ᠣᠢ᠌ᠷᠠᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠮᠦᠽᠧᠢᠳᠤ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠢ᠌ᠭᠠ ᠤᠳᠤᠠᠴᠠ 2000 ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡᠬᠢ ᠬᠦᠷᠡᠯ ᠵᠡᠪᠰᠡᠭᠨᠢ ᠮᠠᠰᠢ ᠤᠯᠠᠨ ᠵᠢᠭᠤᠯᠴᠢᠳᠤᠨ ᠰᠣᠨᠢᠷᠬᠠᠯᠢ ᠲᠠᠳᠠᠵᠠᠢ᠃ ᠬᠦᠷᠡᠯ ᠵᠡᠪᠰᠡᠭ ᠳᠡᠭᠡᠷᠡ᠂ ᠬᠡᠦᠴᠦᠳ ᠬᠢᠲᠠᠳᠴᠤᠳ ᠲᠦᠳᠡᠭ ᠭᠠᠯᠤᠨ ᠲᠣᠭᠣᠷᠢᠨᠳᠤ ᠤᠶᠠᠬᠠᠨ ᠪᠦᠵᠢᠭᠯᠡᠵᠦ ᠨᠠᠢ᠌ᠷᠠᠯᠳᠤᠨ ᠪᠠᠶᠠᠷᠯᠠᠯᠳᠤᠨᠠ᠃ ᠡᠨᠡ ᠬᠦ᠌ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰᠤᠨ ᠨᠡᠷᠡᠨᠢ ᠪᠥᠵᠢᠭᠴᠢᠨ ᠪᠣᠯᠣᠨ ᠠᠷᠢᠶᠠᠲᠠᠨᠤ ᠬᠡᠲᠠᠢ ᠭᠠᠷᠠᠬᠠᠨ ᠴᠢᠬᠢᠲᠦ ᠬᠦᠷᠡᠯ ᠳᠡᠪᠦᠷᠡ ᠭᠡᠳᠡᠭ᠂ ᠡᠨᠡᠨᠢ ᠴᠦᠨ ᠴᠢᠦ ᠪᠠᠢ᠌ᠯᠳᠤᠭ᠋ᠠᠨᠲᠤ ᠤᠯᠤᠰᠤᠨ ᠦᠶᠡ ᠵᠢᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰ ᠪᠠᠢ᠌ᠵᠤ᠂ ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮ ᠳᠠᠭ᠋ᠠᠤ ᠵᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠯᠢᠶᠡᠩᠴᠧᠩ ᠰᠢᠶᠠᠨᠠᠴᠠ ᠮᠠᠯᠲᠠᠵᠤ ᠢᠯᠡᠷᠡᠭᠦᠯᠦᠭᠰᠡᠨ ᠶᠤᠮ᠃
ᠪᠦᠵᠢᠭᠴᠢᠨ ᠪᠠ ᠠᠷᠢᠶᠠᠲᠠᠨᠤ ᠬᠡᠲᠠᠢ ᠭᠠᠷᠠᠬᠠᠨ ᠴᠢᠬᠢᠲᠦ ᠬᠦᠷᠡᠯ ᠳᠡᠪᠦᠷᠡ᠃ ᠰᠢᠨᠬᠤᠸᠠ ᠬᠣᠷᠢᠶᠠ ᠲᠠᠷᠬᠠᠭ᠋ᠠᠪᠠ
118.3 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠠᠴᠠ ᠡᠢ᠌ᠮᠦᠷᠬᠦᠦ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰᠢ ᠮᠠᠰᠢ ᠤᠯᠠᠨ ᠮᠠᠯᠲᠠᠵᠤ ᠭᠠᠷᠭ᠋ᠠᠭᠰᠠᠨ ᠪᠠᠢ᠌ᠨᠠ᠃ ᠥᠪᠥᠷ ᠮᠣᠩᠭᠣᠯᠳᠤ ᠴᠢᠨ ᠤᠯᠤᠰ᠂ ᠬᠠᠨ ᠤᠯᠤᠰ᠂ ᠠᠯᠲᠠᠨ ᠤᠯᠤᠰ᠂ ᠮᠢᠩ ᠤᠯᠤᠰ ᠵᠡᠷᠭᠡ ᠲᠡᠦᠬᠡᠨ ᠴᠠᠭ ᠦᠶᠡ ᠵᠢᠨ 11 ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮ ᠬᠥᠨᠳᠡᠯᠢᠰᠴᠦ᠂ ᠪᠥᠬᠥ ᠣᠷᠳᠣᠨᠢ 7570 ᠺᠢᠯᠣᠮᠧᠲᠷᠲᠤ ᠬᠦᠷᠴᠡᠢ᠃ ᠡᠨᠡ ᠭᠡᠰᠡᠭ ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮᠤᠨ ᠣᠷᠣᠨ ᠪᠦᠰᠡᠨᠢ ᠲᠠᠷᠢᠶᠠᠯᠠᠬᠤ ᠪᠠ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠠᠷᠭᠠ ᠬᠡᠯᠪᠡᠷᠢ ᠵᠢᠨ ᠠᠭᠤᠯᠵᠠᠷ ᠣᠷᠣᠨ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠣᠯᠠᠨ ᠦᠨᠳᠦᠰᠦᠲᠡᠨᠤ ᠰᠣᠶᠣᠯᠤᠨ ᠬᠠᠷᠭᠤᠯᠳᠤᠯᠤᠨ ᠰᠣᠶᠣᠯᠤᠨ ᠣᠨᠴᠠᠭ᠋ᠠᠶ ᠣᠷᠣᠨ ᠪᠦᠰᠡ ᠪᠣᠯᠬᠤ ᠶᠤᠮ᠃
ᠥᠪᠥᠷ ᠮᠣᠩᠭᠣᠯᠤᠨ ᠮᠦᠽᠧᠢ ᠵᠢᠨ ᠳᠡᠳ᠋ ᠳᠠᠷᠤᠭᠠ ᠵᠠᠩ ᠸᠸᠨ ᠫᠢᠩ ᠬᠡᠯᠡᠬᠦᠳᠤᠪᠠᠨ᠂ ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮᠨᠢ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠣᠯᠠᠨ ᠡᠰᠢᠲᠦ ᠨᠢᠭᠡ ᠴᠣᠭᠴᠠᠵᠢᠭᠰᠠᠨ ᠪᠠᠢ᠌ᠷᠢᠰᠢᠯᠤᠨ ᠪᠦᠷᠢᠯᠳᠦᠯ ᠪᠠ ᠬᠥᠭᠵᠢᠯᠲᠡᠳᠤ ᠴᠢᠬᠤᠯᠠ ᠶᠡᠬᠡ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠶᠤᠮ᠂ ᠣᠯᠠᠨ ᠵᠠᠭᠤᠨ ᠵᠢᠯᠤᠨ ᠲᠤᠷᠰᠢ᠂ ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮᠤᠨ ᠭᠠᠵᠠᠷ ᠣᠷᠣᠨ ᠵᠶ᠋ᠠᠷ 《ᠦᠯᠡᠳᠡᠭᠳᠡᠵᠦ ᠬᠣᠴᠣᠷᠤᠭᠰᠠᠨ》 ᠶᠡᠬᠡ ᠬᠡᠮᠵᠢᠶᠡᠨᠤ ᠨᠠᠷᠢᠯᠢᠭ ᠰᠠᠢ᠌ᠬᠠᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰᠨᠢ ᠦᠨᠳᠦᠰᠦᠲᠡᠨᠤ ᠰᠣᠯᠢᠯᠴᠠᠭᠠ᠂ ᠰᠣᠶᠣᠯᠤᠨ ᠲᠣᠯᠢᠯᠠᠯ᠂ ᠠᠷᠠᠯᠵᠢᠶᠠ ᠶᠠᠪᠤᠯᠴᠠᠭᠠ ᠵᠢᠨ ᠢᠮ ᠲᠠᠮᠠᠭᠠᠨᠤᠭᠤᠳᠢ ᠮᠦᠬᠦᠯᠢᠭ ᠮᠦᠬᠦᠯᠢᠭ ᠰᠤᠪᠤᠳ ᠵᠶ᠋ᠠᠷ ᠭᠡᠯᠬᠢᠭᠰᠡᠨ ᠮᠡᠲᠦ ᠪᠠᠢ᠌ᠵᠤ᠂ ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮ ᠳᠠᠭ᠋ᠠᠤᠠᠴᠠ ᠮᠠᠯᠲᠠᠵᠤ ᠭᠠᠷᠭ᠋ᠠᠭᠰᠠᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰ ᠪᠣᠯ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠵᠢᠨ ᠴᠣᠭᠴᠠ ᠵᠢᠨ ᠴᠢᠬᠤᠯᠠ ᠭᠡᠷᠡᠴᠢ ᠮᠥᠨ ᠬᠡᠵᠠᠢ᠃
ᠥᠪᠥᠷ ᠮᠣᠩᠭᠣᠯᠠᠴᠠ ᠠᠭᠤᠳᠠᠯᠵᠤ ᠢᠯᠡᠷᠡᠭᠦᠯᠦᠭᠰᠡᠨ 1500 ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡᠬᠢ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠬᠠᠭ᠋ᠠᠨᠤ ᠲᠡᠭᠷᠢ ᠲᠠᠬᠢᠯᠭᠠ ᠵᠢᠨ ᠪᠠᠭᠤᠷᠢ᠃ 2020 ᠣᠨᠤ 10 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠰᠢᠨᠬᠤᠸᠠ ᠬᠣᠷᠢᠶᠠᠨᠤ ᠰᠤᠷᠪᠤᠯᠵᠢᠯᠠᠭᠴᠢ ᠫᠸᠩ ᠶᠤᠸᠠᠨ ᠰᠡᠭᠦᠳᠡᠷᠯᠡᠪᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠬᠥᠬᠡᠬᠣᠲᠠ ᠵᠢᠨ ᠳᠠᠯᠠᠨ ᠬᠠᠷᠠ ᠠᠭᠤᠯᠠᠨᠳᠤ ᠪᠠᠢ᠌ᠭᠠ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠬᠠᠭ᠋ᠠᠨᠤ ᠲᠡᠭᠷᠢ ᠲᠠᠬᠢᠯᠭᠠ ᠵᠢᠨ ᠪᠠᠭᠤᠷᠢᠨᠢ ᠨᠢᠭᠡᠨᠲᠡ ᠮᠢᠩᠭᠠ ᠭᠠᠷᠤᠢ ᠵᠢᠯ ᠪᠣᠯᠵᠤ ᠪᠠᠢ᠌ᠨᠠ᠃ 2019 ᠣᠨᠠᠴᠠ 2022 ᠣᠨ ᠪᠣᠯᠲᠠᠯᠠᠬᠢ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠭᠤᠳᠠᠯᠵᠤ ᠢᠯᠡᠷᠡᠭᠦᠯᠬᠦ ᠶᠠᠪᠤᠴᠠᠳᠤ᠂ ᠬᠠᠭᠤᠴᠢ ᠰᠤᠳᠤᠯᠤᠭᠴᠢᠳ ᠲᠡᠭᠦᠨᠳᠤ ᠠᠭᠤᠯᠤᠭᠳᠠᠵᠤ ᠪᠠᠢ᠌ᠭᠠ ᠲᠡᠦᠬᠡ ᠰᠣᠶᠣᠯᠤᠨ ᠮᠡᠳᠡᠭᠡ ᠵᠠᠩᠭᠢ ᠵᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠤᠳᠤᠯᠤᠨ ᠢᠯᠡᠷᠡᠭᠦᠯᠵᠦ ᠪᠠᠢ᠌ᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠦᠷᠢᠶᠡᠯᠡᠩᠤᠨ ᠰᠤᠳᠤᠯᠤᠭᠴᠢ ᠳ᠋ᠠᠨᠳᠠᠷ ᠲᠠᠨᠢᠯᠴᠠᠭᠤᠯᠬᠤᠳᠤᠪᠠᠨ᠂ ᠡᠨᠡ ᠪᠣᠯ 1500 ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡ᠂ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠰᠢᠶᠣᠣ ᠸᠸᠨ ᠳ᠋ᠢ ᠬᠠᠭ᠋ᠠᠨ ᠨᠡᠢ᠌ᠰᠯᠡᠯ ᠵᠶ᠋ᠡᠨ ᠯᠦᠸᠸᠶᠠᠩᠳᠤ ᠨᠡᠭᠦᠯᠭᠡᠬᠦᠠᠴᠠ ᠡᠮᠦᠨᠡ ᠮᠤᠨᠢ ᠠᠭᠤᠯᠠᠨᠳᠤ ᠬᠦᠷᠴᠦ ᠲᠡᠭᠷᠢ ᠵᠢ ᠳᠠᠭᠢᠵᠤ ᠲᠡᠭᠷᠢ ᠵᠢᠨ ᠦᠵᠡᠭᠳᠡᠯᠢ ᠬᠠᠢ᠌ᠨ ᠠᠵᠢᠭᠰᠠᠨ ᠭᠠᠵᠠᠷ ᠶᠤᠮ᠂ ᠳᠠᠷᠤᠢ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠬᠠᠭ᠋ᠠᠨᠤ ᠲᠡᠭᠷᠢ ᠲᠠᠬᠢᠯᠭᠠ ᠵᠢᠨ ᠪᠠᠭᠤᠷᠢ ᠪᠣᠯᠣᠨᠠ᠂ ᠲᠡᠭᠦᠨᠤ ᠬᠡᠯᠪᠡᠷᠢᠨᠢ ᠪᠡᠭᠡᠵᠢᠩᠲᠠᠬᠢ ᠮᠢᠩ ᠤᠯᠤᠰ᠂ ᠴᠢᠩ ᠤᠯᠤᠰᠤᠨ ᠦᠶᠡ ᠵᠢᠨ ᠲᠡᠭᠷᠢ ᠵᠢᠨ ᠮᠠᠨᠳᠠᠯᠲᠠᠢ ᠠᠳᠠᠯᠢᠪᠲᠤᠷ ᠪᠠᠢ᠌ᠳᠠᠭ᠂ ᠭᠡᠪᠡᠴᠦ ᠢᠯᠭ᠋ᠠᠭᠠᠨᠢ ᠭᠡᠪᠡᠯ ᠲᠡᠭᠷᠢ ᠵᠢᠨ ᠮᠠᠨᠳᠠᠯ ᠪᠤᠯ ᠵᠠᠳᠠᠭ᠋ᠠᠢ ᠲᠠᠪᠴᠠᠩ᠂ ᠬᠠᠷᠢᠨ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠬᠠᠭ᠋ᠠᠨᠤ ᠲᠡᠭᠷᠢ ᠲᠠᠬᠢᠯᠭᠠ ᠵᠢᠨ ᠪᠠᠭᠤᠷᠢ ᠪᠣᠯ ᠨᠢᠭᠡᠨ ᠲᠣᠭᠣᠷᠢᠭ ᠬᠡᠯᠪᠡᠷᠢᠲᠠᠢ ᠪᠠᠢ᠌ᠰᠢᠩ ᠪᠣᠯᠣᠨᠠ᠃
《ᠮᠠᠨᠤ ᠤᠯᠤᠰᠤᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠨᠢᠭᠡ ᠤᠳᠠᠭ᠋ᠠᠨᠤ ᠦᠨᠳᠦᠰᠦᠲᠡᠨᠤ ᠴᠢᠬᠤᠯᠠ ᠶᠡᠬᠡ ᠠᠭᠤᠰᠤᠯᠴᠠᠯᠨᠢ ᠤᠮᠠᠷᠠᠲᠤ ᠵᠢᠨ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨᠤ ᠲᠤᠪᠠ ᠰᠢᠶᠡᠨᠪᠢ ᠵᠢᠨ ᠪᠠᠢ᠌ᠭᠤᠯᠤᠭᠰᠠᠨ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠦᠶᠡᠳᠤ ᠪᠤᠢ ᠪᠣᠯᠣᠭᠰᠠᠨ ᠶᠤᠮ᠂ ᠢᠯᠠᠩᠭᠤᠶᠠ ᠰᠢᠶᠣᠣ ᠸᠸᠨ ᠳ᠋ᠢ ᠲᠣᠪᠠ ᠬᠣᠩ ᠬᠢᠲᠠᠳᠴᠢᠯᠠᠬᠤ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ᠂ ᠨᠡᠢ᠌ᠰᠯᠡᠯ ᠵᠶ᠋ᠡᠨ ᠵᠦᠩᠶᠤᠸᠠᠨ ᠣᠷᠣᠨᠳᠤ ᠨᠡᠭᠦᠯᠭᠡᠭᠰᠡᠨ ᠵᠶ᠋ᠡᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠵᠦᠩᠶᠤᠸᠠᠨ ᠣᠷᠣᠨᠤ ᠰᠣᠶᠣᠯ ᠪᠠ ᠪᠠᠢ᠌ᠭᠤᠯᠤᠯᠢ ᠢᠳᠡᠪᠬᠢᠲᠡᠢᠪᠠᠷ ᠰᠢᠩᠭᠡᠬᠡᠨ ᠠᠪᠤᠭᠰᠠᠨ ᠶᠤᠮ᠃ ᠲᠠᠷᠢᠶᠠᠯᠠᠬᠤ ᠠᠵᠤ ᠠᠬᠤᠢ ᠪᠠ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠠᠵᠤ ᠠᠬᠤᠢ ᠵᠢᠨ ᠪᠠᠢ᠌ᠭ᠋ᠠᠯᠢᠯᠢᠭ ᠵᠠᠭ᠋ᠠᠭ ᠱᠤᠭᠤᠮ ᠪᠤᠯᠬᠤ ᠮᠤᠨᠢ ᠠᠭᠤᠯᠠ ᠵᠢᠨ ᠣᠷᠭᠢᠯᠳᠤ ᠪᠠᠢ᠌ᠷᠢᠯᠠᠭᠰᠠᠨ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠬᠠᠭ᠋ᠠᠨᠤ ᠲᠡᠭᠷᠢ ᠲᠠᠬᠢᠯᠭᠠ ᠵᠢᠨ ᠪᠠᠭᠤᠷᠢᠨᠢ ᠬᠡᠯᠪᠡᠷᠢ ᠵᠢᠨ ᠲᠠᠯᠠᠪᠠᠷ ᠵᠦᠩᠶᠤᠸᠠᠨ ᠣᠷᠣᠨᠤ ᠸᠠᠩᠲᠤ ᠲᠥᠷᠥ ᠵᠢᠨ ᠲᠠᠬᠢᠯᠭᠠ ᠵᠢᠨ ᠶᠤᠰᠤᠯᠠᠯᠢ ᠤᠮᠠᠷᠠᠲᠤ ᠵᠢᠨ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨᠤ ᠲᠠᠬᠢᠯᠭᠠ ᠵᠢᠨ ᠤᠯᠠᠮᠵᠢᠯᠠᠯᠯᠤᠭᠠ ᠤᠶᠠᠯᠳᠤᠭᠤᠯᠵᠤ᠂ 1500 ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡᠬᠢ ᠦᠨᠳᠦᠰᠦᠲᠡᠨᠤ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠭᠠ ᠵᠢᠨ ᠲᠡᠦᠬᠡ ᠵᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢ᠌ᠨᠠ》 ᠭᠡᠵᠦ ᠳ᠋ᠠᠨᠳᠠᠷ ᠶᠠᠷᠢᠵᠠᠢ᠃
ᠵᠡᠭᠦᠨ ᠲᠠᠯᠠ ᠵᠢᠨ ᠵᠢᠷᠤᠭ ᠪᠣᠯ ᠵᠢᠷᠭᠤᠭ᠋ᠠᠨ ᠵᠦᠢ᠍ᠯᠤᠨ ᠦᠰᠦᠭᠲᠦ ᠰᠥᠨᠢ ᠵᠢᠨ ᠴᠠᠭᠳᠠᠭᠤᠯᠤᠨ ᠫᠠᠢ᠌ᠰᠠ ᠵᠢᠨ ᠨᠢᠭᠤᠷ ᠲᠠᠯᠠ᠂ ᠪᠠᠷᠠᠭᠤᠨ ᠲᠠᠯᠠ ᠵᠢᠨ ᠵᠢᠷᠤᠭ ᠪᠣᠯ ᠵᠢᠷᠭᠤᠭ᠋ᠠᠨ ᠵᠦᠢ᠍ᠯᠤᠨ ᠦᠰᠦᠭᠲᠦ ᠰᠥᠨᠢ ᠵᠢᠨ ᠴᠠᠭᠳᠠᠭᠤᠯᠤᠨ ᠫᠠᠢ᠌ᠰᠠ ᠵᠢᠨ ᠠᠷᠤ ᠲᠠᠯᠠ᠃ ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠣᠯᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠤ ᠮᠦᠽᠧᠢ
ᠥᠪᠥᠷ ᠮᠣᠩᠭᠣᠯᠤᠨ ᠮᠦᠽᠧᠢ ᠵᠢᠨ ᠬᠠᠳᠠᠭ᠋ᠠᠯᠠᠮᠵᠢᠳᠤ 6 ᠵᠦᠢ᠍ᠯᠤᠨ ᠥᠰᠥᠭ ᠰᠡᠢ᠌ᠯᠦᠭᠰᠡᠨ ᠶᠤᠸᠠᠨ ᠤᠯᠤᠰᠤᠨ ᠵᠠᠷᠯᠢᠭᠤᠨ ᠫᠠᠢ᠌ᠰᠠ ᠪᠠᠢ᠌ᠳᠠᠭ᠃ ᠡᠨᠡ ᠬᠦ᠌ ᠬᠦᠷᠡᠯ ᠫᠠᠢ᠌ᠰᠠ ᠵᠢ ᠬᠥᠮᠥᠰ ᠵᠢᠷᠭᠤᠭ᠋ᠠᠨ ᠵᠦᠢ᠍ᠯᠤᠨ ᠦᠰᠦᠭᠲᠦ ᠰᠥᠨᠢ ᠵᠢᠨ ᠴᠠᠭᠳᠠᠭᠤᠯᠤᠨ ᠫᠠᠢ᠌ᠰᠠ ᠭᠡᠳᠡᠭ᠂ ᠲᠡᠷᠡᠨᠢ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰ ᠶᠤᠮ᠃ ᠵᠠᠩ ᠸᠸᠨ ᠫᠢᠩ ᠬᠡᠯᠡᠬᠦᠳᠤᠪᠠᠨ᠂ ᠬᠦᠷᠡᠯ ᠫᠠᠢ᠌ᠰᠠᠨ ᠳᠡᠭᠡᠷᠡᠬᠢ 6 ᠵᠦᠢ᠍ᠯᠤᠨ ᠥᠰᠥᠭ ᠪᠢᠴᠢᠭᠨᠢ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠴᠡᠷᠢᠭ ᠠᠩᠭᠢ ᠵᠢᠨ ᠬᠠᠮᠠᠭ᠋ᠠᠯᠠᠵᠤ ᠪᠠᠢ᠌ᠭᠰᠠᠨ ᠭᠠᠵᠠᠷ ᠣᠷᠣᠨᠳᠤ ᠬᠢᠲᠠᠳ ᠦᠨᠳᠦᠰᠦᠲᠡᠨ᠂ ᠲᠥᠪᠡᠳ ᠦᠨᠳᠦᠰᠦᠲᠡᠨ ᠪᠠ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠦᠨᠳᠦᠰᠦᠲᠡᠨᠤ ᠬᠥᠮᠥᠰ ᠴᠤᠭᠯᠠᠷᠠᠭᠰᠠᠨᠢ ᠳᠠᠮ ᠭᠡᠷᠡᠴᠢᠯᠡᠭᠰᠡᠨ ᠶᠤᠮ᠃
ᠥᠪᠥᠷ ᠮᠣᠩᠭᠣᠯᠤᠨ ᠰᠢᠯᠤᠭᠤᠨ ᠬᠥᠪᠡᠭᠡᠲᠦ ᠴᠠᠭ᠋ᠠᠨ ᠬᠣᠰᠢᠭᠤᠨᠤ ᠶᠡᠬᠡᠨᠠᠭᠤᠷᠤᠨ ᠣᠩᠭᠣᠳᠠᠴᠠ ᠮᠠᠯᠲᠠᠵᠤ ᠭᠠᠷᠭ᠋ᠠᠭᠰᠠᠨ ᠠᠯᠲᠠᠪᠠᠷ ᠥᠩᠭᠡᠯᠡᠭᠰᠡᠨ ᠮᠥᠩᠭᠥᠨ ᠠᠶᠠᠭᠠ᠃ ᠢᠷᠡᠯᠲᠡ᠄ ᠰᠣᠶᠣᠯ ᠬᠠᠭᠤᠴᠢᠳ ᠪᠦᠬᠦᠢ ᠳᠤᠮᠳᠠᠳᠤ ᠤᠯᠤᠰ
ᠥᠪᠥᠷ ᠮᠣᠩᠭᠣᠯᠤᠨ ᠤᠷᠳᠤ ᠴᠠᠭ᠋ᠠᠨ ᠬᠡᠷᠡᠮᠤᠨ ᠳᠠᠭ᠋ᠠᠤ ᠪᠠᠰᠠ ᠥᠷᠥᠨᠡᠳᠠᠬᠢᠨᠤ ᠣᠨᠴᠠᠯᠢᠭᠲᠠᠢ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰᠤᠨ ᠣᠩᠭᠣᠳᠢ ᠴᠥᠭᠡᠨ ᠪᠤᠰᠤ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢ᠌ᠨᠠ᠃ 2014 ᠣᠨᠳᠤ ᠪᠦᠬᠦ ᠤᠯᠤᠰᠤᠨ ᠠᠷᠪᠠᠨ ᠶᠡᠬᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠢᠨᠡᠪᠠᠷ ᠢᠯᠡᠷᠡᠭᠦᠯᠦᠭᠰᠡᠨ ᠥᠪᠥᠷ ᠮᠣᠩᠭᠣᠯᠤᠨ ᠰᠢᠯᠤᠭᠤᠨ ᠬᠥᠪᠡᠭᠡᠲᠦ ᠴᠠᠭ᠋ᠠᠨ ᠬᠣᠰᠢᠭᠤᠨᠤ ᠶᠡᠬᠡᠨᠠᠭᠤᠷᠤᠨ ᠣᠩᠭᠣᠳᠨᠢ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠤᠷᠳᠤ ᠴᠠᠭ᠋ᠠᠨ ᠬᠡᠷᠡᠮᠠᠴᠠ ᠤᠮᠠᠷᠠᠰᠢ᠂ ᠰᠢᠯᠢ ᠵᠢᠨ ᠭᠣᠣᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠥᠷᠥᠴᠡᠨᠳᠤ ᠪᠠᠢ᠌ᠷᠢᠯᠠᠵᠤ᠂ ᠲᠡᠷᠡᠨᠢ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠢᠵᠠᠭᠤᠷᠲᠠᠨᠤ ᠤᠭᠰᠠᠭᠠ ᠲᠦᠷᠦᠯᠤᠨ ᠤᠩᠭᠤᠨᠤ ᠭᠠᠵᠠᠷ ᠪᠣᠯᠣᠨᠠ᠃ ᠤᠩᠭᠤᠨᠠᠴᠠ ᠣᠯᠳᠠᠭᠰᠠᠨ ᠮᠥᠩᠭᠥᠨ ᠠᠶᠠᠭᠠ ᠵᠢᠨ ᠭᠠᠳᠠᠭᠤᠷᠨᠢ ᠥᠨᠳᠥᠷ ᠬᠠᠮᠠᠷᠲᠠᠢ᠂ ᠬᠦᠩᠬᠡᠷ ᠨᠢᠳᠦᠲᠠᠢ 4 ᠭᠠᠳᠠᠭ᠋ᠠᠳᠤ ᠤᠯᠤᠰᠤᠨ ᠬᠥᠮᠥᠨᠤ ᠴᠡᠭᠡᠵᠢᠨ ᠵᠢᠷᠤᠭᠢ ᠰᠡᠶ᠋ᠢᠯᠵᠦ᠂ ᠭᠤᠷᠪᠠᠨ ᠡᠮᠡᠭᠲᠡᠢ ᠨᠢᠭᠡ ᠡᠷᠡᠭᠲᠡᠢ᠂ ᠡᠷᠡᠭᠲᠡᠢᠨᠢ ᠰᠠᠬᠠᠯ ᠲᠠᠯᠪᠢᠵᠦ᠂ ᠭᠤᠷᠪᠠᠨ ᠡᠮᠡᠭᠲᠡᠢ ᠵᠢᠨ ᠭᠡᠵᠢᠭᠡᠨᠤ ᠬᠡᠯᠪᠡᠷᠢᠨᠢ ᠪᠦᠷ ᠠᠳᠠᠯᠢ ᠦᠭᠡᠢ᠃ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠦᠶᠡ ᠵᠢᠨ ᠪᠤᠰᠤᠳ ᠤᠩᠭᠤᠨᠠᠴᠠ ᠴᠤ᠌ ᠡᠢ᠌ᠮᠦᠷᠬᠦᠦ ᠬᠥᠮᠥᠰᠤᠨ ᠴᠡᠭᠡᠵᠢᠨ ᠵᠢᠷᠤᠭᠲᠠᠢ ᠮᠥᠩᠭᠥᠨ ᠠᠶᠠᠭᠠ ᠵᠢ ᠮᠠᠯᠳᠠᠵᠦ ᠭᠠᠷᠭ᠋ᠠᠭᠰᠠᠨ ᠪᠠᠢ᠌ᠨᠠ᠃
ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨᠤ ᠦᠵᠡᠬᠦᠪᠠᠷ᠂ ᠡᠨᠡ ᠬᠦ᠌ ᠤᠩᠭᠤᠨᠠᠴᠠ ᠣᠯᠳᠠᠭᠰᠠᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠨᠢ ᠰᠢᠶᠡᠨᠪᠢ ᠵᠢᠨ ᠰᠣᠶᠣᠯ ᠪᠤᠯᠤᠨ ᠬᠢᠲᠠᠳ ᠰᠣᠶᠣᠯᠤᠨ ᠢᠯᠡ ᠲᠣᠳᠣ ᠣᠨᠴᠠᠯᠢᠭᠲᠠᠢ ᠲᠡᠳᠦᠢ ᠦᠭᠡᠢ᠂ ᠴᠥᠭᠡᠨ ᠪᠤᠰᠤ ᠦᠯᠡᠳᠡᠭᠳᠡᠯᠤᠳᠨᠢ ᠪᠠᠰᠠ ᠬᠠᠷᠢ ᠭᠠᠵᠠᠷ ᠣᠷᠣᠨᠤ ᠣᠨᠴᠠᠯᠢᠭ ᠵᠶ᠋ᠠᠷ ᠢᠯᠡᠷᠬᠡᠢ ᠪᠠᠢ᠌ᠳᠠᠭ᠂ ᠡᠨᠡ ᠬᠦ᠌ ᠮᠥᠩᠭᠥᠨ ᠠᠶᠠᠭ᠋ᠠᠨ ᠳᠡᠭᠡᠷᠡᠬᠢ ᠬᠥᠮᠥᠨᠤ ᠳᠦᠷᠢ ᠲᠥᠷᠬᠦ ᠵᠢᠴᠢ ᠬᠡ ᠤᠭ᠋ᠠᠯᠵᠠ ᠵᠢᠨ ᠴᠢᠮᠡᠭᠯᠡᠯᠨᠢ ᠰᠠᠱ᠌ᠠᠨᠫᠸᠷᠰᠤᠨ ᠤᠷᠠᠯᠢᠭᠤᠨ ᠣᠨᠴᠠᠯᠢᠭ ᠪᠠ ᠭ᠋ᠷᠧᠭᠤᠨ ᠤᠷᠠᠯᠢᠭᠤᠨ ᠬᠡᠪ ᠨᠠᠮᠪᠠ ᠵᠢ ᠠᠭᠤᠰᠬᠠᠵᠤ᠂ ᠡᠷᠲᠡᠨᠤ ᠦᠶᠡ ᠵᠢᠨ ᠲᠤᠳᠤᠭ᠋ᠠᠳᠤ ᠭᠠᠳᠠᠭ᠋ᠠᠳᠤ ᠵᠢᠨ ᠪᠣᠯᠪᠠᠰᠤᠨᠤ ᠰᠣᠯᠢᠯᠴᠠᠭᠠ ᠵᠢ ᠰᠤᠳᠤᠯᠬᠤᠳᠤ ᠬᠣᠪᠣᠷ ᠨᠠᠨᠳᠢᠨ ᠪᠣᠳᠠᠲᠤ ᠮᠠᠲ᠋ᠧᠷᠢᠶᠠᠯ ᠬᠠᠩᠭ᠋ᠠᠭᠰᠠᠨ ᠪᠠᠢ᠌ᠨᠠ᠃
ᠣᠷᠴᠢᠭᠤᠯᠤᠭᠴᠢ᠄ ᠤᠷᠢᠬᠠᠨ
ᠬᠢᠨᠠᠨ ᠣᠷᠴᠢᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠣᠷᠴᠢᠭᠤᠯᠤᠭᠴᠢ᠄ ᠸᠠᠩ ᠰᠢᠦᠸᠠᠢ ᠳ᠋ᠦᠩ
