| ᠴᠢᠩᠨᠢᠨᠠ ᠦᠬᠡᠷ᠄ ᠢᠲ᠋ᠠᠯᠢ ᠶᠢᠨ ᠬᠤᠶᠢᠲᠤ ᠬᠡᠰᠡᠭ ᠤᠨ ᠴᠢᠩᠨᠢᠨᠠ ᠵᠢᠯᠠᠭᠠ ᠠᠴᠠ ᠤᠭ ᠭᠠᠷᠤᠯ ᠲᠠᠢ᠃ ᠡᠨᠡ | ᠪᠣᠯ ᠤᠳᠤᠬᠠᠨ ᠳᠤ ᠳᠡᠯᠡᠬᠡᠢ ᠳᠡᠭᠡᠷᠡ ᠪᠡᠶᠡ ᠪᠠᠷ ᠬᠠᠮᠤᠭ ᠤᠨ ᠪᠦᠳᠦᠭᠦᠨ ᠮᠢᠬᠠᠨ ᠤ ᠦᠬᠡᠷ ᠪᠣᠯᠣᠨᠠ᠃ ᠪᠦᠬᠦᠲᠡᠢ | ᠦᠬᠡᠷ ᠯᠦᠭᠡ ᠴᠢᠰᠦᠨ ᠲᠦᠷᠦᠯ ᠤᠨ ᠬᠠᠷᠢᠴᠠᠭᠠ ᠲᠠᠢ᠂ ᠪᠦᠬᠦᠲᠠᠢ ᠦᠬᠡᠷ ᠤᠨ ᠴᠢᠰᠤᠨ ᠤ ᠡᠭᠦᠯᠳᠡᠷ ᠲᠤ | ᠬᠠᠷᠢᠶᠠᠯᠠᠭᠳᠠᠨᠠ᠃ 19 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠡᠬᠢᠨ ᠦᠶᠡ ᠳᠤ ᠫᠤᠷᠲ᠋ᠦ᠋ ᠬᠠᠷᠠ ᠦᠬᠡᠷ ᠢᠶᠠᠷ ᠲᠤᠰ ᠭᠠᠵᠠᠷ ᠤᠨ | ᠦᠬᠡᠷ ᠢ ᠡᠷᠯᠢᠰᠡᠵᠢᠭᠦᠯᠦᠭᠡᠳ ᠪᠤᠶᠢᠵᠢᠭᠤᠯᠤᠨ ᠭᠠᠷᠭᠠᠵᠠᠢ᠃ 1955 ᠣᠨ ᠳᠤ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠦᠬᠡᠷ ᠭᠡᠵᠦ | ᠨᠡᠷᠡᠶᠢᠳᠦᠭᠳᠡᠪᠡ᠃ ᠴᠢᠩᠨᠢᠨᠠ ᠦᠬᠡᠷ ᠤᠨ ᠪᠡᠶᠡ ᠨᠢ ᠤᠷᠲᠤ᠂ ᠪᠦᠳᠦᠭᠦᠨ᠂ ᠮᠦᠴᠢ ᠨᠢ ᠦᠨᠳᠦᠷ᠂ ᠭᠡᠪᠡᠴᠦ | ᠴᠡᠭᠡᠵᠢ ᠨᠢ ᠲᠡᠶᠢᠮᠦ ᠵᠤᠵᠠᠭᠠᠨ ᠪᠢᠰᠢ᠂ ᠦᠰᠦ ᠨᠢ ᠴᠤᠯ ᠴᠠᠭᠠᠨ᠂ ᠰᠡᠭᠦᠯ ᠨᠢ ᠬᠠᠷᠠ᠂ ᠬᠡᠪᠡᠯᠢ ᠶᠢᠨ ᠬᠡᠰᠡᠭ ᠠᠴᠠ | ᠪᠤᠰᠤᠳ ᠭᠠᠵᠠᠷ ᠤᠨ ᠠᠷᠠᠰᠤ ᠮᠢᠬᠠᠨ ᠳᠡᠭᠡᠷᠡ ᠨᠢ ᠪᠦᠷ ᠬᠠᠷᠠ ᠪᠤᠳᠤᠭᠲᠤ ᠡᠳ᠋ ᠲᠠᠢ᠃ ᠡᠷᠡ ᠦᠬᠡᠷ ᠤᠨ ᠪᠡᠶᠡ ᠶᠢᠨ | ᠬᠦᠨᠳᠦ ᠨᠢ ᠪᠦᠬᠦᠯᠢ ᠨᠢᠭᠡ ᠵᠢᠯ ᠪᠣᠯᠪᠠᠯ 600kg᠂ 18 ᠰᠠᠷᠠ ᠪᠣᠯᠪᠠᠯ 800kg᠂ 24 ᠰᠠᠷᠠ ᠪᠣᠯᠪᠠᠯ | 1000kg ᠳᠤ ᠬᠦᠷᠦᠨᠠ᠂ ᠬᠠᠮᠤᠭ ᠤᠨ ᠪᠦᠳᠦᠭᠦᠨ ᠨᠢ ᠠᠮᠢᠳᠤ ᠪᠠᠷ ᠢᠶᠠᠨ 1800kg ᠳᠤ ᠬᠦᠷᠦᠨᠡ᠂ | ᠪᠡᠶᠡ ᠶᠢᠨ ᠦᠨᠳᠦᠷ ᠨᠢ 184cm ᠪᠤᠢ᠃ ᠦᠨᠢᠶᠡ ᠨᠢ ᠠᠮᠢᠳᠤ ᠪᠠᠷ ᠢᠶᠠᠨ 1000kg ᠬᠦᠨᠳᠦ᠂ | ᠦᠨᠳᠦᠷ ᠢᠶᠠᠷ ᠢᠶᠠᠨ 150～170cm ᠪᠣᠢ᠃ ᠰᠠᠶ᠋ᠢ ᠭᠠᠷᠤᠭᠰᠠᠨ ᠡᠷᠡ ᠲᠤᠭᠤᠯ ᠤᠨ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ | 47～55kg᠂ ᠦᠬᠢᠨ ᠲᠤᠭᠤᠯ ᠤᠨ ᠬᠢᠨᠢ 42～48kg ᠪᠣᠢ᠃ ᠡᠨᠡ ᠦᠬᠡᠷ ᠡᠷᠲᠡ ᠲᠤᠷᠨᠢᠳᠠᠭ | ᠤᠨᠴᠠᠯᠢᠭ ᠲᠠᠢ᠃ ᠵᠢᠯ ᠤᠨ ᠤᠢ ᠪᠣᠯᠵᠣ ᠪᠠᠶᠢᠭᠠ ᠲᠤᠭᠤᠯ ᠳᠣᠮᠳᠠᠴᠢ ᠪᠠᠷ ᠠᠮᠢᠳᠤ ᠪᠠᠷ ᠢᠶᠠᠨ 409kg ᠬᠦᠨᠳᠦ | ᠪᠠᠶᠢᠳᠠᠭ᠂ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠳᠣᠮᠳᠠᠴᠢ ᠪᠠᠷ ᠡᠳᠦᠷ ᠲᠤ 1230g ᠨᠡᠮᠡᠭᠳᠡᠨᠡ᠃ ᠮᠢᠬᠠ ᠨᠢ ᠠᠮᠲᠠ ᠲᠠᠢ᠂ | ᠭᠠᠨᠳᠢᠭ ᠴᠢᠯᠠᠭᠤᠨ ᠤ ᠰᠢᠷᠬᠡᠭ ᠲᠠᠢ᠂ ᠨᠠᠷᠢᠯᠢᠭ ᠵᠦᠭᠡᠯᠡᠨ᠂ ᠪᠤᠷᠳᠤᠵᠤ ᠲᠠᠷᠭᠤᠯᠠᠭᠤᠯᠬᠤ ᠠᠷᠭᠠ ᠨᠢ ᠪᠠᠷᠤᠭ | ᠴᠠᠷᠤᠯᠧᠰ ᠦᠬᠡᠷ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃ ᠤᠷᠴᠢᠨ ᠲᠤᠭᠤᠷᠢᠨ ᠳᠠᠭᠠᠨ ᠵᠣᠬᠢᠴᠠᠬᠤ ᠨᠢ ᠨᠡᠯᠢᠶᠡᠳ ᠰᠠᠶᠢᠨ᠂ | ᠦᠷᠡᠵᠢᠯ ᠤᠨ ᠴᠢᠳᠠᠪᠤᠷᠢ ᠨᠢ ᠶᠡᠭᠡ᠂ ᠲᠤᠭᠤᠯᠯᠠᠬᠤ ᠳᠠᠭᠠᠨ ᠪᠠᠷᠤᠭᠲᠠᠢ ᠳᠤ ᠪᠡᠷᠬᠡᠲᠦᠬᠦ ᠦᠭᠡᠢ ᠶᠤᠮ᠃ ︵ᠢᠷᠡᠯᠲᠡ᠄ | ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ ᠪᠠ ᠠᠰᠢᠭ | ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | |