| ᠦᠷᠡ ᠬᠠᠶᠠᠵᠤ ᠪᠤᠶᠢᠵᠢᠭᠤᠯᠵᠤ ᠭᠠᠷᠭᠠᠭᠰᠠᠨ ᠴᠢᠬᠢ ᠮᠤᠳᠤ ᠶᠢ ᠪᠦᠷ ᠦᠷᠡ ᠠᠴᠠ ᠭᠠᠷᠤᠭᠰᠠᠨ ᠴᠢᠬᠢ ᠮᠤᠳᠤ | ᠭᠡᠨᠡ᠃ ᠲᠡᠭᠦᠨ ᠤ ᠦᠷᠡᠵᠢᠯᠲᠡ ᠶᠢᠨ ᠠᠷᠭᠠ ᠮᠠᠶ᠋ᠢᠭ ᠨᠢ ᠲᠦᠭᠦᠮᠬᠡᠨ᠂ ᠡᠵᠡᠮᠰᠢᠬᠦ ᠳᠤ ᠬᠢᠯᠪᠠᠷ᠂ ᠦᠷᠡ ᠶᠢᠨ | ᠢᠷᠡᠯᠲᠠ ᠨᠢ ᠡᠯᠪᠡᠭ ᠲᠤᠯᠠ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠦᠷᠡᠵᠢᠬᠦᠯᠬᠦ ᠳᠤ ᠲᠤᠬᠢᠷᠠᠳᠠᠭ᠃ ᠦᠷᠡ ᠠᠴᠠ ᠭᠠᠷᠤᠭᠰᠠᠨ ᠴᠢᠬᠢ | ᠮᠤᠳᠤᠨ ᠤ ᠦᠨᠳᠦᠰᠦᠨ ᠰᠢᠰᠲ᠋ᠧᠮ ᠨᠢ ᠬᠦᠭᠵᠢᠩᠬᠦᠢ᠂ ᠬᠦᠷᠦᠰᠦᠨ ᠳᠡᠭᠡᠷᠡᠬᠢ ᠬᠡᠰᠡᠭ ᠤᠨ ᠤᠷᠭᠤᠯᠳᠠ ᠨᠢ | ᠢᠳᠡᠷᠡᠬᠦᠨ᠂ ᠤᠷᠴᠢᠨ ᠲᠤᠭᠤᠷᠢᠨ ᠤ ᠨᠦᠬᠦᠴᠡᠯ ᠳᠤ ᠵᠤᠬᠢᠴᠠᠯᠳᠤᠬᠤ ᠴᠢᠨᠠᠷ ᠢᠶᠠᠷ ᠴᠢᠩᠭᠠ ᠪᠠᠶᠢᠳᠠᠭ᠃ | ᠡᠶᠢᠮᠦ ᠠᠴᠠ ᠦᠷᠡ ᠠᠴᠠ ᠭᠠᠷᠤᠭᠰᠠᠨ ᠴᠢᠬᠢ ᠮᠤᠳᠤ ᠨᠢ ᠦᠢᠯᠡᠳᠪᠦᠷᠢᠯᠡᠯ ᠳᠡᠭᠡᠷᠡ ᠭᠤᠷᠪᠠᠨ ᠵᠦᠢᠯ ᠤᠨ ᠬᠡᠷᠡᠭᠯᠡᠭᠡᠨ | ᠲᠠᠢ᠃ | ᠵᠠᠯᠭᠠᠳᠠᠰᠤ ᠪᠤᠯᠭᠠᠵᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠰᠢᠯᠢᠳᠡᠭ ᠰᠠᠶᠢᠨ ᠵᠠᠯᠭᠠᠯᠲᠠ ᠶᠢᠨ ᠴᠢᠬᠢ ᠮᠤᠳᠤ ᠶᠢ ᠪᠤᠶᠢᠵᠢᠭᠤᠯᠤᠨᠠ᠃ | ᠦᠷᠢᠯ᠂ ᠬᠠᠶᠢᠲᠠᠩ᠂ ᠵᠡᠷᠯᠢᠭ ᠲᠤᠭᠤᠷ᠂ ᠭᠦᠢᠯᠡᠰᠦ᠂ ᠠᠯᠢᠮᠠ ᠬᠠᠳ᠂ ᠬᠠᠷᠠ ᠴᠢᠪᠠᠭᠠ ᠵᠡᠷᠭᠡ ᠶᠢᠨ ᠦᠷᠡ ᠠᠴᠠ | ᠭᠠᠷᠤᠭᠰᠠᠨ ᠴᠢᠬᠢ ᠮᠤᠳᠤ ᠪᠠᠷ ᠵᠠᠯᠭᠠᠳᠠᠰᠤ ᠪᠤᠯᠭᠠᠵᠤ ᠤᠬᠢ ᠰᠠᠶᠢᠨ ᠵᠠᠯᠭᠠᠯᠲᠠ ᠶᠢᠨ ᠴᠢᠬᠢ ᠶᠢ ᠪᠤᠶᠢᠵᠢᠭᠤᠯᠳᠠᠭ᠃ | ᠰᠢᠨᠡ ᠲᠦᠷᠦᠯ ᠵᠦᠢᠯ ᠪᠤᠶᠢᠵᠢᠭᠤᠯᠬᠤ ᠳᠤ ᠬᠡᠷᠡᠭᠯᠡᠨᠡ᠃ | ᠦᠢᠯᠡᠳᠪᠦᠷᠢᠯᠡᠯ ᠳᠡᠭᠡᠷᠡ ᠰᠢᠭᠤᠳ ᠵᠢᠮᠢᠰᠯᠡᠬᠦ ᠴᠢᠬᠢ ᠮᠤᠳᠤ ᠪᠤᠯᠭᠠᠨ ᠬᠡᠷᠡᠭᠯᠡᠵᠦ ᠪᠤᠢ᠃ ᠵᠢᠱᠢᠶᠡᠯᠡᠪᠡᠯ | ᠬᠤᠰᠢᠭᠠ᠂ ᠲᠠᠦᠯᠠᠢ ᠶᠢᠨ ᠪᠦᠭᠡᠷᠡ ᠵᠡᠷᠭᠡ ᠶᠢᠨ ᠰᠡᠭᠦᠯᠴᠢ ᠶᠢᠨ ᠬᠤᠪᠢᠷᠠᠯ ᠪᠠᠭᠠ ᠲᠠᠢ ᠮᠤᠳᠤᠳ ᠲᠤ ᠬᠡᠷᠡᠭᠯᠡᠳᠡᠭ᠃ | ᠮᠠᠨ ᠤ ᠤᠷᠤᠨ ᠳᠤ ᠭᠦᠢᠯᠡᠰᠦᠨ ᠮᠤᠳᠤ ᠶᠢ ᠦᠷᠡ ᠪᠠᠷ ᠦᠷᠡᠵᠢᠬᠦᠯᠬᠦ ᠲᠠᠳᠬᠠᠯ ᠲᠠᠢ ᠪᠤᠯᠪᠠᠴᠤ ᠠᠵᠦ ᠠᠬᠤᠢ ᠶᠢᠨ | ᠠᠰᠢᠭ ᠤᠯᠵᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠵᠠᠯᠭᠠᠯᠲᠠ ᠶᠢᠨ ᠴᠢᠬᠢ ᠬᠡᠷᠡᠭᠯᠡᠪᠡᠯ ᠨᠡᠩ ᠲᠤᠬᠢᠷᠠᠬᠤ ᠶᠤᠮ᠃ | ᠦᠷᠡ ᠠᠴᠠ ᠭᠠᠷᠤᠭᠰᠠᠨ ᠴᠢᠬᠢ ᠮᠤᠳᠤ ᠶᠢ ᠪᠤᠶᠢᠵᠢᠭᠤᠯᠬᠤ ᠳᠤ ᠲᠤᠤᠷᠠᠬᠢ ᠬᠡᠳᠦᠨ ᠠᠯᠬᠤᠮ ᠢᠶᠠᠷ ᠶᠠᠪᠤᠭᠳᠠᠨᠠ᠃ | ︵1︶ ᠦᠷᠡ ᠴᠤᠭᠯᠠᠭᠤᠯᠬᠤ᠄ ᠴᠢᠬᠢ ᠪᠤᠶᠢᠵᠢᠭᠤᠯᠬᠤ ᠦᠷᠡ ᠶᠢ ᠰᠤᠩᠭᠤᠬᠤ ᠳᠤ ᠵᠠᠪᠠᠯ ᠲᠦᠷᠦᠯ ᠴᠢᠨᠠᠷ ᠨᠢ | ᠴᠡᠪᠡᠷ᠂ ᠰᠢᠨᠵᠢ ᠲᠦᠷᠰᠦ ᠨᠢ ᠨᠢᠭᠡᠳᠦᠯᠳᠡᠢ ᠪᠦᠭᠡᠳ ᠭᠡᠮᠳᠦᠯ ᠬᠤᠷᠤᠬᠠᠶᠢᠳᠤᠯ ᠦᠭᠡᠢ᠂ ᠭᠦᠢᠴᠡᠳ | ᠪᠤᠯᠪᠠᠰᠤᠷᠠᠭᠰᠠᠨ ᠢ ᠨᠢ ᠰᠤᠩᠭᠤᠬᠤ ᠬᠡᠷᠡᠭᠳᠡᠢ᠃ ᠡᠰᠡ ᠲᠡᠭᠡᠪᠡᠯ ᠪᠦᠲᠦᠭᠡᠭᠳᠡᠬᠦᠨ ᠤ ᠴᠢᠨᠠᠷ ᠴᠢᠨᠰᠠᠭᠠ ᠶᠢ | ᠨᠦᠯᠦᠭᠡᠯᠡᠳᠡᠭ᠃ ᠦᠷᠡ ᠠᠴᠠ ᠭᠠᠷᠤᠭᠰᠠᠨ ᠴᠢᠬᠢ ᠮᠤᠳᠤᠨ ᠤ ᠬᠡᠷᠡᠭᠴᠡᠭᠡ ᠶᠢ ᠦᠨᠳᠦᠰᠦᠯᠡᠵᠦ᠂ ᠰᠤᠩᠭᠤᠯᠳᠠ ᠶᠢᠨ | ᠪᠠᠷᠢᠮᠳᠠ ᠨᠢ ᠪᠠᠰᠠ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ ᠰᠢᠭᠤᠳ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠬᠡᠷᠡᠭᠯᠡᠬᠦ | ᠱᠠᠭᠠᠷᠳᠠᠯᠭᠠ ᠪᠠᠷ ᠦᠨᠳᠦᠷ᠂ ᠵᠠᠯᠭᠠᠳᠠᠰᠤ ᠪᠤᠶᠢᠵᠢᠭᠤᠯᠬᠤ ᠳᠤ ᠬᠡᠷᠡᠭᠯᠡᠬᠦ ᠦᠷᠡ ᠶᠢ ᠭᠤᠤᠯᠳᠠᠭᠤ ᠵᠤᠬᠢᠴᠠᠭᠤᠯᠬᠤ | ᠴᠢᠨᠠᠷ ᠢᠶᠠᠷ ᠴᠢᠩᠭᠠ᠂ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠡᠭᠡᠨ ᠨᠢᠭᠡᠳᠦᠯᠲᠡᠢ᠂ ᠵᠠᠯᠭᠠᠯᠲᠠ ᠶᠢᠨ ᠦᠷᠡ ᠳ᠋ᠦᠩ ᠢ ᠨᠦᠯᠦᠭᠡᠯᠡᠬᠦ | ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠡᠶᠢᠮᠦ ᠠᠴᠠ ᠦᠷᠡ ᠰᠤᠩᠭᠤᠬᠤ ᠳᠠᠭᠠᠨ ᠵᠠᠪᠠᠯ ᠲᠤᠤᠷᠠᠬᠢ ᠬᠡᠳᠦᠨ ᠵᠦᠢᠯ ᠢ | ᠪᠡᠶᠡᠯᠡᠬᠦᠯᠬᠦ ᠬᠡᠷᠡᠭᠳᠡᠢ᠃ | ᠤᠷᠭᠤᠯᠳᠠ ᠪᠠᠷ ᠡᠷᠡᠬᠦᠯ ᠢᠳᠡᠷᠡᠬᠦᠨ᠂ ᠬᠤᠷᠢᠶᠠᠯᠳᠠ ᠪᠠᠷ ᠦᠨᠳᠦᠷ ᠪᠦᠭᠡᠳ ᠲᠤᠭᠲᠠᠭᠤᠨ ᠴᠢᠨᠠᠷ ᠰᠠᠶᠢᠲᠠᠢ | ᠡᠬᠡ ᠮᠤᠳᠤᠨ ᠠᠴᠠ ᠦᠷᠡ ᠲᠡᠭᠦᠭᠦ ᠬᠡᠷᠡᠭᠳᠡᠢ᠃ ᠭᠠᠭᠴᠠ ᠬᠦ ᠡᠬᠡ ᠮᠤᠳᠤᠨ ᠤ ᠤᠷᠭᠤᠯᠳᠠ ᠨᠢ ᠭᠦᠢᠴᠡᠳ᠂ ᠦᠷᠡ | ᠵᠢᠮᠢᠰ ᠪᠤᠯᠪᠠᠰᠤᠷᠠᠭᠰᠠᠨ ᠨᠢ ᠭᠦᠢᠴᠡᠳ ᠪᠦᠬᠡᠳ ᠦᠷᠡ ᠨᠢ ᠴᠠᠳᠬᠤᠯᠠᠩ ᠪᠤᠯ ᠰᠠᠶ᠋ᠢ ᠲᠡᠭᠦᠨ ᠠᠴᠠ ᠭᠠᠷᠤᠭᠰᠠᠨ | ᠴᠢᠬᠢ ᠮᠤᠳᠤ ᠨᠢ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠵᠤᠬᠢᠴᠠᠯᠳᠤᠬᠤ ᠴᠢᠨᠠᠷ ᠢᠶᠠᠷ ᠴᠢᠩᠭᠠ ᠪᠦᠭᠡᠳ ᠤᠷᠭᠤᠴᠠ ᠨᠢ | ᠢᠳᠡᠷᠡᠬᠦᠨ᠂ ᠪᠤᠶᠢᠵᠢᠯᠲᠠ ᠨᠢ ᠰᠠᠶᠢᠨ ᠪᠠᠶᠢᠳᠠᠭ᠃ | ᠲᠤᠬᠢᠷᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠬᠤᠷᠢᠶᠠᠬᠤ ᠬᠡᠷᠡᠭᠳᠡᠢ᠃ ᠬᠤᠷᠢᠶᠠᠯᠳᠠ ᠪᠠᠨ ᠡᠷᠲᠡᠯᠡᠪᠡᠯ ᠦᠷᠡ ᠶᠢᠨ | ᠪᠤᠯᠪᠠᠰᠤᠷᠠᠯᠲᠠ ᠨᠢ ᠲᠤᠷᠭᠤᠮᠳᠠᠵᠤ᠂ ᠰᠢᠮᠡ ᠲᠡᠵᠢᠭᠡᠯ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ ᠪᠤᠯᠵᠤ ᠠᠮᠢᠵᠢᠷᠠᠯ ᠤᠨ ᠴᠢᠳᠠᠪᠤᠷᠢ | ᠨᠢ ᠪᠠᠭᠤᠷᠠᠵᠤ᠂ ᠰᠤᠶᠤᠭᠠᠯᠠᠬᠤ ᠨᠤᠷᠮᠠ ᠨᠢ ᠲᠤᠤᠷᠠ ᠪᠤᠯᠳᠠᠭ᠃ | ᠦᠷᠡ ᠵᠢᠮᠢᠰ ᠢ ᠲᠡᠬᠦᠵᠦ ᠠᠪᠤᠭᠰᠠᠨ ᠤ ᠰᠡᠭᠦᠯᠡᠷ ᠨᠢᠭᠡᠨ ᠬᠤᠭᠤᠴᠠᠭᠠ ᠤᠪᠤᠭᠠᠯᠠᠨ ᠲᠠᠯᠪᠢᠵᠤ᠂ ᠠᠭᠠᠵᠢᠮ ᠢᠶᠠᠷ | ᠵᠠᠯᠭᠠᠵᠤ ᠪᠤᠯᠪᠠᠰᠤᠷᠠᠬᠤ ᠶᠢ ᠬᠦᠯᠢᠶᠡᠬᠦ ᠬᠡᠷᠡᠭᠳᠡᠢ᠃ ᠢᠳᠡᠰᠢᠨ ᠤ ᠦᠨᠡ ᠦᠷᠲᠡᠭ ᠦᠭᠡᠢ ᠦᠷᠡ ᠵᠢᠮᠢᠰ ᠢ ᠪᠠᠷᠤᠭ | 0.33m ᠰᠢᠬᠠᠮ ᠵᠤᠵᠠᠭᠠᠨ ᠢᠶᠠᠷ ᠤᠪᠤᠭᠠᠯᠠᠨ ᠲᠠᠯᠪᠢᠵᠦ ᠵᠢᠮᠢᠰ ᠢ ᠨᠢ ᠵᠦᠭᠡᠯᠡᠷᠡᠬᠦᠯᠳᠡᠭ᠃ ᠭᠡᠬᠦ ᠳᠡᠭᠡᠨ ᠬᠡᠳᠦᠷᠬᠡᠢ | ᠵᠤᠵᠠᠭᠠᠨ ᠢᠶᠠᠷ ᠤᠪᠤᠭᠠᠯᠠᠬᠤ ᠳᠤ ᠬᠦᠷᠪᠡᠯ ᠦᠷᠡ ᠵᠢᠮᠢᠰ ᠨᠢ ᠬᠠᠯᠠᠭᠤᠷᠠᠵᠤ ᠢᠯᠵᠠᠷᠠᠭᠠᠳ ᠠᠮᠢᠵᠢᠷᠠᠯ ᠤᠨ ᠴᠢᠳᠠᠪᠤᠷᠢ | ᠪᠠᠨ ᠠᠯᠳᠠᠬᠤ ᠳᠤ ᠬᠦᠷᠦᠨᠡ᠃ ᠡᠶᠢᠮᠦ ᠠᠴᠠ ᠤᠪᠤᠭᠠᠯᠠᠵᠤ ᠲᠠᠯᠪᠢᠬᠤ ᠶᠢᠨ ᠳᠠᠭᠠᠦ ᠤᠷᠪᠠᠭᠤᠯᠤᠨ ᠬᠦᠳᠡᠯᠭᠡᠵᠦ | ᠦᠭᠬᠦ ᠪᠠ ᠪᠠᠶᠢᠴᠠᠭᠠᠨ ᠦᠵᠡᠵᠦ᠂ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ 40℃ ᠠᠴᠠ ᠬᠡᠳᠦᠷᠡᠭᠦᠯᠵᠦ ᠪᠤᠯᠬᠤ ᠦᠭᠡᠢ᠃ | ᠵᠢᠮᠢᠰ ᠨᠢ ᠵᠦᠭᠡᠯᠡᠷᠡᠪᠡᠯ ᠦᠷᠡ ᠶᠢ ᠰᠠᠯᠭᠠᠵᠤ ᠴᠡᠪᠡᠷ ᠤᠰᠤ ᠪᠠᠷ ᠤᠬᠢᠶᠠᠵᠤ ᠭᠠᠷᠭᠠᠭᠠᠳ ᠰᠠᠯᠬᠢ ᠵᠢᠪᠠᠷ ᠨᠡᠪᠳᠡᠷᠡᠬᠦ | ᠰᠡᠷᠢᠬᠦᠨ ᠭᠠᠵᠠᠷ ᠲᠤ ᠲᠠᠯᠪᠢᠵᠤ ᠬᠠᠳᠠᠭᠠᠨᠠ᠃ ᠳᠡᠩᠳᠡᠬᠦᠦ ᠬᠤᠷᠴᠠ ᠨᠠᠷᠠᠨ ᠳᠤ ᠲᠠᠯᠪᠢᠵᠤ ᠪᠤᠯᠳᠠᠭ ᠦᠭᠡᠢ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠵᠢᠮᠢᠰ ᠢ ᠨᠢ ᠢᠳᠡᠵᠦ ᠦᠷᠡ ᠶᠢ ᠨᠢ ᠠᠪᠬᠤ ᠪᠤᠶᠤ ᠵᠢᠮᠢᠰ ᠢ ᠨᠢ ᠪᠤᠯᠪᠠᠰᠤᠷᠠᠭᠤᠯᠵᠤ | ᠦᠢᠯᠡᠳᠬᠦᠨ ᠪᠤᠯᠭᠠᠵᠤ᠂ ᠦᠷᠡ ᠶᠢ ᠨᠢ ᠭᠠᠷᠭᠠᠨ ᠠᠪᠴᠤ ᠪᠠᠰᠠ ᠪᠤᠯᠤᠨᠠ᠃ ᠭᠡᠬᠦ ᠳᠡᠭᠡᠨ ᠬᠡᠳᠦᠷᠬᠡᠢ ᠦᠨᠳᠦᠷ | ᠬᠡᠮᠵᠢᠶᠡ ᠪᠠᠷ ᠬᠠᠯᠠᠭᠤᠯᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠭᠡᠷᠡᠭᠳᠡᠢ᠃ | ︵2︶ ᠦᠷᠡ ᠰᠢᠢᠳᠪᠦᠷᠢᠯᠡᠬᠦ᠄ ᠨᠠᠪᠴᠢ ᠵᠤᠯᠭᠠᠷᠠᠬᠤ ᠵᠢᠮᠢᠰ ᠤᠨ ᠮᠤᠳᠤᠨ ᠤ ᠦᠷᠡ ᠨᠢ ᠠᠳᠠᠯᠢ ᠪᠤᠰᠤ | ᠬᠤᠭᠤᠴᠠᠭᠠᠨ ᠤ ᠢᠴᠡᠭᠡᠯᠡᠯᠲᠡ ᠶᠢ ᠦᠩᠭᠡᠷᠡᠳᠡᠭ᠃ ᠡᠨᠡ ᠬᠦ ᠤᠨᠴᠠᠯᠢᠭ ᠨᠢ ᠲᠡᠭᠦᠨ ᠤ ᠤᠷᠲᠤ ᠬᠤᠭᠤᠴᠠᠭᠠᠨ ᠤ | ᠰᠢᠰᠲ᠋ᠧᠮᠲᠦ ᠪᠤᠶᠢᠵᠢᠯᠲᠠ ᠶᠢᠨ ᠲᠤᠮᠳᠠ ᠪᠤᠢ ᠪᠤᠯᠤᠭᠰᠠᠨ ᠪᠢᠤᠯᠤᠬᠢ ᠶᠢᠨ ᠦᠪᠡᠷᠮᠢᠴᠡ ᠴᠢᠨᠠᠷ ᠪᠤᠯᠤᠨᠠ᠃ | ᠡᠶᠢᠮᠦ ᠠᠴᠠ ᠲᠡᠷᠢᠬᠤ ᠠᠴᠠ ᠡᠮᠦᠨᠡ ᠳᠠᠪᠬᠤᠷᠭᠠᠯᠠᠨ ᠰᠢᠢᠳᠪᠦᠷᠢᠯᠡᠵᠦ᠂ ᠰᠡᠭᠦᠯᠴᠢ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠶᠢ | ᠠᠬᠢᠭᠤᠯᠵᠤ᠂ ᠢᠴᠡᠭᠡᠯᠡᠬᠦ ᠬᠤᠭᠤᠴᠠᠭᠠ ᠶᠢ ᠢᠳᠡᠪᠬᠢᠳᠡᠢ ᠦᠩᠭᠡᠷᠡᠬᠦᠯᠬᠦ ᠬᠡᠷᠡᠭᠳᠡᠢ᠃ ᠬᠠᠪᠤᠷ ᠤᠨ ᠲᠠᠷᠢᠯᠭᠠ ᠠᠴᠠ | ᠡᠮᠦᠨᠡ ᠦᠷᠡ ᠶᠢ ᠲᠠᠪᠬᠤᠷᠭᠠᠯᠠᠨ ᠰᠢᠢᠳᠪᠦᠷᠢᠯᠡᠪᠡᠯ ᠰᠡᠭᠦᠯᠴᠢ ᠶᠢᠨ ᠪᠤᠯᠪᠠᠰᠤᠷᠠᠯᠳᠠ ᠶᠢ ᠪᠦᠷᠢᠮᠦᠰᠦᠨ ᠪᠡᠶᠡᠯᠡᠬᠦᠯᠵᠦ | ᠰᠤᠶᠤᠭᠠᠯᠠᠬᠤ ᠨᠢ ᠲᠡᠭᠰᠢ ᠪᠤᠯᠬᠠᠬᠤ ᠪᠦᠭᠡᠳ ᠰᠤᠶᠤᠭᠠᠯᠠᠬᠤ ᠨᠤᠷᠮᠠ ᠨᠢ ᠴᠦ ᠦᠨᠳᠦᠷ ᠪᠠᠶᠢᠳᠠᠭ᠃ ᠦᠷᠡ ᠶᠢ | ᠲᠠᠪᠬᠤᠷᠭᠠᠯᠠᠬᠤ ᠳᠠᠭᠠᠨ ᠲᠤᠭᠲᠠᠪᠤᠷᠢᠳᠠᠢ ᠲᠤᠯᠠᠭᠠᠴᠠ᠂ ᠴᠢᠭᠢᠭᠳᠦᠴᠡ ᠪᠠ ᠬᠡᠢ ᠠᠭᠠᠷ ᠤᠨ ᠨᠦᠬᠦᠴᠡᠯ ᠢ | ᠪᠦᠷᠢᠯᠳᠦᠬᠦᠯᠬᠦ ᠬᠡᠷᠡᠭᠳᠡᠢ᠃ ᠡᠶᠢᠮᠦ ᠠᠴᠠ ᠦᠷᠡ ᠶᠢ ᠰᠢᠢᠳᠪᠦᠷᠢᠯᠡᠬᠦ ᠳᠡᠭᠡᠨ ᠬᠦᠭᠡᠭ ᠰᠢᠷᠤᠢ ᠪᠤᠯᠤᠨ ᠦᠷᠡ ᠶᠢ | ᠲᠤᠭᠲᠠᠭᠰᠠᠨ ᠬᠠᠷᠢᠴᠠᠯ ︵ᠵᠢᠵᠢᠭ ᠮᠦᠬᠦᠯᠢᠭᠲᠦ ᠦᠷᠡ ᠶᠢ 3～5᠄ 1 ᠪᠠ ᠲᠤᠮᠤ ᠮᠦᠬᠦᠯᠢᠭᠲᠦ ᠦᠷᠡ ᠶᠢ | 5～10᠄1︶ ᠢᠶᠠᠷ ᠬᠤᠯᠢᠵᠤ ᠲᠠᠪᠬᠤᠷᠭᠠᠯᠠᠨ ᠲᠠᠯᠪᠢᠨᠠ᠃ ᠭᠡᠬᠦ ᠳᠤ ᠪᠠᠨ ᠦᠷᠡ ᠪᠠᠨ ᠴᠡᠪᠡᠷᠬᠡᠨ ᠤᠬᠢᠶᠠᠵᠤ | ᠴᠡᠪᠡᠷᠬᠡᠨ ᠰᠢᠷᠤᠢ ᠶᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠡᠢ᠃ ᠡᠯᠡᠰᠦᠨ ᠤ ᠨᠤᠶᠢᠲᠠᠴᠠ ᠨᠢ ᠭᠠᠷ ᠢᠶᠠᠷ ᠪᠠᠵᠠᠬᠤ ᠳᠤ ᠪᠦᠭᠡᠮᠨᠡᠷᠡᠵᠦ | ᠤᠰᠤ ᠲᠤᠰᠤᠯᠠᠬᠤ ᠦᠭᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠪᠠᠯ ᠪᠤᠯᠴᠢᠬᠠᠨᠠ᠃ ᠶᠡᠷᠦ ᠳᠡᠭᠡᠨ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ | 1～5℃ ᠤᠷᠴᠢᠮ ᠳᠤ ᠪᠠᠶᠢᠯᠭᠠᠵᠤ᠂ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠬᠡᠳᠦᠷᠭᠡᠢ ᠦᠨᠳᠦᠷᠵᠢᠬᠦ ᠳᠤ ᠬᠦᠷᠪᠡᠯ ᠦᠷᠡ ᠪᠠᠨ | 1～2 ᠤᠳᠠᠭᠠ ᠤᠷᠪᠠᠭᠤᠯᠤᠨ ᠬᠦᠳᠡᠯᠭᠡᠪᠡᠯ ᠡᠪᠳᠡᠷᠡᠵᠦ ᠢᠯᠵᠠᠷᠠᠬᠤ ᠦᠭᠡᠢ ᠶᠤᠮ᠃ ᠦᠷᠡ ᠶᠢ ᠳᠠᠪᠬᠤᠷᠭᠠᠯᠠᠨ | ᠰᠢᠢᠳᠪᠦᠷᠢᠯᠡᠬᠦ ᠬᠤᠭᠤᠴᠠᠭᠠᠨ ᠤ ᠤᠷᠲᠤ ᠤᠬᠤᠷ ᠨᠢ ᠮᠤᠳᠤᠨ ᠤ ᠲᠦᠷᠦᠯ ᠵᠦᠢᠯ ᠠᠴᠠ ᠪᠤᠯᠵᠤ ᠠᠳᠠᠯᠢ ᠪᠤᠰᠤ | ᠪᠠᠶᠢᠳᠠᠭ᠂ ᠤᠯᠠᠩᠬᠢ ᠨᠢ ᠴᠦᠮ 2～3 ᠰᠠᠷᠠ ᠬᠡᠷᠡᠭᠰᠡᠨᠡ᠃ | ︵3︶ ᠲᠠᠷᠢᠬᠤ | ① ᠲᠠᠷᠢᠬᠤ ᠴᠠᠭ ᠬᠤᠭᠤᠴᠠᠭᠠ᠄ ᠦᠷᠡ ᠲᠠᠷᠢᠬᠤ ᠴᠠᠭ ᠬᠤᠭᠤᠴᠠᠭᠠ ᠶᠢ ᠬᠠᠪᠤᠷ ᠲᠠᠷᠢᠬᠤ ᠪᠠ ᠨᠠᠮᠤᠷ | ᠲᠠᠷᠢᠬᠤ ᠭᠡᠵᠦ ᠬᠤᠪᠢᠶᠠᠨᠠ᠃ ᠨᠠᠮᠤᠷ ᠲᠠᠷᠢᠬᠤ ᠨᠢ ᠡᠪᠤᠯ ᠤᠨ ᠡᠬᠢ ᠪᠠᠷ ᠭᠠᠵᠠᠷ ᠬᠦᠯᠳᠡᠬᠦ ᠠᠴᠠ ᠡᠮᠦᠨᠡ | ᠶᠠᠪᠤᠭᠳᠠᠨᠠ᠂ ᠬᠠᠪᠤᠷ ᠲᠠᠷᠢᠬᠤ ᠨᠢ ᠬᠠᠪᠤᠷ ᠡᠷᠲᠡ ᠭᠠᠵᠠᠷ ᠬᠡᠰᠦᠭᠰᠡᠨ ᠤ ᠰᠡᠭᠦᠯᠡᠷ ᠶᠠᠪᠤᠭᠳᠠᠨᠠ᠃ ᠭᠡᠪᠡᠴᠦ | ᠪᠤᠳᠠᠳᠠᠢ ᠴᠠᠭ ᠬᠤᠭᠤᠴᠠᠭᠠ ᠪᠠᠨ ᠲᠤᠰ ᠤᠷᠤᠨ ᠤ ᠴᠠᠭ ᠠᠭᠤᠷ ᠤᠨ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ ᠡᠪᠤᠯ ᠤᠨ ᠴᠠᠭ | ᠬᠠᠬᠢᠷ ᠬᠦᠢᠲᠡᠨ᠂ ᠰᠠᠯᠬᠢᠨ ᠵᠢᠪᠠᠷ ᠶᠡᠭᠡ ᠪᠦᠬᠡᠳ ᠭᠠᠩ ᠬᠠᠭᠤᠷᠠᠢ ᠲᠤᠯᠠ ᠲᠤᠮᠤ ᠮᠦᠬᠦᠯᠢᠭᠲᠦ ᠦᠷᠡ ᠲᠠᠢ ᠵᠡᠷᠯᠢᠭ | ᠲᠤᠭᠤᠷ᠂ ᠭᠦᠢᠯᠡᠰᠦ ᠵᠡᠷᠭᠡ ᠶᠢ ᠲᠠᠷᠢᠵᠦ᠂ ᠪᠤᠰᠤᠳ ᠵᠦᠢᠯ ᠤᠨ ᠦᠷᠡ ᠶᠢ ᠶᠡᠷᠦ ᠳᠡᠭᠡᠨ ᠬᠠᠪᠤᠷ ᠬᠦᠷᠦᠰᠦᠨ ᠤ | ᠲᠤᠯᠠᠭᠠᠨ ᠳᠡᠭᠡᠭᠰᠢᠯᠡᠭᠡᠳ ᠠᠮᠠᠷᠬᠠᠨ ᠰᠤᠶᠤᠭᠠᠯᠠᠬᠤ ᠦᠶᠡ ᠳᠤ ᠲᠠᠷᠢᠨᠠ᠃ | ② ᠲᠠᠷᠢᠬᠤ ᠬᠡᠮᠵᠢᠶᠡ᠄ ᠲᠡᠷᠢᠬᠤ ᠬᠡᠮᠵᠢᠶᠡ ᠪᠤᠯ ᠨᠢᠭᠡᠴᠢ ᠲᠠᠯᠠᠪᠠᠢ ᠳᠤ ᠬᠡᠷᠡᠭᠯᠡᠬᠦ ᠦᠷᠡ ᠶᠢᠨ ᠲᠤᠭᠠ | ᠬᠡᠮᠵᠢᠶᠡ ᠶᠢ ᠵᠢᠭᠠᠵᠤ ᠪᠤᠢ᠃ ᠶᠡᠷᠦ ᠳᠡᠭᠡᠨ ᠭᠷᠡᠮ/ ᠮᠦ ᠪᠠᠷ ᠢᠯᠡᠳᠬᠡᠨᠡ᠃ ᠲᠠᠷᠢᠬᠤ ᠬᠡᠮᠵᠢᠶᠡ ᠨᠢ ᠭᠤᠤᠯᠳᠠᠭᠤ | ᠦᠷᠡ ᠶᠢᠨ ᠮᠦᠬᠦᠯᠢᠭ ᠤᠨ ᠶᠡᠭᠡ ᠪᠠᠭᠠ᠂ ᠶᠠᠰᠤ ᠴᠢᠨᠠᠷ ᠪᠤᠯᠤᠨᠲ᠋ᠠᠷᠢᠬᠤ ᠠᠷᠭᠠ ᠮᠠᠶ᠋ᠢᠭ ᠢᠶᠠᠷ ᠲᠤᠭᠲᠠᠭᠠᠭᠳᠠᠨᠠ᠃ | ᠲᠠᠷᠢᠬᠤ ᠬᠡᠮᠵᠢᠶᠡ ᠨᠢ ᠤᠯᠠᠩᠬᠢ ᠳᠤ ᠪᠠᠨ ᠴᠢᠬᠢ ᠭᠠᠷᠬᠤ ᠲᠤᠭᠠ᠂ ᠴᠢᠨᠠᠷ ᠴᠢᠨᠰᠠᠭᠠ ᠪᠤᠯᠤᠨ ᠴᠢᠬᠢ | ᠪᠤᠶᠢᠵᠢᠭᠤᠯᠬᠤ ᠶᠢᠨ ᠦᠪᠡᠷ ᠤᠨ ᠦᠷᠲᠡᠭ ᠤᠨ ᠦᠨᠳᠦᠷ ᠪᠤᠭᠤᠨᠢ ᠶᠢ ᠨᠦᠯᠦᠭᠡᠯᠡᠨᠡ᠃ ᠲᠠᠷᠢᠬᠤ ᠬᠡᠮᠵᠢᠶᠡ ᠪᠠᠨ | ᠲᠤᠭᠲᠠᠭᠠᠬᠤ ᠳᠤ ᠪᠠᠨ ᠪᠤᠳᠠᠳᠠᠢ ᠬᠡᠷᠡᠭᠯᠡᠬᠦ ᠠᠴᠠ ᠢᠯᠡᠬᠦᠦ ᠰᠢᠭ ᠲᠠᠯᠪᠢᠬᠤ ᠬᠡᠷᠡᠭᠳᠡᠢ᠃ | ᠶᠡᠷᠦ ᠳᠡᠭᠡᠨ᠂ ᠬᠡᠷᠡᠭᠯᠡᠬᠦ ᠵᠠᠯᠭᠠᠳᠠᠰᠤᠨ ᠤ ᠲᠦᠷᠦᠯ ᠵᠦᠢᠯ᠂ ᠭᠷᠡᠮ ᠪᠦᠷᠢ ᠶᠢᠨ ᠦᠷᠡ ᠶᠢᠨ ᠲᠤᠭᠠ᠂ ᠲᠠᠷᠢᠬᠤ | ᠬᠡᠮᠵᠢᠶᠡ ᠪᠠ ᠴᠢᠬᠢ ᠮᠤᠳᠤ ᠤᠷᠭᠤᠭᠤᠯᠬᠤ ᠲᠤᠭᠠ ᠶᠢ ᠲᠤᠤᠷᠠᠬᠢ ᠬᠦᠰᠦᠨᠦᠭ 1 ᠳᠤ ᠦᠵᠡᠭᠡᠷᠡᠢ᠃ | ③ ᠲᠠᠷᠢᠬᠤ ᠠᠷᠭᠠ ᠮᠠᠶ᠋ᠢᠭ᠄ ᠲᠠᠷᠢᠬᠤ ᠠᠷᠭᠠ ᠮᠠᠶ᠋ᠢᠭ ᠢ ᠦᠷᠡ ᠶᠢᠨ ᠮᠦᠬᠦᠯᠢᠭ ᠤᠨ ᠶᠡᠭᠡ ᠪᠠᠭᠠ ᠪᠤᠯᠤᠨ | ᠬᠦᠷᠦᠰᠦ ᠰᠢᠷᠤᠢ ᠶᠢᠨ ᠨᠦᠬᠦᠴᠡᠯ ᠢᠶᠠᠷ ᠲᠤᠭᠲᠠᠭᠠᠨᠠ᠃ ᠶᠡᠷᠦᠳᠡ ᠶᠢᠨ ᠬᠡᠷᠡᠭᠯᠡᠳᠡᠭ ᠲᠠᠷᠢᠬᠤ ᠠᠷᠭᠠ ᠮᠠᠶ᠋ᠢᠭ ᠨᠢ | ᠲᠤᠤᠷᠠᠬᠢ ᠮᠡᠲᠦ᠄ | ᠵᠤᠷᠢᠭᠯᠠᠨ ᠲᠠᠷᠢᠬᠤ᠄ ᠦᠷᠢᠯ᠂ ᠬᠠᠶᠢᠲᠠᠩ᠂ ᠠᠯᠢᠮᠠ ᠬᠠᠳ ᠵᠡᠷᠭᠡ ᠶᠢᠨ ᠵᠢᠵᠢᠭ ᠮᠦᠬᠦᠯᠢᠭᠲᠦ ᠦᠷᠡ ᠶᠢ | ᠴᠢᠰᠠ ᠭᠠᠷᠭᠠᠵᠤ ᠲᠤᠭᠲᠠᠭᠰᠠᠨ ᠰᠠᠭᠤᠷᠢ ᠮᠦᠷ ᠤᠨ ᠵᠠᠢ ᠪᠠᠷ ᠵᠤᠷᠠᠭᠯᠠᠵᠤ ᠲᠠᠷᠢᠨᠠ᠃ ᠡᠭᠦᠨ ᠢ | ᠦᠢᠯᠡᠳᠪᠦᠷᠢᠯᠡᠯ ᠳᠤ ᠬᠡᠷᠡᠭᠯᠡᠬᠦ ᠨᠢ ᠢᠯᠡᠭᠦᠦ᠃ | ᠴᠤᠨᠤᠭᠯᠠᠨ ᠲᠠᠷᠢᠬᠤ᠄ ᠤᠯᠠᠩᠬᠢ ᠳᠠᠭᠠᠨ ᠲᠤᠮᠤ ᠮᠦᠬᠦᠯᠢᠭᠲᠦ ᠦᠷᠡ ᠶᠢ ᠲᠠᠷᠢᠬᠤ ᠳᠤ ᠬᠡᠷᠡᠭᠯᠡᠨᠡ᠃ | ᠵᠢᠱᠢᠶᠡᠯᠡᠪᠡᠯ ᠭᠦᠢᠯᠡᠰᠦ᠂ ᠵᠡᠷᠯᠢᠭ ᠲᠤᠭᠤᠷ᠂ ᠬᠤᠰᠢᠭᠠ ᠵᠡᠷᠭᠡ ᠶᠢᠨ ᠦᠷᠡ ᠶᠢ ᠲᠠᠷᠢᠬᠤ ᠳᠤ ᠲᠤᠭᠲᠠᠭᠰᠠᠨ ᠮᠦᠷ | ᠰᠠᠭᠤᠷᠢ ᠶᠢᠨ ᠵᠠᠢ ᠶᠢ ᠦᠵᠡᠵᠦ ᠴᠤᠨᠤᠭᠯᠠᠨ ᠲᠠᠷᠢᠨᠠ᠃ | ᠰᠠᠴᠤᠵᠤ ᠲᠠᠷᠢᠬᠤ᠄ ᠦᠷᠡᠲᠦ ᠵᠢᠮᠢᠰ ᠤᠨ ᠲᠦᠷᠦᠯ ᠵᠡᠷᠭᠡ ᠵᠢᠵᠢᠭ ᠮᠦᠬᠦᠯᠢᠭᠲᠦ ᠦᠷᠡ ᠶᠢ ᠪᠤᠯ ᠰᠠᠴᠤᠵᠤ | ᠲᠠᠷᠢᠨᠠ᠃ ᠡᠨᠡ ᠠᠷᠭᠠ ᠪᠠᠷ ᠲᠠᠷᠢᠬᠤ ᠨᠢ ᠭᠠᠵᠠᠷ ᠰᠢᠷᠤᠢ ᠳᠠᠭᠠᠨ ᠠᠷᠪᠢᠳᠠᠢ᠂ ᠴᠢᠬᠢ ᠭᠠᠷᠬᠤ ᠲᠤᠭᠠ ᠨᠢ ᠢᠯᠡᠬᠦᠦ᠂ | ᠭᠡᠪᠡᠴᠦ ᠲᠡᠵᠢᠭᠡᠯᠲᠦ ᠲᠠᠯᠠᠪᠠᠢ ᠨᠢ ᠪᠠᠭᠠ᠂ ᠴᠢᠬᠢ ᠶᠢᠨ ᠲᠤᠭᠠ ᠨᠢ ᠤᠯᠠᠨ ᠲᠤᠯᠠ ᠤᠷᠭᠤᠯᠳᠠ ᠨᠢ ᠪᠠᠷᠤᠭᠳᠠᠢ | ᠪᠦᠭᠡᠳ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠬᠤ ᠳᠤ ᠲᠦᠬᠦᠮ ᠦᠭᠡᠢ᠃ | | |