《ᠮᠣᠨᠢ ᠠᠭᠤᠯᠠ ᠵᠢᠨ ᠬᠣᠷᠮᠣᠢᠳᠤᠷ
ᠴᠡᠯᠡᠭᠡᠷ ᠠᠭᠤᠳᠠᠮ ᠲᠠᠯᠠ ᠨᠤᠲᠤᠭ
ᠮᠣᠩᠭᠣᠯ ᠭᠡᠷ ᠮᠡᠲᠦ ᠲᠡᠭᠷᠢ ᠢᠨᠤ
ᠬᠥᠳᠡᠭᠡ ᠬᠡᠭᠡᠷᠡ ᠵᠢ ᠪᠦᠷᠬᠦᠨᠡᠮ᠃
ᠥᠨᠳᠥᠷ ᠣᠭᠲᠠᠷᠭᠤᠢ ᠬᠥᠬᠡᠷᠡᠨ ᠬᠥᠬᠡᠷᠡᠵᠦ
ᠥᠷᠭᠡᠨ ᠲᠠᠯᠠ ᠰᠠᠷᠠᠭᠤᠯᠬᠠᠨ
ᠡᠪᠡᠰᠦ ᠰᠠᠯᠬᠢᠨᠠ ᠨᠠᠢ᠌ᠭᠤᠨ ᠨᠠᠢ᠌ᠭᠤᠬᠤᠢᠳᠤᠷ
ᠦᠬᠡᠷ ᠬᠣᠨᠢᠳ ᠢᠯᠡᠷᠡᠮᠦᠢ᠃》 — 《ᠴᠡᠯᠡᠭᠡᠷ ᠲᠠᠯᠠ ᠵᠢᠨ ᠳᠠᠭᠤᠤ》 ᠭᠡᠬᠦ ᠡᠨᠡ ᠬᠦ᠌ ᠡᠮᠦᠨᠡᠲᠦ ᠤᠮᠠᠷᠠᠲᠤ ᠲᠦᠷᠦ ᠵᠢᠨ ᠦᠶᠡ ᠵᠢᠨ ᠲᠠᠯᠠ ᠨᠤᠲᠤᠭᠤᠨ ᠮᠠᠯᠴᠢᠳᠤᠨ ᠳᠠᠭᠤᠤᠨᠢ ᠤᠨ ᠤᠳᠠᠭ᠋ᠠᠨ ᠵᠢᠯ ᠤᠯᠠᠮᠵᠢᠯᠠᠭᠳᠠᠨ ᠳᠠᠭᠤᠯᠠᠭᠳᠠᠵᠤ᠂ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠯᠡ ᠪᠢᠴᠢᠭᠤᠨ ᠵᠢᠭ᠋ᠠᠬᠤ ᠮᠠᠲ᠋ᠧᠷᠢᠶᠠᠯᠳᠤ ᠴᠦ᠍ ᠳᠡᠭᠦᠪᠦᠷᠢᠯᠡᠭᠳᠡᠭᠰᠡᠨ ᠪᠥᠭᠡᠳ ᠲᠣᠭᠠ ᠲᠣᠮᠰᠢ ᠦᠭᠡᠢ ᠬᠥᠮᠦᠰᠲᠤ ᠲᠠᠯᠠ ᠨᠤᠲᠤᠭᠤᠨ ᠲᠤᠬᠠᠢ ᠬᠠᠮᠤᠭᠤᠨ ᠠᠩᠬᠠᠨᠤ ᠳᠥᠰᠦᠭᠡᠯᠡᠯ ᠪᠣᠯᠣᠭᠰᠠᠭ᠋ᠠᠷ ᠢᠷᠡᠵᠡᠢ᠃
ᠴᠡᠯᠡᠭᠡᠷ ᠲᠠᠯᠠ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠬᠠᠷᠠᠭ᠋ᠠᠨ ᠰᠡᠷᠡᠯᠳᠠᠬᠢ ᠳᠤᠮᠳᠠᠳᠤ ᠤᠯᠤᠰ）
ᠬᠠᠲᠤᠨ ᠭᠣᠣᠯᠤᠨ ᠬᠣᠢ᠌ᠲᠤ ᠡᠷᠭᠢᠳᠠᠬᠢ ᠮᠤᠨᠢ ᠠᠭᠤᠯᠠ ᠵᠢᠨ ᠡᠮᠦᠨᠡ ᠬᠣᠷᠮᠣᠶ ᠵᠢᠨ ᠴᠡᠯᠡᠭᠡᠷ ᠲᠠᠯᠠ ᠵᠢᠨ ᠳᠡᠨᠵᠢᠨᠳᠤ ᠦᠵᠡᠰᠬᠦᠯᠡᠩᠲᠦ ᠰᠠᠢ᠌ᠬᠠᠨ ᠲᠠᠯᠠ ᠨᠤᠲᠤᠭᠤᠨ ᠬᠣᠲᠠ ᠪᠣᠯᠬᠤ ᠬᠥᠬᠡᠬᠣᠲᠠ ᠪᠠᠢ᠌ᠷᠢᠯᠠᠳᠠᠭ᠃ ᠬᠥᠬᠡᠬᠣᠲᠠ ᠪᠣᠯ ᠬᠦᠭᠡ ᠥᠩᠭᠡᠲᠠᠢ ᠬᠤᠳᠠ ᠭᠡᠰᠡᠨ ᠮᠣᠩᠭᠣᠯ ᠨᠡᠷᠡᠢ᠌ᠳᠦᠯᠢ ᠬᠢᠳᠠᠳ ᠵᠶ᠋ᠠᠷ ᠠᠪᠢᠶᠠᠴᠢᠯᠠᠭᠰᠠᠨ ᠨᠡᠷᠡ ᠪᠣᠯᠬᠤ ᠪᠥᠭᠡᠳ ᠪᠠᠰᠠ 《ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠬᠤᠳᠠ》 ᠴᠦ᠍ ᠭᠡᠳᠡᠭ᠃ ᠳᠡᠭᠡᠪᠡᠯ ᠰᠠᠨ ᠨᠢᠶᠠᠩ ᠽᠢ ᠭᠡᠭᠴᠢ ᠬᠡᠨ ᠪᠤᠢ？ ᠶᠠᠭ᠋ᠠᠬᠢᠭ᠋ᠠᠳ ᠬᠥᠬᠡᠬᠣᠲᠠ ᠵᠢ 《ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠬᠤᠳᠠ》 ᠭᠡᠵᠦ ᠨᠡᠷᠡᠯᠡᠭᠰᠡᠨ ᠪᠤᠢ？
ᠬᠥᠬᠡᠬᠣᠲᠠ ᠵᠢᠨ ᠥᠩᠭᠡ ᠦᠵᠡᠮᠵᠢ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠬᠠᠷᠠᠭ᠋ᠠᠨ ᠰᠡᠷᠡᠯᠳᠠᠬᠢ ᠳᠤᠮᠳᠠᠳᠤ ᠤᠯᠤᠰ）
ᠠᠯᠳᠠᠨ ᠬᠠᠨ ᠡᠷᠭᠦᠮᠵᠢᠯᠡᠯ ᠬᠦᠷᠲᠡᠭᠰᠡᠨᠨᠢ
ᠮᠢᠩ ᠤᠯᠤᠰ ᠪᠠᠢ᠌ᠭᠤᠯᠤᠭᠳᠠᠭᠰᠠᠨᠠᠴᠠ ᠨᠠᠭ᠋ᠠᠰᠢ ᠤᠮᠠᠷᠠᠲᠤ ᠬᠢᠯᠢᠪᠠᠨ ᠭᠤᠤᠯ ᠰᠡᠷᠭᠡᠢ᠌ᠯᠡᠯᠲᠡ ᠵᠢᠨ ᠭᠠᠵᠠᠷ ᠪᠣᠯᠭ᠋ᠠᠭᠰᠠᠭ᠋ᠠᠷ ᠢᠷᠡᠵᠡᠢ᠃
ᠮᠢᠩ ᠤᠯᠤᠰ ᠵᠡᠭᠦᠨᠠᠴᠠ ᠪᠠᠷᠠᠭᠤᠨᠰᠢ ᠯᠢᠶᠣᠤᠳᠦ᠋ᠩ᠂ ᠵᠢᠵᠸᠤ᠂ ᠰᠢᠤᠸᠠᠨ ᠹᠦ᠋᠂ ᠳ᠋ᠠᠲ᠋ᠦ᠋ᠩ᠂ ᠱᠠᠨ ᠰᠢ᠂ ᠶᠡᠨᠰᠦᠢ᠍ᠢ᠂ ᠨᠢᠩᠰᠢᠶᠠ᠂ ᠬᠥ᠋ ᠶᠤᠸᠠᠨ᠂ ᠭᠠᠨᠰᠦ ᠵᠡᠷᠭᠡ ᠶᠢᠰᠦᠨ ᠶᠡᠬᠡ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠴᠢᠬᠤᠯᠠ ᠪᠠᠯᠭ᠋ᠠᠰᠤ ᠪᠣᠯᠬᠤ 《ᠬᠢᠯᠢ ᠵᠢᠨ ᠶᠢᠰᠦ》 ᠵᠢ ᠪᠠᠢ᠌ᠭᠤᠯᠵᠠᠶ᠃ ᠡᠭᠦᠨᠤ ᠬᠠᠮᠲᠤ ᠵᠡᠭᠦᠨᠲᠡᠢ ᠶᠠᠯᠦᠢ᠍ᠵᠢᠶᠠᠩ ᠮᠥᠷᠡᠨᠠᠴᠠ ᠡᠬᠢᠯᠡᠵᠦ᠂ ᠪᠠᠷᠠᠭᠤᠨᠲᠠᠢ ᠰᠠᠢ᠌ᠬᠠᠨ ᠵᠠᠪᠠᠢ ᠪᠤᠭᠤᠮᠳᠠ ᠬᠦᠷᠲᠡᠯᠡᠬᠢ ᠲᠦᠮᠡ ᠭᠠᠷᠤᠶ ᠭᠠᠵᠠᠷᠤᠨ ᠣᠷᠳᠣ ᠴᠠᠭ᠋ᠠᠨ ᠬᠡᠷᠡᠮᠢ ᠪᠠᠢ᠌ᠭᠤᠯᠪᠠ᠃ 《ᠬᠢᠯᠢ ᠵᠢᠨ ᠶᠢᠰᠦ》 ᠪᠣᠯᠤᠨ ᠤᠷᠳᠤ ᠴᠠᠭ᠋ᠠᠨ ᠬᠡᠷᠡᠮ ᠬᠠᠷᠢᠯᠴᠠᠨ ᠲᠦᠰᠢᠭᠯᠡᠯᠴᠡᠵᠦ᠂ ᠮᠢᠩ ᠤᠯᠤᠰᠤᠨ ᠬᠢᠯᠢ ᠵᠢᠨ ᠶᠢᠰᠦᠨ ᠭᠠᠵᠠᠷᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠰᠡᠷᠭᠡᠢ᠌ᠯᠡᠯᠲᠡ ᠵᠢᠨ ᠲᠣᠭᠲᠠᠯᠴᠠᠭᠠ ᠵᠢ ᠪᠦᠷᠢᠯᠳᠦᠭᠦᠯᠵᠡᠢ᠃
ᠥᠪᠥᠷ ᠮᠣᠩᠭᠣᠯ ᠪᠠ ᠱᠠᠨ ᠰᠢ ᠵᠢᠨ ᠠᠭᠤᠯᠵᠠᠷᠲᠠᠬᠢ ᠯᠣᠤ ᠨᠢᠤ ᠸᠠᠨᠤ ᠮᠢᠩ ᠤᠯᠤᠰᠤᠨ ᠦᠶᠡ ᠵᠢᠨ ᠴᠠᠭ᠋ᠠᠨ ᠬᠡᠷᠡᠮᠤᠨ ᠪᠠᠭᠤᠷᠢ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠬᠠᠷᠠᠭ᠋ᠠᠨ ᠰᠡᠷᠡᠯᠳᠠᠬᠢ ᠳᠤᠮᠳᠠᠳᠤ ᠤᠯᠤᠰ）
ᠮᠢᠩ ᠤᠯᠤᠰᠨᠢ ᠮᠣᠩᠭᠣᠯ ᠠᠢ᠌ᠮᠠᠭ ᠪᠦᠯᠦᠭᠤᠳᠲᠠᠢ ᠢᠮᠠᠭᠳᠠ ᠲᠡᠮᠡᠴᠡᠨ ᠤᠷᠤᠭᠰᠢᠭᠰᠠᠭ᠋ᠠᠷ ᠪᠠᠢ᠌ᠪᠠ᠃ ᠢᠯᠠᠩᠭᠤᠶᠠ ᠮᠢᠩ ᠤᠯᠤᠰᠤᠨ ᠬᠣᠩ ᡁᠢ ᠵᠢᠨ ᠤᠨᠠᠴᠠ ᠬᠤᠢ᠌ᠰᠢ ᠬᠣᠶᠠᠷ ᠡᠲᠡᠭᠡᠳ ᠴᠢᠩᠭᠠ ᠡᠰᠡᠷᠭᠦᠴᠡᠯᠳᠦᠵᠦ᠂ ᠮᠣᠩᠭᠣᠯ ᠠᠢ᠌ᠮᠠᠭ ᠪᠦᠯᠦᠭᠤᠳᠨᠢ ᠤᠷᠲᠤ ᠴᠠᠭ᠋ᠠᠨ ᠬᠡᠷᠡᠮᠢ ᠳᠠᠪᠠᠨ ᠳᠣᠲᠣᠷᠠ ᠭᠠᠵᠠᠷ ᠵᠶ᠋ᠠᠷ ᠲᠠᠰᠤᠷᠠᠯᠲᠠ ᠦᠭᠡᠢ ᠪᠤᠯᠢᠶᠠᠨ ᠳᠡᠬᠡᠷᠡᠮᠳᠡᠬᠦᠳᠤ ᠮᠢᠩ ᠤᠯᠤᠰᠤᠨ ᠴᠡᠷᠢᠭ ᠬᠠᠷᠢᠨ ᠵᠠᠬᠠ ᠬᠢᠵᠠᠭ᠋ᠠᠷ ᠵᠶ᠋ᠠᠷ ᠳᠦᠢ᠍ᠮᠡᠷ ᠳᠠᠯᠪᠢᠵᠤ ᠠᠲᠠᠷ ᠭᠠᠯᠳᠠᠵᠤ᠂ ᠠᠳᠤᠭᠤ ᠮᠣᠷᠢ ᠬᠥᠭᠡᠭᠡᠨ ᠭᠡᠷ ᠮᠠᠢ᠌ᠬᠠᠨᠢ ᠨᠤᠷᠠᠭ᠋ᠠᠨ ᠳᠦᠢ᠍ᠪᠡᠭᠡᠵᠦ᠂ ᠤᠷᠲᠤ ᠴᠠᠭ᠋ᠠᠨ ᠬᠡᠷᠡᠮᠤᠨ ᠳᠣᠲᠣᠷᠠ ᠭᠠᠳᠠᠨᠠ ᠳᠠᠷᠢ ᠵᠢᠨ ᠤᠲᠤᠭᠠ ᠮᠠᠨᠠᠷᠠᠵᠤ᠂ ᠭᠠᠵᠠᠷ ᠪᠣᠯᠭ᠋ᠠᠨᠳᠤ ᠡᠪᠳᠡᠷᠡᠵᠦ ᠰᠦᠢ᠍ᠷᠡᠭᠰᠡᠨ ᠪᠠᠢ᠌ᠳᠠᠯ ᠢᠯᠡᠷᠡᠵᠦ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠠᠷᠠᠳ ᠲᠦᠮᠡᠨᠳᠤ ᠬᠦᠨᠳᠦ ᠨᠣᠴᠢᠲᠠᠶ ᠭᠠᠶ ᠭᠠᠮᠰᠢᠭ ᠤᠴᠠᠷᠠᠭᠤᠯᠤᠭᠰᠠᠨᠠᠴᠠ ᠵᠦᠷᠢᠴᠡᠯ ᠮᠥᠷᠭᠥᠯᠳᠦᠭᠡᠨᠢ ᠵᠣᠭᠰᠣᠭ᠋ᠠᠬᠤ᠂ ᠨᠠᠢ᠌ᠷᠠᠮᠳᠠᠯ ᠵᠶ᠋ᠠᠷ ᠶᠠᠪᠤᠯᠴᠠᠬᠤᠨᠢ ᠬᠥᠮᠦᠰᠤᠨ ᠬᠠᠮᠲᠤ ᠵᠢᠨ ᠬᠦᠰᠡᠯ ᠱᠠᠭ᠋ᠠᠷᠳᠠᠯᠭᠠ ᠪᠤᠯᠵᠤ ᠪᠠᠢ᠌ᠵᠠᠢ᠃
ᠴᠡᠯᠡᠭᠡᠷ ᠲᠠᠯᠠ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ᠲᠤ ᠴᠦᠩ ᠡᠭᠦᠳᠦᠯᠲᠡ）
ᠮᠢᠩ ᠤᠯᠤᠰᠤᠨ ᠰᠠᠢ᠌ᠰᠢᠶᠠᠯᠲᠤ ᠢᠷᠥᠭᠡᠯᠲᠦ ᠵᠢᠨ ᠦᠶᠡᠳᠤ ᠤᠳᠤ ᠵᠢᠨ ᠬᠥᠬᠡᠬᠣᠲᠠ ᠤᠷᠴᠢᠮ ᠵᠶ᠋ᠠᠷ ᠮᠠᠯ ᠮᠠᠯᠵᠢᠨ ᠰᠠᠭᠤᠷᠢᠰᠢᠵᠤ ᠪᠠᠢ᠌ᠭᠰᠠᠨ ᠲᠦᠮᠡᠳ ᠠᠢ᠌ᠮᠠᠭ ᠠᠭ᠋ᠠᠵᠢᠮ ᠵᠶ᠋ᠠᠷ ᠬᠦᠴᠦᠷᠬᠡᠭᠵᠢᠵᠦ᠂ ᠠᠯᠲᠠᠨ ᠬᠠᠨ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠴᠢᠭᠤᠯᠭ᠋ᠠᠨᠤ ᠡᠵᠡᠨ ᠪᠣᠯᠪᠠ᠃
1534 ᠣᠨᠳᠤ᠂ ᠠᠯᠲᠠᠨ ᠬᠠᠨ ᠠᠩᠬᠠ ᠤᠳᠠᠭᠠ ᠮᠢᠩ ᠤᠯᠤᠰᠠᠴᠠ 《ᠡᠷᠭᠦᠮᠵᠢᠯᠡᠯ ᠭᠤᠶᠤᠴᠢᠯᠠᠬᠤ》 ᠱᠠᠭ᠋ᠠᠷᠳᠠᠯᠭᠠ ᠳᠤᠷᠠᠳᠴᠤ᠂ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭ᠋ᠠᠨᠤ ᠬᠡᠯᠪᠡᠷᠢᠪᠠᠷ ᠳᠣᠲᠣᠷᠠ ᠭᠠᠵᠠᠷᠲᠠᠢ ᠠᠵᠤ ᠠᠬᠤᠶ ᠵᠢᠨ ᠬᠡᠪᠤᠨ ᠬᠠᠷᠢᠯᠴᠠᠭᠠᠲᠠᠢ ᠪᠣᠯᠬᠤ ᠵᠢ ᠬᠦᠰᠡᠵᠡᠶ᠃ ᠡᠭᠦᠨᠠᠴᠠ ᠬᠣᠢ᠌ᠰᠢᠬᠢ ᠬᠡᠳᠦᠨ ᠠᠷᠪᠠᠨ ᠵᠢᠯᠤᠨ ᠲᠤᠷᠰᠢ᠂ ᠲᠡᠷᠡ ᠴᠥᠬᠥᠷᠡᠯ ᠦᠭᠡᠢ ᠴᠢᠷᠮᠠᠢ᠌ᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠡᠷᠭᠦᠮᠵᠢᠯᠡᠯ ᠭᠤᠶᠤᠴᠢᠯᠠᠭᠰᠠᠨ ᠪᠣᠯᠪᠠᠴᠤ ᠶᠡᠷᠦᠨᠢ ᠪᠡᠶᠡᠯᠡᠭᠳᠡᠭᠰᠡᠨ ᠦᠭᠡᠢ ᠪᠠᠢ᠌ᠵᠠᠢ᠃
1570 ᠣᠨᠳᠤ᠂ ᠠᠯᠲᠠᠨ ᠬᠠᠨᠤ ᠣᠮᠪᠣᠯᠣ ᠪᠠᠭᠠ ᠠᠴᠢ ᠲᠠᠢ᠌ᠵᠢ ᠭᠡᠷ ᠪᠦᠯᠢ ᠵᠢᠨ ᠵᠦᠷᠢᠴᠡᠯᠠᠴᠠ ᠪᠣᠯᠵᠤ ᠮᠢᠡᠭ ᠤᠯᠤᠰᠲᠤ ᠪᠠᠭᠤᠵᠤ ᠥᠭᠴᠡᠢ᠃ ᠭᠡᠨᠡᠳᠲᠡᠪᠠᠷ ᠡᠬᠦᠰᠦᠭᠰᠡᠨ ᠡᠨᠡ ᠬᠦ᠌ ᠤᠴᠢᠷᠢ ᠬᠡᠷᠬᠢᠨ ᠲᠣᠬᠢᠲᠠᠢ ᠰᠢᠢ᠍ᠳᠪᠦᠷᠢᠯᠡᠬᠦᠨᠢ ᠳᠡᠷᠡ ᠦᠶᠡᠳᠤᠪᠠᠨ ᠬᠣᠶᠠᠷ ᠲᠠᠯᠠ ᠵᠢᠨ ᠤᠯᠤᠰ ᠲᠦᠷᠦ ᠵᠢᠨ ᠤᠬᠠᠭ᠋ᠠᠨᠢ ᠰᠢᠯᠭ᠋ᠠᠵᠤ ᠪᠠᠢ᠌ᠭᠰᠠᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠦᠷᠡ ᠳ᠋ᠦᠩᠨᠢ ᠴᠦ᠍ ᠬᠣᠶᠠᠷ ᠲᠠᠯᠠ ᠵᠢᠨ ᠬᠠᠷᠢᠴᠠᠭ᠋ᠠᠨᠤ ᠬᠥᠭᠵᠢᠯᠲᠡ ᠵᠢᠨ ᠬᠠᠨᠳᠤᠰᠢ ᠵᠢ ᠰᠢᠭᠤᠳ ᠨᠥᠯᠥᠭᠡᠯᠡᠬᠦ ᠵᠦᠢ᠍ᠯ ᠪᠤᠯᠵᠤ ᠪᠠᠢ᠌ᠪᠠ᠃
ᠬᠠᠭ᠋ᠠᠨᠲᠤ ᠲᠦᠷᠦ ᠵᠢᠨ ᠵᠥᠪᠰᠢᠶᠡᠷᠡᠯ ᠵᠶ᠋ᠡᠷ ᠸᠠᠩ ᠴᠥᠩ ᠭᠦ᠋ᠪᠠᠷ ᠲᠥᠯᠥᠭᠡᠯᠡᠭᠦᠯᠦᠭᠰᠡᠨ ᠮᠢᠩ ᠤᠯᠤᠰᠤᠨ ᠨᠣᠶᠠᠳ ᠠᠯᠲᠠᠨ ᠬᠠᠨᠲᠠᠢ ᠤᠯᠠᠨ ᠤᠳᠠᠭᠠ ᠵᠥᠪᠳᠡᠯᠴᠡᠭᠰᠡᠨᠤ ᠡᠴᠦᠰᠲᠤ ᠪᠠᠭᠠ ᠠᠴᠢ ᠲᠠᠢ᠌ᠵᠢ ᠵᠢ ᠲᠦᠮᠡᠳᠲᠤ ᠳᠤᠲᠠᠭ᠋ᠠᠵᠤ ᠣᠴᠢᠭᠰᠠᠨ ᠬᠢᠲᠠᠳᠤᠨ ᠲᠦᠷᠦᠭᠦᠦ ᠵᠤᠤ ᠴᠢᠤᠸᠠᠨ ᠨᠠᠷ ᠵᠶ᠋ᠠᠷ ᠰᠤᠯᠢᠬᠤᠪᠠᠷ ᠳᠤᠬᠢᠷᠠᠯᠴᠠᠵᠤ᠂ ᠡᠨᠡ ᠤᠳᠠᠭ᠋ᠠᠨᠤ ᠬᠡᠷᠡᠭᠢ ᠡᠪᠳᠡᠢ ᠰᠠᠢ᠌ᠬᠠᠨ ᠰᠢᠢ᠍ᠳᠪᠦᠷᠢᠯᠡᠭᠰᠡᠨ ᠪᠠᠢ᠌ᠨᠠ᠃
ᠬᠥᠬᠡᠬᠣᠲᠠ ᠵᠢᠨ ᠶᠡᠬᠡ ᠵᠤᠤ ᠲᠠᠯᠠᠪᠠᠢᠳᠠᠬᠢ ᠠᠯᠲᠠᠨ ᠬᠠᠨᠤ ᠱᠤᠭᠤᠮᠠᠯ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ᠲᠤ ᠴᠦᠩ ᠡᠭᠦᠳᠦᠯᠲᠡ）᠃
1571 ᠣᠨᠳᠤ᠂ ᠮᠢᠩᠤᠨ ᠲᠦᠷᠦᠠᠴᠠ ᠠᠯᠲᠠᠨ ᠬᠠᠨᠢ ᠱᠦᠨ ᠢ ᠸᠠᠩ ᠡᠷᠭᠦᠮᠵᠢᠯᠡᠵᠦ᠂ ᠪᠤᠰᠤᠳ ᠲᠦᠷᠦᠭᠦᠴᠦᠳᠲᠤ ᠲᠤᠰ ᠲᠤᠰ ᠠᠳᠠᠯᠢ ᠪᠤᠰᠤ ᠵᠡᠷᠭᠡ ᠲᠤᠰᠢᠶᠠᠯ ᠣᠯᠭᠣᠭᠰᠠᠨ ᠪᠥᠭᠡᠳ ᠰᠢᠤᠸᠠᠨ ᠹᠦ᠋᠂ ᠳ᠋ᠠᠲ᠋ᠦ᠋ᠩ᠂ ᠱᠠᠨ ᠰᠢ᠂ ᠶᠠᠨ ᠰᠦᠶ᠂ ᠨᠢᠩᠰᠢᠶᠠ᠂ ᠭᠠᠨᠰᠦ ᠵᠡᠷᠭᠡ ᠤᠷᠳᠤ ᠴᠠᠭ᠋ᠠᠨ ᠬᠡᠷᠡᠮ ᠳᠠᠭ᠋ᠠᠤ ᠬᠢᠯᠢ ᠵᠢᠨ ᠪᠤᠭᠤᠮᠳᠠ ᠵᠢᠨ ᠬᠤᠳᠠᠳᠤ ᠵᠠᠯᠭ᠋ᠠᠭᠠᠪᠠᠷ ᠠᠳᠤᠭᠤᠨ ᠵᠠᠬᠠ ᠪᠣᠯᠤᠨ ᠵᠢᠵᠢᠭ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠨᠡᠭᠡᠭᠡᠵᠡᠶ᠃ ᠡᠨᠡ ᠪᠣᠯ ᠳᠠᠷᠤᠶ 《ᠠᠯᠳᠠᠨ ᠬᠠᠨᠤ ᠡᠷᠭᠦᠮᠵᠢᠯᠡᠯ》 （ᠳᠠᠷᠤᠶ 《ᠯᠦᠩ ᠴᠢᠩᠤᠨ ᠨᠠᠢ᠌ᠷᠠᠮᠳᠠᠯᠤᠨ ᠭᠡᠷᠡ》） ᠪᠣᠯᠤᠨᠠ᠃ ᠡᠭᠦᠨᠠᠴᠠ ᠬᠣᠢ᠌ᠰᠢ᠂ 《ᠬᠢᠵᠠᠭ᠋ᠠᠷᠴᠤᠳ ᠳᠡᠮᠦᠷ ᠵᠡᠪᠰᠡᠭ ᠵᠶ᠋ᠠᠨ ᠲᠠᠷᠢᠶᠠᠯᠠᠩᠤᠨ ᠪᠠᠭ᠋ᠠᠵᠢᠪᠠᠷ ᠰᠣᠯᠢᠵᠤ᠂ ᠪᠣᠭᠣᠮᠲᠠ ᠭᠠᠵᠠᠷᠤᠨ ᠳᠠᠢ᠌ᠨ ᠳᠠᠵᠢᠨ ᠵᠣᠭᠰᠣᠵᠤ ᠠᠮᠤᠷ ᠲᠠᠢ᠌ᠪᠤᠩ ᠪᠤᠯᠪᠠᠢ》᠃
ᠡᠨᠡ ᠶᠠᠪᠤᠴᠠᠳᠤ᠂ ᠰᠠᠨ ᠨᠢᠶᠠᠩ ᠽᠢ ᠮᠠᠰᠢ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃
ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠤᠭ ᠨᠡᠷᠡᠨᠢ ᠨᠤᠶᠠᠨᠴᠤ ᠭᠡᠳᠡᠭ᠂ ᠮᠣᠩᠭᠣᠯᠤᠨ ᠤᠷᠳᠤᠰ ᠠᠢ᠌ᠮᠠᠭᠤᠨ ᠬᠦᠮᠦᠨ （ᠰᠢᠨᠵᠢᠶᠠᠩᠤᠨ ᠬᠠᠮᠢᠯᠤᠨ ᠬᠣᠢ᠌ᠲᠤ ᠬᠡᠰᠡᠭᠤᠨ ᠪᠠᠷᠠᠭᠤᠨ ᠮᠤᠩᠭᠤᠯ ᠴᠦ᠍ ᠭᠡᠳᠡᠭ） ᠪᠣᠯᠤᠨᠠ᠂ ᠤᠴᠢᠷᠨᠢ ᠲᠡᠷᠡ ᠪᠣᠯ ᠠᠯᠲᠠᠨ ᠬᠠᠨᠤ ᠭᠤᠷᠪᠠᠳᠤᠭ᠋ᠠᠷ ᠬᠠᠲᠤᠨ ᠪᠣᠯᠬᠣᠷ ᠰᠠᠨ ᠨᠢᠶᠠᠩ ᠽᠢ ᠬᠡᠮᠡᠭᠳᠡᠵᠦ᠂ ᠪᠠᠰᠠ ᠡᠷᠬᠡᠲᠦ ᠬᠠᠲᠤᠨ᠂ ᠵᠦᠩᠭᠡᠨ ᠬᠠᠲᠤᠨ ᠴᠦ᠍ ᠭᠡᠳᠡᠭ ᠪᠠᠢ᠌ᠵᠠᠢ᠃
ᠰᠠᠨ ᠨᠢᠶᠠᠩ ᠽᠢ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ᠂ 《ᠲᠥᠪᠡᠳ ᠪᠢᠴᠢᠭ》 ᠠᠷᠪᠢᠨ ᠤᠩᠰᠢᠵᠤ᠂ ᠴᠡᠷᠢᠭ ᠲᠡᠢ᠌ᠨᠤ ᠤᠬᠠᠭ᠋ᠠᠨᠳᠤ ᠨᠡᠪᠳᠡᠷᠡᠵᠦ᠂ ᠬᠠᠷᠪᠤᠵᠤ ᠨᠠᠮᠨᠠᠬᠤᠳᠤᠪᠠᠨ ᠭᠠᠷᠮᠠᠭ᠋ᠠᠢ ᠪᠥᠭᠡᠳ ᠮᠠᠰᠢ ᠭᠤᠶᠤ ᠳᠥᠷᠦᠭᠰᠡᠨ ᠬᠦᠮᠦᠨ ᠪᠠᠢ᠌ᠭᠰᠠᠨ ᠪᠤᠯᠬᠤᠷ ᠮᠢᠩ ᠤᠯᠤᠰᠤᠨ ᠬᠦᠮᠦᠰ 《ᠰᠠᠷᠬᠤᠳᠤᠨ ᠬᠦᠴᠦᠨᠳᠤᠷ ᠬᠠᠭ᠋ᠠᠰ ᠬᠦᠯᠴᠦᠭᠦᠷᠡᠭᠰᠡᠨ ᠴᠦ᠍ ᠬᠠᠴᠠᠷ ᠳᠠᠭ᠋ᠠᠷᠠᠨ ᠵᠢᠮᠵᠢᠭᠡᠨᠡᠮᠤᠢ᠂ ᠬᠠᠷᠢᠨ ᠴᠦ᠍ ᠳᠤᠤᠭᠤᠷᠤᠨ ᠴᠡᠴᠡᠭᠤᠨ ᠭᠤᠶᠤᠮᠰᠤᠭ ᠠᠨᠤ ᠬᠠᠪᠤᠷᠤᠨ ᠬᠦᠢ᠍ᠳᠡᠨᠢ ᠳᠠᠷᠤᠵᠤᠬᠤᠢ》 ᠭᠡᠬᠦ ᠮᠡᠳᠦᠪᠠᠷ ᠲᠡᠭᠦᠨᠢ ᠮᠠᠭᠲᠠᠨ ᠰᠢᠯᠦᠭᠯᠡᠭᠰᠡᠨ ᠪᠠᠢ᠌ᠳᠠᠭ᠃ ᠵᠠᠯᠠᠭᠤ ᠭᠤᠶᠤᠮᠰᠤᠭ᠂ ᠪᠢᠴᠢᠭ ᠴᠡᠷᠢᠭᠤᠨ ᠡᠷᠳᠡᠮ ᠬᠣᠣᠰᠯᠠᠭᠰᠠᠨ ᠰᠠᠨ ᠨᠢᠶᠠᠩ ᠽᠢ ᠵᠢ ᠠᠯᠲᠠᠨ ᠬᠠᠨ ᠮᠠᠰᠢ ᠡᠩᠬᠦᠷᠡᠢ᠌ᠯᠡᠨ ᠬᠦᠨᠳᠦᠳᠭᠡᠳᠡᠭ ᠪᠤᠯᠬᠤᠷ 《ᠶᠡᠬᠡ ᠪᠠᠭᠠ ᠬᠡᠷᠡᠭ ᠶᠠᠪᠤᠳᠠᠯᠳᠤ ᠴᠥᠮ ᠰᠠᠨᠠᠯᠢᠨᠢ ᠰᠤᠨᠤᠰᠴᠤ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠳᠠᠭ》 ᠪᠥᠭᠡᠳ ᠵᠠᠰᠠᠭ ᠳᠥᠷᠦ ᠵᠢᠨ ᠶᠠᠪᠤᠳᠠᠯᠳᠤᠪᠠᠨ ᠴᠦ᠍ ᠤᠷᠤᠯᠴᠠᠭᠤᠯᠳᠠᠭ ᠪᠠᠢ᠌ᠵᠠᠢ᠃
ᠪᠠᠭᠠ ᠠᠴᠢ ᠲᠠᠢ᠌ᠵᠢ ᠵᠢᠨ ᠬᠡᠷᠡᠭ ᠡᠭᠦᠰᠬᠦ ᠦᠶᠡᠳᠤ᠂ ᠰᠠᠨ ᠨᠢᠶᠠᠩ ᠽᠢ ᠠᠯᠲᠠᠨ ᠬᠠᠨᠤ ᠴᠡᠷᠢᠭ ᠵᠡᠪᠰᠡᠭ ᠬᠦᠳᠡᠯᠭᠡᠬᠦ ᠵᠢ ᠶᠡᠬᠡᠪᠠᠷ ᠬᠤᠷᠢᠭᠯᠠᠨ ᠢᠳᠬᠠᠵᠤ᠂ ᠮᠢᠩ ᠤᠯᠤᠰᠤᠨ ᠨᠥᠬᠥᠴᠡᠯᠢ ᠵᠥᠪᠰᠢᠶᠡᠷᠡᠵᠦ᠂ ᠤᠳᠤᠠᠴᠠ ᠴᠡᠷᠢᠭ ᠵᠡᠪᠰᠡᠭ ᠵᠶ᠋ᠡᠨ ᠬᠤᠷᠢᠶᠠᠵᠤ᠂ ᠨᠠᠢ᠌ᠷᠠᠮᠳᠠᠯ ᠵᠶ᠋ᠠᠷ ᠠᠷᠠᠯᠵᠢᠶᠠ ᠬᠢᠬᠦ ᠬᠡᠷᠡᠭᠲᠡᠶ ᠭᠡᠵᠦ ᠰᠠᠨᠠᠭᠤᠯᠵᠠᠢ᠃ ᠠᠯᠲᠠᠨ ᠬᠠᠨ ᠳᠡᠭᠦᠨᠤ ᠰᠠᠨᠠᠭᠤᠯᠭᠠ ᠵᠢ ᠳᠤᠷᠠᠳᠠᠢ᠌ᠶᠠ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠵᠶ᠋ᠠᠷ ᠡᠷᠭᠦᠮᠵᠢᠯᠡᠯᠳᠤ ᠰᠠᠨᠠᠯ ᠨᠢᠭᠡᠳᠴᠡᠢ᠃ ᠲᠡᠦᠬᠡ
ᠰᠤᠳᠤᠷᠲᠤ᠄ 《ᠡᠷᠭᠦᠮᠵᠢᠯᠡᠯᠤᠨ ᠤᠴᠢᠷ ᠪᠥᠳᠦᠭᠰᠡᠨ ᠠᠨᠤ ᠦᠨᠡᠬᠡᠷ ᠵᠦᠩᠭᠡᠨ ᠬᠠᠲᠤᠨᠤ ᠰᠠᠨᠠᠭᠠ ᠠᠮᠤᠢ》 ᠬᠡᠮᠡᠨ ᠳᠡᠮᠳᠡᠭᠯᠡᠵᠦ᠂ ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠭᠠᠪᠢᠶᠠ ᠵᠢᠳᠬᠦᠯᠢ ᠨᠤᠳᠠᠯᠠᠭᠰᠠᠨ ᠪᠠᠢ᠌ᠳᠠᠭ᠃
ᠮᠠᠢ᠌ᠳᠠᠷᠢ ᠵᠢᠨ ᠵᠣᠣ ᠵᠢᠨ ᠴᠣᠭᠴᠢᠨ ᠳᠤᠭ᠋ᠠᠩᠤᠨ ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠬᠠᠨᠠᠨ ᠵᠢᠷᠤᠭ᠃ （ᠭᠡᠷᠡᠯ ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠵᠢᠪᠬᠤᠭ᠋ᠠᠲᠤ ᠲᠦᠮᠡᠳ ᠪᠠᠷᠠᠭᠤᠨ ᠬᠣᠰᠢᠭᠤ）
ᠨᠠᠢ᠌ᠷᠠᠮᠳᠠᠯ ᠵᠶ᠋ᠡᠷ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠ ᠨᠡᠭᠡᠭᠡᠭᠰᠡᠨᠨᠢ
ᠠᠯᠲᠠᠨ ᠬᠠᠨᠤ ᠦᠶᠡᠳᠤ᠂ ᠰᠠᠨ ᠨᠢᠶᠠᠩ ᠽᠢ 《ᠠᠯᠲᠠᠨ ᠬᠠᠨᠳᠤᠷ ᠳᠤᠰᠠᠯᠠᠨ ᠡᠷᠭᠦᠮᠵᠢᠯᠡᠭᠰᠡᠨ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠵᠢ ᠬᠠᠷᠢᠭᠤᠴᠠᠭᠰᠠᠨᠳᠤᠷ ᠡᠯᠡ ᠠᠢ᠌ᠮᠠᠭ ᠴᠥᠮ ᠲᠡᠭᠦᠨᠳᠤᠷ ᠬᠢᠵᠠᠭ᠋ᠠᠷᠯᠠᠭᠳᠠᠪᠠᠢ》᠃ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠨᠡᠭᠡᠭᠡᠬᠦ ᠡᠳᠦᠷ ᠪᠤᠯᠤᠭᠰᠠᠭ᠋ᠠᠷ ᠲᠡᠷᠡ 《ᠰᠠᠢ᠌ᠨ ᠠᠬᠳᠠ ᠤᠨᠤᠵᠤ᠂ ᠰᠠᠢ᠌ᠳ ᠳᠦᠰᠢᠮᠡᠳ ᠳᠠᠭ᠋ᠠᠭᠤᠯᠵᠤ᠂ ᠪᠤᠯᠠᠭ᠋ᠠᠨ ᠮᠠᠯᠠᠭ᠋ᠠᠢ ᠵᠡᠭᠦᠵᠦ ᠬᠡᠮᠡᠷᠯᠢᠭ ᠲᠡᠪᠡᠯ ᠡᠮᠦᠰᠴᠦ᠂ ᠪᠤᠭᠤᠮᠳᠠ ᠵᠢᠨ ᠠᠷᠤᠪᠠᠷ ᠳᠠᠪᠬᠢᠭᠤᠯᠵᠤ》 ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠᠪᠠᠷ ᠲᠣᠭᠣᠷᠢᠨ ᠪᠠᠢ᠌ᠴᠠᠭ᠋ᠠᠵᠤ ᠡᠮᠬᠢ ᠳᠢᠭᠯᠢᠮᠢ ᠪᠠᠲᠤᠯᠠᠳᠠᠭ᠃ ᠪᠠᠭᠤᠷᠢ ᠮᠣᠷᠢᠪᠠᠷ ᠰᠠᠢ᠌ᠨ ᠠᠬᠳᠠ ᠵᠢ ᠣᠷᠣᠯᠠᠭᠤᠯᠬᠤ᠂ ᠢᠯᠡᠪᠠᠷ ᠪᠤᠯᠢᠶᠠᠨ ᠳᠠᠯᠳᠠᠭᠤᠷ ᠬᠤᠯᠠᠭ᠋ᠠᠢ᠌ᠯᠠᠬᠤ ᠵᠡᠷᠭᠡ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠡᠮᠬᠢ ᠳᠢᠭᠯᠢᠮᠢ ᠰᠠᠮᠠᠭᠤᠷᠠᠭᠤᠯᠤᠭᠰᠠᠨ ᠠᠵᠢᠯᠯᠠᠭᠠ ᠪᠠ ᠡᠮᠦᠨᠡᠰᠢ ᠲᠦᠷᠢᠵᠦ ᠬᠢᠯᠢ ᠬᠢᠵᠠᠭ᠋ᠠᠷᠢ ᠲᠦᠢ᠍ᠪᠡᠭᠡᠭᠰᠡᠨ ᠮᠣᠩᠭᠣᠯ ᠠᠷᠠᠳᠢ 《ᠰᠠᠨ ᠨᠢᠶᠠᠩ ᠽᠢ ᠴᠥᠮ ᠵᠶ᠋ᠡᠷ ᠵᠠᠯᠬᠠᠭ᠋ᠠᠨ ᠰᠢᠳᠭᠡᠳᠡᠭ》 ᠪᠠᠢ᠌ᠵᠠᠢ᠃
ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠴᠢᠷᠮᠠᠢ᠌ᠯᠭᠠᠪᠠᠷ᠂ ᠵᠠᠷᠢᠮ ᠶᠠᠯᠢᠮ ᠦᠭᠡᠢ ᠵᠥᠷᠢᠴᠡᠯ ᠵᠢᠭᠤᠷᠠᠯᠳᠤᠭ᠋ᠠᠨ ᠪᠠ ᠭᠠᠷᠴᠤ ᠮᠡᠳᠡᠬᠦ ᠮᠥᠷᠭᠥᠯᠳᠦᠭᠡᠨᠢ ᠨᠠᠮᠳᠠᠭᠤᠯᠤᠭᠰᠠᠨ ᠪᠠ ᠲᠡᠭᠦᠨᠠᠴᠠ ᠵᠠᠢ᠌ᠯᠠᠰᠬᠢᠵᠤ᠂ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭ᠋ᠠᠨᠤ ᠡᠮᠬᠢ ᠳᠢᠭᠯᠢᠮᠢ ᠪᠠᠲᠤᠯᠠᠭᠰᠠᠨ ᠵᠶ᠋ᠠᠷ ᠴᠡᠴᠡᠭᠯᠡᠨ ᠬᠥᠭᠵᠢᠭᠰᠡᠨ ᠪᠠᠢ᠌ᠳᠠᠯ ᠢᠯᠡᠷᠡᠵᠦ᠂ ᠮᠢᠩ ᠤᠯᠤᠰᠤᠨ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠴᠤ᠌ 《ᠰᠠᠨ ᠨᠢᠶᠠᠩ ᠽᠢ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠ ᠵᠢ ᠬᠠᠷᠢᠭᠤᠴᠠᠪᠠᠯ᠂ ᠠᠮᠤᠷ ᠲᠠᠢ᠌ᠪᠤᠩ ᠪᠠᠢ᠌ᠬᠤ ᠪᠣᠯᠤᠨᠠ》 ᠭᠡᠳᠡᠭ᠃
ᠮᠣᠩᠭᠣᠯ ᠬᠢᠲᠠᠳ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭ᠋ᠠᠨᠤ ᠵᠢᠷᠤᠭ᠃ （ᠭᠡᠷᠡᠯ ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠵᠢᠪᠬᠤᠭ᠋ᠠᠲᠤ ᠲᠦᠮᠡᠳ ᠪᠠᠷᠠᠭᠤᠨ ᠬᠣᠰᠢᠭᠤ）
ᠠᠯᠪᠠᠨᠤ ᠳᠠᠯᠠ ᠵᠢᠨ ᠠᠷᠠᠯᠵᠢᠶᠠᠠᠴᠠ ᠭᠠᠳᠠᠨᠠ᠂ ᠰᠠᠨ ᠨᠢᠶᠠᠩ ᠽᠢ ᠪᠠᠰᠠ ᠲᠠᠯᠠ ᠨᠤᠲᠤᠭᠤᠨ ᠮᠠᠯᠴᠢᠳ ᠳᠣᠲᠣᠷᠠ ᠭᠠᠵᠠᠷᠤᠨ ᠴᠡᠷᠢᠭ ᠠᠷᠠᠳᠲᠠᠢ ᠠᠷᠠᠳᠤᠨ ᠬᠣᠭᠣᠷᠣᠨᠳᠤᠬᠢ ᠠᠷᠠᠯᠵᠢᠶᠠ ᠵᠢ ᠥᠷᠭᠡᠨ ᠵᠶ᠋ᠡᠷ ᠬᠢᠬᠦ ᠵᠢ ᠵᠦᠪᠰᠢᠶᠡᠷᠡᠵᠦ᠂ ᠦᠬᠡᠷ ᠬᠣᠨᠢ ᠵᠡᠷᠭᠡ ᠮᠠᠯ ᠤᠨᠤᠭᠠ ᠵᠢᠴᠢ ᠠᠷᠠᠰᠤ ᠨᠣᠣᠰᠣ᠂ ᠳᠡᠯ ᠰᠡᠭᠦᠯ ᠵᠡᠷᠭᠡ ᠮᠠᠯᠤᠨ ᠠᠰᠢᠭ ᠰᠢᠮᠡᠪᠠᠷ ᠳᠤᠮᠳᠠᠳᠤ ᠣᠷᠣᠨᠤ ᠪᠥᠰ ᠲᠣᠷᠭᠠ᠂ ᠠᠷᠠᠰᠤ ᠰᠢᠷᠢ᠂ ᠠᠮᠤ ᠪᠤᠳᠠᠭᠠ᠂ ᠡᠮ ᠲᠠᠩ᠂ ᠵᠠᠰᠠᠯ ᠵᠢᠮᠰᠡᠭ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠲᠣᠭᠣᠭᠠ ᠰᠢᠨᠠᠭᠠ᠂ ᠲᠠᠷᠢᠶᠠᠯᠠᠩᠤᠨ ᠪᠠᠭ᠋ᠠᠵᠢ ᠵᠡᠷᠭᠡ ᠡᠳᠦᠷ ᠲᠤᠲᠤᠮᠤᠨ ᠠᠮᠢᠳᠤᠷᠠᠯᠤᠨ ᠬᠡᠷᠡᠭᠰᠡᠯ ᠵᠶ᠋ᠡᠨ ᠰᠣᠯᠢᠯᠴᠠᠬᠤ ᠵᠢ ᠵᠥᠪᠰᠢᠶᠡᠷᠡᠵᠡᠶ᠃ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠ ᠥᠷᠨᠢᠭᠰᠡᠨᠨᠢ ᠲᠦᠮᠡᠳ ᠮᠣᠩᠭᠣᠯ ᠪᠣᠯᠤᠨ ᠮᠢᠩ ᠤᠯᠤᠰᠤᠨ ᠠᠵᠤ ᠠᠬᠤᠶ ᠵᠢᠨ ᠬᠠᠷᠢᠯᠴᠠᠭᠠ ᠵᠢ ᠨᠢᠭᠲᠠᠷᠠᠭᠤᠯᠵᠤ᠂ ᠰᠣᠶᠣᠯᠤᠨ ᠬᠥᠭᠵᠢᠯᠲᠡ᠂ ᠬᠣᠲᠠ ᠪᠠᠯᠭ᠋ᠠᠰᠤᠵᠢᠯᠢ ᠠᠬᠢᠭᠤᠯᠵᠤ᠂ ᠥᠷᠭᠡᠨ ᠣᠯᠠᠨ ᠮᠠᠯᠴᠢᠳᠤᠨ ᠠᠮᠢᠳᠤᠷᠠᠯᠤᠨ ᠨᠥᠬᠥᠴᠡᠯᠢ ᠶᠡᠬᠡᠪᠠᠷ ᠰᠠᠢ᠌ᠵᠢᠷᠠᠭᠤᠯᠪᠠ᠃
ᠬᠢᠯᠢ ᠬᠢᠵᠠᠭ᠋ᠠᠷᠤᠨ ᠠᠮᠤᠷ ᠲᠣᠭᠲᠠᠭᠤᠨ᠂ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠥᠭᠵᠢᠯ ᠴᠡᠴᠡᠭᠯᠡᠯ ᠪᠠ ᠠᠮᠢᠳᠤᠷᠠᠯᠤᠨ ᠨᠥᠬᠥᠴᠡᠯ ᠤᠯᠠᠮ ᠨᠢᠭᠡ ᠠᠯᠬᠤᠮ ᠰᠠᠢ᠌ᠵᠢᠷᠠᠭᠰᠠᠨ ᠵᠶ᠋ᠠᠷ ᠮᠣᠩᠭᠣᠯ ᠬᠢᠲᠠᠳ ᠬᠣᠶᠠᠷ ᠲᠠᠯᠠᠪᠠᠷ ᠵᠶ᠋ᠠᠨ ᠴᠥᠮ ᠨᠠᠢ᠌ᠷᠠᠮᠳᠠᠯᠤᠨ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠ ᠪᠤᠯ ᠬᠣᠶᠠᠷ ᠲᠠᠯᠠ ᠵᠢᠨ ᠠᠰᠢᠭ ᠲᠤᠰᠠᠳᠤ ᠨᠡᠢ᠌ᠴᠡᠬᠦ ᠴᠣᠷᠤᠨ ᠭᠠᠭᠴᠠ ᠵᠠᠮ ᠮᠥᠨ ᠭᠡᠳᠡᠭᠢ ᠲᠠᠨᠢᠵᠤ ᠤᠢ᠌ᠯᠠᠭ᠋ᠠᠵᠠᠢ᠃
1581 ᠣᠨᠳᠤ ᠠᠯᠲᠠᠨ ᠬᠠᠨ ᠡᠪᠡᠳᠴᠢᠨ ᠵᠶ᠋ᠡᠷ ᠨᠠᠰᠤ ᠪᠠᠷᠠᠪᠠ᠃ ᠰᠠᠨ ᠨᠢᠶᠠᠩ ᠽᠢ ᠲᠦᠮᠡᠳ ᠮᠣᠩᠭᠣᠯᠤᠨ ᠤᠯᠤᠰ ᠲᠦᠷᠦ ᠵᠢᠨ ᠭᠣᠣᠯᠯᠠᠭᠴᠢ ᠬᠥᠮᠦᠨ ᠪᠤᠯᠵᠤ᠂ ᠳᠡᠷᠡᠪᠡᠷ 《ᠰᠡᠴᠡᠨ ᠰᠡᠷᠭᠦᠯᠡᠩ ᠠᠷᠭᠠ ᠪᠤᠳᠤᠯᠭᠠᠲᠠᠢ᠂ ᠴᠡᠷᠢᠭᠤᠨ ᠡᠷᠬᠡ ᠵᠢ ᠠᠳᠬᠤᠵᠤ᠂ ᠡᠵᠡᠨ ᠳᠥᠷᠦᠳᠤ ᠳᠤᠰᠠᠯᠠᠨ ᠡᠯᠡ ᠠᠢ᠌ᠮᠠᠭᠢ ᠢᠯᠪᠢᠨ ᠲᠣᠬᠣᠨᠢᠭᠤᠯᠵᠤ᠂ ᠵᠠᠷᠯᠢᠭ ᠪᠣᠯᠭ᠋ᠠᠨ ᠬᠡᠷᠡᠭᠵᠢᠵᠦ᠂ ᠬᠤᠷᠢᠭ ᠪᠥᠬᠦᠨ ᠵᠤᠭᠰᠤᠵᠤ》᠂ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠣᠷᠣᠨᠤ ᠠᠮᠤᠷ ᠲᠣᠭᠲᠠᠭᠤᠨ ᠪᠠᠢ᠌ᠳᠠᠯᠢ ᠬᠠᠮᠠᠭ᠋ᠠᠯᠠᠵᠤ᠂ ᠮᠢᠩ ᠤᠯᠤᠰᠯᠤᠭᠠ ᠵᠢᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭ᠋ᠠᠨᠤ ᠬᠠᠷᠢᠴᠠᠭᠠᠪᠠᠨ ᠬᠠᠮᠠᠭ᠋ᠠᠯᠠᠵᠤ᠂ ᠲᠦᠮᠡᠳᠤᠨ ᠨᠡᠢ᠌ᠭᠡᠮᠤᠨ ᠠᠵᠤ ᠠᠬᠤᠶ ᠰᠣᠶᠣᠯᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠭᠦᠯᠵᠦ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠨᠥᠬᠥᠷᠰᠡᠭ ᠶᠠᠪᠤᠯᠴᠠᠭᠠ ᠬᠠᠷᠢᠯᠴᠠᠭᠠ ᠵᠢ ᠪᠡᠬᠢᠵᠢᠭᠦᠯᠵᠡᠶ᠃ 1587 ᠣᠨᠳᠤ ᠮᠢᠩᠤᠨ ᠲᠥᠷᠥᠠᠴᠠ ᠲᠡᠭᠦᠨᠢ 《ᠵᠥᠩ ᠱᠦᠨ ᠬᠠᠲᠤᠨ》 ᠬᠡᠮᠡᠨ ᠡᠷᠬᠦᠮᠵᠢᠯᠡᠪᠠ᠃
《ᠠᠯᠳᠠᠨ ᠬᠠᠨ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ》ᠤ ᠳᠠᠷᠠᠭᠠ ᠴᠢᠭᠤᠯᠤᠯᠲᠤ ᠬᠠᠭ᠋ᠠᠯᠭᠠ ᠬᠥᠭᠵᠢᠭᠡᠳ ᠬᠤᠳᠠᠯᠳᠤᠭ᠋ᠠᠨᠤ ᠲᠣᠮᠣ ᠪᠠᠯᠭ᠋ᠠᠰᠤ ᠪᠣᠯᠪᠠ᠃ ᠵᠢᠷᠤᠭ ᠪᠣᠯ ᠴᠢᠭᠤᠯᠤᠯᠲᠤ ᠬᠠᠭ᠋ᠠᠯᠭᠠ ᠵᠢᠨ ᠳ᠋ᠠ ᠵᠢᠩ ᠮᠧᠨ ᠦᠵᠡᠮᠵᠢ ᠵᠢᠨ ᠣᠷᠣᠨᠳᠠᠬᠢ ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠰᠦᠮᠡ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠬᠠᠷᠠᠭ᠋ᠠᠨ ᠰᠡᠷᠡᠯᠳᠠᠬᠢ ᠳᠤᠮᠳᠠᠳᠤ ᠤᠯᠤᠰ）
ᠰᠠᠨ ᠨᠢᠶᠠᠩ ᠽᠢ ᠲᠤᠮᠳᠠᠳᠤ ᠣᠷᠣᠨᠤ ᠰᠣᠶᠣᠯᠢ ᠶᠡᠬᠡᠳᠡ ᠪᠠᠬᠠᠷᠬᠠᠳᠠᠭ ᠳᠤᠯᠠ ᠤᠯᠠᠨ ᠤᠳᠠᠭᠠ ᠪᠣᠭᠣᠮᠲᠠᠳᠤ ᠣᠷᠣᠵᠤ ᠠᠯᠪᠠ ᠪᠠᠷᠢᠵᠤ ᠪᠠᠢ᠌ᠵᠠᠢ᠃ ᠳᠡᠷᠡᠪᠡᠷ ᠬᠡᠳᠦᠨ ᠦᠶᠡ ᠵᠢᠨ ᠴᠡᠷᠢᠭᠤᠨ ᠶᠡᠷᠦᠩᠬᠡᠶ ᠵᠠᠬᠢᠷᠤᠭᠴᠢ᠂ ᠴᠠᠭᠳᠠᠨ ᠪᠠᠢ᠌ᠴᠠᠭ᠋ᠠᠭᠴᠢᠨᠤᠭᠤᠳᠲᠠᠢ ᠨᠢᠭᠲᠠ ᠬᠠᠷᠢᠯᠴᠠᠵᠤ᠂ ᠬᠢᠯᠢ ᠵᠢᠨ ᠪᠣᠭᠣᠮᠲᠠ ᠵᠢᠨ ᠵᠦᠷᠢᠴᠡᠯ ᠮᠥᠷᠭᠥᠯᠳᠦᠭᠡᠨᠢ ᠬᠠᠪᠰᠤᠷᠤᠨ ᠰᠢᠢ᠍ᠳᠪᠦᠷᠢᠯᠡᠳᠡᠭ ᠪᠠᠢ᠌ᠪᠠ᠃
1590 ᠣᠨᠳᠤ᠂ ᠭᠤᠷᠪᠠᠳᠤᠭ᠋ᠠᠷ ᠦᠶᠡ ᠵᠢᠨ ᠱᠦᠨ ᠢ ᠸᠠᠩ ᠴᠢᠷᠦᠬᠡ ᠪᠠᠷᠠᠭᠤᠨᠰᠢ ᠬᠥᠬᠡᠨᠠᠭᠤᠷᠲᠤ ᠣᠷᠣᠭᠰᠠᠨ ᠶᠠᠪᠤᠳᠠᠯᠨᠢ ᠬᠥᠬᠡᠨᠠᠭᠤᠷ ᠵᠢᠴᠢ ᠪᠣᠷᠣᠲᠣᠬᠣᠶ ᠵᠢᠨ ᠮᠣᠩᠭᠣᠯ ᠠᠢ᠌ᠮᠠᠭᠤᠳᠤᠨ ᠵᠥᠷᠢᠴᠡᠯᠢ ᠤᠯᠠᠮ ᠬᠤᠷᠴᠠᠳᠬᠠᠪᠠ᠂ ᠲᠡᠳᠡ ᠲᠤᠤᠵᠸᠤ ᠵᠢ ᠲᠦᠷᠢᠮᠡᠬᠡᠢ᠌ᠯᠡᠵᠦ᠂ ᠾᠧᠵᠧᠦ ᠵᠢ ᠶᠡᠬᠡᠪᠠᠷ ᠳᠡᠭᠡᠷᠡᠮᠳᠡᠵᠦ᠂ ᠭᠠᠨ ᠯᠢᠶᠠᠩ᠂ ᠰᠢᠨᠢᠩᠢ ᠲᠤᠪᠲᠤᠯᠤᠭᠰᠠᠨ ᠵᠶ᠋ᠠᠷ᠂ ᠰᠧᠴᠤᠸᠠᠨ ᠱᠠᠨᠰᠢ ᠵᠢ ᠳᠣᠩᠰᠣᠯᠭ᠋ᠠᠪᠠ᠂ ᠮᠢᠩ ᠤᠯᠤᠰᠤᠨ ᠵᠠᠰᠠᠭᠤᠨ ᠭᠠᠵᠠᠷᠠᠴᠠ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠶᠠᠮᠤᠨᠤ ᠰᠠᠢ᠌ᠳ ᠵᠧᠩ ᠯᠦᠸᠧ ᠵᠢ ᠴᠡᠷᠢᠭ ᠳᠠᠢ᠌ᠴᠢᠯᠠᠨ ᠳᠠᠢ᠌ᠯᠠᠭᠤᠯᠪᠠ᠃
ᠵᠧᠩ ᠯᠦᠸᠧ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠴᠡᠷᠢᠭᠤᠨ ᠶᠡᠷᠦᠩᠭᠡᠢ ᠵᠠᠬᠢᠷᠤᠭᠴᠢ ᠵᠢᠨ ᠳᠤᠰᠢᠶᠠᠯᠳᠤ ᠪᠠᠢ᠌ᠭᠰᠠᠨᠠᠴᠠ ᠰᠠᠨ ᠨᠢᠶᠠᠩ ᠽᠢᠲᠠᠢ ᠣᠯᠠᠨ ᠵᠢᠯᠤᠨ ᠳᠣᠲᠣᠨᠣ ᠨᠠᠢ᠌ᠵᠠ ᠪᠠᠢ᠌ᠭᠰᠠᠨᠠᠴᠠ ᠴᠢᠷᠦᠬᠡ ᠵᠢ ᠵᠡᠭᠦᠨᠰᠢ ᠡᠬᠡᠭᠦᠯᠬᠦᠪᠠᠷ ᠢᠳᠬᠠᠭᠤᠯᠬᠤᠪᠠᠷ ᠰᠠᠨ ᠨᠢᠶᠠᠩ ᠽᠢᠳᠤ ᠵᠠᠬᠢᠳᠠᠯ ᠢᠯᠡᠭᠡᠵᠡᠢ᠃ ᠰᠠᠨ ᠨᠢᠶᠠᠩ ᠽᠢ ᠶᠡᠷᠦᠨᠢ ᠬᠡᠷᠡᠭ ᠶᠠᠪᠤᠳᠠᠯᠤᠨ ᠬᠥᠭᠵᠢᠯᠲᠡᠳᠤ ᠬᠠᠷᠠᠮᠰᠠᠵᠤ ᠪᠠᠢ᠌ᠭᠰᠠᠨ ᠪᠣᠯᠬᠣᠷ ᠴᠢᠷᠦᠬᠡ ᠵᠢ ᠬᠦᠯᠢᠴᠡᠩᠭᠦᠢᠪᠠᠷ ᠢᠳᠬᠠᠵᠤ᠂ ᠪᠠᠢ᠌ᠳᠠᠯᠢ ᠳᠠᠬᠢᠨ ᠳᠠᠪᠲᠠᠨ ᠲᠣᠳᠣᠷᠬᠠᠢ᠌ᠯᠠᠵᠤ᠂ ᠰᠠᠢ᠌ᠨ ᠮᠠᠭᠤ ᠳᠠᠯᠠ ᠵᠢ ᠳᠠᠢ᠌ᠯᠪᠤᠷᠢᠯᠠᠵᠤ ᠥᠭᠴᠡᠢ᠃ ᠡᠭᠦᠨᠤ ᠡᠴᠦᠰᠲᠤ᠂ ᠴᠢᠷᠦᠬᠡ ᠣᠯᠠᠨ ᠵᠶ᠋ᠠᠨ ᠳᠠᠭ᠋ᠠᠭᠤᠯᠤᠨ ᠵᠡᠭᠦᠨᠰᠢ ᠡᠭᠡᠪᠡ᠃ ᠪᠤᠴᠠᠬᠤ ᠵᠠᠮᠳᠤᠪᠠᠨ ᠰᠠᠨ ᠨᠢᠶᠠᠩ ᠽᠢ ᠵᠧᠩ ᠯᠦᠸᠧᠳᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠵᠦ᠂ ᠡᠷᠲᠡᠬᠡᠨ ᠪᠤᠴᠠᠬᠤᠪᠠᠨ ᠢᠯᠡᠳᠬᠡᠭᠰᠡᠨᠤ ᠬᠠᠮᠲᠤ 《ᠳᠤᠮᠳᠠᠳᠤ ᠣᠷᠣᠨ ᠪᠣᠯᠣᠨ ᠤᠮᠠᠷᠠᠲᠤ ᠵᠢᠨ ᠶᠡᠬᠡ ᠬᠡᠷᠡᠭᠲᠤ ᠨᠢᠭᠡᠨ ᠴᠠᠭ ᠵᠶ᠋ᠠᠷ ᠴᠠᠯᠠᠭ᠋ᠠᠢ᠌ᠷᠠᠪᠠ》 ᠭᠡᠵᠦ ᠣᠰᠣᠯ ᠬᠦᠯᠢᠶᠡᠵᠦ ᠪᠠᠢ᠌ᠬᠤᠪᠠᠨ ᠢᠯᠡᠳᠬᠡᠪᠡ᠃
ᠲᠦᠮᠡᠳ ᠨᠤᠳᠤᠭᠲᠤᠪᠠᠨ ᠪᠤᠴᠠᠭᠰᠠᠨᠠᠴᠠ ᠬᠣᠢ᠌ᠰᠢ᠂ ᠰᠠᠨ ᠨᠢᠶᠠᠩ ᠽᠢ᠂ ᠴᠢᠷᠦᠬᠡ ᠠᠨᠳᠠᠭ᠋ᠠᠢ ᠬᠡᠷᠡᠪᠠᠨ ᠪᠠᠲᠤ ᠰᠠᠬᠢᠵᠤ᠂ ᠮᠢᠩᠤᠨ ᠲᠥᠷᠥᠲᠠᠢ ᠨᠥᠬᠥᠷᠰᠡᠭ ᠵᠶ᠋ᠡᠷ ᠶᠠᠪᠤᠯᠴᠠᠵᠤ᠂ ᠰᠠᠨ ᠨᠢᠶᠠᠩ ᠽᠢ ᠵᠢ ᠨᠠᠰᠤ ᠪᠠᠷᠠᠲᠠᠯᠠ ᠳᠠᠬᠢᠵᠤ ᠦᠢ᠍ᠮᠡᠭᠡᠨ ᠳᠡᠪᠵᠢᠶᠡᠨ ᠡᠭᠦᠰᠦᠭᠰᠡᠨ ᠦᠭᠡᠢ ᠪᠢᠯᠡ᠃
ᠬᠥᠬᠡᠬᠣᠲᠠ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠬᠠᠷᠠᠭ᠋ᠠᠨ ᠰᠡᠷᠡᠯᠳᠠᠬᠢ ᠳᠤᠮᠳᠠᠳᠤ ᠤᠯᠤᠰ）
ᠬᠥᠬᠡᠬᠣᠲᠠ ᠵᠢ ᠪᠠᠢ᠌ᠭᠤᠯᠤᠭᠰᠠᠨᠨᠢ
ᠠᠯᠲᠠᠨ ᠬᠠᠨᠠᠴᠠ ᠡᠮᠦᠨᠡ ᠪᠣᠭᠣᠮᠲᠠ ᠵᠢᠨ ᠭᠠᠳᠠᠨᠠᠬᠢ ᠲᠠᠯᠠ ᠨᠤᠲᠤᠭᠲᠤ ᠲᠣᠮᠣᠬᠠᠨ ᠬᠣᠲᠠ ᠭᠡᠵᠦ ᠪᠠᠢ᠌ᠭᠰᠠᠨ ᠦᠭᠡᠢ᠃ 《ᠠᠯᠳᠠᠨ ᠬᠠᠨᠤ ᠡᠷᠭᠦᠮᠵᠢᠯᠡᠯ》 ᠪᠤᠯᠤᠨ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠ ᠵᠢ ᠤᠷᠤᠭᠰᠢᠲᠠᠶ ᠥᠷᠨᠢᠭᠦᠯᠦᠭᠰᠡᠨᠨᠢ ᠬᠤᠳᠠ ᠪᠠᠢ᠌ᠭᠤᠯᠬᠤᠳᠤ ᠠᠮᠤᠷ ᠲᠠᠢ᠌ᠪᠤᠩ ᠣᠷᠴᠢᠨ ᠪᠠᠢ᠌ᠳᠠᠯ ᠪᠠ ᠪᠣᠯᠣᠯᠴᠠᠭ᠋ᠠᠲᠤ ᠨᠥᠬᠥᠴᠡᠯ ᠪᠤᠯᠤᠮᠵᠢ ᠵᠢ ᠬᠠᠩᠭ᠋ᠠᠵᠠᠢ᠃
ᠬᠥᠬᠡᠬᠣᠲᠠ ᠵᠢ ᠪᠠᠢ᠌ᠭᠤᠯᠤᠭᠰᠠᠨ ᠲᠡᠦᠬᠡ ᠵᠢ ᠪᠠᠢ᠌ᠯᠳᠤᠭ᠋ᠠᠨᠲᠤ ᠤᠯᠤᠰᠤᠨ ᠦᠶᠡ ᠬᠦᠷᠲᠡᠯᠡ ᠮᠥᠷᠳᠡᠵᠦ ᠪᠣᠯᠤᠨᠠ᠃ ᠤᠳᠤ ᠦᠶᠡ ᠵᠢᠨ ᠬᠥᠬᠡᠬᠣᠲᠠ ᠵᠢᠨ ᠠᠩᠬᠠᠨᠤ ᠳᠦᠷᠰᠦᠨᠢ ᠶᠠᠭ ᠡᠨᠡ ᠦᠶᠡᠳᠤ ᠪᠤᠢ ᠪᠣᠯᠤᠭᠰᠠᠨ ᠶᠤᠮ᠃ 1572 ᠣᠨᠳᠤ ᠠᠯᠲᠠᠨ ᠬᠠᠨ ᠪᠣᠯᠤᠨ ᠰᠠᠨ ᠨᠢᠶᠠᠩ ᠽᠢ ᠬᠠᠮᠳᠤᠪᠠᠷ ᠬᠥᠬᠡᠬᠣᠲᠠ ᠵᠢ ᠪᠠᠢ᠌ᠭᠤᠯᠬᠤ ᠠᠵᠢᠯᠢ ᠶᠡᠬᠡ ᠬᠡᠪᠴᠢᠶᠡᠪᠠᠷ ᠡᠬᠢᠯᠡᠭᠦᠯᠪᠡ᠃ ᠪᠠᠷᠢᠯᠭᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠮᠢᠩᠤᠨ ᠲᠥᠷᠥᠠᠴᠠ ᠬᠣᠲᠠ ᠪᠠᠢ᠌ᠭᠤᠯᠬᠤᠳᠤ ᠬᠡᠷᠡᠭᠰᠡᠬᠦ ᠰᠢᠷ ᠪᠤᠳᠤᠭ᠂ ᠲᠡᠷᠭᠡ ᠬᠥᠰᠬᠡ᠂ ᠠᠮᠤ ᠪᠤᠳᠠᠭᠠ ᠵᠡᠷᠭᠡ ᠡᠳ᠋ ᠪᠠᠷᠠᠭᠠᠪᠠᠷ ᠶᠡᠬᠡᠳᠡ ᠳᠡᠮᠵᠢᠵᠡᠢ᠃ 1575 ᠣᠨᠳᠤ ᠬᠣᠲᠠ ᠵᠢ ᠦᠨᠳᠦᠰᠦᠨᠳᠤᠪᠠᠨ ᠪᠠᠢ᠌ᠭᠤᠯᠤᠨ ᠳᠠᠭᠤᠰᠬᠠᠵᠤ᠂ ᠮᠢᠩ ᠤᠯᠤᠰᠤᠨ ᠸᠠᠨ ᠯᠢ ᠬᠠᠭ᠋ᠠᠨ ᠡᠨᠡ ᠬᠦ᠌ ᠰᠢᠨᠡ ᠬᠣᠲᠠᠳᠤ 《ᠭᠦᠢ ᠬᠤᠸᠠ》 ᠭᠡᠰᠡᠨ ᠨᠡᠷᠡ ᠬᠠᠢ᠌ᠷᠠᠯᠠᠭᠰᠠᠨ ᠪᠣᠯᠪᠠᠴᠤ ᠬᠥᠮᠦᠰ ᠮᠥᠨ ᠯᠡ ᠬᠥᠬᠡᠬᠣᠲᠠ ᠭᠡᠵᠦ ᠳᠠᠭᠤᠳᠠᠭᠰᠠᠭ᠋ᠠᠷ ᠪᠠᠢ᠌ᠪᠠ᠃
ᠬᠥᠬᠡᠬᠣᠲᠠ ᠵᠢᠨ ᠥᠩᠭᠡ ᠦᠵᠡᠮᠵᠢ᠃ （ᠵᠢᠷᠤᠭᠤᠨ ᠢᠷᠡᠯᠲᠡ᠄ ᠬᠠᠷᠠᠭ᠋ᠠᠨ ᠰᠡᠷᠡᠯᠳᠠᠬᠢ ᠳᠤᠮᠳᠠᠳᠤ ᠤᠯᠤᠰ）
ᠬᠥᠬᠡᠬᠣᠲᠠ ᠭᠡᠬᠦ ᠡᠨᠡ ᠬᠦ᠌ ᠲᠠᠯᠠ ᠨᠤᠲᠤᠭᠤᠨ ᠬᠣᠲᠠᠨᠢ ᠶᠠᠭ ᠯᠠ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠰᠣᠯᠪᠢᠴᠠᠭᠰᠠᠨ ᠴᠡᠯᠡᠭᠡᠷ ᠲᠠᠯᠠᠳᠤ ᠰᠢᠭᠢᠳᠬᠡᠭᠰᠡᠨ ᠰᠤᠪᠤᠳ ᠰᠢᠭ᠋ ᠬᠠᠷᠠᠭᠳᠠᠨᠠ᠃ ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠴᠢᠷᠮᠠᠢ᠌ᠨ ᠵᠢᠳᠭᠦᠭᠰᠡᠨ ᠵᠶ᠋ᠠᠷ ᠠᠯᠪᠠ ᠡᠷᠭᠦᠮᠵᠢᠯᠡᠯᠤᠨ ᠬᠢᠯᠢ ᠵᠢᠨ ᠬᠤᠳᠠᠯᠳᠤᠭᠠ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠵᠤ᠂ ᠤᠯᠤᠰ ᠲᠦᠷᠦ ᠤᠷᠳᠤ ᠬᠤᠭᠤᠴᠠᠭᠠᠪᠠᠷ ᠲᠣᠭᠲᠠᠭᠤᠨ ᠪᠤᠯᠵᠤ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠠᠵᠤ ᠠᠬᠤᠢ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠡᠳᠦᠷ ᠢᠷᠡᠬᠦᠶᠡ ᠨᠢᠭᠲᠠᠷᠠᠪᠠ᠃ ᠲᠡᠭᠦᠨᠢ ᠳᠤᠷᠠᠰᠬᠠᠬᠤ ᠵᠢᠨ ᠲᠥᠯᠥᠭᠡ ᠬᠥᠮᠦᠰ ᠲᠡᠭᠦᠨᠤ ᠡᠷᠬᠢᠯᠡᠵᠦ ᠪᠠᠢ᠌ᠭᠤᠯᠤᠭᠰᠠᠨ ᠪᠥᠭᠡᠳ ᠤᠷᠳᠤ ᠬᠤᠭᠤᠴᠠᠭᠠᠪᠠᠷ ᠰᠠᠭᠤᠷᠢᠰᠢᠨ ᠠᠮᠢᠳᠤᠷᠠᠭᠰᠠᠨ ᠬᠥᠬᠡᠬᠣᠲᠠ ᠵᠢ 《ᠰᠠᠨ ᠨᠢᠶᠠᠩ ᠽᠢ ᠵᠢᠨ ᠬᠤᠳᠠ》 ᠭᠡᠳᠡᠭ᠃
（ᠵᠣᠬᠢᠶᠠᠭᠴᠢ ᠵᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄ ᠢᠤᠢ ᠮᠥᠸᠸ ᠶᠢᠩ᠂ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠢ᠌ᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠲᠡᠦᠬᠡ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠰᠤᠳᠤᠯᠤᠭᠴᠢ）
ᠣᠷᠴᠢᠭᠤᠯᠤᠭᠴᠢ᠄ ᠣᠶᠤᠨᠰᠡᠴᠡᠨ
ᠬᠢᠨᠠᠨ ᠣᠷᠴᠢᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠣᠷᠴᠢᠭᠤᠯᠤᠭᠴᠢ᠄ ᠸᠠᠩ ᠰᠢᠦᠸᠠᠢ ᠳ᠋ᠦᠩ
