ᠰᠠᠪᠬᠠ ᠶᠠᠭ᠋ᠠᠬᠢᠭ᠋ᠠᠳ ᠲᠡᠢ᠌ᠮᠦ ᠲᠦᠷᠭᠡᠨ ᠮᠠᠨᠤ ᠤᠯᠤᠰᠤᠨ ᠬᠢᠯᠢᠠᠴᠠ ᠭᠠᠷᠤᠭᠰᠠᠨ ᠪᠤᠢ？ ᠧᠦ᠋ᠷᠣᠫᠠ ᠵᠢᠨ ᠬᠠᠭ᠋ᠠᠨᠤ ᠤᠭᠰᠠᠭ᠋ᠠᠲᠠᠳ ᠶᠠᠭ᠋ᠠᠬᠢᠭ᠋ᠠᠳ ᠹᠷᠠᠨᠼᠢ ᠵᠢᠨ ᠯᠦᠶᠢᠰ ᠠᠷᠪᠠᠨ ᠳᠥᠷᠪᠡᠳᠦᠭᠡᠷᠢ ᠲᠡᠢ᠌ᠮᠦ ᠲᠦᠷᠭᠡᠨ ᠳᠠᠭᠤᠷᠢᠶᠠᠭᠰᠠᠨ ᠪᠤᠢ？
ᠥᠨᠥᠳᠦᠷ ᠪᠣᠯᠬᠤᠳᠤ᠂ ᠰᠠᠪᠬᠠ ᠠᠯᠢ ᠬᠡᠳᠦᠢ᠌ᠨ ᠳᠤᠮᠳᠠᠳᠤ ᠵᠢᠨ ᠬᠣᠭᠣᠯᠠᠨᠤ ᠣᠨᠴᠠᠭ᠋ᠠᠶ ᠬᠡᠷᠡᠭᠰᠡᠯ ᠪᠢᠰᠢ ᠪᠣᠯᠣᠭ᠋ᠠᠳ᠂ ᠳᠤᠮᠳᠠᠳᠤ ᠤᠯᠤᠰᠠᠴᠠ ᠭᠠᠳᠠᠨᠠ ᠪᠠᠰᠠ ᠮᠠᠰᠢ ᠣᠯᠠᠨ ᠤᠯᠤᠰ ᠣᠷᠣᠨ ᠰᠠᠪᠬᠠ ᠪᠠᠷᠢᠵᠤ ᠬᠣᠭᠣᠯᠠ ᠢᠳᠡᠳᠡᠭ ᠪᠣᠯᠣᠭᠰᠠᠨ ᠪᠠᠢ᠌ᠨᠠ᠃ ᠪᠠᠭᠠ ᠬᠡᠪᠴᠢᠶᠡᠨᠤ ᠨᠢᠭᠡ ᠤᠳᠠᠭᠠ ᠵᠢᠨ ᠪᠠᠶ᠋ᠢᠴᠠᠭ᠋ᠠᠯᠲᠠᠪᠠᠷ᠂ ᠡᠮᠦᠨᠡᠲᠦ ᠠᠽᠢᠶᠠ᠂ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ᠂ ᠤᠢ᠍ᠢ᠍ᠷᠠ ᠳᠣᠷᠣᠨᠠᠲᠤ ᠪᠣᠯᠣᠨ ᠠᠹᠷᠢᠺᠠ ᠲᠢᠪᠢ ᠪᠠᠭᠲᠠᠭ᠋ᠠᠭᠰᠠᠨ ᠳᠡᠯᠡᠬᠡᠶ ᠵᠢᠨ 40% ᠵᠢᠨ ᠬᠥᠮᠦᠨ ᠠᠮᠠᠨᠢ ᠬᠣᠭᠣᠯᠠ ᠵᠢ ᠮᠥᠨ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠪᠠᠵᠠᠵᠤ ᠢᠳᠡᠭᠰᠡᠭᠡᠷ ᠪᠤᠢ； ᠧᠦ᠋ᠷᠣᠫᠠ ᠲᠢᠪ ᠪᠣᠯᠤᠨ ᠡᠮᠦᠨᠡᠲᠦ ᠤᠮᠠᠷᠠᠲᠤ ᠠᠮᠧᠷᠢᠺᠠ ᠲᠢᠪᠤᠨ ᠬᠦᠮᠦᠨᠢ ᠪᠠᠭᠲᠠᠭ᠋ᠠᠭᠰᠠᠨ 30% ᠵᠢᠨ ᠬᠥᠮᠦᠨᠨᠢ ᠬᠢᠲᠤᠭᠠ ᠰᠡᠷᠡᠭᠡ ᠬᠡᠷᠡᠭᠯᠡᠵᠦ ᠪᠠᠢ᠌ᠨᠠ᠂ ᠳᠤᠮᠳᠠᠳᠤ ᠤᠯᠤᠰ᠂ ᠶᠠᠫᠣᠨ᠂ ᠰᠣᠯᠣᠩᠭᠣᠰ᠂ ᠺᠣᠷᠢᠶᠠ ᠪᠣᠯᠤᠨ ᠸᠢᠶᠧᠲᠨᠠᠮᠢ ᠪᠠᠭᠲᠠᠭ᠋ᠠᠭᠰᠠᠨ ᠦᠯᠡᠳᠡᠭᠰᠡᠨ 30% ᠵᠢᠨ ᠬᠥᠮᠦᠨᠨᠢ ᠰᠠᠪᠬᠠ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠨᠠ ᠭᠡᠳᠡᠭᠢ ᠮᠡᠳᠡᠭᠰᠡᠨ ᠶᠤᠮ᠃ ᠳᠠᠬᠢᠨ ᠪᠣᠳᠣᠯᠬᠢᠯᠠᠭᠰᠠᠨᠳᠤ ᠡᠨᠡᠨᠢ ᠬᠠᠷᠢᠨ ᠢᠰᠯᠠᠮᠤᠨ ᠱᠠᠰᠢᠨᠤ ᠰᠣᠶᠣᠯ᠂ ᠾᠷᠢᠰᠲ᠋ᠣᠰᠤᠨ ᠱᠠᠰᠢᠨᠤ ᠰᠣᠶᠣᠯ ᠪᠠ ᠪᠢᠴᠢᠭᠤᠨ ᠰᠤᠷᠭ᠋ᠠᠯᠲᠠᠨᠤ ᠰᠣᠶᠣᠯ ᠭᠤᠷᠪᠠᠲᠠᠢ ᠪᠠᠷᠤᠭ ᠪᠦᠷᠢᠮᠦᠰᠦᠨ ᠨᠡᠢ᠌ᠴᠡᠵᠦ ᠪᠠᠢ᠌ᠨᠠ ᠭᠡᠳᠡᠭᠢ ᠮᠡᠳᠡᠭᠰᠡᠨ ᠶᠤᠮ᠃ ᠰᠠᠪᠬᠠ ᠬᠡᠳᠦᠢ ᠥᠷᠭᠡᠨ ᠬᠡᠷᠡᠭᠯᠡᠭᠳᠡᠭᠰᠡᠨ ᠪᠤᠯ ᠪᠢᠴᠢᠭᠤᠨ ᠰᠤᠷᠭ᠋ᠠᠯᠲᠠᠨᠤ ᠰᠣᠶᠣᠯᠨᠢ ᠲᠡᠳᠦᠢ ᠶᠡᠬᠡ ᠳᠡᠯᠭᠡᠷᠡᠭᠰᠡᠨᠢ ᠭᠡᠷᠡᠴᠢᠯᠡᠵᠦ ᠪᠤᠢ᠃
ᠬᠡᠭᠡᠷᠡᠳᠤ ᠬᠠᠮᠲᠤᠪᠠᠷ ᠬᠣᠭᠣᠯᠠᠯᠠᠵᠤ ᠪᠠᠢ᠌ᠭᠠᠨᠢ᠂ ᠲᠠᠩ ᠤᠯᠤᠰᠤᠨ ᠬᠠᠨᠠ ᠵᠢᠨ ᠵᠢᠷᠤᠭ᠃ （ᠭᠡᠷᠡᠯ ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠭᠤᠸᠠᠩ ᠮᠢᠩ ᠰᠦᠯᠵᠢᠶᠡ）
ᠰᠠᠪᠬᠠ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠭᠠ ᠡᠳᠡᠭᠡᠷ ᠤᠯᠤᠰᠤᠳᠢ ᠨᠠᠷᠢᠪᠴᠢᠯᠠᠨ ᠠᠵᠢᠭᠯᠠᠪᠠᠯ᠂ ᠬᠡᠳᠦᠢ᠌ᠪᠡᠷ ᠵᠡᠭᠦᠨ ᠠᠽᠢᠶᠠ ᠵᠢᠨ ᠬᠥᠮᠦᠰ ᠪᠦᠷ ᠰᠠᠪᠬᠠ ᠬᠡᠷᠡᠭᠯᠡᠳᠡᠭ ᠪᠣᠯᠪᠠᠴᠤ ᠪᠠᠰᠠ ᠠᠳᠠᠯᠢ ᠪᠤᠰᠤ ᠲᠠᠯᠠᠲᠠᠢ ᠪᠠᠶ᠋ᠢᠳᠠᠭᠢ ᠮᠡᠳᠡᠵᠦ ᠪᠤᠯᠬᠤ ᠶᠤᠮ᠃ ᠶᠠᠫᠣᠨᠴᠤᠳ ᠪᠠ ᠸᠢᠶᠧᠲᠨᠠᠮᠴᠤᠳ ᠳᠤᠮᠳᠠᠳᠤ ᠤᠯᠤᠰᠲᠠᠢ ᠠᠳᠠᠯᠢᠪᠠᠷ ᠵᠥᠪᠬᠡᠨ ᠰᠠᠪᠬᠠ ᠬᠡᠷᠡᠭᠯᠡᠵᠦ ᠪᠠᠢ᠌ᠬᠤᠳᠤ᠂ ᠰᠣᠯᠣᠩᠭᠣᠰᠤᠨ ᠬᠣᠶ᠋ᠢᠭᠲᠤᠬᠢ ᠬᠦᠮᠦᠰ ᠬᠠᠷᠢᠨ 《ᠬᠠᠯᠪᠠᠭᠠ ᠪᠤᠯᠤᠨ ᠰᠠᠪᠬᠠ》 ᠵᠢ ᠬᠠᠮᠲᠤᠳᠤᠨᠢ ᠬᠡᠷᠡᠭᠯᠡᠳᠡᠭ ᠵᠠᠩᠰᠢᠯᠲᠠᠢ᠃ ᠥᠨᠥᠳᠦᠷᠤᠨ ᠶᠠᠫᠣᠨᠤ ᠳᠡᠭᠡᠳᠦ ᠳᠡᠰᠤᠨ ᠬᠣᠭᠣᠯᠠᠨ ᠲᠢᠩᠬᠢᠮᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢᠭᠡ ᠦᠵᠦᠭᠦᠷᠨᠢ ᠪᠤᠶᠤ ᠬᠤᠶᠠᠷ ᠦᠵᠦᠭᠦᠷᠨᠢ ᠨᠠᠷᠢᠨ ᠱᠤᠪᠤᠭᠤᠷ ᠮᠤᠳᠤᠨ ᠰᠠᠪᠬᠠ ᠲᠠᠯᠪᠢᠵᠤ ᠪᠠᠢ᠌ᠬᠤᠳᠤ᠂ ᠺᠤᠷᠢᠶᠠ ᠵᠢᠨ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠠᠷᠢᠨ ᠬᠠᠪᠲᠠᠭ᠋ᠠᠢ ᠲᠣᠯᠣᠭ᠋ᠠᠢᠲᠠᠢ ᠲᠡᠮᠦᠷᠯᠢᠭ ᠰᠠᠪᠬᠠ ᠭᠠᠷᠭ᠋ᠠᠵᠤ ᠮᠡᠳᠡᠬᠦ ᠶᠤᠮ᠂ ᠭᠡᠲᠡᠯᠡ ᠳᠤᠮᠳᠠᠳᠤ ᠤᠯᠤᠰᠲᠤ ᠬᠠᠷᠢᠨ ᠡᠰᠢᠨᠢ ᠳᠦᠷᠪᠡᠯᠵᠢᠨ ᠲᠣᠯᠣᠭ᠋ᠠᠢᠨᠢ ᠪᠦᠭᠡᠷᠡᠩᠬᠡᠢ ᠰᠠᠪᠬᠠ ᠡᠰᠡᠬᠦᠯᠡ ᠰᠠᠪᠬᠠ ᠵᠢᠨ ᠡᠰᠢ ᠵᠢᠨ ᠳᠡᠭᠡᠳᠦ ᠬᠡᠰᠡᠭᠢᠨᠢ ᠠᠯᠲᠠᠳᠠᠭᠰᠠᠨ ᠱᠠᠭ᠋ᠠᠵᠠᠩ ᠰᠠᠪᠬᠠ ᠭᠠᠷᠭ᠋ᠠᠵᠤ ᠮᠡᠳᠡᠬᠦ ᠶᠤᠮ᠂ ᠡᠭᠦᠨᠳᠤ ᠳᠤᠮᠳᠠᠳᠤ ᠤᠯᠤᠰᠲᠠᠢ ᠬᠠᠮᠤᠭᠤᠨ ᠲᠥᠰᠦᠭᠡᠲᠡᠢᠨᠢ ᠸᠢᠶᠧᠲᠨᠠᠮᠤᠨᠬᠢ ᠪᠠᠢ᠌ᠳᠠᠭ᠃
ᠸᠢᠶᠧᠲᠨᠠᠮᠤᠨ ᠰᠠᠪᠬᠠ ᠵᠢᠨ ᠬᠡᠯᠪᠡᠷᠢ ᠳᠥᠷᠰᠦᠨᠢ ᠮᠦᠨ ᠡᠰᠢᠨᠢ ᠳᠦᠷᠪᠡᠯᠵᠢᠨ ᠲᠣᠯᠣᠭ᠋ᠠᠢᠨᠢ ᠪᠥᠭᠡᠷᠡᠩᠬᠡᠢ ᠪᠠᠶ᠋ᠢᠳᠠᠭ᠂ ᠡᠢ᠌ᠮᠦᠷᠬᠦᠦ ᠬᠡᠯᠪᠡᠷᠢ ᠳᠦᠷᠰᠦᠨᠢ ᠬᠡᠷᠡᠭ ᠳᠡᠭᠡᠷᠡᠪᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ 《ᠲᠩᠷᠢ ᠲᠥᠭᠥᠷᠢᠭ ᠭᠠᠵᠠᠷ ᠳᠥᠷᠪᠡᠯᠵᠢᠨ》 ᠭᠡᠰᠡᠨ ᠢᠲᠡᠭᠡᠯ ᠪᠢᠰᠢᠷᠡᠯᠢ ᠲᠤᠰᠬᠠᠵᠤ ᠪᠠᠢ᠌ᠭᠠ ᠶᠤᠮ᠃ ᠡᠨᠡᠨᠢ ᠪᠠᠷᠤᠭ ᠳᠤᠮᠳᠠᠳᠤ ᠤᠯᠤᠰᠤᠨ ᠸᠢᠶᠧᠲᠨᠠᠮᠢ ᠨᠥᠯᠥᠭᠡᠯᠡᠭᠰᠡᠨ ᠴᠠᠭ ᠵᠶ᠋ᠠᠷ ᠬᠠᠮᠤᠭᠤᠨ ᠤᠷᠲᠤ᠂ ᠰᠣᠶᠣᠯᠤᠨ ᠬᠠᠷᠢᠯᠴᠠᠭᠠᠪᠠᠷ ᠬᠠᠮᠤᠭᠠᠴᠠ ᠭᠦᠨ ᠪᠠᠶ᠋ᠢᠳᠠᠭᠲᠠᠢ ᠮᠠᠰᠢ ᠶᠡᠬᠡ ᠬᠣᠯᠪᠣᠭᠠᠲᠠᠢ ᠪᠠᠢ᠌ᠵᠤ ᠮᠠᠭ᠋ᠠᠳ᠃ ᠡᠷᠲᠡᠨᠤ ᠲᠡᠦᠬᠡ ᠵᠢ ᠮᠡᠳᠡᠳᠡᠭ ᠵᠠᠷᠢᠮ ᠬᠥᠮᠦᠰ ᠸᠢᠶᠧᠲᠨᠠᠮᠲᠠᠢ ᠲᠠᠨᠢᠯ ᠲᠠᠰᠤᠩᠭᠤᠢ ᠪᠠᠢ᠌ᠳᠠᠭ᠂ ᠸᠢᠶᠧᠲᠨᠠᠮ ᠭᠡᠳᠡᠭ ᠦᠭᠡ ᠵᠢᠨ ᠤᠳᠬᠠᠨᠢ 《ᠡᠮᠦᠨᠡᠲᠦ ᠶᠤᠸᠢ ᠤᠯᠤᠰᠤᠨ ᠡᠮᠦᠨᠡᠲᠦ ᠬᠡᠰᠡᠭ》 ᠭᠡᠰᠡᠨ ᠦᠭᠡ ᠪᠤᠯᠤᠨᠠ᠃ ᠴᠢᠨᠤ ᠸᠠᠩᠲᠤ ᠲᠥᠷᠥ ᠳᠤᠮᠳᠠᠳᠤ ᠵᠢ ᠨᠢᠭᠡᠳᠭᠡᠵᠦ᠂ ᠸᠢᠶᠧᠲᠨᠠᠮᠳᠤ ᠴᠡᠷᠢᠭ ᠰᠠᠭᠤᠯᠭ᠋ᠠᠭᠰᠠᠨᠠᠴᠠ ᠵᠣᠤ ᠲᠦᠸᠸ ᠴᠡᠷᠢᠭ ᠳᠠᠶ᠋ᠢᠴᠢᠯᠠᠨ ᠤᠷᠪᠠᠵᠤ ᠡᠮᠦᠨᠡᠲᠦ ᠸᠢᠶᠧᠲᠨᠠᠮᠢ ᠪᠠᠢ᠌ᠭᠤᠯᠬᠤ ᠬᠦᠷᠲᠡᠯᠡ᠂ ᠳᠠᠬᠢᠭ᠋ᠠᠳ ᠬᠠᠨ ᠤᠯᠤᠰ ᠡᠮᠦᠨᠡᠲᠦ ᠸᠢᠶᠧᠲᠨᠠᠮᠢ ᠲᠦᠪᠰᠢᠳᠬᠡᠭᠡᠳ ᠳᠣᠯᠣᠭ᠋ᠠᠨ ᠵᠧᠤ ᠵᠢ ᠲᠣᠭᠲᠠᠭ᠋ᠠᠬᠤ ᠬᠦᠷᠲᠡᠯᠡᠬᠢ ᠲᠡᠦᠬᠡᠠᠴᠠ ᠦᠵᠡᠪᠡᠯ᠂ ᠠᠯᠢ ᠡᠷᠲᠡ ᠳᠤᠮᠳᠠᠳᠤ ᠤᠯᠤᠰ ᠴᠢᠨ ᠬᠠᠨᠤ ᠦᠶᠡᠠᠴᠠ ᠸᠢᠶᠧᠲᠨᠠᠮᠢ ᠨᠥᠯᠥᠭᠡᠯᠡᠵᠦ ᠡᠬᠢᠯᠡᠭᠰᠡᠨ ᠪᠠᠢ᠌ᠨᠠ᠃
ᠺᠣᠷᠢᠶᠠ ᠪᠣᠯᠤᠨ ᠶᠠᠫᠣᠨ ᠥᠪᠡᠷᠤᠨ ᠭᠡᠰᠡᠨ ᠣᠨᠴᠠᠭ᠋ᠠᠶ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠳᠤᠷᠠᠰᠢᠯ ᠪᠠ ᠦᠨᠳᠦᠰᠦᠲᠡᠨᠤ ᠰᠣᠶᠣᠯᠲᠠᠢ ᠪᠠᠢ᠌ᠳᠠᠭᠲᠠᠢ ᠠᠳᠠᠯᠢ ᠦᠭᠡᠶ᠂ ᠸᠢᠶᠧᠲᠨᠠᠮᠴᠤᠳᠤᠨ ᠬᠤᠭᠤᠯᠠᠯᠬᠤ ᠠᠷᠭᠠ ᠮᠠᠶᠢᠭᠨᠢ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠵᠢᠨ ᠪᠤᠰᠤᠳ ᠬᠥᠷᠰᠢ ᠤᠯᠤᠰᠤᠳᠲᠠᠢ ᠪᠠᠰᠠ ᠮᠠᠰᠢ ᠠᠳᠠᠯᠢ ᠦᠭᠡᠶ᠂ ᠬᠠᠷᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠣᠷᠣᠨᠲᠠᠢ ᠶᠡᠬᠡ ᠠᠳᠠᠯᠢᠪᠲᠤᠷ ᠪᠠᠶ᠋ᠢᠳᠠᠭ᠃ ᠲᠡᠳᠡ ᠴᠠᠭ᠋ᠠᠨ ᠪᠤᠳᠠᠭ᠋ᠠᠨᠳᠤ ᠦᠷᠭᠦᠯᠵᠢ ᠵᠢᠭ᠋ᠠᠰᠤ ᠵᠠᠭᠤᠰᠢᠯᠠᠵᠤ ᠢᠳᠡᠳᠡᠭ᠂ ᠸᠢᠶᠧᠲᠨᠠᠮᠴᠤᠳ ᠴᠦ᠍ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠣᠷᠣᠨᠤ ᠬᠥᠮᠦᠰᠲᠠᠢ ᠠᠳᠠᠯᠢᠪᠠᠷ ᠰᠢᠯᠦᠬᠡᠶ ᠪᠠ ᠲᠤᠲᠤᠷᠭᠠᠪᠠᠷ ᠭᠤᠤ ᠵᠢᠩᠨᠡᠬᠦ᠂ ᠽᠦᠩᠽᠢ ᠪᠤᠭᠤᠬᠤ ᠪᠠ ᠲᠤᠲᠤᠷᠭᠠ ᠵᠢᠨ ᠭᠤᠯᠢᠷ᠂ ᠲᠤᠲᠤᠷᠭᠠ ᠵᠢᠨ ᠭᠤᠯᠢᠷᠤᠨ ᠮᠢ ᠰᠢᠶᠠᠨ᠂ ᠬᠡᠷᠴᠢᠮᠡᠯ ᠭᠤᠯᠢᠷ ᠪᠤᠳᠠᠭᠠ ᠢᠳᠡᠳᠡᠭ᠃ ᠲᠡᠳᠡᠨᠤ ᠰᠠᠪᠬᠠᠪᠠᠷ ᠬᠣᠭᠣᠯᠠ ᠢᠳᠡᠳᠡᠭ ᠣᠯᠠᠩᠬᠢ ᠵᠠᠩᠰᠢᠯᠨᠢ ᠳᠤᠮᠳᠠᠳᠤ ᠤᠯᠤᠰ ᠪᠣᠯᠤᠨ ᠸᠢᠶᠧᠲᠨᠠᠮᠤᠨ ᠬᠢᠯᠢ ᠳᠠᠭ᠋ᠠᠤ ᠤᠷᠤᠨᠤ ᠨᠡᠭᠦᠳᠡᠯ ᠠᠷᠠᠳᠠᠴᠠ ᠢᠷᠡᠯᠲᠡᠢ᠂ ᠡᠨᠡ ᠵᠠᠩᠰᠢᠯᠨᠢ ᠪᠠᠰᠠ ᠭᠠᠵᠠᠷ ᠵᠦᠶ ᠵᠢᠨ ᠣᠷᠴᠢᠨ ᠲᠣᠭᠣᠷᠢᠨ ᠪᠣᠯᠣᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠣᠷᠣᠨᠲᠠᠢ ᠠᠳᠠᠯᠢᠪᠲᠤᠷ ᠪᠠᠶ᠋ᠢᠳᠠᠭᠠᠴᠠ ᠲᠡᠨᠳᠡ ᠦᠯᠡᠳᠡᠨ ᠬᠣᠴᠣᠷᠣᠭᠰᠠᠨ ᠪᠣᠯᠣᠯᠲᠠᠢ᠃
ᠸᠢᠶᠧᠲᠨᠠᠮᠤᠨ ᠰᠢᠷᠠ ᠽᠠᠨᠳᠠᠨ ᠮᠣᠳᠣᠨ ᠰᠠᠪᠬᠠ᠃
ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠰᠤᠶᠤᠯᠤᠨ ᠠᠳᠠᠯᠢ ᠪᠤᠰᠤᠠᠴᠠ ᠪᠣᠯᠵᠤ᠂ ᠰᠠᠪᠬᠠᠨᠢ ᠰᠣᠯᠣᠩᠭᠣᠰᠲᠤ ᠤᠯᠠᠮᠵᠢᠯᠠᠭᠳᠠᠨ ᠤᠷᠤᠭᠰᠠᠨᠤ ᠳᠠᠷᠠᠭᠠ᠂ ᠬᠥᠮᠦᠰ ᠬᠤᠯᠤᠰᠤᠪᠠᠷ ᠰᠠᠪᠬᠠ ᠬᠢᠳᠡᠭ ᠵᠠᠩᠰᠢᠯ ᠵᠶ᠋ᠡᠨ ᠠᠭ᠋ᠠᠵᠢᠮ ᠵᠶ᠋ᠠᠷ ᠲᠠᠶᠠᠭᠳᠠᠵᠤ᠂ ᠠᠯᠲᠠ ᠮᠥᠩᠭᠥ ᠲᠡᠮᠦᠷ ᠵᠡᠷᠭᠡ ᠲᠡᠮᠦᠷᠯᠢᠭ ᠮᠠᠲ᠋ᠧᠷᠢᠶᠠᠯᠢ ᠰᠣᠩᠭᠣᠨ ᠰᠠᠪᠬᠠ ᠬᠢᠬᠦ ᠪᠣᠯᠵᠠᠶ᠃ ᠰᠣᠯᠣᠩᠭᠣᠰᠲᠤ ᠨᠢᠭᠡ ᠲᠠᠯᠠᠪᠠᠷ ᠢᠳᠡᠭᠡᠨᠤ ᠮᠠᠲ᠋ᠧᠷᠢᠶᠠᠯᠤᠨ ᠤᠯᠠᠩᠬᠢᠨᠢ ᠤᠯᠠᠭ᠋ᠠᠨ ᠥᠩᠭᠡᠲᠠᠢ ᠪᠠᠢ᠌ᠳᠠᠭᠠᠴᠠ ᠬᠤᠯᠤᠰᠤᠨ ᠰᠠᠪᠬᠠ ᠵᠢᠨ ᠥᠩᠭᠡᠨᠢ ᠠᠭ᠋ᠠᠵᠢᠮ ᠵᠶ᠋ᠠᠷ ᠬᠤᠪᠢᠷᠠᠳᠠᠭ ᠪᠠᠢ᠌ᠵᠠᠢ᠃ ᠨᠥᠭᠦᠭᠡ ᠲᠠᠯᠠᠪᠠᠷ᠂ ᠮᠢᠬᠠ ᠰᠢᠷᠠᠬᠤᠳᠤ ᠲᠡᠮᠦᠷᠯᠢᠭ ᠰᠠᠪᠬᠠᠨᠢ ᠭᠠᠯᠠᠴᠠ ᠠᠶᠤᠳᠠᠭ ᠥᠬᠡᠶᠠᠴᠠ᠂ ᠲᠡᠮᠦᠷᠯᠢᠭ ᠰᠠᠪᠬᠠᠨᠢ ᠬᠥᠮᠦᠰᠤᠨ ᠬᠦᠷᠢᠶᠡᠯᠡᠯᠢ ᠶᠡᠬᠡᠪᠠᠷ ᠤᠯᠵᠠᠢ᠃ ᠲᠡᠳᠡᠨᠤ ᠰᠠᠪᠬᠠᠨᠢ ᠳᠤᠮᠳᠠᠳᠤ ᠤᠯᠤᠰᠤᠨᠬᠢᠠᠴᠠ ᠣᠬᠣᠷ ᠮᠥᠷᠲᠡᠭᠡᠨ ᠨᠠᠷᠢᠬᠠᠨ ᠬᠠᠪᠲᠠᠭ᠋ᠠᠢ᠌ᠯᠢᠭ᠂ ᠪᠤᠷᠴᠠᠭ ᠬᠠᠪᠴᠢᠵᠤ ᠪᠣᠯᠳᠠᠭ ᠮᠥᠷᠲᠡᠭᠡᠨ ᠫᠢᠯᠠᠨᠳᠤ ᠳᠠᠷᠤᠰᠢᠭᠤᠯᠤᠭᠰᠠᠨ ᠨᠣᠭᠣᠭᠠ ᠵᠢ ᠤᠷᠠᠵᠤ ᠰᠡᠮᠡᠴᠡᠵᠦ ᠳᠡᠢ᠌ᠯᠳᠡᠭ᠃ ᠲᠡᠳᠡᠨᠤ ᠳᠤᠮᠳᠠᠳᠤ ᠤᠯᠤᠰᠲᠠᠢ ᠠᠳᠠᠯᠢ ᠥᠬᠡᠶ ᠲᠠᠯᠠᠨᠢ ᠭᠡᠪᠡᠯ᠂ ᠲᠡᠳᠡᠨ ᠰᠠᠪᠬᠠ ᠪᠤᠯᠤᠨ ᠬᠠᠯᠪᠠᠭᠠ ᠵᠢ ᠬᠠᠮᠲᠤᠳᠤᠨᠢ ᠬᠡᠷᠡᠭᠯᠡᠵᠦ᠂ ᠰᠠᠪᠬᠠ ᠵᠢ ᠵᠥᠪᠬᠡᠨ ᠨᠣᠭᠣᠭᠠ ᠬᠠᠪᠴᠢᠬᠤᠳᠤ ᠬᠡᠷᠡᠭᠯᠡᠭᠡᠳ᠂ ᠪᠤᠳᠠᠭᠠ ᠢᠳᠡᠬᠦᠳᠤ ᠬᠠᠯᠪᠠᠭᠠᠪᠠᠷ ᠤᠳᠬᠤᠵᠤ ᠢᠳᠡᠳᠡᠭ ᠪᠠᠢ᠌ᠨᠠ᠃
ᠰᠣᠯᠣᠩᠭᠣᠰᠤᠨ ᠪᠸᠺᠵᠸ ᠤᠯᠤᠰᠤᠨ ᠸᠠᠩ ᠡᠤ ᠢᠩ ᠸᠠᠩᠤᠨ ᠣᠩᠭᠣᠨᠠᠴᠠ ᠭᠠᠷᠤᠭᠰᠠᠨ ᠭᠠᠤᠯᠢᠨ ᠰᠠᠪᠬᠠ ᠪᠤᠯᠤᠨ ᠬᠠᠯᠪᠠᠭᠠ᠃ （ᠭᠡᠷᠡᠯ ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠫᠸᠩ ᠫᠠᠢ ᠰᠣᠨᠢᠨ ᠮᠡᠳᠡᠭᠡ）
ᠰᠣᠯᠣᠩᠭᠣᠰ ᠬᠣᠶ᠋ᠢᠭᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠰᠠᠪᠬᠠ ᠶᠠᠫᠣᠨᠳᠤ ᠳᠡᠯᠭᠡᠷᠡᠭᠰᠡᠨᠨᠢ ᠨᠡᠩ ᠲᠣᠳᠣᠷᠬᠠᠶ ᠪᠠᠢ᠌ᠳᠠᠭ᠃ 《ᠰᠦᠶ ᠤᠯᠤᠰᠤᠨ ᠰᠤᠳᠤᠷ · ᠵᠡᠭᠦᠨ ᠬᠠᠷᠢ ᠵᠢᠨ ᠨᠠᠮᠲᠠᠷ》ᠤᠨ ᠶᠠᠫᠣᠨᠤ ᠲᠤᠬᠠᠢ ᠲᠡᠮᠲᠡᠭᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠲᠤᠬᠠᠶ ᠵᠢᠨ ᠦᠶᠡ ᠵᠢᠨ ᠶᠠᠫᠣᠨᠳᠤ 《ᠫᠢᠯᠠ ᠲᠠᠪᠠᠭ ᠭᠡᠵᠦ ᠪᠠᠢ᠌ᠬᠤ ᠦᠭᠡᠢ᠂ ᠴᠠᠷᠠᠰᠤ ᠵᠢᠨ ᠨᠠᠪᠴᠢᠪᠠᠷ ᠬᠤᠭᠤᠯᠠᠪᠠᠨ ᠬᠠᠪᠴᠢᠭᠤᠯᠵᠤ᠂ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠪᠠᠷᠢᠵᠤ ᠢᠳᠡᠳᠡᠭ》 ᠭᠡᠵᠡᠢ᠃ ᠲᠠᠩ ᠤᠯᠤᠰᠠᠴᠠ ᠡᠮᠦᠨᠡ᠂ ᠶᠠᠫᠣᠨᠴᠤᠳᠤᠨ ᠣᠯᠠᠩᠬᠢᠨᠢ ᠬᠤᠭᠤᠯᠠᠪᠠᠨ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠪᠠᠵᠠᠵᠤ ᠢᠳᠡᠳᠡᠭ᠂ ᠳ᠋ᠠ ᠶᠧ ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠣᠨ （ᠨᠡᠶ᠋ᠢᠲᠡ ᠵᠢᠨ ᠣᠨ ᠲᠣᠭ᠋ᠠᠯᠠᠯᠤᠨ 607 ᠣᠨ）ᠳᠤ᠂ ᠶᠠᠫᠣᠨᠤ ᠡᠮᠫᠷᠡᠰᠰ · ᠰᠦᠢ᠍ᠺᠤ · ᠳᠢᠶᠠᠨᠨᠤ ᠬᠠᠭ᠋ᠠᠨᠠᠴᠠ ᠤᠨᠤᠨᠤᠢ᠍ᠮᠤᠺᠤ ᠨᠡᠷᠢ ᠳᠤᠮᠳᠠᠳᠤ ᠤᠯᠤᠰᠲᠤ ᠲᠣᠮᠢᠯᠠᠨ ᠢᠷᠡᠭᠦᠯᠵᠦ ᠰᠤᠷᠤᠯᠴᠠᠭᠤᠯᠵᠠᠶ᠂ ᠲᠡᠭᠡᠭᠡᠳ ᠲᠡᠳᠡᠨ ᠬᠤᠭᠤᠯᠠ ᠵᠢ ᠰᠠᠪᠬᠠᠪᠠᠷ ᠢᠳᠡᠵᠦ ᠪᠤᠯᠳᠠᠭ ᠭᠡᠰᠡᠨᠢ ᠣᠯᠵᠤ ᠮᠡᠳᠡᠵᠡᠢ᠃ ᠡᠭᠦᠨᠠᠴᠠ ᠡᠬᠢᠯᠡᠨ ᠰᠠᠪᠬᠠ ᠶᠠᠫᠣᠨᠳᠤ ᠬᠡᠷᠡᠭᠯᠡᠭᠳᠡᠵᠦ ᠡᠬᠢᠯᠡᠵᠡᠢ᠃ ᠡᠨᠡᠨᠢ ᠶᠠᠫᠤᠨᠴᠤᠳᠤᠨ ᠳᠤᠮᠳᠠ ᠰᠠᠪᠬᠠ ᠵᠢ 《ᠲᠠᠩ ᠤᠯᠤᠰᠤᠨ ᠰᠠᠪᠬᠠ》 ᠭᠡᠵᠦ ᠬᠡᠯᠡᠵᠦ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯᠲᠠᠢ ᠶᠠᠭ ᠨᠡᠢ᠌ᠴᠡᠵᠦ ᠪᠠᠢ᠌ᠳᠠᠭ᠃
ᠥᠨᠥᠳᠦᠷ ᠲᠠ ᠬᠡᠷᠪᠡ ᠶᠠᠫᠣᠨᠤ ᠬᠣᠭᠣᠯᠠᠨ ᠭᠡᠷᠲᠤ ᠬᠣᠭᠣᠯᠠ ᠢᠳᠡᠬᠦᠳᠤ ᠬᠦᠷᠪᠡᠯ᠂ ᠶᠡᠬᠡ ᠪᠠᠭᠠ ᠬᠣᠭᠣᠯᠠᠨ ᠭᠡᠷ ᠭᠡᠰᠡᠨ ᠦᠭᠡᠢ᠂ ᠫᠢᠯᠠᠨ ᠳᠡᠭᠡᠷᠡ ᠴᠥᠮ ᠰᠠᠪᠬᠠ ᠵᠢ ᠬᠥᠨᠳᠡᠯᠡᠨ ᠲᠠᠯᠪᠢᠵᠤ ᠪᠠᠢ᠌ᠭᠠᠨᠢ ᠬᠠᠷᠠᠭᠳᠠᠳᠠᠭ᠂ ᠡᠨᠡᠨᠢ ᠮᠠᠨᠤ ᠥᠨᠥᠳᠦᠷᠤᠨ ᠰᠠᠪᠬᠠ ᠵᠢ ᠭᠤᠯᠲᠤᠪᠠᠷ ᠲᠠᠯᠪᠢᠳᠠᠭ ᠳᠠᠳᠬᠠᠯᠲᠠᠢ ᠡᠷᠡᠰ ᠤᠨᠳᠤᠤ ᠪᠠᠢ᠌ᠳᠠᠭ᠃ ᠲᠠᠩ ᠤᠯᠤᠰᠤᠨ ᠦᠶᠡ ᠵᠢᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠰᠠᠪᠬᠠ ᠵᠢ ᠬᠣᠭᠣᠯᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠥᠨᠳᠡᠯᠡᠨ ᠵᠶ᠋ᠠᠷ ᠲᠠᠯᠪᠢᠵᠤ ᠪᠠᠶ᠋ᠢᠭᠰᠠᠨ ᠲᠡᠮᠳᠡᠭᠯᠡᠯᠢ ᠪᠢᠳᠠ ᠤᠯᠵᠤ ᠮᠡᠳᠡᠭᠡ ᠦᠭᠡᠢ ᠪᠢᠰᠢ᠃ ᠲᠠᠩ ᠤᠯᠤᠰᠤᠨ ᠦᠶᠡ ᠵᠢᠨ ᠮᠠᠰᠢ ᠣᠯᠠᠨ ᠵᠢᠷᠤᠭᠤᠨ ᠪᠦᠲᠦᠭᠡᠯᠠᠴᠠ ᠰᠠᠪᠬᠠ ᠵᠢ ᠬᠣᠭᠣᠯᠠᠨᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠥᠨᠳᠡᠯᠡᠨ ᠵᠶ᠋ᠡᠷ ᠲᠠᠯᠪᠢᠵᠤ ᠪᠠᠢ᠌ᠭᠠ ᠦᠵᠡᠭᠳᠡᠯᠢ ᠣᠯᠵᠤ ᠬᠠᠷᠠᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ ᠲᠠᠩ ᠤᠯᠤᠰᠤᠨ ᠦᠶᠡ ᠵᠢᠨ ᠣᠩᠭᠣᠨᠤ ᠬᠠᠨᠠᠨ ᠵᠢᠷᠤᠭ 《ᠬᠡᠭᠡᠷᠡ ᠵᠢᠨ ᠳᠠᠶ᠋ᠢᠯᠠᠯᠭᠠ ᠵᠢᠨ ᠵᠢᠷᠤᠭ》ᠲᠤ ᠨᠢᠭᠡ ᠪᠦᠯᠦᠭ ᠢᠵᠠᠭᠤᠷᠲᠠᠳᠤᠨ ᠦᠷᠡ ᠬᠡᠦᠬᠡᠳᠤᠳ ᠮᠤᠨᠳᠠᠭ ᠲᠣᠮᠣ ᠬᠣᠭᠣᠯᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠠᠮᠲᠠᠲᠤ ᠢᠳᠡᠭᠡᠨᠢ ᠥᠷᠥᠵᠦ ᠳᠦᠭᠦᠷᠭᠡᠭᠡᠳ ᠨᠠᠢ᠌ᠷᠯᠠᠨ ᠴᠡᠩᠭᠡᠵᠦ ᠪᠠᠢ᠌ᠭᠠ ᠪᠠᠢ᠌ᠳᠠᠯᠢ ᠲᠦᠷᠰᠦᠯᠡᠨ ᠵᠢᠷᠤᠭᠰᠠᠨ ᠪᠠᠢ᠌ᠳᠠᠭ᠂ ᠡᠨᠡ ᠵᠢᠷᠤᠭᠢ ᠨᠠᠷᠢᠨ ᠠᠵᠢᠭᠯᠠᠪᠠᠯ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠪᠬᠠ ᠪᠠ ᠬᠠᠯᠪᠠᠭᠠ ᠵᠢ ᠴᠥᠮ ᠬᠥᠨᠳᠡᠯᠡᠨ ᠵᠶ᠋ᠠᠷ ᠲᠠᠯᠪᠢᠵᠤ ᠪᠠᠢ᠌ᠨᠠ᠃ ᠡᠭᠦᠨᠲᠠᠢ ᠠᠳᠠᠯᠢᠬᠠᠨ ᠪᠠᠢ᠌ᠳᠠᠯ ᠳ᠋ᠦᠨᠬᠤᠸᠠᠩᠤᠨ ᠮᠣᠤ ᠭᠣᠤ ᠠᠭᠤᠶᠳᠠᠬᠢ 《ᠳᠠᠶ᠋ᠢᠯᠠᠯᠭᠠ ᠵᠢᠨ ᠵᠢᠷᠤᠭ》ᠲᠤ ᠪᠠᠰᠠ ᠢᠯᠡᠷᠡᠵᠦ ᠪᠤᠢ᠂ ᠡᠨᠡ ᠵᠢᠷᠤᠭᠲᠤ ᠬᠣᠶᠠᠷ ᠬᠣᠣᠰ ᠡᠷᠡᠭᠲᠡᠶ ᠡᠮᠡᠭᠲᠡᠶ ᠮᠤᠬᠤᠯᠠᠭᠲᠤ ᠬᠣᠭᠣᠯᠠᠨᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠰᠡᠷᠭᠦᠯᠡᠨ ᠰᠠᠭᠤᠵᠤ᠂ ᠰᠢᠷᠡᠭᠡᠨ ᠳᠡᠭᠡᠷᠡᠨᠢ ᠰᠠᠪᠬᠠ ᠵᠢ ᠬᠥᠨᠳᠡᠯᠡᠨ ᠲᠠᠯᠪᠢᠭᠰᠠᠨ ᠪᠠᠢ᠌ᠳᠠᠭ᠂ ᠡᠭᠦᠨᠠᠴᠠ ᠦᠵᠡᠬᠦᠳᠤ ᠲᠤᠬᠠᠶ ᠵᠢᠨ ᠦᠶᠡᠳᠤ ᠳᠡᠯᠭᠡᠷᠡᠵᠦ ᠪᠠᠶ᠋ᠢᠭᠰᠠᠨ ᠬᠡᠪ ᠵᠠᠩᠰᠢᠯᠨᠢ ᠡᠢ᠌ᠮᠦ ᠯᠠ ᠪᠠᠢ᠌ᠭᠰᠠᠨ ᠪᠠᠢ᠌ᠬᠠ᠃
ᠶᠠᠭᠤᠨᠤ ᠤᠴᠢᠷᠠᠴᠠ ᠰᠠᠪᠬᠠ ᠵᠢ ᠬᠥᠨᠳᠡᠯᠡᠨ ᠲᠠᠯᠪᠢᠳᠠᠭ ᠪᠠᠢ᠌ᠭᠰᠠᠨᠤ ᠵᠤᠷᠢᠯᠭᠠᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠣᠯᠪᠠᠴᠤ ᠣᠳᠣ ᠠᠶᠠᠭ᠋ᠠᠨ ᠳᠡᠭᠡᠷᠡ ᠰᠠᠪᠬᠠ ᠵᠢ ᠬᠥᠨᠳᠡᠯᠡᠨ ᠵᠶ᠋ᠠᠷ ᠲᠠᠯᠪᠢᠵᠤ ᠪᠤᠯᠳᠠᠭ ᠦᠭᠡᠢᠨᠢ ᠬᠠᠷᠢᠨ ᠲᠣᠳᠣᠷᠬᠠᠢ ᠤᠴᠢᠷ ᠶᠤᠮ᠃ ᠯᠢ ᠱᠠᠩ ᠶᠢᠨᠤ 《ᠢ ᠱᠠᠨᠤ ᠲᠤᠭᠤᠷᠪᠢᠯ》ᠳᠤ ᠬᠡᠳᠦᠨ ᠵᠦᠢ᠍ᠯᠤᠨ 《ᠮᠠᠭᠤ ᠠᠪᠠᠷᠢ》 ᠵᠢ ᠶᠠᠷᠢᠵᠠᠢ᠂ ᠵᠢᠱ᠌ᠢᠶᠡᠯᠡᠪᠡᠯ ᠵᠣᠴᠢᠨ ᠪᠠᠢ᠌ᠵᠤ ᠪᠠᠢ᠌ᠭ᠋ᠠᠳ ᠪᠤᠰᠤᠳᠲᠠᠢ ᠬᠡᠷᠡᠯᠳᠦᠬᠦ᠂ ᠭᠡᠷᠤᠨ ᠡᠵᠡᠨᠤ ᠤᠴᠢᠷᠢ ᠳᠤᠷᠠᠪᠠᠷ ᠵᠶ᠋ᠠᠨ ᠶᠠᠷᠢᠵᠤ ᠲᠠᠷᠬᠠᠭ᠋ᠠᠬᠤ᠂ ᠬᠠᠳᠠᠮ ᠡᠬᠡᠲᠠᠢᠪᠠᠨ ᠱᠠᠯᠢᠭ ᠱᠣᠭ ᠶᠠᠷᠢᠬᠤ᠂ ᠵᠣᠴᠢᠨ ᠪᠠᠢ᠌ᠭ᠋ᠠᠳ ᠰᠢᠷᠡᠭᠡ ᠡᠷᠭᠢᠭᠦᠯᠬᠦ᠂ ᠠᠮᠠᠨᠳᠤ ᠣᠷᠣᠭᠰᠠᠨ ᠵᠢᠭ᠋ᠠᠰᠤᠨ ᠮᠢᠬᠠ ᠵᠢ ᠪᠥᠭᠡᠯᠵᠢᠨ ᠭᠠᠷᠭ᠋ᠠᠵᠤ ᠫᠢᠯᠠᠨ ᠳᠡᠭᠡᠷᠡ ᠲᠠᠯᠪᠢᠬᠤ ᠵᠡᠷᠭᠡ ᠪᠣᠯᠤᠨᠠ᠂ ᠡᠭᠦᠨᠤ ᠳᠣᠲᠣᠷᠠᠬᠢ ᠪᠠᠰᠠ ᠨᠢᠭᠡ ᠮᠠᠭᠤᠬᠠᠢ ᠳᠠᠳᠬᠠᠯ ᠭᠡᠪᠡᠯ ᠳᠠᠷᠤᠢ ᠰᠠᠪᠬᠠᠪᠠᠨ ᠠᠶᠠᠭ᠋ᠠᠨ ᠳᠡᠭᠡᠷᠡ ᠬᠥᠨᠳᠡᠯᠡᠨ ᠵᠶ᠋ᠠᠷ ᠲᠠᠯᠪᠢᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠂ ᠮᠡᠳᠡᠭᠡᠵᠢ᠂ ᠠᠶᠠᠭ᠋ᠠᠨ ᠳᠡᠭᠡᠷᠡ ᠰᠠᠪᠬᠠᠪᠠᠨ ᠬᠥᠨᠳᠡᠯᠡᠨ ᠵᠶ᠋ᠠᠷ ᠲᠠᠯᠪᠢᠬᠤᠨᠢ ᠳᠡᠭᠡᠷᠡᠬᠢ ᠮᠠᠭᠤ ᠳᠠᠳᠬᠠᠯᠲᠠᠢ ᠠᠳᠠᠯᠢᠪᠠᠷ ᠬᠥᠮᠦᠨᠤ ᠡᠭᠳᠡᠭᠦᠦ ᠵᠢ ᠬᠦᠷᠭᠡᠳᠡᠭ ᠪᠠᠢ᠌ᠨᠠ᠃
ᠦᠨᠡᠨᠳᠤᠪᠠᠨ ᠬᠠᠨ ᠤᠯᠤᠰ ᠪᠤᠶᠤ ᠰᠦᠩ ᠤᠯᠤᠰᠤᠨ ᠦᠶᠡᠠᠴᠠ᠂ ᠶᠡᠷᠦᠠᠴᠠ ᠰᠠᠪᠬᠠ ᠵᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠭᠤᠯᠳᠤᠪᠠᠷ ᠲᠠᠯᠪᠢᠳᠠᠭ ᠪᠠᠢ᠌ᠭᠰᠠᠨ ᠪᠠᠢ᠌ᠵᠠᠢ᠃ ᠲᠠᠩ ᠤᠯᠤᠰᠤᠨ ᠦᠵᠡᠭᠳᠡᠯ ᠪᠣᠯ ᠵᠥᠪᠬᠡᠨ ᠵᠢᠱ᠌ᠢᠶᠡᠨᠠᠴᠠ ᠭᠠᠳᠠᠨᠠᠬᠢ ᠣᠨᠴᠠᠭ᠋ᠠᠢ ᠦᠵᠡᠭᠳᠡᠯ ᠲᠡᠳᠦᠢ ᠶᠤᠮ᠃ ᠪᠢᠳᠠ ᠲᠠᠩ ᠤᠯᠤᠰᠠᠴᠠ ᠬᠣᠢ᠌ᠰᠢ ᠰᠠᠪᠬᠠ ᠵᠢᠨ ᠲᠠᠯᠪᠢᠬᠤ ᠴᠢᠭᠯᠡᠯᠢ ᠥᠭᠡᠷᠡᠲᠡᠭᠦᠯᠦᠭᠰᠡᠨ ᠪᠠᠢ᠌ᠬᠤᠳᠤ᠂ ᠶᠠᠫᠣᠨᠳᠤ ᠬᠠᠷᠢᠨ ᠬᠤᠪᠢᠷᠠᠭᠤᠯᠤᠭᠰᠠᠨ ᠦᠭᠡᠢ᠂ ᠥᠨᠥᠳᠦᠷ ᠪᠣᠯᠲᠠᠯᠠ ᠲᠡᠨᠳᠡ ᠮᠥᠨ ᠯᠠ ᠲᠠᠩ ᠤᠯᠤᠰᠤᠨ ᠦᠶᠡ ᠵᠢᠨ ᠬᠣᠭᠣᠯᠠ ᠢᠳᠡᠬᠦ ᠬᠡᠪ ᠰᠤᠷᠲᠠᠯ ᠬᠠᠷᠠᠭᠳᠠᠵᠤ ᠪᠠᠢ᠌ᠭᠰᠠᠭ᠋ᠠᠷ᠃
AWoman using chopsticks, Kuniyoshi Utagawa （1797 — 1861）᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ Wikipedia）
ᠤᠯᠤᠰ ᠲᠥᠷᠥ ᠪᠤᠯᠤᠨ ᠨᠡᠭᠦᠳᠡᠯ ᠠᠷᠠᠳᠤᠨ ᠨᠥᠯᠥᠭᠡ ᠵᠢ ᠭᠠᠷᠭ᠋ᠠᠪᠠᠯ᠂ ᠰᠠᠪᠬᠠ ᠬᠡᠷᠡᠭᠯᠡᠬᠦ ᠵᠠᠩᠰᠢᠯᠨᠢ ᠭᠣᠣᠯᠳᠠᠭᠤ ᠰᠣᠶᠣᠯᠤᠨ ᠪᠠᠬᠠᠷᠬᠠᠯᠠᠴᠠ ᠢᠷᠡᠯᠲᠡᠲᠠᠢ ᠶᠤᠮ ᠰᠢᠭ᠋ ᠪᠠᠶ᠋ᠢᠳᠠᠭ᠃ ᠳᠤᠮᠳᠠᠳᠤ ᠵᠢᠨ ᠰᠣᠶᠣᠯᠨᠢ ᠨᠢᠭᠡ ᠵᠦᠢ᠍ᠯᠤᠨ ᠨᠡᠩ ᠡᠷᠬᠢᠮᠰᠦᠭ 《ᠪᠣᠯᠪᠠᠰᠤᠨ》 ᠪᠣᠯᠣᠭᠰᠠᠨᠤ ᠬᠤᠪᠢᠪᠠᠷ ᠬᠦᠮᠦᠰᠲᠤ ᠪᠠᠬᠠᠷᠬᠠᠭᠳᠠᠭᠰᠠᠨᠠᠴᠠ᠂ ᠠᠶᠠᠨᠳᠠᠭ᠋ᠠᠨ ᠨᠢᠭᠡ ᠵᠦᠢ᠍ᠯᠤᠨ ᠰᠣᠶᠣᠯᠤᠨ ᠤᠷᠤᠰᠬᠠᠯᠢ ᠪᠤᠢ ᠪᠣᠯᠭ᠋ᠠᠵᠠᠢ᠃ ᠰᠦᠩ ᠤᠯᠤᠰ ᠪᠠᠶ᠋ᠢᠭᠤᠯᠤᠭᠳᠠᠭᠰᠠᠨᠤ ᠳᠠᠷᠠᠭᠠ᠂ ᠡᠳᠡᠭᠡᠷ ᠳᠠᠳᠬᠠᠯᠤᠨ ᠵᠡᠭᠦᠨ ᠡᠮᠦᠨᠡᠰᠢᠯᠡᠬᠦ ᠦᠵᠡᠭᠳᠡᠯ ᠠᠭ᠋ᠠᠵᠢᠮ ᠵᠶ᠋ᠠᠷ ᠪᠠᠭᠤᠷᠠᠵᠠᠢ᠂ ᠭᠡᠳᠡᠷᠭᠦᠪᠠᠨ ᠯᠢᠶᠤᠤ ᠵᠢᠨ ᠵᠢᠴᠢ ᠵᠦᠷᠴᠢᠨᠤ ᠤᠮᠠᠷᠠᠲᠤ ᠣᠷᠣᠨᠳᠠᠬᠢ ᠨᠣᠶᠠᠷᠬᠠᠯᠨᠢ ᠠᠭ᠋ᠠᠵᠢᠮ ᠵᠶ᠋ᠠᠷ ᠵᠦᠩᠶᠤᠸᠠᠨ ᠣᠷᠣᠨᠤ ᠰᠣᠶᠣᠯᠲᠠᠢ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠠᠭᠤᠰᠤᠯᠴᠠᠬᠤ ᠵᠢ ᠳᠠᠭ᠋ᠠᠯᠳᠤᠵᠤ᠂ ᠬᠣᠭᠣᠯᠠ ᠵᠢ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠪᠠᠵᠠᠵᠤ ᠢᠳᠡᠳᠡᠭ ᠪᠠᠶ᠋ᠢᠭᠰᠠᠨ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨ ᠴᠦ᠍ ᠢᠳᠡᠭ ᠢᠳᠡᠭ ᠵᠶ᠋ᠠᠷ ᠰᠠᠪᠬᠠ ᠬᠡᠷᠡᠭᠯᠡᠵᠦ ᠡᠬᠢᠯᠡᠵᠡᠢ᠃
ᠶᠤᠸᠠᠨ ᠤᠯᠤᠰᠠᠴᠠ ᠬᠣᠶ᠋ᠢᠰᠢ᠂ ᠮᠣᠩᠭᠣᠯᠴᠤᠳ ᠴᠤ᠌ ᠠᠭ᠋ᠠᠵᠢᠮ ᠵᠶ᠋ᠠᠷ ᠰᠠᠪᠬᠠ ᠬᠡᠷᠡᠭᠯᠡᠬᠦ ᠳᠠᠳᠬᠠᠯᠲᠠᠢ ᠪᠣᠯᠵᠤ᠂ ᠰᠠᠪᠬᠠᠨᠢ ᠬᠣᠭᠣᠯᠠ ᠢᠳᠡᠬᠦ ᠭᠣᠣᠯ ᠪᠠᠭ᠋ᠠᠵᠢ ᠪᠣᠯᠵᠤ᠂ ᠬᠠᠯᠪᠠᠭᠠᠨᠢ ᠬᠠᠷᠢᠨ ᠲᠤᠰᠬᠠᠢ ᠱᠥᠯᠥ ᠤᠳᠬᠤᠬᠤᠳᠤ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠭ᠋ᠠᠵᠢ ᠪᠣᠯᠤᠭᠰᠠᠨ ᠠᠵᠢ᠃ 《ᠶᠤᠸᠠᠨ ᠤᠯᠤᠰᠤᠨ ᠰᠤᠳᠤᠷ · ᠳᠠᠬᠢᠯᠭᠠ》ᠳᠠᠬᠢ ᠣᠷᠳᠣᠨᠤ ᠰᠣᠶᠣᠯᠤᠨ ᠲᠤᠬᠠᠶ ᠲᠡᠮᠳᠡᠭᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠬᠠᠭ᠋ᠠᠨᠤ ᠭᠡᠷ ᠪᠦᠯᠢ ᠵᠢᠨᠬᠢᠨ ᠳᠠᠬᠢᠯᠭᠠ ᠬᠢᠬᠦᠳᠤᠪᠠᠨ ᠰᠠᠪᠬᠠ ᠬᠡᠷᠡᠭᠯᠡᠬᠦᠨᠢ ᠰᠠᠬᠢᠭᠤᠯᠰᠤᠨ ᠵᠶ᠋ᠠᠨ ᠬᠦᠨᠳᠦᠳᠬᠡᠵᠦ ᠪᠠᠢ᠌ᠭᠠ ᠰᠡᠳᠬᠢᠯᠭᠡᠪᠠᠨ ᠢᠯᠡᠳᠬᠡᠳᠡᠭ ᠭᠡᠵᠡᠢ᠃ ᠰᠠᠪᠬᠠ ᠬᠡᠳᠦᠶ᠋ᠢᠪᠡᠷ ᠵᠡᠭᠦᠨ ᠡᠮᠦᠨᠡᠰᠢ ᠳᠡᠯᠭᠡᠷᠡᠬᠦᠳᠤᠪᠠᠨ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠪᠠᠵᠠᠵᠤ ᠬᠣᠭᠣᠯᠠᠯᠠᠳᠠᠭ ᠳᠠᠳᠬᠠᠯᠢ ᠦᠳᠲᠦᠷ ᠲᠦᠷᠭᠡᠨ ᠤᠷᠤᠯᠠᠭᠰᠠᠨ ᠪᠣᠯᠪᠠᠴᠤ ᠬᠠᠷᠢᠨ ᠪᠠᠷᠠᠭᠤᠨ ᠬᠣᠶ᠋ᠢᠰᠢ ᠬᠥᠭᠵᠢᠬᠦᠳᠤᠪᠠᠨ ᠬᠠᠷᠰᠢ ᠰᠠᠭ᠋ᠠᠳᠲᠤ ᠤᠴᠠᠷᠠᠵᠠᠢ᠂ ᠤᠴᠢᠷᠨᠢ ᠲᠤᠬᠠᠶ ᠵᠢᠨ ᠭᠠᠵᠠᠷᠤᠨ ᠬᠥᠮᠦᠰ ᠬᠠᠬᠢᠷ ᠬᠦᠢ᠍ᠲᠡᠨ ᠭᠠᠵᠠᠷ ᠠᠮᠢᠳᠤᠷᠠᠵᠤ᠂ ᠶᠡᠬᠡ ᠬᠡᠮᠵᠢᠶᠡᠨᠤ ᠮᠢᠬᠠ ᠢᠳᠡᠬᠦ ᠬᠡᠷᠡᠭᠴᠡᠭᠡᠲᠠᠢ ᠪᠠᠢ᠌ᠳᠠᠭ᠂ ᠲᠡᠳᠡᠨ ᠬᠡᠳᠦᠢ᠌ᠪᠡᠷ ᠰᠠᠪᠬᠠ ᠵᠢ ᠬᠡᠷᠡᠭᠯᠡᠳᠡᠭ ᠪᠣᠯᠣᠭᠰᠠᠨ ᠪᠣᠯᠪᠠᠴᠤ ᠮᠢᠬᠠ ᠣᠭᠲᠣᠯᠵᠤ ᠢᠳᠡᠬᠦᠳᠤᠪᠠᠨ ᠭᠠᠷᠲᠤ ᠢᠯᠡᠭᠦᠦ ᠠᠶᠠᠲᠠᠶ ᠪᠠᠢ᠌ᠳᠠᠭ ᠬᠢᠲᠤᠭᠠ ᠰᠡᠷᠡᠭᠡᠪᠠᠨ ᠶᠡᠷᠦᠠᠴᠠ ᠬᠠᠶᠠᠵᠤ ᠤᠷᠬᠢᠭᠰᠠᠨ ᠥᠬᠡᠶ ᠶᠤᠮ᠃
ᠰᠠᠪᠬᠠ ᠧᠦ᠋ᠷᠣᠫᠠᠳᠤ ᠬᠦᠷᠦᠭᠰᠡᠨ ᠴᠠᠭᠨᠢ ᠪᠤᠰᠤᠳ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠵᠢᠨ ᠤᠯᠤᠰᠤᠳᠠᠴᠠ ᠤᠷᠤᠢ ᠰᠢᠭ᠋ ᠶᠤᠮ᠂ ᠪᠠᠷᠤᠭ 17 ᠳ᠋ᠤᠭ᠋ᠠᠷ ᠵᠠᠭᠤᠨᠤ ᠦᠶᠡ᠂ ᠮᠢᠩ ᠤᠯᠤᠰᠤᠨ ᠰᠡᠭᠦᠯᠴᠢ ᠴᠢᠩ ᠤᠯᠤᠰᠤᠨ ᠡᠬᠢᠨᠤ ᠦᠶᠡ ᠵᠢᠨ ᠤᠴᠢᠷ ᠶᠤᠮ᠃᠃ ᠡᠭᠦᠨᠠᠴᠠ ᠡᠮᠦᠨᠡᠬᠢ ᠡᠷᠲᠡᠨᠤ ᠦᠶᠡ ᠵᠢᠨ ᠧᠦ᠋ᠷᠣᠫᠠ ᠵᠢᠨ ᠬᠥᠮᠦᠰ ᠬᠣᠭᠣᠯᠠ ᠵᠢ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠪᠠᠵᠠᠵᠤ ᠢᠳᠡᠳᠡᠭ ᠪᠠᠶ᠋ᠢᠵᠠᠶ᠂ ᠵᠥᠪᠬᠡᠨ ᠤᠳᠬᠠ ᠤᠷᠠᠯᠢᠭᠤᠨ ᠰᠡᠷᠭᠦᠨ ᠮᠠᠨᠳᠤᠯᠲᠠ （14 -16 ᠳ᠋ᠤᠭ᠋ᠠᠷ ᠵᠠᠭᠤᠨ） ᠵᠢᠨ ᠦᠶᠡᠠᠴᠠ ᠰᠡᠭᠦᠯᠡᠷ ᠨᠡᠶ᠋ᠢᠳᠡᠮᠳᠤᠪᠠᠨ ᠬᠢᠲᠤᠭᠠ ᠰᠡᠷᠡᠭᠡᠪᠠᠷ ᠬᠣᠭᠣᠯᠠ ᠢᠳᠡᠬᠦ ᠪᠠᠭ᠋ᠠᠵᠢ ᠪᠣᠯᠭ᠋ᠠᠵᠠᠢ᠃ ᠳᠤᠮᠳᠠᠳᠤᠴᠤᠳᠤᠨ ᠰᠠᠪᠬᠠᠪᠠᠷ ᠬᠣᠭᠣᠯᠠ ᠢᠳᠡᠳᠡᠭ ᠰᠣᠶᠣᠯᠢ ᠨᠡᠯᠢᠶᠡᠳ ᠡᠷᠲᠡ ᠡᠸᠦ᠋ᠷᠦᠫᠡᠳᠤ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠧᠦ᠋ᠷᠣᠫᠠ ᠬᠥᠮᠦᠨ ᠪᠣᠯ ᠮᠢᠩ ᠤᠯᠤᠰᠤᠨ ᠸᠠᠨ ᠯᠢ ᠵᠢᠨ ᠠᠷᠪᠠᠳᠤᠭ᠋ᠠᠷ ᠣᠨ （1582 ᠣᠨ）ᠳᠤ ᠳᠤᠮᠳᠠᠳᠤ ᠤᠯᠤᠰᠲᠤ ᠢᠷᠡᠭᠰᠡᠨ ᠢᠲ᠋ᠠᠯᠢ ᠬᠥᠮᠦᠨ ᠯᠢ ᠮᠠ ᠳ᠋ᠧᠦ （Mathew Ricci᠂ 1552 - 1610） ᠪᠣᠯᠤᠨᠠ᠃ ᠲᠡᠭᠦᠨᠤ ᠢᠲ᠋ᠠᠯᠢ ᠬᠡᠯᠡᠪᠠᠷ ᠪᠢᠴᠢᠭᠰᠡᠨ 《ᠳᠤᠮᠳᠠᠳᠤ ᠤᠯᠤᠰᠤᠨ ᠰᠤᠯᠠ ᠲᠡᠮᠳᠡᠭᠯᠡᠯ》 （Icommentarjdella Cina᠂ 1580 — 1610᠂ ᠲᠡᠭᠦᠨᠤ ᠯᠠᠲ᠋ᠢᠨ ᠬᠡᠯᠡᠨᠤ ᠳᠡᠪᠲᠡᠷᠨᠢ 1615 ᠣᠨᠳᠤ ᠭᠧᠷᠮᠠᠨᠤ ᠠᠦ᠋ᠭᠰᠪᠦ᠋ᠷᠡᠭᠲᠤ ᠠᠩᠬᠠ ᠤᠳᠠᠭᠠ ᠬᠡᠪᠯᠡᠭᠳᠡᠪᠡ） ᠭᠡᠰᠡᠨ ᠳᠤᠷᠠᠰᠤᠮᠵᠢᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨᠤ ᠳᠠᠶ᠋ᠢᠯᠠᠯᠭᠠ ᠵᠢᠨ ᠲᠤᠬᠠᠶ᠄ 《ᠲᠡᠳᠡ ᠶᠠᠭᠤᠮᠠ ᠢᠳᠡᠬᠦᠳᠤᠪᠠᠨ ᠬᠢᠲᠤᠭᠠ ᠰᠡᠷᠡᠭᠡ ᠪᠤᠶᠤ ᠬᠠᠯᠪᠠᠭᠠ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠬᠠᠷᠢᠨ ᠪᠠᠷᠤᠭ ᠨᠢᠭᠡ ᠠᠯᠠᠭᠠ ᠬᠠᠭ᠋ᠠᠰ ᠬᠢᠷᠢ ᠤᠷᠲᠤ ᠮᠠᠰᠢ ᠭᠢᠯᠦᠭᠡᠷ ᠰᠠᠪᠬᠠᠪᠠᠷ ᠶᠠᠮᠠᠷ ᠴᠤ᠌ ᠲᠦᠷᠦᠯᠤᠨ ᠢᠳᠡᠭᠡᠨᠢ ᠲᠤᠩ ᠠᠮᠠᠷᠬᠠᠨ ᠵᠶ᠋ᠠᠷ ᠠᠮᠠᠨᠳᠤᠪᠠᠨ ᠬᠢᠵᠦ ᠤᠷᠤᠭᠤᠯᠳᠠᠭ᠂ ᠬᠠᠷᠢᠨ ᠭᠠᠷ ᠵᠶ᠋ᠡᠷ ᠵᠶ᠋ᠡᠨ ᠪᠠᠵᠠᠬᠤ ᠵᠢ ᠳᠦᠰᠢᠭᠯᠡᠳᠡᠭ ᠦᠭᠡᠢ》 ᠭᠡᠵᠦ ᠪᠢᠴᠢᠵᠡᠶ᠃ ᠵᠠᠯᠭ᠋ᠠᠭ᠋ᠠᠳ ᠪᠠᠰᠠ᠄ 《ᠰᠠᠪᠬᠠ ᠵᠢ ᠬᠠᠷᠠ ᠽᠠᠨᠳᠠᠨ ᠪᠤᠶᠤ ᠵᠠᠭ᠋ᠠᠨᠤ ᠰᠣᠶᠣᠭᠠ ᠡᠰᠡᠪᠡᠯ ᠪᠤᠰᠤᠳ ᠪᠥᠬᠡᠯᠢᠭ ᠮᠠᠲ᠋ᠧᠷᠢᠶᠠᠯ ᠵᠶ᠋ᠠᠷ ᠬᠢᠵᠦ᠂ ᠠᠮᠠᠷᠬᠠᠨ ᠭ᠋ᠬᠢᠷᠲᠦᠬᠦ ᠦᠭᠡᠶ᠂ ᠢᠳᠡᠭᠡᠨᠲᠠᠢ ᠣᠢ᠌ᠷᠠᠲᠤᠯᠴᠠᠬᠤ ᠦᠵᠦᠭᠦᠷᠤᠨ ᠬᠡᠰᠡᠭᠢᠨᠢ ᠶᠡᠷᠦᠳᠤᠪᠠᠨ ᠠᠯᠲᠠ ᠪᠤᠶᠤ ᠮᠥᠩᠭᠦᠪᠠᠷ ᠪᠤᠭᠤᠭᠰᠠᠨ ᠪᠠᠢ᠌ᠳᠠᠭ》 ᠭᠡᠵᠡᠢ᠃ ᠮᠢᠩ ᠤᠯᠤᠰᠤᠨ ᠦᠶᠡᠳᠤ ᠳᠤᠮᠳᠠᠳᠤ ᠤᠯᠤᠰᠲᠤ ᠢᠷᠡᠭᠰᠡᠨ ᠧᠦ᠋ᠷᠣᠫᠠ ᠵᠢᠨ ᠬᠥᠮᠦᠰᠤᠨ ᠣᠯᠠᠩᠬᠢᠨᠢ ᠾᠷᠢᠰᠲ᠋ᠣᠰᠤᠨ ᠱᠠᠰᠢᠨᠤ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠦᠭᠴᠢᠳ ᠪᠠᠶ᠋ᠢᠵᠤ᠂ ᠲᠡᠳᠡ ᠪᠦᠷ ᠰᠠᠪᠬᠠ ᠬᠡᠷᠡᠭᠯᠡᠵᠦ ᠥᠩᠭᠡᠷᠡᠭᠰᠡᠨ ᠲᠡᠦᠬᠡᠲᠠᠢ ᠶᠤᠮ᠂ ᠣᠨᠴᠠ ᠵᠠᠷᠢᠮ ᠨᠢᠭᠡ ᠬᠥᠮᠦᠨᠢ ᠭᠠᠷᠭ᠋ᠠᠪᠠᠯ᠂ ᠲᠡᠳᠡᠨᠤ ᠣᠯᠠᠩᠬᠢᠨᠢ ᠬᠠᠷᠢ ᠭᠠᠵᠠᠷ ᠨᠤᠲᠤᠭᠲᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠠᠢ᠌ᠳᠠᠭ᠂ ᠲᠡᠳᠡᠨ ᠬᠡᠳᠦᠢ᠌ᠪᠡᠷ ᠤᠯᠤᠰ ᠣᠷᠣᠨᠳᠤᠪᠠᠨ ᠪᠤᠴᠠᠵᠤ ᠳᠡᠢ᠌ᠯᠦᠭᠰᠡᠨ ᠦᠭᠡᠶ ᠪᠣᠯᠪᠠᠴᠤ ᠳᠤᠮᠳᠠᠳᠤ ᠤᠯᠤᠰᠲᠤ ᠦᠵᠡᠵᠦ ᠰᠣᠨᠣᠰᠤᠭᠰᠠᠨ ᠵᠶ᠋ᠠᠨ ᠦᠰᠦᠭ ᠪᠢᠴᠢᠭ ᠵᠶ᠋ᠠᠷ ᠲᠡᠮᠲᠡᠭᠯᠡᠵᠦ ᠦᠯᠡᠳᠡᠭᠡᠵᠡᠢ᠃
ᠴᠢᠩ ᠤᠯᠤᠰᠤᠨ ᠦᠶᠡᠳᠤ᠂ ᠳᠤᠮᠳᠠᠳᠤ ᠧᠦ᠋ᠷᠣᠫᠠ ᠵᠢᠨ ᠶᠠᠪᠤᠯᠴᠠᠭᠠ ᠵᠢᠴᠢ ᠬᠥᠮᠦᠰᠤᠨ ᠰᠣᠯᠢᠯᠴᠠᠭᠠᠨᠢ ᠤᠷᠢᠳᠤᠬᠢᠠᠴᠠᠪᠠᠨ ᠨᠡᠩ ᠨᠢᠭᠲᠠ ᠪᠣᠯᠪᠠ᠃ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠦᠭᠴᠢᠳᠠᠴᠠ ᠭᠠᠳᠠᠨᠠ᠂ ᠪᠠᠰᠠ ᠨᠡᠩ ᠣᠯᠠᠨ ᠭᠠᠳᠠᠭ᠋ᠠᠳᠤ ᠬᠠᠷᠢᠯᠴᠠᠭ᠋ᠠᠨᠤ ᠡᠯᠴᠢ᠂ ᠬᠤᠳᠠᠯᠳᠤᠭ᠋ᠠᠴᠢᠨ᠂ ᠵᠢᠭᠤᠯᠴᠢᠭᠴᠢᠳ ᠧᠦ᠋ᠷᠣᠫᠠ ᠲᠢᠪᠠᠴᠠ ᠳᠤᠮᠳᠠᠳᠤ ᠤᠯᠤᠰᠲᠤ ᠢᠷᠡᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨ ᠴᠦ᠍ ᠥᠷᠥᠨᠡᠳᠠᠬᠢᠨᠤ ᠭᠠᠵᠠᠷ ᠣᠷᠣᠨᠨᠤᠭᠤᠳ ᠵᠶ᠋ᠠᠷ ᠣᠴᠢᠬᠤᠳᠤᠪᠠᠨ᠂ ᠰᠠᠪᠬᠠ ᠵᠢᠨ ᠰᠤᠶᠤᠯᠢ ᠥᠷᠥᠨᠡᠳᠠᠬᠢᠨᠳᠤ ᠳᠡᠯᠭᠡᠷᠡᠭᠦᠯᠬᠦᠳᠤ ᠲᠣᠬᠢᠷᠠᠮᠵᠢᠲᠠᠶ ᠨᠥᠬᠥᠴᠡᠯᠢ ᠪᠦᠷᠢᠯᠳᠦᠭᠦᠯᠵᠡᠢ᠃ ᠱᠸᠨ ᠹᠦ᠋ ᠽᠦᠩ ᠪᠣᠯ ᠹᠷᠠᠨᠼᠢ ᠵᠢᠨ ᠸᠠᠩᠤᠨ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠭᠰᠠᠨ ᠠᠩᠬᠠᠳᠠᠭᠴᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨ ᠪᠣᠯᠤᠨᠠ᠂ ᠹᠷᠠᠨᠼᠢ ᠵᠢᠨ ᠸᠠᠩ ᠳᠠᠶ᠋ᠢᠯᠠᠯᠭᠠ ᠳᠡᠭᠡᠷᠡ ᠱᠸᠨ ᠹᠦ᠋ ᠽᠦ᠍ᠩ ᠵᠶ᠋ᠠᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠦᠮᠦᠨᠤ ᠬᠣᠭᠣᠯᠠ ᠢᠳᠡᠬᠦ ᠬᠡᠷᠡᠭᠰᠡᠯᠢ ᠬᠡᠷᠬᠢᠨ ᠬᠡᠷᠡᠭᠯᠡᠵᠦ ᠬᠣᠭᠣᠯᠠ ᠢᠳᠡᠳᠡᠭ ᠲᠤᠬᠠᠶ ᠮᠡᠳᠡᠯᠭᠡ ᠵᠢ ᠵᠢᠭ᠋ᠠᠯᠭ᠋ᠠᠵᠠᠢ᠃ ᠱᠸᠨ ᠹᠦ᠋ ᠽᠦᠩ ᠪᠠᠷᠠᠭᠤᠨ ᠭᠠᠷᠲᠤᠪᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠭ᠋ᠠᠨᠤ ᠰᠣᠶᠣᠭ᠋ᠠᠨᠤ ᠰᠠᠪᠬᠠ ᠵᠢ ᠪᠠᠷᠢᠵᠤ᠂ ᠨᠢᠭᠡ ᠲᠠᠯᠠᠪᠠᠷ ᠶᠠᠷᠢᠵᠤ ᠨᠥᠭᠦᠭᠡ ᠲᠠᠯᠠᠪᠠᠷ ᠰᠠᠪᠬᠠ ᠵᠢ ᠬᠡᠷᠬᠢᠨ ᠬᠡᠷᠡᠭᠯᠡᠬᠦ ᠲᠤᠬᠠᠢ ᠥᠪᠡᠷᠤᠨ ᠪᠡᠶᠡᠪᠠᠷ ᠦᠯᠢᠭᠡᠷ ᠵᠢᠱ᠌ᠢᠶᠡ ᠦᠵᠡᠭᠦᠯᠵᠡᠢ᠃
ᠯᠦᠶᠢᠰ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠳ᠋ ᠪᠠᠷᠠᠭᠠᠳᠤ ᠮᠠᠰᠢ ᠳᠤᠷᠠᠲᠠᠢ ᠪᠠᠢ᠌ᠵᠤ᠂ ᠳᠤᠮᠳᠠᠳᠤ ᠵᠢᠨ ᠲᠣᠷᠭᠠ ᠳᠤᠷᠳᠤᠩᠢ ᠡᠮᠦᠰᠬᠦᠠᠴᠠ ᠭᠠᠳᠠᠨᠠ ᠪᠠᠰᠠ ᠸᠧᠷᠰᠠᠶ ᠣᠷᠳᠣᠨ ᠪᠠ ᠹᠸᠩᠳᠠᠨᠤ ᠪᠸᠷᠦ᠋ ᠣᠷᠳᠣᠨᠳᠤ ᠳᠤᠮᠳᠠᠳᠤ ᠤᠯᠤᠰᠠᠴᠠ ᠤᠷᠤᠭᠤᠯᠤᠭᠰᠠᠨ ᠱᠠᠭ᠋ᠠᠵᠠᠩ ᠰᠠᠪᠠ᠂ ᠰᠢᠷᠳᠡᠮᠡᠯ ᠰᠠᠪᠠ᠂ ᠭᠡᠷᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠪᠠ ᠡᠳᠦᠷ ᠲᠤᠳᠤᠮᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯᠢ ᠮᠠᠰᠢ ᠠᠷᠪᠢᠨ ᠳᠡᠯᠭᠡᠨ ᠲᠠᠯᠪᠢᠵᠤ᠂ ᠳᠠᠶ᠋ᠢᠯᠠᠯᠭᠠ ᠳᠡᠭᠡᠷᠡ ᠪᠠᠰᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠪᠬᠠ ᠵᠢ ᠬᠡᠷᠡᠭᠯᠡᠵᠦ ᠰᠤᠷᠴᠠᠶ᠃ ᠡᠭᠦᠨᠠᠴᠠ ᠬᠣᠶ᠋ᠢᠰᠢ᠂ ᠹᠷᠠᠨᠼᠢ ᠵᠢᠨ ᠬᠠᠭ᠋ᠠᠨᠤ ᠣᠷᠳᠣᠨᠤᠬᠢᠨ ᠪᠠ ᠳᠡᠭᠡᠳᠦ ᠳᠠᠪᠬᠤᠷᠭ᠋ᠠᠲᠠᠨᠤᠬᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠪᠬᠠᠪᠠᠷ ᠬᠣᠭᠣᠯᠠ ᠢᠳᠡᠬᠦ ᠵᠢ ᠨᠢᠭᠡ ᠵᠦᠢ᠍ᠯᠤᠨ ᠴᠠᠭ ᠦᠶᠡ ᠵᠢᠨ ᠤᠷᠤᠰᠬᠠᠯ ᠪᠣᠯᠭ᠋ᠠᠭᠰᠠᠨ ᠪᠠᠢ᠌ᠳᠠᠭ᠃ ᠵᠠᠯᠭ᠋ᠠᠭ᠋ᠠᠳ ᠠᠩᠭ᠍ᠯᠢ᠂ ᠭᠧᠷᠮᠠᠨ᠂ ᠬᠣᠯᠠᠨᠳ᠋ ᠵᠡᠷᠭᠡ ᠤᠯᠤᠰ ᠴᠤ᠌ ᠲᠡᠳᠡᠨᠢ ᠳᠠᠭᠤᠷᠢᠶᠠᠵᠠᠶ᠃
ᠰᠠᠪᠬᠠᠨᠢ ᠪᠠᠰᠠ ᠴᠠᠭ᠋ᠠᠨ ᠬᠠᠭ᠋ᠠᠨᠲᠤ ᠣᠷᠣᠰᠤᠨ ᠡᠯᠴᠢᠨᠤ ᠪᠦᠯᠬᠦᠮᠤᠨ ᠲᠡᠮᠳᠡᠭᠯᠡᠯᠳᠤ ᠢᠯᠡᠷᠡᠭᠰᠡᠨ ᠪᠠᠢ᠌ᠳᠠᠭ᠂ ᠡᠯᠴᠢᠨᠤ ᠪᠦᠯᠬᠦᠮᠢ ᠳᠠᠭ᠋ᠠᠭᠤᠯᠤᠭᠰᠠᠨ ᠢᠲ᠋ᠠᠢ᠌ᠰ ᠲᠡᠮᠳᠡᠭᠯᠡᠯᠳᠤᠪᠠᠨ᠄ 《ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨ ᠰᠢᠷᠡᠭᠡᠨᠤ ᠪᠦᠲᠡᠭᠡᠯᠭᠡ᠂ ᠬᠣᠭᠣᠯᠠᠨᠤ ᠠᠯᠴᠢᠭᠤᠷ᠂ ᠬᠢᠲᠤᠭᠠ ᠰᠡᠷᠡᠭᠡ ᠪᠤᠶᠤ ᠫᠢᠯᠠ ᠵᠢ ᠬᠡᠷᠡᠭᠯᠡᠬᠦ ᠦᠭᠡᠶ᠂ ᠰᠢᠷᠡᠭᠡᠨ ᠳᠡᠭᠡᠷᠡ ᠵᠥᠪᠬᠡᠨ ᠵᠠᠭ᠋ᠠᠨᠤ ᠰᠣᠶᠣᠭᠠ ᠪᠤᠶᠤ ᠬᠠᠷᠠ ᠽᠠᠨᠳᠠᠨ ᠵᠶ᠋ᠠᠷ ᠬᠢᠭᠰᠡᠨ ᠵᠢᠵᠢᠭ ᠰᠠᠪᠬᠠ ᠲᠠᠯᠪᠢᠳᠠᠭ᠂ ᠡᠨᠡᠨᠢ ᠮᠥᠨ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠪᠤᠢ ᠪᠦᠬᠦᠢ ᠲᠠᠪᠢᠯᠭᠠ ᠪᠣᠯᠤᠨᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨ ᠰᠠᠪᠬᠠ ᠭᠡᠳᠡᠭ ᠲᠡᠢ᠌ᠮᠦᠷᠬᠦᠦ ᠶᠠᠭᠤᠮᠠ ᠵᠢ ᠮᠠᠰᠢ ᠴᠢᠳᠠᠮᠠᠭ᠋ᠠᠢ ᠬᠡᠷᠡᠭᠯᠡᠵᠦ ᠴᠢᠳᠠᠳᠠᠭ᠂ ᠢᠯᠠᠩᠭᠤᠶᠠ ᠬᠥᠮᠦᠰᠢ ᠰᠣᠴᠢᠭ᠋ᠠᠮᠠᠷᠨᠢ ᠲᠡᠳᠡ ᠲᠣᠮᠣ ᠵᠡᠭᠦᠦ ᠵᠢᠨ ᠦᠵᠦᠭᠦᠷᠢ ᠰᠠᠪᠬᠠᠪᠠᠷ ᠬᠠᠪᠴᠢᠨ ᠠᠪᠴᠤ ᠴᠢᠳᠠᠳᠠᠭ᠃ ᠲᠡᠳᠡ ᠪᠠᠷᠠᠭᠤᠨ ᠭᠠᠷᠤᠨ ᠡᠷᠡᠬᠡᠶ ᠬᠤᠷᠤᠭᠤ᠂ ᠳᠣᠯᠢᠶᠠᠪᠤᠷ ᠬᠤᠷᠤᠭᠤ ᠵᠢᠴᠢ ᠳᠤᠮᠳᠠ ᠬᠤᠷᠤᠭᠤᠪᠠᠷ ᠰᠠᠪᠬᠠᠪᠠᠨ ᠪᠠᠷᠢᠳᠠᠭ᠃ ᠱᠥᠯᠥ᠂ ᠴᠠᠭ᠋ᠠᠨ ᠪᠤᠳᠠᠭᠠ᠂ ᠬᠠᠯᠠᠭᠤᠨ ᠨᠣᠭᠣᠭᠠ ᠮᠡᠲᠦ ᠵᠢᠨ ᠪᠤᠢ ᠪᠦᠬᠦᠢ ᠬᠣᠭᠣᠯᠠ ᠪᠤᠳᠠᠭᠠ ᠵᠢ ᠴᠥᠮ ᠱᠠᠭ᠋ᠠᠵᠠᠩ ᠠᠶᠠᠭ᠋ᠠᠨᠳᠤ ᠠᠶᠠᠭ᠋ᠠᠯᠠᠵᠤ ᠲᠠᠯᠪᠢᠳᠠᠭ》 ᠭᠡᠵᠦ ᠳᠦᠷᠰᠦᠯᠡᠨ ᠪᠢᠴᠢᠵᠡᠢ᠃ ᠲᠡᠳᠡᠨᠤ ᠡᠯᠴᠢᠨᠤ ᠪᠦᠯᠬᠦᠮᠤᠨᠬᠢᠨ ᠨᠡᠢ᠍ᠢ᠍ᠳᠡ 22 ᠬᠥᠮᠦᠨᠲᠠᠢ᠂ ᠡᠭᠦᠨᠳᠤ ᠡᠯᠴᠢᠨᠨᠢ ᠨᠢᠭᠡ ᠬᠤᠯᠠᠨᠳ᠋ ᠬᠥᠮᠦᠨ ᠪᠣᠯᠬᠤᠠᠴᠠ ᠭᠠᠳᠠᠨᠠ᠂ 12ᠨᠢ ᠭᠧᠷᠮᠠᠨ ᠬᠦᠮᠦᠨ᠂ 9ᠨᠢ ᠣᠷᠣᠰ ᠬᠦᠮᠦᠨ ᠪᠠᠢ᠌ᠵᠠᠢ᠃
ᠨᠢᠦ᠋ ᠶᠣᠷᠺᠤᠨ ᠬᠥᠮᠦᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠣᠭᠣᠯᠠᠨ ᠭᠡᠷᠲᠤ ᠬᠣᠭᠣᠯᠠ ᠢᠳᠡᠵᠦ ᠪᠠᠢ᠌ᠭᠠᠨᠢ᠂ 1910 ᠣᠨᠳᠤ ᠯᠸᠢᠢ᠍ᠰᠯᠢ ᠬᠠᠨᠲ ᠰᠡᠭᠦᠳᠡᠷᠯᠡᠵᠡᠶ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠰᠧᠦ ᠬᠤ᠌ ᠰᠦᠯᠵᠢᠶᠡ）
ᠣᠳᠣᠬᠠᠨᠳᠤ ᠰᠠᠪᠬᠠ ᠨᠢᠭᠡᠨᠲᠡ ᠪᠦᠬᠦ ᠳᠡᠯᠡᠬᠡᠶᠳᠤ ᠬᠡᠷᠡᠭᠯᠡᠭᠳᠡᠭᠰᠡᠨ ᠳᠤᠮᠳᠠᠳᠤ ᠵᠢᠨ ᠰᠣᠶᠣᠯᠤᠨ ᠴᠢᠬᠤᠯᠠ ᠨᠢᠭᠡ ᠰᠢᠨᠵᠢ ᠲᠡᠮᠳᠡᠭ ᠪᠣᠯᠤᠭᠰᠠᠨ ᠪᠠᠢ᠌ᠳᠠᠭ᠃ ᠤᠯᠤᠰᠤᠨ ᠬᠢᠯᠢᠠᠴᠠ ᠭᠠᠷᠤᠭ᠋ᠠᠳ ᠳᠡᠯᠡᠬᠡᠶ ᠵᠢᠨ ᠠᠯᠢ ᠨᠢᠭᠡ ᠥᠨᠴᠥᠭ ᠪᠤᠯᠤᠩᠳᠤ ᠣᠴᠢᠭᠰᠠᠨ ᠴᠤ᠌ ᠠᠽᠢᠶᠠ ᠲᠢᠪᠤᠨ ᠬᠣᠭᠣᠯᠠᠨᠤ ᠭᠠᠵᠠᠷ ᠪᠣᠯᠭ᠋ᠠᠨᠳᠤ ᠴᠥᠮ ᠰᠠᠪᠬᠠ ᠬᠠᠷᠠᠭᠳᠠᠳᠠᠭ ᠪᠥᠭᠡᠳ ᠴᠢᠨᠠᠭᠰᠢᠯᠠᠪᠠᠯ ᠣᠯᠠᠩᠬᠢ ᠳᠤᠮᠳᠠᠳᠤ ᠳᠣᠷᠣᠨᠠᠲᠤ ᠪᠠ ᠧᠦ᠋ᠷᠣᠫᠠ ᠠᠮᠧᠷᠢᠺᠠ ᠵᠢᠨ ᠬᠥᠮᠦᠰ ᠪᠦᠷ ᠰᠠᠪᠬᠠ ᠵᠢ ᠳᠠᠳᠮᠠᠭ᠋ᠠᠢᠪᠠᠷ ᠬᠡᠷᠡᠭᠯᠡᠵᠦ ᠪᠠᠢ᠌ᠨᠠ᠃ ᠲᠡᠳᠡᠨᠤ ᠦᠵᠡᠬᠦᠪᠠᠷ᠂ ᠬᠢᠲᠠᠳ ᠬᠣᠭᠣᠯᠠ ᠢᠳᠡᠪᠡᠯ ᠵᠠᠪᠠᠯ ᠰᠠᠪᠬᠠ ᠬᠡᠷᠡᠭᠯᠡᠨᠡ ᠭᠡᠳᠡᠭ᠂ ᠡᠭᠦᠨᠳᠤ ᠶᠠᠮᠠᠷ ᠨᠢᠭᠡᠨ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯᠢ ᠬᠡᠷᠡᠭᠯᠡᠬᠦᠳᠤᠨᠢ ᠪᠠᠢ᠌ᠬᠤ ᠪᠢᠰᠢ᠂ ᠬᠠᠷᠢᠨ ᠨᠡᠩ ᠴᠢᠬᠤᠯᠠᠨᠢ ᠲᠡᠭᠦᠨᠤ ᠴᠠᠭ᠋ᠠᠨᠠᠬᠢ ᠲᠡᠤᠬᠡ ᠪᠠ ᠰᠣᠶᠣᠯᠢ ᠪᠡᠶᠡᠴᠢᠯᠡᠨ ᠣᠢ᠌ᠯᠠᠭ᠋ᠠᠬᠤ ᠶᠠᠪᠤᠳᠠᠯ ᠪᠣᠯᠬᠤ ᠶᠤᠮ᠃ ᠬᠣᠭᠣᠯᠠᠨᠤ ᠰᠠᠪᠠ ᠬᠡᠷᠡᠭᠰᠡᠯᠢ ᠬᠡᠷᠡᠭᠯᠡᠬᠦ ᠲᠡᠷᠡ ᠬᠦ᠌ ᠭ᠋ᠱ᠌ᠠᠨᠳᠤ᠂ ᠲᠡᠦᠬᠡ ᠪᠣᠯ ᠥᠩᠭᠡᠷᠡᠯᠲᠡ᠂ ᠮᠥᠨ ᠴᠦ᠍ ᠥᠨᠥᠳᠦᠷ᠂ ᠪᠠᠰᠠ ᠴᠤ᠌ ᠢᠷᠡᠭᠡᠳᠦᠢ ᠭᠡᠳᠡᠭᠢ ᠣᠢ᠌ᠯᠠᠭ᠋ᠠᠭᠤᠯᠳᠠᠭ ᠶᠤᠮ᠂ ᠬᠦᠮᠦᠨ ᠨᠢᠭᠡ ᠪᠦᠷᠢ ᠴᠥᠮ ᠲᠡᠦᠬᠡ ᠵᠢᠨ ᠵᠠᠯᠭ᠋ᠠᠮᠵᠢᠯᠠᠭᠴᠢ᠂ ᠮᠥᠨ ᠴᠦ᠍ ᠲᠡᠦᠬᠡ ᠵᠢ ᠪᠦᠲᠦᠭᠡᠭᠴᠢ ᠤᠴᠢᠷᠠᠴᠠ᠂ ᠪᠢᠳᠠ ᠦᠶᠡ ᠵᠢᠨ ᠦᠶᠡᠪᠠᠷ ᠦᠨᠳᠦᠰᠦᠲᠡᠨᠤ ᠰᠣᠶᠣᠯ ᠵᠶ᠋ᠠᠨ ᠵᠠᠯᠭ᠋ᠠᠮᠵᠢᠯᠠᠵᠤ ᠬᠥᠭᠵᠢᠭᠦᠯᠪᠡᠯ ᠲᠠᠭ᠋ᠠᠷᠠᠨᠠ᠃
ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠭᠴᠢ ᠵᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄
ᠵᠠᠩ ᠶᠠᠨ ᠹᠸᠢ᠂ ᠵᠧᠵᠢᠶᠠᠩ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠡᠦᠬᠡ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ 《ᠵᠠᠭᠤᠨ ᠬᠥᠮᠦᠨᠤ ᠲᠥᠯᠥᠪᠯᠡᠭᠡ》 ᠵᠢᠨ ᠰᠤᠳᠤᠯᠤᠭᠴᠢ᠂ ᠬᠠᠩᠵᠧᠦ ᠵᠢᠨ ᠡᠷᠲᠡᠨᠤ ᠨᠡᠶ᠋ᠢᠰᠯᠡᠯᠤᠨ ᠰᠣᠶᠣᠯᠤᠨ ᠰᠤᠳᠤᠯᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭᠤᠨ ᠳᠡᠳ᠋ ᠨᠠᠷᠢᠨ ᠪᠢᠴᠢᠭᠤᠨ ᠳᠠᠷᠤᠭᠠ᠃ ᠮᠦᠨᠢᠺ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠲᠠᠳ ᠰᠤᠳᠤᠯᠤᠯᠤᠨ ᠰᠠᠯᠪᠤᠷᠢ ᠵᠢᠨ ᠭᠦᠨ ᠤᠬᠠᠭ᠋ᠠᠨᠤ ᠳ᠋ᠣᠺᠲ᠋ᠣᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠦᠵᠡᠯ ᠰᠠᠨᠠᠭ᠋ᠠᠨᠤ ᠲᠡᠦᠬᠡ᠂ ᠴᠢᠨ ᠤᠯᠤᠰᠠᠴᠠ ᠡᠮᠦᠨᠡᠬᠢ ᠬᠣᠶᠠᠷ ᠬᠠᠨ ᠤᠯᠤᠰᠤᠨ ᠦ᠋ ᠶᠤᠸᠠᠢ ᠵᠢᠨ ᠣᠷᠣᠨ ᠨᠤᠲᠤᠭᠤᠨ ᠲᠡᠦᠬᠡ ᠵᠢᠨ ᠰᠤᠳᠤᠯᠭ᠋ᠠᠨᠤ ᠠᠵᠢᠯ ᠬᠢᠵᠦ ᠪᠠᠶ᠋ᠢᠭᠰᠠᠨ ᠪᠥᠭᠡᠳ ᠡᠷᠲᠡ ᠦᠶᠡ ᠵᠢᠨ ᠡᠷᠲᠡᠨᠤ ᠰᠤᠲᠤᠷ ᠪᠢᠴᠢᠭᠢ ᠭᠧᠷᠮᠠᠨ ᠬᠡᠯᠡᠪᠠᠷ ᠣᠷᠴᠢᠭᠤᠯᠬᠤᠳᠤ ᠬᠦᠴᠦ ᠲᠠᠯᠪᠢᠵᠤ᠂ ᠭᠧᠷᠮᠠᠨ ᠬᠡᠯᠡᠨᠤ ᠬᠡᠪᠯᠡᠯᠤᠨ 《ᠬᠠᠨ ᠤᠯᠤᠰᠤᠨ ᠪᠢᠴᠢᠭ》ᠢ ᠣᠷᠴᠢᠭᠤᠯᠤᠨ ᠦᠢ᠍ᠯᠡᠳᠬᠦ ᠠᠵᠢᠯᠳᠤ ᠣᠷᠣᠯᠴᠠᠪᠠ᠃ ᠭᠧᠷᠮᠠᠨ ᠬᠡᠯᠡᠨᠤ ᠲᠤᠰᠬᠠᠶ ᠵᠣᠬᠢᠶᠠᠯ 《Das Motiv des Yuejueshu:Analyse des Buches aus geschichtlichem,literarischem und philosophischem Blick》ᠢ ᠬᠡᠪᠯᠡᠭᠦᠯᠵᠦ᠂ ᠬᠢᠲᠠᠳ ᠵᠣᠬᠢᠶᠠᠯ 《ᠡᠷᠲᠡᠨᠤ ᠬᠥᠮᠦᠰᠤᠨ ᠬᠣᠭᠣᠯᠠ ᠢᠳᠡᠬᠦ ᠶᠠᠪᠤᠳᠠᠯᠤᠳ》 ᠭᠡᠬᠦ ᠪᠦᠲᠦᠭᠡᠯᠲᠠᠢ᠃
ᠣᠷᠴᠢᠭᠤᠯᠤᠭᠴᠢ᠄ ᠴᠢ᠊· ᠰᠡᠴᠡᠨ
ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠢᠮᠡᠭ
