| ᠲᠡᠯᠡᠬᠡᠢ ᠨᠡᠶᠢᠳᠠ ᠶᠢᠨ ᠠᠩᠬᠠᠷᠤᠯ ᠢ ᠲᠠᠲᠠᠭᠰᠠᠨ ᠬᠤᠪᠤᠷ ᠨᠠᠨᠳᠢᠨ ᠠᠮᠢᠲᠠᠨ ᠬᠠᠪᠳᠠᠭᠠᠢ ᠶᠢᠨ ᠡᠬᠡ ᠨᠤᠲᠤᠭ | ᠪᠤᠯ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠶᠤᠮ᠃ ᠲᠡᠯᠡᠬᠡᠢ ᠶᠢᠨ ᠠᠯᠢ ᠤᠯᠠᠨ ᠦᠨᠳᠦᠰᠦᠳᠡᠨ ᠲᠡᠭᠦᠨ ᠢ ᠵᠡᠷᠯᠢᠭ ᠲᠡᠮᠡᠭᠡ | ᠬᠡᠮᠡᠨ ᠳᠠᠭᠤᠳᠠᠳᠠᠭ ᠪᠠᠶᠢᠬᠤ ᠳᠤ ᠲᠡᠭᠦᠨ ᠤ ᠡᠬᠡ ᠨᠤᠲᠤᠭ ᠤᠨ ᠬᠢᠨ ᠲᠡᠬᠦᠨ ᠳᠤ 《 ᠬᠠᠪᠳᠠᠭᠠᠢ》 ᠬᠡᠮᠡᠬᠦ ᠨᠡᠷᠡ | ᠦᠭᠭᠦᠭᠰᠡᠨ ᠪᠢᠯᠡ᠃ ᠡᠨᠡ ᠠᠮᠢᠲᠠᠨ ᠤ ᠶᠤᠰᠤᠳᠠᠢ ᠨᠡᠷᠡ ᠨᠢ ᠬᠠᠪᠳᠠᠭᠠᠢ ᠪᠤᠯᠠᠢ᠃ | | | | | | ᠡᠨᠡ ᠠᠮᠢᠲᠠᠨ ᠡᠳᠦᠭᠡ ᠲᠡᠬᠦᠨ ᠤ ᠡᠬᠡ ᠨᠤᠲᠤᠭ ᠪᠤᠯᠬᠤ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠡᠭᠡᠷᠡ ᠮᠠᠨ ᠤ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠡᠵᠡᠨᠡ ᠬᠤᠰᠢᠭᠤ ᠬᠢᠭᠡᠳ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠤᠨ | ᠭᠤᠪᠢ ᠠᠯᠳᠠᠢ᠂ ᠪᠠᠶᠠᠨ ᠬᠤᠩᠭᠤᠷᠴᠤᠭᠲᠤ ᠠᠶᠢᠮᠠᠭ ᠵᠡᠷᠭᠡ ᠶᠢ ᠬᠠᠮᠤᠷᠠᠭᠰᠠᠨ 8—9 ᠲᠦᠮᠡᠨ ᠲᠡᠭᠰᠢ | ᠲᠦᠷᠪᠡᠯᠵᠢᠨ ᠨᠤᠲᠤᠭ ᠲᠤ ᠤᠷᠤᠰᠢᠨᠡ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠠᠯᠠᠱᠠ ᠨᠤᠲᠤᠭ ᠲᠠᠢ ᠵᠠᠯᠭᠠᠯᠳᠤᠭᠰᠠᠨ | ᠬᠦᠬᠡᠨᠠᠭᠤᠷ ᠵᠡᠷᠭᠡ ᠤᠷᠤᠨ ᠪᠦᠰᠡ ᠶᠢᠨ ᠡᠯᠡᠰᠦᠨ ᠴᠦᠯ ᠳᠤ ᠮᠦᠨ ᠲᠠᠷᠬᠠᠵᠤ ᠪᠠᠶᠢᠨᠠ᠃ | ᠲᠡᠮᠡᠭᠡ ᠶᠢ ᠪᠤᠳᠤᠪᠠᠯ ᠬᠠᠪᠲᠠᠭᠠᠢ ᠨᠢ ᠡᠩ ᠲᠡᠷᠢᠬᠦᠨ ᠳᠤ ᠡᠴᠡᠩᠬᠡᠢ ᠴᠡᠪᠡᠷᠬᠡᠨ ᠬᠠᠷᠠᠭᠳᠠᠨᠠ᠃ ᠬᠤᠶᠠᠷ | ᠪᠦᠬᠦ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠬᠤᠯᠠ ᠪᠦᠬᠡᠳ ᠪᠦᠬᠦ ᠶᠢᠨ ᠤᠭ ᠨᠢ ᠪᠦᠮᠪᠦᠷᠬᠡᠨ᠂ ᠤᠷᠤᠢ ᠨᠢ ᠱᠤᠪᠤᠭᠤᠷ᠂ | ᠨᠡᠯᠡᠵᠦ ᠬᠠᠵᠠᠶᠢᠳᠠᠭ ᠦᠭᠡᠢ ᠱᠤᠷᠤᠯᠵᠠᠨ ᠲᠦᠷᠰᠦ ᠲᠠᠢ᠂ ᠬᠦᠵᠦᠬᠦᠦ᠂ ᠲᠦᠷᠪᠡᠨ ᠮᠦᠴᠢ ᠨᠢ ᠨᠠᠷᠢᠨ ᠤᠷᠲᠦ᠃ | ᠴᠢᠬᠢ ᠨᠢ ᠪᠠᠭᠠ᠂ ᠡᠷᠡᠦ ᠨᠢ ᠪᠤᠭᠤᠨᠢ᠂ ᠨᠢᠭᠤᠷ ᠤ ᠶᠠᠰᠤ ᠨᠢ ᠤᠷᠲᠦ᠂ ᠬᠦᠮᠦᠰᠭᠡ ᠵᠤᠪᠬᠢᠨ ᠤ ᠦᠰᠦ ᠨᠢ ᠪᠠᠰᠠ | ᠲᠡᠮᠡᠭᠡᠨ ᠤ ᠬᠢ ᠠᠴᠠ ᠤᠷᠲᠦ᠃ ᠪᠦᠬᠦ ᠪᠡᠶᠡ ᠶᠢᠨ ᠦᠰᠦ ᠨᠢ ᠲᠠᠴᠠᠷ᠂ ᠵᠤᠭᠳᠤᠷ ᠪᠤᠯᠤᠨ ᠰᠢᠯᠢ ᠡᠪᠦᠲᠦᠭ ᠤᠨ | ᠦᠰᠦ ᠨᠢ ᠪᠠᠰᠠ ᠪᠤᠭᠤᠨᠢ ᠰᠢᠩᠭᠡᠨ᠃ ᠬᠠᠰᠢᠷ ᠮᠠᠯᠴᠢᠨ ᠲᠡᠬᠦᠨ ᠢ ᠲᠡᠮᠡᠭᠡ ᠠᠴᠠ ᠬᠢᠯᠪᠠᠷᠬᠠᠨ ᠢᠯᠭᠠᠵᠤ ᠲᠠᠨᠢᠳᠠᠭ᠃ | ᠬᠠᠪᠳᠠᠭᠠᠢ ᠨᠢᠳᠦ ᠬᠤᠷᠴᠠ᠂ ᠬᠠᠮᠠᠷ ᠦᠨᠦᠷᠴᠢ᠂ ᠰᠤᠨᠤᠷ ᠰᠡᠷᠭᠡᠭ᠂ ᠬᠦᠶᠦᠳᠡᠯ ᠬᠤᠷᠳᠤᠨ᠂ ᠬᠦᠮᠦᠨ ᠤ | ᠦᠨᠦᠷ ᠢᠶᠠᠷ ᠬᠤᠯᠠ ᠠᠴᠠ ᠰᠡᠵᠢᠭ ᠠᠪᠴᠤ᠂ ᠲᠤᠲᠠᠭᠠᠬᠤ ᠦᠶᠡᠰ ᠲᠦᠷᠭᠡᠨ ᠮᠠᠰᠢᠨ ᠴᠤ ᠬᠦᠢᠴᠡᠳᠡᠭ ᠦᠭᠡᠢ | ᠠᠵᠠᠢ᠃ ᠬᠠᠪᠳᠠᠭᠠᠢ ᠶᠢᠨ ᠡᠷᠡᠭᠴᠢᠨ ᠢ ᠬᠠᠶᠢᠰᠦ ᠪᠤᠤᠷᠠ᠂ ᠡᠮᠡᠭᠴᠢᠨ ᠢ ᠢᠩᠭᠡ ᠭᠡᠨᠡ᠃ | ᠬᠠᠪᠳᠠᠭᠠᠢ ᠨᠢ ᠮᠠᠨ ᠤ ᠦᠪᠦᠷ ᠮᠤᠩᠭᠤᠯ ᠳᠤ ᠠᠯᠠᠱᠠ ᠨᠤᠲᠤᠭ ᠲᠤ ᠢᠵᠠᠭᠤᠷ ᠠᠴᠠ ᠠᠮᠢᠳᠤᠷᠠᠵᠦ ᠪᠠᠶᠢᠵᠠᠢ᠃ | ᠬᠠᠪᠳᠠᠭᠠᠢ ᠶᠢᠨ ᠤᠳᠤ ᠶᠢᠨ ᠭᠤᠤᠯ ᠨᠤᠲᠤᠭ ᠨᠢ ᠡᠯᠡᠰᠦᠨ ᠴᠦᠯ ᠪᠤᠯᠤᠨᠠ᠃ ᠤᠰᠦ ᠪᠡᠯᠴᠢᠭᠡᠷ ᠲᠡᠩᠨᠡᠭᠰᠡᠨ | ᠨᠤᠲᠤᠭ ᠢ ᠬᠠᠪᠳᠠᠭᠠᠢ ᠬᠦᠰᠡᠳᠡᠭ ᠪᠤᠯᠪᠠᠴᠤ ᠬᠠᠪᠳᠠᠭᠠᠢ ᠰᠦᠷᠳᠡᠭᠦᠯᠦᠯ ᠠᠴᠠ ᠵᠠᠶᠢᠯᠠᠵᠦ ᠰᠠᠶ᠋ᠢ ᠡᠯᠡᠰᠦᠨ ᠴᠦᠯ ᠤᠨ | ᠬᠠᠯᠠ ᠲᠠᠢ ᠤᠷᠴᠢᠨ ᠳᠤ ᠨᠤᠲᠤᠭᠰᠢᠭᠰᠠᠨ ᠪᠢᠯᠡ᠃ ᠬᠠᠪᠳᠠᠭᠠᠢ ᠨᠢ ᠡᠶᠢᠮᠦ ᠤᠷᠴᠢᠨ ᠳᠤ ᠤᠯᠠᠨ ᠵᠢᠯ | ᠠᠮᠢᠳᠤᠷᠠᠭᠰᠠᠭᠠᠷ ᠪᠠᠶᠢᠭᠠᠳ ᠬᠠᠲᠠᠭᠤ ᠤᠷᠴᠢᠨ ᠳᠤ ᠵᠤᠬᠢᠯᠳᠤᠭᠰᠠᠨ ᠠᠯᠢ ᠤᠯᠠᠨ ᠤᠨᠴᠠᠯᠢᠭ ᠢ ᠪᠦᠷᠢᠳᠦᠭᠦᠯᠵᠡᠢ᠃ | ᠲᠡᠷᠡ ᠬᠤᠷᠴᠠ ᠬᠠᠷᠠᠭᠠᠨ ᠳᠤ ᠪᠠᠨ ᠲᠦᠰᠢᠭᠯᠡᠵᠦ ᠲᠡᠭᠷᠢ ᠭᠠᠵᠠᠷ ᠢ ᠬᠤᠮᠢᠨ ᠢᠷᠡᠭᠰᠡᠨ ᠡᠯᠡᠰᠦᠨ ᠰᠢᠭᠤᠷᠭᠠ ᠠᠴᠠ | ᠵᠠᠶᠢᠯᠠᠵᠦ ᠴᠢᠳᠠᠬᠤ ᠪᠠᠷ ᠦᠯᠦ ᠪᠠᠷᠠᠨ ᠰᠤᠷᠭᠤᠭ ᠦᠨᠦᠷᠯᠡᠬᠦ ᠴᠢᠳᠠᠯ ᠢᠶᠠᠷ ᠢᠶᠠᠨ ᠡᠯᠡᠰᠦᠨ ᠳᠠᠯᠠᠢ ᠶᠢᠨ | ᠲᠤᠳᠤᠷᠠ ᠠᠴᠠ ᠠᠯᠤᠰ ᠬᠤᠯᠠ ᠶᠢᠨ ᠤᠰᠤᠨ ᠰᠤᠷᠪᠤᠯᠵᠢ ᠶᠢ ᠦᠨᠦᠷᠯᠡᠵᠦ ᠤᠯᠤᠭᠠᠳ ᠤᠰᠤ ᠪᠡᠯᠴᠢᠭᠡᠷ ᠲᠠᠢ ᠪᠠᠶᠠᠨ | ᠪᠦᠷᠢᠳᠦ ᠳᠤ ᠬᠦᠷᠳᠡᠭ᠃ ᠲᠡᠷᠡ ᠡᠯᠡᠰᠦᠨ ᠳᠠᠯᠠᠢ ᠳᠤ 21 ᠬᠤᠨᠤᠭ ᠠᠶᠠᠯᠠᠵᠦ 900 ᠺᠢᠯᠤᠮᠧᠲᠷ ᠢ | ᠲᠤᠭᠤᠯᠤᠭᠰᠠᠨ ᠲᠡᠮᠳᠡᠭᠯᠡᠯ ᠴᠤ ᠪᠤᠢ᠃ | ᠬᠠᠪᠳᠠᠭᠠᠢ ᠶᠢᠨ ᠦᠯ ᠲᠠᠷᠤᠳᠠᠭ ᠤᠷᠭᠤᠮᠠᠯ ᠨᠢ ᠭᠤᠤᠯᠳᠠᠭᠤ ᠵᠠᠭ᠂ ᠰᠤᠬᠠᠢ᠂ ᠰᠢᠷᠠ ᠮᠤᠳᠤ᠂ ᠵᠡᠭᠡᠷᠭᠡᠨᠡ᠂ | ᠪᠠᠭᠯᠠᠭᠤᠷ ᠪᠤᠯᠤᠨᠠ᠃ ᠭᠤᠪᠢ ᠶᠢᠨ ᠲᠤᠮᠳᠠ ᠲᠤᠬᠢᠶᠠᠯᠳᠤᠬᠤ ᠤᠮᠳᠠ ᠨᠢ ᠴᠤ ᠪᠠᠶᠠᠨ ᠪᠦᠷᠢᠳᠦ ᠶᠢᠨ ᠲᠠᠪᠤᠰᠤᠯᠢᠭ | ᠤᠰᠤ ᠶᠤᠮ᠃ ᠬᠠᠪᠳᠠᠭᠠᠢ ᠵᠢᠯ ᠪᠦᠷᠢ ᠶᠢᠨ ᠬᠤᠶᠠᠷ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠦᠶᠡ ᠪᠠᠷ ᠤᠷᠤᠭᠠ ᠤᠷᠤᠳᠠᠭ᠃ | ᠢᠩᠭᠡ ᠬᠠᠪᠳᠠᠭᠠᠢ ᠭᠡᠭᠡᠯ ᠢᠶᠠᠨ 12—13 ᠰᠠᠷᠠ ᠠᠴᠢᠵᠤ ᠨᠢᠭᠡ ᠪᠤᠲᠤᠭᠤ ᠭᠠᠷᠭᠠᠨᠠ᠃ ᠪᠤᠲᠤᠭᠤ ᠨᠢ ᠨᠢᠭᠡ | ᠵᠢᠯ ᠤᠨ ᠳᠠᠷᠠᠭᠠ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠶᠠᠪᠤᠵᠦ ᠴᠢᠳᠠᠬᠤ ᠪᠦᠭᠡᠳ 4—5 ᠨᠠᠰᠤᠯᠠᠪᠠᠯ ᠪᠦᠷ ᠴᠤ ᠨᠠᠰᠤᠨ ᠳᠤ | ᠬᠦᠷᠦᠭᠰᠡᠨ ᠬᠠᠪᠳᠠᠭᠠᠢ ᠪᠤᠯᠳᠠᠭ᠃ |