| | | | | | ᠪᠤᠭᠤ ᠨᠢ ᠠᠮᠢᠲᠠᠨ ᠤ ᠰᠤᠳᠤᠯᠤᠯ ᠳᠡᠭᠡᠷᠡ ᠬᠦᠬᠦᠳᠡᠨ ᠤ ᠠᠩᠭᠢ᠂ ᠰᠠᠯᠠᠭᠠ ᠲᠤᠭᠤᠷᠠᠶᠢᠲᠠᠨ ᠤ ᠪᠠᠭ᠃ | ᠪᠤᠭᠤ ᠶᠢᠨ ᠢᠵᠠᠭᠤᠷ ᠲᠤ ᠪᠠᠭᠲᠠᠨᠠ᠃ ᠲᠦᠷᠦᠯ ᠨᠢ ᠲᠠᠪᠢᠭᠠᠳ ᠵᠦᠢᠯ ᠳᠤ ᠬᠦᠷᠴᠤ ᠲᠠᠷᠬᠠᠯᠲᠠ ᠨᠢ ᠦᠷᠭᠡᠨ᠃ | ᠬᠠᠯᠢᠭᠤᠨ ᠪᠤᠭᠤ ᠶᠢ ᠪᠠᠰᠠ ᠲᠤᠷᠤᠭ ᠪᠤᠭᠤ ᠭᠡᠳᠡᠭ᠃ ᠲᠤᠷᠤᠭ ᠪᠤᠭᠤ ᠭᠡᠳᠡᠭ ᠨᠢ ᠬᠠᠯᠢᠭᠤᠨ ᠪᠤᠭᠤ ᠶᠢᠨ | ᠲᠤᠳᠤᠷᠠᠬᠢ ᠡᠷᠡ ᠪᠤᠭᠤ ᠶᠢ ᠵᠢᠭᠠᠳᠠᠭ ᠶᠤᠮ᠃ ᠬᠠᠯᠢᠭᠤᠨ ᠪᠤᠭᠤ ᠨᠢ ᠬᠠᠯᠢᠭᠤᠨ ᠵᠢᠰᠦᠮ ᠤᠨ ᠪᠤᠯᠪᠠᠴᠤ ᠴᠠᠭ | ᠤᠯᠠᠷᠢᠯ ᠤᠨ ᠪᠠᠶᠢᠳᠠᠯ ᠢᠶᠠᠷ ᠤᠯᠠᠭᠠᠪᠳᠤᠷ᠂ ᠬᠦᠷᠡᠪᠲᠦᠷ᠂ ᠴᠠᠶᠢᠪᠤᠷ᠂ ᠬᠦᠬᠡᠪᠳᠦᠷ ᠪᠤᠯᠵᠦ ᠦᠩᠭᠡ ᠰᠤᠯᠢᠳᠠᠭ᠃ | ᠮᠠᠨ ᠤ ᠤᠷᠤᠨ ᠤ ᠲᠤᠭᠤᠷᠠᠶᠢᠳᠠᠨ ᠤ ᠲᠤᠳᠤᠷᠠ ᠬᠠᠨᠳᠠᠭᠠᠢ ᠶᠢᠨ ᠳᠠᠷᠠᠭᠠ ᠤᠷᠤᠳᠠᠭ᠃ ᠬᠠᠯᠢᠭᠤᠨ ᠪᠤᠭᠤ ᠶᠢᠨ | ᠪᠡᠶᠡ ᠶᠢᠨ ᠤᠷᠳᠦ ᠨᠢ 130—140 ᠰᠠᠨᠲ᠋ᠢᠮᠧᠲᠷ᠂ ᠦᠨᠳᠦᠷ ᠨᠢ ᠰᠡᠷᠪᠡᠭᠡ ᠪᠠᠷ ᠢᠶᠠᠨ 115—155 | ᠰᠠᠨᠲ᠋ᠢᠮᠧᠲᠷ᠂ ᠬᠦᠨᠳᠦ ᠨᠢ 350 ᠺᠢᠯᠤᠭ᠍ᠷᠠᠮ ᠬᠦᠷᠦᠨᠡ᠃ ᠪᠡᠶᠡ ᠬᠦᠢᠴᠡᠭᠰᠡᠨ ᠡᠷᠡ ᠪᠤᠭᠤ ᠨᠢᠭᠡ ᠲᠠᠯᠠ ᠳᠠᠭᠠᠨ 5— | 6 ︵ᠵᠠᠷᠢᠮ ᠨᠢ 7—9︶ ᠰᠠᠯᠠᠭᠠ ᠪᠦᠬᠦᠢ ᠬᠤᠤᠰ ᠡᠪᠡᠷ ᠲᠠᠢ᠂ ᠬᠤᠤᠰ ᠡᠪᠡᠷ ᠤᠨ ᠬᠦᠨᠳᠦ ᠨᠢ 3—7 | ᠺᠢᠯᠤᠭ᠍ᠷᠠᠮ ᠪᠠᠶᠢᠨᠠ᠃ | ᠪᠡᠶᠡ ᠬᠦᠢᠴᠡᠭᠰᠡᠨ ᠪᠤᠭᠤ ᠶᠢᠨ ᠡᠷᠡ ᠶᠢ ᠲᠠᠶᠢᠷ ︵ᠳ᠋ᠠᠶᠢᠷ︶᠂ ᠲᠤᠷᠤᠭ᠂ ᠡᠮᠡ ᠶᠢ ᠰᠤᠭᠤ᠂ ᠮᠠᠷᠠᠯ᠂ | ᠨᠢᠯᠬᠠ ᠲᠤᠭᠤᠯ ᠢ ᠦᠷᠡ ᠪᠤᠶᠤ ᠢᠯᠢ᠂ ᠨᠢᠭᠡ ᠨᠠᠰᠤᠳᠠᠢ ᠲᠤᠭᠤᠯ ᠢ ᠵᠤᠷᠭᠤᠯ᠂ ᠬᠤᠶᠠᠷ ᠨᠠᠰᠤᠳᠠᠢ ᠶᠢ ᠵᠢᠢ᠂ | ᠭᠤᠷᠪᠠᠨ ᠨᠠᠰᠤᠳᠠᠢ ᠶᠢ ᠴᠦᠬᠦ᠂ ᠲᠦᠷᠪᠠᠨ ᠨᠠᠰᠤᠳᠠᠢ ᠶᠢ ᠲᠠᠶᠢᠷᠠᠭ ᠭᠡᠵᠦ ᠨᠡᠷᠡᠯᠡᠨᠡ᠃ | ᠬᠠᠯᠢᠭᠤᠨ ᠪᠤᠭᠤ ᠤᠤᠯ ᠨᠢ ᠮᠤᠩᠭᠤᠯ ᠤᠷᠤᠨ ᠳᠤ ᠡᠩ ᠨᠡᠶᠢᠳᠠᠮ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠡᠳᠦᠬᠡ ᠶᠡᠭᠡ | ᠬᠤᠪᠤᠷᠳᠠᠵᠤ ᠵᠦᠪᠬᠡᠨ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠ᠂ ᠠᠯᠠᠱᠠ ᠠᠭᠤᠯᠠ ᠬᠢᠭᠡᠳ ᠲᠡᠳᠡᠭᠡᠷ ᠤᠨ ᠵᠠᠷᠢᠮ ᠰᠠᠯᠪᠤᠷᠢ ᠪᠤᠯᠬᠤ | ᠪᠡᠷᠬᠡ ᠪᠠᠷᠲᠠᠭᠠᠳᠤ ᠠᠭᠤᠯᠠᠨ ᠳᠤ ᠬᠠᠷᠠᠭᠳᠠᠨᠠ᠃ | ᠤᠯᠠᠷᠢᠯ ᠢ ᠲᠠᠭᠠᠵᠤ ᠪᠠᠶᠢᠷᠢᠰᠢᠯ ᠢ ᠰᠤᠯᠢᠬᠤ ᠪᠠ ᠢᠳᠡᠰᠢ ᠰᠤᠩᠭᠤᠨᠠ᠃ ᠡᠪᠤᠯ ᠳᠡᠭᠡᠨ ᠨᠡᠷᠡᠨ ᠤ | ᠡᠭᠡᠪᠤᠷ ᠢᠶᠠᠷ ᠶᠠᠪᠤᠳᠠᠭ᠃ ᠲᠡᠭᠷᠢ ᠭᠡᠭᠡᠷᠡᠬᠦ ᠶᠢᠨ ᠡᠮᠦᠨᠡ ᠪᠤᠶᠤ ᠰᠢᠷᠠ ᠪᠦᠷᠦᠢ ᠪᠠᠷ ᠭᠤᠷᠪᠠ ᠲᠠᠪᠤ ᠪᠠᠷ ᠰᠦᠷᠦᠭᠯᠡᠵᠦ | ᠂ ᠬᠠᠲᠠᠭᠰᠠᠨ ᠡᠪᠡᠰᠦ ᠪᠤᠶᠤ ᠬᠤᠰᠤᠨ ᠰᠠᠮᠤᠷ᠂ ᠪᠤᠷᠭᠠᠰᠤᠨ ᠨᠠᠶᠢᠯᠵᠠᠭᠤᠷ ᠢᠳᠡᠨᠡ᠃ ᠵᠤᠨ ᠳᠠᠭᠠᠨ ᠠᠭᠤᠯᠠᠨ | ᠬᠦᠲᠦᠯ ᠤᠨ ᠤᠢ ᠳᠤ ᠤᠷᠤᠩᠨᠠᠬᠤ ᠪᠦᠭᠡᠳ ᠭᠤᠤᠯ ᠳᠤ ᠤᠴᠢᠵᠦ ᠤᠮᠪᠠᠨ ᠰᠡᠷᠢᠭᠦᠴᠡᠳᠡᠭ᠃ |