| ᠦᠬᠡᠷ ᠭᠡᠳᠡᠭ ᠳᠠᠭᠤᠳᠠᠯᠭᠠ ᠪᠤᠯ ᠤᠯᠠᠨ ᠲᠤᠭᠠᠨ ᠤ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠨᠡᠷᠡᠶᠢᠳᠦᠯ ᠪᠤᠯᠬᠤ ᠶᠤᠮ᠃ | ᠡᠭᠦᠨ ᠳᠤ ᠭᠤᠤᠯᠳᠠᠭᠤ ᠦᠬᠡᠷ ᠰᠥᠷᠥᠭ᠂ ᠦᠬᠡᠷ ᠤᠳ ᠭᠡᠬᠦ ᠮᠠᠲᠦ ᠪᠠᠷ ᠨᠡᠷᠡᠯᠡᠨ᠂ ᠦᠬᠡᠷ ᠬᠠᠷᠢᠭᠤᠯᠳᠠᠭ | ᠬᠥᠮᠦᠰ ᠢ ︽ᠦᠬᠡᠷᠴᠢᠨ︾ ᠬᠡᠮᠡᠨ ᠳᠠᠭᠤᠳᠠᠳᠠᠭ ᠪᠦᠭᠡᠳ ᠪᠠᠶᠢᠭᠠᠯᠢᠯᠢᠭ ᠨᠤᠲᠤᠭ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠬᠠᠷᠢᠭᠤᠯᠤᠨ | ᠥᠰᠭᠡᠬᠦ ᠶᠢ ︽ᠦᠬᠡᠷ ᠮᠠᠯᠵᠢᠬᠤ︾ ᠭᠡᠳᠡᠭ ᠶᠤᠮ᠃ | ᠦᠬᠡᠷ ᠰᠥᠷᠥᠭ ᠤᠨ ᠳᠤᠲᠤᠷᠠᠬᠢ ᠪᠥᠲᠥᠴᠠ ᠶᠢ ᠨᠠᠰᠤ ᠬᠦᠢᠰᠦ ᠪᠠᠷ ᠨᠢ ᠠᠩᠬᠢᠯᠠᠪᠠᠯ᠂ ᠦᠬᠡᠷ ᠰᠥᠷᠥᠭ ᠤᠨ | ᠳᠤᠲᠤᠷᠠᠬᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠴᠢᠭᠡ ᠮᠠᠯ ᠢ ᠪᠤᠬᠠ᠂ ᠡᠬᠡ ᠮᠠᠯ ᠢ ᠦᠨᠢᠶᠡ᠂ ᠴᠠᠭᠠᠯᠠᠭᠰᠠᠨ ᠡᠷᠡ ᠮᠠᠯ ᠢ ᠡᠷᠡ | ᠦᠬᠡᠷ ᠭᠡᠵᠤ ᠠᠩᠬᠢᠯᠠᠨ᠂ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠷᠡ ᠦᠬᠡᠷ ᠢ ᠠᠮᠪᠠᠨ ᠱᠠᠷ ᠭᠡᠳᠡᠭ᠃ 5 ᠨᠠᠰᠤᠨ ᠤ ᠬᠢ ᠶᠢ | ᠰᠤᠶᠤᠯᠠᠩ ᠪᠤᠬᠠ᠂ ᠰᠤᠶᠤᠯᠠᠩ ᠦᠨᠢᠶᠡ᠂ ᠰᠤᠶᠤᠯᠠᠩ ᠡᠷᠡ ᠦᠬᠡᠷ ᠭᠡᠬᠦ ᠮᠡᠲᠦ ᠪᠠᠷ ᠨᠡᠷᠡᠯᠡᠵᠤ᠂ 4 | ᠨᠠᠰᠤᠨ ᠤ ᠬᠢ ᠶᠢ ᠬᠢᠵᠠᠯᠠᠩ ᠪᠤᠬᠠ᠂ ᠬᠢᠵᠠᠯᠠᠩ ᠦᠨᠢᠶᠡ᠂ ᠬᠢᠵᠠᠯᠠᠩ ᠡᠷᠡ ᠦᠬᠡᠷ ︵ᠳᠦᠨᠡᠨ ᠦᠬᠡᠷ︶ ᠭᠡᠵᠤ᠂ 3 | ᠨᠠᠰᠤᠨ ᠤ ᠬᠢ ᠶᠢ ᠰᠢᠳᠦᠯᠡᠩ ᠪᠤᠬᠠ᠂ ᠦᠬᠢᠨ ᠰᠢᠳᠦᠯᠡᠩ ︵ᠭᠤᠨᠵᠢ︶᠂ ᠰᠢᠳᠦᠯᠡᠩ ᠡᠷᠡ ᠦᠬᠡᠷ ︵ᠭᠤᠨᠠᠨ | ᠦᠬᠡᠷ︶ ᠭᠡᠵᠤ᠂ 2 ᠨᠠᠰᠤᠨ ᠤ ᠬᠢ ᠶᠢ ᠪᠢᠷᠠᠭᠤ ᠭᠡᠵᠤ ᠠᠩᠬᠢᠯᠠᠨ᠂ ᠪᠢᠷᠠᠭᠤᠨ ᠪᠤᠬᠠ᠂ ᠦᠬᠢᠨ ᠪᠢᠷᠠᠭᠤ ︵ᠡᠮᠡ | ᠪᠢᠷᠠᠭᠤ︶᠂ ᠡᠷᠡ ᠪᠢᠷᠠᠭᠤ ᠭᠡᠬᠦ ᠮᠠᠲᠦ ᠪᠠᠷ ᠨᠡᠷᠡᠯᠡᠵᠤ᠂ 1 ᠨᠠᠰᠤᠨ ᠤ ᠬᠢ ᠶᠢ ᠲᠤᠭᠤᠯ ᠭᠡᠵᠤ ᠠᠩᠬᠢᠯᠠᠨ᠂ ᠡᠷᠡ | ᠲᠤᠭᠤᠯ᠂ ᠦᠬᠢᠨ ᠲᠤᠭᠤᠯ ︵ᠡᠮᠡ ᠲᠤᠭᠤᠯ︶ ᠭᠡᠵᠤ᠂ ᠰᠠᠶ᠋ᠢᠬᠠᠨ ᠭᠠᠷᠤᠭᠰᠠᠨ ᠲᠤᠭᠤᠯ ᠢ ᠨᠢᠯᠬᠠ ᠲᠤᠭᠤᠯ ᠭᠡᠵᠤ | ᠳᠠᠭᠤᠳᠠᠳᠠᠭ ᠪᠠᠶᠢᠨᠠ᠃ ᠮᠤᠩᠭᠤᠯ ᠦᠬᠡᠷ ᠪᠤᠯ ᠮᠠᠨ ᠤ ᠤᠯᠤᠰ ᠤᠨ ᠰᠢᠷᠠ ᠦᠬᠡᠷ ᠤᠨ ᠳᠤᠲᠤᠷᠠᠬᠢ ᠲᠤᠭᠠ | ᠲᠤᠯᠤᠭᠠᠢ ᠪᠠᠷ ᠤᠯᠠᠨ᠂ ᠲᠠᠷᠬᠠᠯᠲᠠ ᠪᠠᠷ ᠲᠡᠶᠢᠮᠦ ᠥᠷᠭᠡᠨ ᠪᠢᠰᠢ ᠡᠭᠦᠯᠳᠡᠷ ᠪᠤᠯᠬᠤ ᠪᠦᠭᠡᠳ ᠨᠤᠲᠤᠭ ᠤᠨ ᠮᠤᠩᠭᠤᠯ | ᠦᠬᠡᠷ ᠢ ᠦᠶᠡ ᠤᠯᠠᠷᠢᠨ ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠪᠠᠷ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠵᠤ ᠢᠷᠡᠭᠰᠡᠨ ᠶᠤᠮ᠃ | ᠮᠤᠩᠭᠤᠯ ᠦᠬᠡᠷ ᠤᠨ ᠪᠡᠶᠡ ᠴᠤᠭᠴᠠ ᠶᠢᠨ ᠤᠯᠠᠩᠬᠢ ᠨᠢ ᠪᠠᠬᠢᠯᠢᠭ᠌ ᠬᠡᠪᠰᠢᠯ ᠪᠤᠶᠤ ᠪᠦᠳᠦᠭᠦᠯᠢᠭ ᠴᠢᠩᠭᠠ | ᠬᠡᠪᠰᠢᠯ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠲᠤᠯᠤᠭᠠᠢ ᠨᠢ ᠤᠬᠤᠷ ᠮᠥᠷᠳᠡᠭᠡᠨ ᠪᠦᠳᠦᠭᠦᠨ᠂ ᠨᠢᠳᠦ ᠨᠢ ᠲᠤᠮᠤ ᠪᠦᠭᠡᠳ | ᠴᠤᠭᠲᠠᠢ ᠪᠠᠶᠢᠵᠤ᠂ ᠥᠡᠭᠭᠡ ᠨᠢ ᠰᠢᠷᠠᠪᠲᠤᠷ ᠪᠤᠶᠤ ᠪᠤᠷᠤ᠂ ᠬᠤᠶᠠᠷ ᠡᠪᠡᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠨᠢ ᠪᠠᠭᠠ | ᠪᠠᠶᠢᠳᠠᠭ᠃ ᠰᠡᠷᠪᠡᠭᠡ ᠨᠢ ᠳᠤᠤᠷᠠ ᠰᠢᠭ᠋᠂ ᠬᠦᠵᠦᠭᠦᠤ ᠨᠢ ᠤᠬᠤᠷ ᠪᠦᠭᠡᠳ ᠨᠢᠮᠭᠡᠨ᠂ ᠴᠡᠭᠡᠵᠢ ᠨᠢ ᠥᠷᠭᠡᠨ ᠭᠦᠨ᠂ | ᠨᠢᠷᠤᠭᠤ ᠨᠢ ᠳᠡᠭᠰᠢ᠂ ᠬᠠᠪᠢᠷᠭᠠ ᠨᠢ ᠲᠡᠨᠢᠭᠡᠷ᠂ ᠳᠠᠰᠢᠶᠠ ᠨᠢ ᠤᠬᠤᠷ ᠮᠥᠷᠳᠡᠭᠡᠨ ᠳᠠᠰᠢᠭᠤᠯᠢᠭ᠂ ᠳᠡᠯᠡᠩ ᠤᠨ | ᠰᠠᠭᠤᠷᠢ ᠨᠢ ᠥᠷᠭᠡᠨ᠂ ᠬᠦᠬᠦᠨ ᠳᠤᠪᠴᠢ ᠨᠢ ᠵᠢᠵᠢᠭ ᠪᠠᠶᠢᠳᠠᠭ᠃ ᠮᠥᠴᠢ ᠨᠢ ᠪᠤᠭᠤᠨᠢ ᠪᠦᠭᠡᠳ ᠬᠤᠶᠢᠲᠦ | ᠮᠥᠴᠢ ᠶᠢᠨ ᠤᠯᠠᠩᠬᠢ ᠨᠢ ᠲᠤᠩᠭᠤᠷᠭᠤᠨ ᠪᠠᠶᠢᠵᠤ᠂ ᠭᠤᠶᠠᠨ ᠤ ᠪᠤᠯᠴᠢᠩ ᠨᠢ ᠪᠤᠶᠢᠵᠢᠯᠲᠠ ᠰᠠᠶᠢᠲᠠᠢ᠂ ᠲᠤᠭᠤᠷᠠᠢ | ᠨᠢ ᠠᠪᠰᠠᠷᠬᠠᠨ ᠪᠦᠭᠡᠳ ᠪᠥᠬᠡᠯᠢᠭ ᠪᠠᠶᠢᠳᠠᠭ᠃ ᠤᠯᠠᠩᠬᠢ ᠨᠢ ᠤᠯᠠᠭᠠᠨ᠂ ᠰᠢᠷᠠ᠂ ᠬᠠᠷᠠ ᠥᠡᠭᠭᠡᠲᠡᠢ ᠪᠠᠶᠢᠳᠠᠭ᠃ | ᠮᠤᠩᠭᠤᠯ ᠦᠬᠡᠷ ᠢ ᠬᠡᠭᠡᠷᠡᠯᠡᠨ ᠮᠠᠯᠵᠢᠬᠤ ᠪᠠ ᠬᠤᠲᠠᠯᠠᠨ ᠮᠠᠯᠵᠢᠬᠤ ᠳᠤ ᠪᠦᠷ ᠵᠤᠬᠢᠴᠠᠬᠤ ᠤᠴᠢᠷ ᠠᠴᠠ | ᠠᠷᠠᠴᠢᠯᠠᠵᠤ ᠮᠠᠯᠵᠢᠬᠤ ᠳᠤ ᠳᠦᠭᠦᠮ᠂ ᠨᠤᠲᠤᠭ ᠤᠷᠤᠨ ᠤ ᠠᠭᠤᠷ ᠠᠮᠢᠰᠬᠤᠯ ᠳᠤ ᠵᠤᠬᠢᠴᠠᠩᠭᠤᠢ᠂ ᠵᠤᠬᠢᠬᠤ | ᠬᠡᠮᠵᠢᠶᠠᠨ ᠤ ᠵᠤᠳ ᠭᠠᠮᠰᠢᠭ ᠢ ᠡᠰᠡᠷᠭᠦᠴᠡᠬᠦ ᠪᠠ ᠬᠦᠢᠲᠡᠨ ᠢ ᠳᠡᠰᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠲᠠᠢ ᠪᠠᠶᠢᠳᠠᠭ᠃ ᠪᠡᠶᠡ ᠨᠢ | ᠪᠠᠭᠠᠪᠲᠤᠷ ᠪᠤᠯᠪᠠᠴᠦ ᠬᠥᠯ ᠨᠢ ᠪᠤᠭᠤᠨᠢ ᠮᠢᠬᠠ ᠨᠢ ᠠᠮᠲᠠᠯᠢᠭ ᠪᠦᠭᠡᠳ ᠰᠢᠮᠡ ᠲᠠᠢ᠂ ᠬᠥᠯᠥᠪᠥᠷᠢ ᠡᠳ᠋ᠯᠡᠭᠡᠨ ᠳᠤ | ᠲᠠᠭᠠᠭᠠᠴᠠᠳᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠬᠤᠯᠠ ᠤᠶᠢᠷᠠ ᠶᠢᠨ ᠬᠥᠮᠦᠰ ᠤᠨ ᠭᠦᠨ ᠳᠠᠭᠠᠰᠢᠶᠠᠯ ᠢ ᠤᠯᠵᠤ ᠪᠠᠶᠢᠳᠠᠭ᠃ | ᠥᠬᠡᠷ ᠤᠨ ᠪᠠᠭᠠᠰᠤ ᠠᠷᠭᠠᠯ ᠨᠢ ᠠᠶᠢᠯ ᠡᠷᠦᠬᠡ ᠶᠢᠨ ᠭᠠᠯ ᠲᠤᠯᠭᠠ ᠶᠢᠨ ᠰᠢᠲᠠᠭᠠᠯᠭᠠ ᠪᠤᠯᠵᠤ᠂ ᠦᠬᠡᠷ ᠤᠨ | ᠮᠢᠬᠠ ᠨᠢ ᠠᠮᠲᠠ ᠰᠢᠮᠲᠡ ᠰᠠᠶᠢᠲᠠᠢ ᠪᠤᠯᠬᠤᠷ ᠰᠢᠨᠡ ᠰᠤᠷᠭᠤᠭ ᠢᠶᠠᠷ ᠢᠳᠡᠬᠦ ᠪᠤᠶᠤ ᠰᠢᠷᠭᠠᠯᠠᠨ ᠬᠠᠲᠠᠭᠠᠵᠤ | ᠨᠦᠳᠦᠵᠤ ᠬᠡᠮᠬᠡᠯᠡᠨ ᠠᠶᠠᠨ ᠵᠢᠩ ᠳᠤ ᠠᠪᠴᠦ ᠶᠠᠪᠤᠬᠤ ᠳᠤ ᠳᠦᠭᠦᠮ ᠢᠳᠡᠭᠡᠨ ᠪᠤᠯᠳᠠᠭ᠃ ᠦᠨᠢᠶᠡᠨ ᠰᠦ ᠶᠢ | ᠬᠥᠷᠥᠩᠭᠡᠯᠡᠨ ᠢᠰᠭᠡᠵᠤ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠦ᠂ ᠬᠤᠷᠤᠳ ᠪᠢᠰᠢᠯᠠᠭ ᠬᠢᠬᠦ᠂ ᠥᠷᠥᠮᠡ ᠵᠥᠭᠡᠬᠡᠢ ᠭᠥᠰᠢᠭᠡᠬᠦ | ᠵᠡᠷᠭᠡ ᠴᠠᠭᠠᠨ ᠢᠳᠡᠭᠡᠨ ᠤ ᠪᠤᠯᠪᠠᠰᠤᠷᠠᠭᠤᠯᠤᠯᠲᠠ ᠪᠤᠯᠳᠠᠭ ᠪᠦᠭᠡᠳ ᠦᠬᠡᠷ ᠤᠨ ᠠᠷᠠᠰᠤ ᠶᠢ ᠲᠥᠭᠦᠬᠡᠢ | ᠴᠤᠯᠭᠤᠢ ᠪᠠᠷ ᠨᠢ ᠦᠳᠡᠷᠢ ᠪᠤᠭᠤᠯᠲᠠ ᠬᠢᠬᠦ ᠪᠤᠶᠤ ᠢᠳᠡᠭᠡᠯᠡᠵᠤ ᠡᠯᠳᠡᠭᠡᠳ ᠰᠤᠷ ᠪᠤᠯᠭᠠᠨ ᠮᠤᠷᠢ ᠲᠡᠮᠡᠭᠡ᠂ ᠲᠡᠷᠭᠡ | ᠬᠥᠯᠥᠪᠦᠷᠢ ᠶᠢᠨ ᠡᠳ᠋ᠯᠡᠯ ᠬᠢᠬᠦ᠂ ᠲᠤᠭᠤᠯ ᠤᠨ ᠠᠷᠠᠰᠤ ᠪᠠᠷ ᠲᠤᠯᠤᠮ ᠬᠢᠬᠦ᠂ ᠦᠬᠡᠷ ᠤᠨ ᠦᠰᠦ ᠪᠠᠷ ᠭᠤᠲᠤᠯ | ᠤᠶᠢᠮᠤᠰᠤ ᠬᠢᠬᠦ ᠵᠡᠷᠭᠡ ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ᠃ ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ | ᠨᠠᠮᠤᠷ ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |