ᠣᠶ᠋ᠢᠷᠠᠳᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠶ᠋ᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠦᠷᠢᠶᠡᠯᠡᠩᠠᠴᠠ ᠭᠣᠤᠯᠯᠠᠨ ᠡᠷᠭᠢᠯᠡᠭᠰᠡᠨ 《ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠶ᠋ᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠶᠠᠷᠢᠶᠠᠨᠤ ᠲᠠᠪᠴᠠᠩ · 2022 ᠣᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠢᠨᠡ ᠢᠯᠡᠷᠡᠭᠦᠯᠦᠯᠲᠡ》ᠳᠤ ᠰᠣᠩᠭᠣᠭᠳᠠᠭᠰᠠᠨ ᠬᠡᠭᠡᠷᠡ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠭᠤᠳᠠᠯᠤᠯᠲᠠ 6 ᠲᠥᠷᠥᠯ ᠵᠦᠢ᠍ᠯᠢ ᠨᠡᠶ᠋ᠢᠲᠡᠯᠡᠵᠦ᠂ ᠡᠾᠸᠪᠸᠢ ᠵᠢᠨ ᠱᠠᠩ ᠢ ᠰᠢᠶᠠᠨᠤ ᠰᠸᠲᠠᠢ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠪᠠᠭᠤᠷᠢ ᠡᠭᠦᠨᠳᠤ ᠵᠢᠭᠰᠠᠭ᠋ᠠᠭᠳᠠᠭᠰᠠᠨ ᠪᠠᠢ᠌ᠨᠠ᠃ ᠲᠤᠰ ᠪᠠᠭᠤᠷᠢ ᠵᠢᠨ ᠰᠢᠪᠲᠤᠯᠤᠯᠲᠠ ᠵᠢᠨ ᠴᠢᠨᠠᠷᠲᠠᠶ ᠢᠯᠡᠷᠡᠭᠦᠯᠦᠯᠲᠡᠨᠢ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠮᠤᠭᠤᠨ ᠡᠷᠲᠡᠨᠤ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯ ᠵᠶ᠋ᠠᠷ ᠲᠤᠭᠲᠠᠭ᠋ᠠᠭᠳᠠᠵᠤ᠂ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠭᠤᠴᠢᠨ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠰᠢᠯᠵᠢᠯᠲᠡ ᠵᠢᠨ ᠦᠶᠡ ᠵᠢ ᠵᠠᠶ ᠵᠠᠪᠰᠠᠷ ᠦᠭᠡᠶ ᠬᠡᠯᠬᠢᠨ ᠬᠤᠯᠪᠤᠭ᠋ᠠᠳ᠂ ᠶᠠᠨ ᠯᠢᠶᠣᠤ ᠵᠢᠨ ᠰᠣᠶᠣᠯᠤᠨ ᠲᠣᠭᠣᠷᠢᠭᠤᠨ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠡᠬᠢᠨᠤ ᠦᠶᠡ ᠵᠢᠨ ᠰᠣᠶᠣᠯᠤᠨ ᠬᠣᠭᠣᠰᠣᠨᠢ ᠨᠥᠬᠥᠪᠥᠷᠢᠯᠡᠵᠦ᠂ ᠬᠠᠭᠤᠴᠢᠨ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠰᠢᠯᠵᠢᠯᠲᠡ᠂ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠡᠭᠦᠰᠦᠯ᠂ ᠰᠠᠭᠤᠷᠢᠰᠢᠯ ᠪᠠ ᠠᠵᠤ ᠠᠮᠢᠳᠤᠷᠠᠯᠤᠨ ᠬᠡᠯᠪᠡᠷᠢ ᠵᠢᠨ ᠬᠥᠭᠵᠢᠯᠲᠡ ᠬᠤᠪᠢᠰᠤᠯᠲᠠ ᠵᠡᠷᠭᠡ ᠠᠯᠢ ᠤᠯᠠᠨ ᠰᠤᠳᠤᠯᠭ᠋ᠠᠨᠤ ᠰᠡᠳᠦᠪᠢ ᠰᠤᠳᠤᠯᠬᠤᠳᠤ ᠴᠢᠬᠤᠯᠠ ᠰᠤᠳᠤᠯᠭ᠋ᠠᠨᠤ ᠮᠠᠲ᠋ᠧᠷᠢᠶᠠᠯ ᠬᠠᠩᠭ᠋ᠠᠵᠤ᠂ ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠡᠭᠦᠰᠦᠯᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠬᠦ ᠵᠡᠷᠭᠡ ᠠᠯᠢ ᠤᠯᠠᠨ ᠴᠢᠬᠤᠯᠠ ᠶᠡᠬᠡ ᠰᠡᠳᠦᠪᠢ ᠰᠤᠳᠤᠯᠬᠤᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠪᠤᠯᠤᠭᠰᠠᠨ ᠪᠠᠢ᠌ᠨᠠ᠃
ᠡᠭᠦᠨᠤ ᠲᠤᠯᠠᠳᠠ᠂ 《ᠳᠤᠮᠳᠠᠳᠤ ᠵᠢ ᠦᠭᠦᠯᠡᠬᠦᠢ》 ᠵᠢᠨᠬᠢᠨ ᠡᠾᠸᠪᠸᠢ ᠮᠤᠵᠢ ᠵᠢᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠤᠳᠤᠯᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠵᠠᠩ ᠸᠧᠨ ᠷᠦᠢ ᠬᠦᠷᠢᠶᠡᠯᠡᠩᠤᠨ ᠳᠠᠷᠤᠭᠠ ᠵᠢ ᠤᠷᠢᠵᠤ᠂ ᠪᠢᠳᠡᠨᠳᠤ ᠲᠦᠮᠡᠨ ᠵᠢᠯᠤᠨ ᠡᠮᠦᠨᠡ᠂ ᠣᠳᠣ ᠵᠢᠨ ᠡᠾᠸᠪᠸᠢ ᠮᠤᠵᠢ ᠵᠢᠨ ᠴᠢᠭᠤᠯᠤᠯᠳᠦ ᠬᠠᠭ᠋ᠠᠯᠭᠠ ᠬᠤᠳᠠ ᠵᠢᠨ ᠱᠠᠩ ᠢ ᠰᠢᠶᠠᠨᠤ ᠱ᠌ᠢ ᠵᠢᠩ ᠰᠢᠶᠠᠩᠤᠨ ᠰᠸᠲᠠᠢ ᠮᠣᠩᠭᠣᠯ ᠲᠣᠰᠬᠣᠨᠳᠤ᠂ ᠲᠡᠦᠬᠡᠨ ᠳᠡᠭᠡᠷᠡ ᠮᠣᠩᠭᠣᠯᠤᠨ ᠥᠨᠳᠥᠷᠯᠢᠭᠤᠨ ᠡᠮᠦᠨᠡ ᠵᠠᠬᠠᠳᠠᠬᠢ ᠨᠢᠭᠡ ᠪᠦᠯᠦᠭ ᠡᠷᠲᠡᠨᠤ ᠬᠥᠮᠦᠨ ᠬᠡᠷᠬᠢᠨ ᠭᠠᠵᠠᠷ ᠪᠣᠯᠭ᠋ᠠᠨ ᠵᠶ᠋ᠠᠷ ᠨᠡᠭᠦᠳᠡᠯᠯᠡᠵᠦ ᠪᠠᠶ᠋ᠢᠭᠰᠠᠨᠠᠴᠠᠪᠠᠨ ᠠᠮᠤᠷ ᠲᠠᠢ᠌ᠪᠤᠩ ᠣᠷᠣᠰᠢᠨ ᠰᠠᠭᠤᠷᠢᠰᠢᠭᠰᠠᠨ ᠦᠯᠢᠭᠡᠷᠢ ᠶᠠᠷᠢᠭᠤᠯᠵᠠᠢ᠃
ᠰᠸᠲᠠᠢ ᠪᠠᠭᠤᠷᠢ ᠵᠢ ᠠᠭᠤᠳᠠᠯᠯᠠᠵᠤ ᠪᠠᠢ᠌ᠭᠠ ᠠᠬᠤᠢ ᠲᠠᠯᠠᠪᠠᠢ᠃
ᠨᠡᠭᠦᠳᠡᠯᠠᠴᠠ ᠰᠠᠭᠤᠷᠢᠰᠢᠭᠰᠠᠨ — ᠪᠣᠯᠪᠠᠰᠤᠨ ᠲᠡᠢ᠌ᠰᠢ ᠤᠷᠤᠭᠰᠢᠯᠠᠭᠰᠠᠨ ᠠᠩᠬᠠᠨᠤ ᠠᠯᠬᠤᠮ
ᠲᠠᠨᠢᠨ ᠮᠡᠳᠡᠷᠡᠬᠦᠢ ᠪᠠ ᠮᠡᠷᠭᠡᠵᠢᠯᠤᠨ ᠴᠢᠳᠠᠪᠤᠷᠢ ᠵᠢᠨ ᠬᠢᠵᠠᠭ᠋ᠠᠷᠯᠠᠯᠠᠴᠠ ᠪᠤᠯᠵᠤ᠂ ᠡᠷᠲᠡᠨᠤ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠲᠣᠭᠲᠠᠪᠤᠷᠢᠲᠠᠶ ᠢᠳᠡᠭᠡᠨ ᠤᠮᠳᠠᠭ᠋ᠠᠨ ᠪᠠ ᠠᠮᠤᠷ ᠲᠠᠢ᠌ᠪᠤᠩ ᠣᠷᠣᠨ ᠰᠠᠭᠤᠴᠠ ᠤᠯᠬᠤ ᠵᠢᠨ ᠲᠤᠰᠠᠳᠠ᠂ ᠵᠥᠪᠬᠡᠨ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠢᠷᠡᠯᠲᠠ ᠵᠢᠲᠠᠭᠠᠨ ᠲᠠᠰᠤᠷᠠᠯᠲᠠ ᠦᠭᠡᠶ ᠨᠡᠭᠦᠳᠡᠯᠯᠡᠳᠡᠭ ᠪᠠᠶ᠋ᠢᠵᠠᠶ᠃ ᠭᠠᠭᠴᠠ ᠬᠦ᠌ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠦᠢ᠍ᠯᠡᠳᠪᠦᠷᠢᠯᠡᠯ ᠪᠠ ᠭᠡᠷ ᠪᠠᠶ᠋ᠢᠰᠢᠩ ᠪᠠᠷᠢᠬᠤ ᠴᠢᠳᠠᠪᠤᠷᠢ ᠵᠢ ᠭᠦᠢ᠍ᠴᠡᠳ ᠬᠤᠷᠠᠮᠳᠤᠭᠤᠯᠤᠭᠰᠠᠨᠤ ᠳᠠᠷᠠᠭᠠ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠰᠠᠶᠢ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠨᠢᠭᠡ ᠭᠠᠵᠠᠷᠲᠤ ᠰᠠᠭᠤᠷᠢᠰᠢᠨ ᠠᠮᠢᠳᠤᠷᠠᠬᠤ ᠪᠣᠯᠵᠠᠢ᠃ ᠬᠥᠮᠦᠰ ᠭᠠᠭᠴᠠ ᠬᠦ᠌ ᠰᠠᠭᠤᠷᠢᠰᠢᠪᠠᠯ ᠰᠠᠶᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠤᠯᠲᠠᠲᠠᠢ ᠲᠣᠭᠲᠠᠭᠤᠨ ᠨᠡᠶ᠋ᠢᠭᠡᠮᠢ ᠪᠦᠷᠢᠯᠳᠦᠭᠦᠯᠵᠦ᠂ ᠬᠥᠮᠦᠨ ᠠᠮᠠ ᠵᠢᠨ ᠲᠤᠭᠠ ᠰᠠᠶᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠨᠡᠮᠡᠭᠳᠡᠵᠦ᠂ ᠡᠭᠦᠨᠤ ᠳᠠᠭ᠋ᠠᠤᠪᠠᠷ ᠰᠠᠶᠢ ᠡᠯᠡ ᠲᠠᠯᠠ ᠵᠢᠨ ᠬᠠᠷᠢᠴᠠᠭᠠ ᠵᠢ ᠵᠣᠬᠢᠴᠠᠭᠤᠯᠬᠤ ᠰᠤᠶᠤᠯᠤᠨ ᠰᠢᠰᠲ᠋ᠧᠮ ᠪᠠ ᠨᠡᠩ ᠪᠤᠳᠤᠯᠢᠶᠠᠨᠲᠠᠢ ᠨᠡᠢ᠌ᠭᠡᠮᠤᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠪᠦᠲᠦᠴᠡ ᠵᠢ ᠬᠥᠭᠵᠢᠭᠦᠯᠬᠦ ᠵᠠᠪᠰᠢᠶᠠᠨᠲᠠᠢ ᠪᠤᠯᠵᠤ ᠴᠢᠳᠠᠨᠠ᠃ ᠡᠶ᠋ᠢᠮᠦᠠᠴᠠ ᠣᠷᠣᠰᠢᠨ ᠰᠠᠭᠤᠷᠢᠰᠢᠬᠤ ᠪᠣᠯ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠤ ᠪᠣᠯᠪᠠᠰᠤᠨ ᠲᠡᠶ᠋ᠢᠰᠢ ᠰᠢᠯᠵᠢᠬᠦ ᠴᠢᠬᠤᠯᠠ ᠨᠥᠬᠥᠴᠡᠯ ᠪᠠ ᠰᠠᠭᠤᠷᠢ ᠪᠤᠯᠤᠨᠠ᠃
ᠱᠠᠩ ᠢ ᠵᠢᠨ ᠰᠸᠲᠠᠢ ᠪᠠᠭᠤᠷᠢ ᠵᠢᠨ ᠨᠢᠭᠡᠳᠦᠭᠡᠷ ᠬᠣᠶᠠᠳᠤᠭ᠋ᠠᠷ ᠪᠦᠯᠦᠭ （ᠣᠳᠣᠠᠴᠠ 10400 — 9000 ᠵᠢᠯᠤᠨ ᠡᠮᠦᠨᠡ）ᠠᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠪᠦᠯᠦᠭᠯᠡᠯᠤᠨ ᠬᠡᠯᠪᠡᠷᠢᠲᠠᠢ ᠬᠠᠭ᠋ᠠᠰ ᠨᠦᠬᠡᠨ ᠭᠡᠷ ᠪᠣᠯ᠂ ᠣᠳᠣᠬᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠮᠤᠭᠤᠨ ᠡᠷᠲᠡᠨᠤ ᠰᠠᠭᠤᠷᠢᠰᠢᠭᠰᠠᠨ ᠠᠶ᠋ᠢᠯ ᠲᠣᠰᠬᠣᠨᠤ ᠣᠷᠣᠮ ᠪᠣᠯᠤᠨᠠ᠂ ᠡᠨᠡᠨᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠠᠩ ᠠᠩᠨᠠᠵᠤ ᠬᠡᠭᠡᠷᠡ ᠵᠢᠨ ᠶᠠᠭᠤᠮᠠ ᠵᠢ ᠲᠡᠭᠦᠵᠦ ᠢᠳᠡᠨ ᠨᠡᠭᠦᠳᠡᠯ ᠮᠠᠶᠢᠭᠤᠨ ᠠᠮᠢᠳᠤᠷᠠᠯᠠᠴᠠᠪᠠᠨ ᠨᠤᠲᠤᠭᠰᠢᠨ ᠰᠠᠭᠤᠷᠢᠰᠢᠬᠤ ᠵᠦᠭ ᠬᠥᠭᠵᠢᠵᠦ ᠬᠤᠪᠢᠷᠠᠭᠰᠠᠨᠢ ᠬᠠᠷᠠᠭᠤᠯᠬᠤ ᠵᠢᠨ ᠬᠠᠮᠲᠤ᠂ ᠪᠠᠰᠠ ᠴᠤ᠌ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠡᠪᠦᠭᠡ ᠳᠡᠭᠡᠳᠦᠰᠤᠨ ᠪᠣᠯᠪᠠᠰᠤᠨ ᠵᠦᠭ ᠲᠦᠷᠭᠡᠨ ᠰᠢᠯᠵᠢᠭᠰᠡᠨ ᠡᠬᠢᠯᠡᠯᠲᠡ ᠵᠢᠨ ᠴᠡᠭ ᠪᠣᠯᠬᠤ ᠶᠤᠮ᠃ ᠭᠡᠷᠤᠨ ᠪᠠᠭᠤᠷᠢᠠᠴᠠ ᠣᠯᠳᠠᠭᠰᠠᠨ ᠴᠤᠬᠢᠵᠤ ᠦᠢ᠍ᠯᠡᠳᠦᠭᠰᠡᠨ ᠴᠢᠯᠠᠭᠤᠨ ᠵᠡᠪᠰᠡᠭ᠂ ᠪᠢᠯᠢᠭᠦᠳᠡᠵᠦ ᠦᠢ᠍ᠯᠡᠳᠦᠭᠰᠡᠨ ᠴᠢᠯᠠᠭᠤᠨ ᠵᠡᠪᠰᠡᠭ᠂ ᠸᠠᠭ᠋ᠠᠷ᠂ ᠶᠠᠰᠤ᠂ ᠡᠪᠡᠷ ᠡᠳ᠋ᠯᠡᠯ ᠵᠢᠴᠢ ᠠᠮᠢᠳᠠᠨᠤ ᠠᠷᠤᠭ ᠶᠠᠰᠤ ᠵᠡᠷᠭᠡ ᠦᠯᠡᠳᠡᠭᠳᠡᠯ ᠪᠣᠳᠠᠰᠨᠢ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠠᠩᠬᠠᠨᠤ ᠨᠢᠭᠡ ᠪᠦᠯᠦᠭ ᠰᠠᠭᠤᠷᠢᠰᠢᠯ ᠢᠷᠭᠡᠳᠤᠨ ᠡᠯᠪᠡᠭ ᠪᠠᠶᠠᠯᠢᠭ ᠪᠣᠳᠠᠰᠤᠨ ᠰᠣᠶᠣᠯᠤᠨ ᠠᠮᠢᠳᠤᠷᠠᠯᠢ ᠮᠠᠨᠳᠤ ᠳᠡᠯᠭᠡᠨ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃
ᠰᠸᠲᠠᠢ ᠪᠠᠭᠤᠷᠢ ᠵᠢᠨ ᠪᠦᠯᠦᠭᠯᠡᠭᠰᠡᠨ ᠭᠡᠷ ᠪᠠᠶ᠋ᠢᠰᠢᠩ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠮᠤᠭᠤᠨ ᠡᠷᠲᠡᠨᠤ ᠭᠡᠷᠤᠨ ᠪᠠᠭᠤᠷᠢ ᠵᠢᠨ ᠪᠥᠯᠦᠭᠯᠡᠯ᠃
ᠪᠢᠳᠠ ᠴᠢᠨᠠᠭᠰᠢᠯᠠᠪᠠᠯ ᠡᠢ᠌ᠮᠦᠷᠬᠦᠦ ᠨᠢᠭᠡ ᠦᠵᠡᠭᠳᠡᠯᠢ ᠲᠥᠰᠦᠭᠡᠯᠡᠵᠦ ᠪᠣᠳᠣᠪᠠᠯ᠄ ᠵᠦᠰᠡᠷ ᠪᠤᠷᠤᠭ᠋ᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠨᠢᠭᠡ ᠤᠷᠤᠢ᠂ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭᠤᠨ ᠡᠮᠦᠨᠡ ᠵᠠᠬᠠᠳᠤ 6 ᠰᠠᠭᠤᠷᠢ ᠬᠠᠭ᠋ᠠᠰ ᠨᠦᠬᠡᠨ ᠭᠡᠷᠤᠨ ᠬᠡᠯᠪᠡᠷᠢᠲᠠᠢ ᠫᠸᠩ ᠭᠡᠷ ᠪᠠᠢ᠌ᠷᠢᠯᠠᠵᠤ᠂ ᠭᠡᠷ ᠪᠦᠷᠢᠠᠴᠠ ᠳᠤᠯᠠᠭ᠋ᠠᠬᠠᠨ ᠭᠠᠯᠤᠨ ᠭᠡᠷᠡᠯ ᠳᠤᠸᠠᠯᠠᠨᠠ᠃ ᠭᠡᠷᠤᠨ ᠡᠵᠡᠭᠲᠡᠶ ᠪᠤᠯᠤᠭᠰᠠᠨ ᠡᠮᠡᠭᠲᠡᠢᠨᠢ ᠵᠤᠤᠬᠠᠨᠤᠪᠠᠨ ᠬᠠᠵᠠᠭᠤᠳᠤ ᠡᠷᠡ ᠨᠥᠬᠥᠷᠤᠨ ᠵᠶ᠋ᠠᠨ ᠠᠪᠴᠢᠷᠠᠭᠰᠠᠨ ᠮᠢᠬᠠ ᠵᠢ ᠰᠢᠷᠠᠵᠤ ᠰᠠᠭᠤᠬᠤ ᠵᠢᠨ ᠳᠠᠭ᠋ᠠᠤ᠂ ᠬᠠᠵᠠᠭᠤ ᠲᠠᠯᠠᠳᠠᠬᠢ ᠰᠠᠭᠤᠯᠠᠭ᠋ᠠᠨ ᠰᠠᠪᠠᠳᠤ ᠬᠡᠭᠡᠷᠡ ᠵᠢᠨ ᠨᠣᠭᠣᠭ᠋ᠠᠨᠤ ᠱᠥᠯᠥ ᠴᠢᠨᠠᠵᠤ ᠪᠠᠢ᠌ᠨᠠ； ᠬᠠᠵᠠᠭᠤᠳᠤᠨᠢ ᠰᠠᠭᠤᠭᠰᠠᠨ ᠡᠷᠡ ᠨᠥᠬᠦᠷᠨᠢ ᠳᠡᠭᠡᠷᠡ ᠤᠳᠠᠭᠠ ᠠᠩᠳᠤ ᠭᠠᠷᠬᠤᠳᠤ ᠬᠤᠭᠤᠷᠠᠵᠤ ᠮᠤᠷᠤᠢ᠌ᠭᠰᠠᠨ ᠵᠢᠳᠠ ᠵᠢᠨ ᠪᠠᠷᠢᠭᠤᠯ ᠵᠶ᠋ᠠᠨ ᠠᠷᠠᠭ᠋ᠠᠨ ᠢᠷᠲᠠᠢ ᠬᠤᠰᠤᠭᠤᠷ ᠵᠶ᠋ᠠᠷ ᠵᠠᠰᠠᠵᠤ ᠰᠠᠭᠤᠨᠠ； ᠬᠡᠦᠬᠡᠳᠤᠳᠨᠢ ᠬᠠᠷᠢᠨ ᠨᠠᠰᠤᠲᠠᠢ᠌ᠴᠤᠳᠲᠠᠢᠪᠠᠨ ᠬᠠᠮᠲᠤ ᠭᠡᠷᠤᠨ ᠨᠢᠭᠡ ᠥᠨᠴᠥᠭᠲᠤ ᠬᠥᠭᠡᠷᠦᠯᠳᠦᠨ ᠨᠠᠭ᠋ᠠᠳᠴᠤ᠂ ᠬᠠᠵᠠᠭᠤᠳᠠᠬᠢ ᠴᠢᠯᠠᠭᠤᠨ ᠫᠢᠯᠠ ᠪᠣᠯᠤᠨ ᠴᠢᠯᠠᠭᠤᠨ ᠰᠢᠳᠠᠮᠠᠴᠠᠨᠢ ᠪᠠᠰᠠ ᠤᠷᠭᠤᠮᠠᠯᠤᠨ ᠴᠠᠷᠳᠠᠭᠤᠯᠤᠨ ᠦᠨᠦᠷ ᠬᠠᠩᠬᠤᠯᠵᠤ ᠪᠠᠢ᠌ᠪᠠ᠃
ᠵᠡᠭᠦᠨ ᠲᠠᠯᠠᠤᠨ ᠵᠢᠷᠤᠭ᠄ ᠠᠷᠠᠭ᠋ᠠᠨ ᠢᠷᠲᠠᠢ ᠬᠤᠰᠤᠭᠤᠷ （ᠠᠷᠠᠰᠦ ᠡᠯᠳᠡᠬᠦᠳᠤ ᠬᠡᠷᠡᠭᠯᠡᠨᠡ）᠃ ᠳᠤᠮᠳᠠ ᠵᠢᠷᠤᠭ᠄ ᠵᠢᠳᠠᠨ ᠬᠡᠯᠪᠡᠷᠢᠲᠠᠢ ᠴᠢᠯᠠᠭᠤᠨ ᠪᠠᠭ᠋ᠠᠵᠢ （ᠠᠩ ᠠᠩᠨᠠᠬᠤᠳᠤ ᠬᠡᠷᠡᠭᠯᠡᠨᠡ）᠃ ᠪᠠᠷᠠᠭᠤᠨ ᠲᠠᠯᠠ ᠵᠢᠨ ᠵᠢᠷᠤᠭ᠄ ᠰᠢᠪᠦᠭᠡᠨ ᠬᠡᠯᠪᠡᠷᠢᠲᠠᠢ ᠴᠢᠯᠠᠭᠤᠨ ᠪᠠᠭ᠋ᠠᠵᠢ （ᠴᠢᠯᠠᠭᠤᠨ ᠦᠷᠡᠳᠡᠰᠦ ᠤᠯᠬᠤᠳᠤ ᠬᠡᠷᠡᠭᠯᠡᠨᠡ）᠃
ᠰᠠᠭᠤᠯᠠᠭ᠋ᠠᠨ ᠰᠠᠪᠠ ᠵᠢᠨ ᠬᠡᠯᠲᠡᠷᠬᠡᠶ᠃
ᠴᠢᠯᠠᠭᠤᠨ ᠰᠢᠳᠠᠮ ᠪᠠ ᠴᠢᠯᠠᠭᠤᠨ ᠫᠢᠯᠠ （ᠤᠷᠭᠤᠮᠠᠯᠤᠨ ᠢᠳᠡᠭᠡᠨᠢ ᠪᠣᠯᠪᠠᠰᠤᠷᠠᠭᠤᠯᠬᠤᠳᠤ ᠬᠡᠷᠡᠭᠯᠡᠨᠡ）
ᠲᠡᠭᠦᠵᠦ ᠴᠤᠭᠯᠠᠭᠤᠯᠬᠤᠠᠴᠠ ᠦᠢ᠍ᠯᠡᠳᠪᠦᠷᠢᠯᠡᠯᠳᠤ ᠬᠦᠷᠬᠦ — ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠡᠭᠦᠰᠦᠯ ᠭᠠᠷᠤᠯᠤᠨ ᠴᠢᠬᠤᠯᠠ ᠪᠣᠳᠠᠲᠤ ᠭᠡᠷᠡᠴᠢ
ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠦᠷᠢᠯᠡᠯᠨᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠤ ᠰᠠᠭᠤᠷᠢᠰᠢᠯᠳᠤ ᠪᠠᠲᠤᠯᠠᠭᠠ ᠬᠠᠩᠭ᠋ᠠᠵᠤ᠂ ᠨᠡᠶ᠋ᠢᠭᠡᠮᠤᠨ ᠪᠤᠳᠤᠯᠢᠶᠠᠨᠲᠠᠶ ᠪᠠᠶ᠋ᠢᠳᠠᠯᠳᠤ ᠤᠷᠤᠬᠤᠳᠤ ᠠᠵᠤ ᠠᠬᠤᠶ ᠵᠢᠨ ᠰᠠᠭᠤᠷᠢ ᠵᠢᠨᠢ ᠲᠠᠯᠪᠢᠭᠰᠠᠨ ᠶᠤᠮ᠃ ᠳᠤᠮᠳᠠᠳᠤ ᠤᠯᠤᠰ ᠪᠣᠯ ᠳᠡᠯᠡᠬᠡᠶ ᠵᠢᠨ ᠲᠠᠷᠢᠶᠠᠯᠠᠩᠤᠨ ᠡᠭᠦᠰᠦᠯᠤᠨ ᠲᠥᠪᠤᠨ ᠨᠢᠭᠡᠨᠢ ᠪᠠᠶ᠋ᠢᠵᠤ᠂ ᠤᠰᠤᠨ ᠲᠤᠲᠤᠷᠭᠠᠨᠢ ᠪᠦᠬᠦ ᠯᠠ ᠵᠡᠭᠦᠨ ᠠᠽᠢᠶᠠ ᠪᠤᠯᠤᠨ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠵᠢ ᠨᠥᠯᠥᠭᠡᠯᠡᠭᠰᠡᠨᠲᠠᠢ ᠠᠳᠠᠯᠢᠪᠠᠷ᠂ ᠨᠠᠷᠢᠮᠤ ᠵᠢᠨ ᠲᠥᠷᠥᠯ ᠵᠶ᠋ᠠᠷ ᠲᠥᠯᠥᠭᠡᠯᠡᠭᠦᠯᠦᠭᠰᠡᠨ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠨᠢ ᠪᠦᠬᠦ ᠯᠠ ᠠᠽᠢᠶᠠ ᠧᠦ᠋ᠷᠣᠫᠠ ᠵᠢᠨ ᠲᠠᠯᠠ ᠨᠤᠲᠤᠭᠢ ᠨᠥᠯᠦᠭᠡᠯᠡᠵᠡᠢ᠃
ᠰᠸᠲᠠᠢ ᠵᠢᠨ ᠪᠠᠭᠤᠷᠢᠨᠳᠤ ᠶᠡᠬᠡ ᠬᠡᠮᠵᠢᠶᠡᠨᠤ ᠴᠢᠯᠠᠭᠤᠨ ᠰᠠᠮᠪᠠᠷᠠ᠂ ᠴᠢᠯᠠᠭᠤᠨ ᠰᠢᠳᠠᠮ ᠵᠡᠷᠭᠡ ᠪᠤᠳᠠᠭᠠ ᠴᠠᠢ᠌ᠯᠭ᠋ᠠᠬᠤ ᠪᠠᠭ᠋ᠠᠵᠢ ᠪᠠ ᠴᠢᠯᠠᠭᠤᠨ ᠬᠤᠰᠤᠭᠤᠷ ᠵᠡᠷᠭᠡ ᠭᠠᠵᠠᠷ ᠬᠠᠭ᠋ᠠᠯᠪᠤᠷᠢᠯᠠᠬᠤ ᠪᠠᠭ᠋ᠠᠵᠢ᠂ ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢᠲᠦ ᠨᠠᠷᠢᠮᠦ ᠪᠠ ᠰᠢᠰᠢ ᠵᠢᠨ ᠢᠯᠡᠷᠡᠭᠦᠯᠦᠯᠲᠡ ᠵᠢᠴᠢ ᠵᠢᠵᠢᠭ ᠦᠯᠡᠳᠡᠭᠳᠡᠯᠤᠳᠤᠨ ᠵᠠᠳᠠᠯᠤᠯᠲᠠᠨᠢ ᠪᠦᠷ ᠨᠠᠷᠢᠮᠤ᠂ ᠰᠢᠰᠢ ᠵᠡᠷᠭᠡ ᠵᠢ ᠭᠠᠷᠰᠢᠭᠤᠯᠤᠭᠰᠠᠨ ᠶᠠᠪᠤᠳᠠᠯᠢ ᠲᠣᠳᠣᠷᠬᠠᠶ᠋ᠢᠯᠠᠵᠤ᠂ ᠣᠳᠣᠠᠴᠠ 7600 ᠵᠢᠯᠤᠨ ᠡᠮᠦᠨᠡ᠂ ᠲᠤᠰ ᠭᠠᠵᠠᠷᠤᠨ ᠡᠷᠲᠡᠨᠤ ᠬᠥᠮᠦᠰ ᠨᠢᠭᠡᠨᠲᠡ ᠲᠠᠷᠢᠶᠠᠯᠠᠩᠢ ᠡᠬᠢᠯᠡᠵᠦ ᠭᠠᠷᠰᠢᠭᠤᠯᠵᠤ ᠪᠠᠢ᠌ᠵᠠᠢ᠂ ᠡᠨᠡᠨᠢ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠡᠭᠦᠰᠦᠯᠤᠨ ᠪᠣᠳᠠᠲᠤ ᠭᠡᠷᠡᠴᠢ ᠪᠣᠯᠬᠤ ᠶᠤᠮ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠬᠥᠭᠵᠢᠯᠲᠡ ᠵᠢᠨ ᠶᠠᠪᠤᠴᠠᠠᠴᠠᠨᠢ ᠠᠪᠴᠤ ᠦᠵᠡᠪᠡᠯ᠂ ᠰᠸᠲᠠᠢ ᠪᠠᠭᠤᠷᠢ ᠵᠢᠨ ᠨᠢᠭᠡᠳᠦᠭᠡᠷ᠂ ᠬᠣᠶᠠᠳᠤᠭ᠋ᠠᠷ ᠪᠦᠯᠦᠭ ᠰᠣᠶᠣᠯᠤᠨ ᠦᠯᠡᠳᠡᠭᠳᠡᠯ （ᠣᠲᠣᠠᠴᠠ 10400 — 9000 ᠣᠨᠤ ᠬᠤᠭᠤᠷᠤᠨᠳᠤ）ᠨᠢ ᠠᠩᠨᠠᠵᠦ ᠲᠡᠭᠦᠬᠦ ᠠᠵᠤ ᠠᠬᠤᠶ ᠪᠠᠢ᠌ᠵᠤ᠂ ᠭᠤᠷᠪᠠᠳᠤᠭ᠋ᠠᠷ᠂ ᠳᠥᠷᠪᠡᠳᠦᠭᠡᠷ ᠪᠦᠯᠦᠭ （ᠣᠲᠣᠠᠴᠠ 7700 — 7100 ᠣᠨᠤ ᠬᠤᠭᠤᠷᠤᠨᠳᠤ）ᠨᠢ ᠠᠩᠨᠠᠵᠤ ᠲᠡᠭᠦᠬᠦ ᠠᠵᠤ ᠠᠬᠤᠶ ᠵᠢᠨ ᠬᠠᠮᠲᠤ᠂ ᠨᠠᠷᠢᠮᠤ ᠰᠢᠰᠢ ᠠᠰᠢᠭᠯᠠᠭᠰᠠᠨ ᠬᠤᠪᠢ ᠵᠢᠨ ᠵᠢᠩᠨᠢ ᠤᠯᠠᠮᠠᠴᠠ ᠤᠯᠠᠮ ᠨᠡᠮᠡᠭᠳᠡᠵᠡᠢ᠂ ᠲᠠᠪᠤᠳᠤᠭ᠋ᠠᠷ ᠪᠦᠯᠦᠭᠤᠨ ᠰᠣᠶᠣᠯᠤᠨ ᠦᠯᠡᠳᠡᠭᠳᠡᠯ （ᠣᠲᠣᠠᠴᠠ 6800 — 6400 ᠣᠨᠤ ᠬᠤᠭᠤᠷᠤᠨᠳᠤ） ᠳᠤᠲᠤᠷᠠ ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢ ᠵᠢᠨ ᠢᠵᠢᠯ ᠪᠠᠢ᠍ᠢ᠍ᠷᠢᠳᠦ ᠡᠯᠧᠮᠧᠨ᠋ᠲᠤᠨ ᠢᠯᠡᠷᠡᠭᠦᠯᠦᠭᠰᠡᠨ ᠵᠶ᠋ᠠᠷ C4 ᠲᠥᠷᠥᠯᠤᠨ ᠤᠷᠭᠤᠮᠠᠯ ᠦᠨᠡᠨᠳᠤᠪᠠᠨ （ᠵᠢᠱ᠌ᠢᠶᠡᠯᠡᠪᠡᠯ᠂ ᠨᠠᠷᠢᠮᠤ ᠪᠠ ᠰᠢᠰᠢ） ᠬᠠᠷᠢᠴᠠᠯ ᠵᠶ᠋ᠠᠷ ᠨᠡᠯᠢᠶᠡᠳ ᠥᠨᠳᠥᠷ ᠬᠤᠪᠢ ᠵᠢ ᠡᠵᠡᠯᠡᠵᠦ ᠪᠠᠢ᠌ᠨᠠ᠃ ᠡᠳᠡᠭᠡᠷ ᠬᠤᠪᠢᠷᠠᠯᠲᠠᠨᠢ ᠰᠸᠲᠠᠢ ᠵᠢᠨ ᠡᠪᠦᠭᠡ ᠳᠡᠭᠡᠳᠦᠰ 《ᠴᠦᠯᠪᠡᠭᠦ ᠠᠬᠤᠶ》ᠠᠴᠠᠪᠠᠨ 《ᠦᠢ᠍ᠯᠡᠳᠪᠦᠷᠢᠯᠡᠬᠦ ᠠᠵᠤ ᠠᠬᠤᠶ》 ᠤᠷᠤᠭᠤ ᠰᠢᠯᠵᠢᠭᠰᠡᠨ ᠬᠤᠪᠢᠷᠠᠯᠲᠠ ᠵᠢᠨ ᠶᠠᠪᠤᠴᠠ ᠵᠢ ᠪᠦᠷᠢᠨ ᠭᠦᠢ᠍ᠴᠡᠳ ᠢᠯᠡᠷᠡᠭᠦᠯᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠵᠢᠨ ᠨᠡᠶ᠋ᠢᠭᠡᠮᠤᠨ ᠪᠣᠳᠣᠯᠢᠶᠠᠨᠲᠤ ᠪᠠᠢ᠌ᠳᠠᠯ ᠪᠠ ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠡᠭᠦᠰᠦᠯᠤᠨ ᠵᠠᠭᠪᠤᠷᠢ ᠬᠠᠶ᠋ᠢᠨ ᠰᠢᠨᠵᠢᠯᠡᠬᠦᠳᠤ ᠠᠮᠢᠳᠤ ᠦᠯᠢᠭᠡᠷ ᠵᠢᠱ᠌ᠢᠶᠡ ᠵᠢ ᠬᠠᠩᠭ᠋ᠠᠵᠤ ᠥᠭᠭᠦᠭᠰᠡᠨ ᠪᠠᠢ᠌ᠳᠠᠭ᠃
ᠴᠢᠯᠠᠭᠤᠨ ᠬᠤᠰᠤᠭᠤᠷ᠂ ᠭᠠᠵᠠᠷ ᠬᠠᠭ᠋ᠠᠯᠪᠤᠷᠢᠯᠠᠬᠤ ᠴᠢᠬᠤᠯᠠ ᠲᠠᠷᠢᠶᠠᠯᠠᠩᠤᠨ ᠪᠠᠭ᠋ᠠᠵᠢ᠃
ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢᠲᠦ ᠨᠠᠷᠢᠮᠤ᠂ ᠰᠢᠰᠢ ᠵᠢᠨ ᠦᠯᠡᠳᠡᠭᠳᠡᠯ᠂ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠬᠠᠮᠤᠭᠤᠨ ᠴᠢᠬᠤᠯᠠ ᠪᠣᠳᠠᠰᠤᠨ ᠭᠡᠷᠡᠴᠢ᠃
ᠰᠠᠭᠤᠯᠠᠭ᠋ᠠᠨ ᠸᠠᠭ᠋ᠠᠷ ᠰᠠᠪᠠ᠂ ᠢᠳᠡᠭᠡᠨᠢ ᠬᠠᠳᠠᠭ᠋ᠠᠯᠠᠬᠤ ᠪᠤᠶᠤ ᠴᠢᠨᠠᠬᠤ ᠪᠤᠯᠭᠤᠬᠤᠳᠤ ᠬᠡᠷᠡᠭᠯᠡᠳᠡᠭ ᠸᠠᠭ᠋ᠠᠷ ᠰᠠᠪᠠ᠃
ᠤᠯᠠᠮᠵᠢᠯᠠᠯᠠᠴᠠ ᠠᠭᠤᠰᠤᠯᠴᠠᠯᠳᠤ ᠬᠦᠷᠲᠡᠯᠡ — ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠠᠭᠤᠰᠤᠯᠴᠠᠵᠤ ᠬᠥᠭᠵᠢᠭᠰᠡᠨ ᠭᠡᠷᠡᠴᠢ
ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠨᠢ ᠳᠡᠯᠡᠬᠡᠶ ᠳᠡᠭᠡᠷᠡᠬᠢ ᠴᠤᠷᠤᠨ ᠭᠠᠭᠴᠠ ᠲᠠᠰᠤᠯᠳᠠᠭᠠ ᠦᠭᠡᠢ ᠪᠣᠯᠪᠠᠰᠤᠨ ᠪᠣᠯᠣᠭᠰᠠᠨᠤ ᠬᠤᠪᠢᠳᠤ᠂ ᠲᠡᠷᠡᠨᠢ ᠬᠣᠶᠠᠷ ᠲᠤᠶ᠋ᠢᠯᠤᠨ ᠴᠢᠬᠤᠯᠠ ᠰᠢᠯᠲᠠᠭ᠋ᠠᠨᠲᠠᠢ ᠶᠤᠮ᠄ ᠨᠢᠭᠡᠳᠤ ᠤᠯᠠᠮᠵᠢᠯᠠᠯᠢ ᠬᠦᠨᠳᠦᠳᠬᠡᠬᠦ ᠪᠠ ᠵᠠᠯᠭ᠋ᠠᠮᠵᠢᠯᠠᠬᠤ； ᠬᠣᠶᠠᠷᠲᠤ ᠰᠣᠶᠣᠯᠤᠨ ᠲᠤᠰ ᠪᠡᠶᠡᠳᠤᠨᠢ ᠮᠠᠰᠢ ᠶᠡᠬᠡ ᠵᠣᠬᠢᠴᠠᠬᠤ ᠴᠢᠨᠠᠷ ᠪᠠ ᠪᠠᠭᠲᠠᠭ᠋ᠠᠮᠵᠢᠲᠤ ᠴᠢᠨᠠᠷᠲᠠᠢ ᠪᠠᠶ᠋ᠢᠳᠠᠭᠠᠴᠠ ᠪᠣᠯᠤᠭᠰᠠᠨ ᠶᠤᠮ᠃ ᠡᠮᠦᠨᠡᠬᠢᠨᠢ ᠮᠠᠨᠤ ᠰᠣᠶᠣᠯᠤᠨ ᠤᠳᠤᠮᠰᠢᠯᠢ ᠦᠷᠭᠦᠯᠵᠢᠯᠡᠭᠦᠯᠳᠡᠭ ᠲᠠᠯᠠᠲᠠᠢ； ᠬᠣᠶ᠋ᠢᠨᠠᠬᠢᠨᠢ ᠭᠠᠳᠠᠨᠠᠠᠴᠠ ᠢᠷᠡᠭᠰᠡᠨ ᠰᠣᠶᠣᠯᠢ ᠰᠢᠩᠭᠡᠭᠡᠨ ᠠᠪᠬᠤ ᠪᠠ ᠠᠭᠤᠰᠤᠯᠴᠠᠭᠤᠯᠬᠤ ᠵᠢᠨ ᠬᠠᠮᠲᠤ ᠪᠠᠰᠠ ᠲᠡᠭᠦᠨᠢ ᠥᠪᠡᠷᠤᠨ ᠵᠶ᠋ᠠᠨ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲ ᠪᠣᠯᠭ᠋ᠠᠨ ᠬᠤᠪᠢᠷᠠᠭᠤᠯᠵᠤ᠂ ᠡᠭᠦᠨᠤ ᠤᠯᠠᠮᠠᠴᠠ ᠥᠪᠡᠷᠤᠨ ᠵᠶ᠋ᠠᠨ ᠰᠣᠶᠣᠯᠤᠨ ᠠᠭᠤᠯᠤᠭᠳᠠᠬᠤᠨᠢ ᠳᠠᠰᠤᠷᠠᠯᠳᠠ ᠦᠭᠡᠢ ᠪᠠᠶᠠᠯᠢᠭᠵᠢᠭᠤᠯᠤᠨ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠲᠠᠯᠠᠲᠠᠢ᠃ ᠰᠸᠲᠠᠢ ᠪᠠᠭᠤᠷᠢ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡᠨᠢ ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠡᠨᠡ ᠬᠣᠶᠠᠷ ᠲᠠᠯᠠ ᠵᠢᠨ ᠣᠨᠴᠠᠯᠢᠭᠢ ᠭᠦᠢ᠍ᠴᠡᠳ ᠰᠠᠶ᠋ᠢᠬᠠᠨ ᠢᠯᠡᠷᠡᠭᠦᠯᠦᠭᠰᠡᠨ ᠭᠡᠯᠲᠡᠢ᠃
ᠰᠣᠶᠣᠯᠤᠨ ᠤᠳᠤᠮᠰᠢᠯᠤᠨ ᠦᠷᠭᠦᠯᠵᠢᠯᠡᠯ᠃ ᠭᠡᠷᠤᠨ ᠪᠠᠭᠤᠷᠢᠠᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠯᠡᠨᠤ ᠬᠡᠯᠪᠡᠷᠢᠲᠦ ᠬᠣᠶᠠᠷ ᠲᠠᠯᠠᠲᠤ ᠪᠠᠭ᠋ᠠᠵᠢ᠂ ᠱᠠᠭ᠋ᠠᠨᠲᠠᠭ ᠬᠡᠯᠪᠡᠷᠢᠲᠦ ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ᠂ ᠱᠣᠪᠣᠭᠣᠷ ᠬᠡᠯᠪᠡᠷᠢᠲᠦ ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ ᠵᠢᠴᠢ ᠶᠡᠬᠡ ᠬᠡᠮᠵᠢᠶᠡᠨᠤ ᠨᠠᠷᠢᠨ ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ ᠪᠠ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ ᠪᠣᠯᠨᠢ ᠾᠧ ᠸᠠᠨᠤ ᠬᠣᠲᠣᠭᠣᠷᠤᠨ ᠲᠦᠮᠡ ᠭᠠᠷᠤᠶ ᠵᠢᠯᠤᠨ ᠱᠠᠭ᠋ᠠᠨᠲᠠᠭ ᠬᠡᠯᠪᠡᠷᠢᠲᠦ ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ ᠵᠢ ᠦᠢ᠍ᠯᠡᠳᠬᠦ ᠤᠷᠠ ᠮᠡᠷᠭᠡᠵᠢᠯᠤᠨ ᠤᠯᠠᠮᠵᠢᠯᠠᠯᠢ ᠵᠠᠯᠭ᠋ᠠᠮᠵᠢᠯᠠᠨ ᠬᠥᠭᠵᠢᠭᠦᠯᠵᠦ᠂ ᠰᠣᠶᠣᠯ ᠪᠤᠯᠤᠨ ᠬᠥᠮᠦᠰᠤᠨ ᠦᠷᠭᠦᠯᠵᠢᠯᠡᠬᠦᠢ ᠴᠢᠨᠠᠷᠢ ᠢᠯᠡᠷᠡᠭᠦᠯᠦᠭᠰᠡᠨ ᠶᠤᠮ᠂ ᠶᠠᠭ ᠡᠶ᠋ᠢᠮᠦᠷᠬᠦᠦ ᠦᠷᠭᠦᠯᠵᠢᠯᠡᠬᠦᠢ ᠴᠢᠨᠠᠷᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠤᠷᠤᠨᠤ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠠᠴᠠ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠲᠡᠶ᠋ᠢᠰᠢ ᠰᠢᠯᠵᠢᠬᠦ ᠰᠤᠳᠤᠯᠭ᠋ᠠᠨᠳᠤ ᠰᠢᠭᠤᠳ ᠭᠡᠷᠡᠴᠢ ᠪᠠᠷᠢᠮᠲᠠ ᠬᠠᠩᠭ᠋ᠠᠭᠰᠠᠨ ᠠᠵᠢ᠃
ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ ᠪᠣᠯᠨᠢ ᠾᠧ ᠸᠠᠨᠤ ᠬᠣᠲᠣᠭᠣᠷᠤᠨ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠰᠡᠭᠦᠯᠴᠢ ᠵᠢᠨ ᠦᠶᠡ ᠵᠢᠨ ᠱᠠᠭ᠋ᠠᠨᠲᠠᠭ ᠬᠡᠯᠪᠡᠷᠢᠲᠦ ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ ᠵᠢᠨ ᠮᠡᠷᠭᠡᠵᠢᠯᠤᠨ ᠤᠯᠠᠮᠵᠢᠯᠠᠯᠢ ᠵᠠᠯᠭ᠋ᠠᠮᠵᠢᠯᠠᠭᠰᠠᠨ ᠶᠤᠮ᠃
ᠸᠠᠭ᠋ᠠᠷ ᠰᠠᠪᠠ ᠵᠢᠨ ᠳᠠᠷᠤᠮᠠᠯ ᠬᠡ ᠵᠢᠨ ᠳᠣᠲᠣᠷᠠᠬᠢ 《ᡁᠢ （之）》 ᠦᠰᠦᠭᠤᠨ ᠬᠡ᠂ ᠲᠣᠣᠷᠯᠢᠭ ᠬᠡ᠂ ᠳᠠᠷᠦᠮᠠᠯ ᠥᠨᠳᠡᠭᠡᠨ ᠬᠡ ᠵᠡᠷᠭᠡ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲᠨᠢ ᠨᠡᠯᠢᠶᠡᠳ ᠣᠷᠣᠶ ᠵᠢᠨ ᠪᠠᠷᠠᠭᠤᠨ ᠯᠢᠶᠣᠤ ᠡᠾᠸ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷ ᠤᠷᠤᠨᠤ ᠰᠢᠩ ᠯᠦᠩ ᠸᠠ ᠵᠢᠨ ᠰᠣᠶᠣᠯ᠂ᠲᠠᠢ ᠬᠠᠩ ᠱᠠᠨ ᠠᠭᠤᠯᠠ ᠵᠢᠨ ᠵᠡᠭᠦᠨ ᠬᠣᠷᠮᠣᠶ ᠵᠢᠨ ᠢ ᠱᠦᠶ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷ ᠤᠷᠤᠨᠤ ᠪᠸᠢ ᠹᠦ᠋ ᠳ᠋ᠢ ᠵᠢᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨᠤ ᠰᠣᠶᠣᠯᠳᠤ ᠪᠦᠷ ᠵᠠᠯᠭ᠋ᠠᠮᠵᠢᠯ ᠬᠥᠭᠵᠢᠯ ᠵᠶ᠋ᠠᠨ ᠤᠯᠤᠭᠰᠠᠨ ᠪᠥᠭᠡᠳ ᠪᠦᠷ ᠠᠳᠠᠯᠢᠪᠲᠤᠷ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲᠲᠠᠢ ᠪᠠᠶ᠋ᠢᠵᠤ᠂ 《ᡁᠢ》 ᠦᠰᠦᠭᠤᠨ ᠬᠡ ᠵᠡᠷᠭᠡ ᠬᠡ ᠤᠭ᠋ᠠᠯᠵᠠ ᠵᠢᠨ ᠰᠤᠷᠪᠤᠯᠵᠢ ᠵᠢᠨ ᠨᠢᠭᠡᠨᠢ ᠪᠠᠶ᠋ᠢᠵᠤ ᠮᠡᠳᠡᠨᠡ᠃ ᠡᠨᠡ ᠬᠦ᠌ ᠢᠯᠡᠷᠡᠭᠦᠯᠦᠯᠲᠡᠨᠢ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠲᠤᠬᠠᠶ ᠥᠩᠭᠡᠷᠡᠭᠰᠡᠨᠤ ᠲᠠᠨᠢᠯᠲᠠ ᠵᠢ ᠥᠭᠡᠷᠡᠲᠡᠭᠦᠯᠵᠦ᠂ ᠶᠠᠨᠱ᠌ᠠᠨᠤ ᠡᠮᠦᠨᠡ ᠤᠮᠠᠷᠠ ᠪᠠ ᠪᠠᠷᠠᠭᠤᠨ ᠯᠢᠶᠣᠤ ᠡᠾᠸ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷ ᠤᠷᠤᠨᠳᠤ ᠬᠠᠮᠲᠤ ᠵᠢᠨ ᠰᠣᠶᠣᠯᠤᠨ ᠡᠬᠢ ᠰᠤᠷᠪᠤᠯᠵᠢ ᠵᠢ ᠡᠷᠢᠨ ᠣᠯᠵᠤ᠂ ᠬᠣᠶᠠᠷ ᠶᠡᠬᠡ ᠭᠠᠵᠠᠷ ᠣᠷᠣᠨᠢ ᠨᠡᠩ ᠨᠢᠭᠲᠠ ᠬᠤᠯᠪᠤᠭ᠋ᠠᠳ᠂ ᠨᠢᠭᠡᠨ ᠶᠡᠬᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠣᠷᠣᠨ— ᠶᠠᠨ ᠯᠢᠶᠣᠤ ᠵᠢᠨ ᠰᠣᠶᠣᠯᠤᠨ ᠣᠷᠣᠨᠢ ᠪᠦᠷᠢᠯᠳᠦᠭᠦᠯᠵᠡᠶ᠃ ᠡᠨᠡᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠵᠢᠨ ᠲᠡᠦᠬᠡ ᠵᠢᠨ ᠡᠮᠦᠨᠡᠬᠢ ᠰᠣᠶᠣᠯᠤᠨ ᠳᠠᠰᠤᠷᠠᠯᠳᠠ ᠦᠬᠡᠢ ᠬᠥᠭᠵᠢᠯ᠂ ᠵᠠᠳᠠᠷᠠᠯ᠂ ᠤᠯᠠᠮᠵᠢᠯᠠᠯᠢ ᠨᠡᠩ ᠪᠦᠬᠦ ᠲᠠᠯᠠᠪᠠᠷ ᠭᠦᠨᠵᠡᠭᠡᠢ ᠣᠶ᠋ᠢᠯᠠᠭ᠋ᠠᠬᠤᠳᠤ ᠵᠠᠩᠭᠢᠯᠠᠭᠠ ᠵᠢᠨ ᠲᠤᠯᠭ᠋ᠠᠭᠤᠷᠢᠯᠠᠯᠢ ᠬᠠᠩᠭ᠋ᠠᠭᠰᠠᠨ ᠪᠥᠭᠡᠳ ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠠᠬᠢᠴᠠ ᠵᠢ ᠰᠤᠳᠤᠯᠬᠤᠳᠤ ᠲᠡᠦᠬᠡ ᠵᠢᠨ ᠰᠢᠨᠡ ᠵᠢᠷᠤᠭᠢ ᠳᠦᠷᠰᠦᠯᠡᠨ ᠭᠠᠷᠭ᠋ᠠᠪᠠ᠃
ᠳᠠᠷᠤᠮᠠᠯ ᠥᠨᠳᠡᠭᠡᠨ ᠬᠡ ᠪᠠ 《ᡁᠢ》 ᠦᠰᠦᠭᠤᠨ ᠬᠡᠲᠠᠢ ᠸᠠᠭ᠋ᠠᠷᠦᠨ ᠢᠯᠲᠠᠰᠤ ᠵᠢᠨ ᠥᠷᠭᠡᠨ ᠲᠠᠷᠬᠠᠯᠲᠠᠨᠢ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲᠤᠨ ᠲᠠᠷᠬᠠᠯᠲᠠ ᠵᠢ ᠬᠠᠷᠠᠭᠤᠯᠵᠤ ᠪᠠᠶ᠋ᠢᠨᠠ᠃
ᠰᠢᠨᠡ ᠵᠢ ᠡᠭᠦᠳᠬᠦ ᠪᠠ ᠣᠯᠠᠨ ᠡᠰᠢᠲᠦ ᠰᠣᠶᠣᠯᠤᠨ ᠬᠠᠷᠢᠯᠴᠠᠨ ᠦᠢ᠍ᠯᠡᠳᠦᠯᠴᠡᠯ᠃ ᠰᠸᠲᠠᠢ ᠪᠠᠭᠤᠷᠢ ᠵᠢᠨ ᠨᠢᠭᠡᠳᠦᠭᠡᠷ᠂ ᠬᠣᠶᠠᠳᠤᠭ᠋ᠠᠷ ᠪᠦᠯᠦᠭᠤᠨ ᠦᠯᠡᠳᠡᠭᠳᠡᠯ （ᠣᠳᠣᠠᠴᠠ 10400 — 9000 ᠤᠨᠤ ᠬᠤᠭᠤᠷᠤᠨᠳᠤ）ᠨᠢ ᠳᠠᠷᠤᠮᠠᠯ ᠬᠡᠲᠠᠢ ᠰᠠᠭᠤᠯᠭ᠋ᠠᠨ ᠸᠠᠭ᠋ᠠᠷ ᠰᠠᠪᠠ᠂ ᠸᠠᠭ᠋ᠠᠷ ᠬᠠᠪᠲᠠᠰᠤ᠂ ᠴᠢᠯᠠᠭᠤᠨ ᠵᠠᠭ᠋ᠠᠳᠠᠰᠤ᠂ ᠦᠷᠡᠮᠳᠡᠭᠦᠷ ᠵᠡᠷᠭᠡ ᠨᠡᠢ᠌ᠲᠡᠯᠢᠭ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ ᠬᠢᠭᠡᠳ ᠬᠠᠭ᠋ᠠᠰ ᠨᠦᠬᠡᠨ ᠭᠡᠷᠤᠨ ᠬᠡᠯᠪᠡᠷᠢᠲᠠᠢ ᠭᠡᠷ ᠪᠠᠶ᠋ᠢᠰᠢᠩ ᠵᠶ᠋ᠠᠷ ᠲᠥᠯᠥᠭᠡᠯᠡᠭᠴᠢ ᠪᠣᠯᠭ᠋ᠠᠵᠤ᠂ ᠰᠣᠶᠣᠯᠤᠨ ᠣᠨᠴᠠᠯᠢᠭᠨᠢ ᠢᠯᠡ ᠲᠣᠳᠣ᠂ ᠬᠠᠭᠤᠴᠢ ᠰᠤᠳᠤᠯᠤᠭᠴᠢᠳᠠᠴᠠ ᠡᠭᠦᠨᠢ ᠨᠢᠭᠡ ᠵᠦᠢ᠍ᠯᠤᠨ ᠰᠢᠨᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ
ᠰᠣᠶᠣᠯ — 《ᠰᠸᠲᠠᠢ ᠰᠣᠶᠣᠯ》 ᠬᠡᠮᠡᠨ ᠨᠡᠷᠡᠯᠡᠵᠡᠢ᠃ ᠡᠲᠡᠭᠡᠷ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯᠤᠳᠤᠨ ᠪᠤᠢ ᠪᠣᠯᠤᠭᠰᠠᠨᠨᠢ ᠰᠸᠲᠠᠢ ᠵᠢᠨ ᠡᠪᠦᠭᠡ ᠳᠡᠭᠡᠳᠦᠰ ᠤᠮᠠᠷᠠᠲᠤ ᠵᠢᠨ ᠲᠠᠯᠠ ᠨᠤᠲᠤᠭ ᠪᠣᠯᠤᠨ ᠬᠤᠸᠠᠪᠸᠢ ᠵᠢᠨ ᠲᠠᠯᠠ ᠭᠠᠵᠠᠷᠤᠨ ᠠᠭᠤᠯᠵᠠᠷᠤᠨ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠣᠷᠴᠢᠨ ᠲᠣᠭᠣᠷᠢᠨᠳᠤ ᠵᠤᠬᠢᠴᠠᠬᠤ ᠵᠢᠨ ᠲᠥᠯᠥᠭᠡ᠂ ᠤᠯᠠᠮᠵᠢᠯᠠᠨ ᠵᠠᠯᠭ᠋ᠠᠮᠵᠢᠯᠠᠵᠤ ᠰᠢᠩᠭᠡᠭᠡᠨ ᠠᠪᠤᠭᠰᠠᠨᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠬᠢᠭᠰᠡᠨ ᠡᠷᠡᠯᠬᠡᠭ ᠪᠠᠭ᠋ᠠᠲᠤᠷᠯᠢᠭ ᠬᠠᠶ᠋ᠢᠨ ᠰᠥᠪᠡᠭᠴᠢᠯᠡᠯᠲᠡ ᠪᠣᠯᠤᠨᠠ᠃
ᠤᠯᠠᠨ ᠣᠷᠣᠨᠳᠤ ᠬᠠᠷᠢᠯᠴᠠᠨ ᠬᠠᠷᠠᠭᠳᠠᠬᠤ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲᠨᠢ ᠪᠢᠳᠡᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠵᠢᠨ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠡᠬᠢᠨᠤ ᠪᠠ ᠳᠤᠮᠳᠠᠳᠤ ᠬᠤᠭᠤᠴᠠᠭ᠋ᠠᠨᠤ ᠨᠠᠷᠢᠨ ᠪᠤᠳᠤᠯᠢᠶᠠᠨᠲᠠᠢ ᠰᠣᠶᠣᠯᠤᠨ ᠬᠠᠷᠢᠯᠴᠠᠨ ᠦᠢ᠍ᠯᠡᠳᠦᠯᠴᠡᠬᠦ ᠰᠦᠯᠵᠢᠶᠡ ᠵᠢ ᠵᠢᠷᠤᠭᠯᠠᠵᠤ ᠥᠭᠴᠡᠢ᠃ ᠭᠤᠷᠪᠠᠳᠤᠭ᠋ᠠᠷ ᠪᠦᠯᠦᠭᠤᠨ ᠦᠯᠡᠳᠡᠭᠳᠡᠯ （ᠣᠲᠣᠠᠴᠠ 7700 — 7400 ᠤᠨᠤ ᠬᠤᠭᠤᠷᠤᠨᠳᠤ）ᠤᠨ ᠪᠠᠭᠤᠷᠢ ᠵᠢᠨ ᠬᠡᠯᠪᠡᠷᠢ ᠪᠦᠲᠦᠴᠡ᠂ ᠪᠠᠭ᠋ᠠᠨᠠ ᠵᠢᠨ ᠰᠠᠭᠤᠷᠢ ᠨᠦᠬᠡᠨᠤ ᠵᠢᠭᠰᠠᠭ᠋ᠠᠯᠲᠠ᠂ ᠭᠦᠢ᠍ᠬᠡᠨ ᠵᠤᠤᠬᠠ ᠵᠡᠷᠭᠡ ᠣᠨᠴᠠᠯᠢᠭᠨᠢ ᠠᠤᠬᠠᠨ ᠬᠣᠰᠢᠭᠤᠨᠤ ᠰᠢᠩ ᠯᠦᠩ ᠸᠠ ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠬᠡᠷᠤᠨ ᠪᠠᠭᠤᠷᠢᠲᠠᠢ ᠠᠳᠠᠯᠢᠪᠲᠤᠷ ᠪᠠᠶ᠋ᠢᠵᠤ᠂ ᠰᠢᠷᠭᠤᠯᠵᠢᠨ ᠬᠡᠯᠪᠡᠷᠢᠲᠦ ᠴᠢᠯᠠᠭᠤᠨ ᠬᠤᠰᠤᠭᠤᠷᠨᠢ ᠪᠠᠶᠠᠨᠴᠠᠭ᠋ᠠᠨ ᠰᠤᠶᠤᠯᠤᠨ ᠬᠣᠶᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ B ᠲᠥᠷᠥᠯᠤᠨ ᠴᠢᠯᠠᠭᠤᠨ ᠬᠤᠰᠤᠭᠤᠷᠠᠴᠠ ᠳᠠᠪᠰᠢᠩᠭᠤᠶ ᠲᠠᠯᠠᠲᠠᠢ ᠪᠠᠢ᠌ᠵᠤ᠂ ᠨᠦᠬᠡᠯᠡᠭᠰᠡᠨ ᠴᠢᠯᠠᠭᠤᠨ ᠬᠤᠰᠤᠭᠤᠷᠢ ᠹᠦᠰᠢᠨᠤ ᠴᠠ ᠬᠠᠢ ᠵᠢᠨ ᠰᠢᠩ ᠯᠦᠩ ᠸᠠ ᠰᠣᠶᠣᠯᠤᠨ ᠦᠯᠡᠳᠡᠭᠳᠡᠯᠠᠴᠠ ᠢᠯᠡᠷᠡᠭᠦᠯᠵᠡᠢ᠃ ᠵᠢᠵᠢᠭ ᠲᠡᠭᠰᠢ ᠢᠷᠤᠭ᠋ᠠᠷᠲᠠᠢ ᠰᠠᠭᠤᠯᠭ᠋ᠠᠨ ᠸᠠᠭ᠋ᠠᠷ ᠰᠠᠪᠠ ᠵᠢᠨ ᠬᠢᠬᠦ ᠠᠷᠭᠠ ᠪᠠ ᠬᠡᠯᠪᠡᠷᠢ ᠪᠦᠲᠦᠴᠡᠨᠢ ᠺᠠᠩ ᠪᠦᠦ ᠵᠢᠨ ᠰᠢᠩ ᠯᠦᠩᠤᠨ ᠬᠣᠶᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠰᠣᠶᠣᠯᠤᠨ ᠦᠯᠡᠳᠡᠭᠳᠡᠯ ᠪᠣᠯᠬᠤ ᠵᠢᠵᠢᠭ ᠲᠡᠭᠰᠢ ᠢᠷᠤᠭ᠋ᠠᠷᠲᠠᠢ ᠰᠠᠭᠤᠯᠠᠭ᠋ᠠᠨ ᠸᠠᠭ᠋ᠠᠷ ᠰᠠᠪᠠᠲᠠᠢ ᠮᠠᠰᠢ ᠣᠶ᠋ᠢᠷᠠᠯᠴᠠᠭᠠ ᠪᠠᠶ᠋ᠢᠵᠤ᠂ ᠪᠦᠷ ᠪᠥᠭᠡᠷᠡᠩᠭᠬᠡᠢ ᠲᠤᠲᠤᠷ ᠢᠷᠤᠭ᠋ᠠᠷᠲᠠᠢ ᠪᠠᠶ᠋ᠢᠵᠤ᠂ ᠢᠷᠣᠭ᠋ᠠᠷᠤᠨ ᠭᠠᠳᠠᠷ ᠬᠡᠰᠡᠭᠢ ᠰᠢᠪᠠᠷ ᠵᠶ᠋ᠠᠷ ᠪᠦᠷᠢᠵᠦ ᠲᠠᠭᠯᠠᠭ᠋ᠠᠳ ᠵᠢᠵᠢᠭ ᠲᠡᠭᠰᠢ ᠢᠷᠣᠭ᠋ᠠᠷᠲᠠᠢ ᠪᠣᠯᠭ᠋ᠠᠭᠰᠠᠨᠨᠢ ᠰᠢᠩ ᠯᠦᠩᠤᠨ ᠬᠣᠶᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲᠤᠨ ᠨᠥᠯᠥᠭᠡ ᠵᠢ ᠬᠦᠷᠲᠡᠭᠰᠡᠨᠠᠴᠠ ᠪᠣᠯᠤᠭᠰᠠᠨ ᠶᠤᠮ᠃
ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠲᠠᠪᠤᠳᠤᠭ᠋ᠠᠷ ᠪᠦᠯᠦᠭᠤᠨ ᠦᠯᠡᠳᠡᠭᠳᠡᠯ （ᠣᠲᠣᠠᠴᠠ 6800 — — 6400 ᠣᠨᠤ ᠬᠣᠭᠣᠷᠣᠨᠳᠣ）ᠠᠴᠠ ᠣᠯᠳᠠᠭᠰᠠᠨ ᠤᠯᠤᠰᠤᠨ ᠲᠣᠳᠣᠭ᠋ᠠᠳᠤᠳᠤ ᠨᠢᠭᠡᠨᠲᠡ ᠮᠡᠳᠡᠭᠳᠡᠭᠰᠡᠨ ᠴᠣᠷᠤᠨ ᠭᠠᠭᠴᠠ ᠱᠤᠪᠤᠭᠤᠷ ᠪᠥᠭᠡᠷᠡᠩᠭᠬᠡᠢ ᠰᠠᠭᠤᠷᠢᠲᠠᠢ ᠸᠠᠭ᠋ᠠᠷ ᠰᠠᠪᠠᠨᠢ ᠣᠷᠣᠰᠤᠨ ᠪᠠᠶ᠋ᠢᠭ᠋ᠠᠯ ᠨᠠᠭᠤᠷᠤᠨ ᠺᠠᠯᠢᠩᠭᠠ ᠭᠣᠤᠯᠤᠨ ᠠᠮᠠ᠂ ᠶᠤᠨᠢᠰᠸᠢ ᠵᠢᠨ ᠰᠠᠪᠠ ᠭᠠᠵᠠᠷᠤᠨ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ ᠪᠠᠭᠤᠷᠢᠠᠴᠠ ᠣᠯᠳᠠᠭᠰᠠᠨ ᠲᠣᠮᠣ ᠠᠮᠠᠰᠠᠷᠲᠤ ᠪᠥᠭᠡᠷᠡᠩᠬᠡᠢ ᠰᠠᠭᠤᠷᠢᠲᠠᠢ ᠸᠠᠭ᠋ᠠᠷ ᠰᠠᠪᠠ ᠵᠢᠨ ᠬᠢᠴᠡ᠂ ᠬᠡ ᠤᠭ᠋ᠠᠯᠵᠠ᠂ ᠬᠢᠬᠦ ᠠᠷᠭᠠ ᠮᠠᠶᠢᠭᠲᠠᠢ ᠮᠠᠰᠢ ᠠᠳᠠᠯᠢᠪᠲᠤᠷ ᠪᠠᠢ᠌ᠵᠤ᠂ ᠰᠸᠲᠠᠢ ᠵᠢᠨ ᠡᠪᠦᠭᠡ ᠳᠡᠭᠡᠳᠦᠰ ᠪᠤᠯᠤᠨ ᠣᠷᠣᠰᠤᠨ ᠪᠠᠢ᠌ᠭ᠋ᠠᠯ ᠨᠠᠭᠤᠷ ᠳᠠᠭ᠋ᠠᠤ ᠤᠷᠤᠨᠤ ᠰᠤᠶᠤᠯᠤᠨ ᠰᠤᠯᠢᠯᠴᠠᠭᠠ ᠪᠠ ᠲᠡᠳᠡᠨᠤ ᠬᠤᠭᠤᠷᠤᠨᠳᠤᠬᠢ ᠶᠠᠪᠤᠯᠴᠠᠭᠠ ᠵᠢ ᠳᠤᠰᠬᠠᠭᠰᠠᠨ ᠪᠠᠢ᠌ᠳᠠᠭ᠃
ᠰᠸᠲᠠᠢ ᠪᠠᠭᠤᠷᠢ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠳᠦᠯᠴᠡᠯᠤᠨ ᠲᠠᠶ᠋ᠢᠯᠪᠤᠷᠢ ᠵᠢᠷᠤᠭ᠃
ᠰᠸᠲᠠᠢ ᠵᠢᠨ ᠪᠠᠭᠤᠷᠢᠳᠤ ᠲᠦᠮᠡᠨ ᠵᠢᠯᠤᠨ ᠡᠮᠦᠨᠡ ᠡᠭᠦᠰᠦᠭᠰᠡᠨ ᠦᠯᠢᠭᠡᠷ ᠪᠣᠯ ᠳᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠬᠥᠭᠵᠢᠯᠲᠡ ᠵᠢᠨ ᠶᠠᠪᠤᠴᠠᠳᠠᠬᠢ ᠨᠢᠭᠡ ᠬᠡᠰᠡᠭᠨᠢ ᠪᠣᠯᠤᠨᠠ᠂ ᠭᠡᠪᠡᠴᠦ ᠲᠡᠷᠡᠨᠢ ᠥᠨᠥ ᠬᠦᠷᠲᠡᠯᠠ ᠳᠤᠮᠳᠠᠳᠤᠴᠤᠳᠢ ᠨᠥᠯᠦᠭᠡᠯᠡᠭᠰᠡᠨ ᠪᠣᠯᠪᠠᠰᠤᠨᠤ ᠦᠨᠳᠦᠰᠦᠨ ᠴᠢᠨᠠᠷ — ᠤᠳᠤᠮᠰᠢᠯᠢ ᠬᠦᠨᠳᠦᠳᠬᠡᠬᠦ᠂ ᠰᠢᠨᠡ ᠵᠢ ᠡᠭᠦᠳᠬᠦ᠂ ᠵᠣᠬᠢᠴᠠᠬᠤ ᠪᠠ ᠪᠠᠭᠲᠠᠭ᠋ᠠᠬᠤ ᠵᠢ ᠮᠠᠰᠢ ᠰᠠᠢ᠍ᠢ᠍ᠨ ᠢᠯᠡᠷᠡᠭᠦᠯᠦᠭᠰᠡᠨ ᠶᠤᠮ᠃
ᠵᠣᠬᠢᠶᠠᠭᠴᠢ ᠵᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄
ᠵᠠᠩ ᠸᠧᠨ ᠷᠦᠢ᠂ ᠥᠨᠥ ᠵᠢᠨ ᠡᠾᠸᠪᠸᠢ ᠮᠤᠵᠢ ᠵᠢᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠤᠳᠤᠯᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ᠂ ᠬᠦᠷᠢᠶᠡᠯᠡᠩᠤᠨ ᠳᠠᠷᠤᠭᠠ᠂ ᠰᠤᠳᠤᠯᠭ᠋ᠠᠨᠤ ᠰᠠᠩᠴᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠨᠡᠶ᠋ᠢᠭᠡᠮᠯᠢᠭᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠡᠾᠸᠪᠸᠢ ᠮᠤᠵᠢ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠨᠡᠢ᠍ᠭᠡᠮᠯᠢᠭᠤᠨ ᠳᠠᠷᠤᠭᠠ ᠵᠡᠷᠭᠡ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ ᠪᠤᠢ᠃ ᠯᠤᠸᠠᠨ ᠰᠢᠶᠠᠨᠤ ᠾᠧᠦ ᠴᠢᠶᠠᠨ ᠢ ᠵᠢᠨ ᠪᠠᠭᠤᠷᠢ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠮᠠᠯᠲᠠᠯᠲᠠ ᠵᠢᠨ ᠠᠵᠢᠯᠢ ᠡᠷᠬᠢᠯᠡᠨ ᠶᠠᠪᠤᠭᠤᠯᠵᠤ᠂ 《ᠲᠠᠩᠱ᠌ᠠᠨᠤ ᠾᠧᠦ ᠴᠢᠶᠠᠨ ᠢ ᠵᠢᠨ ᠪᠠᠭᠤᠷᠢ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠭᠤᠳᠠᠯᠤᠯᠲᠠ ᠵᠢᠨ ᠠᠵᠢᠯᠤᠨ ᠮᠡᠳᠡᠭᠦᠯᠦᠯᠲᠡ ᠵᠢᠴᠢ ᠡᠾᠸᠪᠸᠢ ᠵᠢᠨ ᠵᠡᠭᠦᠨ ᠬᠡᠰᠡᠭᠤᠨ ᠭᠠᠵᠠᠷ ᠣᠷᠣᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠰᠤᠳᠤᠯᠤᠯ》 （ᠠᠷᠪᠠᠨ ᠵᠢᠷᠭᠤᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠡᠾᠸᠪᠸᠢ ᠮᠤᠵᠢ ᠵᠢᠨ ᠨᠡᠶ᠋ᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠢᠯᠢᠳᠡᠭ ᠦᠷᠡ ᠪᠦᠲᠦᠭᠡᠯᠤᠨ ᠱᠠᠩᠨᠠᠯᠤᠨ ᠬᠣᠶᠠᠳᠤᠭ᠋ᠠᠷ ᠳᠡᠰᠤᠨ ᠱᠠᠩᠨᠠᠯ）᠂ 《ᠱ᠌ᠢ ᠵᠢᠶᠠ ᠵᠤᠸᠠᠩᠤᠨ ᠯᠦ᠍ ᠴᠢᠤᠸᠠᠨ᠂ ᠶᠤᠸᠠᠨ ᠣᠪᠣᠭᠲᠤ ᠵᠢᠨ ᠡᠮᠦᠨᠡᠲᠦ ᠵᠢᠨ ᠤᠰᠤ ᠵᠢ ᠤᠮᠠᠷᠠᠰᠢ ᠲᠠᠲᠠᠬᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠮᠠᠯᠲᠠᠯᠲᠠ ᠵᠢᠨ ᠮᠡᠳᠡᠭᠦᠯᠦᠯᠲᠡ》 ᠵᠡᠷᠭᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠵᠣᠬᠢᠶᠠᠯᠢ ᠲᠤᠭᠤᠷᠪᠢᠨ ᠪᠢᠴᠢᠵᠡᠶ᠃ 《ᠡᠾᠸᠪᠸᠢ ᠮᠤᠵᠢ ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠤᠳᠠᠭ᠋ᠠᠨᠤ ᠪᠥᠬᠥ ᠤᠯᠤᠰᠤᠨ ᠲᠡᠤᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠤᠨ ᠨᠡᠶ᠋ᠢᠳᠡᠮᠤᠨ ᠪᠠᠶ᠋ᠢᠴᠠᠭ᠋ᠠᠯᠲᠠ》 （ᠪᠠᠯᠠᠷ ᠡᠷᠲᠡᠨᠤ ᠬᠡᠰᠡᠭ） ᠵᠢᠨ ᠭᠦᠢ᠍ᠴᠡᠳᠬᠡᠬᠦ ᠭᠣᠤᠯ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ ᠪᠤᠢ᠃
ᠣᠷᠴᠢᠭᠤᠯᠤᠭᠴᠢ᠄ ᠴᠢ᠊· ᠰᠡᠴᠡᠨ
ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠢᠮᠡᠭ
