| ᠡᠸᠡᠩᠬᠢ ᠬᠤᠰᠢᠭᠤᠨ ᠤ ᠬᠢᠨ ᠰᠢ ᠶᠢᠨ ᠫᠢᠩ ᠤᠨ ᠠᠮᠢ ᠠᠬᠤᠢ ᠶᠢᠨ ᠪᠣᠯᠪᠠᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠶᠢ | ᠭᠦᠨᠵᠡᠭᠡᠢ ᠰᠤᠷᠤᠯᠴᠠᠨ ᠳᠤᠭᠤᠰᠢᠯᠠᠭᠤᠯᠵᠦ᠂ ︽ᠬᠦᠭᠡ ᠠᠭᠤᠯᠠ ᠬᠥᠬᠡᠮᠳᠦᠭ ᠤᠰᠤ ᠪᠣᠯ ᠠᠯᠳᠠ ᠮᠥᠩᠭᠦᠨ | ᠠᠭᠤᠯᠠ︾ ᠭᠡᠬᠦ ᠤᠢᠢᠯᠠᠭᠠᠭᠳᠠᠬᠤᠨ ᠢ ᠦᠢᠯᠡᠳᠦᠯᠭᠡᠵᠢᠭᠦᠯᠵᠦ᠂ ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠠᠮᠢ ᠠᠬᠤᠢ ᠶᠢᠨ ᠠᠮᠤᠷ | ᠲᠦᠪᠰᠢᠨ ᠢ ᠪᠠᠳᠤᠯᠠᠬᠤ ᠮᠠᠯᠴᠢᠨ ᠤᠨ ᠤᠷᠤᠯᠭᠠ ᠶᠢᠨ ᠨᠠᠮᠡᠭᠳᠡᠯ ᠢ ᠠᠬᠢᠭᠤᠯᠬᠤ᠂ ᠠᠮᠢ ᠠᠬᠤᠢ ᠶᠢᠨ ᠰᠤᠶᠤᠯ ᠢ | ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠠᠴᠠ ᠭᠠᠷᠳᠠᠵᠤ᠂ ᠳᠠᠯᠠ ᠨᠤᠳᠤᠭ ᠤᠨ ᠠᠮᠢ ᠠᠬᠤᠢ ᠶᠢᠨ ᠪᠠᠶᠢᠭᠤᠯᠤᠯᠲᠠ ᠶᠢ ︽ᠠᠮᠢ | ᠠᠬᠤᠢ ᠶᠢᠨ ᠨᠤᠭᠤᠭᠠᠨ ᠢ ᠴᠤᠭᠴᠠᠯᠠᠬᠤ︾ ᠠᠮᠢᠨ ᠰᠤᠳᠠᠰᠤ ᠪᠤᠯᠭᠠᠨ ᠠᠳᠬᠤᠵᠤ᠂ ᠬᠤᠰᠢᠭᠤᠨ ᠤ ᠪᠠᠨ ᠨᠤᠳᠤᠭ | ᠪᠡᠯᠴᠢᠭᠡᠷ ᠤᠨ ᠠᠮᠢ ᠠᠬᠤᠢ ᠶᠢᠨ ᠰᠡᠷᠬᠦᠯᠳᠡ ᠳᠤ ᠵᠤᠬᠢᠬᠤ ᠦᠷᠡ ᠪᠦᠳᠦᠮᠵᠢ ᠤᠯᠪᠠ᠃ ᠮᠠᠨ ᠤ ᠮᠡᠳᠡᠭᠡᠯᠡᠯ ᠤᠨ | ᠭᠤᠤᠯ ᠪᠠᠭᠠᠳᠤᠷ ᠪᠤᠯᠬᠤ ᠵᠢᠪᠬᠤᠯᠠᠩ ᠪᠤᠯ ᠮᠤᠳᠤ ᠳᠠᠷᠢᠵᠤ ᠨᠤᠳᠤᠭ ᠤᠷᠤᠨ ᠢᠶᠠᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠭᠰᠠᠨ | ᠬᠦᠮᠤᠰ ᠤᠨ ᠨᠢᠬᠡ ᠪᠤᠯᠤᠨᠠ᠃ | | | | | | ᠤᠷᠢᠨ ᠳᠤᠯᠠᠭᠠᠨ ᠰᠠᠭᠠᠳᠠᠬᠤᠶᠠ ᠡᠸᠡᠩᠬᠢ ᠨᠤᠳᠤᠭ ᠤᠨ ᠭᠠᠵᠠᠷ ᠪᠤᠯᠭᠠᠨ ᠳᠤ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ | ᠪᠢᠯᠬᠠᠵᠤ ᠡᠰᠨᠢᠯ ᠬᠦᠭᠵᠢᠯ ᠤᠨ ᠤᠷᠠᠢ ᠬᠠᠩᠬᠢᠨᠠᠨᠠ᠃ ᠰᠢᠷᠠᠶᠢᠳ ᠬᠠᠯᠠ ᠲᠠᠢ ᠳᠠᠮᠪᠠ ᠶᠢᠨ ᠵᠠᠨᠠᠰᠢᠷᠢ ᠶᠢᠨ | ᠵᠢᠪᠬᠤᠯᠠᠩ ᠪᠤᠯ ᠰᠢᠨᠡᠬᠡᠨ ᠪᠠᠷᠠᠭᠤᠨ ᠰᠤᠮᠤᠨ ᠤ ᠰᠢᠪᠡᠭᠡ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ᠂ ᠪᠦᠬᠡ ᠶᠢᠨ ᠤᠳᠤᠮ ᠲᠠᠢ᠂ | ᠡᠪᠦᠭᠡ ᠪᠤᠯᠤᠨ ᠠᠪᠤ ᠨᠢ ᠪᠦᠷ ᠨᠤᠳᠤᠭ ᠤᠷᠤᠨ ᠤ ᠪᠠᠨ ᠨᠡᠷᠡᠳᠡᠢ ᠪᠦᠭᠡᠴᠢᠨ ᠪᠠᠶᠢᠵᠦ ᠶᠡᠭᠡ ᠪᠠᠭᠠ ᠨᠠᠶᠢᠷ | ᠨᠠᠭᠠᠳᠤᠮ ᠳᠤ ᠤᠯᠠᠨᠳᠠ ᠱᠠᠩᠨᠠᠯ ᠠᠪᠤᠭᠰᠠᠨ ᠳᠡᠤᠬᠡ ᠲᠠᠢ᠃ ᠵᠢᠪᠬᠤᠯᠠᠩ ᠴᠤ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ | ᠳᠠᠮᠢᠷ ᠲᠤ ᠪᠠᠨ ᠤᠨᠴᠠ ᠰᠠᠶᠢᠨ᠂ ᠢᠮᠠᠭᠳᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠦᠯᠦᠭᠡᠯᠡᠵᠦ ᠬᠤᠳᠠ ᠶᠢᠨ ᠳᠡᠰ ᠤᠨ ᠳᠠᠮᠢᠷ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠤᠯᠠᠨ ᠤᠳᠠᠭᠠ ᠢᠷᠠᠭᠤ ᠠᠯᠳᠠᠷ ᠠᠪᠴᠢᠷᠠᠭᠰᠠᠨ ᠪᠦᠬᠡᠳ | ᠡᠪᠦᠭᠡ᠂ ᠠᠪᠤ ᠶᠢᠨ ᠢᠶᠠᠨ ᠨᠦᠯᠦᠭᠡ ᠪᠠᠷ ᠪᠦᠬᠡ ᠰᠠᠶᠢᠨ ᠪᠠᠷᠢᠯᠳᠤᠳᠠᠭ ᠳᠤᠯᠠ 2001 ᠤᠨ᠂ 2002 ᠤᠨ ᠤ | ᠬᠦᠯᠦᠨ ᠪᠦᠢᠷ ᠤᠨ ᠠᠶᠢᠮᠠᠭ ᠤᠨ ᠨᠠᠶᠢᠷ ᠲᠤ ᠲᠦᠷᠦᠬᠦᠤ ᠨᠠᠢᠮᠠ ᠳᠤ ᠤᠷᠤᠵᠤ ᠳᠤᠰ ᠳᠤᠰ ᠭᠤᠷᠪᠠᠳᠤᠭᠠᠷ ᠪᠠ | ᠲᠦᠷᠪᠡᠳᠦᠬᠡᠷ ᠲᠤ ᠲᠤᠳᠤᠷᠠᠵᠤ ᠬᠦᠯᠦᠨ ᠪᠦᠢᠷ ᠪᠦᠬᠡ ᠶᠢᠨ ᠨᠡᠶᠢᠬᠡᠮᠯᠢᠭ ᠠᠴᠠ ᠳᠡᠬᠦᠨ ᠳᠤ ᠬᠠᠷᠴᠠᠭᠠᠢ ᠴᠤᠯᠠ | ᠤᠯᠭᠤᠭᠰᠠᠨ ᠪᠠᠶᠢᠳᠠᠭ᠃ ᠡᠶᠢᠮᠦ ᠨᠢᠬᠡ ᠲᠠᠮᠢᠷ ᠤᠨ ᠳᠠᠪᠴᠠᠩ ᠳᠤ ᠦᠯᠢᠭᠡᠷ ᠳᠡᠤᠬᠡ ᠲᠠᠢ ᠬᠦᠮᠤᠨ ᠶᠠᠭᠠᠬᠢᠭᠠᠳ | ᠮᠤᠳᠤ ᠳᠠᠷᠢᠭᠰᠠᠨ ᠪᠤᠢ ᠬᠡᠬᠦ ᠰᠤᠨᠢᠭᠤᠭᠠᠴᠢ ᠰᠡᠳᠬᠢᠯ ᠢ ᠡᠪᠦᠷᠯᠡᠨ ᠨᠠᠷᠠ ᠲᠤᠨᠤᠷᠠᠭᠰᠠ ᠨᠠᠯᠠᠭᠠᠷ ᠰᠠᠶᠢᠬᠠᠨ ᠡᠳᠦᠷ | ᠪᠢᠳᠠ ᠮᠤᠳᠤ ᠲᠠᠷᠢᠵᠤ ᠨᠤᠳᠤᠭ ᠢᠶᠠᠨ ᠨᠤᠭᠤᠭᠠᠷᠠᠭᠤᠯᠤᠭᠰᠠᠨ ᠵᠢᠪᠬᠤᠯᠠᠩ ᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠰᠢᠨᠡᠬᠡᠨ ᠪᠠᠷᠠᠭᠤᠨ | ᠰᠤᠮᠤᠨ ᠤ ᠰᠢᠪᠡᠭᠡ ᠭᠠᠴᠠᠭᠠ ᠵᠦᠭ ᠳᠠᠪᠬᠢᠯᠠ᠃ | | | | | | | ᠪᠢᠳᠠ ᠵᠢᠪᠬᠤᠯᠠᠩ ᠤᠨ ᠡᠪᠦᠯᠵᠢᠶᠠ ᠳᠤ ᠬᠦᠷᠬᠦ ᠳᠤ ᠵᠢᠪᠬᠤᠯᠠᠩ ᠶᠠᠭ ᠰᠠᠶᠢᠬᠠᠨ ᠲᠡᠷᠭᠡᠨ ᠬᠦᠮᠦᠷᠭᠡ ᠪᠠᠷᠢᠵᠦ | ᠪᠠᠶᠢᠭᠠ ᠬᠦᠮᠤᠰ ᠲᠠᠢ ᠪᠠᠷᠢᠯᠭᠠ ᠶᠢᠨ ᠠᠵᠢᠯ ᠤᠨ ᠳᠤᠬᠠᠢ ᠶᠠᠷᠢᠯᠴᠠᠵᠤ ᠪᠠᠶᠢᠪᠠ᠃ ᠵᠢᠪᠬᠤᠯᠠᠩ ᠢ ᠬᠠᠷᠠᠬᠤ ᠳᠤ ᠴᠢᠷᠠᠢ | ᠲᠦᠷᠪᠡᠯᠵᠢᠨ᠂ ᠬᠦᠮᠦᠰᠬᠡ ᠦᠳᠭᠡᠨ᠂ ᠨᠢᠳᠦᠨ ᠳᠤ ᠪᠠᠨ ᠬᠡᠷᠡᠯᠳᠡᠢ᠂ ᠪᠡᠶᠡ ᠪᠠᠷ ᠬᠦᠳᠡᠷᠯᠢᠭ᠂ ᠠᠯᠬᠤᠵᠤ | ᠬᠢᠰᠬᠡᠬᠦ ᠨᠢ ᠬᠦᠩᠬᠡᠨ᠂ ᠬᠡᠯᠡᠵᠦ ᠪᠠᠷᠢᠬᠤ ᠨᠢ ᠳᠤᠳᠤ ᠴᠢᠩᠭᠠ᠂ ᠶᠡᠷᠤ ᠨᠢ ᠳᠠᠪᠢ ᠭᠠᠷᠤᠭᠰᠠᠨ ᠬᠦᠮᠤᠨ ᠤ ᠰᠢᠨᠵᠢ | ᠤᠭᠳᠤ ᠬᠠᠷᠠᠭᠳᠠᠬᠤ ᠦᠬᠡᠢ ᠪᠠᠶᠢᠯᠠ᠃ ᠪᠢᠳᠠ ᠮᠤᠳᠤ ᠳᠠᠷᠢᠭᠰᠠᠨ ᠳᠤᠬᠠᠢ ᠰᠤᠷᠪᠤᠯᠵᠢᠯᠭᠠ ᠠᠪᠬᠤ ᠰᠠᠨᠠᠭᠠ ᠪᠠᠨ | ᠶᠠᠷᠢᠪᠠᠯ ᠲᠡᠷᠡ ᠪᠠᠶᠠᠷ ᠲᠠᠢ ᠬᠦᠯᠢᠶᠡᠨ ᠠᠪᠴᠤ ᠭᠠᠷ ᠲᠤ ᠬᠢ ᠠᠵᠢᠯ ᠢᠶᠠᠨ ᠪᠠᠷᠠᠭᠠᠭᠠᠳ ᠮᠤᠳᠤ ᠳᠠᠷᠢᠭᠰᠠᠨ | ᠭᠠᠵᠠᠷ ᠲᠤ ᠪᠠᠨ ᠤᠴᠢᠶᠠ ᠬᠡᠯᠡ᠃ ᠬᠡᠳᠦ᠋ᠢᠪᠡᠷ ᠡᠳᠦᠬᠡ ᠮᠠᠯ ᠪᠠᠨ ᠪᠦᠷ ᠬᠦᠳᠡᠭᠡ ᠭᠠᠷᠭᠠᠭᠰᠠᠨ ᠪᠤᠯᠪᠠᠴᠤ ᠬᠤᠷᠤᠭᠠ | ᠬᠠᠰᠢᠶᠠ ᠪᠠᠨ ᠴᠡᠪᠡᠷᠯᠡᠬᠦ᠂ ᠠᠳᠤᠭᠤ ᠮᠠᠯ ᠢᠶᠠᠨ ᠤᠰᠤᠯᠠᠬᠤ ᠮᠡᠳᠦ ᠶᠢᠨ ᠤᠯᠠᠨ ᠠᠵᠢᠯ ᠲᠠᠢ ᠪᠤᠯᠬᠤᠷ ᠵᠢᠪᠬᠤᠯᠠᠩ | ᠶᠡᠭᠡ ᠶᠠᠭᠠᠷᠠᠤ ᠪᠠᠶᠢᠯᠠ᠃ ᠪᠢᠳᠠ ᠴᠤ ᠬᠦᠮᠦᠨ ᠤ ᠠᠵᠢᠯ ᠳᠤ ᠪᠤᠤ ᠰᠠᠭᠠᠳ ᠪᠤᠯᠤᠶᠠ ᠬᠡᠳ ᠵᠢᠪᠬᠤᠯᠠᠩ ᠢ ᠳᠠᠭᠠᠵᠤ | ᠨᠢᠬᠡ ᠲᠠᠯᠠ ᠪᠠᠷ ᠰᠤᠷᠪᠤᠯᠵᠢᠯᠭᠠ ᠪᠠᠨ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶᠢᠯᠠ᠃ ᠵᠢᠪᠬᠤᠯᠠᠩ ᠤᠨ ᠬᠢ 100 ᠭᠠᠷᠤᠢ ᠠᠳᠤᠭᠤ᠂ | 400 ᠭᠠᠷᠤᠢ ᠬᠤᠨᠢ᠂ ᠠᠷᠪᠠ ᠭᠠᠷᠤᠢ ᠦᠭᠡᠷ ᠲᠠᠢ᠃ ᠬᠤᠨᠢ ᠨᠢ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠶᠢᠨ ᠪᠡᠯᠴᠢᠭᠡᠷ ᠲᠤ | ᠭᠠᠷᠴᠤ᠂ ᠡᠳᠦᠬᠡ ᠡᠪᠦᠯᠵᠢᠶᠠ ᠳᠤ ᠪᠠᠨ ᠠᠷᠪᠠᠨ ᠭᠡᠳᠦ ᠦᠭᠡᠷ ᠢᠶᠠᠨ ᠬᠠᠷᠠᠵᠤ ᠪᠠᠶᠢᠨᠠ᠃ ᠬᠠᠪᠤᠷᠵᠢᠶᠠ | ᠨᠠᠮᠤᠷᠵᠢᠶᠠ ᠶᠢᠨ ᠬᠢᠨᠢ ᠪᠡᠯᠴᠢᠭᠡᠷ ᠵᠦᠭᠡᠷ ᠪᠤᠯᠬᠤᠷ ᠠᠳᠤᠭᠤ ᠨᠢ ᠴᠤ ᠲᠡᠷᠡ ᠬᠠᠪᠢ ᠪᠠᠷ ᠪᠠᠶᠢᠵᠤ᠂ ᠵᠢᠪᠬᠤᠯᠠᠩ ᠡᠳᠦᠷ | ᠪᠦᠷᠢ ᠠᠳᠤᠭᠤ ᠪᠠᠨ ᠤᠴᠢᠵᠦ ᠤᠰᠤᠯᠠᠳᠠᠭ ᠪᠠᠶᠢᠯᠠ᠃ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠨᠢ ᠡᠪᠦᠯᠵᠢᠶᠠ ᠠᠴᠠ ᠪᠠᠨ ᠲᠠᠪᠢᠨ | ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠵᠢᠪᠬᠤᠯᠠᠩ ᠡᠳᠦᠷ ᠪᠦᠷᠢ ᠨᠠᠭᠠᠰᠢ ᠴᠠᠭᠠᠰᠢ ᠵᠠᠭᠤᠨ ᠭᠠᠵᠠᠷ ᠲᠠᠪᠬᠢᠵᠤ | ᠠᠵᠢᠯ ᠢᠶᠠᠨ ᠬᠢᠳᠡᠭ ᠪᠠᠶᠢᠯᠠ᠃ ︽ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠶᠠᠭᠤ ᠪᠤᠳᠤᠭᠠᠳ ᠮᠤᠳᠤ ᠳᠠᠷᠢᠬᠤ ᠶᠢ ᠰᠠᠨᠠᠪᠠ︖︾ | ᠬᠡᠵᠦ ᠠᠵᠢᠯ ᠬᠢᠵᠦ ᠪᠠᠶᠢᠭᠠ ᠵᠢᠪᠬᠤᠯᠠᠩ ᠠᠴᠠ ᠠᠰᠠᠭᠤᠪᠠᠯ ᠲᠡᠷᠡ᠄ ︽ᠮᠠᠨ ᠤ ᠠᠳᠡ ᠵᠢᠯ ᠪᠦᠷᠢ ᠶᠢᠨ ᠬᠠᠪᠤᠷ | ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠰᠠᠯᠬᠢ ᠰᠢᠭᠤᠷᠭᠠ ᠶᠡᠭᠡ ᠳᠤᠯᠠ ᠮᠠᠯ ᠳᠤ ᠪᠠᠨ ᠨᠦᠮᠦᠷᠢ ᠭᠠᠷᠭᠠᠬᠤ ᠶᠢᠨ ᠲᠦᠯᠦᠬᠡ᠂ ᠮᠦᠨ | ᠴᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠤ ᠪᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠤᠷᠴᠢᠨ ᠢ ᠪᠤᠢ ᠪᠤᠯᠭᠠᠵᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ | ᠬᠠᠮᠠᠭᠠᠯᠠᠵᠤ᠂ ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠶᠠᠭᠤ ᠨᠢᠬᠡ ᠶᠢ ᠦᠯᠡᠳᠡᠭᠡᠶᠡ ᠭᠡᠰᠡᠨ ᠵᠤᠷᠢᠯᠭᠠ ᠠᠴᠠ ᠶᠤᠮ︾ ᠭᠡᠪᠡ᠃ | | | | | | | | | ᠵᠢᠪᠬᠤᠯᠠᠩ 2014 ᠤᠨ ᠳᠤ ᠡᠸᠡᠩᠬᠢ ᠬᠤᠰᠢᠭᠤᠨ ᠤ ᠤᠢ ᠰᠢᠭᠤᠢ ᠶᠢᠨ ᠳᠤᠪᠴᠢᠶᠠ ᠲᠠᠢ ᠬᠡᠷᠡ | ᠳᠤᠭᠳᠠᠵᠤ᠂ 500 ᠮᠤ᠋ ᠭᠠᠵᠠᠷ ᠲᠤ 3 ᠲᠦᠮᠡ ᠭᠠᠷᠤᠢ ᠰᠠᠭᠤᠷᠢ ᠮᠤᠳᠤ ᠲᠠᠷᠢᠭᠰᠠᠨ ᠪᠠᠶᠢᠯᠠ᠃ ᠬᠡᠷᠡ ᠳᠤ ᠤᠢ | ᠰᠢᠭᠤᠢ ᠶᠢᠨ ᠳᠤᠪᠴᠢᠶᠠ ᠠᠴᠠ 3 ᠲᠦᠮᠡ ᠭᠠᠷᠦᠢ 20 ᠰᠡᠨᠲ᠋ᠢᠮᠧᠳ᠋ᠷ ᠬᠢᠷᠢ ᠶᠢᠨ ᠨᠢᠯᠬᠠ ᠨᠠᠷᠠᠰᠤ ᠶᠢ ᠵᠦᠪᠬᠡᠨ | ᠳᠠᠷᠢᠵᠤ ᠦᠭᠬᠦ ᠠᠴᠠ ᠪᠢᠰᠢ ᠬᠤᠵᠢᠮ ᠤᠨ ᠠᠷᠠᠴᠢᠯᠠᠬᠤ ᠠᠵᠢᠯ ᠢ ᠬᠠᠮᠢᠶᠠᠷᠠᠬᠤ ᠦᠬᠡᠢ ᠭᠡᠰᠡᠨ ᠪᠠᠶᠢᠵᠠᠢ᠃ | ᠡᠶᠢᠮᠤ ᠶᠢᠨ ᠳᠤᠯᠠ ᠡᠳᠡᠬᠡᠷ ᠵᠤᠯᠵᠠᠭᠠᠨ ᠨᠠᠷᠠᠰᠤ ᠶᠢ ᠠᠷᠠᠴᠢᠯᠠᠵᠤ ᠬᠠᠮᠠᠭᠠᠯᠠᠬᠤ ᠨᠢ ᠬᠠᠷᠢᠨ ᠳᠤᠮᠤ ᠠᠵᠢᠯ ᠪᠠᠶᠢᠯᠠ᠃ | ᠬᠠᠷᠠᠭᠠ ᠠᠯᠳᠠᠮᠠ ᠬᠡᠳᠦᠨ ᠲᠦᠮᠡᠨ ᠨᠢᠯᠬᠠ ᠨᠠᠷᠠᠰᠤ ᠨᠢ ᠦᠯᠦᠭᠡᠢ ᠲᠠᠢ ᠬᠡᠤᠬᠡᠳ ᠰᠢᠭ ᠬᠠᠯᠠᠭᠤᠬᠠᠨ ᠬᠠᠷᠠᠭᠲᠠᠵᠤ᠂ | ᠮᠤᠩᠭᠤᠯ ᠬᠦᠮᠤᠨ ᠤ ᠴᠠᠶᠢᠯᠭᠠᠨ ᠰᠠᠨᠠᠭᠠ ᠡᠷᠡ ᠬᠦᠮᠤᠨ ᠤ ᠬᠠᠳᠠᠭᠤ ᠵᠤᠷᠢᠭ ᠢ ᠬᠦᠪᠴᠢᠯᠡᠵᠦ᠂ ᠡᠳᠡᠭᠡᠷ ᠨᠠᠷᠠᠰᠤ ᠪᠠᠨ | ᠶᠠᠭᠠᠬᠢᠭᠰᠠᠨ ᠴᠦ ᠪᠦᠷ ᠡᠳᠡᠭᠡᠷᠡᠵᠦ ᠠᠪᠤᠶᠠ ᠬᠡᠵᠦ ᠰᠢᠭᠤᠳᠤᠭᠰᠠᠨ ᠭᠡᠳᠡᠭ᠃ ︽ᠡᠷᠡ ᠬᠦᠮᠤᠨ ᠰᠠᠨᠠᠭᠰᠠᠨ ᠳᠤ ᠪᠠᠨ᠂ | ᠡᠮᠡᠭᠡᠯᠳᠦ ᠮᠤᠷᠢ ᠵᠤᠷᠢᠭᠰᠠᠨ ᠳᠤ ᠪᠠᠨ︾ ᠭᠡᠳᠡᠭ ᠢᠶᠠᠷ ᠵᠢᠪᠬᠤᠯᠠᠩ ᠨᠢᠯᠬᠠ ᠨᠠᠷᠠᠰᠤ ᠪᠠᠨ ᠠᠷᠠᠴᠢᠯᠠᠬᠤ ᠬᠠᠳᠠᠭᠤ | ᠪᠡᠷᠭᠡ ᠠᠵᠢᠯ ᠢᠶᠠᠨ ᠡᠶᠢᠨ ᠬᠦ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶᠢᠯᠠ᠃ ᠶᠠᠭᠤᠨ ᠤ ᠡᠮᠦᠨᠡ ᠰᠢᠢᠳᠪᠦᠷᠢᠯᠡᠬᠦ ᠠᠵᠢᠯ ᠪᠤᠯ ᠮᠤᠳᠤ | ᠤᠰᠤᠯᠠᠬᠤ ᠠᠵᠢᠯ ᠪᠤᠯᠤᠨᠠ᠃ ᠨᠠᠷᠠᠰᠤ ᠦᠨᠳᠤᠰᠤ ᠪᠠᠨ ᠬᠠᠳᠬᠤᠵᠤ ᠳᠡᠶᠢᠯᠪᠡᠯ ᠰᠠᠶ᠋ᠢ ᠡᠳᠡᠭᠡᠷᠡᠬᠦ ᠳᠤᠯᠠ ᠨᠢᠯᠬᠠ | ᠨᠠᠷᠠᠰᠤ ᠳᠤ ᠤᠰᠤ ᠬᠠᠩᠭᠠᠬᠤ ᠨᠢ ᠬᠠᠮᠤᠭ ᠤᠨ ᠴᠢᠬᠤᠯᠠ ᠠᠵᠢᠯ ᠪᠠᠶᠢᠯᠠ᠃ ᠬᠡᠳᠡᠯᠡ ᠬᠡᠳᠦᠨ ᠵᠢᠯ ᠳᠠᠷᠠᠭᠠᠯᠠᠨ | ᠭᠠᠩ ᠲᠠᠢ᠂ ᠪᠡᠯᠴᠢᠭᠡᠷ ᠪᠠᠰᠠ ᠮᠠᠭᠤ ᠪᠠᠶᠢᠭᠰᠠᠨ ᠳᠤᠯᠠ ᠨᠢᠯᠬᠠ ᠨᠠᠷᠠᠰᠤ ᠶᠢ ᠵᠦᠪᠬᠡᠨ ᠬᠦᠮᠤᠨ ᠤ ᠬᠦᠴᠦ ᠪᠠᠷ | ᠤᠰᠤᠯᠠᠬᠤ ᠯᠠ ᠬᠡᠷᠡᠭ ᠪᠠᠶᠢᠯᠠ᠃ ᠡᠳᠦᠷ ᠲᠤ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠶᠠᠪᠤᠵᠤ ᠭᠤᠷᠪᠠᠨ ᠲᠦᠮᠡ ᠭᠠᠷᠤᠢ ᠰᠠᠭᠤᠷᠢ | ᠨᠠᠷᠠᠰᠤ ᠤᠰᠤᠯᠠᠬᠤ ᠭᠡᠳᠡᠭ ᠨᠢ ᠠᠮᠠᠷ ᠠᠵᠢᠯ ᠪᠢᠰᠢ ᠳ᠋ᠠ᠃ ᠵᠢᠪᠬᠤᠯᠠᠩ ᠪᠦᠰᠡᠬᠦᠢ ᠰᠤᠪᠤᠳ ᠲᠠᠢ ᠪᠠᠨ | ᠬᠤᠶᠠᠭᠤᠯᠠ ᠪᠠᠨ ᠪᠤᠷᠪᠢ ᠨᠤᠭᠤᠷᠠᠯ ᠦᠬᠡᠢ ᠠᠵᠢᠯᠯᠠᠭᠠᠳ ᠨᠢᠬᠡ ᠡᠳᠦᠷ ᠮᠢᠩᠭᠠ ᠭᠠᠷᠤᠢ ᠰᠠᠭᠤᠷᠢ ᠮᠤᠳᠤ | ᠤᠰᠤᠯᠠᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠶᠠᠩᠵᠤ ᠪᠠᠷ ᠦᠷᠬᠦᠯᠵᠢᠯᠡᠬᠦ ᠶᠤᠮ ᠪᠤᠯ ᠨᠢᠬᠡ ᠪᠦᠯᠦᠭ ᠨᠠᠷᠠᠰᠤ ᠶᠢ ᠤᠰᠤᠯᠠᠵᠤ | ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠨᠦᠬᠦᠬᠡ ᠪᠦᠯᠦᠭ ᠨᠢ ᠳᠠᠬᠢᠨ ᠬᠠᠳᠠᠵᠤ᠂ ᠶᠠᠭ ᠵᠠᠪᠳᠤᠬᠤ ᠦᠬᠡᠢ ᠪᠤᠯᠤᠭᠰᠠᠨ ᠳᠤᠯᠠ | ᠵᠢᠪᠬᠤᠯᠠᠩ ᠲᠦᠷᠪᠡᠨ ᠬᠦᠮᠤᠨ ᠢ ᠡᠳᠦᠷ ᠲᠤ ᠨᠢᠬᠡ ᠬᠦᠮᠤᠨ ᠢ 150 ᠲᠦᠭᠦᠷᠢᠭ ᠢᠶᠠᠷ ᠬᠦᠯᠦᠰᠦᠯᠡᠵᠦ ᠨᠠᠷᠠᠰᠤ ᠪᠠᠨ | ᠤᠰᠤᠯᠠᠭᠰᠠᠨ ᠪᠠᠶᠢᠪᠠ᠃ 2014 ᠤᠨ ᠠᠴᠠ 2016 ᠤᠨ ᠪᠤᠯᠳᠠᠯᠠ 3 ᠵᠢᠯ ᠳᠠᠷᠠᠭᠠᠯᠠᠨ ᠨᠠᠷᠠᠰᠤ ᠪᠠᠨ | ᠤᠰᠤᠯᠠᠭᠰᠠᠨ ᠠᠴᠠ ᠡᠳᠦᠬᠡ ᠭᠤᠷᠪᠠᠨ ᠲᠦᠮᠡ ᠭᠠᠷᠤᠢ ᠨᠠᠷᠠᠰᠤᠨ ᠮᠤᠳᠤᠨ ᠤ ᠵᠠᠭᠤᠨ ᠤ ᠨᠠᠶᠠ ᠨᠢ ᠡᠳᠡᠭᠡᠷᠡᠵᠦ᠂ | ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ 20 ᠰᠡᠨᠲ᠋ᠢᠮᠧᠳ᠋ᠷ ᠤᠨ ᠨᠢᠯᠬᠠ ᠨᠠᠷᠠᠰᠤ ᠨᠢ ᠡᠳᠦᠬᠡ 2 ᠠᠴᠠ 3 ᠮᠧᠳ᠋ᠷ ᠤᠨ ᠦᠨᠳᠤᠷ | ᠨᠠᠷᠠᠰᠤ ᠪᠤᠯᠵᠤ᠂ ᠵᠢᠭᠳᠡᠷᠡᠨ ᠨᠤᠭᠤᠭᠠᠷᠠᠬᠤ ᠨᠠᠷᠠᠰᠤᠨ ᠤᠢ ᠨᠢ ᠨᠤᠳᠤᠭ ᠤᠨ ᠴᠢᠮᠡᠭ ᠪᠤᠯᠤᠨ ᠳᠤᠩ ᠰᠠᠶᠢᠬᠠᠨ | ᠬᠠᠷᠠᠭᠳᠠᠨᠠ᠃ ᠵᠢᠪᠬᠤᠯᠠᠩ ᠪᠢᠳᠠᠨ ᠢ ᠳᠠᠭᠠᠭᠭᠤᠯᠤᠨ ᠨᠠᠷᠠᠰᠤᠨ ᠳᠤᠮᠳᠠ ᠶᠠᠪᠤᠬᠤ ᠳᠠᠭᠠᠨ ᠨᠠᠷᠠᠰᠤ ᠪᠠᠨ ᠬᠠᠷᠠᠨ | ᠬᠠᠷᠠᠨ ᠤᠮᠤᠭᠰᠢᠵᠤ᠂ ᠪᠠᠶᠢᠨ ᠪᠠᠶᠢᠨ ᠡᠨᠡ ᠲᠡᠷᠡ ᠶᠢ ᠨᠢ ᠵᠠᠰᠠᠨ᠂ ᠬᠠᠶᠠ ᠪᠦᠬᠦ᠋ᠢᠨ ᠰᠠᠯᠬᠢᠨ ᠳᠤ ᠬᠡᠶᠢᠰᠴᠦ | ᠢᠷᠡᠭᠰᠡᠨ ᠬᠤᠭ ᠨᠤᠪᠰᠢ ᠶᠢ ᠴᠡᠪᠡᠷᠯᠡᠨ ᠶᠠᠪᠤᠬᠤ ᠨᠢ ᠠᠪᠤ ᠬᠦᠮᠤᠨ ᠤ ᠡᠨᠡᠷᠢᠩᠬᠦᠢ ᠪᠠᠶᠢᠳᠠᠯ ᠢᠯᠡᠷᠭᠡᠢ ᠬᠠᠷᠠᠭᠳᠠᠬᠤ | ᠶᠤᠮ᠃ ᠨᠠᠷᠠᠰᠤᠨ ᠤ ᠳᠤᠮᠳᠠ ᠨᠡᠭᠡᠷᠡᠨ ᠨᠦᠮᠦᠷᠢ ᠲᠠᠢ᠂ ᠬᠦᠷᠦᠰᠦ ᠨᠢ ᠴᠢᠬᠢᠭ ᠲᠠᠢ᠂ ᠤᠷᠴᠢᠨ ᠳᠤᠭᠤᠷᠢᠨ ᠤ | ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠤᠷᠭᠤᠴᠠ ᠨᠢ ᠴᠦ ᠰᠠᠶᠢᠨ ᠪᠠᠶᠢᠵᠤ᠂ ᠠᠷᠭᠠᠯ ᠬᠤᠮᠤᠯ ᠠᠳᠠ ᠳᠡᠨᠳᠠ ᠬᠠᠷᠠᠭᠳᠠᠬᠤ ᠪᠠᠷ | ᠦᠵᠡᠪᠡᠯ ᠠᠳᠤᠭᠤ ᠮᠠᠯ ᠨᠠᠷᠠᠰᠤᠨ ᠳᠤᠮᠳᠠ ᠢᠷᠡᠵᠦ ᠨᠦᠮᠦᠷᠳᠡᠳᠡᠭ ᠶᠤᠮ ᠪᠠᠶᠢᠨᠠ᠃ ᠨᠠᠷᠠᠰᠦ ᠤᠰᠤᠯᠠᠬᠤ | ᠶᠠᠪᠤᠳᠠᠯ ᠢ ᠶᠠᠷᠢᠬᠤ ᠳᠤ ᠵᠢᠪᠬᠤᠯᠠᠩ ᠤᠨ ᠬᠤᠳᠳᠤᠭ ᠮᠠᠯᠳᠠᠭᠰᠠᠨ ᠦᠯᠢᠭᠡᠷ ᠢ ᠪᠠᠰᠠ ᠳᠤᠭᠠᠴᠢᠬᠤ ᠶᠤᠰᠤᠳᠠᠢ᠃ | | | | | | | | | ᠵᠢᠪᠬᠤᠯᠠᠩ ᠤᠨ ᠬᠠᠪᠤᠷᠵᠢᠶᠠ ᠨᠠᠮᠤᠷᠵᠢᠶᠠ ᠶᠢᠨ ᠤᠷᠴᠢᠮ ᠬᠤᠳᠳᠤᠭ ᠦᠬᠡᠢ ᠤᠴᠢᠷ ᠬᠦᠮᠤᠨ ᠮᠠᠯ ᠤᠨ ᠤᠰᠤ | ᠤᠤᠭᠤᠬᠤ ᠨᠢ ᠶᠡᠭᠡ ᠠᠰᠠᠭᠤᠳᠠᠯ ᠪᠤᠯᠵᠤ ᠪᠠᠶᠢᠪᠠ᠃ ᠵᠢᠪᠬᠤᠯᠠᠩ ᠬᠤᠳᠳᠤᠭ ᠮᠠᠯᠳᠠᠬᠤ ᠶᠢᠨ ᠲᠦᠯᠦᠬᠡ 2007 | ᠤᠨ ᠠᠴᠠ ᠡᠬᠢᠯᠡᠵᠦ ᠳᠠᠪᠤᠨ ᠵᠢᠯ ᠤᠨ ᠬᠤᠭᠤᠴᠠᠭᠠ ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠭᠠᠳ 2012 ᠤᠨ ᠳᠤ ᠰᠠᠶ᠋ᠢ | ᠦᠨᠦᠳᠦᠷ ᠤᠨ 150 ᠮᠧᠳ᠋ᠷ ᠤᠨ ᠬᠦᠨ ᠬᠠᠳᠠᠨ ᠬᠤᠳᠳᠤᠭ ᠢ ᠮᠠᠯᠳᠠᠭᠰᠠᠨ ᠪᠠᠶᠢᠪᠠ᠃ ︽ᠪᠢ ᠲᠡᠷᠡ ᠦᠶᠡ ᠳᠤ | ᠵᠢᠯ ᠵᠢᠯ ᠬᠤᠳᠳᠤᠭ ᠮᠠᠯᠳᠠᠨᠠ᠂ ᠨᠢᠬᠡ ᠮᠠᠯᠳᠠᠪᠠᠯ ᠬᠤᠶᠠᠷ ᠭᠤᠷᠪᠠᠨ ᠲᠦᠮᠡᠨ ᠲᠦᠭᠦᠷᠢᠭ ᠤᠷᠤᠨᠠ᠃ ᠡᠨᠡ | ᠬᠤᠳᠳᠤᠭ ᠪᠤᠯ ᠳᠤᠯᠤᠳᠤᠭᠠᠷ ᠬᠤᠳᠳᠤᠭ ᠪᠤᠯᠤᠨᠠ᠃ ᠬᠤᠳᠳᠤᠭ ᠮᠠᠯᠳᠠᠭᠠᠳ ᠪᠢ ᠪᠠᠰᠠ ᠠᠷᠪᠠᠨ ᠬᠡᠳᠦᠨ | ᠲᠦᠮᠡᠨ ᠲᠦᠬᠦᠷᠢᠭ ᠵᠠᠷᠤᠭᠰᠠᠨ ᠰᠢᠤ︕ ᠮᠠᠨ ᠤ ᠠᠳᠠ 40 ᠮᠧᠳ᠋ᠷ ᠠᠴᠠ ᠳᠤᠷᠤᠭᠰᠢ ᠪᠤᠯᠪᠠᠯ ᠪᠦᠷ ᠴᠢᠯᠠᠭᠤ᠂ | ᠲᠡᠷᠡ ᠦᠶᠡ ᠳᠤ ᠪᠠᠭᠠᠵᠢ ᠰᠠᠶᠢᠨ ᠪᠢᠰᠢ ᠪᠤᠯᠬᠤᠷ ᠬᠤᠳᠳᠤᠭ ᠮᠠᠯᠳᠠᠬᠤ ᠳᠤ ᠶᠡᠭᠡ ᠬᠦᠴᠢᠷᠳᠡᠵᠦ ᠪᠠᠶᠢᠵᠠᠢ᠃ | ᠰᠡᠬᠦᠯᠡᠷ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠤᠰᠤᠨ ᠤ ᠶᠠᠪᠤᠳᠠᠯ ᠤᠨ ᠳᠤᠪᠴᠢᠶᠠᠨ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠰᠠᠷᠠᠨᠪᠠᠳᠤ | ᠳᠤᠰᠬᠠᠶᠢᠯᠠᠨ ᠰᠢᠨᠡ ᠤᠷᠤᠭᠤᠯᠤᠭᠰᠠᠨ ᠴᠢᠯᠠᠭᠤ ᠦᠷᠦᠮᠳᠡᠳᠡᠭ ᠮᠠᠰᠢᠨ ᠢᠶᠠᠷ ᠰᠠᠶ᠋ᠢ ᠡᠨᠡ ᠬᠤᠳᠳᠤᠭ ᠢ ᠮᠠᠯᠲᠠᠵᠤ | ᠤᠰᠤ ᠭᠠᠷᠭᠠᠭᠰᠠᠨ ᠶᠤᠮ᠃ ︿ᠤᠰᠤ ᠶᠢ ᠨᠢ ᠤᠤᠭᠤᠪᠠᠯ ᠡᠬᠢ ᠶᠢ ᠨᠢ ᠪᠤᠤ ᠮᠠᠷᠳᠠ﹀ ᠭᠡᠳᠡᠭ ᠢᠶᠠᠷ ᠪᠢ | ᠬᠡᠵᠢᠶᠡᠳᠡ ᠪᠠᠨ ᠰᠠᠷᠠᠨᠪᠠᠳᠤ ᠳᠠᠷᠤᠭᠠ ᠳᠤ ᠪᠠᠶᠠᠷᠯᠠᠵᠤ ᠶᠠᠪᠤᠳᠠᠭ ᠶᠤᠮ︾ ᠬᠡᠵᠦ ᠵᠢᠪᠬᠤᠯᠠᠩ ᠬᠤᠳᠳᠤᠭ ᠤᠨ | ᠤᠰᠤ ᠪᠠᠨ ᠬᠠᠷᠠᠨ ᠰᠡᠳᠬᠢᠯ ᠳᠤᠭᠳᠤᠯᠤᠨ ᠶᠠᠷᠢᠪᠠ᠃ ᠡᠳᠦᠬᠡ ᠳᠤᠰ ᠬᠤᠳᠳᠤᠭ ᠨᠢ ᠡᠨᠡ ᠤᠷᠴᠢᠮ ᠤᠨ ᠬᠦᠮᠤᠨ | ᠮᠠᠯ ᠤᠨ ᠤᠤᠭᠤᠬᠤ ᠤᠰᠤ ᠶᠢ ᠬᠠᠩᠭᠠᠵᠤ ᠪᠠᠶᠢᠬᠤ ᠮᠦᠷᠳᠡᠬᠡᠨ ᠶᠠᠮᠠᠷ ᠴᠦ ᠦᠨᠡ ᠲᠦᠯᠦᠪᠦᠷᠢ ᠠᠪᠳᠠᠭ ᠦᠬᠡᠢ | ᠪᠠᠶᠢᠯᠠ᠃ ᠵᠢᠪᠬᠤᠯᠠᠩ ᠰᠦᠷᠦᠭ ᠠᠳᠤᠭᠤ ᠪᠠᠨ ᠬᠤᠳᠳᠤᠭ ᠤᠷᠤᠭᠤ ᠳᠠᠭᠤᠭᠠᠳ ᠢᠷᠡᠬᠦ ᠨᠢ ᠶᠠᠭ ᠯᠠ ᠳᠠᠭᠤᠨ ᠳᠤ | ᠳᠠᠭᠤᠯᠠᠳᠠᠭ ᠰᠢᠭ᠋᠄ ᠴᠤᠯᠪᠤᠭᠤᠷ ᠴᠢᠳᠤᠷ ᠲᠤ ᠨᠤᠮᠤᠬᠠᠷᠠᠭᠠ ᠦᠬᠡᠢ᠂ ᠴᠤᠪᠤᠭᠤ ᠬᠡᠶᠢᠮᠦᠷᠢᠳᠡᠢ ᠮᠤᠩᠭᠤᠯ ᠠᠳᠤᠭᠤ᠂ | ᠴᠤᠷᠬᠢᠨ ᠢᠨᠴᠠᠭᠠᠵᠤ ᠴᠦᠢᠯᠠᠨ ᠬᠤᠷᠳᠤᠯᠠᠭᠠᠳ᠂ ᠴᠤᠭᠬᠢᠭᠠᠳ ᠳᠠᠯᠠ ᠪᠠᠷ ᠬᠦᠶᠦᠭᠡᠳ ᠢᠷᠡᠬᠦ ᠮᠡᠳᠦ ᠬᠠᠷᠠᠭᠳᠠᠨᠠ᠃ | | | | | | | | | ᠵᠢᠪᠬᠤᠯᠠᠩ ᠵᠤᠭᠰᠤᠯ ᠦᠬᠡᠢ ᠠᠵᠢᠯ ᠢᠶᠠᠨ ᠬᠢᠵᠦ ᠶᠠᠪᠤᠨᠠ᠃ ᠤᠶᠢᠷᠠ ᠳᠤ ᠪᠠᠰᠠ ᠨᠢᠬᠡ ᠪᠦᠯᠦᠭ ᠵᠢᠵᠢᠭ | ᠨᠠᠷᠠᠰᠤ ᠠᠪᠴᠤ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠨᠢ ᠨᠦᠬᠦᠵᠦ ᠳᠠᠷᠢᠭᠰᠠᠨ ᠳᠤᠯᠠ ᠪᠦᠰᠡᠬᠦᠢ ᠰᠤᠪᠤᠳ ᠲᠠᠢ ᠬᠤᠶᠠᠭᠤᠯᠠ | ᠨᠠᠷᠠᠰᠤ ᠪᠠᠨ ᠤᠰᠤᠯᠠᠵᠤ ᠶᠠᠭᠠᠷᠠᠨᠠ᠃ ᠠᠷᠪᠠᠭᠠᠳ ᠵᠢᠯ ᠮᠤᠳᠤ ᠠᠷᠠᠴᠢᠯᠠᠭᠠᠳ ᠵᠢᠪᠬᠤᠯᠠᠩ ᠨᠠᠷᠠᠰᠤ ᠳᠠᠷᠢᠬᠤ | ᠳᠤᠷᠰᠢᠯᠭᠠ ᠨᠡᠮᠡᠭᠳᠡᠵᠦ ᠪᠢᠳᠠᠨ ᠳᠤ ᠨᠠᠷᠠᠰᠤᠨ ᠤ ᠤᠷᠭᠤᠴᠠ ᠶᠢᠨ ᠳᠤᠬᠠᠢ ᠳᠠᠶᠢᠯᠪᠤᠷᠢ ᠬᠢᠵᠦ ᠶᠠᠪᠤᠨᠠ᠃ ᠲᠡᠷᠡ | ᠪᠢᠳᠠᠨ ᠳᠤ᠄ ︽ᠬᠦᠳᠡᠯᠮᠦᠷᠢ ᠪᠤᠯ ᠬᠦᠮᠤᠨ ᠢ ᠪᠠᠶᠠᠵᠢᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠶᠠᠰᠬᠠᠳᠠᠭ᠃ ᠪᠢ ᠪᠤᠯ ᠠᠵᠢᠯ | ᠬᠢᠬᠦ ᠳᠤᠷᠠ ᠲᠠᠢ᠃ ᠮᠦᠨ ᠴᠦ ᠠᠵᠢᠯ ᠢ ᠰᠠᠶᠢᠨ ᠬᠢᠨᠠ︾ ᠬᠡᠵᠦ ᠢᠨᠢᠶᠡᠨ ᠶᠠᠷᠢᠨᠠ᠃ ᠨᠡᠭᠡᠷᠡᠨ ᠴᠦ ᠠᠵᠢᠯ ᠢ | ᠰᠠᠶᠢᠨ ᠬᠢᠨᠡ᠃ ᠨᠢᠬᠡ ᠡᠳᠦᠷ ᠤᠨ ᠰᠤᠷᠪᠤᠯᠵᠢᠯᠠᠭᠠ ᠠᠪᠬᠤ ᠳᠤᠮᠳᠠ ᠳᠡᠬᠦᠨ ᠤ ᠠᠮᠠᠷᠠᠭᠰᠠᠨ ᠢ ᠶᠡᠷᠦ ᠤᠯᠵᠤ | ᠦᠵᠡᠭᠡ ᠦᠬᠡᠢ᠃ ᠵᠢᠪᠬᠤᠯᠠᠩ ᠪᠤᠯ ᠬᠦᠳᠡᠯᠮᠤᠷᠢ ᠪᠠᠷ ᠬᠦᠷᠦᠩᠭᠡᠵᠢᠵᠦ᠂ ᠬᠦᠯᠦᠰᠦ ᠪᠠᠷ ᠴᠢᠨᠡᠭᠡᠯᠢᠭᠵᠢᠭᠰᠡᠨ ᠪᠤᠳᠠᠳᠤ | ᠵᠢᠱᠢᠶᠡ ᠪᠤᠯᠤᠨᠠ᠃ | | | | | | | ᠠᠵᠢᠯᠴᠢ ᠮᠦᠷᠳᠡᠭᠡᠨ ᠬᠤᠯᠠ ᠶᠢᠨ ᠬᠠᠷᠠᠯᠳᠠ ᠲᠠᠢ ᠵᠢᠪᠬᠤᠯᠠᠩ ᠳᠤ ᠪᠢᠳᠠ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ | ᠪᠢᠰᠢᠷᠡᠵᠦ ᠬᠦᠨᠳᠦᠳᠭᠡᠬᠦ ᠰᠡᠳᠬᠢᠯ ᠲᠦᠷᠦᠭᠳᠡᠵᠦ᠂ ᠭᠡᠰᠢᠭ ᠬᠤᠷᠦ᠋ᠢᠯᠠᠵᠤ ᠬᠡᠶᠢᠮᠦᠷᠢ ᠮᠠᠨᠳᠤᠬᠤ ᠪᠤᠯᠳᠤᠭᠠᠢ ᠭᠡᠳ | ᠨᠢᠬᠡ ᠡᠳᠦᠷ ᠤᠨ ᠰᠤᠷᠪᠤᠯᠵᠢᠯᠠᠭᠠ ᠪᠠᠨ ᠦᠨᠳᠦᠷᠯᠡᠬᠦᠯᠦᠯᠡ᠃ ᠰᠤᠷᠪᠤᠯᠵᠢᠯᠠᠭᠴᠢ ᠪᠢᠴᠢᠨ | |