| ᠮᠤᠩᠭᠤᠯᠴᠤᠳ ᠡᠷᠳᠡ ᠲᠡᠭᠡᠳᠤ ᠠᠴᠠ ᠪᠠᠨ ᠡᠬᠢᠯᠡᠨ ᠦᠪᠡᠷ ᠤᠨ ᠡᠷᠬᠢᠯᠡᠨ ᠡᠵᠡᠮᠰᠢᠭᠰᠡᠨ ᠤᠯᠠᠨ ᠵᠠᠭᠤᠨ | ᠮᠢᠩᠭᠠᠨ ᠮᠠᠯ ᠰᠦᠷᠦᠭ ᠢᠶᠠᠨ ᠲᠠᠨᠢᠨ ᠪᠦᠷᠢᠳᠭᠡᠬᠦ ᠳᠡᠭᠡᠨ ᠮᠠᠯ ᠤᠨ ᠦᠡᠭᠭᠡ ᠵᠢᠰᠤᠮ᠂ ᠨᠠᠰᠤ ᠰᠢᠳᠤ᠂ ᠲᠦᠷᠰᠦ | ᠶᠠᠩᠵᠤ ᠪᠠᠶᠢᠳᠠᠯ ᠵᠡᠷᠭᠡ ᠪᠠᠷ ᠨᠢ ᠵᠢᠰᠤᠯᠠᠨ ᠢᠯᠭᠠᠪᠤᠷᠢᠯᠠᠬᠤ ᠠᠷᠭᠠ ᠴᠢᠳᠠᠪᠤᠷᠢ ᠶᠢ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠪᠠᠷᠢᠮᠳᠠ ᠲᠡᠮᠳᠡᠭ ᠲᠠᠮᠠᠭᠠ ᠶᠢ ᠡᠬᠦᠳᠤᠨ ᠪᠦᠳᠦᠭᠡᠭᠰᠠᠨ ᠶᠤᠮ᠃ | ᠮᠠᠯ ᠤᠨ ᠲᠠᠮᠠᠭᠠ ᠳᠤ ᠲᠤᠮᠤ ᠲᠠᠮᠠᠭᠠ᠂ ᠪᠠᠭᠠ ᠲᠠᠮᠠᠭᠠ ᠭᠡᠵᠤ ᠬᠤᠶᠠᠷ ᠵᠤᠶᠢᠯ ᠪᠠᠶᠢᠳᠠᠭ᠃ ᠲᠤᠮᠤ ᠲᠠᠮᠠᠭᠠ | ᠶᠢ ᠲᠡᠮᠡᠭᠡ ᠠᠳᠤᠭᠤᠨ ᠤ ᠪᠡᠶᠡ ᠶᠢᠨ ᠠᠷᠠᠰᠤᠨ ᠲᠡᠭᠡᠷᠡ᠂ ᠪᠠᠭᠠ ᠲᠠᠮᠠᠭᠠ ᠶᠢ ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠᠨ ᠤ ᠡᠪᠡᠷ | ᠴᠢᠬᠢᠨ ᠲᠡᠭᠡᠷᠡ ᠲᠠᠷᠤᠬᠤ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠪᠤᠳᠠ ᠪᠤᠭ ᠮᠠᠯ ᠢ 2——3 ᠨᠠᠰᠤ ᠬᠦᠷᠬᠦ ᠳᠤ | ᠬᠠᠪᠤᠷ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠲᠠᠮᠠᠭᠠᠯᠠᠨᠠ᠃ | ᠮᠠᠯ ᠤᠨ ᠪᠡᠶᠡ ᠶᠢᠨ ᠠᠷᠠᠰᠤᠨ ᠲᠡᠭᠡᠷᠡ ᠲᠠᠮᠠᠭᠠᠯᠠᠬᠤ ᠳᠠᠭᠠᠨ ᠲᠠᠮᠠᠭᠠ ᠲᠠᠷᠤᠬᠤ ᠬᠡᠰᠡᠭ ᠤᠨ ᠦᠰᠦ ᠨᠤᠤᠰᠤ | ᠶᠢ ᠨᠢ ᠬᠠᠶᠢᠴᠢᠯᠠᠬᠤ ᠪᠤᠶᠤ ᠤᠰᠤ ᠪᠠᠷ ᠨᠤᠷᠭᠠᠭᠰᠠᠨ ᠤ ᠲᠠᠷᠠᠭᠠ ᠭᠠᠯ ᠳᠤ ᠤᠯᠠᠶᠢᠯᠭᠠᠭᠰᠠᠨ ᠲᠠᠮᠠᠭᠠ ᠪᠠᠨ | ᠲᠡᠩᠴᠡᠬᠦᠷᠢ ᠲᠤᠬᠢᠷᠠᠮᠵᠢᠲᠠᠢ ᠲᠤᠷᠠᠶᠢᠳᠠᠯᠠ ᠲᠤᠳᠤ ᠲᠠᠷᠤᠨᠠ᠃ | ᠲᠠᠮᠠᠭᠠ ᠶᠢ ᠮᠠᠯ ᠤᠨ ᠪᠡᠶᠡ ᠶᠢᠨ ᠠᠯᠢ ᠬᠡᠰᠡᠭ ᠲᠤ ᠶᠠᠭᠠᠬᠢᠵᠤ ᠲᠠᠷᠤᠬᠤ ᠲᠤᠬᠠᠢ ᠲᠤᠭᠳᠠᠭᠰᠠᠨ ᠵᠢᠷᠤᠮ | ᠪᠠᠶᠢᠳᠠᠭ᠃ ᠲᠤᠬᠠᠶᠢᠯᠠᠪᠠᠯ ᠲᠡᠮᠡᠭᠡᠨ ᠤ ᠵᠦᠪᠳᠠᠢ ᠲᠠᠯᠠ ᠶᠢᠨ ᠬᠠᠴᠠᠷ᠂ ᠭᠤᠶᠠ᠂ ᠲᠠᠰᠢᠶᠠ ᠪᠠ ᠪᠤᠷᠤᠭᠤᠳᠠᠢ ᠲᠠᠯᠠ | ᠶᠢᠨ ᠭᠤᠶᠠ᠂ ᠲᠠᠰᠢᠶᠠ ᠲᠡᠭᠡᠷᠡ᠂ ᠠᠳᠤᠭᠤᠨ ᠤ ᠵᠦᠪᠳᠠᠢ ᠲᠠᠯᠠ ᠶᠢᠨ ᠭᠤᠶᠠ᠂ ᠲᠠᠰᠢᠶᠠ ᠪᠠ ᠪᠤᠷᠤᠭᠤᠳᠠᠢ ᠲᠠᠯᠠ | ᠶᠢᠨ ᠭᠤᠶᠠ᠂ ᠲᠠᠰᠢᠶᠠ ᠵᠡᠷᠭᠡ ᠭᠠᠵᠠᠷ ᠲᠠᠷᠤᠨᠠ᠃ ᠠᠳᠤᠭᠤᠨ ᠤ ᠵᠦᠪ ᠪᠤᠷᠤᠭᠤ ᠬᠤᠶᠠᠷ ᠬᠠᠴᠠᠷ ᠪᠤᠶᠤ ᠲᠡᠮᠡᠭᠡᠨ ᠤ | ᠪᠤᠷᠤᠭᠤᠲᠠᠢ ᠲᠠᠯᠠ ᠶᠢᠨ ᠬᠠᠴᠠᠷ ᠲᠡᠭᠡᠷᠡ ᠲᠠᠮᠠᠭᠠ ᠲᠠᠷᠤᠳᠠᠭ ᠦᠭᠡᠢ᠃ | ᠵᠠᠷᠢᠮ ᠨᠤᠳᠤᠭ ᠲᠤ ︿︿ᠪᠤᠷᠤᠭᠤᠲᠠᠢ ᠲᠠᠯᠠ ᠶᠢᠨ ᠲᠠᠮᠠᠭᠠ ᠪᠤᠯ ᠪᠠᠷᠠᠭᠳᠠᠬᠤ ᠶᠢᠨ ᠲᠡᠮᠳᠡᠭ﹀﹀ ᠬᠡᠮᠡᠨ ᠠᠯᠢ ᠴᠤ | ᠮᠠᠯ ᠤᠨ ᠪᠤᠷᠤᠭᠤᠳᠠᠢ ᠲᠠᠯᠠ ᠶᠢᠨ ᠪᠡᠶᠡ ᠲᠡᠭᠡᠷᠡ ᠶᠡᠷᠤ ᠲᠠᠮᠠᠭᠠ ᠲᠠᠷᠤᠳᠠᠭ ᠦᠭᠡᠢ ᠵᠠᠩᠰᠢᠯ ᠴᠤ ᠪᠠᠶᠢᠳᠠᠭ᠃ ᠦᠬᠡᠷ | ᠤᠨ ᠪᠡᠶᠡ ᠶᠢᠨ ᠠᠷᠠᠰᠤᠨ ᠲᠡᠭᠡᠷᠡ ᠲᠠᠮᠠᠭᠠ ᠲᠠᠷᠤᠬᠤ ᠨᠢ ᠲᠤᠩ ᠴᠦᠬᠡᠨ᠂ ᠭᠤᠤᠯᠳᠠᠭᠤ ᠡᠪᠡᠷ ᠲᠡᠭᠡᠷᠡ ᠨᠢ ᠲᠠᠮᠠᠭᠠ | ᠲᠠᠷᠤᠳᠠᠭ᠂ ᠤᠨᠴᠠ ᠵᠠᠷᠢᠮ ᠲᠤᠶᠢᠮᠠᠭ ᠦᠬᠡᠷ ᠲᠤ ᠪᠤᠯ ᠲᠠᠰᠢᠶᠠᠭᠠ ᠲᠡᠭᠡᠷᠡ ᠨᠢ ᠲᠠᠮᠠᠭᠠᠯᠠᠨᠠ᠃ ᠬᠤᠨᠢ ᠢᠮᠠᠭᠠ | ᠶᠢᠨ ᠡᠪᠡᠷ ᠲᠡᠭᠡᠷᠡ ᠲᠠᠮᠠᠭᠠᠯᠠᠨᠠ᠃ ᠵᠠᠷᠢᠮ ᠮᠤᠬᠤᠷ ᠬᠤᠨᠢ᠂ ᠢᠮᠠᠭᠠ ᠶᠢᠨ ᠴᠢᠬᠢᠨ ᠲᠡᠭᠡᠷᠡ ᠲᠠᠮᠠᠭᠠᠯᠠᠬᠤ ᠶᠢ | ᠭᠠᠷᠭᠠᠪᠠᠯ ᠬᠤᠨᠢ ᠢᠮᠠᠭᠠᠨ ᠤ ᠪᠡᠶᠡ ᠶᠢᠨ ᠦᠭᠡᠷᠡ ᠬᠡᠰᠡᠭ ᠲᠤ ᠲᠠᠮᠠᠭᠠᠯᠠᠬᠤ ᠦᠭᠡᠢ᠃ | ᠮᠠᠯ ᠲᠠᠮᠠᠭᠠᠯᠠᠬᠤ ᠳᠤ ᠲᠠᠮᠠᠭᠠ ᠶᠢᠨ ᠲᠡᠭᠡᠳᠤ ᠲᠠᠯᠠ ᠶᠢ ᠡᠷᠬᠡᠪᠰᠢ ᠡᠭᠴᠡ ᠦᠭᠡᠳᠡ ᠬᠠᠨᠳᠤᠭᠤᠯᠬᠤ ᠪᠤᠶᠤ | ᠮᠠᠯ ᠤᠨ ᠲᠤᠯᠤᠭᠠᠢ ᠵᠦᠭ ᠬᠠᠨᠳᠤᠭᠤᠯᠵᠤ ᠲᠠᠷᠤᠨᠠ᠃ | ᠮᠤᠩᠭᠤᠯᠴᠤᠳ ᠰᠠᠷᠠᠨ ᠲᠠᠮᠠᠭᠠ ᠶᠢ ᠬᠠᠮᠤᠭ ᠤᠨ ᠡᠷᠬᠢᠮ ᠲᠡᠭᠡᠳᠤ ᠲᠠᠮᠠᠭᠠ ᠬᠡᠮᠡᠨ ᠦᠵᠡᠵᠤ ᠲᠡᠬᠦᠨ ᠤ | ᠬᠤᠶᠠᠷ ᠦᠵᠦᠬᠦᠷ ᠢ ᠮᠠᠯ ᠤᠨ ᠲᠤᠯᠤᠭᠠᠢ ᠵᠦᠭ ᠬᠠᠨᠳᠤᠭᠤᠯᠵᠤ ᠲᠠᠷᠤᠨᠠ᠃ ᠰᠠᠷᠠᠨ ᠲᠠᠮᠠᠭᠠ ᠶᠢᠨ ᠤᠴᠢᠷ ᠨᠢ | ᠰᠠᠷᠠ ᠪᠤᠷᠢ ᠶᠢᠨ ᠰᠢᠨᠡᠳ ᠢᠶᠠᠷ ᠬᠠᠪᠢᠷᠭᠠᠨ ᠰᠠᠷᠠ ᠭᠠᠷᠴᠤ ᠡᠳᠤᠷ ᠠᠴᠠ ᠡᠳᠤᠷ ᠲᠤᠮᠤᠷᠠᠭᠰᠠᠭᠠᠷ ᠠᠷᠪᠠᠨ ᠲᠠᠪᠤᠨ ᠤ | ᠡᠳᠤᠷ ᠪᠦᠬᠦᠯᠢ ᠲᠦᠬᠦᠷᠢᠭ ︵ᠲᠡᠷᠭᠡᠯ︶ ᠪᠤᠯᠳᠠᠭ ᠶᠠᠪᠤᠳᠠᠯ ᠢᠶᠠᠷ ᠨᠢᠭᠡᠨ ᠠᠶᠢᠯ ᠡᠷᠤᠬᠡ ᠶᠢᠨ ᠮᠠᠯ ᠬᠦᠷᠦᠩᠭᠡ ᠨᠢ | ᠴᠦᠬᠡᠨ ᠪᠠᠭᠤᠷᠠᠢ ᠪᠠᠶᠢᠭᠰᠠᠨ ᠶᠠᠪᠤᠳᠠᠯ ᠠᠴᠠ ᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ ᠦᠨᠢᠷ ᠦᠰᠴᠦ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠤᠯᠬᠤ ᠶᠢ | ᠪᠡᠯᠭᠡᠳᠡᠳᠡᠭ ᠪᠠᠶᠢᠨᠠ᠃ ᠰᠤᠮᠤᠨ ᠲᠠᠮᠠᠭᠠ ᠲᠠᠢ ᠠᠶᠢᠯ ᠦᠭᠡᠳᠡᠯᠡᠬᠦ ᠨᠢ ᠲᠦᠷᠭᠡᠨ᠂ ᠲᠤᠭᠤᠷᠠᠢ ᠲᠠᠮᠠᠭᠠ ᠲᠠᠢ ᠠᠶᠢᠯ | ᠤᠨ ᠠᠭᠳᠠ ᠬᠤᠷᠳᠤᠨ ᠪᠤᠯᠤᠨᠠ᠃ ᠴᠢᠨᠳᠠᠮᠤᠨᠢ ᠲᠠᠮᠠᠭᠠ ᠲᠠᠢ ᠠᠶᠢᠯ ᠶᠠᠳᠠᠭᠤᠷᠠᠬᠤ ᠦᠭᠡᠢ ᠬᠡᠬᠦ ᠮᠡᠳᠤᠴᠢᠯᠡᠨ | ᠪᠡᠯᠭᠡᠯᠡᠨ ᠲᠠᠶᠢᠯᠪᠤᠷᠢᠯᠠᠵᠤ ᠶᠠᠷᠢᠳᠠᠭ ᠪᠢᠯᠡ᠃ | ᠲᠠᠮᠠᠭᠠ ᠳᠤ᠄ ᠰᠠᠷᠠᠨ ᠲᠠᠮᠠᠭᠠ᠂ ᠨᠠᠷᠠ ᠰᠠᠷᠠᠨ ᠲᠠᠮᠠᠭᠠ᠂ ᠵᠤᠭᠤᠰᠤᠨ ᠲᠠᠮᠠᠭᠠ᠂ ᠴᠢᠨᠳᠠᠮᠤᠨᠢ ᠲᠠᠮᠠᠭᠠ᠂ | ᠵᠤᠤᠵᠢ ᠲᠠᠮᠠᠭᠠ ᠭᠡᠬᠦ ᠮᠡᠳᠤ ᠶᠢᠨ ᠲᠠᠮᠠᠭᠠ ᠪᠠᠶᠢᠨᠠ᠃ | |