| ᠡᠭᠦᠨ ᠢ ᠪᠠᠰᠠ ᠤᠯᠠᠭᠠᠨ ᠦᠵᠦᠮ ᠭᠡᠬᠦ ᠪᠤᠶᠤ ᠨᠠᠮᠤᠷ ᠤᠨ ᠪᠤᠷᠤ ᠦᠵᠦᠮ ᠭᠡᠳᠡᠭ᠃ ᠮᠠᠨ ᠤ ᠤᠯᠤᠰ ᠤᠨ | ᠡᠷᠲᠡ ᠠᠴᠠ ᠲᠠᠷᠢᠵᠦ ᠪᠤᠶᠢᠵᠢᠭᠤᠯᠵᠤ ᠢᠷᠡᠭᠰᠡᠨ ᠰᠢᠯᠢᠳᠡᠭ ᠰᠠᠶᠢᠨ ᠡᠭᠦᠯᠳᠡᠷ ᠮᠦᠨ᠃ ᠦᠪᠦᠷ ᠮᠤᠩᠭᠤᠯ ᠤᠨ | ᠰᠠᠭᠠᠯᠢᠴᠢᠨ᠂ ᠪᠤᠭᠤᠲᠤ ᠬᠤᠳᠠ ᠪᠠ ᠤᠯᠠᠭᠠᠨᠬᠠᠳᠠ ᠶᠢᠨ ᠲᠡᠭᠦᠷᠭᠡ ᠶᠢᠨ ᠪᠠᠭᠠ ᠠᠭᠤᠷ ᠠᠮᠢᠰᠬᠤᠯ ᠰᠠᠶᠢᠲᠠᠢ | ᠭᠠᠵᠠᠷ ᠢᠶᠠᠷ ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ᠲᠠᠷᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠬᠦᠷᠦᠰᠦ ᠰᠢᠷᠤᠢ ᠶᠢᠨ ᠱᠠᠭᠠᠷᠳᠠᠯᠭᠠ | ᠴᠢᠩᠭᠠ ᠪᠤᠰᠤ᠂ ᠠᠭᠤᠯᠠᠷᠬᠠᠭ᠂ ᠲᠤᠪᠤᠷᠴᠠᠭ ᠭᠠᠵᠠᠷ ᠪᠤᠯᠤᠨ ᠭᠠᠩ ᠬᠠᠭᠤᠷᠠᠶᠢᠯᠢᠭ ᠬᠦᠷᠦᠰᠦᠨ ᠳᠤ ᠪᠦᠷ | ᠪᠤᠶᠢᠵᠢᠭᠤᠯᠵᠤ ᠪᠤᠯᠤᠨᠠ᠃ ᠬᠡᠳᠦᠶᠢᠪᠡᠷ ᠡᠶᠢᠮᠦ ᠪᠤᠯᠪᠠᠴᠤ ᠠᠩᠬᠠᠷᠤᠭᠤᠰᠢᠳᠠᠢ ᠵᠦᠢᠯ ᠭᠡᠪᠡᠯ᠂ ᠤᠷᠭᠤᠯᠳᠠ ᠶᠢᠨ ᠴᠠᠭ | ᠬᠤᠭᠤᠴᠠᠭᠠ ᠨᠢ 170 ᠡᠳᠦᠷ ᠠᠴᠠ ᠳᠡᠭᠡᠭᠰᠢ ᠪᠠᠶᠢᠬᠤ ᠭᠠᠵᠠᠷ ᠤᠷᠤᠨ ᠳᠤ ᠰᠠᠶ᠋ᠢ ᠦᠷᠡ ᠵᠢᠮᠢᠰ ᠨᠢ | ᠪᠤᠯᠪᠠᠰᠤᠷᠠᠵᠤ ᠵᠠᠪᠳᠤᠨᠠ᠃ ᠡᠰᠡ ᠲᠡᠭᠡᠪᠡᠯ ᠦᠷᠡ ᠵᠢᠮᠢᠰ ᠨᠢ ᠪᠤᠯᠪᠠᠰᠤᠷᠠᠵᠤ ᠠᠮᠵᠢᠬᠤ ᠦᠭᠡᠢ ᠪᠠᠷ | ᠬᠦᠢᠲᠡᠷᠡᠴᠢᠬᠡᠳᠡᠭ᠃ | ᠯᠦᠩ ᠶᠠᠨ ᠦᠵᠦᠮ ᠤᠨ ᠡᠮᠵᠡᠭ ᠦᠵᠦᠬᠦᠷ ᠨᠢ ᠨᠤᠭᠤᠭᠠᠪᠲᠤᠷ᠂ ᠨᠢᠷᠡᠢ ᠨᠠᠪᠴᠢ ᠨᠢ ᠤᠯᠠᠭᠠᠨ ᠬᠦᠷᠡᠩ᠂ | ᠬᠢᠯᠪᠠᠭᠠ ᠲᠠᠢ᠃ ᠨᠠᠪᠴᠢᠨ ᠤ ᠶᠡᠭᠡ ᠪᠠᠭᠠ ᠨᠢ ᠳᠤᠮᠳᠠ ᠬᠡᠪ᠂ ᠪᠦᠭᠡᠷᠡ ᠶᠢᠨ ᠬᠡᠯᠪᠡᠷᠢᠳᠠᠢ᠂ ᠦᠩᠭᠡᠨ ᠲᠠᠯᠠ ᠨᠢ | ᠬᠢᠯᠦᠭᠡᠷ᠂ ᠠᠷᠤ ᠲᠠᠯᠠ ᠨᠢ ᠨᠤᠯᠤᠤᠷ ᠦᠭᠡᠢ᠃ ᠨᠢᠭᠡᠨ ᠨᠠᠰᠤᠲᠤ ᠵᠡᠯᠡ ᠨᠢ ᠬᠦᠨ ᠬᠦᠷᠡᠩ ᠦᠩᠭᠡᠳᠡᠢ ᠪᠦᠬᠡᠳ | ᠲᠡᠭᠦᠨ ᠤ ᠳᠡᠭᠡᠭᠦᠷ ᠨᠢ ᠬᠠᠷᠠᠪᠲᠤᠷ ᠵᠤᠷᠪᠤᠰ ᠲᠠᠢ᠃ ᠦᠶᠡ ᠶᠢᠨ ᠵᠠᠢ ᠨᠢ ᠤᠷᠲᠤ ᠪᠦᠭᠡᠳ ᠪᠦᠳᠦᠬᠦᠨ᠂ ᠵᠢᠮᠢᠰ ᠤᠨ | ᠲᠦᠷᠦᠬᠦᠦ ᠨᠢ ᠪᠤᠵᠠᠭᠠᠢ᠂ ᠲᠤᠮᠳᠠ ᠶᠢ ᠪᠠᠷᠢᠮᠳᠠᠯᠠᠭᠰᠠᠨ ᠬᠦᠨᠳᠦ ᠨᠢ 600—700g ᠪᠠᠶᠢᠳᠠᠭ᠃ ᠵᠢᠮᠢᠰ ᠤᠨ | ᠮᠦᠬᠦᠯᠢᠭ ᠨᠢ ᠲᠤᠮᠤ᠂ ᠪᠦᠭᠡᠷᠡᠩᠬᠡᠢ ᠬᠡᠯᠪᠡᠷᠢᠳᠡᠢ᠂ ᠪᠤᠷᠤ ᠤᠯᠠᠭᠠᠨ ᠦᠩᠭᠡᠳᠡᠢ᠂ ᠶᠡᠭᠡ ᠪᠠᠭᠠ ᠨᠢ ᠲᠡᠩᠴᠡᠭᠦᠭᠡᠨ | ᠪᠠᠶᠢᠳᠠᠭ᠃ ᠵᠢᠮᠢᠰ ᠤᠨ ᠬᠠᠯᠢᠰᠤ ᠨᠢ ᠵᠤᠵᠠᠭᠠᠯᠢᠭ᠂ ᠵᠢᠮᠢᠰ ᠨᠢ ᠵᠦᠭᠡᠯᠡᠨ ᠪᠦᠭᠡᠳ ᠰᠢᠭᠦᠰᠦ ᠤᠯᠠᠨ᠂ ᠰᠢᠬᠢᠷᠯᠢᠭ | ᠬᠦᠴᠢᠯ ᠠᠮᠳᠠᠳᠠᠢ᠃ ᠦᠨᠦᠷ ᠨᠢ ᠠᠩᠬᠢᠯᠤᠮᠠ ᠪᠢᠰᠢ᠂ ᠪᠤᠯᠪᠠᠰᠤᠷᠠᠵᠤ ᠬᠦᠢᠴᠡᠪᠡᠯ ᠶᠠᠰᠤ ᠴᠢᠨᠠᠷ ᠨᠢ ᠤᠬᠢ ᠰᠠᠶᠢᠨ | ᠪᠤᠯᠳᠠᠭ᠃ | ᠮᠤᠳᠤᠨ ᠤ ᠤᠷᠭᠤᠴᠠ ᠨᠢ ᠢᠳᠡᠷᠡᠬᠦᠨ᠂ ᠬᠤᠷᠢᠶᠠᠯᠳᠠ ᠨᠢ ᠡᠯᠪᠡᠭ᠂ ᠭᠡᠪᠡᠴᠦ ᠵᠢᠮᠢᠰᠯᠡᠬᠦ ᠨᠤᠷᠮᠠ ᠨᠢ ᠳᠤᠤᠷᠠ᠂ | ᠵᠢᠮᠢᠰᠯᠡᠬᠦ ᠰᠠᠯᠠᠭᠠ ᠪᠤᠯᠭᠠᠨ ᠳᠡᠭᠡᠷᠡ ᠨᠢ ᠨᠢᠭᠡ ᠲᠦᠷᠦᠬᠦᠦ ᠤᠷᠭᠤᠳᠠᠭ᠃ ᠲᠡᠳ᠋ ᠰᠠᠯᠠᠭᠠ ᠶᠢᠨ ᠵᠢᠮᠢᠰ ᠰᠠᠭᠤᠬᠤ | ᠴᠢᠳᠠᠪᠤᠷᠢ ᠨᠢ ᠪᠠᠭᠤᠷᠠᠢ ᠪᠠᠶᠢᠳᠠᠭ᠃ ᠪᠤᠯᠪᠠᠰᠤᠷᠠᠯᠳᠠ ᠨᠢ ᠲᠦᠢᠯ ᠤᠨ ᠤᠷᠤᠢ᠂ ᠮᠠᠨ ᠤ ᠦᠪᠦᠷ ᠮᠤᠩᠭᠤᠯ | ᠤᠷᠤᠨ ᠳᠤ ᠠᠷᠪᠠᠨ ᠰᠠᠷᠠ ᠶᠢᠨ ᠡᠬᠢ ᠪᠤᠶᠤ ᠳᠤᠮᠳᠠᠴᠢ ᠪᠠᠷ ᠰᠠᠶ᠋ᠢ ᠪᠤᠯᠪᠠᠰᠤᠷᠠᠨᠠ᠃ | ᠯᠦᠩ ᠶᠠᠨ ᠦᠵᠦᠮ ᠤᠨ ᠵᠤᠬᠢᠴᠠᠯᠳᠤᠬᠤ ᠴᠢᠨᠠᠷ ᠨᠢ ᠴᠢᠩᠭᠠ᠂ ᠲᠠᠴᠢᠷ ᠮᠠᠭᠤ ᠬᠦᠷᠦᠰᠦᠨ ᠳᠤ ᠪᠠᠰᠠ | ᠵᠤᠬᠢᠴᠠᠳᠠᠭ᠃ ᠪᠤᠷᠳᠤᠭᠤᠷ ᠤᠰᠤᠨ ᠤ ᠱᠠᠭᠠᠷᠳᠠᠯᠭᠠ ᠨᠢ ᠳᠡᠮᠡᠢ ᠴᠢᠩᠭᠠ ᠪᠢᠰᠢ᠂ ᠭᠠᠩ ᠢ ᠶᠡᠭᠡ ᠳᠠᠭᠠᠭᠠᠨᠠ᠃ | ᠭᠠᠩᠳᠠᠮᠠᠯ ᠬᠦᠷᠦᠰᠦᠨ ᠳᠤ ᠲᠠᠷᠢᠵᠦ ᠪᠤᠶᠢᠵᠢᠭᠤᠯᠤᠭᠰᠠᠨ ᠯᠦᠩ ᠶᠠᠨ ᠦᠵᠦᠮ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠨᠢ ᠨᠡᠩ | ᠰᠠᠶᠢᠨ ᠪᠠᠶᠢᠳᠠᠭ᠃ |