| ᠣᠷᠢᠶᠠᠩᠬᠠᠨ · ᠣ᠊ · ᠶᠣᠨᠳᠣᠨ ᠦᠵᠦᠮᠦᠴᠢᠨᠴᠤᠳ ᠤᠨ ᠡᠳᠦᠷ ᠲᠤᠳᠤᠮ ᠤᠨ ᠲᠦᠯᠡᠰᠢᠨ ᠤ ᠭᠤᠤᠯ | ᠢᠷᠡᠯᠳᠡ ᠪᠤᠯ ᠦᠬᠡᠷ ᠬᠤᠨᠢᠨ ᠤ ᠢᠯᠭᠠᠳᠠᠰᠤ ᠪᠤᠯᠬᠤ ᠠᠷᠭᠠᠯ ᠪᠤᠯᠤᠨ ᠬᠦᠷᠵᠡᠩ ᠪᠤᠯᠤᠨᠠ᠃ ᠠᠷᠭᠠᠯ ᠭᠡᠵᠦ | ᠦᠬᠡᠷ ᠤᠨ ᠢᠯᠭᠠᠳᠠᠰᠦ᠂ ᠬᠤᠷᠭᠤᠯ ᠭᠡᠵᠦ ᠬᠤᠨᠢ ᠢᠮᠠᠭᠠ ᠪᠤᠶᠤ ᠲᠡᠮᠡᠭᠡᠨ ᠤ ᠢᠯᠭᠠᠳᠠᠰᠤ᠂ ᠬᠤᠮᠤᠯ ᠭᠡᠵᠦ | ᠠᠳᠤᠭᠤᠨ ᠤ ᠢᠯᠭᠠᠳᠠᠰᠤ ᠶᠢ ᠬᠡᠯᠡᠨᠡ᠃ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠠᠷᠭᠠᠯ ᠪᠤᠯ ᠨᠡᠭᠦᠳᠡᠯ ᠤᠨ ᠭᠤᠤᠯ ᠲᠦᠯᠡᠰᠢ | ᠪᠤᠯᠵᠦ ᠪᠠᠶᠢᠳᠠᠭ ᠠᠵᠠᠢ᠃ ᠠᠷᠭᠠᠯ ᠬᠦᠷᠵᠡᠩ ᠤᠪᠤᠭᠠᠯᠠᠬᠤ ᠪᠤᠯ ᠨᠢᠭᠡ ᠠᠶᠢᠯ ᠭᠡᠷ ᠤᠨ ᠬᠤᠭᠤᠯᠠ ᠬᠦᠨᠡᠰᠦ ᠪᠤᠯᠤᠨ | ᠲᠤᠯᠠᠭᠠᠯᠠᠭᠠ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠬᠤ ᠴᠢᠬᠤᠯᠠ ᠠᠵᠢᠯ ᠪᠤᠯᠬᠤ ᠤᠴᠢᠷ ᠠᠴᠠ ᠬᠠᠮᠢᠭᠠ ᠨᠡᠭᠦᠵᠦ ᠪᠠᠭᠤᠪᠠᠯ | ᠲᠡᠨᠳᠡ ᠪᠠᠨ ᠵᠤᠬᠢᠬᠤ ᠬᠡᠪᠴᠢᠶᠡᠨ ᠤ ᠠᠷᠭᠠᠯ ᠲᠦᠯᠡᠰᠢ ᠶᠢ ᠪᠡᠯᠡᠳᠭᠡᠬᠦ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠂ ᠨᠡᠭᠦᠳᠡᠯ ᠬᠢᠬᠦ ᠳᠡᠭᠡᠨ | ᠠᠷᠭᠠᠯ ᠤᠨ ᠬᠠᠰᠢᠶᠠ ᠭᠡᠬᠦ ᠲᠤᠰᠬᠠᠢ ᠲᠡᠷᠭᠡ ᠳᠡᠭᠡᠨ ᠠᠷᠭᠠᠯ ᠢᠶᠠᠨ ᠲᠡᠭᠡᠭᠡᠵᠦ᠂ ᠨᠡᠭᠦᠵᠦ ᠪᠠᠭᠤᠮᠠᠭᠴᠠ ᠬᠤᠭᠤᠯᠠ | ᠴᠠᠢ ᠪᠠᠨ ᠪᠡᠯᠡᠳᠬᠡᠬᠦ ᠳᠤ ᠬᠡᠵᠢᠶᠡᠳᠡ ᠪᠡᠯᠡᠬᠡᠨ ᠪᠠᠶᠢᠳᠠᠭ ᠶᠤᠮᠰᠠᠨ᠃ ᠡᠪᠦᠯ ᠬᠠᠪᠤᠷ ᠪᠤᠯ ᠨᠡᠭᠦᠵᠦ ᠪᠠᠭᠤᠬᠤ ᠳᠠᠭᠠᠨ | ᠬᠡᠪᠳᠡᠯᠭᠡ ︵ᠦᠬᠡᠷ ᠬᠡᠪᠳᠡᠭᠰᠡᠨ ᠭᠠᠵᠠᠷ︶ ᠲᠠᠢ ᠨᠤᠲᠤᠭ ᠪᠤᠶᠤ ᠭᠠᠵᠠᠷ ᠢ ᠤᠯᠵᠦ ᠲᠦᠯᠡᠰᠢᠨ ᠤ ᠠᠰᠠᠭᠤᠳᠠᠯ ᠢᠶᠠᠨ | ᠶᠠᠭᠤᠨ ᠤ ᠡᠮᠦᠨᠡ ᠰᠢᠢᠳᠪᠦᠷᠢᠯᠡᠳᠡᠭ᠂ ᠡᠶᠢᠮᠦᠷᠬᠦᠤ ᠭᠠᠵᠠᠷ ᠢ ᠤᠯᠵᠦ ᠠᠪᠤᠪᠠᠯ ᠲᠠᠷᠦ᠋ᠢᠬᠠᠨ ᠤᠪᠤᠭᠠᠯᠠᠵᠦ ᠳᠠᠯᠪᠢᠬᠤ | ᠪᠠ ︽ᠠᠷᠭᠠᠯ ᠤᠨ ᠬᠠᠰᠢᠶᠠ ᠲᠡᠷᠭᠡ︾ ᠪᠠᠷ ᠲᠡᠭᠡᠭᠡᠵᠦ ᠭᠠᠳᠠᠨᠠ ᠪᠠᠨ ᠵᠦᠭᠡᠭᠡᠵᠦ ᠪᠠᠭᠤᠯᠭᠠᠳᠠᠭ᠂ ᠡᠭᠦᠨ ᠢ ︽ | ᠬᠡᠪᠳᠡᠯᠭᠡ ᠲᠡᠭᠡᠭᠡᠬᠦ︾ ᠭᠡᠳᠡᠭ᠃ ᠬᠡᠪᠳᠡᠯᠭᠡ ᠤᠯᠳᠠᠬᠤ ᠦᠭᠡᠢ ᠦᠶᠡ ᠳᠤ᠂ ᠭᠡᠷ ᠤᠶᠢᠷᠠᠯᠴᠠᠭᠠ ᠭᠠᠵᠠᠷ ᠲᠤ ᠠᠷᠤᠭ | ᠡᠭᠦᠷᠴᠤ ᠰᠠᠪᠠᠷ ᠪᠠᠷᠢᠨ ᠠᠷᠭᠠᠯ ᠲᠡᠭᠦᠵᠦ ᠢᠷᠡᠳᠡᠭ᠂ ᠪᠠᠭᠠ ᠬᠤᠯᠠ ᠰᠢᠭ᠋ ᠪᠤᠯ ᠠᠷᠭᠠᠯ ᠤᠨ ᠬᠠᠰᠢᠶᠠ ᠳᠠᠭᠠᠨ | ᠱᠠᠷ ᠢᠶᠠᠨ ᠬᠦᠯᠵᠦ᠂ ᠠᠷᠤᠭ ᠡᠭᠦᠷᠤᠨ ᠠᠷᠭᠠᠯ ᠲᠠᠭᠦᠵᠦ᠂ ᠠᠷᠤᠭ ᠨᠢ ᠲᠦᠭᠦᠷᠪᠡᠯ ᠬᠠᠰᠢᠶᠠᠯᠠᠬᠤ ᠶᠢᠨ ᠬᠠᠮᠳᠤ | ᠳᠠᠬᠢᠨ ᠲᠡᠭᠦᠨᠡ᠂ ᠡᠨᠡ ᠮᠡᠳᠦ ᠪᠠᠷ ᠬᠠᠰᠢᠶᠠ ᠪᠠᠨ ᠲᠦᠭᠦᠷᠳᠡᠯᠡ ᠲᠡᠭᠦᠭᠰᠡᠭᠡᠷ ᠭᠡᠷ ᠤᠨ ᠭᠠᠳᠠᠨᠠ ᠪᠠᠨ ᠪᠠᠭᠤᠯᠭᠠᠨᠠ᠂ | ᠡᠭᠦᠨ ᠢ ︽ᠭᠦᠶᠦᠳᠡᠰᠦ ᠲᠡᠭᠦᠬᠦ︾ ᠭᠡᠵᠦ ᠬᠡᠯᠡᠳᠡᠭ᠃ ᠡᠪᠦᠯ ᠪᠤᠯ ᠬᠤᠨᠢᠨ ᠤ ᠬᠤᠷᠭᠤᠯ ᠢ ᠰᠠᠯᠬᠢᠨ ᠳᠤ ᠬᠡᠶᠢᠰᠭᠡᠨ | ᠤᠪᠤᠭᠠᠯᠠᠵᠦ᠂ ᠪᠢᠳᠡᠭᠦᠤ ᠲᠡᠮᠦᠷ ᠵᠤᠤᠬᠠᠨ ᠳᠤ ᠲᠦᠯᠡᠬᠦ ᠳᠤ ᠢᠯᠴᠢ ᠪᠠᠷ ᠰᠠᠶᠢᠨ ᠪᠠᠶᠢᠳᠠᠭ᠃ ᠵᠤᠨ ᠨᠠᠮᠤᠷ ᠪᠤᠯ | ᠰᠠᠭᠠᠯᠢ ᠶᠢᠨ ᠦᠨᠢᠶᠡ ᠪᠠᠶᠢᠬᠤ ᠤᠴᠢᠷ ᠠᠴᠠ ᠭᠠᠳᠠᠨᠠ ᠢᠷᠡᠬᠦ ᠦᠬᠡᠷ ᠤᠯᠠᠨ ᠪᠠᠶᠢᠳᠠᠭ ᠢᠶᠠᠷ ᠢᠯᠭᠠᠳᠠᠰᠤ ᠤᠯᠠᠨ | ᠭᠠᠷᠳᠠᠭ᠂ ᠡᠭᠦᠨ ᠢ ᠡᠳᠦᠷ ᠲᠤᠨᠢ ᠰᠠᠪᠠᠷ ᠢᠶᠠᠷ ᠨᠢᠮᠭᠡᠯᠡᠨ ᠦᠭᠴᠤ ᠲᠡᠯᠭᠡᠨ ᠬᠠᠳᠠᠭᠠᠵᠦ᠂ ᠬᠠᠳᠠᠭᠰᠠᠨ ᠤ ᠲᠠᠷᠠᠭᠠ | ᠠᠷᠭᠠᠯ ᠪᠤᠯᠭᠠᠨ ᠤᠪᠤᠭᠠᠯᠠᠵᠦ ᠳᠡᠯᠪᠢᠳᠠᠭ᠃ ᠠᠷᠭᠠᠯ ᠳᠤ ᠬᠦᠭᠡ ᠠᠷᠭᠠᠯ᠂ ᠬᠠᠯᠳᠠᠷ ᠠᠷᠭᠠᠯ᠂ ᠬᠠᠭᠤᠷᠠᠢ ᠠᠷᠭᠠᠯ | ᠭᠡᠵᠦ ᠢᠯᠭᠠᠳᠠᠭ᠂ ᠨᠦᠢᠳᠡᠨ ᠢ ᠨᠢ ᠦᠬᠡᠷ ᠤᠨ ᠪᠠᠭᠠᠰᠤ ᠭᠡᠵᠦ᠂ ᠬᠠᠳᠠᠪᠠᠯ ᠠᠷᠭᠠᠯ ᠪᠤᠯᠳᠠᠭ᠂ ᠵᠢᠯ ᠦᠨᠵᠢᠭᠰᠡᠨ | ᠠᠷᠭᠠᠯ ᠢ ᠬᠦᠭᠡ ᠠᠷᠭᠠᠯ ᠭᠡᠵᠦ᠂ ᠨᠠᠮᠤᠷ ᠬᠠᠪᠤᠷ ᠤᠨ ᠬᠠᠳᠠᠭᠰᠠᠨ ᠠᠷᠭᠠᠯ ᠢ ᠬᠠᠯᠳᠠᠷ ᠠᠷᠭᠠᠯ ᠭᠡᠳᠡᠭ ᠶᠤᠮ᠃ | ᠠᠷᠭᠠᠯ ᠢ ᠲᠤᠯᠭᠠ ᠳᠤ ᠵᠡᠷᠬᠡᠯᠡᠨ ᠲᠦᠯᠡᠪᠡᠯ ᠲᠦᠯᠤ ᠪᠠᠷ ᠰᠠᠶᠢᠨ᠂ ᠨᠤᠴᠤᠵᠦ ᠦᠷᠪᠢᠰᠬᠦ ᠨᠢ ᠠᠮᠠᠷᠬᠠᠨ᠂ ᠬᠤᠭᠤᠯᠠ | ᠴᠠᠢ ᠪᠤᠯᠭᠤᠭᠠᠬᠤ ᠳᠤ ᠲᠦᠷᠭᠡᠨ ᠪᠠᠶᠢᠳᠠᠭ ᠶᠤᠮ᠃ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠦᠶᠡ ᠳᠤ ᠨᠡᠭᠦᠷᠡᠰᠦ ᠭᠡᠵᠦ ᠪᠠᠶᠢᠬᠤ | ᠦᠭᠡᠢ᠂ ᠮᠤᠳᠤ ᠶᠢ ᠭᠠᠯ ᠠᠯᠳᠠᠭᠰᠠᠨ ᠦᠶᠡ ᠳᠤ ᠰᠠᠶ᠋ᠢ ᠲᠦᠯᠡᠬᠦ ᠠᠴᠠ ᠪᠢᠰᠢ ᠡᠩ ᠤᠨ ᠦᠶᠡ ᠳᠤ ᠬᠡᠷᠡᠭᠯᠡᠳᠡᠭ | ᠦᠭᠡᠢ ᠪᠢᠯᠡ᠂ ᠡᠭᠦᠨ ᠠᠴᠠ ᠠᠷᠭᠠᠯ ᠪᠤᠯ ᠢᠯᠴᠢ ᠲᠤᠯᠠᠭᠠᠯᠠᠭᠠ ᠶᠢᠨ ᠭᠤᠤᠯ ᠲᠦᠯᠡᠰᠢ ᠰᠢᠳᠠᠭᠠᠯᠭᠠ ᠪᠤᠯᠵᠦ | ᠪᠠᠶᠢᠳᠠᠭ ᠶᠤᠮᠰᠠᠨ᠃ ᠬᠦᠭᠡ ᠠᠷᠭᠠᠯ ᠤᠨ ᠠᠷᠢᠭᠤᠰᠬᠠᠬᠤ ᠴᠢᠳᠠᠮᠵᠢ᠃ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠦᠶᠡ ᠳᠤ ᠮᠠᠯᠴᠢᠳ | ᠶᠠᠷᠤᠨᠢ ᠢᠰᠡᠭᠡᠢ ᠭᠡᠷ ᠢᠶᠠᠨ ᠪᠤᠰᠬᠠᠵᠤ᠂ ᠲᠤᠯᠭᠠ ᠳᠠᠭᠠᠨ ᠭᠠᠯ ᠢᠶᠠᠨ ᠲᠦᠯᠡᠵᠦ᠂ ᠭᠦᠢᠳᠡᠨ ᠤᠷᠤᠢ ᠪᠤᠯ ᠡᠷᠦᠬᠡ ᠪᠠᠨ | ᠪᠦᠳᠡᠭᠡᠵᠦ ᠲᠤᠯᠠᠭᠠᠯᠠᠳᠠᠭ ᠢᠶᠠᠷ ᠭᠡᠷ ᠲᠤᠲᠤᠷᠠ ᠬᠠᠨᠡ ᠶᠢᠨ ᠲᠤᠮᠳᠠᠭᠤᠷ ᠤᠳᠤᠭᠠ ᠡᠷᠭᠢᠯᠳᠦᠨ ᠲᠤᠭᠳᠠᠵᠦ᠂ | ᠬᠠᠶᠠ ᠳᠠᠭᠠᠨ ᠨᠢᠳᠦ ᠢᠷᠬᠢᠷᠡᠵᠦ ᠠᠮᠢᠰᠬᠤᠬᠤ ᠳᠤ ᠬᠦᠴᠢᠷᠳᠡᠳᠡᠭ ᠴᠤ ᠬᠠᠷᠢᠨ ᠬᠤᠤᠷᠳᠠᠯ ᠪᠤᠯᠳᠠᠭ ᠦᠭᠡᠢ ᠶᠤᠮᠰᠠᠨ᠃ | ᠶᠡᠬᠡᠰ ᠤᠨ ᠬᠡᠯᠡᠬᠦ ᠪᠠᠷ ︽ᠤᠳᠤᠪᠠᠯ ᠰᠠᠶᠢᠨ ᠶᠤᠮ᠂ ᠡᠪᠡᠳᠴᠢᠨ ᠲᠠᠬᠤᠯ ᠬᠦᠷᠬᠦ ᠦᠭᠡᠢ ᠰᠢᠤ︾ ᠭᠡᠳᠡᠭ᠃ | ᠠᠷᠭᠠᠯ ᠤᠨ ᠤᠳᠤᠭᠠ ᠨᠢ ︽ᠬᠠᠯᠠᠭᠤᠨ ᠲᠠᠢ ᠡᠪᠡᠳᠴᠢᠨ︾ ᠬᠦᠷᠦᠭᠰᠡᠨ ᠮᠠᠯ ᠢ ᠠᠶᠠᠨᠳᠠᠭᠠᠨ ᠡᠷᠡᠭᠦᠯᠰᠢᠬᠦᠯᠳᠡᠭ | ᠰᠠᠶᠢᠨ ᠲᠠᠢ ᠲᠠᠯᠠ ᠪᠤᠢ᠂ ᠮᠠᠯᠴᠢᠳ ᠶᠡᠷᠦᠨᠢ ᠭᠠᠳᠠᠨᠠᠬᠢ ᠮᠠᠯ ᠰᠦᠷᠦᠭ ᠢᠶᠠᠨ ᠬᠦᠬᠡ ᠠᠷᠭᠠᠯ ᠪᠠ ᠠᠬᠢ ᠭᠠᠩᠭᠠ | ᠡᠪᠡᠰᠦ ᠶᠢ ᠨᠡᠶᠢᠯᠡᠭᠦᠯᠦᠨ ᠤᠡᠭᠭᠤᠰᠬᠠᠵᠤ ᠮᠠᠯ ᠰᠦᠷᠦᠭ ᠤᠨ ᠰᠠᠯᠬᠢᠨ ᠲᠡᠭᠡᠷᠡ ᠲᠠᠯᠠ ᠳᠤ ᠲᠠᠯᠪᠢᠵᠦ ᠠᠷᠢᠭᠤᠯᠤᠨ | ᠤᠳᠤᠵᠦ ᠪᠠᠶᠢᠳᠠᠭ ᠨᠢ ᠡᠪᠡᠳᠴᠢᠨ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠴᠢᠬᠤᠯᠡ ᠦᠢᠯᠡᠳᠦᠯ ᠪᠠᠶᠢᠳᠠᠭ ᠠᠵᠠᠢ᠂ ᠡᠨᠡ ᠪᠤᠯ | ᠮᠠᠯᠴᠢᠳ ᠤᠨ ᠡᠪᠡᠳᠴᠢᠨ ᠬᠢᠵᠢᠭ ᠢ ᠵᠠᠰᠠᠳᠠᠭ ︽ᠨᠤᠲᠤᠭ ᠤᠨ ᠠᠷᠭᠠ︾ ᠭᠡᠯᠳᠡᠢ᠃ ᠵᠠᠷᠢᠮ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠢ | ᠦᠨᠳᠦᠰᠦᠯᠡᠪᠡᠯ ᠬᠦᠬᠡ ᠠᠷᠭᠠᠯ ᠤᠨ ᠴᠢᠳᠠᠮᠵᠢ ᠶᠢᠨ ᠲᠠᠯᠠ ᠪᠠᠷ ᠶᠠᠫᠤᠨ ᠤ ᠡᠷᠳᠡᠮᠳᠡᠳ ᠲᠤᠰᠬᠠᠢ ᠰᠤᠳᠤᠯᠭᠠᠨ ᠬᠢᠵᠦ᠂ | 320 ᠭᠠᠷᠤᠢ ᠡᠪᠡᠳᠴᠢᠨ ᠤ ᠪᠡᠺᠲ᠋ᠧᠷᠢ ᠶᠢ ᠠᠯᠠᠵᠦ ᠴᠢᠳᠠᠬᠤ ᠴᠢᠳᠠᠮᠵᠢ ᠲᠠᠢ ᠭᠡᠵᠦ ᠨᠤᠳᠠᠯᠠᠭᠰᠠᠨ ᠪᠠᠶᠢᠨᠠ᠃ | ᠡᠭᠦᠨ ᠠᠴᠠ ᠲᠡᠭᠡᠳᠦᠰ ᠨᠠᠷ ᠤᠨ ᠡᠪᠡᠳᠴᠢᠨ ᠬᠦᠷᠬᠦ ᠦᠭᠡᠢ ᠡᠷᠡᠭᠦᠯ ᠮᠡᠨᠳᠦ ᠳᠤ ᠲᠤᠰᠠᠳᠠᠢ ᠭᠡᠵᠦ ᠬᠡᠯᠡᠳᠡᠭ ᠨᠢ | ᠦᠨᠳᠦᠰᠦ ᠪᠠᠷᠢᠮᠳᠠ ᠲᠠᠢ ᠭᠡᠰᠡᠨ ᠢ ᠮᠡᠳᠡᠵᠦ ᠪᠤᠯᠤᠨᠠ᠃ ᠰᠤᠨᠤᠰᠬᠤ ᠳᠤ ᠶᠠᠫᠤᠨ ᠤ ᠰᠦᠮᠤᠤ ᠪᠦᠬᠡ ᠪᠠᠨ | ᠪᠠᠷᠢᠯᠳᠤᠭᠤᠯᠬᠤ ᠳᠤ ᠭᠠᠷᠤᠭᠠᠨ ᠤ ᠪᠦᠭᠡ ᠪᠠᠨ ᠭᠤᠷᠪᠠᠨ ᠵᠢᠯ ᠪᠤᠯᠤᠭᠰᠠᠨ ᠬᠦᠭᠡ ᠠᠷᠭᠠᠯ ᠢᠶᠠᠷ 15 ᠮᠢᠨᠦ᠋ᠲ | ᠠᠷᠢᠭᠤᠯᠠᠵᠦ ᠤᠳᠤᠭᠰᠠᠨ ᠤ ᠲᠠᠷᠠᠭᠠ ᠲᠠᠯᠠᠪᠠᠢ ᠳᠤ ᠭᠠᠷᠭᠠᠳᠠᠭ ᠭᠡᠯᠴᠡᠨᠡ᠃ ᠡᠶᠢᠮᠦ ᠠᠴᠠ ᠠᠷᠭᠠᠯ ᠤᠨ ᠲᠠᠯᠠ ᠪᠠᠷ | ᠲᠠᠶᠢᠯᠤᠭᠳᠠᠭᠠᠳᠤᠢ ᠤᠨᠢᠰᠤᠭᠠ ᠮᠠᠰᠢ ᠤᠯᠠᠨ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ ᠮᠠᠨ ᠤ ᠲᠡᠭᠡᠳᠦᠰ ᠤᠳ ᠮᠠᠯᠵᠢᠯ ᠤᠨ | ᠠᠩᠬᠠᠨ ᠤ ᠱᠠᠳᠤᠨ ᠠᠴᠠ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠱᠠᠳᠤᠨ ᠳᠤ ᠲᠠᠪᠰᠢᠨ ᠤᠷᠤᠭᠰᠠᠨ ᠤᠷᠳᠤ ᠬᠤᠭᠤᠴᠠᠭᠠᠨ ᠤ | ᠲᠤᠷᠰᠢᠳᠠ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠢᠯᠭᠠᠳᠠᠰᠤ ᠶᠢ ᠭᠦᠢᠴᠡᠳ ᠠᠰᠢᠭᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠦᠭᠡᠳ | ᠲᠡᠷᠡ ᠨᠢ ᠲᠤᠯᠠᠭᠠᠯᠠᠭᠠ ᠪᠠ ᠰᠢᠳᠠᠭᠠᠯᠭᠠ ᠶᠢᠨ ᠴᠢᠬᠤᠯᠠ ᠬᠡᠷᠡᠭᠴᠡᠭᠡ ᠪᠠᠷ ᠲᠡᠭᠡᠳᠦᠯᠡᠭᠳᠡᠵᠦ᠂ ᠲᠤᠯᠭᠠ ᠶᠢᠨ ᠭᠠᠯ ᠤᠨ | ᠴᠤᠭᠰᠢᠯ ᠤᠨ ᠭᠤᠤᠯ ᠬᠦᠷᠦᠩᠭᠡ ᠪᠤᠯᠵᠦ ᠪᠠᠶᠢᠳᠠᠭ ᠢᠶᠠᠷ ᠨᠡᠭᠦᠳᠡᠯᠴᠢᠳ ᠤᠨ ᠰᠠᠯᠵᠦ ᠪᠤᠯᠤᠰᠢ ᠦᠭᠡᠢ ᠠᠮᠢᠳᠤᠷᠠᠨ | ᠲᠦᠯᠵᠢᠬᠦ ︽ᠲᠤᠯᠠᠭᠠᠨ ᠬᠦᠯᠡᠮᠵᠢ︾ ᠶᠢᠨ ᠦᠨᠳᠦᠰᠦᠨ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠭᠰᠠᠭᠠᠷ ᠦᠨᠦ ᠪᠤᠯᠵᠠᠢ᠃ | ᠬᠤᠶᠢᠰᠢᠳᠡ ᠪᠢᠳᠡ ᠦᠪᠡᠷ ᠤᠨ ᠭᠡᠬᠦ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠦᠨᠳᠦᠳᠭᠡᠵᠦ᠂ ᠦᠪᠡᠷ ᠤᠨ | ᠰᠤᠶᠤᠯ ᠢᠶᠠᠨ ᠰᠤᠳᠤᠯᠵᠦ ᠲᠡᠭᠦᠨ ᠤ ᠦᠨᠳᠦᠷ ᠦᠨᠡ ᠴᠡᠨᠡ ᠶᠢ ᠢᠯᠡᠷᠡᠭᠦᠯᠵᠦ᠂ ᠦᠪᠡᠷ ᠤᠨ ᠰᠤᠶᠤᠯ ᠲᠡᠭᠡᠷᠡ ᠪᠠᠨ | ᠦᠢᠯᠡᠰ ᠢᠶᠠᠨ ᠪᠤᠰᠬᠠᠵᠦ ᠶᠠᠪᠤᠵᠠᠭᠠᠶᠠ︕ | ︵︽ᠥᠪᠥᠷ ᠮᠣᠩᠭᠤᠯ ᠤᠨ ᠮᠠᠯ ᠠᠵᠤ ᠠᠬᠤᠢ︾ ᠰᠡᠳᠭᠦᠯ ᠤᠨ 2017 ᠣᠨ ᠤ 3 ᠳ᠋ᠤᠭᠠᠷ | ᠬᠤᠭᠤᠴᠠᠭᠠᠨ ᠠᠴᠠ ᠰᠢᠯᠵᠢᠭᠦᠯᠪᠡ᠃︶ |