ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠪᠣᠯᠪᠠᠰᠤᠨ ᠴᠠᠭ ᠦᠶᠡᠳᠤ ᠤᠷᠤᠭᠰᠠᠨᠠᠴᠠ ᠨᠠᠭ᠋ᠠᠰᠢ᠂ ᠤᠯᠤᠰᠤᠨ ᠵᠠᠰᠠᠯᠲᠠᠨᠢ ᠲᠡᠦᠬᠡ ᠵᠢᠨ ᠴᠠᠭ ᠦᠶᠡ ᠨᠢᠭᠡ ᠪᠦᠷᠢ ᠵᠢᠨ ᠬᠥᠮᠦᠰᠤᠨ ᠬᠠᠮᠲᠤᠪᠠᠷ ᠬᠠᠨᠳᠤᠬᠤ ᠭᠣᠣᠯ ᠰᠡᠳᠦᠪ ᠪᠤᠯᠪᠠ᠃ ᠭᠡᠪᠡᠴᠦ᠂ ᠤᠯᠤᠰᠤᠨ ᠵᠠᠰᠠᠯᠲᠠᠨᠢ ᠶᠠᠮᠠᠷ ᠬᠢᠷᠢ ᠲᠦᠪᠰᠢᠨᠳᠤ ᠬᠦᠷᠴᠦ ᠴᠢᠳᠠᠬᠤ ᠪᠣᠯ ᠬᠠᠷᠢᠨ ᠮᠠᠰᠢ ᠶᠡᠬᠡ ᠬᠡᠮᠵᠢᠶᠡᠨ ᠳᠡᠭᠡᠷᠡ ᠬᠥᠮᠦᠰᠤᠨ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯᠢ ᠬᠡᠷᠬᠢᠨ ᠣᠶ᠋ᠢᠯᠠᠭ᠋ᠠᠬᠤᠪᠠᠷ ᠲᠤᠬᠳᠠᠭ᠋ᠠᠬᠳᠠᠳᠠᠭ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠨᠡᠶ᠋ᠢᠭᠡᠮᠳᠤ᠂ 《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 （ᠬᠣᠵᠢᠮᠤᠨ ᠬᠥᠮᠦᠰ ᠦᠷᠭᠦᠯᠵᠢ 《ᠠᠷᠠᠳ ᠢᠷᠭᠡᠳ ᠵᠢᠨᠷ ᠲᠦᠷᠦ ᠵᠢᠨ ᠦᠨᠳᠦᠰᠦ ᠪᠤᠯᠭ᠋ᠠᠬᠤ》 ᠭᠡᠵᠦ ᠬᠡᠯᠡᠳᠡᠭ ᠪᠤᠯᠵᠠᠢ ） ᠭᠡᠳᠡᠭᠨᠢ ᠨᠡᠶ᠋ᠢᠭᠡᠮᠤᠨ ᠵᠠᠰᠠᠯᠲᠠ ᠵᠢᠨ ᠶᠠᠪᠤᠴᠠᠳᠤ ᠦᠵᠡᠯ ᠰᠠᠨᠠᠭᠠ ᠦᠵᠡᠯᠳᠡ ᠵᠢᠨ ᠲᠠᠯᠠᠪᠠᠷ ᠠᠯᠤᠰ ᠬᠡᠳᠦ ᠵᠢᠨ ᠨᠥᠯᠥᠭᠡ ᠦᠵᠡᠬᠦᠯᠦᠭᠰᠡᠨ ᠶᠤᠮ᠃
▲ ᠪᠠᠷᠠᠭᠤᠨ ᠵᠧᠤ ᠤᠯᠤᠰᠤᠨ ᠡᠬᠢᠨᠤ ᠦᠶᠡᠳᠤ ᠵᠧᠤ ᠬᠥᠩ ᠳ᠋ᠠᠨ᠂ ᠱᠠᠩ ᠤᠯᠤᠰ ᠮᠥᠬᠥᠵᠦ ᠵᠧᠤ ᠤᠯᠤᠰ ᠮᠠᠨᠳᠤᠭᠰᠠᠨ ᠲᠡᠦᠬᠡᠨ ᠲᠤᠷᠰᠢᠯᠭᠠ ᠵᠢ ᠳ᠋ᠦᠡᠭᠨᠡᠭᠡᠳ ᠬᠠᠮᠤᠭ ᠡᠷᠲᠡ 《ᠲᠩᠷᠢᠳᠤ ᠰᠦᠰᠦᠭᠯᠡᠵᠦ ᠠᠷᠠᠳ ᠢᠷᠭᠡᠳᠢ ᠬᠠᠮᠠᠭ᠋ᠠᠯᠠᠬᠤ》 ᠵᠣᠷᠢᠯᠲᠠ ᠵᠢ ᠲᠤᠷᠠᠳᠴᠤ᠂ ᠲᠩᠷᠢ ᠵᠢᠨ ᠵᠠᠷᠯᠢᠭᠢ ᠳᠠᠭ᠋ᠠᠵᠤ᠂ ᠦᠴᠦᠭᠡᠨ ᠢᠷᠭᠡᠳᠢ ᠬᠠᠷᠠᠭ᠋ᠠᠯᠵᠠᠨ ᠬᠠᠮᠠᠭ᠋ᠠᠯᠠᠵᠤ᠂ ᠪᠤᠶᠠᠨᠳᠤ ᠵᠠᠰᠠᠭ ᠶᠠᠪᠤᠭᠤᠯᠬᠤ ᠵᠢ ᠴᠢᠬᠤᠯᠠᠴᠢᠯᠠᠵᠤ᠂ ᠬᠣᠵᠢᠮᠤᠨ ᠠᠷᠠᠳ ᠵᠶ᠋ᠠᠷ ᠦᠨᠳᠦᠰᠦ ᠪᠣᠯᠭ᠋ᠠᠬᠤ ᠦᠵᠡᠯ ᠰᠠᠨᠠᠭ᠋ᠠᠨᠤ ᠣᠨᠣᠯᠤᠨ ᠰᠠᠭᠤᠷᠢ ᠵᠢ ᠲᠠᠯᠪᠢᠭᠰᠠᠨ ᠶᠤᠮ᠃
ᠲᠦᠷᠦ ᠬᠦᠷᠦᠨ ᠬᠡᠮᠡᠭᠴᠢ ᠠᠷᠠᠳ ᠢᠷᠭᠡᠳᠤᠨ ᠰᠠᠭᠤᠴᠠ ᠪᠣᠯᠠᠢ
《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ᠂ ᠦᠨᠳᠦᠰᠦ ᠪᠡᠬᠢᠵᠢᠭᠦᠨ ᠪᠠᠢ᠌ᠪᠠᠰᠤ ᠲᠦᠷᠦ ᠬᠦᠷᠦᠨ ᠠᠮᠤᠭᠤᠯᠠᠩ ᠪᠤᠯᠤᠮᠤᠢ》 ᠭᠡᠳᠡᠭᠨᠢ ᠡᠷᠲᠡᠨᠤ ᠪᠢᠴᠢᠭ 《ᠵᠠᠰᠠᠭᠲᠤ ᠨᠣᠮ· ᠲᠠᠪᠤᠨ ᠬᠥᠪᠡᠭᠦᠨᠤ ᠳᠠᠭᠤᠯᠠᠯ》ᠠᠴᠠ ᠢᠷᠡᠯᠲᠡᠶ᠂ ᠬᠡᠳᠦᠶ᠋ᠢᠪᠡᠷ ᠡᠷᠲᠡᠨᠤ ᠵᠠᠰᠠᠭᠲᠤ ᠨᠣᠮᠤᠨ ᠪᠤᠢ ᠪᠣᠯᠣᠭᠰᠠᠨ ᠣᠨ ᠵᠢᠯᠨᠢ ᠨᠡᠯᠢᠶᠡᠳ ᠣᠷᠣᠶ ᠪᠣᠯᠪᠠᠴᠤ 《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 ᠭᠡᠬᠦ ᠦᠵᠡᠯᠳᠡ ᠱᠠᠩ ᠤᠯᠤᠰ ᠵᠧᠤ ᠤᠯᠤᠰᠤᠨ ᠦᠶᠡᠠᠴᠠ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠵᠡᠶ᠂ ᠡᠭᠦᠨᠤ ᠲᠤᠬᠠᠢ ᠪᠠᠷᠠᠭᠤᠨ ᠵᠧᠤ ᠤᠯᠤᠰᠤᠨ ᠡᠬᠢᠨᠤ ᠦᠶᠡ ᠵᠢᠨ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭᠠᠴᠠ ᠬᠡᠷᠡᠴᠢ ᠤᠯᠵᠤ ᠪᠣᠯᠤᠨᠠ᠃ 《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 ᠬᠡᠳᠡᠭᠨᠢ ᠠᠷᠠᠳ ᠢᠷᠭᠡᠳ ᠪᠣᠯ ᠲᠦᠷᠦ ᠬᠦᠷᠦᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠵᠢᠨ ᠰᠠᠭᠤᠷᠢ ᠮᠥᠨ ᠭᠡᠰᠡᠨ ᠤᠳᠬᠠᠲᠠᠢ ᠦᠭᠡ ᠶᠤᠮ᠃
ᠡᠷᠲᠡᠨᠤ ᠲᠤᠮᠳᠠᠳᠤᠴᠤᠳᠨᠢ ᠡᠷᠲᠡᠨᠤ ᠭ᠋ᠷᠧᠭᠴᠦᠳ ᠰᠢᠭ ᠰᠠᠬᠢᠭᠤᠯᠰᠤᠨᠢ ᠦᠨᠡᠨ ᠶᠣᠰᠣ ᠪᠠ ᠰᠢᠳᠤᠷᠭᠤ ᠶᠣᠰᠣᠨᠤ ᠴᠤᠷᠤᠨ ᠭᠠᠭᠴᠠ ᠡᠬᠢ ᠰᠤᠷᠪᠤᠯᠵᠢ ᠪᠤᠯᠬᠤ ᠪᠦᠭᠡᠳ ᠪᠦᠬᠦᠶ᠋ᠢᠯᠡ ᠶᠢᠷᠲᠢᠨᠴᠦ ᠵᠢᠨ ᠡᠮᠬᠢ ᠵᠢᠷᠤᠮ ᠰᠠᠬᠢᠭᠤᠯᠰᠤᠨᠤ ᠵᠣᠷᠢᠭ ᠰᠠᠨᠠᠭᠠᠪᠠᠷ ᠲᠤᠭᠳᠠᠭ᠋ᠠᠭᠳᠠᠳᠠᠭ ᠭᠡᠵᠦ ᠦᠵᠡᠳᠡᠭ ᠦᠭᠡᠢ ᠪᠦᠭᠡᠳ ᠪᠠᠰᠠ ᠳᠤᠮᠳᠠᠳᠤ ᠵᠠᠭᠤᠨᠤ ᠦᠶᠡ ᠵᠢᠨ ᠧᠦ᠋ᠷᠣᠫᠠᠴᠤᠳ ᠰᠢᠭ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠤ ᠨᠡᠶ᠋ᠢᠭᠡᠮᠤᠨ ᠠᠯᠢᠪᠠ ᠪᠦᠬᠦᠨᠢ ᠴᠥᠮ ᠬᠤᠷᠮᠤᠰᠲᠠ ᠲᠩᠷᠢ ᠲᠣᠭᠲᠠᠭ᠋ᠠᠳᠠᠭ ᠭᠡᠵᠦ ᠦᠵᠡᠳᠡᠭ ᠦᠭᠡᠢ ᠶᠤᠮ᠃ ᠢᠩᠭᠢᠬᠦᠯᠡᠷ ᠬᠥᠮᠦᠰ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯᠢ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤ ᠴᠢᠳᠠᠪᠤᠷᠢᠲᠠᠢ ᠪᠣᠯᠬᠤ ᠦᠶᠡᠳᠤ ᠠᠩᠬᠠᠷᠤᠯ ᠵᠶ᠋ᠠᠨ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠤ ᠨᠡᠶ᠋ᠢᠭᠡᠮᠤᠨ ᠲᠤᠰ ᠪᠡᠶᠡᠳᠤ ᠲᠥᠪᠯᠡᠷᠡᠭᠦᠯᠵᠦ᠂ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠤᠨ ᠭᠣᠣᠯ ᠴᠣᠭᠴᠠ ᠪᠣᠯᠬᠤ ᠬᠥᠮᠦᠨᠢ ᠨᠡᠩ ᠢᠯᠡᠭᠦᠦ ᠠᠩᠬᠠᠷᠬᠤ ᠪᠤᠯᠵᠠᠢ᠃ ᠬᠥᠮᠦᠨᠤ ᠲᠤᠬᠠᠶ ᠲᠠᠨᠢᠯᠲᠠᠪᠠᠷ ᠵᠢᠨᠨ ᠳᠠᠮᠵᠢᠨ ᠪᠦᠬᠦ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠢ ᠣᠶ᠋ᠢᠯᠠᠭ᠋ᠠᠵᠤ᠂ ᠨᠡᠶ᠋ᠢᠭᠡᠮᠤᠨ ᠠᠰᠠᠭᠤᠳᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠬᠠᠷᠢᠭᠤᠯᠲᠠ ᠵᠢ ᠡᠷᠢᠳᠡᠭ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠨ ᠨᠠᠷᠤᠨ ᠬᠠᠮᠲᠤ ᠵᠢᠨ ᠦᠵᠡᠯ ᠰᠠᠨᠠᠭ᠋ᠠᠨᠤ ᠠᠷᠭᠠ ᠬᠡᠯᠪᠡᠷᠢ ᠮᠥᠨ᠃
ᠲᠤᠮᠳᠠᠳᠤᠴᠤᠳᠨᠢ ᠬᠥᠮᠦᠨᠤ ᠵᠣᠭᠰᠣᠯᠲᠠ ᠳᠡᠭᠡᠷᠡ ᠵᠣᠭᠰᠣᠵᠤ᠂ ᠬᠥᠮᠦᠨᠤ ᠬᠠᠷᠠᠭ᠋ᠠᠰᠤᠠᠴᠠ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠢ ᠣᠶ᠋ᠢᠯᠠᠭ᠋ᠠᠬᠤ ᠦᠶᠡᠳᠤ᠂ ᠲᠡᠳᠡ ᠶᠠᠭᠤᠨᠤ ᠡᠮᠦᠨᠡ ᠡᠵᠡᠨ᠂ ᠲᠦᠰᠢᠮᠡᠯ᠂ ᠠᠷᠠᠳ ᠮᠡᠲᠦ ᠵᠢᠨ ᠨᠡᠶ᠋ᠢᠭᠡᠮᠤᠨ ᠠᠳᠠᠯᠢ ᠪᠤᠰᠤ ᠪᠠᠶ᠋ᠢᠷᠢᠨᠳᠤ ᠠᠮᠢᠳᠤᠷᠠᠵᠤ ᠪᠠᠶ᠋ᠢᠭᠠ ᠬᠥᠮᠦᠰᠢ ᠣᠯᠵᠤ ᠬᠠᠷᠠᠵᠤ᠂ ᠡᠳᠡᠭᠡᠷ ᠬᠥᠮᠦᠰᠤᠨ ᠨᠡᠶ᠋ᠢᠭᠡᠮᠤᠨ ᠪᠠᠶ᠋ᠢᠷᠢ ᠰᠠᠭᠤᠷᠢᠨᠢ ᠠᠳᠠᠯᠢ ᠪᠤᠰᠤᠠᠴᠠ ᠪᠤᠯᠵᠤ᠂ ᠥᠪᠡᠷᠤᠨ ᠡᠭᠦᠷᠭᠡᠯᠡᠬᠦ ᠬᠠᠷᠢᠭᠤᠴᠠᠯᠭᠠ ᠪᠠ ᠡᠭᠦᠷᠭᠡᠨᠢ ᠴᠦ᠍ ᠠᠳᠠᠯᠢ ᠪᠤᠰᠤ ᠪᠠᠶ᠋ᠢᠳᠠᠭᠢ ᠤᠯᠵᠤ ᠮᠡᠳᠡᠵᠡᠢ᠃
ᠬᠥᠮᠦᠨ ᠠᠮᠠ ᠵᠢᠨ ᠣᠯᠠᠩᠬᠢ ᠲᠣᠭᠠ ᠵᠢ ᠡᠵᠡᠯᠡᠭᠰᠡᠨ ᠠᠷᠠᠳ ᠢᠷᠭᠡᠳ ᠪᠣᠯ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠬᠠᠷᠢᠴᠠᠯᠠᠰᠢ ᠦᠭᠡᠢ ᠴᠢᠬᠤᠯᠠ ᠴᠢᠨᠠᠷᠲᠠᠢ ᠪᠠᠢ᠌ᠳᠠᠭ ᠭᠡᠵᠦ ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠳ ᠦᠵᠡᠵᠦ ᠪᠠᠢ᠌ᠵᠠᠢ᠂ ᠪᠠᠶ᠋ᠢᠯᠳᠤᠭ᠋ᠠᠨᠲᠤ ᠤᠯᠤᠰᠤᠨ ᠦᠶᠡ ᠵᠢᠨ ᠮᠧᠩᠽᠢᠠᠴᠠ ᠡᠵᠡᠨ ᠬᠠᠭ᠋ᠠᠨ᠂ ᠠᠷᠠᠳ ᠢᠷᠭᠡᠨ ᠪᠣᠯᠤᠨ ᠲᠦᠷᠦ ᠬᠦᠷᠦᠨ ᠭᠤᠷᠪᠠ ᠵᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠬᠠᠷᠢᠴᠠᠭᠤᠯᠤᠭ᠋ᠠᠳ 《ᠠᠷᠠᠳ ᠢᠷᠭᠡᠳ ᠡᠷᠬᠢᠮ ᠳᠡᠭᠡᠳᠦ᠂ ᠤᠯᠤᠰ ᠭᠦᠷᠦᠨ ᠲᠡᠳ᠋᠂ ᠡᠵᠡᠨ ᠬᠦᠨᠭᠭᠡᠨ ᠪᠤᠶᠤ》 （ᠮᠸᠡᠭᠽᠢ · ᠰᠡᠳᠬᠢᠯ ᠬᠦᠢ᠍ᠴᠡᠳᠭᠡᠬᠦ ᠪᠦᠯᠦᠭ ᠲᠤᠤᠷᠠᠳᠤ》） ᠭᠡᠪᠡ᠃ ᠡᠢ᠌ᠨ ᠬᠦ᠌ ᠠᠷᠠᠳ ᠢᠷᠭᠡᠳ ᠪᠤᠯ ᠲᠦᠷᠦ ᠬᠦᠷᠦᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠵᠢᠨ ᠦᠨᠳᠦᠰᠦᠨ ᠨᠥᠬᠥᠴᠡᠯ ᠮᠥᠨ᠂ ᠬᠡᠷᠪᠡ ᠠᠷᠠᠳ ᠢᠷᠭᠡᠳ ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ ᠲᠦᠷᠦ ᠬᠦᠷᠦᠨ ᠪᠠᠶ᠋ᠢᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠦᠵᠡᠪᠡ᠃
《ᠤᠰᠤ ᠭᠤᠷᠤᠬᠠ ᠪᠤᠯᠪᠠᠰᠤ ᠵᠢᠭ᠋ᠠᠰᠤ ᠯᠣᠣ ᠵᠢᠨ ᠰᠠᠭᠤᠴᠠ ᠪᠤᠯᠠᠢ； ᠠᠭᠤᠯᠠ ᠰᠢᠭᠤᠶ ᠪᠤᠯᠪᠠᠰᠤ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨᠤ ᠰᠠᠭᠤᠴᠠ ᠪᠤᠯᠠᠢ； ᠲᠦᠷᠦ ᠬᠦᠷᠦᠨ ᠪᠤᠯᠪᠠᠰᠤ ᠬᠠᠷᠠᠴᠤ ᠢᠷᠭᠡᠳᠤᠨ ᠰᠠᠭᠤᠴᠠ ᠪᠣᠯᠠᠢ᠁ ᠭᠠᠵᠠᠷ ᠰᠢᠷᠦᠢ ᠦᠭᠡᠢ ᠪᠣᠯᠪᠠᠰᠤ ᠬᠥᠮᠦᠨ ᠠᠮᠤᠷ ᠵᠢᠮᠦᠷ ᠰᠠᠭᠤᠵᠤ ᠦᠯᠦ ᠴᠢᠳᠠᠮᠤᠢ᠂ ᠬᠥᠮᠦᠨ ᠦᠭᠡᠢ ᠪᠣᠯᠪᠠᠰᠤ ᠭᠠᠵᠠᠷ ᠰᠢᠷᠣᠢᠪᠠᠨ ᠰᠠᠬᠢᠵᠤ ᠦᠯᠦ ᠴᠢᠳᠠᠮᠤᠢ᠂ ᠶᠣᠰᠣ ᠬᠠᠤᠯᠢ ᠦᠭᠡᠢ ᠪᠣᠯᠪᠠᠰᠤ ᠬᠥᠮᠥᠨ ᠶᠠᠭᠤ ᠵᠢ ᠴᠤ᠌ ᠪᠦᠳᠦᠭᠡᠵᠦ ᠦᠯᠦ ᠴᠢᠳᠠᠮᠤᠢ᠂ ᠰᠠᠶ᠋ᠢᠳ ᠡᠷᠳᠡᠮᠲᠡᠨ ᠦᠭᠡᠢ ᠪᠣᠯᠪᠠᠰᠤ ᠶᠣᠰᠣ ᠵᠢ ᠪᠠᠷᠢᠵᠦ ᠦᠯᠦ ᠴᠢᠳᠠᠮᠤᠢ᠃ ᠨᠤᠲᠤᠭ ᠤᠰᠤ ᠠᠨᠤ ᠬᠥᠮᠦᠨᠯᠦᠭᠡ ᠠᠳᠠᠯᠢ᠂ ᠶᠣᠰᠣ ᠰᠤᠷᠲᠠᠬᠤᠨ ᠠᠨᠤ ᠬᠠᠤᠯᠢ ᠴᠠᠭ᠋ᠠᠵᠠᠯᠤᠭᠠ ᠠᠳᠠᠯᠢ᠂ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ ᠪᠤᠯᠠᠢ》 （《ᠰᠢᠶᠦ᠋ᠨᠽᠢ · ᠴᠢᠳᠠᠪᠤᠷᠢᠳᠠᠨ ᠡᠯᠰᠡᠬᠦᠢ》）᠃ ᠨᠢᠭᠡᠨ ᠲᠦᠷᠦ ᠵᠢᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠵᠢᠨ ᠤᠷᠢᠲᠠᠯ ᠪᠣᠯ ᠥᠪᠡᠷᠢᠪᠠᠨ ᠠᠷᠠᠳ ᠣᠯᠠᠨᠳᠤ ᠲᠠᠲᠠᠬᠤ ᠬᠦᠴᠦᠨᠲᠠᠢ ᠲᠦᠷᠦ ᠬᠦᠷᠦᠨ ᠪᠣᠯᠭ᠋ᠠᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ᠂ ᠭᠡᠬᠦᠳᠤᠪᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠤᠯᠤᠰᠤᠨ ᠵᠠᠰᠠᠯᠲᠠ ᠪᠣᠯ ᠶᠣᠰᠣ ᠵᠢᠷᠤᠮᠲᠠᠢ ᠨᠡᠶ᠋ᠢᠴᠡᠭᠰᠡᠨ ᠤᠯᠤᠰ ᠲᠥᠷᠥ ᠵᠢᠨ ᠠᠮᠢᠳᠤᠷᠠᠯ ᠪᠤᠯᠬᠤ ᠪᠦᠭᠡᠳ ᠪᠠᠰᠠ ᠠᠷᠠᠳ ᠢᠷᠭᠡᠳ ᠲᠡᠭᠦᠨᠤ ᠲᠤᠳᠤᠷᠠ ᠠᠮᠢᠳᠤᠷᠠᠬᠤ ᠳᠤᠷᠠᠲᠠᠶ ᠪᠠᠶ᠋ᠢᠬᠤᠪᠠᠷ ᠤᠷᠢᠲᠠᠯ ᠪᠤᠯᠭ᠋ᠠᠵᠤ ᠪᠠᠢ᠌ᠳᠠᠭ᠃
ᠠᠷᠠᠳ ᠢᠷᠭᠡᠳ ᠪᠣᠯ ᠲᠦᠷᠦ ᠬᠦᠷᠦᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠵᠢᠨ ᠤᠷᠢᠲᠠᠯ ᠮᠥᠨ᠂ ᠮᠥᠨ ᠴᠦ᠍ ᠡᠵᠡᠨ ᠬᠠᠭ᠋ᠠᠨᠤ ᠡᠵᠡᠨ ᠬᠠᠭ᠋ᠠᠨ ᠰᠠᠭᠤᠬᠤ ᠵᠢᠨ ᠤᠷᠢᠲᠠᠯ ᠮᠥᠨ᠃ ᠪᠠᠶ᠋ᠢᠯᠳᠤᠭ᠋ᠠᠨᠲᠤ ᠤᠯᠤᠰᠤᠨ ᠦᠶᠡ ᠵᠢᠨ ᠰᠢᠶᠦ᠋ᠨᠽᠢᠨᠢ ᠵᠢᠭ᠋ᠠᠰᠤ ᠪᠠ ᠤᠰᠤᠪᠠᠷ ᠡᠵᠡᠨ ᠬᠠᠭ᠋ᠠᠨ ᠪᠠ ᠠᠷᠠᠳ ᠢᠷᠭᠡᠳᠤᠨ ᠬᠠᠷᠢᠴᠠᠭᠠ ᠵᠢ ᠵᠦᠢ᠍ᠷᠯᠡᠵᠦ᠂ 《ᠡᠵᠡᠨ ᠬᠠᠭ᠋ᠠᠨ ᠣᠩᠭᠣᠴᠠ ᠪᠤᠯᠠᠢ᠂ ᠬᠠᠷᠠᠴᠤ ᠢᠷᠭᠡᠳ ᠤᠰᠤ ᠪᠤᠯᠠᠢ᠂ ᠤᠰᠤᠨᠢ ᠣᠩᠭᠣᠴᠠ ᠵᠢ ᠬᠦᠪᠪᠦᠬᠦᠯᠵᠦ ᠴᠢᠳᠠᠮᠤᠢ᠂ ᠤᠰᠤᠨᠢ ᠪᠠᠰᠠ ᠣᠩᠭᠣᠴᠠ ᠵᠢ ᠬᠥᠷᠪᠡᠭᠦᠯᠵᠦ ᠴᠢᠳᠠᠮᠤᠢ》 （《ᠰᠢᠶᠦ᠋ᠨᠽᠢ · ᠸᠠᠩᠤᠨ ᠳᠦᠷᠢᠮ》） ᠬᠡᠪᠡ᠃ ᠲᠠᠩ ᠤᠯᠤᠰᠤᠨ ᠵᠧᠨ ᠭᠤᠸᠠᠨᠤ ᠦᠶᠡᠳᠤ᠂ ᠲᠠᠩ ᠲᠠᠶ᠋ᠢᠽᠦ᠋ᠩ ᠯᠢ ᠱ᠌ᠢ ᠮᠢᠨ ᠰᠢᠶᠦ᠋ᠨᠽᠢ ᠵᠢᠨ ᠬᠡᠯᠡᠭᠰᠡᠨ ᠡᠨᠡ ᠬᠦ᠌ ᠶᠣᠰᠣ ᠤᠴᠢᠷᠢ ᠴᠢᠨᠠᠬᠰᠢᠳᠠ ᠲᠣᠳᠣᠷᠬᠠᠶ᠋ᠢᠯᠠᠵᠤ᠂ ᠵᠢᠭ᠋ᠠᠰᠤ ᠤᠰᠤᠨᠠᠴᠠ ᠰᠠᠯᠪᠠᠯ ᠠᠮᠢᠳᠤᠷᠠᠬᠤ ᠵᠢᠨ ᠠᠷᠭᠠ ᠦᠭᠡᠶ᠂ ᠭᠡᠪᠡᠴᠦ ᠤᠰᠤ ᠵᠢᠭ᠋ᠠᠰᠤᠠᠴᠠ ᠰᠠᠯᠤᠭᠰᠠᠨ ᠴᠤ᠌ ᠤᠰᠤ ᠮᠥᠨ ᠯᠡ ᠬᠡᠪ ᠵᠶ᠋ᠡᠷ ᠵᠶ᠋ᠡᠨ ᠪᠠᠢ᠌ᠵᠤ ᠴᠢᠳᠠᠨᠠ᠃ ᠡᠶ᠋ᠢᠮᠦᠠᠴᠠ ᠡᠵᠡᠨ ᠬᠠᠭ᠋ᠠᠨ ᠪᠣᠯᠤᠨ ᠠᠷᠠᠳ ᠢᠷᠭᠡᠳᠤᠨ ᠬᠤᠭᠤᠷᠤᠨᠳᠦᠬᠢ ᠬᠠᠷᠢᠴᠠᠭᠠᠳᠤ ᠠᠷᠠᠳ ᠢᠷᠭᠡᠳ ᠪᠣᠯ ᠨᠠᠩ ᠴᠢᠬᠤᠯᠠ ᠶᠤᠮ ᠬᠡᠵᠡᠢ᠃
▲ ᠪᠠᠷᠠᠭᠤᠨ ᠵᠧᠤ ᠤᠯᠤᠰᠤᠨ ᠡᠬᠢᠨᠤ ᠦᠶᠡ ᠵᠢᠨ ᠾᠧ ᠤᠪᠤᠬᠳᠤ ᠢᠵᠠᠭᠤᠷᠳᠠᠨᠤ ᠬᠢᠭᠰᠡᠨ ᠲᠠᠬᠢᠯᠭᠠ ᠵᠢᠨ ᠬᠡᠷᠡᠭᠰᠡᠯ ᠪᠤᠯᠤᠨᠠ᠂ ᠳᠡᠭᠡᠷᠡᠨᠢ ᠬᠠᠮᠤᠭ ᠡᠷᠲᠡᠨᠤ ᠦᠶᠡ ᠵᠢᠨ 《ᠳᠤᠮᠳᠠᠳᠤ ᠤᠯᠤᠰ》 ᠭᠡᠬᠦ ᠬᠣᠶᠠᠷ ᠦᠰᠦᠭᠢ ᠰᠡᠢ᠌ᠯᠵᠡᠢ᠂ 《ᠤᠯᠤᠰ》 ᠭᠡᠳᠡᠭ ᠦᠰᠦᠭᠨᠢ ᠵᠡᠪᠰᠡᠭ ᠪᠠᠷᠢᠵᠤ ᠬᠣᠲᠠ ᠵᠢ ᠰᠠᠬᠢᠬᠤ ᠭᠡᠰᠡᠨ ᠤᠳᠬᠠᠲᠠᠢ ᠪᠠᠢ᠌ᠵᠠᠢ᠃ 《ᠡᠦ ᠶᠤᠸᠠᠢ ᠵᠢᠨ ᠴᠦᠨ ᠴᠢᠦ ᠪᠢᠴᠢᠭ》ᠲᠤ᠄ 《ᠬᠤᠳᠠ ᠴᠠᠢ᠌ᠵᠠ ᠪᠠᠶ᠋ᠢᠭᠤᠯᠤᠨ ᠡᠵᠡᠨ ᠬᠠᠭ᠋ᠠᠨᠢ ᠬᠠᠮᠠᠭ᠋ᠠᠯᠠᠬᠤᠳᠤᠷ ᠭᠡᠷᠡᠭᠯᠡᠮᠤᠢ᠂ ᠭᠠᠳᠠᠷ ᠭᠡᠷᠡᠮ ᠪᠠᠶ᠋ᠢᠭᠤᠯᠤᠨ ᠠᠷᠠᠳ ᠢᠷᠭᠡᠳᠢ ᠬᠠᠮᠠᠭ᠋ᠠᠯᠠᠬᠤᠳᠤᠷ ᠭᠡᠷᠡᠭᠯᠡᠮᠤᠢ》 ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨᠨᠢ ᠲᠦᠷᠦ ᠬᠦᠷᠦᠨ ᠪᠣᠯᠤᠨ ᠠᠷᠠᠳ ᠲᠦᠮᠡᠨᠤ ᠨᠢᠭᠲᠠ ᠬᠠᠷᠢᠴᠠᠭᠠ ᠵᠢ ᠲᠣᠳᠣᠷᠬᠠᠶ᠋ᠢᠯᠠᠨ ᠥᠭᠦᠯᠡᠵᠡᠶ᠃
ᠠᠷᠠᠳᠤᠨ ᠰᠡᠳᠬᠢᠯᠢ ᠣᠯᠤᠭᠰᠠᠳ ᠲᠡᠯᠡᠭᠡᠢ ᠳ᠋ᠡᠬᠢᠨᠢ ᠣᠯᠤᠮᠤᠢ
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠨ ᠨᠠᠷ ᠠᠷᠠᠳ ᠢᠷᠭᠡᠳᠤᠨ ᠴᠢᠬᠤᠯᠠ ᠴᠢᠨᠠᠷᠢ ᠶᠠᠷᠢᠯᠴᠠᠬᠤᠳᠤᠪᠠᠨ᠂ ᠠᠷᠠᠳ ᠢᠷᠭᠡᠳᠢ ᠨᠢᠭᠡᠨ ᠪᠦᠬᠦᠯᠢ ᠴᠣᠭᠴᠠ ᠪᠣᠯᠭ᠋ᠠᠨ ᠦᠵᠡᠳᠡᠭ ᠪᠠᠶ᠋ᠢᠵᠠᠢ᠂ ᠲᠡᠳᠡᠨᠤ ᠦᠵᠡᠬᠦᠪᠠᠷ᠂ ᠠᠷᠠᠳ ᠢᠷᠭᠡᠳᠨᠢ ᠨᠢᠭᠡᠨ ᠪᠦᠬᠦᠯᠢ ᠴᠣᠭᠴᠠ ᠪᠣᠯᠣᠭᠰᠠᠨᠤ ᠬᠤᠪᠢᠳᠤ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯᠳᠤ ᠰᠢᠢ᠍ᠳᠪᠦᠷᠢᠯᠡᠭᠴᠢ ᠬᠦᠴᠦᠨ ᠴᠢᠳᠠᠯᠢ ᠦᠵᠡᠬᠦᠯᠵᠦ ᠪᠠᠶ᠋ᠢᠳᠠᠭ᠃ ᠡᠨᠡ ᠬᠦ᠌ ᠬᠦᠴᠦᠨ ᠴᠢᠳᠠᠯᠨᠢ ᠲᠦᠷᠦ ᠬᠦᠷᠦᠨᠤ ᠤᠯᠤᠰ ᠲᠦᠷᠦ ᠵᠢᠨ ᠡᠮᠬᠢ ᠵᠢᠷᠤᠮᠢ ᠲᠣᠭᠲᠠᠭ᠋ᠠᠵᠤ᠂ ᠠᠷᠠᠳ ᠢᠷᠭᠡᠳᠤᠨ ᠰᠡᠳᠬᠢᠯᠤᠨ ᠬᠠᠨᠳᠤᠰᠢᠨᠢ ᠨᠢᠭᠡᠨ ᠲᠦᠷᠦ ᠵᠢᠨ ᠰᠠᠮᠠᠭᠤᠷᠠᠯ ᠪᠠ ᠮᠠᠨᠳᠤᠯ ᠮᠦᠬᠦᠯᠢ ᠲᠣᠭᠲᠠᠭ᠋ᠠᠵᠤ ᠪᠠᠶ᠋ᠢᠳᠠᠭ ᠭᠡᠳᠡᠭ᠃
ᠮᠧᠩᠽᠢ ᠰᠢᠶᠠ ᠤᠯᠤᠰ᠂ ᠱᠠᠩ ᠤᠯᠤᠰ᠂ ᠵᠧᠤ ᠤᠯᠤᠰᠤᠨ ᠭᠤᠷᠪᠠᠨ ᠲᠥᠷᠥ ᠵᠢᠨ ᠮᠠᠨᠳᠤᠵᠤ ᠮᠥᠬᠥᠭᠰᠡᠨ ᠲᠡᠦᠬᠡ ᠵᠢ ᠳ᠋ᠦᠩᠨᠡᠬᠦᠳᠤᠪᠠᠨ᠂ ᠰᠢᠶᠠ ᠤᠯᠤᠰ᠂ ᠱᠠᠩ ᠤᠯᠤᠰ ᠬᠣᠶᠠᠷ ᠲᠥᠷᠥ ᠵᠢᠨ ᠮᠥᠬᠥᠭᠰᠡᠨ ᠪᠣᠯ ᠠᠷᠠᠳ ᠢᠷᠭᠡᠳᠤᠨ ᠳᠡᠮᠵᠢᠯᠭᠡ ᠵᠢ ᠠᠯᠳᠠᠭᠰᠠᠨᠠᠴᠠ ᠪᠣᠯᠵᠠᠶ ᠭᠡᠪᠡ᠃ ᠮᠧᠩᠽᠢ ᠵᠢᠨ ᠡᠨᠡ ᠬᠡᠯᠡᠯᠭᠡ ᠪᠣᠯ ᠵᠥᠪ ᠶᠤᠮ᠃ ᠲᠡᠦᠬᠡᠨ ᠳᠡᠭᠡᠷᠡ ᠠᠯᠢ ᠴᠤ᠌ ᠬᠠᠭ᠋ᠠᠨᠲᠤ ᠲᠦᠷᠦ ᠭᠡᠳ ᠠᠷᠠᠳᠤᠨ ᠰᠡᠳᠬᠢᠯᠢ ᠠᠯᠳᠠᠭᠰᠠᠨ ᠪᠠᠶ᠋ᠢᠳᠠᠯᠤᠨ ᠳᠣᠣᠷᠠ ᠤᠳᠠᠭ᠋ᠠᠨ ᠦᠷᠭᠦᠯᠵᠢᠯᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠶᠤᠮ᠃ ᠨᠣᠶᠠᠷᠬᠠᠭᠴᠢᠳᠲᠤ ᠠᠪᠴᠤ ᠬᠡᠯᠡᠪᠡᠯ᠂ ᠤᠯᠤᠰ ᠲᠦᠷᠦ ᠵᠢᠨ ᠲᠣᠭᠲᠠᠭᠤᠨ ᠡᠮᠬᠢ ᠵᠢᠷᠤᠮᠢ ᠬᠠᠮᠠᠭ᠋ᠠᠯᠠᠶᠠ ᠭᠡᠪᠡᠯ᠂ ᠡᠷᠬᠡᠪᠰᠢ ᠠᠷᠠᠳ ᠢᠷᠭᠡᠳᠤᠨ ᠰᠡᠳᠬᠢᠯᠤᠨ ᠳᠡᠮᠵᠢᠯᠭᠡ ᠵᠢ ᠤᠯᠬᠤ ᠬᠡᠷᠡᠭᠲᠡᠢ᠂ ᠡᠨᠡ ᠪᠣᠯ 《ᠠᠷᠠᠳᠤᠨ ᠰᠡᠳᠬᠢᠯᠢ ᠣᠯᠤᠭᠰᠠᠳ ᠲᠡᠯᠡᠭᠡᠢ ᠳ᠋ᠡᠬᠢᠨᠢ ᠣᠯᠣᠨᠠ》 ᠭᠡᠰᠡᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃
ᠲᠡᠭᠡᠪᠡᠯ᠂ ᠠᠷᠠᠳ ᠢᠷᠭᠡᠳᠤᠨ ᠰᠡᠳᠬᠢᠯᠤᠨ ᠳᠡᠮᠵᠢᠯᠭᠡ ᠵᠢ ᠬᠡᠷᠬᠢᠨ ᠣᠯᠬᠤ ᠲᠤᠬᠠᠢ ᠡᠷᠲᠡᠨᠤ ᠬᠥᠮᠦᠰ ᠦᠵᠡᠬᠦᠳᠤᠪᠠᠨ᠂ ᠬᠠᠮᠤᠭᠤᠨ ᠰᠠᠶ᠋ᠢᠨ ᠠᠷᠭᠠ ᠪᠣᠯ ᠨᠣᠶᠠᠷᠬᠠᠭᠴᠢᠳ ᠲᠥᠷᠥ ᠵᠢ ᠵᠠᠰᠠᠵᠤ ᠵᠠᠰᠠᠭᠢ ᠡᠷᠭᠢᠯᠡᠬᠦ ᠶᠠᠪᠤᠴᠠᠳᠤ᠂ ᠠᠷᠠᠳ ᠢᠷᠭᠡᠳᠤᠨ ᠬᠦᠰᠡᠯ ᠰᠠᠨᠠᠭᠠᠠᠴᠠ ᠵᠥᠷᠢᠴᠡᠵᠦ ᠪᠣᠯᠬᠤ ᠥᠬᠡᠶ᠂ ᠠᠷᠠᠳ ᠢᠷᠭᠡᠳᠤᠨ ᠳᠤᠷᠠᠲᠠᠶ ᠶᠠᠭᠤᠮᠠ ᠵᠢ ᠠᠷᠠᠳ ᠢᠷᠭᠡᠳᠲᠤ ᠦᠭᠭᠦ ᠭᠡᠷᠡᠭᠳᠡᠢ᠂ ᠬᠠᠷᠢᠨ ᠠᠷᠠᠳ ᠢᠷᠭᠡᠳᠤᠨ ᠳᠤᠷᠠ ᠥᠬᠡᠶ ᠶᠠᠭᠤᠮᠠ ᠵᠢ ᠠᠷᠠᠳ ᠢᠷᠭᠡᠳᠲᠤ ᠠᠯᠪᠠᠪᠠᠷ ᠦᠭᠴᠦ ᠪᠣᠯᠬᠤ ᠥᠬᠡᠶ᠂ 《ᠠᠷᠠᠳ ᠢᠷᠭᠡᠳᠤᠨ ᠰᠡᠳᠬᠢᠯᠢ ᠤᠯᠬᠤ ᠠᠷᠭᠠ ᠪᠤᠯᠪᠠᠰᠤ ᠠᠷᠠᠳ ᠢᠷᠭᠡᠳᠤᠨ ᠬᠦᠰᠡᠵᠦ ᠪᠠᠢ᠌ᠭᠠ ᠵᠦᠢ᠍ᠯᠡᠰᠢ ᠬᠠᠡᠭᠭ᠋ᠠᠵᠤ᠂ ᠠᠷᠠᠳ ᠢᠷᠭᠡᠳᠤᠨ ᠵᠢᠭᠰᠢᠳᠡᠭ ᠵᠦᠢ᠍ᠯᠡᠰᠢ ᠬᠡᠷᠡᠭᠵᠢᠬᠦᠯᠬᠦ ᠦᠭᠡᠢ ᠪᠠᠢ᠌ᠬᠤᠳᠤ ᠤᠷᠤᠰᠢᠮᠤᠢ》 （《ᠮᠧᠩᠽᠢ · ᠯᠢ ᠯᠧᠦ ᠱᠠᠩ》） ᠭᠡᠪᠡ᠃
《ᠠᠷᠠᠳᠤᠨ ᠰᠡᠳᠬᠢᠯᠢ ᠣᠯᠤᠭᠰᠠᠳ ᠲᠡᠯᠡᠭᠡᠢ ᠳ᠋ᠡᠬᠢᠨᠢ ᠣᠯᠤᠮᠤᠢ》 ᠭᠡᠳᠡᠭᠤᠨ ᠵᠠᠩᠭᠢᠯᠠᠭᠠᠨᠢ ᠠᠷᠠᠳ ᠢᠷᠭᠡᠳᠤᠨ ᠬᠦᠰᠡᠯ ᠰᠠᠨᠠᠭᠠᠪᠠᠷ ᠠᠵᠢᠯᠯᠠᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ᠂ ᠡᠨᠡ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠢᠷᠭᠡᠨᠰᠢᠯᠤᠨ ᠬᠥᠮᠥᠨᠤ ᠵᠣᠷᠢᠭ ᠰᠠᠨᠠᠭᠠ ᠵᠢ ᠵᠠᠰᠠᠬᠤ ᠲᠤᠬᠠᠢ ᠦᠵᠡᠯᠳᠡ ᠵᠢᠨ ᠲᠠᠯᠠᠪᠠᠷᠬᠢ ᠦᠨᠡᠨ ᠪᠣᠳᠠᠲᠠᠢ ᠢᠯᠡᠷᠡᠯ ᠮᠥᠨ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠨ ᠨᠠᠷᠤᠨ ᠯᠣᠭᠢᠭ ᠵᠶ᠋ᠠᠷ ᠪᠣᠯ᠂ ᠨᠣᠶᠠᠷᠬᠠᠭᠴᠢᠳᠤᠨ ᠤᠯᠤᠰ ᠲᠥᠷᠥ ᠵᠢᠨ ᠠᠷᠭᠠ ᠬᠡᠮᠵᠢᠶᠡ ᠵᠢᠨ ᠵᠥᠪ ᠪᠤᠷᠤᠭᠤ ᠵᠢ ᠮᠠᠭ᠋ᠠᠳᠯᠠᠵᠤ ᠮᠡᠳᠡᠬᠦ ᠵᠢᠨ ᠦᠨᠳᠦᠰᠦᠨ ᠪᠠᠷᠢᠮᠵᠢᠶᠠ ᠪᠤᠯ ᠠᠷᠠᠳ ᠢᠷᠭᠡᠳᠤᠨ ᠬᠦᠰᠡᠯ ᠵᠣᠷᠢᠯᠲᠠᠳᠤ ᠨᠡᠶ᠋ᠢᠴᠡᠭᠦᠯᠬᠦ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠠᠷᠠᠳᠤᠨ ᠰᠠᠨᠠᠭ᠋ᠠᠨᠠᠴᠠ ᠭᠠᠳᠠᠨᠠᠬᠢ ᠶᠠᠮᠠᠷᠪᠠ ᠪᠤᠰᠤᠳ ᠶᠠᠭᠤᠮᠠ ᠪᠦᠷ ᠴᠢᠬᠤᠯᠠ ᠦᠭᠡᠢ ᠭᠡᠳᠡᠭ᠃
ᠪᠢᠳᠡᠨᠤ ᠮᠡᠳᠡᠭᠡᠵᠢᠪᠠᠷ᠂ ᠡᠷᠲᠡᠨᠤ ᠲᠤᠮᠳᠠᠳᠤᠴᠤᠳ ᠶᠠᠮᠠᠷ ᠨᠢᠭᠡᠨ ᠬᠡᠮᠵᠢᠶᠡᠨᠳᠤ ᠪᠠᠰᠠ ᠰᠠᠬᠢᠭᠤᠯᠰᠤᠨᠤ ᠣᠷᠣᠰᠢᠵᠤ ᠪᠠᠶ᠋ᠢᠬᠤ ᠵᠢ ᠵᠥᠪᠰᠢᠶᠡᠷᠡᠳᠡᠭ᠂ ᠭᠡᠪᠡᠴᠦ ᠡᠷᠲᠡᠨᠤ ᠲᠤᠮᠳᠠᠳᠤᠴᠤᠳᠤᠨ ᠦᠵᠡᠯᠳᠡᠳᠠᠬᠢ ᠰᠠᠬᠢᠭᠤᠯᠰᠤᠨᠢ ᠵᠥᠪᠬᠡᠨ ᠰᠠᠢ᠍ᠢ᠍ᠨ ᠮᠠᠭᠤ ᠪᠠ ᠣᠯᠵᠤ ᠠᠯᠳᠠᠬᠤ ᠵᠢᠨ ᠳ᠋ᠦᠢ᠍ᠰᠢᠶᠠᠡᠭ ᠪᠣᠯᠭ᠋ᠠᠳᠠᠭᠠᠴᠠ ᠪᠢᠰᠢ᠂ ᠬᠠᠷᠢᠨ ᠶᠣᠰᠣ ᠰᠤᠷᠲᠠᠬᠤᠨ ᠦᠨᠡᠨ ᠶᠣᠰᠣᠨᠤ ᠢᠷᠡᠯᠳᠡ ᠪᠣᠯᠭ᠋ᠠᠳᠠᠭ ᠦᠭᠡᠢ᠃ ᠡᠶ᠋ᠢᠮᠦᠠᠴᠠ᠂ ᠬᠡᠪᠤᠨ ᠪᠠᠶ᠋ᠢᠳᠠᠯ ᠳᠣᠣᠷᠠ ᠡᠷᠲᠡᠨᠤ ᠬᠥᠮᠦᠰ ᠪᠦᠷ ᠨᠡᠶ᠋ᠢᠭᠡᠮ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠵᠠᠷᠢᠮ ᠬᠡᠷᠡᠭ ᠶᠠᠪᠤᠳᠠᠯᠤᠨ ᠲᠤᠬᠠᠢ ᠲᠣᠭᠲᠠᠭ᠋ᠠᠯ ᠭᠠᠷᠭ᠋ᠠᠬᠤ ᠴᠢᠬᠤᠯᠠᠲᠠᠢ ᠦᠶᠡᠳᠤ᠂ ᠠᠷᠠᠳ ᠢᠷᠭᠡᠳᠤᠨ ᠰᠠᠨᠠᠯᠢ ᠰᠣᠨᠣᠰᠬᠤᠪᠠᠷ ᠵᠠᠩᠭᠢᠯᠠᠭᠠ ᠪᠤᠯᠭ᠋ᠠᠬᠤᠠᠴᠠ ᠪᠢᠰᠢ᠂ ᠬᠠᠷᠢᠨ ᠰᠠᠬᠢᠭᠤᠯᠰᠤᠨᠤ ᠰᠡᠩᠬᠡᠷᠡᠭᠦᠯᠦᠯᠢ ᠤᠯᠬᠤᠪᠠᠷ ᠵᠠᠡᠭᠭᠢᠯᠠᠭᠠ ᠪᠤᠯᠭ᠋ᠠᠵᠤ ᠪᠤᠯᠬᠤ ᠦᠭᠡᠢ ᠭᠡᠵᠦ ᠦᠵᠡᠳᠡᠭ᠃ ᠴᠦᠨ ᠴᠢᠦ ᠵᠢᠨ ᠦᠶᠡ ᠵᠢᠨ ᠬᠥᠮᠦᠰ 《ᠲᠦᠷᠦ ᠬᠦᠷᠦᠨᠢ ᠮᠠᠨᠳᠤᠭᠤᠯᠬᠤᠢᠳᠤᠷ ᠠᠷᠠᠳ ᠢᠷᠭᠡᠳᠤᠨ ᠦᠭᠡ ᠵᠢ ᠰᠣᠨᠣᠰᠤᠮᠤᠢ； ᠲᠥᠷᠥ ᠭᠦᠷᠦᠨ ᠮᠥᠬᠥᠬᠦᠳᠤᠷ ᠰᠠᠬᠢᠭᠤᠯᠰᠤᠨᠤ ᠦᠭᠡ ᠵᠢ ᠰᠤᠨᠤᠰᠤᠮᠤᠢ》 ᠭᠡᠳᠡᠭ ᠪᠣᠯ ᠡᠨᠡ ᠬᠦ᠌ ᠶᠣᠰᠣ ᠵᠢ ᠨᠢᠭᠡᠨᠲᠡ ᠣᠶ᠋ᠢᠯᠠᠭ᠋ᠠᠬᠰᠠᠨᠢ ᠭᠡᠷᠡᠴᠢᠯᠡᠵᠦ ᠪᠤᠢ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠨᠡᠶ᠋ᠢᠭᠡᠮᠨᠢ ᠧᠦ᠋ᠷᠣᠫᠠ ᠲᠢᠪᠤᠨ ᠳᠤᠮᠳᠠᠳᠤ ᠵᠠᠭᠤᠨᠤ ᠦᠶᠡ ᠵᠢᠨᠬᠢ ᠰᠢᠭ ᠲᠡᠶ᠋ᠢᠮᠦ ᠱᠠᠰᠢᠨ ᠰᠠᠬᠢᠭᠤᠯᠰᠤᠨᠤ ᠰᠤᠷᠭ᠋ᠠᠯᠤᠨ ᠨᠣᠶᠠᠷᠬᠠᠯᠢ ᠥᠩᠭᠡᠷᠡᠭᠦᠯᠦᠭᠰᠡᠨ ᠦᠭᠡᠢ ᠵᠢᠨ ᠴᠢᠬᠤᠯᠠ ᠰᠢᠯᠲᠠᠭ᠋ᠠᠨ ᠪᠤᠯ᠂ 《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 ᠭᠡᠬᠦ ᠲᠦᠷᠦ ᠵᠢ ᠵᠠᠰᠠᠬᠤ ᠣᠶ᠋ᠢᠯᠠᠭ᠋ᠠᠭᠳᠠᠬᠤᠨᠲᠠᠢ ᠪᠠᠢ᠌ᠬᠰᠠᠨᠠᠴᠠ ᠱᠠᠰᠢᠨᠤ ᠰᠠᠬᠢᠭᠤᠯᠰᠤᠨᠤ ᠰᠤᠷᠭ᠋ᠠᠯᠤᠨ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯᠳᠤ ᠮᠠᠰᠢ ᠶᠡᠬᠡ ᠬᠡᠮᠵᠢᠶᠡᠨᠡ ᠣᠷᠣᠬᠤ ᠪᠣᠯᠤᠯᠴᠠᠭᠠ ᠵᠢ ᠦᠭᠡᠶ᠋ᠢᠰᠬᠡᠭᠰᠡᠨᠠᠴᠠ ᠪᠣᠯᠤᠭᠰᠠᠨ ᠶᠤᠮ᠃
▲ ᠮᠧᠩᠽᠢ ᠯᠢᠶᠠᠩ ᠤᠯᠤᠰᠤᠨ ᠾᠤᠶ᠋ᠢ ᠸᠠᠩᠯᠤᠭᠠ 《ᠲᠦᠷᠦᠳᠤᠷ ᠠᠰᠢᠭ ᠲᠤᠰᠠ ᠪᠤᠯᠭ᠋ᠠᠬᠤ ᠶᠣᠰᠣ》 ᠵᠢ ᠶᠠᠷᠢᠯᠴᠠᠵᠤ᠂ 《ᠠᠷᠠᠳ ᠡᠷᠬᠢᠮ ᠡᠵᠡᠨ ᠬᠥᠩᠭᠡᠨ ᠪᠤᠶᠤ》 ᠭᠡᠬᠦ ᠵᠢ ᠵᠣᠷᠢᠵᠤ᠂ 《ᠠᠷᠠᠳ ᠢᠷᠭᠡᠳ ᠵᠶ᠋ᠠᠷ ᠦᠨᠳᠦᠰᠦ ᠪᠣᠯᠭ᠋ᠠᠬᠤ》 ᠥᠷᠥᠰᠢᠶᠡᠯᠲᠦ ᠵᠠᠰᠠᠭᠤᠨ ᠦᠵᠡᠯ ᠰᠠᠨᠠᠭᠠ ᠵᠢ ᠴᠢᠬᠤᠯᠠᠴᠢᠯᠠᠪᠠ᠃ （ᠬᠡᠷᠡᠯ ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠲᠡᠷᠢᠭᠦᠨ ᠵᠤᠷᠪᠤᠰ @ ᠪᠢ ᠤᠯᠤᠰᠤᠨ ᠰᠤᠳᠤᠯᠤᠯᠳᠤ ᠬᠠᠢ᠌ᠷᠠᠲᠠᠢ）
ᠠᠷᠠᠳ ᠢᠷᠭᠡᠳᠢ ᠬᠠᠶ᠋ᠢᠷᠠᠯᠠᠵᠤ ᠠᠷᠠᠳ ᠢᠷᠭᠡᠳᠲᠤ ᠲᠤᠰᠠᠳᠠᠢ ᠠᠵᠢᠯ ᠬᠢᠵᠦ ᠠᠷᠠᠳ ᠢᠷᠭᠡᠳᠲᠤ ᠠᠰᠢᠭ ᠬᠦᠷᠲᠡᠭᠡᠬᠦ
ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠮᠵᠢᠯᠠᠯᠲᠤ 《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 ᠭᠡᠬᠦ ᠦᠵᠡᠯᠲᠡ ᠪᠣᠯ ᠠᠷᠠᠳ ᠢᠷᠭᠡᠳᠤᠨ ᠴᠢᠬᠤᠯᠠ ᠴᠢᠨᠠᠷᠢ ᠳᠡᠭᠡᠳᠦ ᠬᠡᠮᠵᠢᠶᠡᠪᠠᠷ ᠴᠢᠬᠤᠯᠠᠴᠢᠯᠠᠬᠰᠠᠨᠤ ᠬᠠᠮᠲᠤ ᠡᠷᠬᠡ ᠠᠳᠬᠤᠵᠤ ᠪᠠᠶ᠋ᠢᠭᠠ ᠨᠣᠶᠠᠷᠬᠠᠭᠴᠢᠳᠤᠨ ᠨᠡᠶ᠋ᠢᠭᠡᠮᠳᠤ ᠭᠦᠢ᠍ᠴᠡᠳᠬᠡᠪᠡᠰᠦ ᠵᠣᠬᠢᠬᠤ ᠬᠠᠷᠢᠭᠤᠴᠠᠯᠭᠠ ᠵᠢ ᠴᠤ᠌ ᠴᠢᠬᠤᠯᠠᠴᠢᠯᠠᠵᠠᠶ᠃ ᠡᠨᠡ ᠬᠦ᠌ ᠬᠠᠷᠢᠭᠤᠴᠠᠯᠭᠠ ᠪᠣᠯ ᠶᠣᠰᠣ ᠮᠣᠷᠠᠯᠳᠤ ᠨᠡᠶ᠋ᠢᠴᠡᠬᠦ ᠠᠷᠭᠠ ᠬᠡᠯᠪᠡᠷᠢᠪᠠᠷ ᠭᠠᠷᠲᠠᠬᠢ ᠡᠷᠬᠡᠪᠠᠨ ᠬᠡᠷᠡᠭᠵᠢᠭᠦᠯᠵᠦ᠂ ᠠᠷᠠᠳ ᠢᠷᠭᠡᠳᠢ ᠬᠠᠶ᠋ᠢᠷᠠᠯᠠᠵᠤ᠂ ᠠᠷᠠᠳ ᠢᠷᠭᠡᠳᠲᠤ ᠲᠤᠰᠠᠳᠠᠢ ᠠᠵᠢᠯ ᠬᠢᠵᠦ᠂ ᠠᠷᠠᠳ ᠢᠷᠭᠡᠳᠲᠤ ᠠᠰᠢᠭ ᠬᠦᠷᠲᠡᠭᠡᠵᠦ᠂ ᠠᠷᠠᠳ ᠢᠷᠭᠡᠳᠤᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠦᠨᠳᠦᠰᠦᠨ ᠨᠥᠬᠥᠴᠡᠯᠢ ᠪᠠᠲᠤᠯᠠᠬᠤ ᠵᠢᠨ ᠤᠯᠠᠮᠠᠴᠠ ᠨᠡᠶ᠋ᠢᠭᠡᠮᠤᠨ ᠡᠮᠬᠢ ᠵᠢᠷᠤᠮᠢ ᠲᠣᠭᠲᠠᠭᠤᠨ ᠪᠠᠢ᠌ᠯᠭ᠋ᠠᠬᠤᠳᠤ ᠤᠷᠤᠰᠢᠨᠡ᠃
ᠺᠦᠩᠽᠢ ᠵᠢᠨ ᠰᠤᠷᠭ᠋ᠠᠯᠤᠨ ᠡᠭᠦᠳᠦᠭᠴᠢ ᠺᠦᠩᠽᠢ᠂ ᠨᠣᠶᠠᠷᠬᠠᠭᠴᠢᠳ ᠲᠦᠷᠦ ᠵᠢ ᠬᠡᠷᠬᠢᠨ ᠵᠠᠰᠠᠬᠤ ᠲᠤᠬᠠᠢ ᠠᠰᠠᠭᠤᠳᠠᠯᠢ ᠲᠣᠳᠣᠷᠬᠠᠶ᠋ᠢᠯᠠᠨ ᠥᠭᠦᠯᠡᠬᠦᠳᠤᠪᠠᠨ᠄ 《ᠲᠦᠷᠦ ᠮᠢᠩᠭ᠋ᠠᠨ ᠲᠡᠷᠭᠡᠳᠦ ᠤᠯᠤᠰᠢ ᠵᠠᠰᠠᠬᠤᠳᠤᠪᠠᠨ᠂ ᠬᠡᠷᠡᠭᠤᠳᠢ ᠬᠢᠴᠢᠶᠡᠡᠭᠭᠦᠢ᠌ᠯᠡᠬᠦ ᠪᠦᠭᠡᠳ ᠢᠲᠡᠭᠡᠮᠵᠢᠳᠡᠢ ᠪᠤᠯ᠂ ᠬᠡᠮᠨᠡᠵᠦ ᠬᠡᠷᠡᠭᠯᠡᠬᠦ ᠪᠦᠭᠡᠳ ᠬᠦᠮᠦᠨᠨᠦᠭᠦᠳᠢ ᠠᠰᠠᠷᠠ᠂ ᠢᠷᠭᠡᠨᠢ ᠵᠠᠷᠤᠬᠤᠳᠤᠪᠠᠨ ᠴᠠᠬᠯᠠᠨ ᠬᠡᠮᠡᠵᠦᠬᠦᠢ》 （《ᠰᠢᠭᠦᠮᠵᠢᠯᠡᠯ ᠥᠭᠦᠯᠡᠯ ᠰᠤᠷᠭ᠋ᠠᠯᠳᠤ》） ᠬᠡᠵᠡᠢ᠃ ᠺᠦᠩᠽᠢ ᠴᠦᠨ ᠴᠢᠦ ᠵᠢᠨ ᠦᠶᠡ ᠵᠢᠨ ᠵᠧᠩ ᠤᠯᠤᠰᠤᠨ ᠰᠠᠢ᠌ᠳ ᠽᠢ ᠴᠠᠨᠤ ᠲᠤᠬᠠᠶ ᠦᠨᠡᠯᠡᠬᠦᠳᠤᠪᠠᠨ᠂ 《ᠠᠷᠠᠳ ᠢᠷᠭᠡᠳᠢ ᠲᠡᠵᠢᠭᠡᠬᠦᠢᠳᠤᠷ ᠠᠰᠢᠭ ᠬᠦᠷᠲᠡᠭᠡᠵᠦ᠂ ᠢᠷᠭᠡᠨᠢ ᠵᠠᠷᠤᠬᠤᠢᠳᠤᠷ ᠵᠢᠷᠦᠮᠲᠠᠢ ᠪᠠᠢ᠌ᠬᠤ》 ᠪᠣᠯ ᠡᠵᠡᠨ ᠽᠢ ᠴᠠᠨᠤ ᠵᠠᠩ ᠴᠢᠨᠠᠷᠤᠨ ᠴᠢᠬᠤᠯᠠ ᠲᠠᠯᠠ ᠪᠤᠯᠤᠨᠠ ᠭᠡᠪᠡ᠃
ᠤᠯᠠᠮᠵᠢᠯᠠᠯᠲᠤ ᠺᠦᠩᠽᠢ ᠵᠢᠨ ᠰᠤᠷᠭ᠋ᠠᠯᠲᠠᠨ᠂ ᠠᠷᠠᠳ ᠢᠷᠭᠡᠳᠢ ᠲᠡᠵᠢᠭᠡᠬᠦ᠂ ᠠᠷᠠᠳ ᠢᠷᠭᠡᠳᠲᠤ ᠲᠤᠰᠠᠳᠠᠢ ᠠᠵᠢᠯ ᠬᠢᠬᠦ ᠪᠣᠯ᠂ ᠨᠣᠶᠠᠷᠬᠠᠭᠴᠢᠳᠤᠨ ᠵᠠᠶ᠋ᠢᠯᠠᠭᠤᠯᠵᠤ ᠪᠣᠯᠤᠰᠢ ᠦᠭᠡᠢ ᠶᠣᠰᠣ ᠰᠤᠷᠲᠠᠬᠤᠨᠤ ᠬᠠᠷᠢᠭᠤᠴᠠᠯᠭᠠ ᠮᠥᠨ ᠭᠡᠵᠦ ᠦᠵᠡᠭᠰᠡᠨᠤ ᠬᠠᠮᠲᠤ ᠪᠠᠰᠠ ᠰᠠᠢ᠌ᠨ ᠰᠠᠢ᠌ᠬᠠᠨ ᠤᠯᠤᠰᠤᠨ ᠵᠠᠰᠠᠯᠲᠠ᠂ ᠲᠤᠬᠠᠶ᠋ᠢᠯᠠᠪᠠᠯ 《ᠸᠠᠩᠤᠨ ᠶᠣᠰᠣ》 ᠵᠢᠨ ᠳᠤᠲᠠᠭᠳᠠᠵᠤ ᠪᠣᠯᠤᠰᠢ ᠦᠭᠡᠢ ᠴᠢᠬᠤᠯᠠ ᠨᠥᠬᠥᠴᠡᠯ ᠮᠥᠨ᠂ ᠭᠠᠭᠴᠠ ᠬᠦ᠌ ᠡᠨᠡ ᠬᠦ᠌ ᠴᠢᠬᠤᠯᠠ ᠨᠥᠬᠥᠴᠡᠯᠢ ᠪᠦᠷᠢᠯᠳᠦᠭᠦᠯᠪᠡᠯ ᠨᠣᠶᠠᠷᠬᠠᠭᠴᠢᠳ ᠰᠠᠶᠢ ᠤᠯᠤᠰ ᠲᠦᠷᠦ ᠵᠢᠨ ᠲᠠᠯᠠᠪᠠᠷ ᠠᠮᠵᠢᠯᠲᠠ ᠣᠯᠵᠤ ᠴᠢᠳᠠᠨᠠ ᠭᠡᠵᠦ ᠦᠵᠡᠳᠡᠭ᠃ ᠡᠶ᠋ᠢᠮᠦᠷᠬᠦᠦ ᠲᠠᠨᠢᠯᠲᠠᠠᠴᠠ ᠪᠣᠯᠵᠤ᠂ ᠤᠯᠠᠮᠵᠢᠯᠠᠯᠲᠤ ᠺᠦᠩᠽᠢ ᠵᠢᠨ ᠰᠤᠷᠭ᠋ᠠᠯᠲᠠᠨᠨᠢ ᠶᠣᠰᠣ ᠰᠤᠷᠲᠠᠬᠤᠨ ᠵᠶ᠋ᠠᠷ ᠭᠡᠭᠡᠷᠡᠬᠦᠯᠬᠦ ᠪᠠ ᠠᠷᠠᠳ ᠢᠷᠭᠡᠳᠲᠤ ᠠᠰᠢᠭ ᠬᠦᠷᠲᠡᠭᠡᠬᠦ ᠤᠯᠤᠰ ᠲᠥᠷᠥ ᠵᠢ ᠰᠠᠨᠠᠭ᠋ᠠᠴᠢᠯᠠᠵᠤ᠂ ᠲᠤᠰᠬᠠᠢ ᠡᠷᠡᠭᠦᠦ ᠵᠢᠨ ᠬᠠᠤᠯᠢᠪᠠᠷ ᠵᠠᠰᠠᠬᠤ ᠬᠠᠷᠭᠢᠰ ᠵᠠᠰᠠᠭᠢ ᠡᠰᠡᠷᠭᠦᠴᠡᠳᠡᠭ ᠪᠠᠢ᠌ᠵᠠᠢ᠃
ᠠᠷᠠᠳ ᠢᠷᠭᠡᠳᠲᠤ ᠲᠤᠰᠠᠳᠠᠢ ᠠᠵᠢᠯ ᠬᠢᠬᠦ᠂ ᠠᠷᠠᠳ ᠢᠷᠭᠡᠳᠢ ᠲᠡᠵᠢᠭᠡᠬᠦ ᠬᠠᠷᠢᠭᠤᠴᠠᠯᠭᠠᠪᠠᠨ ᠭᠦᠢ᠍ᠴᠡᠳᠬᠡᠬᠦ ᠵᠢᠨ ᠲᠥᠯᠥᠭᠡ᠂ ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠨ ᠨᠠᠷ ᠨᠣᠶᠠᠷᠬᠠᠭᠴᠢᠳᠨᠢ ᠲᠦᠷᠦ ᠬᠦᠷᠦᠨᠢ ᠵᠠᠰᠠᠬᠤᠳᠤᠪᠠᠨ ᠠᠷᠠᠳ ᠢᠷᠭᠡᠳᠤᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠬᠡᠷᠡᠭᠴᠡᠭᠡ ᠵᠢ ᠬᠠᠩᠭ᠋ᠠᠵᠤ᠂ ᠠᠷᠠᠳ ᠢᠷᠭᠡᠳᠢ ᠠᠵᠤ ᠠᠬᠤᠢ ᠵᠢᠨ ᠲᠠᠯᠠᠪᠠᠷ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠣᠯᠭ᠋ᠠᠬᠤ ᠵᠢ ᠲᠡᠷᠢᠭᠦᠨ ᠪᠠᠶ᠋ᠢᠷᠢᠨᠳᠤ ᠲᠠᠯᠪᠢᠵᠤ᠂ ᠠᠷᠠᠳ ᠢᠷᠭᠡᠳᠢ ᠪᠠᠶᠠᠵᠢᠭᠤᠯᠤᠭᠰᠠᠨᠤ ᠲᠠᠷᠠᠭᠠ ᠰᠠᠶᠢ ᠲᠦᠷᠦ ᠬᠦᠷᠦᠨᠤ ᠪᠠᠶᠠᠵᠢᠯ ᠬᠦᠴᠦᠷᠬᠡᠭᠵᠢᠯᠢ ᠡᠷᠢᠯᠬᠢᠯᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠦᠵᠡᠵᠦ ᠪᠠᠢ᠌ᠵᠠᠢ᠃
ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠨ ᠨᠠᠷ ᠪᠠᠰᠠ ᠨᠣᠶᠠᠷᠬᠠᠭᠴᠢᠳᠨᠢ ᠠᠷᠠᠳ ᠢᠷᠭᠡᠳᠤᠨ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢᠳᠤ ᠰᠡᠳᠬᠢᠯ ᠲᠠᠯᠪᠢᠵᠤ᠂ ᠠᠷᠠᠳ ᠢᠷᠭᠡᠳᠲᠠᠢ ᠬᠠᠮᠲᠤᠪᠠᠷ ᠴᠡᠡᠭᠭᠡᠯᠳᠦᠬᠦ ᠵᠢ ᠴᠢᠬᠤᠯᠠᠴᠢᠯᠠᠵᠦ ᠪᠠᠢ᠌ᠪᠠ᠃ 《ᠢᠷᠭᠡᠳᠤᠨ ᠴᠡᠩᠭᠡᠯᠳᠤᠷ ᠴᠡᠡᠭᠭᠡᠯᠳᠦᠪᠡᠰᠦ᠂ ᠢᠷᠭᠡᠳ ᠪᠠᠰᠠ ᠲᠡᠭᠦᠨᠤ ᠴᠡᠩᠭᠡᠯᠳᠤᠷ ᠴᠡᠩᠭᠡᠯᠳᠤᠮᠤᠢ᠂ ᠢᠷᠭᠡᠳᠤᠨ ᠵᠣᠪᠠᠨᠢᠯᠳᠤᠷ ᠵᠣᠪᠠᠨᠢᠪᠡᠰᠦ᠂ ᠢᠷᠭᠡᠳ ᠪᠠᠰᠠ ᠲᠡᠭᠦᠨᠤ ᠵᠣᠪᠠᠨᠢᠯᠳᠤᠷ ᠵᠤᠪᠠᠨᠢᠮᠤᠢ᠂ ᠲᠡᠯᠡᠭᠡᠢ ᠳ᠋ᠡᠬᠢᠨᠤ ᠴᠡᠩᠭᠡᠯᠳᠤᠷ ᠴᠡᠩᠬᠡᠯᠳᠦᠪᠡᠰᠦ᠂ ᠲᠡᠯᠡᠭᠡᠢ ᠳ᠋ᠡᠬᠢᠨᠤ ᠵᠣᠪᠠᠨᠢᠯᠳᠤᠷ ᠵᠤᠪᠠᠨᠢᠮᠤᠢ᠂ ᠡᠭᠦᠨᠢ ᠬᠢᠵᠦ ᠬᠦᠢ᠍ᠴᠡᠳᠭᠡᠪᠡᠰᠦ ᠡᠵᠡᠨ ᠬᠠᠭ᠋ᠠᠨ ᠪᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠤᠴᠢᠷ ᠠᠯᠠᠭᠠ ᠪᠤᠯᠠᠢ》 （《ᠮᠧᠩᠽᠢ · ᠯᠢᠶᠠᠩ ᠤᠯᠤᠰᠤᠨ ᠾᠤᠶ᠋ᠢ ᠸᠠᠩᠤᠨ ᠪᠦᠯᠦᠭ ᠲᠤᠤᠷᠠᠳᠦ》） ᠭᠡᠵᠦ ᠬᠡᠯᠡᠭᠰᠡᠨ ᠮᠧᠩᠽᠢ ᠵᠢᠨ ᠡᠨᠡ ᠬᠦ᠌ ᠦᠭᠡᠨᠢ ᠭᠠᠭᠴᠠ ᠬᠦ᠌ ᠠᠷᠠᠳ ᠢᠷᠭᠡᠳᠤᠨ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢᠳᠤ ᠰᠡᠳᠬᠢᠯ ᠲᠠᠯᠪᠢᠵᠤ᠂ ᠠᠷᠠᠳ ᠢᠷᠭᠡᠳ ᠶᠠᠭᠤᠨᠳᠤ ᠵᠤᠪᠠᠨᠢᠵᠦ ᠪᠠᠶ᠋ᠢᠬᠤ᠂ ᠶᠠᠭᠤᠨᠳᠤ ᠵᠢᠷᠭ᠋ᠠᠵᠤ ᠪᠠᠶ᠋ᠢᠬᠤ ᠵᠢ ᠮᠡᠳᠡᠳᠡᠭ ᠡᠵᠡᠨ ᠬᠠᠭ᠋ᠠᠨ ᠪᠣᠯ ᠰᠠᠶᠢ ᠰᠠᠢ᠍ᠢ᠍ᠨ ᠡᠵᠡᠨ ᠮᠥᠨ᠂ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠦᠷᠦ ᠵᠢᠨ ᠠᠮᠢᠳᠤᠷᠠᠯᠳᠤ ᠨᠣᠶᠠᠷᠬᠠᠭᠴᠢᠳᠨᠢ ᠠᠷᠠᠳ ᠤᠯᠠᠨᠤ ᠳᠤᠷᠠᠰᠢᠯᠢ ᠲᠠᠭ᠋ᠠᠪᠠᠯ ᠵᠣᠬᠢᠨᠠ᠂ ᠬᠠᠷᠢᠨ ᠥᠪᠡᠷᠤᠨ ᠳᠤᠷᠠᠰᠢᠯ ᠵᠶ᠋ᠠᠨ ᠠᠷᠠᠳ ᠢᠷᠭᠡᠳᠲᠤ ᠠᠯᠪᠠᠪᠠᠷ ᠲᠤᠬᠤᠵᠤ ᠪᠣᠯᠬᠤ ᠦᠭᠡᠢ᠂ 《ᠠᠷᠠᠳ ᠢᠷᠭᠡᠳᠤᠨ ᠲᠤᠷᠠᠳᠠᠢ ᠵᠦᠢ᠍ᠯᠡᠰᠢ ᠬᠥᠭᠡᠭᠡᠴᠡᠯᠳᠦᠵᠦ᠂ ᠠᠷᠠᠳ ᠢᠷᠭᠡᠳᠤᠨ ᠵᠢᠭᠰᠢᠳᠡᠭ ᠵᠦᠢ᠍ᠯᠡᠰᠢ ᠲᠠᠶᠠᠬᠳᠠᠪᠠᠰᠤ ᠵᠤᠬᠢᠮᠤᠢ᠂ ᠢᠡᠭᠬᠢᠵᠦ ᠬᠢᠪᠡᠰᠦ ᠠᠷᠠᠳ ᠢᠷᠭᠡᠳᠤᠨ ᠡᠴᠢᠭᠡ ᠡᠬᠡ ᠮᠡᠳᠦ ᠡᠵᠡᠨ ᠬᠠᠭ᠋ᠠᠨ ᠪᠤᠯᠵᠤ ᠴᠢᠳᠠᠮᠤᠢ》 （《ᠶᠣᠰᠣᠯᠠᠯᠲᠤ ᠨᠣᠮ · ᠶᠡᠬᠡ ᠰᠤᠷᠭ᠋ᠠᠭᠤᠯᠢ》） ᠶᠡᠷᠦᠩᠬᠡᠶ᠋ᠢᠯᠡᠭᠡᠳ ᠬᠡᠯᠡᠪᠡᠯ᠂ ᠠᠷᠠᠳ ᠢᠷᠭᠡᠳᠤᠨ ᠳᠤᠷᠠᠰᠢᠯᠢ ᠬᠦᠨᠳᠦᠳᠬᠡᠵᠦ᠂ ᠢᠷᠭᠡᠳᠤᠨ ᠠᠰᠢᠭ ᠲᠤᠰᠠ ᠵᠢ ᠬᠠᠡᠭᠭ᠋ᠠᠳᠠᠭ ᠤᠯᠤᠰ ᠲᠦᠷᠦ ᠪᠣᠯ ᠰᠠᠶᠢ ᠰᠠᠢ᠍ᠢ᠍ᠨ ᠤᠯᠤᠰ ᠲᠦᠷᠦ ᠮᠥᠨ ᠭᠡᠳᠡᠭ ᠶᠤᠰᠤ ᠵᠢ ᠲᠤᠳᠤᠷᠬᠠᠢ᠌ᠯᠠᠨ ᠦᠭᠦᠯᠡᠵᠡᠢ᠃
ᠡᠷᠲᠡᠨᠤ ᠪᠣᠳᠣᠯᠭ᠋ᠠᠲᠠᠨ ᠨᠠᠷ ᠠᠷᠠᠳᠲᠤ ᠲᠤᠰᠠᠳᠠᠢ ᠠᠵᠢᠯ ᠬᠢᠬᠦ᠂ ᠠᠷᠠᠳ ᠢᠷᠭᠡᠳᠢ ᠲᠡᠵᠢᠭᠡᠬᠦ ᠡᠭᠦᠳᠡᠨᠠᠴᠠ ᠪᠣᠳᠣᠯᠬᠢᠯᠠᠬᠤ ᠵᠢ ᠠᠷᠠᠳ ᠢᠷᠭᠡᠳᠲᠤ ᠠᠰᠢᠭ ᠲᠤᠰᠠ ᠣᠯᠭᠣᠬᠤ ᠦᠷᠲᠡᠭᠤᠨ ᠪᠠᠷᠢᠮᠵᠢᠶᠠ ᠪᠣᠯᠭ᠋ᠠᠨ ᠰᠠᠨᠠᠭ᠋ᠠᠴᠢᠯᠠᠵᠦ ᠪᠠᠢ᠌ᠵᠠᠢ᠂ ᠠᠷᠠᠳ ᠢᠷᠭᠡᠳᠲᠤ ᠠᠰᠢᠭ ᠲᠤᠰᠠ ᠣᠯᠭᠣᠬᠤ ᠪᠣᠯ ᠤᠯᠤᠰᠢ ᠵᠠᠰᠠᠬᠤ ᠵᠢᠨ ᠵᠣᠷᠢᠯᠭᠠ ᠪᠣᠯᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠴᠤ᠌ ᠰᠠᠢ᠍ᠢ᠍ᠨ ᠤᠯᠤᠰ ᠲᠦᠷᠦ ᠪᠠ ᠮᠠᠭᠤ ᠤᠯᠤᠰ ᠲᠦᠷᠦ ᠵᠢ ᠢᠯᠭ᠋ᠠᠨ ᠲᠠᠨᠢᠬᠤ ᠵᠢᠨ ᠦᠨᠡᠯᠡᠬᠦ ᠪᠠᠷᠢᠮᠵᠢᠶᠠ ᠪᠣᠯᠤᠨᠠ᠃ ᠮᠢᠩ ᠤᠯᠤᠰᠤᠨ ᠰᠡᠭᠦᠯᠴᠢ ᠴᠢᠩ ᠤᠯᠤᠰᠤᠨ ᠡᠬᠢᠨᠳᠤ᠂ ᠬᠤᠸᠠᠩ ᠽᠦᠩ ᠰᠢ᠄ 《ᠳᠡᠯᠡᠬᠡᠢ ᠳ᠋ᠠᠬᠢᠨᠤ ᠲᠤᠬᠳᠠᠭᠤᠨ ᠪᠠ ᠰᠠᠮᠠᠭᠤᠷᠠᠯᠨᠢ ᠶᠠᠮᠠᠷ ᠨᠢᠭᠡᠨ ᠸᠠᠡᠭᠳᠦ ᠲᠦᠷᠦ ᠵᠢᠨ ᠮᠠᠨᠳᠤᠵᠤ ᠮᠥᠬᠥᠬᠦᠢᠳᠤᠷ ᠪᠠᠶ᠋ᠢᠬᠤ ᠪᠢᠰᠢ᠂ ᠬᠠᠷᠢᠨ ᠲᠦᠭ ᠲᠦᠮᠡᠨ ᠢᠷᠭᠡᠳᠤᠨ ᠠᠵᠤ ᠠᠮᠢᠳᠤᠷᠠᠯᠤᠨ ᠠᠵᠠ ᠵᠢᠷᠭ᠋ᠠᠯ ᠪᠠ ᠵᠤᠪᠠᠭᠤᠷᠢ ᠵᠦᠳᠡᠭᠦᠷᠢᠳᠤᠷ ᠠᠮᠤᠢ》 ᠭᠡᠵᠦ ᠴᠢᠨᠠᠭᠰᠢᠳᠠ ᠬᠦᠨᠵᠡᠭᠡᠢ ᠦᠵᠡᠪᠡ᠃ ᠬᠤᠸᠠᠩ ᠽᠦᠩ ᠰᠢ ᠵᠢᠨ 《ᠮᠢᠩᠤᠨ ᠬᠠᠷᠢ ᠵᠢᠨ ᠳᠡᠮᠲᠡᠭᠯᠡᠯ · ᠡᠷᠬᠢᠮ ᠰᠠᠢ᠌ᠳ》ᠲᠤ ᠦᠵᠡᠬᠦᠪᠠᠷ᠂ ᠲᠦᠷᠦ ᠬᠦᠷᠦᠨᠤ ᠰᠠᠮᠠᠭᠤᠷᠠᠯ ᠪᠠ ᠮᠠᠨᠳᠤᠯ ᠮᠦᠬᠦᠯᠢ ᠸᠠᠡᠭᠳᠦ ᠲᠦᠷᠦ ᠵᠢᠨ ᠮᠠᠨᠳᠤᠵᠤ ᠮᠦᠬᠦᠭᠰᠡᠨ ᠵᠢᠨᠷ ᠲᠠᠢ᠌ᠯᠪᠤᠷᠢᠯᠠᠨ ᠲᠤᠭ᠋ᠠᠴᠢᠵᠦ ᠪᠣᠯᠬᠤ ᠦᠭᠡᠢ᠂ ᠪᠠᠰᠠ ᠠᠯᠢ ᠨᠢᠭᠡ ᠲᠦᠷᠦᠨᠢ ᠮᠠᠨᠳᠤᠵᠤ᠂ ᠠᠯᠢ ᠨᠢᠭᠡ ᠲᠦᠷᠦᠨᠢ ᠮᠦᠬᠦᠭᠰᠡᠨᠳᠤ ᠪᠠᠶ᠋ᠢᠬᠤ ᠪᠢᠰᠢ᠂ ᠬᠠᠷᠢᠨ ᠴᠢᠬᠤᠯᠠ ᠨᠢᠭᠡᠨ ᠵᠦᠢ᠍ᠯ ᠪᠤᠯ ᠠᠷᠠᠳ ᠢᠷᠭᠡᠳᠤᠨ ᠠᠮᠢᠳᠤᠷᠠᠯᠤᠨ ᠨᠥᠬᠥᠴᠡᠯᠢ ᠰᠠᠢ᠌ᠵᠢᠷᠠᠭᠤᠯᠤᠬᠰᠠᠨ ᠡᠰᠡᠬᠦᠳᠤ ᠪᠤᠢ᠃ ᠡᠨᠡᠨᠢ ᠮᠢᠩ ᠤᠯᠤᠰᠤᠨ ᠰᠡᠭᠦᠯᠴᠢ ᠴᠢᠩ ᠤᠯᠤᠰᠤᠨ ᠡᠬᠢᠨᠤ ᠦᠶᠡ ᠵᠢᠨ ᠪᠣᠳᠣᠯᠭ᠋ᠠᠲᠠᠨ ᠨᠠᠷᠤᠨ 《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 ᠭᠡᠬᠦ ᠣᠶ᠋ᠢᠯᠠᠭ᠋ᠠᠯᠲᠠ ᠵᠢᠨ ᠰᠢᠨᠡ ᠲᠦᠪᠰᠢᠨᠳᠤ ᠬᠦᠷᠦᠭᠰᠡᠨᠢ ᠬᠠᠷᠠᠭᠤᠯᠵᠤ ᠪᠠᠢ᠌ᠨᠠ᠃
▲ ᠬᠤᠸᠠᠩ ᠽᠦᠩ ᠰᠢ ᠵᠢᠨ 《ᠮᠢᠡᠭᠤᠨ ᠬᠠᠷᠢ ᠵᠢᠨ ᠲᠡᠮᠳᠡᠭᠯᠡᠯ》ᠳᠤ ᠡᠵᠡᠨᠲᠦ ᠶᠣᠰᠣᠨᠤ ᠡᠵᠡᠷᠬᠡᠭ ᠪᠠᠶ᠋ᠢᠭᠤᠯᠤᠯᠢ ᠭᠦᠨᠵᠡᠭᠡᠶ ᠪᠤᠷᠤᠭᠤᠰᠢᠶᠠᠨ ᠰᠢᠭᠦᠮᠵᠢᠯᠡᠭᠰᠡᠨ ᠪᠥᠭᠡᠳ ᠠᠷᠠᠳ ᠢᠷᠭᠡᠳ ᠵᠢᠨᠷ ᠦᠨᠳᠦᠰᠦ ᠪᠤᠯᠭ᠋ᠠᠬᠤ᠂ ᠦᠨᠳᠦᠰᠦᠨ ᠬᠠᠤᠯᠢᠲᠤ ᠡᠵᠡᠨᠲᠦ ᠶᠣᠰᠣᠨᠤ ᠦᠵᠡᠯ ᠰᠠᠨᠠᠭᠠ ᠢᠯᠡᠷᠡᠪᠡ
《ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ》 ᠭᠡᠳᠡᠭ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠨᠡᠶ᠋ᠢᠭᠡᠮᠤᠨ ᠤᠯᠤᠰ ᠲᠥᠷᠥ ᠵᠢᠨ ᠠᠮᠢᠳᠤᠷᠠᠯᠳᠠᠬᠢ ᠬᠠᠮᠤᠭᠤᠨ ᠠᠰᠢᠭᠲᠠᠶ ᠦᠵᠡᠯᠳᠡ ᠪᠣᠯᠤᠨᠠ᠃ ᠬᠡᠷᠪᠡ ᠡᠨᠡ ᠬᠦ᠌ ᠦᠵᠡᠯᠲᠡ ᠵᠢ ᠨᠣᠶᠠᠷᠬᠠᠭᠴᠢᠳ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠣᠯ᠂ ᠪᠣᠳᠠᠲᠤ ᠠᠮᠢᠳᠤᠷᠠᠯᠤᠨ ᠳᠤᠮᠳᠠᠬᠢ ᠤᠯᠤᠰᠤᠨ ᠵᠠᠰᠠᠯᠲᠠ ᠨᠡᠯᠢᠶᠡᠳ ᠥᠨᠳᠥᠷ ᠲᠦᠪᠰᠢᠨᠳᠤ ᠬᠦᠷᠦᠭᠰᠡᠨ ᠪᠠᠢ᠌ᠵᠤ ᠮᠡᠳᠡᠨᠡ᠂ ᠡᠨᠡ ᠬᠦ᠌ ᠦᠵᠡᠯᠲᠡ ᠪᠣᠯ ᠴᠠᠭ ᠢᠮᠠᠭᠲᠠ ᠤᠯᠤᠰᠤᠨ ᠵᠠᠰᠠᠯᠲᠠ ᠵᠢᠨ ᠪᠣᠳᠠᠲᠤ ᠶᠠᠪᠤᠴᠠ ᠵᠢ ᠬᠢᠵᠠᠭ᠋ᠠᠷᠯᠠᠵᠤ ᠪᠠᠢ᠌ᠭᠰᠠᠨ ᠭᠡᠳᠡᠭᠢ ᠬᠣᠶᠠᠷ ᠬᠠᠨ ᠤᠯᠤᠰᠠᠴᠠ ᠳᠠᠷᠠᠭ᠋ᠠᠬᠢ ᠲᠡᠦᠬᠡ ᠵᠢᠨ ᠦᠶᠡ ᠦᠶᠡ ᠵᠢᠨ ᠸᠠᠩᠲᠤ ᠲᠥᠷᠥ ᠵᠢᠨ ᠲᠡᠦᠬᠡ ᠭᠡᠷᠡᠴᠢᠯᠡᠭᠰᠡᠨ ᠪᠢᠯᠡ᠃ ᠭᠡᠪᠡᠴᠦ ᠬᠠᠨ ᠤᠯᠤᠰᠤᠨ ᠸᠸᠨ ᠵᠢᠩᠤᠨ ᠵᠠᠰᠠᠯᠲᠠ᠂ ᠲᠠᠩ ᠤᠯᠤᠰᠤᠨ ᠵᠧᠨ ᠭᠤᠸᠠᠨᠤ ᠵᠠᠰᠠᠯᠲᠠ ᠭᠡᠬᠦ ᠮᠡᠲᠦ ᠵᠢᠨ ᠲᠡᠦᠬᠡᠨ ᠳᠡᠭᠡᠷᠡ ᠤᠷᠢᠳ ᠡᠮᠦᠨᠡ ᠪᠠᠢ᠌ᠭᠠ ᠦᠭᠡᠢ ᠳᠦᠷᠦ ᠵᠢ ᠵᠠᠰᠠᠭᠰᠠᠨ ᠶᠠᠪᠤᠳᠠᠯ ᠭᠠᠷᠤᠬᠰᠠᠨ ᠪᠣᠯ ᠠᠷᠠᠳ ᠢᠷᠭᠡᠳ ᠪᠣᠯᠪᠠᠰᠤ ᠲᠦᠷᠦ ᠬᠦᠷᠦᠨᠤ ᠦᠨᠳᠦᠰᠦ ᠪᠣᠯᠠᠢ ᠭᠡᠭᠦ ᠦᠵᠡᠯᠳᠡ ᠵᠢᠨ ᠨᠦᠯᠦᠭᠡ ᠳᠣᠣᠷᠠ ᠪᠤᠢ ᠪᠣᠯᠤᠭᠰᠠᠨᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ᠃ ᠡᠨᠡ ᠬᠦ᠌ ᠤᠳᠬᠠ ᠠᠭᠤᠯᠭᠠᠠᠴᠠ ᠠᠪᠴᠤ ᠬᠡᠯᠡᠪᠡᠯ᠂ ᠺᠦᠩᠽᠢ ᠵᠢᠨ ᠤᠯᠠᠮᠵᠢᠯᠠᠳᠤ ᠰᠤᠷᠭ᠋ᠠᠯᠲᠠᠨᠤ ᠬᠡᠷᠬᠢᠨ ᠠᠷᠠᠳ ᠢᠷᠭᠡᠳ ᠵᠢᠨᠷ ᠦᠨᠳᠦᠰᠦ ᠪᠤᠯᠭ᠋ᠠᠬᠤ ᠦᠵᠡᠯ ᠰᠠᠨᠠᠭᠠ ᠵᠢ ᠰᠢᠭᠦᠮᠵᠢᠯᠡᠯᠲᠠᠢᠪᠠᠷ ᠵᠠᠯᠭ᠋ᠠᠮᠵᠢᠯᠠᠵᠤ᠂ ᠲᠡᠭᠦᠨᠢ ᠤᠳᠤ ᠦᠶᠡ ᠵᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠤᠰ ᠲᠦᠷᠦ ᠵᠢᠨ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠨᠠᠶ᠋ᠢᠳᠠᠪᠤᠷᠢᠲᠠᠢ ᠦᠵᠡᠯ ᠰᠠᠨᠠᠭ᠋ᠠᠨᠤ ᠡᠬᠢ ᠪᠠᠶᠠᠯᠢᠭ ᠪᠣᠯᠭ᠋ᠠᠬᠤ ᠪᠣᠯ ᠤᠳᠤ ᠦᠶᠡ ᠵᠢᠨ ᠲᠤᠮᠳᠠᠳᠤᠴᠤᠳᠤᠨ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠴᠢᠬᠤᠯᠠᠲᠠᠢ ᠠᠰᠠᠭᠤᠳᠠᠯ ᠪᠣᠯᠤᠨᠠ᠃
ᠵᠣᠬᠢᠶᠠᠭᠴᠢ ᠵᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄
ᠰᠦᠨ ᠰᠢᠶᠤᠤ ᠴᠦᠨ᠂ ᠬᠢᠷᠢᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠺᠤᠸᠠᠩ ᠶᠠ ᠮᠢᠩ ᠲᠠᠶ᠋ᠢᠯᠤᠮᠵᠢ ᠵᠢᠨ ᠫᠷᠤᠹᠸᠰᠰᠤᠷ᠂ ᠨᠠᠨᠺᠠᠢ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠫᠷᠤᠹᠸᠰᠰᠤᠷ᠂ ᠭᠣᠣᠯᠳᠠᠭᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠤᠰ ᠲᠦᠷᠦ ᠦᠵᠡᠯ ᠰᠠᠨᠠᠭ᠋ᠠᠨᠤ ᠲᠡᠦᠬᠡ ᠵᠢᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠪᠠ ᠰᠤᠳᠤᠯᠭ᠋ᠠᠨᠤ ᠠᠵᠢᠯᠢ ᠬᠢᠵᠦ ᠪᠤᠢ᠃
ᠣᠷᠴᠢᠭᠤᠯᠤᠭᠴᠢ᠄ ᠣᠶᠤᠨᠴᠡᠴᠡᠭ
ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠢᠮᠡᠭ
