| ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠸᠠᠩ ᠭᠦᠩ ᠤᠨ ᠤᠷᠳᠤᠨ᠃ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠠᠷᠤ ᠬᠤᠷᠴᠢᠨ | ᠬᠤᠰᠢᠭᠤᠨ ᠤ ᠬᠤᠨᠲᠤ ᠪᠠᠯᠭᠠᠰᠤᠨ ᠳᠤ ᠪᠤᠢ᠃ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠤᠷᠳᠤᠨ ᠢ ᠲᠡᠭᠷᠢ | ᠳᠡᠳᠬᠦᠭᠴᠢ ᠶᠢᠨ 9 ᠳ᠋ᠦ᠋ᠭᠡᠷ ︵1744︶ ᠤᠨ ᠠᠴᠠ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ᠂ ᠲᠤᠰ ᠬᠤᠰᠢᠭᠤᠨ ᠤ ᠳᠤᠯᠤᠳᠤᠭᠠᠷ | ᠦᠶᠡ ᠶᠢᠨ ᠵᠠᠰᠠᠭ ᠲᠦᠷᠦ ᠶᠢᠨ ᠪᠠᠶᠢᠯᠠ ᠳ᠋ᠠᠭᠳᠠᠨᠸᠠᠩᠴᠤᠭ ᠭᠠᠷᠳᠠᠨ ᠰᠢᠨᠡᠳᠬᠡᠪᠡ᠃ | ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠤᠷᠳᠤᠨ ᠢ ᠪᠡᠭᠡᠵᠢᠩ ᠤᠨ ᠬᠠᠭᠠᠨ ᠤ ᠤᠷᠳᠤᠨ ᠤ ᠪᠠᠷᠢᠯᠭᠠ ᠶᠢ | ᠳᠠᠭᠤᠷᠢᠶᠠᠨ ᠪᠠᠶᠢᠭᠤᠯᠵᠤ᠂ ᠲᠤᠳᠤᠷᠠ ᠭᠠᠳᠠᠨᠠ ᠭᠤᠷᠪᠠᠨ ᠳᠠᠪᠬᠤᠷ ᠬᠦᠷᠢᠶᠡ ᠲᠠᠢ᠃ ᠵᠡᠬᠦᠨ᠂ ᠪᠠᠷᠠᠭᠤᠨ᠂ ᠡᠮᠦᠨᠡ᠂ | ᠬᠤᠶᠢᠨᠠ ᠲᠦᠷᠪᠠᠨ ᠲᠤᠮᠤ ᠬᠠᠷᠰᠢ ᠲᠠᠢ᠃ ᠡᠮᠦᠨᠡ ᠬᠠᠷᠰᠢ ᠨᠢ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠠᠴᠠ ᠵᠠᠰᠠᠭ ᠤᠨ | ᠬᠡᠷᠡᠭ ᠢ ᠰᠢᠳᠭᠡᠬᠦ᠂ ᠭᠡᠭᠡᠨ ᠯᠠᠮᠠ᠂ ᠶᠠᠮᠤᠨ ᠵᠤᠷᠭᠠᠨ ᠪᠠ ᠡᠯᠡ ᠲᠠᠰ ᠤᠨ ᠨᠤᠶᠠᠳ ᠢ ᠵᠤᠴᠢᠯᠠᠬᠤ ᠤᠷᠳᠤᠨ ᠮᠦᠨ᠃ | ᠬᠤᠶᠢᠲᠤ ᠬᠠᠷᠰᠢ ᠨᠢ ᠡᠳᠦᠷ ᠲᠤᠳᠤᠮ ᠤᠨ ᠡᠩ ᠤᠨ ᠬᠡᠷᠡᠭ ᠢ ᠰᠢᠢᠳᠪᠦᠷᠢᠯᠡᠬᠦ ᠤᠷᠳᠤᠨ ᠮᠦᠷᠳᠡᠭᠡᠨ ᠸᠠᠩ ᠨᠤᠶᠠᠨ ᠤ | ᠲᠤᠳᠤᠭᠠᠳᠤ ᠤᠷᠳᠤᠨ ᠪᠢᠯᠡ᠃ ᠵᠡᠬᠦᠨ ᠬᠠᠷᠰᠢ ᠨᠢ ᠬᠠᠮᠠᠭᠠᠯᠠᠭᠴᠢ ᠴᠡᠷᠢᠭ ᠪᠠ ᠵᠠᠩᠬᠢ ᠨᠤᠶᠠᠨ ᠤ ᠰᠠᠭᠤᠭᠠ ᠭᠠᠵᠠᠷ | ᠮᠦᠨ᠃ ᠪᠠᠷᠠᠭᠤᠨ ᠬᠠᠷᠰᠢ ᠶᠢ ᠪᠠᠰᠠ ᠪᠤᠷᠬᠠᠨ ᠤ ᠲᠤᠭᠠᠩ ᠬᠡᠮᠡᠳᠡᠭ᠃ ᠪᠤᠷᠬᠠᠨ ᠤ ᠲᠠᠬᠢᠯ ᠤᠨ ᠤᠷᠳᠤᠨ ᠮᠦᠷᠳᠡᠭᠡᠨ | ᠸᠠᠩ ᠨᠤᠶᠠᠨ ᠤ ᠡᠵᠢ ᠶᠢᠨ ᠬᠢᠨᠢ ᠦᠲᠡᠯᠦᠭᠡ ᠨᠡᠰᠤ ᠪᠠᠨ ᠠᠮᠤᠷᠯᠢᠩᠭᠤᠢ ᠦᠩᠭᠡᠷᠡᠭᠡᠬᠦ ᠤᠷᠳᠤᠨ᠂ ᠵᠢᠯ ᠪᠦᠷᠢ ᠶᠢᠨ | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠸᠠᠩ ᠨᠤᠶᠠᠨ ᠬᠠᠲᠤᠳ ᠢᠶᠠᠨ ᠳᠠᠭᠠᠭᠤᠯᠵᠤ᠂ ᠬᠠᠷᠰᠢ ᠳᠤ ᠬᠦᠷᠴᠤ | ᠬᠦᠵᠢ ᠵᠤᠯᠠ ᠡᠷᠬᠦᠨ ᠪᠤᠷᠬᠠᠨ ᠳᠤ ᠮᠦᠷᠬᠦᠵᠦ᠂ ᠡᠵᠢ ᠳᠤ ᠪᠠᠨ ᠰᠢᠨᠡ ᠶᠢᠨ ᠵᠤᠯᠭᠠᠯᠳᠠ ᠬᠢᠳᠡᠭ᠃ ᠡᠬᠦᠨ ᠤ | ᠬᠠᠮᠳᠤ ᠪᠤᠷᠬᠠᠨ ᠤ ᠬᠠᠷᠰᠢ ᠨᠢ ᠮᠦᠨ ᠴᠤ ᠠᠷᠤ ᠬᠤᠷᠴᠢᠨ ᠤ ᠤᠯᠠᠨ ᠦᠶᠡ ᠶᠢᠨ ᠵᠠᠰᠠᠭ ᠨᠤᠶᠠᠨ ᠤ ᠡᠳ᠋ ᠬᠦᠷᠦᠩᠬᠡ | ᠬᠠᠳᠠᠭᠠᠯᠠᠬᠤ ᠬᠦᠮᠦᠷᠭᠡ ᠪᠤᠯᠤᠨᠠ᠃ | ᠡᠮᠦᠨᠡ ᠬᠤᠶᠢᠨᠠ ᠬᠤᠶᠠᠷ ᠬᠠᠷᠰᠢ ᠨᠢ ᠬᠦᠬᠡ ᠸᠠᠭᠠᠷ ᠤᠨ ᠬᠠᠷᠰᠢ ᠪᠠᠶᠢᠵᠤ᠂ ᠴᠢᠬᠢᠨ ᠭᠡᠷ᠂ ᠵᠢᠬᠦᠷ ᠤᠨ | ᠪᠠᠶᠢᠰᠢᠩ᠂ ᠪᠢᠴᠢᠭ ᠤᠨ ᠦᠷᠦᠭᠡ ᠲᠠᠢ᠃ ᠬᠠᠷᠰᠢ ᠶᠢᠨ ᠬᠠᠨᠠ ᠲᠤᠭᠤᠷᠭᠠ᠂ ᠭᠡᠷ ᠤᠨ ᠰᠠᠷᠠᠪᠴᠢ ᠲᠡᠭᠡᠷᠡ ᠨᠢ | ᠭᠤᠶᠢᠳᠠ ᠰᠠᠶᠢᠬᠠᠨ ᠵᠢᠷᠤᠭ ᠪᠠ ᠬᠡ ᠤᠭᠠᠯᠵᠠ ᠶᠢᠨ ᠰᠠᠶᠢᠯᠪᠤᠷᠢ ᠲᠠᠢ᠃ ᠬᠠᠷᠰᠢ ᠶᠢᠨ ᠲᠦᠷᠪᠡᠨ ᠦᠨᠴᠦᠭ ᠲᠤ | ᠬᠦᠬᠡ ᠯᠤᠤ᠂ ᠲᠤᠭᠰᠢᠨ ᠪᠠᠷᠰ᠂ ᠮᠠᠲᠠᠷ ᠤᠨ ᠱᠤᠭᠤᠮᠠᠯ ᠲᠠᠢ᠃ | ᠸᠠᠩ ᠤᠨ ᠤᠷᠳᠤᠨ ᠤ ᠬᠦᠷᠢᠶᠡ ᠬᠡᠷᠡᠮ ᠤᠨ ᠦᠨᠳᠦᠷ ᠨᠢ ᠬᠤᠤᠰ ᠠᠯᠳᠠ ᠢᠯᠡᠬᠦᠦ᠂ 1 ᠮᠧᠲᠷ ᠵᠤᠵᠠᠭᠠᠨ᠂ | ᠸᠠᠩ ᠤᠨ ᠤᠷᠳᠤᠨ ᠤ ᠪᠠᠷᠠᠭᠤᠨ ᠡᠮᠦᠨᠡ 100 ᠮᠧᠲᠷ ᠵᠠᠶᠢᠳᠠᠢ ᠭᠠᠵᠠᠷ ᠲᠤ ᠲᠤᠰᠬᠠᠢ ᠨᠢᠭᠡᠨ ᠵᠠᠰᠠᠭ ᠶᠠᠮᠤᠨ | ᠪᠠᠶᠢᠭᠤᠯᠵᠤ᠂ ᠡᠳᠦᠷ ᠲᠤᠳᠤᠮ ᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠭᠠᠵᠠᠷ ᠪᠤᠯᠭᠠᠪᠠ᠃ | ᠡᠨᠡᠬᠦ ᠸᠠᠩ ᠤᠨ ᠤᠷᠳᠤᠨ ᠢ ᠨᠠᠢᠮᠠᠨ ᠦᠶᠡ ᠬᠡᠷᠡᠭᠯᠡᠵᠦ᠂ ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠠᠳᠡᠬᠢ ᠭᠠᠵᠠᠷ ᠢ | ᠡᠵᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠭᠡᠷ ᠪᠠᠶᠢᠰᠢᠩ ᠲᠠᠲᠠᠪᠤᠷᠢᠯᠠᠬᠤ ᠨᠡᠷᠡ ᠪᠠᠷ ᠳᠠᠲᠠᠪᠤᠷᠢᠯᠠᠨ ᠠᠪᠴᠤ᠂ ᠶᠠᠫᠤᠨ ᠤ ᠬᠠᠭᠤᠷᠮᠠᠭ | ᠵᠠᠰᠠᠭ ᠤᠨ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠪᠤᠯᠭᠠᠪᠠ᠃ ᠰᠡᠬᠦᠯ ᠤᠨ ᠦᠶᠡ ᠶᠢᠨ ᠴᠢᠨ ᠸᠠᠩ ᠸᠠᠩᠴᠢᠨᠫᠦ᠋ᠷᠯᠡᠢ | ᠤᠩᠭᠤᠨ ᠮᠤᠳᠤ ᠳᠤ ᠪᠠᠰᠠ ᠨᠢᠭᠡ ᠸᠠᠩ ᠤᠨ ᠤᠷᠳᠤᠨ ᠪᠠᠶᠢᠭᠤᠯᠪᠠ᠃ ᠲᠡᠷᠡ ᠨᠢ ᠰᠤᠶᠤᠯ ᠤᠨ ᠶᠡᠭᠡ | ᠬᠤᠪᠢᠰᠬᠠᠯ ᠤᠨ ᠲᠤᠮᠳᠠ ᠲᠠᠯᠬᠢᠭᠳᠠᠵᠠᠢ᠃ | ᠳ᠋ᠠᠭᠳᠠᠨᠸᠠᠩᠴᠤᠭ ᠤᠨ ᠰᠢᠨᠡᠳᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠡᠨᠡᠬᠦ ᠸᠠᠩ ᠤᠨ ᠤᠷᠳᠤᠨ ᠨᠢ 1945 ᠤᠨ ᠳᠤ | ᠵᠦᠪᠯᠡᠯᠲᠤ ᠶᠢᠨ ᠤᠯᠠᠭᠠᠨ ᠠᠷᠮᠠᠢ ᠵᠡᠬᠦᠨ ᠬᠤᠶᠢᠲᠤ ᠤᠷᠤᠨ ᠵᠦᠭ ᠴᠡᠷᠢᠭᠯᠡᠨ᠂ ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠠᠨ | ᠠᠳᠡ ᠠᠴᠠ ᠵᠢᠭᠤᠳᠠᠨ ᠲᠤᠳᠠᠭᠠᠬᠤ ᠦᠶᠡ ᠳᠤ ᠰᠠᠨᠠᠭᠠᠨ ᠳᠤ ᠦᠭᠡᠢ ᠭᠠᠯ ᠠᠯᠳᠠᠭᠰᠠᠨ ᠠᠴᠠ ᠪᠠᠷᠤᠭ ᠰᠠᠷᠠ | ᠰᠢᠬᠠᠮ ᠤᠨ ᠭᠠᠯ ᠲᠦᠢᠮᠡᠷ ᠲᠤ ᠦᠨᠡᠰᠦᠨ ᠲᠤᠪᠤᠷᠠᠭ ᠪᠤᠯᠵᠠᠢ᠃ | | | ︽ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠨᠡᠪᠳᠡᠷᠬᠡᠢ ᠲᠤᠯᠢ︾ ︵ᠲᠡᠦᠬᠡ ᠶᠢᠨ ᠲᠤᠷᠠᠰᠬᠠᠯᠳᠤ ᠵᠦᠢᠯᠡᠰ ᠪᠠ ᠬᠠᠭᠤᠴᠢ | ᠰᠤᠳᠤᠯᠤᠯ︶ ᠠᠴᠠ ᠬᠠᠭᠤᠯᠪᠦᠷᠢᠯᠡᠪᠡ | |