| ᠣᠢ᠂ ᠡᠪᠡᠰᠦ᠂ ᠤᠰᠤ ᠶᠢ ᠤᠶᠠᠯᠳᠣᠭᠤᠯᠣᠭᠰᠠᠨ ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠬᠢᠬᠦ | ᠪᠣᠯ ᠪᠥᠳᠦᠭᠡᠨ ᠪᠠᠶᠢᠭᠤᠯᠵᠤ ᠮᠠᠯ ᠮᠠᠯᠵᠢᠬᠤ ᠦᠨᠳᠦᠰᠦᠨ ᠠᠷᠭᠠ ᠵᠠᠮ ᠮᠥᠨ᠃ ᠣᠢ ᠰᠢᠭᠤᠢ ᠶᠢᠨ ᠪᠥᠳᠦᠭᠡᠨ | ᠪᠠᠶᠢᠭᠤᠯᠤᠯᠲᠠ ᠶᠢᠨ ᠲᠠᠯᠠ ᠪᠠᠷ ᠪᠣᠯ ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ ᠬᠠᠯᠬᠠᠪᠴᠢ ᠣᠢ ᠶᠢ ᠪᠠᠶᠢᠭᠤᠯᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ᠃ | ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ ᠬᠠᠯᠬᠠᠪᠴᠢ ᠣᠢ ᠨᠢ ᠲᠣᠣᠷ ᠬᠡᠯᠪᠡᠷᠢ᠂ ᠪᠦᠰᠡ ᠬᠡᠯᠪᠡᠷᠢ᠂ ᠪᠥᠭᠡᠮᠨᠡᠷᠡᠯ ᠬᠡᠯᠪᠡᠷᠢ ᠵᠡᠷᠭᠡ | ᠭᠤᠷᠪᠠᠨ ᠬᠡᠯᠪᠡᠷᠢ ᠪᠠᠶᠢᠳᠠᠭ᠃ | ᠲᠣᠣᠷ ᠬᠡᠯᠪᠡᠷᠢ᠄ ᠡᠨᠡ ᠨᠢ ᠡᠯᠡᠰᠦᠷᠭᠡᠭ ᠲᠠᠯᠠ ᠭᠠᠵᠠᠷ᠂ ᠮᠠᠩᠬᠠᠨ ᠭᠠᠵᠠᠷ ᠲᠠᠬᠢ ᠡᠪᠡᠰᠦ ᠪᠣᠷᠳᠤᠭᠠ ᠶᠢᠨ | ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠣᠨ ᠬᠠᠳᠤᠯᠠᠩ ᠤᠨ ᠲᠠᠯᠠᠪᠠᠢ ᠶᠢ ᠣᠶᠢᠵᠢᠭᠤᠯᠬᠤ ᠳᠤ ᠲᠣᠬᠢᠷᠠᠳᠠᠭ᠃ ᠡᠶᠢᠮᠦᠷᠬᠦ ᠬᠠᠯᠬᠠᠪᠴᠢ | ᠣᠢ ᠶᠢᠨ ᠪᠦᠰᠡ ᠶᠢ ᠲᠣᠬᠢᠷᠠᠭᠤᠯᠬᠤ ᠳᠤ ᠰᠠᠯᠬᠢᠨ ᠤ ᠵᠦᠭ ᠬᠦᠨᠳᠡᠯᠢᠳᠦᠭᠦᠯᠵᠦ᠂ ᠭᠤᠣᠯ ᠣᠢ ᠶᠢᠨ ᠪᠦᠰᠡ ᠪᠠᠨ | ᠰᠦᠯᠵᠢᠯᠳᠦᠵᠦ ᠣᠢ ᠶᠢᠨ ᠲᠤᠤᠷ ᠪᠤᠢ ᠪᠤᠯᠤᠨᠠ᠃ ᠣᠢ ᠶᠢᠨ ᠪᠦᠰᠡ ᠨᠢ 6 — 8 ᠮᠦᠷ ᠲᠣᠷᠤᠭ᠂ ᠪᠤᠳᠠᠯᠢᠭ | ᠮᠣᠳᠣ ᠪᠠᠷ ᠪᠥᠷᠢᠯᠳᠦᠭᠦᠯᠵᠦ᠂ ᠥᠷᠭᠡᠨ ᠢ 12 — 20 ᠮᠧᠲᠷ ᠢᠶᠠᠷ ᠤᠶᠢᠵᠢᠭᠤᠯᠤᠨᠠ᠃ | ᠪᠦᠰᠡ ᠬᠡᠯᠪᠡᠷᠢ᠄ ᠡᠨᠡ ᠨᠢ ᠭᠤᠣᠯᠳᠠᠭᠤ ᠥᠷᠭᠡᠨ ᠠᠭᠤᠳᠠᠮ ᠴᠠᠶᠢᠳᠠᠮ ᠭᠠᠵᠠᠷ᠂ ᠬᠠᠳᠣᠯᠠᠩ ᠤᠨ ᠲᠠᠯᠠᠪᠠᠢ᠂ | ᠡᠭᠡᠯᠵᠢᠯᠡᠨ ᠮᠡᠯᠵᠢᠬᠤ ᠪᠡᠯᠴᠢᠭᠡᠷ ᠵᠡᠷᠭᠡ ᠳᠤ ᠲᠣᠬᠢᠷᠠᠨᠠ᠃ ᠡᠶᠢᠮᠦ ᠬᠠᠯᠬᠠᠪᠴᠢ ᠣᠢ ᠶᠢᠨ ᠪᠦᠰᠡ ᠶᠢ | ᠪᠠᠶᠢᠭᠤᠯᠬᠤ ᠳᠤ ᠮᠥᠨ ᠰᠠᠯᠬᠢᠨ ᠤ ᠵᠦᠭ ᠲᠤ ᠬᠦᠨᠳᠡᠯᠢᠳᠦᠭᠦᠯᠦᠨ ᠲᠠᠷᠢᠵᠦ᠂ ᠣᠢ ᠶᠢᠨ ᠪᠦᠰᠡ ᠶᠢᠨ ᠥᠷᠭᠡᠨ ᠨᠢ | 15 — 20 ᠮᠧᠲᠷ᠂ ᠨᠡᠭᠦᠳᠡᠯ ᠡᠯᠡᠰᠦ ᠠᠴᠠ ᠣᠶᠢᠷᠬᠠᠨ ᠭᠠᠵᠠᠷ ᠲᠤ᠂ ᠰᠠᠯᠬᠢ ᠵᠦᠭ ᠬᠠᠨᠳᠤᠭᠰᠠᠨ ᠣᠢ ᠶᠢᠨ | ᠪᠦᠰᠡ ᠪᠠᠨ ᠵᠣᠬᠢᠰᠲᠡᠢ ᠪᠠᠷ ᠥᠷᠭᠡᠳᠭᠡᠨ ᠣᠶᠢᠵᠢᠭᠤᠯᠬᠤ ᠬᠡᠷᠡᠭᠲᠡᠢ᠃ | ᠪᠥᠭᠡᠮᠨᠡᠷᠡᠯ ᠬᠡᠯᠪᠡᠷᠢ᠄ ᠪᠥᠭᠡᠮᠨᠡᠷᠡᠯ ᠬᠡᠯᠪᠡᠷᠢ ᠨᠢ ᠲᠣᠭᠳᠠᠭᠰᠠᠨ ᠡᠭᠡᠯᠵᠢᠯᠡᠨ ᠮᠠᠯᠵᠢᠬᠤ ᠪᠡᠯᠴᠢᠭᠡᠷ ᠪᠣᠯᠣᠨ | ᠡᠪᠦᠯᠵᠢᠶᠡ ᠶᠢᠨ ᠵᠣᠰᠠᠯᠠᠩ ᠤᠨ ᠭᠠᠵᠠᠷ᠂ ᠮᠠᠯ ᠤᠰᠤᠯᠠᠬᠤ ᠭᠠᠵᠠᠷ ᠤᠨ ᠣᠷᠴᠢᠨ ᠲᠣᠭᠤᠷᠢᠨ ᠢ ᠨᠣᠭᠤᠭᠠᠷᠠᠭᠤᠯᠬᠤ ᠳᠤ | ᠲᠣᠬᠢᠷᠡᠬᠤ ᠶᠣᠮ᠃ ᠡᠨᠡ ᠨᠢ ᠮᠠᠯ ᠰᠦᠷᠦᠭ ᠡᠪᠡᠰᠦᠯᠡᠬᠦ᠂ ᠤᠰᠤ ᠤᠤᠭᠤᠬᠤ᠂ ᠠᠮᠠᠷᠠᠬᠤ ᠵᠡᠷᠭᠡ ᠳᠤ ᠲᠠᠭᠠᠯᠠᠮᠵᠢᠲᠠᠢ | ᠣᠷᠴᠢᠨ ᠲᠣᠭᠤᠷᠢᠨ ᠢ ᠪᠤᠢ ᠪᠣᠯᠭᠠᠵᠤ ᠰᠢᠳᠠᠮᠠ ᠬᠠᠯᠠᠭᠤᠨ ᠪᠠ ᠰᠠᠯᠬᠢ ᠰᠢᠭᠤᠷᠭᠠᠨ ᠠᠴᠠ ᠵᠠᠶᠢᠯᠠᠭᠤᠯᠵᠤ᠂ ᠮᠠᠯ | ᠰᠦᠷᠦᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠥᠯᠦᠭᠡ ᠶᠤᠮ᠃ ᠡᠭᠦᠨ ᠠᠴᠠ ᠭᠠᠳᠠᠨᠡ ᠡᠯᠡᠰᠦ ᠮᠠᠩᠬᠠ ᠶᠢ | ᠲᠣᠭᠳᠠᠪᠤᠷᠢᠵᠢᠭᠤᠯᠤᠨ ᠰᠠᠯᠬᠢᠨ ᠰᠢᠭᠤᠷᠭᠠᠨ ᠢ ᠬᠠᠯᠬᠠᠯᠠᠬᠤ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ | ᠤᠶᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃ ᠪᠥᠭᠡᠮᠨᠡᠷᠡᠯ ᠬᠡᠯᠪᠡᠷᠢᠲᠦ ᠬᠠᠯᠬᠠᠪᠴᠢ ᠣᠢ ᠶᠢ ᠬᠡᠰᠡᠭ ᠪᠥᠯᠥᠭᠯᠡᠯ ᠲᠣᠷᠤᠭ ᠪᠠ ᠪᠣᠳᠠᠯᠢᠭ | ᠮᠣᠳᠣᠨ ᠤ ᠨᠢᠭᠲᠠ ᠰᠢᠭᠤᠢ ᠪᠠᠷ ᠪᠥᠷᠢᠯᠳᠦᠭᠦᠯᠬᠦ ᠬᠡᠷᠡᠭᠲᠡᠢ᠃ ᠨᠢᠭᠲᠠ ᠰᠢᠭᠤᠢ ᠶᠢᠨ ᠬᠡᠯᠪᠡᠷᠢ ᠨᠢ ᠣᠯᠠᠨ ᠵᠦᠢᠯ᠂ | ᠣᠯᠠᠨ ᠶᠠᠩᠵᠤ ᠶᠢᠨ ᠪᠠᠶᠢᠵᠤ ᠪᠣᠯᠤᠨᠠ᠃ ᠲᠥᠷᠪᠡᠯᠵᠢᠨ᠂ ᠲᠥᠭᠦᠷᠡᠭ᠂ ᠨᠣᠮᠣ ᠶᠢᠨ ᠬᠡᠯᠪᠡᠷᠢᠲᠦ᠂ ︽＋︾ ︽T | ︾ ᠬᠡᠯᠪᠡᠷᠢᠲᠦ ᠵᠡᠷᠭᠡ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠣᠢ ᠶᠢᠨ ᠲᠤᠮᠳᠠ ᠡᠪᠡᠰᠦᠲᠡᠢ᠂ ᠡᠪᠡᠰᠦ ᠶᠢᠨ ᠲᠤᠮᠳᠠ ᠰᠢᠭᠤᠶᠢᠲᠡᠢ᠂ | ᠮᠣᠳᠣ ᠡᠪᠡᠰᠦ ᠬᠠᠷᠢᠯᠴᠠᠨ ᠰᠦᠯᠵᠢᠯᠳᠦᠭᠰᠡᠨ ᠪᠥᠳᠦᠴᠡ ᠲᠠᠢ ᠪᠠᠶᠢᠳᠠᠭ᠃ | | | | | ︽ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠰᠢᠨᠡ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ᠃ | |