ᠴᠢᠩ ᠤᠯᠤᠰᠤᠨ ᠰᠡᠭᠦᠯᠴᠢ ᠢᠷᠭᠡᠨ ᠤᠯᠤᠰᠤᠨ ᠡᠬᠢᠨᠤ ᠦᠶᠡ ᠪᠣᠯ ᠥᠷᠥᠨᠡᠳᠠᠬᠢᠨᠤ ᠰᠣᠶᠣᠯᠢ ᠳᠤᠮᠳᠠᠳᠤ ᠤᠯᠤᠰᠲᠤ ᠤᠷᠤᠭᠤᠯᠵᠤ ᠢᠷᠡᠬᠦ ᠥᠷᠨᠢᠯᠲᠡ ᠵᠢᠨ ᠴᠠᠭ ᠦᠶᠡ ᠪᠣᠯᠤᠨᠠ᠃ ᠲᠤᠬᠠᠶ ᠵᠢᠨ ᠦᠶᠡ ᠵᠢᠨ ᠳᠠᠶ᠋ᠢᠴᠢᠩ ᠤᠯᠤᠰᠤᠨ ᠲᠦᠷᠦ ᠨᠤᠷᠠᠮᠠᠷ ᠪᠤᠯᠵᠤ᠂ ᠦᠵᠡᠯ ᠰᠠᠨᠠᠭᠠ ᠳᠠᠪᠰᠢᠩᠭᠤᠶ ᠰᠡᠬᠡᠭᠡᠲᠡᠳ ᠥᠷᠥᠨᠡᠳᠠᠬᠢᠨᠤ ᠡᠯᠡ ᠤᠯᠤᠰᠤᠨ ᠲᠡᠷᠢᠭᠦᠨᠤ ᠰᠣᠶᠣᠯ ᠪᠠ ᠲᠤᠷᠰᠢᠯᠭᠠ ᠵᠢ ᠰᠤᠷᠤᠯᠴᠠᠬᠤ ᠵᠢ ᠰᠠᠨᠠᠭ᠋ᠠᠴᠢᠯᠠᠵᠤ᠂ ᠬᠡᠰᠡᠭ ᠬᠡᠲᠦᠷᠡᠮᠡᠬᠡᠶ ᠦᠵᠡᠯᠲᠠᠢ ᠵᠠᠯᠠᠭᠤᠴᠤᠳ ᠭᠠᠳᠠᠭ᠋ᠠᠳᠤ ᠵᠢᠨ ᠰᠣᠶᠣᠯᠢ ᠬᠢᠵᠠᠭ᠋ᠠᠯᠠᠰᠢ ᠦᠭᠡᠢ ᠰᠢᠲᠦᠵᠦ᠂ ᠬᠠᠷᠢᠨ ᠲᠤᠰ ᠤᠯᠤᠰᠤᠨ ᠰᠣᠶᠣᠯ ᠵᠶ᠋ᠠᠨ ᠦᠯᠦ ᠥᠢ᠍ᠰᠢᠶᠠᠳᠠᠭ ᠬᠠᠴᠢᠨ ᠣᠷᠴᠢᠯᠳᠤ ᠤᠷᠤᠭᠰᠠᠨ ᠪᠠᠶ᠋ᠢᠨᠠ᠃ ᠡᠨᠡ ᠬᠦ᠌ ᠲᠤᠶ᠋ᠢᠯᠤᠨ ᠡᠷᠬᠡ ᠲᠡᠭᠰᠢ ᠪᠤᠰᠤ ᠰᠣᠶᠣᠯᠤᠨ ᠰᠣᠯᠢᠯᠴᠠᠭ᠋ᠠᠨᠤ ᠳᠤᠮᠳᠠ᠂ ᠥᠷᠥᠨᠡᠳᠠᠬᠢᠨᠤ ᠪᠣᠯᠪᠠᠰᠤᠨᠠᠴᠠ ᠢᠷᠡᠭᠰᠡᠨ ᠨᠢᠭᠡᠨ ᠭᠠᠳᠠᠭ᠋ᠠᠳᠤ ᠵᠢᠨ ᠬᠥᠮᠦᠨ ᠬᠠᠷᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯᠳᠤ ᠶᠠᠭ᠋ᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠲᠠᠲᠠᠭᠳᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯᠤᠨ ᠲᠤᠬᠠᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠠᠨᠢᠯᠴᠠᠭᠤᠯᠵᠤ᠂ ᠥᠪᠡᠷᠢᠪᠠᠨ ᠲᠤᠶ᠋ᠢᠯᠪᠤᠷᠢᠲᠠᠶ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨ ᠪᠣᠯᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃ ᠲᠡᠷᠡ ᠪᠣᠯ ᠬᠣᠯᠠᠨᠳ᠋ᠤᠨ ᠠᠯᠳᠠᠷᠲᠤ ᠬᠢᠲᠠᠳ ᠰᠤᠳᠤᠯᠤᠯᠤᠨ ᠡᠷᠳᠡᠮᠲᠡᠨ᠂ ᠭᠠᠳᠠᠭ᠋ᠠᠳᠤ ᠬᠠᠷᠢᠯᠴᠠᠭ᠋ᠠᠨᠤ ᠡᠷᠳᠡᠮᠲᠡᠨ ᠭᠦᠯᠢᠺ ᠪᠣᠯᠤᠨᠠ᠃
▲ ᠭᠦᠯᠢᠺ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠫᠸᠩ ᠫᠠᠢ ᠰᠣᠨᠢᠨ ᠮᠡᠳᠡᠭᠡ）
ᠭᠦᠯᠢᠺ （Robert Hans van Gulik᠂ 1910 - 1967） ᠬᠣᠯᠠᠨᠳ᠋ᠤᠨ ᠴᠡᠷᠢᠭᠤᠨ ᠡᠮᠴᠢ ᠵᠢᠨ ᠭᠡᠷ ᠪᠦᠯᠢᠳᠤ ᠳᠦᠷᠦᠵᠦ᠂ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠡᠪᠦᠭᠡ ᠵᠢᠨ ᠵᠶ᠋ᠠᠨ ᠨᠥᠯᠥᠭᠡ ᠵᠢ ᠬᠦᠷᠲᠡᠵᠦ᠂ ᠳᠣᠷᠣᠨᠠᠳᠠᠬᠢᠨᠤ ᠰᠣᠶᠣᠯ ᠪᠠ ᠤᠷᠠᠯᠢᠭᠲᠤ ᠳᠤᠷᠠ ᠪᠠᠬᠠᠲᠠᠶ ᠪᠤᠯᠵᠦ᠂ ᠭᠡᠷᠲᠤᠪᠠᠨ ᠬᠠᠳᠠᠭ᠋ᠠᠯᠠᠵᠤ ᠪᠠᠶ᠋ᠢᠭᠠ ᠱᠠᠭ᠋ᠠᠵᠠᠩ ᠰᠠᠪᠠ ᠳᠡᠭᠡᠷᠡᠬᠢ ᠬᠢᠲᠠᠳ ᠦᠰᠦᠭ ᠪᠢᠴᠢᠭ ᠵᠢᠴᠢ ᠸᠤᠷᠨᠤᠷ （Jules Gabriel Verne᠂ 1828 - 1905）ᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠳᠤ ᠵᠢᠷᠤᠭᠯᠠᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠳᠦᠷᠰᠦ ᠪᠠᠶ᠋ᠢᠳᠠᠯᠨᠢ ᠲᠡᠭᠦᠨᠤ ᠰᠣᠨᠢᠷᠬᠠᠯᠢ ᠶᠡᠬᠡᠳᠡ ᠲᠠᠲᠠᠵᠠᠶ᠃ ᠷᠠᠢ᠍ᠢ᠍ᠳ᠋ᠸᠠ ᠶᠡᠬᠡ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠭᠰᠠᠨᠤ ᠲᠡᠷᠡᠭᠠ᠂ ᠲᠡᠷᠡ ᠥᠴᠦᠬᠡᠨ ᠴᠦ᠍ ᠲᠠᠲᠠᠭ᠋ᠠᠯᠵᠠᠯ ᠦᠭᠡᠢᠪᠠᠷ ᠬᠢᠲᠠᠳ ᠰᠤᠳᠤᠯᠤᠯᠢ ᠥᠪᠡᠷᠤᠨ ᠵᠶ᠋ᠠᠨ ᠭᠣᠣᠯᠯᠠᠨ ᠰᠤᠷᠬᠤ ᠲᠤᠰᠬᠠᠶ ᠮᠡᠷᠭᠡᠵᠢᠯ ᠵᠶ᠋ᠠᠨ ᠪᠣᠯᠭ᠋ᠠᠵᠤ᠂ ᠬᠢᠲᠠᠳ ᠬᠡᠯᠡ᠂ ᠶᠠᠫᠣᠨ ᠬᠡᠯᠡ ᠵᠢᠴᠢ ᠺᠣᠯᠣᠨᠢᠴᠢᠯᠠᠯᠤᠨ ᠬᠠᠤᠯᠢ ᠵᠢᠨ ᠪᠠᠴᠸᠯᠸᠷ ᠴᠣᠯᠠ ᠣᠯᠤᠭᠰᠠᠨᠤ ᠲᠡᠷᠡᠭᠠ ᠪᠠᠰᠠ ᠦᠳ᠋ᠯᠸᠷ ᠰᠠᠯᠪᠤᠷᠢ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠳᠣᠷᠣᠨᠠᠳᠠᠬᠢᠨᠤ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢᠳᠤ ᠭᠦᠨᠵᠡᠭᠡᠶ᠋ᠢᠷᠡᠨ ᠰᠤᠷᠤᠯᠴᠠᠵᠤ᠂ ᠮᠠᠰᠲ᠋ᠧᠷ ᠪᠠ ᠳ᠋ᠣᠺᠲ᠋ᠣᠷᠤᠨ ᠡᠷᠳᠡᠮᠤᠨ ᠴᠣᠯᠠ ᠵᠢ ᠠᠮᠵᠢᠯᠲᠠᠲᠠᠢᠪᠠᠷ ᠬᠦᠷᠲᠡᠪᠡ᠃ ᠲᠡᠭᠦᠰᠦᠭᠰᠡᠨᠤ ᠳᠠᠷᠠᠭᠠ ᠭᠦᠯᠢᠺ ᠬᠣᠯᠠᠨᠳ᠋ᠤᠨ ᠭᠠᠳᠠᠭ᠋ᠠᠳᠤ ᠶᠠᠪᠤᠳᠠᠯᠤᠨ ᠶᠠᠮᠤᠨᠳᠤ ᠣᠷᠣᠵᠤ ᠠᠵᠢᠯᠯᠠᠵᠤ᠂ ᠶᠠᠫᠣᠨᠤ ᠲᠤᠤᠺᠢᠤ᠋ᠳᠤ ᠲᠣᠮᠢᠯᠠᠭᠳᠠᠪᠠ᠃
ᠭᠦᠯᠢᠺ ᠶᠠᠫᠣᠨᠳᠤ ᠲᠤᠰᠢᠶᠠᠯᠳᠤ ᠪᠠᠶ᠋ᠢᠬᠤ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠶᠠᠲᠤᠭᠠᠳᠤ ᠶᠡᠬᠡ ᠰᠣᠨᠢᠷᠬᠠᠯᠲᠠᠢ ᠪᠣᠯᠵᠤ᠂ ᠲᠤᠤᠺᠢᠤ᠋ᠳᠤ ᠰᠠᠭᠤᠭᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠶᠠᠲᠤᠭ᠋ᠠᠴᠢᠨᠠᠴᠠ ᠡᠷᠲᠡᠨᠤ ᠶᠠᠲᠤᠭᠠ ᠵᠢᠨ ᠬᠥᠭᠵᠢᠮᠳᠡᠬᠦ ᠠᠷᠭᠠ ᠵᠢ ᠰᠤᠷᠤᠭᠰᠠᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠶ᠂ ᠪᠠᠰᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠶᠠᠲᠤᠭᠠ ᠵᠢᠨ ᠲᠤᠬᠠᠶ ᠣᠯᠠᠨ ᠦᠶᠡ ᠵᠢᠨ ᠰᠤᠳᠤᠷ ᠪᠢᠴᠢᠭᠢ ᠶᠡᠬᠡ ᠬᠡᠮᠵᠢᠶᠡᠪᠠᠷ ᠴᠤᠭᠯᠠᠭᠤᠯᠤᠨ ᠤᠩᠰᠢᠭᠰᠠᠨ ᠪᠥᠭᠡᠳ 《ᠶᠠᠲᠤᠭᠠ ᠵᠢᠨ ᠡᠭᠦᠰᠦᠯ》 （the Lore of Chinese Lute᠄ An Essay in Ch′in Ideology᠂ 1940） ᠵᠢᠴᠢ 《ᠵᠢᠢ ᠺᠠᠩ ᠪᠣᠯᠤᠨ ᠲᠡᠭᠦᠨᠤ 〈ᠶᠠᠲᠤᠭᠠ ᠵᠢᠨ ᠮᠠᠭᠲᠠᠭᠤ〉》 （Hsi Kang and His Poetical Essay on the Lute᠂ 1941） ᠵᠡᠷᠭᠡ ᠰᠤᠩᠭᠤᠳᠠᠭ ᠪᠦᠲᠦᠭᠡᠯᠢ ᠲᠤᠭᠤᠷᠪᠢᠭᠰᠠᠨ ᠪᠠᠢ᠌ᠨᠠ᠂ ᠡᠮᠦᠨᠡᠬᠢᠨᠢ ᠳᠤᠮᠳᠠᠳᠤ ᠵᠢᠨ ᠡᠷᠲᠡᠨᠤ ᠬᠦᠭᠵᠢᠮᠤᠨ ᠤᠬᠠᠭ᠋ᠠᠨᠤ ᠰᠤᠳᠤᠯᠭ᠋ᠠᠨᠲᠠᠬᠢ ᠡᠷᠬᠡ ᠰᠦᠷᠲᠡᠢ ᠪᠦᠲᠦᠬᠡᠯ ᠭᠡᠵᠦ ᠡᠷᠬᠢᠮᠯᠡᠭᠳᠡᠵᠦ᠂ ᠬᠣᠶ᠋ᠢᠨᠠᠬᠢᠨᠢ ᠬᠠᠷᠢᠨ ᠣᠳᠣ ᠵᠢᠨ ᠴᠣᠷᠤᠨ ᠭᠠᠭᠴᠠ ᠵᠢᠢ ᠺᠠᠩᠤᠨ 《ᠶᠠᠲᠤᠭᠠ ᠵᠢᠨ ᠮᠠᠭᠲᠠᠭᠤ》 ᠵᠢᠨ ᠲᠤᠬᠠᠶ ᠰᠤᠳᠤᠯᠭ᠋ᠠᠨᠤ ᠠᠩᠭ᠍ᠯᠢ ᠬᠡᠯᠡᠨᠤ ᠲᠤᠰᠬᠠᠶ ᠪᠦᠲᠦᠭᠡᠯ ᠪᠤᠯᠤᠭᠰᠠᠨ ᠠᠵᠢ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠶᠠᠲᠤᠭᠠ ᠵᠢ ᠭᠦᠨᠵᠡᠭᠡᠶ ᠰᠤᠳᠤᠯᠬᠤᠪᠠᠷ ᠳᠠᠮᠵᠢᠵᠤ᠂ ᠭᠦᠯᠢᠺ ᠶᠠᠫᠣᠨᠤ ᠶᠠᠲᠤᠭᠠ ᠵᠢᠨ ᠡᠭᠦᠰᠦᠯ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠠᠴᠠ ᠡᠬᠢᠯᠡᠭᠰᠡᠨᠢ ᠨᠤᠲᠠᠯᠠᠵᠤ᠂ ᠲᠤᠬᠠᠶ ᠵᠢᠨ ᠦᠶᠡ ᠵᠢᠨ ᠥᠷᠥᠨᠡᠳᠠᠬᠢᠨᠤᠬᠢᠨ ᠳᠣᠷᠣᠨᠠᠳᠠᠬᠢᠨᠤ ᠰᠣᠶᠣᠯᠢ ᠶᠠᠫᠣᠨᠠᠴᠠ ᠡᠭᠦᠰᠦᠯᠲᠠᠢ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠭᠰᠠᠨ ᠶᠠᠷᠢᠶᠠ ᠬᠡᠯᠡᠯᠴᠡᠭᠡ ᠵᠢ ᠬᠦᠴᠦᠲᠡᠶ ᠨᠢᠴᠤᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃ ᠲᠡᠷᠡ ᠨᠣᠮᠳᠤᠪᠠᠨ ᠥᠷᠥᠨᠡᠳᠠᠬᠢᠨᠤ ᠤᠩᠰᠢᠭᠴᠢᠳᠲᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠢᠴᠢᠭᠤᠨ ᠬᠥᠮᠦᠨᠤ ᠮᠥᠰᠥ ᠴᠢᠨᠠᠷ ᠬᠢᠭᠡᠳ ᠡᠷᠲᠡᠨᠤ ᠶᠠᠲᠤᠭᠠ ᠵᠢᠨ ᠰᠣᠶᠣᠯᠤᠨ ᠭᠦᠨ ᠪᠠᠷᠢᠯᠳᠤᠯᠭᠠ ᠵᠢ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠥᠷᠥᠨᠡᠳᠠᠬᠢᠨᠤ ᠬᠥᠮᠦᠰᠲᠤ ᠡᠨᠡ ᠬᠦ᠌ ᠭᠦᠨ ᠨᠢᠭᠤᠴᠠᠭ᠋ᠠᠶ ᠳᠣᠷᠣᠨᠠᠳᠠᠬᠢᠨᠤ ᠤᠯᠤᠰᠠᠴᠠ ᠢᠷᠡᠭᠰᠡᠨ ᠡᠷᠲᠡᠨᠤ ᠬᠦᠭᠵᠢᠮᠳᠡᠬᠦᠷ ᠵᠢᠴᠢ ᠲᠡᠭᠦᠨᠤ ᠠᠴᠢᠶᠠᠯᠠᠭᠰᠠᠨ ᠳᠤᠮᠳᠠᠳᠤ ᠵᠢᠨ ᠰᠣᠶᠣᠯᠤᠨ ᠠᠭᠤᠯᠬᠤᠨᠢ ᠠᠩᠬᠠ ᠤᠳᠠᠭᠠ ᠲᠠᠨᠢᠭᠤᠯᠤᠭᠰᠠᠨ ᠶᠤᠮ᠃ ᠡᠷᠲᠡᠨᠤ ᠶᠠᠲᠤᠭᠠ ᠵᠢᠨ ᠲᠤᠬᠠᠶ ᠰᠤᠳᠤᠯᠭ᠋ᠠᠨᠨᠢ ᠪᠠᠰᠠ ᠭᠦᠯᠢᠺᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯᠤᠨ ᠲᠤᠬᠠᠶ ᠲᠠᠨᠢᠯᠲᠠ ᠪᠠ ᠬᠦᠰᠡᠯ ᠡᠷᠡᠮᠡᠯᠵᠡᠯᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠭᠦᠨᠵᠡᠭᠡᠶ᠋ᠢᠷᠡᠭᠦᠯᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠯᠴᠢᠨ ᠰᠠᠶ᠋ᠢᠳᠤᠨ ᠶᠠᠮᠤᠨᠳᠤ ᠣᠴᠢᠵᠤ ᠠᠵᠢᠯᠯᠠᠬᠤᠪᠠᠷ ᠲᠡᠷᠡ ᠨᠡᠩ ᠢᠳᠡᠪᠬᠢᠲᠡᠶ ᠭᠤᠶᠤᠴᠢᠯᠠᠵᠠᠶ᠃
1943 ᠣᠨᠳᠤ᠂ ᠭᠦᠯᠢᠺᠤᠨ ᠰᠠᠨᠠᠭᠰᠠᠨ ᠰᠠᠨᠠᠭᠠ ᠪᠤᠳᠤᠭᠰᠠᠨ ᠪᠤᠳᠤᠯᠨᠢ ᠪᠡᠶᠡᠯᠡᠭᠳᠡᠵᠦ᠂ ᠬᠣᠯᠠᠨᠳ᠋ᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠦᠩᠴᠢᠩᠳᠤ ᠰᠠᠭᠤᠭᠠ ᠡᠯᠴᠢᠨ ᠰᠠᠶ᠋ᠢᠳᠤᠨ ᠶᠠᠮᠤᠨᠳᠤ ᠲᠣᠮᠢᠯᠠᠭᠳᠠᠨ ᠠᠵᠢᠯᠯᠠᠵᠦ᠂ ᠲᠤᠬᠠᠶ ᠵᠢᠨ ᠦᠶᠡ ᠴᠦᠩᠴᠢᠩ ᠬᠤᠲᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠢ᠍ᠢ᠍ᠨᠤ ᠦᠶᠡ ᠵᠢᠨ ᠨᠡᠶ᠋ᠢᠰᠯᠡᠯ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠰᠠᠶᠢᠬᠠᠨ ᠬᠡᠳᠦᠨ ᠡᠭᠡᠯᠵᠢ ᠵᠢᠨ ᠨᠢᠰᠬᠡᠯᠤᠨ ᠳᠡᠯᠪᠡᠴᠢᠯᠲᠡ ᠵᠢ ᠥᠩᠭᠡᠷᠡᠭᠡᠵᠦ᠂ ᠬᠠᠭᠤᠴᠢᠨ ᠬᠤᠳᠠ ᠵᠢᠨ ᠪᠠᠷᠢᠯᠭᠠᠨᠢ ᠪᠠᠷᠤᠭ ᠪᠦᠷᠢᠮᠦᠰᠦᠨ ᠰᠦᠢ᠍ᠳᠭᠡᠭᠳᠡᠵᠦ᠂ ᠠᠷᠭᠠ ᠪᠤᠰᠦ ᠰᠢᠯᠵᠢᠨ ᠨᠡᠭᠦᠭᠰᠡᠨ ᠡᠯᠴᠢᠨ ᠰᠠᠶ᠋ᠢᠳᠤᠨ ᠶᠠᠮᠤᠨᠤ ᠠᠯᠪᠠᠨ ᠭᠡᠷᠨᠢ ᠴᠦ᠍ ᠠᠪᠬᠤ ᠵᠢᠨ ᠠᠷᠭᠠ ᠦᠭᠡᠢ ᠡᠪᠳᠡᠷᠡᠵᠦ ᠴᠤᠴᠠᠷᠠᠭᠰᠠᠨ ᠪᠠᠶ᠋ᠢᠪᠠ᠃ ᠲᠡᠷᠡ ᠥᠪᠡᠷᠤᠨ ᠨᠠᠮᠲᠠᠷᠲᠤᠪᠠᠨ ᠴᠦᠩᠴᠢᠩᠤᠨ ᠲᠤᠬᠠᠶ ᠠᠩᠬᠠᠨᠤ ᠰᠠᠭᠤᠭᠳᠠᠯ ᠵᠶ᠋ᠠᠨ ᠢᠩᠬᠢᠵᠦ ᠲᠡᠮᠳᠡᠭᠯᠡᠵᠡᠶ᠄ 《ᠴᠦᠩᠴᠢᠩ ᠪᠣᠯ ᠨᠢᠭᠡᠨ ᠪᠦᠷᠬᠦᠭ ᠪᠤᠳᠤᠩᠭᠤᠢ ᠬᠤᠳᠠ ᠶᠤᠮ ᠁ ᠭᠠᠵᠠᠷ ᠪᠣᠯᠭ᠋ᠠᠨᠳᠤ ᠡᠪᠳᠡᠷᠡᠵᠦ ᠰᠦᠢ᠍ᠷᠡᠭᠰᠡᠨ ᠭᠡᠷ ᠪᠠᠶ᠋ᠢᠰᠢᠩ ᠬᠠᠷᠠᠭᠳᠠᠳᠠᠭ ᠪᠤᠯᠪᠠᠴᠤ᠂ ᠡᠨᠡ ᠬᠤᠲᠠᠨᠢ ᠮᠥᠨ ᠯᠡ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠵᠶ᠋ᠠᠷ ᠪᠢᠯᠬᠠᠨᠠ᠃ ᠡᠯᠡ ᠭᠠᠵᠠᠷᠠᠴᠠ ᠢᠷᠡᠭᠰᠡᠨ ᠳᠤᠮᠳᠠᠳᠤ ᠭᠠᠳᠠᠭ᠋ᠠᠳᠤ ᠵᠢᠨ ᠬᠥᠮᠦᠰ ᠬᠠᠮᠲᠤ ᠵᠢᠨ ᠭᠠᠰᠠᠯᠠᠩ ᠵᠣᠪᠠᠯᠠᠩ ᠪᠠ ᠠᠶᠤᠯ ᠲᠦᠭᠰᠢᠭᠦᠷᠢᠠᠴᠠ ᠪᠣᠯᠵᠤ ᠡᠨᠳᠡ ᠢᠷᠡᠭᠰᠡᠨ ᠶᠤᠮ ᠁》 ᠭᠡᠪᠡ᠃
ᠭᠦᠯᠢᠺᠤᠨ ᠨᠢᠳᠦᠨᠳᠤ ᠡᠨᠡ ᠬᠤᠲᠠᠨᠢ ᠬᠡᠳᠦᠢ᠍ᠪᠡᠷ ᠲᠠᠢ᠍ᠢ᠍ᠨ ᠳᠠᠵᠢᠨᠳᠤ ᠲᠠᠯᠬᠢᠭᠳᠠᠵᠤ ᠲᠠᠮᠲᠤᠭᠯᠠᠭᠳᠠᠭ᠋ᠠᠳ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ ᠪᠤᠯᠤᠭᠰᠠᠨ ᠪᠣᠯᠪᠠᠴᠤ ᠮᠥᠨ ᠯᠡ ᠢᠳᠡᠪᠬᠢᠲᠡᠶ ᠪᠠᠶᠠᠰᠤᠩᠭᠤᠶ ᠬᠡᠪ ᠵᠶ᠋ᠠᠷ ᠵᠶ᠋ᠠᠨ ᠪᠠᠶ᠋ᠢᠭᠠ ᠰᠢᠭ᠋ ᠬᠠᠷᠠᠭᠳᠠᠨᠠ᠃ ᠲᠡᠷᠡ ᠮᠠᠰᠢ ᠲᠦᠷᠭᠡᠨ ᠵᠶ᠋ᠠᠷ ᠴᠦᠩᠴᠢᠩᠤᠨ ᠠᠮᠢᠳᠤᠷᠠᠯᠳᠤ ᠳᠠᠰᠤᠭᠰᠠᠨ ᠪᠥᠭᠡᠳ ᠠᠯᠳᠠᠷᠲᠤ ᠡᠷᠲᠡᠨᠤ ᠶᠠᠲᠤᠭ᠋ᠠᠴᠢ ᠶᠧ ᠱ᠌ᠢ ᠮᠸᠩᠢ ᠪᠠᠭᠰᠢ ᠪᠠᠷᠢᠵᠤ᠂ ᠶᠠᠲᠤᠭ᠋ᠠᠨᠳᠤ ᠠᠪᠢᠶᠠᠰᠤᠲᠠᠢ ᠲᠡᠷᠡᠪᠠᠷ ᠪᠠᠰᠠ ᠴᠦᠩᠴᠢᠩᠤᠨ ᠰᠠᠢ᠍ᠢ᠍ᠨ ᠳᠤᠷᠠ ᠵᠢᠨ ᠲᠣᠭᠯᠠᠯᠲᠠ ᠵᠢᠨ ᠬᠠᠨᠳᠢᠪ ᠴᠤᠭᠯᠠᠭᠤᠯᠬᠤ ᠠᠵᠢᠯᠳᠤ ᠤᠯᠠᠨ ᠤᠳᠠᠭᠠ ᠣᠷᠣᠯᠴᠠᠵᠤ᠂ ᠨᠢᠭᠦᠯᠡᠰᠦᠩᠭᠦᠶ ᠵᠢᠨ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢ ᠳᠡᠮᠵᠢᠨ ᠳᠤᠰᠠᠯᠠᠬᠤ᠂ ᠪᠤᠶᠠᠨᠤ ᠮᠥᠩᠭᠥ ᠴᠤᠭᠯᠠᠭᠤᠯᠬᠤ᠂ ᠴᠦᠩᠴᠢᠩᠢ ᠲᠠᠬᠢᠨ ᠪᠠᠶ᠋ᠢᠭᠤᠯᠬᠤᠳᠤ ᠥᠪᠡᠷᠤᠨ ᠭᠡᠰᠡᠨ ᠬᠤᠪᠢ ᠨᠡᠮᠡᠷᠢᠪᠠᠨ ᠤᠷᠤᠭᠤᠯᠵᠠᠢ᠃ ᠠᠮᠢᠳᠤᠷᠠᠯᠤᠨ ᠳᠤᠮᠳᠠ ᠬᠡᠳᠦᠢ᠌ᠪᠡᠷ ᠠᠭ᠋ᠠᠷᠤᠨ ᠲᠡᠭ᠋ᠠᠷᠢᠯᠳᠠ ᠵᠢᠨ ᠰᠡᠷᠡᠮᠵᠢ ᠵᠢᠨ ᠲᠤᠬᠢᠶᠠᠲᠠᠢ ᠦᠷᠭᠦᠯᠵᠢ ᠲᠠᠭ᠋ᠠᠷᠠᠯᠳᠤᠳᠠᠭ ᠪᠣᠯᠪᠠᠴᠤ ᠭᠦᠯᠢᠺ ᠬᠠᠷᠢᠨ ᠬᠡᠵᠢᠶᠡᠳᠠ ᠪᠠᠶᠠᠷ ᠪᠠᠶᠠᠰᠬᠤᠯᠠᠩᠲᠠᠢ ᠪᠠᠢ᠌ᠵᠤ᠂ ᠥᠪᠡᠷᠲᠤᠪᠠᠨ ᠡᠷᠲᠡᠨᠤ ᠥᠩᠭᠡ ᠪᠤᠳᠦᠬ ᠪᠦᠬᠦᠢ ᠬᠢᠲᠠᠳ ᠮᠠᠶᠢᠭᠤᠨ ᠨᠣᠮᠤᠨ ᠦᠷᠦᠭᠡ ᠭᠠᠷᠭ᠋ᠠᠵᠦ᠂ ᠲᠡᠬᠦᠨᠳᠤᠪᠠᠨ 《ᠶᠢᠦ ᠼᠦᠨᠭᠧ》 ᠭᠡᠰᠡᠨ ᠨᠡᠷᠡ ᠥᠭᠭᠦᠭᠡᠳ᠂ 《ᠨᠠᠨᠳᠢᠩᠨᠠᠨ ᠬᠠᠳᠠᠭ᠋ᠠᠯᠠᠭ᠋ᠠᠳ ᠪᠠᠷᠠᠬᠤ ᠦᠭᠡᠢ᠂ ᠢᠲᠡᠭᠡᠯ ᠵᠣᠷᠢᠭ ᠬᠡᠪ ᠵᠶ᠋ᠠᠷ ᠵᠶ᠋ᠠᠨ》 ᠭᠡᠰᠡᠨ ᠤᠳᠬᠠ ᠵᠢ ᠢᠯᠡᠳᠬᠡᠵᠡᠶ᠃
▲ ᠭᠦᠯᠢᠺ ᠨᠣᠮᠤᠨ ᠥᠷᠦᠭᠡᠨᠳᠤᠪᠠᠨ ᠡᠷᠲᠡᠨᠤ ᠶᠠᠲᠤᠭᠠ ᠬᠥᠭᠵᠢᠮᠳᠡᠵᠦ ᠪᠠᠢ᠌ᠭᠠᠨᠢ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠫᠸᠩ ᠫᠠᠢ ᠰᠣᠨᠢᠨ ᠮᠡᠳᠡᠭᠡ）
ᠲᠡᠷᠡ ᠦᠷᠭᠦᠯᠵᠢ ᠡᠨᠡ ᠬᠦ᠌ ᠳᠤᠮᠳᠠᠳᠤ ᠮᠠᠶᠢᠭᠤᠨ ᠵᠢᠵᠢᠭ ᠨᠤᠮᠤᠨ ᠥᠷᠥᠭᠡᠨᠳᠤᠪᠠᠨ ᠴᠤᠭᠯᠠᠭᠤᠯᠵᠤ ᠠᠪᠴᠢᠷᠠᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠯᠡ ᠵᠦᠢ᠍ᠯᠤᠨ ᠡᠷᠲᠡᠨᠤ ᠰᠤᠳᠤᠷ ᠪᠢᠴᠢᠭᠢ ᠤᠩᠰᠢᠳᠠᠭ ᠪᠠᠶ᠋ᠢᠭᠰᠠᠨ ᠵᠶ᠋ᠠᠨ ᠨᠢᠭᠡᠨ ᠡᠳᠦᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠢᠩ ᠤᠯᠤᠰᠤᠨ ᠦᠶᠡ ᠵᠢᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯ 《ᠡᠦ ᠽᠸ ᠲᠢᠶᠠᠨᠤ ᠳᠦᠷᠪᠡᠨ ᠶᠡᠬᠡ ᠭᠠᠶ᠋ᠢᠬᠠᠮᠰᠢᠭᠲᠤ ᠬᠡᠷᠡᠭ》ᠢ ᠣᠯᠵᠤ ᠤᠩᠰᠢᠭ᠋ᠠᠳ ᠶᠡᠬᠡᠳᠡ ᠭᠠᠢ᠌ᠬᠠᠰᠢ ᠠᠯᠳᠠᠪᠠ᠃ ᠲᠡᠷᠡ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠳᠠᠬᠢ ᠵᠣᠬᠢᠶᠠᠯᠤᠨ ᠪᠠᠭ᠋ᠠᠲᠤᠷ ᠳ᠋ᠢ ᠷᠧᠨ ᠵᠢᠶᠧ ᠵᠢᠨ ᠠᠯᠪᠠᠨ ᠬᠡᠷᠡᠭᠢ ᠰᠢᠭᠦᠨ ᠲᠠᠰᠤᠯᠤᠭᠰᠠᠨ ᠳᠤᠮᠤᠭ ᠦᠯᠢᠭᠡᠷᠲᠤ ᠪᠠᠬᠠᠷᠬᠠᠯ ᠲᠦᠷᠦᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠤᠨ ᠥᠨᠢ ᠤᠳᠠᠭ᠋ᠠᠨ ᠲᠡᠦᠬᠡᠳᠤ ᠤᠤᠯᠭᠠ ᠠᠯᠳᠠᠵᠤ᠂ ᠦᠷᠦᠨᠡᠳᠡᠬᠢᠨᠳᠤ ᠲᠠᠩᠨᠠᠨ ᠮᠥᠷᠳᠡᠯᠲᠡ ᠵᠢᠨ ᠰᠡᠳᠦᠪᠲᠦ ᠦᠯᠢᠭᠡᠷᠤᠨ ᠵᠣᠬᠢᠶᠠᠯ ᠪᠤᠢ ᠪᠣᠯᠬᠤᠠᠴᠠ ᠡᠮᠦᠨᠡ᠂ ᠳᠤᠮᠳᠠᠳᠤ ᠤᠯᠤᠰᠲᠤ ᠡᠢ᠌ᠮᠦᠷᠬᠦᠦ ᠵᠤᠬᠢᠶᠠᠯ ᠨᠢᠭᠡᠨᠲᠡ ᠲᠦᠭᠡᠮᠠᠯ ᠳᠡᠯᠭᠡᠷᠡᠭᠡᠳ ᠬᠡᠳᠦᠨ ᠵᠠᠭᠤᠨ ᠵᠢᠯ ᠪᠤᠯᠵᠤ᠂ ᠨᠣᠮᠳᠤ ᠳᠦᠷᠰᠦᠯᠡᠨ ᠪᠢᠴᠢᠭᠰᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠤᠯᠢ ᠵᠢᠨ ᠲᠤᠰᠢᠶᠠᠯᠲᠠᠨᠤ ᠡᠷᠡᠭᠦᠦ ᠵᠢᠨ ᠬᠡᠷᠡᠭᠢ ᠲᠠᠩᠨᠠᠨ ᠪᠠᠶ᠋ᠢᠴᠠᠭ᠋ᠠᠬᠤ ᠠᠷᠭᠠ ᠪᠠᠷᠢᠯ ᠪᠠ ᠬᠡᠷᠡᠭ ᠵᠠᠷᠭᠤ ᠵᠢ ᠰᠢᠭᠦᠨ ᠲᠠᠰᠤᠯᠬᠤ ᠤᠷᠠ ᠴᠢᠳᠠᠪᠤᠷᠢ᠂ ᠦᠯᠢᠭᠡᠷᠤᠨ ᠦᠢ᠍ᠯᠡ ᠶᠠᠪᠤᠳᠠᠯᠤᠨ ᠨᠠᠷᠢᠨ ᠲᠣᠬᠢᠷᠠᠭᠤᠯᠤᠯᠲᠠ ᠪᠠ ᠵᠣᠬᠢᠶᠠᠯᠤᠨ ᠪᠠᠭ᠋ᠠᠲᠤᠷᠤᠨ ᠠᠮᠢᠳᠤᠯᠢᠭ ᠵᠢᠷᠤᠭᠯᠠᠯᠨᠢ ᠥᠷᠥᠨᠡᠳᠠᠬᠢᠨᠤ ᠲᠠᠩᠨᠠᠨ ᠮᠥᠷᠳᠡᠯᠲᠡ ᠵᠢᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠠᠴᠠ ᠥᠴᠦᠬᠡᠨ ᠴᠦ᠍ ᠳᠣᠣᠷᠠ ᠦᠭᠡᠶ᠂ ᠴᠢᠨᠠᠭᠰᠢᠯᠠᠪᠠᠯ ᠳᠠᠪᠠᠬᠤᠠᠴᠠ ᠪᠢᠰᠢ ᠳᠤᠲᠠᠬᠤ ᠦᠭᠡᠶ ᠬᠡᠮᠵᠢᠶᠠᠨᠳᠤ ᠬᠦᠷᠦᠭᠰᠡᠨ ᠭᠡᠳᠡᠭᠢ ᠮᠡᠳᠠᠷᠡᠪᠡ᠃
ᠲᠡᠷᠡ ᠨᠢᠭᠡ ᠯᠡ ᠳᠤᠤᠷᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠤᠨ ᠤᠷᠴᠢᠭᠤᠯᠬᠤ ᠠᠵᠢᠯ ᠪᠠ ᠪᠢᠴᠢᠬᠦ ᠠᠵᠢᠯᠳᠤ ᠰᠢᠮᠡᠳᠦᠨ ᠤᠷᠤᠭ᠋ᠠᠳ᠂ ᠲᠡᠰᠴᠤ ᠶᠠᠳᠠᠮᠠ ᠰᠡᠳᠬᠢᠯᠭᠡᠪᠠᠷ ᠥᠷᠥᠨᠡᠳᠠᠬᠢᠨᠤ ᠥᠷᠭᠡᠨ ᠤᠯᠠᠨ ᠤᠩᠰᠢᠭᠴᠢᠳᠲᠠᠢ ᠬᠠᠮᠲᠤᠪᠠᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠭᠣᠶ᠋ᠢᠳᠠ ᠰᠠᠶ᠋ᠢᠬᠠᠨ ᠦᠯᠢᠭᠡᠷ ᠳᠣᠮᠣᠭᠢ ᠬᠤᠪᠢᠶᠠᠯᠴᠠᠬᠤᠪᠠᠷ ᠪᠤᠳᠤᠵᠦ᠂ ᠳ᠋ᠢ ᠷᠧᠨ ᠵᠢᠶᠧᠪᠠᠷ ᠭᠣᠣᠯ ᠪᠠᠭ᠋ᠠᠲᠤᠷ ᠪᠣᠯᠭ᠋ᠠᠵᠤ᠂ ᠳᠣᠷᠣᠨᠠᠳᠠᠬᠢᠨᠤ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠢ ᠥᠷᠥᠨᠡᠳᠠᠬᠢᠨᠤ ᠲᠠᠩᠨᠠᠨ ᠮᠥᠷᠳᠡᠯᠲᠡ ᠵᠢᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠤᠨ ᠣᠨᠴᠠᠯᠢᠭᠲᠠᠢ ᠤᠶᠠᠯᠳᠤᠭᠤᠯᠵᠤ᠂ ᠠᠩᠭ᠍ᠯᠢ ᠬᠡᠯᠡᠪᠠᠷ ᠠᠯᠢ ᠤᠯᠠᠨ ᠳᠤᠮᠳᠠ ᠣᠬᠣᠷ ᠲᠠᠩᠨᠠᠨ ᠮᠥᠷᠳᠡᠯᠲᠡ ᠵᠢᠨ ᠦᠯᠢᠭᠡᠷᠤᠨ ᠵᠤᠬᠢᠶᠠᠯᠢ ᠲᠤᠭᠤᠷᠪᠢᠵᠦ᠂ 《ᠶᠡᠬᠡ ᠲᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》 （Celebrated Cases of Judge Dee᠂ 1950 - 1967） ᠭᠡᠰᠠᠨ ᠨᠣᠮᠳᠤᠪᠠᠨ ᠡᠮᠬᠢᠳᠬᠢᠨ ᠤᠷᠦᠭᠤᠯᠪᠠ᠃ ᠲᠤᠰ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠨᠢ ᠥᠷᠥᠨᠡᠳᠠᠬᠢᠨᠳᠤ ᠬᠡᠪᠯᠡᠭᠳᠡᠮᠡᠭᠴᠡ ᠶᠡᠬᠡ ᠳᠣᠩᠰᠣᠯᠤᠯᠲᠠ ᠭᠠᠷᠴᠤ᠂ ᠬᠥᠮᠦᠰ ᠪᠤᠯᠢᠶᠠᠯᠴᠠᠨ ᠤᠩᠰᠢᠬᠤ ᠵᠢᠨ ᠳᠠᠭ᠋ᠠᠤ ᠵᠣᠬᠢᠶᠠᠯᠤᠨ ᠪᠠᠭ᠋ᠠᠲᠤᠷᠢ ᠳᠤᠮᠳᠠᠳᠤ ᠤᠯᠤᠰᠠᠴᠠ ᠢᠷᠡᠭᠰᠡᠨ ᠹᠤᠷᠮᠦᠰ ᠭᠡᠵᠦ ᠮᠠᠭᠲᠠᠭᠰᠠᠨ ᠪᠥᠭᠡᠳ ᠨᠣᠮᠳᠤ ᠢᠯᠡᠷᠡᠭᠰᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠷᠣᠨ ᠨᠤᠲᠤᠭᠤᠨ ᠵᠠᠩ ᠠᠭ᠋ᠠᠯᠢ᠂ ᠬᠠᠤᠯᠢ ᠳᠦᠷᠢᠮ ᠨᠡᠷᠡᠲᠦ ᠪᠣᠳᠠᠰ᠂ ᠨᠡᠶ᠋ᠢᠭᠡᠮᠤᠨ ᠠᠬᠤᠢ ᠪᠠᠶ᠋ᠢᠳᠠᠯᠳᠤ ᠬᠠᠴᠢᠷᠬᠠᠨ ᠰᠣᠨᠢᠷᠬᠠᠬᠤ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠶᠡᠬᠡᠪᠠᠷ ᠲᠥᠷᠥᠭᠳᠡᠵᠦ᠂ ᠥᠷᠥᠨᠡᠳᠠᠬᠢᠨᠤ ᠤᠯᠠᠮᠵᠢᠯᠠᠯᠲᠤ ᠲᠠᠩᠨᠠᠨ ᠮᠥᠷᠳᠡᠯᠲᠠ ᠵᠢᠨ ᠵᠠᠭᠪᠤᠷᠲᠠᠢ ᠠᠳᠠᠯᠢ ᠦᠭᠡᠶ ᠳᠣᠷᠣᠨᠠᠳᠠᠬᠢᠨᠤ ᠲᠠᠩᠨᠠᠨ ᠮᠥᠷᠳᠡᠯᠲᠡ ᠵᠢᠨ ᠦᠯᠢᠭᠡᠷᠨᠢ ᠥᠷᠥᠨᠡᠳᠠᠬᠢᠨᠤ ᠤᠩᠰᠢᠭᠴᠢᠳᠲᠤ ᠶᠠᠭ᠋ᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠰᠢᠨᠡ ᠰᠡᠪᠡᠭᠦᠨ ᠰᠠᠭᠤᠭᠳᠠᠯ ᠥᠭᠭᠦᠭᠰᠡᠨ ᠪᠠᠶ᠋ᠢᠨᠠ᠃
《ᠶᠡᠬᠡ ᠲᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》 ᠳᠠᠬᠢᠨ ᠲᠠᠪᠲᠠᠨ ᠬᠡᠪᠯᠡᠭᠳᠡᠵᠦ᠂ ᠠᠷᠪᠠᠨ ᠬᠡᠳᠦᠨ ᠵᠦᠢ᠍ᠯᠤᠨ ᠬᠡᠯᠡᠳᠤ ᠣᠷᠴᠢᠭᠤᠯᠤᠭᠳᠠᠨ ᠡᠯᠡ ᠤᠯᠤᠰᠲᠤ ᠲᠠᠷᠬᠠᠭ᠋ᠠᠭᠳᠠᠵᠤ᠂ ᠠᠮᠧᠷᠢᠺᠠ ᠵᠢᠨ ᠴᠢᠺᠠᠭᠤ᠋ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠪᠠᠰᠠ ᠰᠤᠷᠤᠭᠴᠢᠳᠤᠨ ᠡᠷᠬᠡᠪᠰᠢ ᠤᠩᠰᠢᠬᠤ ᠨᠣᠮᠤᠨ ᠭᠠᠷᠴᠠᠭᠲᠤ ᠤᠷᠤᠭᠤᠯᠤᠭᠰᠠᠨ ᠪᠥᠭᠡᠳ ᠳ᠋ᠢ ᠷᠧᠨ ᠵᠢᠶᠧ ᠴᠦ᠍ ᠥᠷᠥᠨᠡᠳᠠᠬᠢᠨᠤ ᠬᠥᠮᠦᠨ ᠪᠦᠬᠦᠨᠤ ᠮᠡᠳᠡᠳᠡᠭ ᠵᠤᠬᠢᠶᠠᠯᠤᠨ ᠪᠠᠭ᠋ᠠᠲᠤᠷ ᠪᠣᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠬᠣᠯᠠᠨᠳ᠋ᠤᠨ ᠬᠠᠭ᠋ᠠᠨᠤ ᠤᠭᠰᠠᠭᠠ ᠬᠢᠭᠡᠳ ᠤᠷᠠᠯᠢᠭᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠠᠺᠠᠳᠧᠮᠢᠴᠢ᠂ ᠬᠠᠷᠸᠠᠷᠳ᠋ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠫᠷᠣᠹᠧᠰᠰᠣᠷ ᠢᠸᠢᠳ᠋ （Wilt Idema） ᠪᠠᠭᠠ ᠵᠢᠨ ᠦᠶᠡᠪᠠᠨ ᠡᠷᠭᠢᠴᠡᠭᠦᠯᠬᠦᠳᠤᠪᠠᠨ᠄ 《᠁ ᠪᠢ ᠶᠠᠭ ᠬᠣᠯᠠᠨᠳ᠋ᠲᠤ ᠳᠡᠭᠡᠳᠦ ᠵᠡᠷᠭᠡ ᠵᠢᠨ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ ᠪᠠᠢ᠌ᠬᠤ ᠦᠶᠡᠳᠤᠪᠠᠨ ᠶᠡᠷᠦᠨᠢ ᠡᠪᠦᠯᠤᠨ ᠡᠬᠢᠨᠤ ᠦᠶᠡ ᠪᠤᠯᠬᠤᠲᠠᠢ ᠵᠡᠷᠭᠡ ᠲᠤᠬᠠᠶ ᠵᠢᠨ ᠭᠠᠵᠠᠷᠤᠨ ᠨᠣᠮᠤᠨ ᠰᠠᠩᠠᠴᠠ ᠬᠠᠮᠤᠭᠤᠨ ᠰᠢᠨᠡ ᠬᠡᠪᠯᠡᠭᠳᠡᠭᠰᠡᠨ ᠬᠣᠯᠠᠨᠳ᠋ ᠬᠡᠯᠡᠨᠤ ᠣᠷᠴᠢᠭᠤᠯᠭᠠ ᠵᠢᠨ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠢ ᠵᠢᠭᠡᠯᠡᠵᠦ ᠦᠵᠡᠭᠡᠳ ᠁ 1963 ᠣᠨᠳᠤ ᠪᠢ ᠶᠡᠬᠡ ᠰᠤᠷᠭ᠋ᠠᠭᠤᠯᠢᠳᠤ ᠣᠷᠣᠬᠤᠠᠴᠠ ᠡᠮᠦᠨᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠤᠬᠠᠶ ᠮᠢᠨᠦ ᠪᠦᠬᠦ ᠣᠶ᠋ᠢᠯᠠᠭ᠋ᠠᠯᠲᠠ ᠪᠣᠯ ᠴᠥᠮ ᠭᠦᠯᠢᠺᠤᠨ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠳᠤ ᠰᠠᠭᠤᠷᠢᠯᠠᠭᠰᠠᠨ ᠶᠤᠮ》 ᠭᠡᠵᠡᠢ᠃ ᠭᠦᠯᠢᠺᠤᠨ ᠣᠷᠴᠢᠭᠤᠯᠤᠭᠰᠠᠨ ᠪᠠ ᠪᠢᠴᠢᠭᠰᠡᠨ 《ᠶᠡᠬᠡ ᠲᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》ᠨᠢ ᠥᠷᠥᠨᠡᠳᠠᠬᠢᠨᠳᠤ ᠡᠨᠡ ᠮᠡᠲᠦ ᠬᠦᠷᠢᠶᠡᠯᠡᠯ ᠤᠯᠬᠤ ᠵᠢ ᠥᠪᠡᠷ ᠵᠶ᠋ᠠᠨ ᠴᠦ᠍ ᠭᠡᠰᠡᠨ ᠪᠤᠳᠤᠵᠤ ᠣᠯᠤᠭᠰᠠᠨ ᠦᠭᠡᠢ ᠪᠠᠢ᠌ᠵᠠᠢ᠂ 20 ᠳ᠋ᠤᠭ᠋ᠠᠷ ᠵᠠᠭᠤᠨᠤ ᠲᠠᠯᠠᠭ᠋ᠠᠳ ᠣᠨᠤ ᠦᠶᠡᠳᠤ ᠲᠤᠰ ᠨᠣᠮ ᠮᠥᠨ ᠯᠡ ᠪᠣᠷᠣᠯᠠᠭᠤᠯᠭᠠ ᠰᠠᠶ᠋ᠢᠲᠠᠶ ᠪᠠᠶ᠋ᠢᠵᠤ᠂ ᠵᠠᠭᠤᠨ ᠲᠦᠮᠡᠨ ᠳᠡᠪᠲᠡᠷᠠᠴᠠ ᠢᠯᠡᠭᠦᠦ ᠲᠠᠷᠬᠠᠭ᠋ᠠᠭᠳᠠᠵᠤ᠂ ᠭᠦᠯᠢᠺ ᠡᠭᠦᠨᠠᠴᠠ ᠪᠤᠯᠵᠤ ᠥᠪᠡᠷ ᠵᠶ᠋ᠠᠨ ᠴᠦ᠍ ᠭᠡᠰᠠᠨ ᠳᠡᠯᠡᠬᠡᠢᠳᠤ ᠨᠡᠷᠡ ᠠᠯᠳᠠᠷᠲᠠᠢ ᠬᠦᠮᠦᠨ ᠪᠤᠯᠵᠠᠢ᠃
《ᠶᠡᠬᠡ ᠳᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》ᠤᠨ ᠠᠮᠵᠢᠯᠲᠠ ᠪᠦᠲᠦᠭᠡᠯᠨᠢ ᠭᠦᠯᠢᠺᠤᠨ ᠥᠪᠡᠷᠤᠨ ᠬᠢᠨᠢ ᠡᠯᠪᠡᠭ ᠪᠠᠶᠠᠯᠢᠭ ᠡᠷᠳᠡᠮ ᠮᠡᠳᠡᠯᠭᠡ ᠪᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠰᠣᠶᠣᠯᠤᠨ ᠲᠤᠬᠠᠶ ᠭᠦᠨᠵᠡᠭᠡᠶ ᠣᠶ᠋ᠢᠯᠠᠭ᠋ᠠᠯᠲᠠᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠶ ᠶᠤᠮ᠃ ᠲᠤᠰ ᠨᠣᠮᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠶ᠋ᠢᠭᠡᠮ᠂ ᠵᠠᠩ ᠦᠢ᠍ᠯᠡ᠂ ᠬᠠᠤᠯᠢ ᠴᠠᠭ᠋ᠠᠵᠠ᠂ ᠠᠷᠠᠳᠤᠨ ᠪᠠᠶ᠋ᠢᠳᠠᠯ ᠵᠡᠷᠭᠡ ᠵᠢᠨ ᠲᠤᠬᠠᠶ ᠦᠨᠡᠨ ᠪᠣᠳᠠᠲᠠᠶ ᠨᠠᠷᠢᠨ ᠵᠢᠷᠤᠭᠯᠠᠯᠠᠴᠠ ᠲᠡᠭᠦᠨᠤ ᠵᠤᠬᠢᠶᠠᠭᠴᠢᠨᠢ ᠲᠡᠷᠡ ᠴᠢᠭ ᠵᠶ᠋ᠠᠷ ᠵᠶ᠋ᠠᠨ ᠥᠷᠥᠨᠡᠳᠠᠬᠢᠨᠤ ᠬᠥᠮᠦᠨ ᠭᠡᠳᠡᠭᠢ ᠲᠥᠰᠦᠭᠡᠯᠡᠬᠦᠶᠡ ᠪᠡᠷᠬᠡ ᠶᠤᠮ᠃ ᠲᠡᠷᠡᠪᠠᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯᠢ ᠰᠡᠳᠬᠢᠯᠤᠨ ᠤᠭᠠᠴᠠᠪᠠᠨ ᠪᠢᠰᠢᠷᠡᠨ ᠪᠠᠬᠠᠷᠬᠠᠳᠠᠭ ᠤᠴᠢᠷᠠᠴᠠ ᠲᠡᠭᠦᠨᠤ ᠨᠣᠮᠳᠤ ᠳᠦᠷᠰᠦᠯᠡᠨ ᠪᠦᠲᠦᠭᠡᠭᠳᠡᠭᠰᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠦᠭᠴᠢ ᠵᠢᠨ ᠳᠦᠷᠢᠨᠢ ᠣᠶᠤᠨ ᠤᠬᠠᠭ᠋ᠠᠨᠯᠢᠭ ᠪᠥᠭᠡᠳ ᠲᠥᠪ ᠭᠣᠣᠯᠴᠢ ᠪᠠᠢ᠍ᠵᠦ᠂ ᠣᠨᠴᠠᠭ᠋ᠠᠶ ᠠᠮᠢᠳᠤᠯᠢᠭ ᠳᠦᠷᠰᠦᠯᠢᠭ ᠵᠶ᠋ᠠᠷ ᠢᠯᠡᠷᠡᠵᠦ᠂ ᠥᠷᠥᠨᠡᠳᠠᠬᠢᠨᠤ ᠥᠷᠭᠡᠨ ᠣᠯᠠᠨ ᠤᠩᠰᠢᠭᠴᠢᠳᠤᠨ ᠪᠠᠬᠠᠷᠬᠠᠯᠢ ᠲᠠᠲᠠᠭᠰᠠᠨ ᠪᠠᠶ᠋ᠢᠨᠠ᠃ ᠭᠦᠯᠢᠺᠤᠨ ᠦᠵᠡᠬᠦᠪᠠᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯ ᠪᠣᠯ ᠡᠨᠡ ᠮᠡᠲᠦ ᠥᠷᠭᠡᠨ ᠳᠡᠯᠭᠡᠷ ᠭᠦᠨ ᠭᠦᠨᠵᠡᠭᠡᠶ ᠪᠠᠶ᠋ᠢᠵᠤ᠂ ᠵᠥᠪᠬᠡᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠯᠠ ᠬᠠᠷᠢᠶᠠᠯᠠᠭᠳᠠᠬᠤ ᠡᠢ᠌ᠨ ᠬᠦ᠌ ᠤᠯᠠᠨ ᠰᠢᠯᠢᠳᠡᠭ ᠰᠣᠶᠣᠯᠤᠨ ᠥᠪᠢ ᠤᠯᠠᠮ ᠴᠢᠨᠠᠭᠰᠢᠳᠠ ᠠᠭᠤᠳᠠᠯᠤᠨ ᠰᠤᠳᠤᠯᠬᠤ ᠴᠢᠬᠤᠯᠠᠲᠠᠶ ᠪᠠᠶ᠋ᠢᠨᠠ ᠭᠡᠵᠦ ᠦᠵᠡᠵᠡᠢ᠃
▲ 2008 ᠣᠨᠳᠤ ᠤᠯᠤᠰᠤᠨ ᠲᠣᠳᠤᠭ᠋ᠠᠳᠤᠳᠤ ᠲᠠᠷᠬᠠᠭᠳᠠᠭᠰᠠᠨ ᠬᠢᠲᠠᠳ ᠬᠡᠯᠡᠨᠤ ᠬᠡᠪᠯᠡᠯᠤᠨ 《ᠶᠡᠬᠡ ᠲᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》 （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠳ᠋ᠸᠤᠪᠠᠨ ᠨᠣᠮ ᠤᠩᠰᠢᠯᠭᠠ）
▲ ᠡᠯᠡ ᠤᠯᠤᠰᠲᠤ ᠲᠠᠷᠬᠠᠭᠳᠠᠭᠰᠠᠨ ᠠᠳᠠᠯᠢ ᠪᠤᠰᠤ ᠬᠡᠪᠯᠡᠯᠤᠨ 《ᠶᠡᠬᠡ ᠲᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》 （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᡁᠢ ᠬᠤ᠌）
ᠴᠦᠩᠴᠢᠩᠳᠤ ᠪᠠᠶ᠋ᠢᠭᠰᠠᠨ ᠣᠯᠠᠨ ᠵᠢᠯᠤᠨ ᠴᠠᠭ ᠮᠥᠴᠡᠨᠢ ᠭᠦᠯᠢᠺᠳᠤ ᠠᠪᠴᠤ ᠬᠡᠯᠡᠪᠡᠯ ᠴᠢᠬᠤᠯᠠ ᠶᠡᠬᠡ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠶᠤᠮ᠃ ᠲᠡᠷᠡ᠄ 《ᠴᠦᠩᠴᠢᠩᠳᠤ ᠥᠩᠭᠡᠷᠡᠭᠦᠯᠦᠭᠰᠡᠨ ᠣᠨ ᠰᠠᠷᠠᠨᠤᠭᠤᠳ ᠮᠢᠨᠦ ᠡᠷᠳᠡᠮ ᠰᠢᠨᠵᠢᠯᠡᠭᠡ ᠪᠠ ᠤᠷᠠᠯᠢᠭᠤᠨ ᠲᠠᠯᠠᠪᠠᠷᠬᠢ ᠰᠤᠳᠤᠯᠤᠯᠳᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠦᠨᠡ ᠴᠡᠨᠡᠲᠠᠢ ᠶᠤᠮ》 ᠭᠡᠵᠦ ᠥᠪᠡᠷᠤᠨ ᠨᠠᠮᠲᠠᠷᠲᠤᠪᠠᠨ ᠳᠤᠷᠠᠳᠴᠤ ᠥᠩᠭᠡᠷᠡᠵᠡᠶ᠃ ᠦᠨᠡᠨᠳᠤᠪᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠲᠠᠯᠠᠪᠠᠷᠬᠢ ᠣᠯᠤᠯᠲᠠᠠᠴᠠ ᠭᠠᠳᠠᠨᠠ᠂ ᠭᠦᠯᠢᠺ ᠴᠦᠩᠴᠢᠩᠳᠤ ᠪᠠᠢ᠌ᠬᠤᠳᠤᠪᠠᠨ ᠪᠠᠰᠠ ᠲᠡᠭᠦᠨᠤ ᠨᠢᠭᠡ ᠨᠠᠰᠤᠨᠤ ᠬᠠᠮᠤᠭᠤᠨ ᠲᠤᠲᠤᠨᠤ ᠬᠠᠨᠢ᠂ ᠲᠡᠭᠦᠨᠤ ᠬᠢᠲᠠᠳ ᠬᠡᠯᠡᠨᠤ ᠪᠠᠭᠰᠢ᠂ ᠱᠦᠢ ᠱ᠌ᠢ ᠹᠠᠩ ᠠᠪᠠᠬᠠᠢᠲᠠᠢ ᠲᠠᠨᠢᠯᠴᠠᠭᠰᠠᠨ ᠶᠤᠮ᠃
ᠭᠦᠯᠢᠺᠤᠨ ᠦᠵᠡᠮᠡᠭᠴᠡᠪᠠᠨ ᠲᠣᠭᠣᠭᠰᠠᠨ ᠱᠦᠶ ᠱ᠌ᠢ ᠹᠠᠩ ᠠᠪᠠᠬᠠᠢ ᠪᠣᠯ ᠰᠤᠷᠪᠤᠯᠵᠢᠲᠤ ᠭᠡᠷᠤᠨ ᠬᠣᠢ᠌ᠴᠢᠰ ᠪᠠᠢ᠌ᠵᠤ᠂ ᠨᠠᠭ᠋ᠠᠴᠤ ᠡᠪᠦᠭᠡᠨᠢ ᠴᠢᠩ ᠤᠯᠤᠰᠤᠨ ᠰᠡᠭᠦᠯᠴᠢ ᠵᠢᠨ ᠦᠶᠡ ᠵᠢᠨ ᠭᠠᠳᠠᠭ᠋ᠠᠳᠤ ᠵᠢ ᠳᠠᠭᠤᠷᠢᠶᠠᠬᠤ ᠪᠦᠯᠦᠭᠤᠨ ᠠᠯᠳᠠᠷᠲᠤ ᠤᠳᠤᠷᠢᠳᠤᠭᠴᠢ ᠵᠠᠩ ᡁᠢ ᠳ᠋ᠦᠩ᠂ ᠡᠴᠢᠭᠡᠨᠢ ᠭᠠᠳᠠᠭ᠋ᠠᠳᠤ ᠬᠠᠷᠢᠯᠴᠠᠭ᠋ᠠᠨᠤ ᠨᠣᠶᠠᠨ ᠪᠠᠶ᠋ᠢᠪᠠ᠃ ᠲᠡᠷᠡ ᠤᠯᠠᠨᠠᠴᠠ ᠬᠡᠲᠦᠶ᠋ᠢᠳᠦᠭᠰᠡᠨ ᠡᠷᠳᠡᠮ ᠮᠡᠳᠡᠯᠭᠡᠲᠠᠢ ᠬᠡᠦᠬᠡᠨ ᠪᠠᠶ᠋ᠢᠵᠤ᠂ ᠴᠢ ᠯᠦ᠍ ᠶᠡᠬᠡ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨᠤ ᠲᠠᠷᠠᠭᠠ ᠴᠦᠩᠴᠢᠩᠤᠨ ᠨᠡᠶ᠋ᠢᠭᠡᠮᠤᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠬᠡᠯᠲᠡᠰᠲᠤ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠵᠤ᠂ ᠨᠢᠭᠡ ᠤᠳᠠᠭ᠋ᠠᠨᠤ ᠳᠠᠶ᠋ᠢᠯᠠᠯᠭᠠ ᠳᠡᠭᠡᠷᠡ ᠭᠦᠯᠢᠺᠲᠠᠢ ᠲᠠᠨᠢᠯᠴᠠᠵᠠᠢ᠂ ᠲᠡᠷᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠰᠣᠶᠣᠯᠢ ᠰᠠᠢ᠍ᠢ᠍ᠨ ᠮᠡᠳᠡᠳᠡᠭ᠂ ᠡᠷᠲᠡᠨᠤ ᠶᠠᠲᠤᠭᠠ᠂ ᠤᠷᠠᠨ ᠪᠢᠴᠢᠯᠭᠡᠳᠤ ᠠᠪᠢᠶᠠᠰᠲᠠᠢ ᠪᠥᠭᠡᠳ ᠴᠠᠶ᠋ᠢᠯᠭ᠋ᠠᠨ ᠰᠡᠳᠬᠢᠯᠲᠠᠢ ᠡᠨᠡ ᠬᠦ᠌ ᠭᠠᠳᠠᠭ᠋ᠠᠳᠤ ᠵᠢᠨ ᠵᠠᠯᠠᠭᠤᠳᠤ ᠮᠠᠰᠢ ᠰᠠᠢ᠍ᠢ᠍ᠨ ᠲᠦᠷᠦᠭᠳᠡᠯᠲᠠᠢ ᠪᠤᠯᠤᠭ᠋ᠠᠳ᠂ ᠬᠣᠶᠠᠭᠤᠯᠠ ᠮᠠᠰᠢ ᠲᠦᠷᠭᠡᠨ ᠵᠶ᠋ᠠᠷ ᠬᠠᠶ᠋ᠢᠷᠠ ᠵᠢᠨ ᠳᠠᠯᠠᠢᠳᠤ ᠱᠤᠮᠪᠠᠨ ᠠᠵᠠ ᠵᠢᠷᠭ᠋ᠠᠯᠲᠠᠢᠪᠠᠷ ᠠᠢ᠌ᠯ ᠭᠡᠷ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠭᠦᠯᠢᠺ ᠬᠡᠯᠡᠬᠦᠳᠤᠪᠠᠨ᠄ 《ᠪᠢ ᠬᠡᠳᠦᠶ᠋ᠢᠪᠡᠷ ᠺᠠᠢ᠍ᠢ᠍ᠷᠤ᠋ ᠪᠣᠯᠤᠨ ᠠᠯᠸᠺᠰᠠᠨᠳᠠᠷ ᠭᠠᠷᠠᠮᠳᠤ ᠳᠤᠷᠠ ᠵᠢ ᠪᠤᠯᠢᠶᠠᠮᠠ ᠥᠷᠥᠨᠡᠳᠠᠬᠢᠨᠤ ᠰᠠᠢ᠌ᠬᠠᠨ ᠥᠬᠢᠨᠲᠠᠢ ᠲᠠᠭ᠋ᠠᠷᠠᠯᠳᠤᠵᠦ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ᠂ ᠨᠠᠳᠠᠳᠤ ᠥᠷᠥᠨᠡᠳᠠᠬᠢᠨᠤ ᠠᠪᠠᠭ᠋ᠠᠢᠲᠠᠢ ᠭᠡᠷᠯᠡᠵᠦ ᠡᠭᠦᠷᠢᠳᠡ ᠵᠣᠯ ᠵᠢᠷᠭ᠋ᠠᠯᠲᠠᠢ ᠪᠠᠢ᠌ᠬᠤ ᠪᠣᠯᠤᠯᠴᠠᠭᠠ ᠮᠠᠰᠢ ᠪᠠᠭᠠ ᠪᠠᠢ᠌ᠭᠰᠠᠨ ᠭᠡᠳᠡᠭᠢ ᠪᠢ ᠥᠪᠡᠷᠲᠤᠪᠠᠨ ᠮᠡᠳᠡᠳᠡᠭ ᠪᠠᠢ᠌ᠭᠰᠠᠨ᠂ ᠨᠠᠳᠠᠳᠤ ᠠᠪᠤᠭ᠋ᠠᠳ ᠬᠡᠯᠡᠪᠡᠯ᠂ ᠬᠠᠮᠲᠤ ᠵᠢᠨ ᠵᠢᠷᠭ᠋ᠠᠯ ᠵᠶ᠋ᠠᠨ ᠴᠤᠭᠴᠠᠯᠠᠬᠤ ᠬᠠᠮᠤᠭᠤᠨ ᠶᠡᠬᠡ ᠪᠣᠯᠤᠯᠴᠠᠭᠠᠲᠠᠢ ᠬᠦᠮᠦᠨ ᠭᠡᠪᠡᠯ ᠠᠽᠢᠶᠠ ᠲᠢᠪᠤᠨ ᠨᠢᠭᠡᠨ ᠡᠮᠡᠭᠲᠡᠶ᠂ ᠢᠯᠠᠩᠭᠤᠶᠠ ᠲᠡᠭᠦᠨᠤ ᠲᠤᠲᠤᠷᠠᠠᠴᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠢᠭᠡᠨ ᠡᠮᠡᠭᠲᠡᠶ ᠪᠠᠢ᠌ᠬᠤᠨᠢ ᠬᠠᠮᠤᠭᠠᠴᠠ ᠶᠡᠬᠡ ᠪᠤᠯᠤᠯᠴᠠᠭᠠᠲᠠᠢ ᠪᠠᠢ᠌ᠪᠠ》 ᠭᠡᠵᠡᠶ᠃ ᠶᠠᠭ ᠭᠦᠯᠢᠺᠤᠨ ᠬᠡᠯᠡᠭᠰᠡᠨ ᠰᠢᠭ ᠵᠶ᠋ᠠᠷ᠂ ᠲᠡᠳᠡ ᠬᠣᠶᠠᠭᠤᠯᠠ ᠨᠠᠰᠤᠨ ᠲᠤᠷᠰᠢᠳᠠᠪᠠᠨ ᠲᠤᠳᠤᠨᠤ ᠠᠮᠠᠷᠠᠭ ᠪᠤᠯᠵᠤ᠂ ᠭᠤᠷᠪᠠᠨ ᠬᠦᠦ ᠨᠢᠭᠡ ᠥᠬᠢᠨᠲᠠᠢ ᠪᠣᠯᠵᠤ᠂ ᠵᠣᠯ ᠵᠢᠷᠭ᠋ᠠᠯᠲᠤ ᠤᠷᠤᠭᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠦᠷᠭᠡᠨ ᠪᠣᠯᠤᠭᠰᠠᠨ ᠭᠦᠯᠢᠺ ᠴᠤ᠌ ᠤᠯᠠᠮᠠᠴᠠ ᠤᠯᠠᠮ ᠡᠨᠡ ᠤᠯᠤᠰᠲᠤ ᠠᠭᠤᠰᠤᠯᠴᠠᠨ ᠣᠷᠣᠵᠠᠶ᠃
▲ ᠭᠦᠯᠢᠺ ᠱᠦᠢ ᠱᠤ᠌ ᠹᠠᠩ ᠬᠣᠶᠠᠷᠤᠨ ᠳᠤᠮᠳᠠᠳᠤ ᠮᠠᠶᠢᠭᠤᠨ ᠬᠤᠪᠴᠠᠰᠤ ᠵᠠᠰᠠᠯᠲᠠᠢ ᠬᠠᠮᠲᠤ ᠵᠢᠨ ᠰᠡᠭᠦᠳᠡᠷ᠃
▲ ᠭᠦᠯᠢᠺ ᠱᠦᠢ ᠱᠤ᠌ ᠹᠠᠩ ᠪᠣᠯᠣᠨ ᠳᠥᠷᠪᠡᠨ ᠬᠡᠦᠬᠡᠳᠲᠠᠢᠪᠠᠨ ᠪᠠᠢ᠌ᠭᠠ ᠬᠠᠮᠲᠤ ᠵᠢᠨ ᠰᠡᠭᠦᠳᠡᠷ᠃
ᠶᠠᠮᠠᠷ ᠨᠢᠭᠡᠨ ᠤᠳᠬᠠ ᠠᠭᠤᠯᠭᠠᠠᠴᠠ ᠠᠪᠴᠤ ᠬᠡᠯᠡᠪᠡᠯ᠂ ᠬᠣᠯᠠᠨᠳ᠋ᠤᠨ ᠠᠷᠠᠳ ᠲᠦᠮᠡᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠤᠬᠠᠶ ᠣᠶ᠋ᠢᠯᠠᠭ᠋ᠠᠯᠲᠠᠨᠢ ᠭᠦᠯᠢᠺᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯ ᠪᠠ ᠵᠣᠬᠢᠶᠠᠯ ᠪᠦᠲᠦᠭᠡᠯᠢ ᠶᠡᠬᠡᠪᠠᠷ ᠤᠬᠠᠭᠤᠯᠤᠭᠰᠠᠨᠠᠴᠠ ᠪᠣᠯᠤᠭᠰᠠᠨ ᠶᠤᠮ᠃ ᠲᠡᠷᠡ ᠪᠣᠯ ᠬᠢᠲᠠᠳ ᠰᠤᠳᠤᠯᠤᠯᠤᠨ ᠭᠠᠷᠮᠠᠭ᠋ᠠᠶ ᠡᠷᠳᠡᠮᠲᠡᠨ ᠪᠥᠭᠡᠳ ᠳᠤᠮᠳᠠᠳᠤ ᠤᠯᠤᠰᠤᠨ 《ᠰᠠᠶ᠋ᠢᠨ ᠬᠦᠷᠭᠡᠨ》 ᠶᠤᠮ᠃ ᠲᠡᠭᠦᠨᠤ ᠠᠮᠵᠢᠯᠲᠠ ᠪᠥᠲᠦᠭᠡᠯᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠶᠠᠲᠤᠭᠠ ᠵᠢᠨ ᠡᠭᠦᠰᠦᠯᠢ ᠰᠤᠳᠤᠯᠬᠤ ᠪᠠ 《ᠶᠡᠬᠡ ᠲᠠᠩ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭ》ᠢ ᠤᠷᠴᠢᠭᠤᠯᠬᠤ ᠪᠠ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠲᠡᠳᠦᠢᠳᠤ ᠦᠭᠡᠢ᠂ ᠲᠡᠭᠦᠨᠤ ᠬᠡᠪᠯᠡᠭᠦᠯᠦᠭᠰᠡᠨ 《ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠬᠤᠷᠢᠴᠠᠯᠤᠨ ᠠᠮᠢᠳᠤᠷᠠᠯ》 （Sexual Life in Ancient China᠂ 1961） ᠵᠡᠷᠭᠡ ᠨᠣᠮᠨᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠲᠠᠯᠠᠠᠴᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠠᠬᠤᠶ ᠪᠠᠶ᠋ᠢᠳᠠᠯᠤᠨ ᠳᠣᠣᠷᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠣᠷᠢᠴᠠᠯᠤᠨ ᠣᠶ᠋ᠢᠯᠠᠭ᠋ᠠᠭᠳᠠᠬᠤᠨᠤ ᠬᠤᠪᠢᠰᠤᠯᠲᠠ ᠪᠠ ᠬᠥᠭᠵᠢᠯᠲᠡ ᠵᠢᠴᠢ ᠬᠤᠷᠢᠴᠠᠯᠤᠨ ᠣᠶ᠋ᠢᠯᠠᠭ᠋ᠠᠭᠳᠠᠬᠤᠨᠤ ᠨᠡᠶ᠋ᠢᠭᠡᠮᠤᠨ ᠵᠠᠩ ᠦᠢ᠍ᠯᠡᠳᠤ ᠦᠵᠡᠭᠦᠯᠦᠭᠰᠡᠨ ᠭᠦᠨ ᠭᠦᠨᠵᠡᠭᠡᠶ ᠨᠥᠯᠥᠭᠡ ᠵᠢ ᠰᠤᠳᠤᠯᠤᠨ ᠰᠢᠨᠵᠢᠯᠡᠭᠰᠡᠨᠳᠤ ᠪᠠᠢ᠌ᠬᠤ ᠶᠤᠮ᠃ ᠲᠡᠷᠡᠪᠠᠷ ᠮᠥᠨ ᠳᠣᠷᠣᠨᠠᠳᠠᠬᠢᠨᠤ ᠲᠡᠦᠬᠡ ᠰᠣᠶᠣᠯᠤᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰᠢ ᠭᠠᠷᠮᠠᠭ᠋ᠠᠶ ᠬᠠᠳᠠᠭ᠋ᠠᠯᠠᠭᠴᠢ ᠪᠥᠭᠡᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠣᠵᠢᠭᠤ ᠲᠢᠭᠲᠦ ᠰᠢᠯᠦᠭᠤᠨ ᠰᠢᠯᠭ᠋ᠠᠷᠠᠭᠰᠠᠨ ᠰᠢᠯᠦᠭᠴᠢ ᠶᠤᠮ᠃
ᠭᠦᠯᠢᠺ ᠥᠪᠡᠷᠤᠨ ᠨᠢᠭᠡ ᠨᠠᠰᠤᠪᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯᠳᠤ ᠰᠤᠭᠲᠤᠭᠤᠷᠤᠭᠰᠠᠨ ᠰᠡᠳᠬᠢᠯᠭᠡᠪᠠᠨ ᠦᠢ᠍ᠯᠡᠳᠦᠯᠭᠡᠵᠢᠭᠦᠯᠦᠭᠰᠡᠨ ᠰᠢᠭ ᠵᠶ᠋ᠠᠷ ᠥᠩᠭᠡᠷᠡᠭᠡᠵᠦ᠂ ᠲᠡᠷᠡ ᠪᠠᠰᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠷᠳᠦ ᠮᠥᠴᠢᠲᠦ ᠪᠡᠴᠢᠨᠢ ᠰᠤᠳᠤᠯᠵᠤ᠂ 《ᠳᠤᠮᠳᠠᠳᠤ ᠤᠯᠤᠰᠤᠨ ᠣᠷᠳᠣ ᠮᠥᠴᠢᠲᠦ ᠪᠡᠴᠢᠨᠤ ᠰᠢᠨᠵᠢᠯᠡᠯ》 （The Gibbon in China᠂ 1965）ᠤᠨ ᠣᠷᠣᠰᠢᠯᠳᠤ᠄ 《ᠣᠷᠳᠣ ᠮᠥᠴᠢᠲᠦ ᠪᠡᠴᠢᠨᠢ ᠡᠷᠲᠡᠨᠠᠴᠠ ᠠᠪᠤᠭ᠋ᠠᠳ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠬᠢᠭᠡᠳ ᠡᠬᠡ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠬᠣᠭᠣᠷᠣᠨᠳᠣᠬᠢ ᠨᠢᠭᠤᠴᠠᠭ᠋ᠠᠶ ᠭᠣᠭᠴᠣᠭᠠ ᠭᠡᠵᠦ ᠦᠵᠡᠵᠦ᠂ ᠣᠯᠠᠨ ᠵᠠᠭᠤᠨᠤ ᠲᠤᠷᠰᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠳᠬᠠ ᠵᠣᠬᠢᠶᠠᠯ ᠪᠠ ᠤᠷᠠᠨ ᠵᠢᠷᠤᠭᠤᠨ ᠤᠷᠠᠯᠢᠭ ᠲᠡᠭᠦᠨᠢ ᠠᠬᠢᠨ ᠳᠠᠬᠢᠨ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠶᠤᠮ》 ᠭᠡᠵᠦ ᠥᠪᠡᠷᠤᠨ ᠰᠤᠳᠤᠯᠭ᠋ᠠᠨᠤ ᠠᠩᠬᠠᠨᠤ ᠵᠣᠷᠢᠯᠲᠠᠪᠠᠨ ᠳᠤᠷᠠᠳᠴᠤ᠂ ᠡᠭᠦᠨᠤ ᠲᠥᠯᠥᠭᠡ ᠲᠡᠷᠡ ᠪᠠᠰᠠ ᠲᠤᠰᠬᠠᠶ᠋ᠢᠯᠠᠨ ᠨᠢᠭᠡᠨ ᠣᠷᠳᠣ ᠮᠥᠴᠢᠲᠦ ᠪᠡᠴᠢᠨᠢ ᠲᠡᠵᠢᠭᠡᠵᠦ᠂ ᠵᠢᠨ ᠺᠠᠨ ᠭᠡᠰᠡᠨ ᠨᠡᠷᠡ ᠥᠭᠴᠡᠶ᠃ ᠲᠡᠷᠡ ᠤᠷᠤᠬ ᠭᠡᠷ ᠪᠦᠯᠢ ᠵᠢᠨ ᠲᠤᠬᠠᠶ ᠨᠠᠶ᠋ᠢᠵᠠᠳᠤᠪᠠᠨ᠄ 《ᠪᠢ ᠱ᠌ᠢ ᠹᠠᠩᠲᠠᠢ ᠤᠷᠤᠬ ᠪᠠᠷᠢᠯᠳᠤᠭᠰᠠᠨᠨᠢ ᠬᠠᠶ᠋ᠢᠷᠠ ᠵᠢᠨ ᠳᠠᠯᠠᠢᠳᠤ ᠱᠤᠩᠪᠤᠭ᠋ᠠᠳ ᠲᠡᠭᠦᠨᠢ ᠬᠠᠶ᠋ᠢᠷᠠᠯᠠᠭᠰᠠᠨᠠᠴᠠ ᠭᠠᠳᠠᠨᠠ ᠪᠠᠰᠠ ᠮᠢᠨᠦ ᠪᠤᠳᠤᠬᠤᠪᠠᠷ᠂ ᠬᠡᠷᠪᠡ ᠳᠣᠷᠣᠨᠠᠳᠠᠬᠢᠨᠤ ᠬᠥᠮᠦᠰᠤᠨ ᠤᠢ ᠪᠢᠯᠢᠭᠢ ᠮᠠᠨᠤ ᠥᠷᠥᠨᠡᠳᠠᠬᠢᠨᠤ ᠪᠣᠯᠪᠠᠰᠤᠨᠲᠠᠢ ᠤᠶᠠᠯᠳᠤᠭᠤᠯᠪᠠᠯ ᠨᠢᠭᠡ ᠵᠦᠢ᠍ᠯᠤᠨ ᠣᠨᠴᠠᠭ᠋ᠠᠶ ᠶᠠᠭᠤᠮᠠ ᠪᠤᠯᠵᠤ ᠪᠦᠷᠢᠯᠳᠦᠬᠦ ᠶᠤᠮᠰᠠᠨ ᠭᠡᠵᠦ ᠪᠣᠳᠣᠳᠠᠭ ᠶᠤᠮ》 ᠭᠡᠵᠦ ᠬᠡᠯᠡᠵᠦ ᠪᠠᠢ᠌ᠵᠠᠢ᠃
▲ ᠭᠦᠯᠢᠺ ᠪᠠ ᠤᠷᠲᠤ ᠮᠥᠴᠢᠲᠦ ᠪᠡᠴᠢᠨ ᠵᠢᠨ ᠺᠠᠨ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠫᠸᠩ ᠫᠠᠢ ᠰᠣᠨᠢᠨ ᠮᠡᠳᠡᠭᠡ）
1967 ᠣᠨᠳᠤ᠂ ᠭᠦᠯᠢᠺ ᠬᠣᠯᠠᠨᠳ᠋ᠤᠨ ᠾᠸᠢᠢ᠍ᠭ᠋ᠲᠤ ᠡᠪᠡᠳᠴᠢᠨ ᠵᠶ᠋ᠠᠷ ᠨᠠᠰᠤ ᠪᠠᠷᠠᠪᠠ᠃ ᠳᠤᠮᠳᠠᠳᠤ ᠤᠯᠤᠰᠲᠤ ᠰᠠᠭᠤᠭᠠ ᠬᠣᠯᠠᠨᠳ᠋ᠤᠨ ᠤᠤᠯᠤᠨ ᠡᠯᠴᠢᠨ ᠰᠠᠶ᠋ᠢᠳ ᠶᠠᠩ ᠯᠸ ᠯᠠᠨ ᠲᠡᠭᠦᠨᠢ ᠦᠨᠡᠯᠡᠬᠦᠳᠤᠪᠠᠨ᠄ 《ᠪᠢ ᠭᠦᠯᠢᠺᠤᠨ ᠨᠢᠭᠡ ᠨᠠᠰᠤ ᠵᠢ ᠨᠢᠭᠡ ᠬᠤᠨ ᠭᠠᠯᠠᠭᠤᠪᠠᠷ ᠵᠦᠢ᠍ᠷᠯᠡᠶᠡ ᠭᠡᠵᠦ ᠪᠣᠳᠣᠵᠤ ᠪᠠᠢ᠌ᠨᠠ᠃ ᠭᠣᠣᠯ ᠮᠥᠷᠡᠨ᠂ ᠥᠨᠳᠥᠷ ᠠᠭᠤᠯᠠ᠂ ᠬᠣᠲᠠ ᠪᠠᠯᠭ᠋ᠠᠰᠤ ᠪᠠ ᠶᠡᠬᠡ ᠳᠠᠯᠠᠢᠪᠠᠷ ᠠᠶᠠᠯᠠᠬᠤᠳᠤᠪᠠᠨ ᠲᠡᠷᠡ ᠳᠡᠯᠡᠬᠡᠶ ᠵᠢᠨ ᠡᠯᠡ ᠭᠠᠵᠠᠷᠲᠤ ᠥᠪᠡᠷᠤᠨ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠪᠦᠲᠦᠭᠡᠯ᠂ ᠲᠠᠮᠠᠭᠠ᠂ ᠰᠢᠯᠦᠭ ᠳᠠᠭᠤᠯᠠᠯ᠂ ᠦᠯᠢᠭᠡᠷᠤᠨ ᠵᠣᠬᠢᠶᠠᠯ ᠪᠠ ᠳᠠᠭᠤᠤ ᠬᠥᠭᠵᠢᠮ᠂ ᠲᠡᠦᠬᠡ ᠪᠠ ᠰᠣᠶᠣᠯᠤᠨ ᠲᠤᠬᠠᠶ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠨᠡᠷᠡᠲᠦ ᠪᠦᠲᠦᠭᠡᠯᠤᠨ ᠬᠡᠯᠪᠡᠷᠢᠪᠠᠷ ᠤᠯᠠ ᠮᠥᠷ ᠵᠶ᠋ᠠᠨ ᠦᠯᠡᠳᠡᠭᠡᠭᠰᠡᠨ ᠪᠠᠶ᠋ᠢᠨᠠ ᠁ ᠳᠡᠯᠡᠬᠡᠶ ᠳ᠋ᠠᠬᠢᠨ ᠪᠠᠰᠠ ᠭᠦᠯᠢᠺᠤᠨ ᠦᠯᠡᠳᠡᠭᠡᠭᠰᠡᠨ ᠤᠯᠠᠨ ᠵᠦᠢ᠍ᠯᠤᠨ ᠰᠤᠶᠤᠯᠤᠨ ᠥᠪᠤᠨ 〈ᠤᠯᠠ ᠮᠥᠷ〉ᠢ ᠤᠷᠳᠤ ᠬᠤᠭᠤᠴᠠᠭᠠᠪᠠᠷ ᠨᠠᠨᠳᠢᠩᠨᠠᠨ ᠬᠠᠳᠠᠭ᠋ᠠᠯᠠᠬᠤᠨᠢ ᠯᠠᠪᠲᠠᠶ ᠶᠤᠮ᠃ ᠤᠴᠢᠷᠨᠢ ᠲᠡᠷᠡ ᠬᠦ᠌ ᠦᠨᠭᠭᠡᠨ ᠲᠠᠯᠠ ᠵᠢᠨ ᠤᠯᠠᠨ ᠶᠠᠨᠭ᠌ᠵᠤᠴᠢᠯᠠᠯᠳᠡᠨᠢ ᠦᠨᠡᠨᠳᠤᠪᠠᠨ ᠳᠡᠯᠡᠬᠡᠶ ᠵᠢᠨ ᠬᠠᠮᠤᠭᠤᠨ ᠡᠷᠲᠡᠨᠤ ᠪᠠ ᠬᠠᠮᠤᠭᠤᠨ ᠪᠠᠶᠠᠯᠢᠭ ᠰᠣᠶᠣᠯᠤᠨ ᠨᠢᠭᠡ ᠪᠣᠯᠬᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯᠢ ᠲᠤᠶ᠋ᠢᠯᠤᠨ ᠲᠥᠪᠯᠡᠷᠡᠩᠭᠦᠶᠪᠠᠷ ᠲᠤᠰᠬᠠᠭᠰᠠᠨᠳᠤ ᠣᠷᠣᠰᠢᠨᠠ》 ᠭᠡᠵᠡᠢ᠃
ᠭᠦᠯᠢᠺ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠳᠤᠮᠳᠠᠳᠤ ᠤᠯᠤᠰᠲᠠᠢ ᠭᠠᠶ᠋ᠢᠬᠠᠮᠰᠢᠭᠲᠤ ᠬᠤᠪᠢ ᠪᠠᠷᠢᠯᠳᠤᠯᠭᠠᠲᠠᠢ ᠬᠦᠮᠦᠨ ᠶᠤᠮ᠃ ᠲᠡᠭᠦᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯᠳᠤ ᠭᠦᠨ ᠵᠤᠵᠠᠭ᠋ᠠᠨ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡᠲᠠᠢ ᠪᠠᠢ᠌ᠳᠠᠭ ᠶᠠᠪᠤᠳᠠᠯᠨᠢ ᠲᠡᠭᠦᠨᠤ ᠨᠢᠭᠡ ᠨᠠᠰᠤᠨᠳᠤ ᠲᠤᠭᠤᠰᠢᠯᠠᠭᠳᠠᠵᠤ ᠪᠠᠶ᠋ᠢᠳᠠᠭ᠃ ᠲᠡᠭᠦᠨᠤ ᠠᠪᠠᠬᠠᠢ ᠱᠦᠢ ᠱ᠌ᠢ ᠹᠠᠩ ᠡᠷᠡ ᠨᠥᠬᠥᠷᠤᠨ ᠵᠶ᠋ᠠᠨ ᠲᠤᠬᠠᠢ ᠶᠠᠷᠢᠬᠤᠳᠤᠪᠠᠨ᠄ 《ᠲᠡᠷᠡ ᠭᠠᠳᠠᠭ᠋ᠠᠳᠤ ᠵᠢᠨ ᠬᠥᠮᠦᠨ ᠪᠢᠰᠢ᠂ ᠪᠢᠳᠠ ᠲᠠᠨᠢᠯᠴᠠᠬᠤᠠᠴᠠ ᠡᠬᠢᠯᠡᠭᠡᠳ ᠲᠡᠭᠦᠨᠢ ᠨᠠᠰᠤ ᠪᠠᠷᠠᠬᠤ ᠬᠦᠷᠲᠡᠯᠡ ᠲᠡᠷᠡ ᠮᠠᠨᠢ ᠦᠰᠦᠭ ᠪᠣᠯᠪᠠᠰᠤᠷᠠᠬᠤᠪᠠᠨ ᠨᠢᠭᠡ ᠴᠦ᠍ ᠡᠳᠦᠷ ᠲᠠᠰᠤᠯᠳᠠᠭᠤᠯᠤᠭᠠ ᠦᠭᠡᠢ᠂ ᠲᠡᠷᠡ ᠶᠤᠸᠠᠨ ᠵᠦᠩᠤᠨ ᠪᠤᠷᠳᠤᠭᠰᠠᠨ ᠭᠡᠳᠡᠰᠦ ᠵᠢ ᠢᠳᠡᠬᠦ ᠬᠠᠮᠤᠭᠠᠴᠠ ᠳᠤᠷᠠᠲᠠᠢ᠂ ᠰᠧᠴᠤᠸᠠᠨᠤ ᠨᠣᠭᠣᠭᠠᠳᠤ ᠪᠠᠰᠠ ᠳᠤᠷᠠᠲᠠᠢ᠂ ᠲᠡᠷᠡ ᠪᠣᠯ ᠵᠢᠩᠬᠢᠨᠢ ᠨᠢᠭᠡ ᠳᠤᠮᠳᠠᠳᠤ ᠵᠢᠨ ᠬᠥᠮᠦᠨ ᠶᠤᠮ》 ᠭᠡᠵᠦ ᠥᠴᠦᠬᠡᠨ ᠴᠦ᠍ ᠲᠠᠲᠠᠭ᠋ᠠᠯᠵᠠᠯ ᠦᠭᠡᠢᠪᠠᠷ ᠶᠠᠷᠢᠵᠤ ᠪᠠᠢ᠍ᠪᠠ᠃
（ᠲᠤᠰ ᠵᠣᠬᠢᠶᠠᠯᠨᠢ ᠵᠣᠬᠢᠶᠠᠭᠴᠢ ᠵᠢᠨ ᠬᠤᠪᠢ ᠬᠥᠮᠦᠨᠤ ᠦᠵᠡᠯᠲᠡ ᠵᠢ ᠯᠡ ᠲᠥᠯᠥᠭᠡᠯᠡᠨᠡ᠂ ᠲᠠᠪᠴᠠᠩᠤᠨ ᠵᠣᠭᠰᠣᠯᠲᠠ ᠵᠢ ᠲᠥᠯᠦᠭᠡᠯᠡᠬᠦ ᠦᠭᠡᠢ᠃）
ᠯᠠᠪᠯᠠᠯᠲᠠ ᠪᠣᠯᠭ᠋ᠠᠭᠰᠠᠨ ᠰᠤᠷᠪᠤᠯᠵᠢ ᠪᠢᠴᠢᠭ᠄
［1］ （ᠬᠣᠯᠠᠨᠳ᠋） C.D. ᠪᠠᠺᠮᠠᠨ᠂ H. ᠳ᠋ᠤᠹᠯᠢᠰ ᠵᠣᠬᠢᠶᠠᠵᠤ᠂ ᠱ᠌ᠢ ᠬᠤᠢ ᠶᠧ ᠣᠷᠴᠢᠭᠤᠯᠤᠭᠰᠠᠨ᠄ 《ᠬᠢᠲᠠᠳ ᠰᠤᠳᠤᠯᠤᠯᠤᠨ ᠶᠡᠬᠡ ᠡᠷᠳᠡᠮᠲᠡᠨ ᠭᠦᠯᠢᠺᠤᠨ ᠨᠠᠮᠲᠠᠷ》᠃ ᠬᠠᠢ᠍ᠢ᠍ᠺᠸᠤ᠂ ᠬᠠᠶ᠋ᠢᠨᠠᠨᠤ ᠬᠡᠪᠯᠡᠯᠤᠨ ᠬᠣᠷᠢᠶᠠ᠂ 2011.03 ᠳ᠋ᠤᠭ᠋ᠠᠷ ᠨᠢᠭᠤᠷ᠃
［2］ ᠵᠠᠩ ᠫᠢᠩᠤᠨ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ᠄ 《ᠭᠦᠯᠢᠺ — ᠳᠤᠮᠳᠠᠳᠤ ᠥᠷᠥᠨᠡᠳᠠᠬᠢᠨᠤ ᠰᠣᠶᠣᠯᠢ ᠨᠡᠪᠲᠡᠷᠡᠭᠦᠯᠦᠭᠰᠡᠨ ᠡᠯᠴᠢ》᠃ ᠪᠡᠭᠡᠵᠢᠩ᠄ ᠵᠦᠩᠬᠤᠸᠠ ᠨᠣᠮᠤᠨ ᠲᠣᠪᠴᠢᠶᠠ᠄ 2010.08
［3］ （ᠬᠣᠯᠠᠨᠳ᠋） ᠢᠸᠢᠳ᠋ （Wilt Idema） ᠵᠣᠬᠢᠶᠠᠵᠤ᠂ ᠲᠠᠨ ᠵᠢᠩ ᠣᠷᠴᠢᠭᠤᠯᠤᠭᠰᠠᠨ᠄ 《ᠭᠦᠯᠢᠺ ᠬᠢᠭᠡᠳ ᠳ᠋ᠢ ᠵᠢᠨ ᠠᠯᠪᠠᠨ ᠬᠡᠷᠡᠭᠤᠨ ᠦᠯᠢᠭᠡᠷᠤᠨ ᠵᠣᠬᠢᠶᠠᠯ》᠄ ᠬᠥᠬᠡᠮᠥ᠋ᠷᠡᠨᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ᠂ 2014.04
ᠵᠣᠬᠢᠶᠠᠭᠴᠢ ᠵᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄
ᠯᠦᠸᠧ ᠰᠢᠩ᠂ ᠳᠤᠮᠳᠠᠳᠤ ᠡᠮᠦᠨᠡᠲᠦ ᠵᠢᠨ ᠦᠨᠳᠦᠰᠦᠲᠡᠨᠤ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠳᠬᠠ ᠵᠣᠬᠢᠶᠠᠯ ᠪᠣᠯᠤᠨ ᠰᠣᠨᠢᠨ ᠮᠡᠳᠡᠭᠡᠨᠤ ᠳᠠᠮᠵᠢᠭᠤᠯᠭᠠ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠲᠠᠳ ᠬᠡᠯᠡᠨᠤ ᠤᠯᠠᠨ ᠤᠯᠤᠰᠤᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠪᠠᠭᠰᠢ᠂ ᠹᠷᠠᠨᠼᠢᠳᠤ ᠨᠢᠭᠡ ᠵᠢᠯ ᠬᠢᠲᠠᠳ ᠬᠡᠯᠡᠨᠤ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠬᠢᠵᠦ ᠦᠩᠭᠡᠷᠡᠪᠠ᠃
ᠣᠷᠴᠢᠭᠤᠯᠤᠭᠴᠢ᠄ ᠴᠢ᠊· ᠰᠡᠴᠡᠨ
ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠢᠮᠡᠭ
