| ᠬᠠᠨᠳᠠᠭᠠᠢ ᠪᠤᠯ ᠮᠠᠨ ᠤ ᠤᠷᠤᠨ ᠤ ᠬᠤᠪᠦᠷ ᠨᠠᠨᠳᠢᠨ ᠠᠮᠢᠳᠠᠨ ᠪᠤᠯᠤᠨᠠ᠃ ᠲᠡᠬᠦᠨ ᠤ ᠠᠯᠳᠠᠷ ᠡᠷᠲᠡᠨ ᠠᠴᠠ | ᠮᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠳᠠᠭᠤᠤ ᠰᠢᠯᠦᠭ᠂ ᠠᠮᠠᠨ ᠵᠤᠬᠢᠶᠠᠯ ᠪᠢᠴᠢᠭ ᠤᠨ ᠵᠤᠬᠢᠶᠠᠯ ᠳᠤ ᠬᠠᠷᠠᠭᠳᠠᠭᠰᠠᠭᠠᠷ ᠢᠷᠡᠪᠡ᠃ | | ᠬᠠᠨᠳᠠᠭᠠᠢ ᠨᠢ ᠪᠤᠭᠤ ᠶᠢᠨ ᠢᠵᠠᠭᠤᠷ ᠤᠨ ᠲᠤᠳᠤᠷᠠᠬᠢ ᠬᠠᠮᠤᠭ ᠤᠨ ᠲᠤᠮᠤ ᠪᠡᠶᠡᠳᠡᠨ ᠪᠤᠯᠤᠨᠠ᠃ ᠮᠠᠨ ᠤ | ᠮᠤᠩᠭᠤᠯ ᠤᠷᠤᠨ ᠤ ᠬᠠᠨᠳᠠᠭᠠᠢ ᠶᠢᠨ ᠪᠡᠶᠡ ᠶᠢᠨ ᠤᠷᠲᠦ 220－300 ᠰᠠᠨᠲ᠋ᠢᠮᠧᠲᠷ᠂ ᠦᠨᠳᠦᠷ ᠨᠢ ᠰᠡᠷᠪᠡᠭᠡ | ᠪᠠᠷ ᠢᠶᠠᠨ 170－230 ᠰᠠᠨᠲ᠋ᠢᠮᠧᠲᠷ᠂ ᠬᠦᠨᠳᠦ ᠨᠢ ᠶᠡᠷᠦᠳᠡᠭᠡᠨ 300－500 ᠺᠢᠯᠤᠭ᠍ᠷᠠᠮ᠂ ᠬᠠᠮᠤᠭ ᠲᠤᠮᠤ | ᠨᠢ 600 ᠺᠢᠯᠤᠭ᠍ᠷᠠᠮ ᠬᠦᠷᠦᠭᠰᠡᠨ ᠴᠤ ᠪᠤᠢ᠃ ᠤᠮᠠᠷᠠᠲᠦ ᠠᠮᠧᠷᠢᠺᠠ ᠶᠢᠨ ᠬᠠᠨᠳᠠᠭᠠᠢ ᠴᠤ ᠰᠢᠪᠧᠷᠢᠶᠠ ᠶᠢᠨ | ᠬᠠᠨᠳᠠᠭᠠᠢ ᠠᠴᠠ ᠤᠳᠤᠮ ᠲᠠᠢ᠃ | ᠬᠠᠨᠳᠠᠭᠠᠢ ᠶᠢᠨ ᠵᠢᠰᠦ ᠬᠠᠷᠠᠯᠠᠭ ᠬᠠᠯᠢᠭᠤᠨ᠂ ᠪᠤᠷᠤ ᠬᠠᠯᠳᠠᠷᠲᠠᠭᠤ᠂ ᠴᠡᠴᠡ ᠤᠷᠲᠦ᠂ ᠰᠡᠷᠪᠡᠭᠡ ᠦᠨᠳᠦᠷ᠂ | ᠬᠦᠵᠦᠬᠦᠦ ᠪᠤᠭᠤᠨᠢ᠂ ᠬᠠᠮᠠᠷ ᠮᠤᠩᠬᠤᠷ᠂ ᠳᠡᠭᠡᠳᠦ ᠤᠷᠤᠭᠤᠯ ᠨᠢ ᠲᠤᠤᠷᠠᠲᠦ ᠤᠷᠤᠭᠤᠯ ᠢᠶᠠᠨ ᠪᠦᠷᠬᠦᠨ᠂ | ᠲᠤᠷᠤᠭᠰᠢ ᠱᠡᠯᠬᠡᠶᠢᠵᠦ ᠤᠨᠵᠢᠢᠭᠰᠠᠨ᠂ ᠡᠷᠡᠬᠦᠦ ᠳᠡᠭᠡᠨ ᠰᠠᠬᠠᠯ ᠲᠠᠢ᠂ ᠬᠦᠵᠦᠭᠦᠦ ᠳᠡᠭᠡᠨ ᠮᠤᠯᠴᠤᠭ ᠲᠠᠢ᠂ | ᠳᠠᠯᠪᠠᠭᠠᠷ ᠲᠤᠮᠤ ᠡᠪᠡᠷ ᠲᠠᠢ᠃ ᠬᠠᠨᠳᠠᠭᠠᠢ ᠶᠢᠨ ᠡᠷᠡ ᠶᠢ ᠮᠠᠨᠵᠢ᠂ ᠡᠮᠡ ᠶᠢ ᠰᠦᠨᠳᠡᠰᠦ᠂ ᠨᠢᠯᠬᠠ ᠲᠦᠯ ᠢ ᠬᠤᠲᠤᠯ | ᠭᠡᠨᠡ᠃ ᠰᠦᠨᠳᠡᠰᠦ ᠳᠤ ᠡᠪᠡᠷ ᠦᠭᠡᠢ᠃ ᠪᠡᠶᠡ ᠬᠦᠢᠴᠡᠭᠰᠡᠨ ᠪᠦᠳᠦᠬᠦᠨ ᠮᠠᠨᠵᠢ ᠶᠢᠨ ᠬᠤᠤᠰ ᠡᠪᠡᠷ ᠨᠢ 15 | ᠺᠢᠯᠤᠭ᠍ᠷᠠᠮ ᠳᠤ ᠬᠦᠷᠦᠨᠡ᠃ ᠡᠪᠡᠷ ᠤᠨ ᠤᠷᠲᠦ ᠨᠢ 1.8 ᠮᠧᠲᠷ᠂ ᠦᠷᠭᠡᠨ ᠢᠶᠠᠷ ᠢᠶᠠᠨ 40 ᠰᠡᠨᠲ᠋ᠢᠮᠧᠲᠷ ᠬᠦᠷᠦᠨᠡ᠃ | ᠡᠪᠡᠷ ᠨᠢ 11－12 ᠰᠠᠷᠠ ᠳᠤ ᠤᠨᠠᠵᠤ᠂ 3 ᠰᠠᠷᠠ ᠠᠴᠠ ᠡᠬᠢᠯᠡᠵᠦ ᠤᠷᠭᠤᠭᠠᠳ᠂ 7 ᠰᠠᠷᠠ ᠳᠤ ᠶᠠᠰᠤᠵᠢᠵᠦ | ᠡᠬᠢᠯᠡᠨᠡ᠃ ᠡᠪᠦᠯ ᠳᠡᠭᠡᠨ ᠦᠰᠦ ᠨᠢ 10 ᠰᠡᠨᠲ᠋ᠢᠮᠧᠲᠷ ᠬᠦᠷᠳᠡᠭ ᠲᠤᠯᠠ ᠬᠦᠢᠲᠡᠨ ᠠᠴᠠ ᠠᠶᠤᠳᠠᠭ ᠦᠭᠡᠢ᠃ | ᠬᠠᠨᠳᠠᠭᠠᠢ ᠶᠡᠷᠦᠳᠡᠭᠡᠨ ᠡᠪᠡᠰᠦ᠂ ᠮᠤᠳᠤᠨ ᠨᠠᠪᠴᠢ᠂ ᠨᠢᠯᠵᠠᠷᠠᠢ ᠮᠦᠴᠢᠷ ᠢᠳᠡᠳᠡᠭ ᠪᠦᠭᠡᠳ ᠡᠪᠤᠯ ᠳᠡᠭᠡᠨ | ᠮᠤᠳᠤᠨ ᠮᠦᠴᠢᠷ᠂ ᠬᠤᠯᠳᠤᠰᠦ᠂ ᠬᠦᠪᠲᠦ ᠪᠠᠷ ᠦᠯ ᠳᠠᠷᠤᠨᠠ᠃ ᠬᠠᠨᠳᠠᠭᠠᠢ ᠶᠡᠬᠡᠪᠴᠢᠯᠠᠨ ᠦᠷ ᠦᠳᠡᠰᠢ ᠶᠢᠨ | ᠪᠦᠷᠦᠩᠬᠡᠢ ᠪᠠᠷ ᠢᠳᠡᠰᠢᠯᠡᠵᠦ᠂ ᠡᠳᠦᠷ ᠨᠢ ᠰᠢᠷᠡᠩᠬᠡᠢ ᠲᠤᠳᠤᠷᠠ ᠬᠡᠪᠳᠡᠵᠦ ᠠᠮᠠᠷᠠᠬᠤ ᠪᠦᠭᠡᠳ ᠵᠤᠨ ᠤ ᠤᠯᠠᠷᠢᠯ ᠳᠤ | ᠮᠠᠷᠠᠭᠠ ᠳᠤ ᠢᠷᠡᠵᠦ᠂ ᠰᠢᠷᠤᠢ ᠲᠤᠯᠢᠶᠠᠬᠤ ᠲᠤᠷᠠᠳᠠᠢ᠂ ᠪᠤᠭᠤ ᠶᠢ ᠪᠤᠳᠤᠪᠠᠯ ᠠᠷᠠᠢ ᠰᠢᠩᠭᠡᠨ ᠰᠦᠭᠡᠩᠬᠡᠢ ᠳᠠᠭᠤ ᠪᠠᠷ | ᠤᠷᠤᠮᠳᠠᠨᠠ᠃ | ᠬᠠᠨᠳᠠᠭᠠᠢ ᠨᠢ ᠤᠰᠤ ᠬᠠᠭᠤᠷᠠᠢ ᠳᠤ ᠴᠦᠮ ᠵᠤᠬᠢᠴᠠᠭᠰᠠᠨ ᠠᠮᠢᠲᠠᠨ ᠶᠤᠮ᠃ ᠦᠵᠡᠬᠦ ᠳᠤ ᠲᠡᠬᠦᠨ ᠤ ᠪᠡᠶᠡ | ᠨᠦᠰᠡᠷ ᠬᠦᠨᠳᠦ ᠬᠦᠳᠡᠬᠢ ᠪᠢᠲᠠᠭᠤ ᠮᠡᠲᠦ ᠪᠤᠯᠪᠠᠴᠤ ᠶᠤᠰᠤᠳᠠᠢ ︽ᠤᠰᠤᠨ ᠳᠤ ᠶᠠᠪᠤᠬᠤ ᠠᠨᠤ ᠲᠦᠪᠰᠢᠨ ᠭᠠᠵᠠᠷ | ᠳᠠᠪᠬᠢᠬᠤ ᠮᠡᠲᠦ᠂ ᠬᠠᠭᠤᠷᠠᠢ ᠳᠤ ᠬᠦᠶᠦᠬᠦ ᠠᠨᠤ ᠰᠠᠯᠬᠢᠨ ᠮᠡᠲᠦ︾ ᠠᠮᠢᠲᠠᠨ ᠠᠵᠠᠢ᠃ ᠲᠡᠷᠡ 20 ᠺᠢᠯᠤᠮᠧᠲᠷ ᠤᠨ | ᠤᠰᠤᠨ ᠵᠠᠮ ᠢ ᠨᠢᠭᠡ ᠯᠡ ᠤᠳᠠᠭᠠ ᠠᠵᠢᠭ ᠦᠭᠡᠢ ᠳᠤᠭᠤᠯᠤᠨ ᠭᠠᠷᠳᠠᠭ ᠪᠦᠭᠡᠳ 5.5 ᠮᠧᠲᠷ ᠤᠨ ᠭᠦᠨ ᠤᠰᠤᠨ | ᠢᠷᠤᠭᠠᠷ ᠠᠴᠠ ᠤᠷᠭᠤᠮᠠᠯ ᠱᠦᠬᠦᠵᠦ ᠢᠳᠡᠳᠡᠭ᠃ ᠬᠠᠭᠤᠷᠠᠢ ᠳᠤ ᠨᠡᠩ ᠴᠤ ᠬᠤᠷᠳᠦᠨ ᠭᠠᠪᠰᠢᠭᠠᠢ᠃ ᠬᠦᠵᠦᠬᠦᠦ | ᠰᠤᠩᠭᠠᠨ ᠳᠡᠭᠡᠭᠰᠢ ᠦᠨᠳᠡᠶᠢᠵᠦ ᠦᠨᠳᠦᠷ ᠰᠠᠯᠠᠭᠠᠨ ᠠᠴᠠ ᠨᠢᠯᠵᠠᠷᠠᠢ ᠨᠠᠪᠴᠢ ᠠᠪᠴᠤ ᠢᠳᠡᠨᠡ᠃ ᠬᠦᠶᠦᠬᠦ ᠳᠤ | ᠬᠦᠷᠪᠡᠯ 55 ᠺᠢᠯᠤᠮᠧᠲᠷ ᠤᠨ ᠬᠤᠷᠳᠤ ᠠᠪᠤᠨᠠ᠃ | | | |