| ᠭᠠᠳᠠᠭᠠᠳᠤ ᠠᠴᠠ ᠤᠷᠤᠭᠤᠯᠤᠭᠰᠠᠨ ᠮᠢᠬᠠᠨ ᠦᠬᠡᠷ ᠤᠨ ᠡᠭᠦᠯᠳᠡᠷ ᠠᠩᠭᠧᠰ ᠦᠬᠡᠷ ᠪᠣᠯ ᠡᠷᠲᠡᠨ ᠤ ᠪᠡᠶᠡ | ᠪᠠᠭᠠᠲᠠᠢ ᠢᠳᠡᠰᠢᠨ ᠦᠬᠡᠷ ᠪᠣᠯᠣᠨᠠ᠃ ᠠᠩᠭ᠍ᠯᠢ ᠶᠢᠨ ᠰᠺᠦᠳ᠋ᠯᠠᠨᠳ᠋ ᠤᠨ ᠬᠤᠶᠢᠲᠤ ᠬᠡᠰᠡᠭ ᠠᠴᠠ ᠤᠭ ᠭᠠᠷᠤᠯ ᠲᠠᠢ᠃ | ᠠᠯᠢ ᠡᠷᠲᠡ 19 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠦᠶᠡ ᠳᠤ ᠳᠡᠯᠡᠬᠡᠢ ᠶᠢᠨ ᠡᠯᠡ ᠣᠯᠣᠰ ᠲᠤ ᠭᠠᠷᠭᠠᠵᠤ ᠪᠠᠶᠢᠵᠠᠢ᠃ ᠡᠨᠡ ᠦᠬᠡᠷ | ᠪᠣᠯ ᠠᠩᠭ᠍ᠯᠢ᠂ ᠠᠮᠧᠷᠢᠺᠡ᠂ ᠺᠠᠨᠠᠳᠠ᠂ ᠰᠢᠨᠡ ᠽᠢᠯᠠᠨᠳ᠋ ᠪᠣᠯᠣᠨ ᠠᠷᠭᠧᠨ᠋ᠲ᠋ᠢᠨ ᠤ ᠭᠤᠤᠯ ᠪᠣᠯᠬᠤ ᠢᠳᠡᠰᠢᠨ ᠦᠬᠡᠷ | ᠶᠣᠮ᠃ ᠮᠠᠨ ᠤ ᠣᠯᠣᠰ 1974 ᠤᠨ ᠳᠤ ᠠᠩᠭ᠍ᠯᠢ᠂ ᠠᠦ᠋ᠰᠳ᠋ᠷᠡᠯᠢᠶᠡ ᠠᠴᠠ ᠠᠩᠭᠧᠰ ᠦᠬᠡᠷ ᠢ ᠤᠷᠤᠭᠤᠯᠤᠨ | ᠠᠪᠴᠢᠷᠠᠵᠠᠢ᠃ ᠤᠳᠣ ᠵᠡᠭᠦᠨ ᠬᠤᠶᠢᠲᠤ ᠤᠷᠤᠨ ᠤ ᠡᠯᠡ ᠮᠤᠵᠢ ᠳᠤ ᠲᠠᠷᠬᠠᠵᠤ ᠪᠤᠢ᠃ | ᠠᠩᠭᠧᠰ ᠦᠬᠡᠷ ᠡᠪᠡᠷ ᠦᠭᠡᠢ᠂ ᠪᠦᠬᠦ ᠪᠡᠶᠡ ᠨᠢ ᠬᠠᠷᠠ ᠪᠣᠯᠬᠤᠷ ︽ᠲᠦᠢᠮᠤᠭ ᠬᠠᠷᠠ ᠦᠬᠡᠷ︾ ᠭᠡᠳᠡᠭ᠃ | ᠪᠡᠶᠡ ᠨᠢ ᠤᠷᠲᠤ᠂ ᠪᠦᠭᠡᠷᠡᠩᠬᠡᠢ᠂ ᠮᠦᠴᠢ ᠨᠢ ᠪᠤᠭᠤᠨᠢ ᠬᠦᠵᠦᠭᠦᠦ ᠨᠢ ᠤᠬᠤᠷ᠂ ᠵᠣ ᠪᠣᠯᠣᠨ ᠪᠦᠭᠰᠡᠨ ᠤ ᠬᠡᠰᠡᠭ ᠨᠢ | ᠪᠦᠳᠦᠭᠦᠨ ᠵᠤᠵᠠᠭᠠᠨ᠂ ᠢᠳᠡᠰᠢᠨ ᠳᠤ ᠬᠡᠷᠡᠭᠯᠡᠬᠦ ᠰᠠᠶᠢᠨ ᠦᠬᠡᠷ ᠶᠤᠮ᠃ ᠭᠤᠶᠠᠨ ᠤ ᠬᠢᠨᠢ ᠪᠤᠯᠴᠢᠩ ᠮᠢᠬᠠ ᠨᠢ | ᠲᠠᠬᠠᠢ ᠶᠢᠨ ᠦᠶᠡ ᠳᠤ ᠬᠦᠷᠳᠡᠭ᠃ ᠠᠷᠠᠰᠤ ᠨᠢ ᠰᠣᠯᠠ ᠨᠢᠮᠭᠡᠨ ᠪᠦᠭᠡᠳ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠲᠠᠢ᠃ ᠨᠠᠰᠤ | ᠭᠦᠢᠴᠡᠭᠰᠡᠨ ᠡᠷᠡ ᠦᠬᠡᠷ ᠤᠨ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 800～900kg᠂ ᠦᠨᠢᠶᠡ ᠶᠢᠨ ᠬᠢᠨᠢ | 500～600kg᠂ ᠰᠠᠶ᠋ᠢ ᠭᠠᠷᠤᠭᠰᠠᠨ ᠲᠤᠭᠤᠯ ᠤᠨ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 25～32kg᠂ ᠦᠰᠴᠦ | ᠪᠤᠶᠢᠵᠢᠬᠤ ᠨᠢ ᠲᠦᠷᠭᠡᠨ᠂ ᠲᠤᠷᠨᠢᠬᠤ ᠨᠢ ᠡᠷᠲᠡ᠂ ᠪᠤᠷᠳᠤᠵᠤ ᠪᠤᠶᠢᠵᠢᠭᠤᠯᠬᠤ ᠳᠤ ᠠᠮᠠᠷᠬᠠᠨ᠂ ᠪᠡᠯᠴᠢᠭᠡᠷ ᠰᠠᠶᠢᠲᠠᠢ | ᠭᠠᠵᠠᠷ ᠲᠤ ᠲᠤᠭᠤᠯᠯᠠᠭᠰᠠᠨ ᠠᠴᠠ ᠠᠪᠤᠭᠠᠳ ᠵᠢᠯ ᠤᠨ ᠤᠢ ᠪᠤᠯᠲᠠᠯᠠ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠡᠳᠦᠷ ᠲᠤ | 900～1000g ᠨᠡᠮᠡᠭᠳᠡᠵᠦ ᠳᠡᠶᠢᠯᠦᠨᠡ᠂ ᠨᠢᠲᠤᠯᠭᠠᠨ ᠤ ᠨᠤᠷᠮᠠ ᠨᠢ 60％～65％ ᠪᠣᠯᠣᠨᠠ᠃ ᠡᠨᠡ | ᠦᠬᠡᠷ ᠤᠷᠴᠢᠨ ᠠᠬᠤᠢ ᠳᠠᠭᠠᠨ ᠵᠤᠬᠢᠴᠠᠬᠤ ᠨᠢ ᠰᠠᠶᠢᠨ᠂ ᠦᠯᠴᠢᠷ ᠪᠦᠭᠡᠳ ᠡᠪᠡᠳᠴᠢᠨ ᠭᠡᠮ ᠣᠯᠬᠤ ᠦᠭᠡᠢ᠃ | ᠦᠨᠢᠶᠡ ᠨᠢ ᠮᠡᠳᠡᠷᠡᠯ ᠤᠨ ᠭᠡᠮ ᠰᠣᠭᠤᠭ ᠲᠠᠢ᠂ ᠡᠨᠡ ᠪᠣᠯ ᠲᠤᠰ ᠦᠬᠡᠷ ᠤᠨ ᠲᠤᠳᠠᠭᠳᠠᠯ ᠪᠣᠯᠣᠨᠠ᠃ ︵ᠢᠷᠡᠯᠲᠡ᠄ | ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ ᠪᠠ ᠠᠰᠢᠭ | ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | |