| 1.ᠵᠦᠯᠭᠡᠲᠦ ᠲᠠᠯᠠ ᠨᠤᠲᠤᠭ᠄ ᠭᠤᠤᠯᠳᠠᠭᠤ ᠰᠦᠩ ᠯᠢᠶᠤᠤ ᠶᠢᠨ ᠲᠠᠯᠠ ᠭᠠᠵᠠᠷ ᠪᠤᠯᠤᠨ ᠦᠪᠦᠷ | ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠵᠡᠬᠦᠨ ᠬᠡᠰᠡᠭ ᠤᠨ ᠵᠠᠬᠠ ᠪᠠᠷ ᠲᠠᠷᠬᠠᠵᠤ ᠪᠠᠶᠢᠨᠠ᠃ ᠲᠦᠷᠦᠯ ᠵᠦᠢᠯ ᠨᠢ ᠡᠯᠪᠡᠭ᠂ | ᠪᠦᠷᠬᠦᠴᠡ ᠶᠢᠨ ᠬᠡᠮᠵᠢᠶᠡ ᠪᠠᠷ ᠶᠡᠭᠡ᠃ ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠨᠡᠯᠢᠶᠠᠳ ᠦᠨᠳᠦᠷ᠂ ᠡᠪᠡᠰᠦᠨ ᠪᠦᠯᠦᠭᠯᠡᠯ | ᠲᠤᠳᠤᠷᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠶᠡᠷᠦ ᠶᠢᠨ ᠴᠢᠭᠢᠭ ᠲᠤ ᠤᠷᠭᠤᠳᠠᠭ ᠡᠯᠳᠡᠪ ᠵᠦᠢᠯ ᠤᠨ ᠡᠪᠡᠰᠦ ᠠᠭᠤᠯᠤᠭᠳᠠᠭᠰᠠᠨ | ᠪᠠᠶᠢᠳᠠᠭ᠃ | 2.ᠨᠡᠶᠢᠲᠡᠯᠢᠭ ᠲᠠᠯᠠ ᠨᠤᠲᠤᠭ᠄ ᠭᠤᠤᠯᠳᠠᠭᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ᠂ ᠵᠡᠬᠦᠨ ᠬᠤᠶᠢᠲᠦ ᠶᠢᠨ | ᠲᠠᠯᠠ ᠭᠠᠵᠠᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠬᠡᠰᠡᠭ᠂ ᠰᠢᠷᠠ ᠬᠦᠷᠦᠰᠦᠲᠦ ᠦᠨᠳᠦᠷᠯᠢᠭ ᠤᠨ ᠲᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭ | ᠬᠢᠭᠡᠳ ᠠᠯᠳᠠᠢ ᠠᠭᠤᠯᠠ᠂ ᠲᠡᠭᠷᠢ ᠠᠭᠤᠯᠠ ᠪᠠ ᠴᠢᠯᠢᠶᠠᠨᠱᠠᠨ ᠠᠭᠤᠯᠠ ᠵᠡᠷᠭᠡ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ | ᠨᠡᠯᠢᠶᠠᠳ ᠦᠨᠳᠦᠷ ᠭᠠᠵᠠᠷ ᠤᠷᠤᠨ ᠳᠤ ᠪᠤᠢ᠃ ᠵᠦᠯᠭᠡᠲᠦ ᠲᠠᠯᠠ ᠨᠤᠲᠤᠭ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠲᠦᠷᠦᠯ | ᠵᠦᠢᠯ ᠢᠶᠠᠷ ᠡᠯᠪᠡᠭ᠂ ᠭᠡᠪᠡᠴᠦ ᠬᠡᠮᠵᠢᠶᠡ ᠨᠢ ᠢᠯᠡᠳᠳᠠ ᠲᠤᠷᠤᠭᠰᠢᠯᠠᠵᠤ᠂ ᠪᠦᠷᠬᠦᠴᠡ ᠨᠢ ᠬᠠᠰᠤᠭᠳᠠᠵᠤ᠂ | ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠨᠢ ᠪᠠᠭᠤᠷᠠᠳᠠᠭ᠃ ᠡᠪᠡᠰᠦᠨ ᠪᠦᠯᠦᠭᠯᠡᠯ ᠲᠤᠳᠤᠷᠠ ᠨᠢ ᠭᠠᠩ ᠢ ᠳᠠᠭᠠᠭᠠᠳᠠᠭ ᠪᠤᠲᠠ | ᠡᠪᠡᠰᠦ ᠪᠠᠶᠢᠷᠢ ᠶᠢ ᠡᠵᠡᠯᠡᠨᠡ᠃ | 3.ᠬᠡᠭᠡᠷᠡ ᠲᠠᠯᠠ ᠨᠤᠲᠤᠭ᠄ ᠭᠤᠤᠯᠳᠠᠭᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠬᠤᠶᠢᠲᠦ ᠬᠡᠰᠡᠭ ᠪᠤᠯᠤᠨ | ᠴᠢᠯᠢᠶᠠᠨᠱᠠᠨ ᠠᠭᠤᠯᠠ᠂ ᠲᠡᠭᠷᠢ ᠠᠭᠤᠯᠠ ᠵᠡᠷᠭᠡ ᠭᠠᠵᠠᠷ ᠲᠤ ᠲᠠᠷᠬᠠᠵᠤ ᠪᠠᠶᠢᠨᠠ᠃ ᠲᠡᠷᠡ ᠨᠢ ᠲᠠᠯᠠ ᠨᠤᠲᠤᠭ ᠤᠨ | ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠲᠤᠳᠤᠷᠠ ᠭᠠᠩ ᠢ ᠳᠠᠭᠠᠭᠠᠵᠤ ᠤᠷᠭᠤᠬᠤ ᠬᠢᠷᠢ ᠬᠡᠮᠵᠢᠶᠡ ᠪᠠᠷ ᠬᠠᠮᠤᠭ ᠤᠨ ᠴᠢᠩᠭᠠ | ᠨᠢᠭᠡ ᠲᠦᠷᠦᠯ ᠪᠤᠯᠤᠨᠠ᠃ ᠲᠦᠷᠦᠯ ᠵᠦᠢᠯ ᠤᠨ ᠡᠯᠪᠡᠭ ᠤᠨ ᠬᠡᠮᠵᠢᠶᠡ᠂ ᠲᠠᠯᠠ ᠨᠤᠲᠤᠭ ᠤᠨ ᠦᠨᠳᠦᠷ ᠤᠨ | ᠬᠡᠮᠵᠢᠶᠡ᠂ ᠪᠦᠯᠦᠭᠯᠡᠭᠰᠡᠨ ᠪᠡᠶᠡ ᠶᠢᠨ ᠪᠦᠷᠬᠦᠴᠡ ᠶᠢᠨ ᠬᠡᠮᠵᠢᠶᠡ ᠪᠠ ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠵᠡᠷᠭᠡ ᠲᠠᠯᠠ ᠪᠠᠷ | ᠪᠦᠷ ᠨᠡᠶᠢᠲᠡᠯᠢᠭ ᠲᠠᠯᠠ ᠨᠤᠲᠤᠭ ᠠᠴᠠ ᠢᠯᠡᠳᠲᠡ ᠲᠤᠤᠷᠠ ᠪᠠᠶᠢᠳᠠᠭ᠃ ᠪᠦᠯᠦᠭᠯᠡᠭᠰᠡᠨ ᠪᠡᠶᠡ ᠶᠢᠨ ᠠᠮᠢ | ᠠᠬᠤᠢ ᠶᠢᠨ ᠪᠦᠲᠦᠴᠡ ᠨᠢ ᠭᠠᠩ ᠢ ᠳᠠᠭᠠᠭᠠᠵᠤ ᠤᠷᠭᠤᠳᠠᠭ ᠵᠢᠵᠢᠭ ᠪᠤᠲᠠ ᠮᠤᠳᠤ ᠶᠡᠭᠡ ᠬᠡᠪᠴᠢᠶᠡ ᠪᠠᠷ ᠤᠷᠭᠤᠳᠠᠭ᠃ | | 4.ᠦᠨᠳᠦᠷᠯᠢᠭ ᠤᠨ ᠬᠦᠢᠲᠡᠷᠬᠡᠭ ᠲᠠᠯᠠ ᠨᠤᠲᠤᠭ᠄ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ ᠨᠡᠯᠢᠶᠠᠳ ᠦᠨᠳᠦᠷ᠂ | ᠠᠭᠤᠷ ᠠᠮᠢᠰᠬᠤᠯ ᠭᠠᠩᠳᠠᠮᠠᠯ ᠬᠦᠢᠲᠡᠨ ᠭᠠᠵᠠᠷ ᠤᠷᠤᠨ ᠳᠤ ᠤᠨᠴᠠᠭᠠᠢ ᠪᠠᠶᠢᠳᠠᠭ ᠲᠠᠯᠠ ᠨᠤᠲᠤᠭ ᠤᠨ ᠨᠢᠭᠡ | ᠲᠦᠷᠦᠯ ᠪᠤᠯᠤᠨᠠ᠃ ᠭᠤᠤᠯᠳᠠᠭᠤ ᠬᠦᠬᠡᠨᠡᠭᠤᠷ ᠲᠦᠪᠡᠳ ᠤᠨ ᠦᠨᠳᠦᠷᠯᠢᠭ᠂ ᠫᠠᠮᠢᠷ ᠤᠨ ᠦᠨᠳᠦᠷᠯᠢᠭ ᠪᠤᠯᠤᠨ | ᠴᠢᠯᠢᠶᠠᠨᠱᠠᠨ ᠠᠭᠤᠯᠠ ᠵᠢᠴᠢ ᠲᠡᠭᠷᠢ ᠠᠭᠤᠯᠠ ᠵᠡᠷᠭᠡ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ ᠨᠡᠯᠢᠶᠠᠳ ᠦᠨᠳᠦᠷ ᠭᠠᠵᠠᠷ | ᠤᠷᠤᠨ ᠳᠤ ᠲᠠᠷᠬᠠᠵᠤ ᠪᠠᠶᠢᠨᠠ᠃ ᠲᠡᠷᠡ ᠨᠢ ᠬᠦᠢᠲᠡᠨ ᠬᠠᠭᠤᠷᠠᠢ ᠳᠤ ᠲᠡᠰᠪᠦᠷᠢᠳᠠᠢ ᠤᠷᠭᠤᠳᠠᠭ ᠤᠯᠠᠨ ᠨᠠᠰᠤᠲᠤ | ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠦᠨᠳᠦᠰᠦᠯᠢᠭ ᠡᠰᠢᠲᠦ ᠬᠦᠪᠲᠦ ᠡᠪᠡᠰᠦ ᠪᠤᠯᠤᠨ ᠪᠤᠳᠠᠷᠭᠠᠨᠠ ᠪᠠᠷ ᠪᠦᠲᠦᠵᠦ ᠪᠦᠯᠦᠭᠯᠡᠵᠦ | ᠲᠦᠷᠦᠯᠵᠢᠬᠦ ᠪᠦᠲᠦᠴᠡ ᠪᠠᠨ ᠪᠤᠯᠭᠠᠳᠠᠭ᠃ ᠡᠬᠦᠨ ᠤ ᠬᠠᠮᠳᠤ ᠬᠦᠷᠦᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨ ᠠᠭᠤᠯᠠ ᠶᠢᠨ | ᠪᠤᠰᠤᠳ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠢᠯᠡᠷᠡᠵᠦ᠂ ᠡᠪᠡᠰᠦᠨ ᠤ ᠪᠦᠯᠦᠭᠯᠡᠯ ᠨᠢ ᠰᠡᠶᠢᠷᠡᠭ᠂ ᠤᠷᠭᠤᠯᠳᠠ ᠨᠢ ᠪᠤᠭᠤᠨᠢ᠂ | ᠪᠦᠷᠬᠦᠴᠡ ᠶᠢᠨ ᠬᠡᠮᠵᠢᠶᠡ ᠨᠢ ᠪᠠᠭᠠ᠂ ᠲᠡᠰ ᠳᠠᠷᠠᠭᠠᠯᠠᠯ ᠪᠦᠲᠦᠴᠡ ᠨᠢ ᠲᠦᠬᠦᠮᠭᠡᠨ᠂ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ | ᠲᠤᠤᠷᠠ ᠪᠠᠶᠢᠳᠠᠭ ᠤᠨᠴᠠᠯᠢᠭ ᠲᠠᠢ᠃ | | ᠴᠢᠯᠠᠭᠤᠨᠪᠠᠭᠠᠲᠤᠷ ᠤᠨ ︽ᠲᠠᠯᠠ ᠨᠤᠲᠤᠭ ᠤᠨ ᠭᠠᠯ ᠲᠦᠢᠮᠡᠷ ᠰᠡᠷᠭᠡᠶᠢᠯᠡᠯᠲᠡ︾ ᠭᠡᠬᠦ ᠨᠤᠮ ᠠᠴᠠ | ᠬᠠᠭᠤᠯᠠᠪᠦᠷᠢᠯᠠᠪᠠ᠃ |