ᠶᠢ ᠤᠨᠴᠠ ᠴᠡᠭᠡᠷᠯᠡᠳᠡᠭ᠃ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠤ ᠴᠠᠭ ᠲᠤ | ᠤᠩᠭᠤᠴᠠ ᠲᠠᠪᠠᠭᠤᠯᠪᠠᠯ ᠤᠩᠭᠤᠴᠠᠨ ᠤ ᠬᠠᠵᠠᠭᠤ ᠪᠠᠷ ᠱᠠᠯᠪᠠᠭ ᠲᠤᠭᠳᠠᠵᠤ ᠮᠠᠯ ᠭᠤᠯᠤᠨᠠ᠃ ᠡᠪᠦᠯ ᠤᠨ ᠬᠦᠢᠳᠡᠨ | ᠳᠤ ᠤᠩᠭᠤᠴᠠ ᠲᠠᠪᠠᠭᠤᠯᠪᠠᠯ ᠤᠩᠭᠤᠴᠠᠨ ᠤ ᠬᠠᠵᠠᠭᠤ ᠪᠠᠷ ᠮᠦᠰᠦ ᠬᠦᠯᠳᠡᠨ ᠬᠠᠯᠭᠤᠭᠠ ᠭᠠᠷᠴᠤ ᠮᠠᠯ ᠤᠨᠠᠵᠤ | ᠲᠠᠷᠤᠴᠠᠳᠠᠭ᠃ | ᠮᠠᠯ ᠢᠶᠠᠨ ᠤᠰᠤᠯᠠᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠡᠪᠦᠯ ᠳᠤ ᠪᠠᠨ ᠤᠩᠭᠤᠴᠠᠨ ᠳᠤ ᠤᠰᠤ ᠤᠪᠤᠶᠢᠨ ᠬᠦᠯᠳᠡᠬᠦ | ᠠᠴᠠ ᠪᠤᠯᠭᠤᠮᠵᠢᠯᠠᠵᠤ ᠤᠩᠭᠤᠴᠠ ᠪᠠᠨ ᠰᠢᠪᠬᠠᠨᠠ᠃ ᠵᠤᠨ ᠳᠤ ᠪᠠᠨ ᠤᠩᠭᠤᠴᠠ ᠪᠠᠨ ᠲᠦᠬᠦᠷᠡᠩ ᠤᠰᠤ ᠲᠠᠢ | ᠤᠷᠬᠢᠵᠤ ᠬᠤᠳᠳᠤᠭ ᠤᠰᠤᠨ ᠲᠡᠭᠡᠬᠦᠷ ᠢᠷᠡᠭᠰᠡᠨ ᠮᠠᠯ ᠬᠤᠢ᠂ ᠰᠢᠪᠠᠭᠤ ᠪᠤᠯᠵᠤᠮᠤᠷ ᠢ ᠬᠦᠷᠳᠡᠯᠡ ᠤᠰᠤᠯᠠᠵᠤ | ᠤᠮᠳᠠᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠤᠩᠭᠤᠴᠠ ᠲᠦᠬᠦᠷᠴᠦ ᠲᠠᠳᠠᠵᠤ ᠭᠠᠷᠭᠠᠭᠰᠠᠨ ᠤᠰᠤ ᠶᠢ ᠤᠩᠭᠤᠴᠠᠨ ᠳᠤ ᠬᠢᠬᠦ | ᠴᠢᠬᠤᠯᠠ ᠦᠭᠡᠢ ᠦᠶᠡ ᠳᠤ ︽ᠬᠤᠶᠢᠳᠤᠨ ᠵᠢᠯ ᠤᠨᠠᠭᠠ ᠲᠠᠭᠠ ᠤᠰᠤᠯᠠᠶᠠ︕︾ ᠭᠡᠵᠤ ᠰᠢᠪᠰᠢᠭᠡᠳ ᠲᠠᠳᠠᠵᠤ | ᠭᠠᠷᠭᠠᠭᠰᠠᠨ ᠤᠰᠤ ᠪᠠᠨ ᠬᠤᠳᠳᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠭᠠᠵᠤ ᠬᠢᠨᠡ᠃ | ᠵᠠᠮ ᠶᠠᠪᠤᠵᠤ ᠪᠠᠶᠢᠭᠠᠳ ᠬᠤᠳᠳᠤᠭ ᠲᠡᠭᠡᠷᠡ ᠮᠠᠯ ᠤᠰᠤᠯᠠᠵᠤ ᠪᠠᠶᠢᠬᠤ ᠲᠠᠢ ᠲᠠᠭᠠᠷᠠᠪᠠᠯ ᠤᠯᠠᠨ ᠴᠦᠬᠡᠨ ᠤ | ᠲᠤᠳᠤᠷᠠ ᠵᠠᠪᠠᠯ ᠤᠰᠤ ᠲᠠᠳᠠᠬᠤ ᠲᠠᠳᠬᠠᠯ ᠲᠠᠢ᠃ ᠬᠠᠷᠠ ᠤᠰᠤ ᠬᠠᠷᠠᠮᠨᠠᠳᠠᠭ ᠦᠭᠡᠢ ᠭᠡᠮᠡᠨ ᠮᠠᠯ ᠤᠰᠤᠯᠠᠵᠤ | ᠪᠠᠷᠠᠭᠠᠳ ᠬᠤᠪᠤᠭᠤ ᠪᠠᠨ ᠬᠤᠳᠳᠤᠭ ᠤᠨ ᠤᠶᠢᠷᠠ ᠲᠠᠯᠪᠢᠵᠤ ᠬᠤᠳᠳᠤᠭ ᠲᠡᠭᠡᠷᠡ ᠢᠷᠡᠭᠰᠡᠨ ᠵᠠᠮ ᠤᠨ ᠬᠦᠮᠦᠨ ᠳᠤ | ᠲᠦᠬᠦᠮ ᠦᠵᠡᠬᠦᠯᠳᠡᠭ᠃ ᠭᠡᠰᠡᠨ ᠴᠦ ᠬᠤᠪᠤᠭᠤ ᠪᠠᠨ ᠬᠤᠳᠳᠤᠭ ᠲᠡᠭᠡᠷᠡ ᠤᠷᠬᠢᠳᠠᠭ ᠦᠭᠡᠢ᠃ ᠬᠠᠷᠢᠨ ᠬᠦᠮᠦᠨ | ᠤ ᠨᠢᠳᠦ ᠲᠤᠰᠬᠤᠶᠢᠴᠠ ᠤᠶᠢᠷᠠ ᠵᠠᠢ ᠳᠤ ᠤᠷᠬᠢᠭᠤᠯ ᠢ ᠨᠢ ᠡᠪᠭᠡᠵᠦ ᠬᠤᠪᠤᠭᠤᠨ ᠳᠤ ᠨᠢ ᠬᠢᠭᠡᠳ ᠤᠷᠪᠤᠭ ᠪᠤᠳᠠᠨ | ᠤ ᠤᠷᠤᠢ ᠲᠡᠭᠡᠷᠡ ᠬᠦᠮᠦᠷᠢᠨᠡ᠃ | ᠤᠷᠠᠳᠴᠤᠳ ᠭᠠᠯ ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠬᠤᠪᠤᠭᠤ ᠪᠠᠨ ᠭᠡᠷ ᠲᠤ ᠠᠪᠠᠴᠢᠨ ᠠᠷᠴᠠ ᠪᠠᠷ ᠠᠷᠢᠭᠤᠯᠠᠳᠠᠭ | ᠵᠠᠩᠰᠢᠯ ᠲᠠᠢ ᠠᠴᠠ ᠬᠤᠪᠤᠭᠤ ᠵᠢᠯ ᠳᠤ ᠭᠠᠭᠴᠠ ᠤᠳᠠᠭᠠ ᠬᠠᠷᠢᠳᠠᠭ ᠭᠡᠰᠡᠨ ᠬᠡᠯᠡᠯᠬᠡ ᠪᠤᠢ ᠪᠤᠯᠤᠭᠰᠠᠨ ᠶᠤᠮ᠃ |