ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠯᠠᠭ᠋ᠠᠨᠬᠠᠳᠠ ᠬᠣᠲᠠ ᠵᠢᠨ ᠬᠠᠷᠠᠴᠢᠨ ᠬᠣᠰᠢᠭᠤᠨᠤ ᠪᠠᠷᠠᠭᠤᠨ ᠡᠮᠦᠨᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠦᠬᠡ ᠰᠣᠶᠣᠯᠤᠨ ᠨᠠᠷᠠᠲᠤ ᠪᠠᠯᠭ᠋ᠠᠰᠤ— ᠸᠠᠩᠤᠨ ᠣᠷᠳᠣᠨᠤ ᠪᠠᠯᠭ᠋ᠠᠰᠤ ᠪᠠᠢ᠌ᠳᠠᠭ᠂ ᠹᠧᠣᠳᠠᠯᠤᠨ ᠦᠶᠡᠳᠤ ᠡᠨᠳᠡ ᠸᠠᠩ ᠬᠥᠩ ᠢᠵᠠᠭᠤᠷᠲᠠᠨ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠭᠡᠳᠡᠭᠢ ᠵᠢᠵᠢᠭ ᠪᠠᠯᠭ᠋ᠠᠰᠤᠨᠤ ᠨᠡᠷᠡᠠᠴᠠ ᠠᠮᠠᠷᠬᠠᠨ ᠮᠡᠳᠡᠵᠦ ᠪᠣᠯᠣᠨᠠ᠃ ᠡᠨᠡ ᠬᠦ᠌ ᠭᠠᠵᠠᠷ ᠵᠢᠩᠬᠢᠨᠢᠪᠠᠷ ᠨᠡᠷᠡ ᠠᠯᠳᠠᠷᠰᠢᠭᠰᠠᠨᠨᠢ ᠪᠦᠬᠦ ᠤᠯᠤᠰᠲᠤ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ᠂ ᠬᠦᠷᠢᠶᠡ ᠬᠡᠪᠴᠢᠶᠡᠪᠠᠷ ᠬᠠᠮᠤᠭᠤᠨ ᠶᠡᠬᠡ ᠴᠢᠩ ᠤᠯᠤᠰᠤᠨ ᠦᠶᠡ ᠵᠢᠨ ᠮᠣᠩᠭᠣᠯ ᠸᠠᠩ ᠭᠦᠩᠤᠨ ᠪᠠᠷᠢᠯᠭᠠᠤᠳ ᠪᠠᠢ᠌ᠳᠠᠭᠠᠴᠠ ᠯᠠ ᠪᠣᠯᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠥᠪᠥᠷ ᠮᠣᠩᠭᠣᠯ ᠣᠷᠣᠨᠤ ᠣᠷᠴᠢᠨ ᠦᠶᠡ ᠵᠢᠨ ᠲᠡᠦᠬᠡᠨ ᠲᠡᠭᠡᠷᠡᠬᠢ ᠠᠩᠬᠠᠳᠠᠭᠴᠢ ᠠᠯᠪᠠᠨᠠᠴᠠ ᠡᠷᠬᠢᠯᠡᠭᠰᠡᠨ ᠰᠢᠨᠡ ᠮᠠᠶᠢᠭᠤᠨ ᠰᠤᠷᠭ᠋ᠠᠭᠤᠯᠢ —ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮ ᠡᠨᠳᠡ ᠪᠠᠢ᠌ᠭᠤᠯᠤᠭᠳᠠᠭᠰᠠᠨᠠᠴᠠ ᠪᠣᠯᠤᠭᠰᠠᠨ ᠶᠤᠮ᠃ ᠡᠨᠡ ᠬᠦ᠌ ᠨᠡᠷᠡ ᠴᠤᠤᠲᠠᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ ᠮᠠᠰᠢ ᠤᠯᠠᠨ ᠰᠡᠳᠬᠢᠯᠢ ᠬᠥᠳᠡᠯᠭᠡᠮᠡ ᠦᠯᠢᠭᠡᠷ ᠡᠭᠦᠰᠦᠭᠰᠡᠨ ᠶᠤᠮ᠃
▲ ᠬᠠᠷᠠᠴᠢᠨ ᠴᠢᠨ ᠸᠠᠩᠤᠨ ᠣᠷᠳᠣᠨ
ᠰᠢᠨᠡ ᠪᠦᠯᠦᠭᠤᠨ ᠴᠢᠨ ᠸᠠᠩ᠂ ᠬᠠᠭᠤᠴᠢᠨᠢ ᠥᠭᠡᠷᠡᠴᠢᠯᠡᠵᠦ ᠰᠢᠨᠡ ᠵᠢ ᠪᠠᠢ᠌ᠭᠤᠯᠪᠠ
ᠡᠨᠡ ᠬᠦ᠌ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠠᠩᠬᠢᠮᠤᠨ ᠦᠯᠢᠭᠡᠷᠢ ᠶᠠᠷᠢᠬᠤᠳᠤ᠂ ᠨᠢᠭᠡ ᠬᠥᠮᠥᠨᠢ ᠡᠷᠭᠡᠪᠰᠢ ᠲᠤᠷᠠᠳᠬᠤ ᠶᠤᠰᠤᠲᠠᠢ᠃
▲ ᠭᠦᠩᠰᠠᠩᠨᠣᠷᠪᠤ
ᠭᠦᠩᠰᠠᠩᠨᠣᠷᠪᠤ （1872 ᠣᠨ— 1931 ᠣᠨ）᠂ ᠪᠢᠴᠢᠭᠤᠨ ᠨᠡᠷᠡ ᠯᠧ ᠲᠢᠩ᠂ ᠡᠷᠬᠦᠭᠰᠡᠨ ᠨᠡᠷᠡ ᠺᠦᠢ ᠠᠨ᠂ ᠴᠢᠩ ᠤᠯᠤᠰᠤᠨ ᠦᠶᠡ ᠵᠢᠨ ᠮᠣᠩᠭᠣᠯᠤᠨ ᠬᠠᠷᠠᠴᠢᠨ ᠵᠠᠰᠠᠭ ᠲᠦᠷᠦ ᠵᠢᠨ ᠲᠦᠬᠦᠷᠡᠩ ᠵᠢᠶᠦ᠋ᠨ ᠸᠠᠩ ᠪᠥᠭᠡᠳ ᠵᠣᠰᠣᠲᠤ ᠵᠢᠨ ᠴᠢᠭᠤᠯᠭ᠋ᠠᠨᠤ ᠳᠠᠷᠤᠭᠠ ᠸᠠᠩᠳᠤᠳᠨᠠᠮᠵᠢᠯ （ᠬᠥᠮᠥᠰ ᠸᠠᠩ ᠸᠠᠩ ᠭᠡᠳᠡᠭ） ᠤᠨ ᠤᠤᠭ᠋ᠠᠨ ᠬᠥᠪᠡᠭᠦᠨ ᠪᠣᠯᠣᠨᠠ᠃ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠵᠢᠨ ᠬᠣᠷᠢᠨ ᠳᠥᠷᠪᠡᠳᠦᠭᠡᠷ ᠣᠨ （1898 ᠣᠨ）ᠤ 4 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠸᠠᠩ ᠸᠠᠩ ᠡᠪᠡᠳᠴᠢᠨ ᠵᠶ᠋ᠡᠷ ᠨᠠᠰᠤ ᠪᠠᠷᠠᠪᠠ᠃ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠵᠢᠨ ᠬᠣᠷᠢᠨ ᠲᠠᠪᠤᠳᠤᠭ᠋ᠠᠷ ᠣᠨ （1899 ᠣᠨ）ᠤ ᠬᠠᠪᠤᠷ᠂ ᠭᠦᠩᠰᠠᠩᠨᠣᠷᠪᠤ ᠵᠣᠰᠣᠲᠤ ᠵᠢᠨ ᠴᠢᠭᠤᠯᠭ᠋ᠠᠨᠤ ᠬᠠᠷᠠᠴᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠵᠠᠰᠠᠭ ᠵᠢᠶᠦ᠋ᠨ ᠸᠠᠩᠤᠨ ᠵᠡᠷᠭᠡ ᠬᠡᠷᠬᠡᠮᠢ ᠵᠢᠩᠬᠢᠨᠢᠪᠠᠷ ᠵᠠᠯᠭ᠋ᠠᠮᠵᠢᠯᠠᠵᠤ᠂ ᠵᠤᠰᠤᠳᠤ ᠵᠢᠨ ᠴᠢᠭᠤᠯᠭ᠋ᠠᠨᠤ ᠳᠠᠷᠤᠭᠠ ᠵᠢᠨ ᠲᠤᠰᠢᠶᠠᠯᠢ ᠬᠠᠪᠰᠤᠷᠭ᠋ᠠᠨ ᠬᠠᠷᠢᠭᠤᠴᠠᠪᠠ᠂ ᠲᠤᠬᠠᠢ ᠵᠢᠨ ᠵᠢᠯᠳᠤ ᠲᠡᠷᠡ ᠰᠠᠶᠢ 27 ᠨᠠᠰᠤᠲᠠᠢ ᠪᠠᠢ᠌ᠭᠰᠠᠨ ᠲᠤᠯᠠ ᠬᠥᠮᠥᠰ ᠲᠡᠭᠦᠨᠢ ᠬᠥᠩ ᠸᠠᠩ ᠭᠡᠵᠦ ᠳᠠᠭᠤᠳᠠᠵᠠᠢ᠃ ᠴᠠᠭ᠋ᠠᠭᠴᠢᠨ ᠭᠠᠬᠠᠢ ᠵᠢᠯᠤᠨ ᠬᠤᠪᠢᠰᠬᠠᠯᠤᠨ ᠳᠠᠷᠠᠭᠠ᠂ ᠤᠮᠠᠷᠠᠲᠤ ᠵᠢᠨ ᠴᠡᠷᠢᠭᠤᠨ ᠡᠷᠬᠡᠲᠡᠨᠤ ᠵᠠᠰᠠᠭᠤᠨ ᠭᠠᠵᠠᠷᠠᠴᠠ ᠲᠡᠭᠦᠨᠢ ᠴᠢᠨ ᠸᠠᠩ ᠡᠷᠬᠦᠮᠵᠢᠯᠡᠪᠡ᠃
ᠬᠥᠩ ᠸᠠᠩ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠰᠢᠯᠢᠳᠡᠭ ᠰᠠᠢ᠌ᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯ ᠭᠥᠷᠳᠡᠵᠦ᠂ ᠬᠢᠲᠠᠳ ᠮᠠᠨᠵᠤ ᠮᠣᠩᠭᠣᠯ ᠲᠥᠪᠡᠳ ᠳᠥᠷᠪᠡᠨ ᠬᠡᠯᠡᠨᠳᠤ ᠨᠡᠪᠲᠡᠷᠡᠭᠰᠡᠨ ᠪᠥᠭᠡᠳ ᠰᠢᠯᠦᠭ ᠵᠢᠷᠤᠭᠲᠤ ᠠᠪᠢᠶᠠᠰᠲᠠᠢ᠂ ᠪᠢᠴᠢᠭ ᠴᠡᠷᠢᠭᠤᠨ ᠡᠷᠳᠡᠮ ᠬᠤᠤᠰᠯᠠᠭᠰᠠᠨ ᠴᠢᠳᠠᠪᠤᠷᠢᠳᠠᠨ ᠶᠤᠮ᠃ ᠵᠡᠷᠭᠡ ᠬᠡᠷᠬᠡᠮ ᠵᠠᠯᠭ᠋ᠠᠮᠵᠢᠯᠠᠭᠰᠠᠨᠤ ᠳᠠᠷᠠᠭᠠ᠂ ᠲᠡᠷᠡ ᠬᠡᠮᠳᠦ ᠵᠠᠰᠠᠭ ᠪᠣᠯᠣᠨ ᠬᠠᠭᠤᠴᠢᠨ ᠳᠦᠷᠢᠮᠢ ᠦᠭᠡᠷᠡᠴᠢᠯᠡᠨ ᠵᠠᠰᠠᠵᠦ᠂ ᠣᠷᠳᠣᠨᠤ ᠳᠣᠲᠣᠷᠠᠬᠢ ᠠᠯᠢᠮᠠ ᠵᠢᠨ ᠬᠦᠷᠢᠶᠡᠯᠡᠩᠤᠨ ᠰᠢ ᠵᠦᠴᠦᠭᠡ ᠵᠢᠨ ᠠᠩᠭᠢ ᠵᠢ ᠲᠠᠷᠬᠠᠭ᠋ᠠᠵᠤ᠂ ᠸᠠᠩᠤᠨ ᠣᠷᠳᠣᠨᠤ ᠠᠯᠪᠠ ᠬᠠᠭ᠋ᠠᠭᠴᠢᠳᠤᠨ ᠬᠣᠭᠣᠯᠠ ᠤᠮᠳᠠ ᠵᠢ ᠰᠠᠢ᠌ᠵᠢᠷᠠᠭᠤᠯᠵᠤ᠂ ᠡᠷᠡᠴᠦᠳᠤᠨ ᠰᠠᠬᠢᠯ ᠠᠪᠴᠤ ᠬᠤᠸᠠᠷᠠᠭ ᠪᠣᠯᠬᠤ ᠵᠢ ᠬᠢᠵᠠᠭ᠋ᠠᠷᠯᠠᠵᠤ᠂ ᠴᠢᠨᠠᠭᠰᠢᠯᠠᠪᠠᠯ ᠰᠦᠬᠦᠳᠴᠦ ᠮᠦᠷᠬᠦᠬᠦ ᠶᠣᠰᠣᠯᠠᠯᠢ ᠬᠦᠴᠦᠨ ᠦᠭᠡᠢ ᠪᠣᠯᠭ᠋ᠠᠵᠤ᠂ ᠬᠣᠰᠢᠭᠤᠨᠤ ᠠᠷᠠᠳᠢ ᠡᠷᠬᠢᠮ ᠳᠣᠣᠷᠠᠳᠤ ᠵᠡᠷᠭᠡ ᠳᠡᠰ ᠬᠤᠪᠢᠶᠠᠬᠤ ᠦᠭᠡᠢ ᠪᠣᠯᠭ᠋ᠠᠵᠠᠢ᠃
ᠬᠥᠩ ᠸᠠᠩᠤᠨ ᠲᠠᠷᠢᠬᠢ ᠲᠣᠯᠣᠭ᠋ᠠᠢᠨᠢ ᠬᠤᠷᠴᠠ ᠰᠡᠷᠭᠡᠭ᠂ ᠦᠵᠡᠯ ᠰᠠᠨᠠᠭᠠᠨᠢ ᠴᠢᠯᠦᠭᠡᠲᠡᠢ ᠪᠠᠢ᠌ᠵᠤ᠂ ᠬᠣᠰᠢᠭᠤᠨ ᠳᠣᠲᠣᠷᠠᠪᠠᠨ ᠴᠡᠷᠢᠭ ᠪᠣᠯᠪᠠᠰᠤᠷᠠᠭᠤᠯᠤᠨ ᠵᠠᠮ ᠵᠠᠰᠠᠵᠤ᠂ ᠰᠢᠤᠳᠠᠨ ᠨᠡᠪᠲᠡᠷᠡᠭᠦᠯᠵᠦ ᠰᠣᠨᠢᠨ ᠡᠷᠭᠢᠯᠡᠵᠦ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢ ᠰᠠᠢ᠌ᠵᠢᠷᠠᠭᠤᠯᠵᠦ᠂ ᠵᠠᠩ ᠳᠠᠳᠬᠠᠯᠢ ᠥᠭᠡᠷᠡᠴᠢᠯᠡᠵᠦ᠂ ᠦᠢ᠍ᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠ ᠵᠢ ᠬᠥᠭᠵᠢᠭᠦᠯᠵᠡᠢ᠃ ᠵᠦᠢ᠍ᠯ ᠵᠦᠢ᠍ᠯᠤᠨ ᠰᠢᠨᠡ ᠲᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨᠠᠴᠠ ᠨᠡᠢ᠌ᠭᠡᠮᠤᠨ ᠳᠦᠷᠰᠦ ᠪᠠᠢ᠌ᠳᠠᠯ ᠴᠣ᠌ ᠴᠤ ᠰᠢᠨᠡ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃
ᠰᠤᠷᠭ᠋ᠠᠨ ᠬᠥᠮᠦᠵᠢᠯᠢ ᠡᠭᠦᠰᠬᠡᠨ ᠪᠠᠢ᠌ᠭᠤᠯᠵᠤ᠂ ᠠᠷᠠᠳᠤᠨ ᠤᠶᠤᠨ ᠤᠬᠠᠭ᠋ᠠᠨᠢ ᠰᠡᠩᠬᠡᠷᠡᠬᠦᠯᠪᠡ
ᠬᠥᠩ ᠸᠠᠩᠤᠨ ᠬᠤᠢ᠌ᠴᠢ ᠦᠶᠡᠳᠤᠪᠠᠨ ᠬᠠᠮᠤᠭᠤᠨ ᠶᠡᠬᠡ ᠨᠥᠯᠥᠭᠡ ᠦᠵᠡᠭᠦᠯᠦᠭᠰᠡᠨ ᠠᠷᠭᠠ ᠬᠡᠮᠵᠢᠶᠡ ᠵᠢ ᠬᠡᠯᠡᠪᠡᠯ᠂ ᠤᠷᠴᠢᠨ ᠦᠶᠡ ᠵᠢᠨ ᠥᠪᠥᠷ ᠮᠣᠩᠭᠣᠯ ᠣᠷᠣᠨᠤ ᠠᠩᠬᠠᠳᠠᠭᠴᠢ ᠠᠯᠪᠠᠨᠠᠴᠠ ᠡᠷᠭᠢᠯᠡᠭᠰᠡᠨ ᠰᠢᠨᠡ ᠮᠠᠶᠢᠭᠤᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠠᠩᠭᠢᠮᠢ ᠡᠭᠦᠰᠬᠡᠨ ᠪᠠᠢ᠌ᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠴᠢᠩ ᠤᠯᠤᠰᠤᠨ ᠳᠤᠮᠳᠠᠴᠢ ᠦᠶᠡᠠᠴᠠ ᠡᠬᠢᠯᠡᠨ ᠪᠣᠭᠣᠮᠲᠠ ᠳᠤᠳᠤᠷᠠᠠᠴᠠ ᠶᠡᠬᠡ ᠬᠡᠮᠵᠢᠶᠡᠨᠤ ᠬᠥᠮᠥᠨ ᠥᠪᠥᠷ ᠮᠣᠩᠭᠣᠯᠳᠤ ᠨᠡᠬᠦᠳᠡᠯᠯᠡᠨ ᠢᠷᠡᠵᠦ ᠠᠵᠤ ᠲᠦᠷᠦᠬᠦ ᠪᠤᠯᠵᠡᠢ᠂ ᠬᠠᠷᠠᠴᠢᠨ ᠬᠤᠰᠢᠭᠤ ᠡᠮᠦᠨᠡ ᠲᠠᠯᠠᠪᠠᠷ ᠵᠶ᠋ᠠᠨ ᡁᠢ ᠯᠢ （ᠣᠳᠣ ᠵᠢᠨ ᠾᠧᠪᠧᠢ）ᠲᠠᠢ ᠬᠥᠷᠰᠢᠯᠡᠵᠦ ᠪᠣᠢ ᠲᠤᠯᠠ᠂ ᠶᠡᠬᠡ ᠬᠡᠮᠵᠢᠶᠡᠨᠤ ᠬᠢᠲᠠᠳ ᠲᠠᠷᠢᠶᠠᠴᠢᠨ ᠪᠠ ᠬᠤᠳᠠᠯᠳᠤᠭ᠋ᠠᠴᠢᠨ ᠣᠷᠤᠵᠦ ᠢᠷᠡᠭᠰᠡᠨ ᠪᠠᠢ᠌ᠨᠠ᠃ ᠬᠥᠩ ᠸᠠᠩ ᠮᠣᠩᠭᠣᠯ ᠬᠢᠲᠠᠳ ᠬᠣᠯᠪᠣᠭ᠋ᠠᠯᠠᠬᠤ ᠵᠢ ᠰᠠᠨᠠᠭ᠋ᠠᠴᠢᠯᠠᠬᠤ ᠵᠢᠨ ᠬᠠᠮᠲᠤ ᠰᠤᠷᠭ᠋ᠠᠭᠤᠯᠢ ᠪᠠᠶ᠋ᠢᠭᠤᠯᠬᠤ ᠪᠤᠳᠤᠯᠲᠠᠢ ᠪᠠᠢ᠌ᠭᠰᠠᠨ ᠪᠣᠯᠪᠠᠴᠤ ᠨᠣᠶᠠᠳ ᠲᠦᠰᠢᠮᠡᠳᠨᠢ ᠮᠣᠩᠭᠣᠯ ᠬᠢᠲᠠᠳᠤᠨ ᠬᠠᠷᠢᠴᠠᠭᠠ ᠵᠢ ᠰᠢᠢ᠍ᠳᠪᠦᠷᠢᠯᠡᠬᠦ᠂ ᠡᠷᠬᠡ ᠵᠢ ᠲᠡᠮᠡᠴᠡᠨ ᠣᠯᠬᠤ ᠶᠠᠪᠤᠳᠠᠯᠢ ᠲᠡᠷᠢᠭᠦᠨ ᠴᠢᠬᠤᠯᠠ ᠡᠭᠦᠷᠭᠡᠪᠠᠨ ᠪᠣᠯᠭ᠋ᠠᠬᠤ ᠵᠢ ᠪᠠᠷᠢᠮᠲᠠᠯᠠᠵᠤ ᠪᠠᠢ᠌ᠪᠠ᠃ ᠬᠣᠶᠠᠷ ᠲᠠᠯᠠᠪᠠᠷ ᠵᠶ᠋ᠠᠨ ᠥᠪᠡᠷ ᠥᠪᠡᠷᠤᠨ ᠦᠵᠡᠯᠲᠡᠪᠠᠨ ᠪᠠᠷᠢᠮᠲᠠᠯᠠᠵᠤ᠂ ᠬᠥᠰᠢᠭᠦᠨ ᠪᠠᠢ᠌ᠳᠠᠯᠳᠤ ᠣᠷᠣᠪᠠ᠃ ᠬᠥᠩ ᠸᠠᠩ ᠠᠷᠭᠠ ᠪᠤᠰᠤ ᠤᠷᠢᠳ ᠵᠶ᠋ᠠᠷ ᠵᠢᠷᠤᠮᠤᠨ ᠰᠤᠷᠭ᠋ᠠᠭᠤᠯᠢ ᠪᠠᠢ᠌ᠭᠤᠯᠵᠤ᠂ ᠢᠵᠠᠭᠤᠷᠲᠠᠨᠤ ᠦᠷᠡ ᠬᠡᠦᠬᠡᠳᠢ ᠵᠢᠭ᠋ᠠᠨ ᠰᠤᠷᠭ᠋ᠠᠵᠤ᠂ ᠲᠣᠬᠢᠶᠠᠯ ᠬᠦᠯᠢᠶᠡᠬᠦᠪᠠᠷ ᠪᠣᠯᠪᠠ᠃ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠵᠢᠨ ᠬᠣᠷᠢᠨ ᠨᠠᠢ᠍ᠮᠠᠳᠤᠭ᠋ᠠᠷ ᠣᠨ （1902 ᠣᠨ）ᠤ ᠰᠡᠭᠦᠯᠴᠢᠪᠠᠷ ᠬᠥᠩ ᠸᠠᠩ ᠳᠠᠷᠤᠯᠲᠠ ᠵᠢ ᠲᠤᠯᠵᠤ᠂ ᠸᠠᠩᠤᠨ ᠣᠷᠳᠣᠨᠤ ᠪᠠᠷᠠᠭᠤᠨ ᠬᠦᠷᠢᠶᠡᠨᠳᠤ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠢ ᠡᠭᠦᠰᠬᠡᠨ ᠪᠠᠢ᠌ᠭᠤᠯᠵᠤ᠂ ᠥᠪᠡᠷᠤᠨ ᠪᠡᠶᠡᠪᠠᠷ ᠵᠶ᠋ᠡᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠤᠯᠤᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠠᠢ᠃
ᠡᠨᠡ ᠪᠣᠯ ᠭᠦᠩ ᠸᠠᠩᠤᠨ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠢ ᠡᠷᠬᠢᠯᠡᠬᠦ ᠵᠢᠨ ᠲᠥᠯᠥᠭᠡ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠳᠤᠯᠤᠭ᠋ᠠᠨ ᠦᠰᠦᠭᠳᠦ ᠰᠢᠯᠦᠭ ᠪᠣᠯᠣᠨᠠ᠂ ᠡᠭᠦᠨᠳᠤ ᠡᠯᠡ ᠦᠨᠳᠦᠰᠦᠲᠡᠨᠤ ᠰᠤᠷᠤᠭᠴᠢᠳᠲᠤ ᠲᠠᠯᠪᠢᠭᠰᠠᠨ ᠴᠢᠩ ᠰᠡᠳᠬᠢᠯᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠤᠢ᠃
ᠲᠦᠷᠦ ᠬᠦᠷᠦᠨ ᠰᠢᠨᠡᠴᠢᠯᠡᠬᠦ ᠵᠢ ᠵᠤᠷᠢᠨ ᠵᠠᠭᠤᠨ ᠵᠦᠢ᠍ᠯ ᠵᠶ᠋ᠡᠷ ᠴᠢᠷᠮᠠᠢ᠌ᠬᠤᠶᠠ᠂
ᠬᠢᠵᠠᠭ᠋ᠠᠷ ᠬᠤᠰᠢᠭᠤ ᠡᠭᠡᠨᠡᠭᠲᠡ ᠮᠦᠨ ᠤᠬᠠᠭ᠋ᠠᠨ ᠭᠡᠭᠡᠷᠡᠬᠦᠢ ᠵᠢ ᠵᠤᠷᠢᠨᠠᠮ᠃
ᠲᠦᠪᠢ ᠡᠷᠬᠢᠮᠯᠡᠬᠦ ᠢᠨᠦ ᠤᠷᠢᠳᠠᠬᠢᠨ ᠲᠠᠨᠤ ᠤᠯᠠᠨᠠᠴᠠ ᠡᠬᠢᠯᠡᠬᠦᠶᠡ᠂
ᠡᠷᠳᠡᠮ ᠴᠢᠳᠠᠯ ᠵᠶ᠋ᠠᠨ ᠡᠬᠦᠰᠭᠡᠨ ᠬᠦᠭᠵᠢᠬᠦᠯᠵᠦ ᠪᠢᠴᠢᠭᠳᠡᠨᠢ ᠡᠰᠡ ᠭᠤᠮᠤᠳᠠᠭ᠋ᠠᠮᠤᠢ᠃
ᠤᠳᠤ ᠴᠠᠭᠤᠨ ᠡᠷᠡᠮᠡᠭᠡᠢ ᠵᠤᠷᠢᠭᠳᠠᠨᠢ ᠰᠡᠳᠬᠢᠯ ᠪᠠᠬᠠᠳᠤᠨ ᠬᠠᠷᠠᠬᠤᠶᠠ᠂
ᠢᠷᠡᠬᠦ ᠤᠨᠳᠤ ᠲᠦᠰᠢᠭ ᠪᠤᠯᠬᠤ ᠵᠢ ᠮᠢᠨᠦ ᠪᠡᠶᠡ ᠬᠦᠰᠡᠮᠵᠢᠯᠡᠨᠡᠮ᠃
ᠬᠢᠵᠠᠭ᠋ᠠᠯᠠᠰᠢ ᠦᠭᠡᠢ ᠡᠷᠡᠯᠭᠡᠭ ᠰᠠᠨᠠᠭ᠋ᠠᠨᠳᠤᠷ ᠰᠦᠯᠳᠡ ᠬᠦᠴᠦ ᠬᠦᠪᠴᠢᠯᠡᠷᠦᠨ᠂
ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠵᠤᠷᠢᠭ ᠰᠦᠰᠦᠭᠳᠡᠨ ᠬᠦᠷᠦᠰᠢ ᠬᠦᠷᠦᠨᠳᠤᠷ ᠮᠦᠴᠡᠷᠬᠡᠮᠦᠢ᠃
ᠰᠤᠷᠭ᠋ᠠᠨ ᠬᠥᠮᠦᠵᠢᠯᠢ ᠬᠦᠭᠵᠢᠭᠦᠯᠬᠦᠪᠠᠷ ᠠᠷᠠᠳᠤᠨ ᠤᠶᠤᠨ ᠤᠬᠠᠭ᠋ᠠᠨᠢ ᠰᠡᠩᠬᠡᠷᠡᠭᠦᠯᠬᠦ ᠪᠣᠯ ᠭᠦᠩ ᠸᠠᠩᠤᠨ ᠬᠠᠮᠤᠭᠤᠨ ᠶᠡᠬᠡ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠮᠥᠨ᠃ ᠰᠤᠷᠭ᠋ᠠᠭᠤᠯᠢᠨᠢ ᠶᠠᠮᠠᠷ ᠴᠤ᠌ ᠰᠦᠢ᠍ᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠭᠡᠵᠦ ᠢᠯᠭ᠋ᠠᠯ ᠦᠭᠡᠢ ᠡᠯᠰᠡᠵᠦ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠰᠤᠷᠤᠭᠴᠢᠳ ᠬᠤᠯᠢᠯᠳᠦᠨ ᠰᠤᠷᠤᠯᠴᠠᠵᠤ᠂ ᠢᠵᠠᠭᠤᠷᠲᠠᠨ ᠪᠠ ᠡᠭᠡᠯ ᠠᠷᠠᠳ ᠪᠦᠷ ᠡᠷᠭᠡ ᠲᠡᠭᠰᠢ ᠪᠠᠢ᠌ᠪᠠ᠃ ᠰᠣᠷᠣᠭᠴᠢ ᠡᠯᠰᠡᠬᠦ ᠵᠢ ᠥᠷᠭᠡᠳᠬᠡᠬᠦ ᠵᠢᠨ ᠲᠥᠯᠥᠭᠡ᠂ ᠴᠢᠨᠠᠭᠰᠢᠯᠠᠪᠠᠯ ᠬᠡᠦᠬᠡᠳ ᠵᠶ᠋ᠠᠨ ᠰᠤᠷᠭ᠋ᠠᠭᠤᠯᠢᠳᠤ ᠣᠷᠣᠭᠤᠯᠤᠭᠰᠠᠨ ᠭᠡᠷ ᠪᠦᠯᠢ ᠵᠢᠨ ᠭᠠᠢ᠌ᠯᠢ ᠲᠠᠲᠠᠪᠤᠷᠢ ᠵᠢ ᠬᠥᠩᠭᠡᠯᠡᠵᠦ ᠭᠡᠯᠳᠦᠷᠢᠬᠦᠯᠪᠡ᠃ ᠪᠠᠭᠰᠢ ᠵᠢᠨ ᠡᠩᠨᠡᠭᠡᠨᠤ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠲᠠᠯᠠᠪᠠᠷ ᠭᠦᠩ ᠸᠠᠩ ᠮᠦᠩᠬᠦ ᠵᠤᠭᠤᠰ ᠬᠠᠢ᠌ᠷᠠᠯᠠᠯ ᠦᠭᠡᠢᠪᠠᠷ ᠡᠷᠳᠡᠮᠲᠡᠨ ᠮᠡᠷᠭᠡᠳᠢ ᠡᠯᠰᠡᠵᠦ᠂ ᠴᠢᠳᠠᠪᠤᠷᠢᠲᠠᠨᠢ ᠥᠷᠭᠡᠨ ᠵᠶ᠋ᠡᠷ ᠤᠷᠢᠵᠤ᠂ ᠵᠢᠶᠠᠩᠨᠠᠨᠤ ᠨᠡᠷᠡᠲᠦ ᠬᠥᠮᠥᠰᠢ ᠤᠷᠢᠵᠤ ᠪᠠᠭᠰᠢᠯᠠᠭᠤᠯᠪᠠ᠃ ᠬᠢᠴᠢᠶᠡᠯᠤᠨ ᠲᠣᠬᠢᠷᠠᠭᠤᠯᠤᠯᠲᠠ ᠵᠢᠨ ᠲᠠᠯᠠᠪᠠᠷ ᠮᠣᠩᠭᠣᠯ ᠬᠢᠲᠠᠳ ᠬᠡᠯᠡᠨᠤ 《ᠭᠤᠷᠪᠠᠨ ᠦᠰᠦᠭᠲᠦ ᠨᠣᠮ》᠂ 《ᠮᠢᠩᠭ᠋ᠠᠨ ᠦᠰᠦᠭᠳᠦ ᠨᠣᠮ》᠂ 《ᠲᠦᠷᠪᠡᠨ ᠪᠢᠴᠢᠭ》᠂ 《ᠲᠠᠪᠤᠨ ᠨᠣᠮ》ᠠᠴᠠ ᠭᠠᠳᠠᠨᠠ ᠪᠠᠰᠠ ᠲᠣᠭᠠ ᠪᠣᠳᠣᠯᠭᠠ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ᠂ ᠤᠷᠠᠨ ᠪᠢᠴᠢᠯᠭᠡ᠂ ᠤᠷᠠᠨ ᠵᠢᠷᠤᠭ᠂ ᠳᠠᠭᠤᠤ ᠬᠥᠭᠵᠢᠮ᠂ ᠪᠡᠶᠡ ᠲᠠᠮᠢᠷ ᠵᠡᠷᠭᠡ ᠬᠢᠴᠢᠶᠡᠯᠢ ᠲᠣᠬᠢᠷᠠᠭᠤᠯᠵᠠᠢ᠃
ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠨᠢ ᠥᠪᠥᠷ ᠮᠣᠩᠭᠣᠯ ᠣᠷᠣᠨᠳᠤ ᠣᠷᠴᠢᠨ ᠦᠶᠡ ᠵᠢᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠᠩᠬᠠᠨᠤ ᠬᠦᠰᠢᠭᠡ ᠵᠢ ᠰᠡᠬᠦᠵᠦ᠂ ᠬᠢᠯᠢ ᠬᠢᠵᠠᠭ᠋ᠠᠷᠤᠨ ᠦᠨᠳᠦᠰᠦᠲᠡᠨᠤ ᠣᠷᠣᠨᠤ ᠰᠣᠶᠣᠯ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠦᠢ᠍ᠯᠡᠰᠤᠨ ᠬᠥᠭᠵᠢᠯᠲᠡᠳᠤ ᠮᠠᠰᠢ ᠰᠠᠢ᠌ᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠪᠡ᠃ ᠰᠤᠷᠭ᠋ᠠᠭᠤᠯᠢᠨᠢ ᠣᠷᠴᠢᠨ ᠦᠶᠡ ᠵᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠤᠯᠤᠰ ᠲᠦᠷᠦ᠂ ᠰᠣᠶᠣᠯ᠂ ᠡᠮ ᠡᠮᠨᠡᠯᠭᠡ᠂ ᠴᠡᠷᠢᠭᠤᠨ ᠶᠠᠪᠤᠳᠠᠯ ᠵᠡᠷᠭᠡ ᠴᠠᠷᠠᠭᠠ ᠬᠦᠷᠢᠶᠡᠨᠳᠤ ᠶᠡᠬᠡ ᠬᠡᠮᠵᠢᠶᠡᠨᠤ ᠴᠢᠳᠠᠪᠤᠷᠢᠲᠠᠨᠢ ᠬᠦᠮᠦᠵᠢᠬᠦᠯᠦᠭᠰᠡᠨ ᠵᠶ᠋ᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠳᠣᠲᠣᠷᠠ ᠭᠠᠵᠠᠷᠲᠤ ᠶᠡᠬᠡ ᠬᠡᠮᠵᠢᠶᠡᠨᠤ ᠰᠢᠯᠢᠳᠡᠭ ᠲᠡᠭᠦᠰᠦᠭᠰᠡᠨ ᠰᠤᠷᠤᠭᠴᠢᠳᠢ ᠬᠦᠷᠭᠡᠭᠰᠡᠨ ᠪᠠᠢ᠌ᠨᠠ᠃ ᠳᠣᠲᠣᠭ᠋ᠠᠳᠤ ᠵᠢᠨ ᠵᠣᠪᠠᠯᠠᠩ ᠭᠠᠳᠠᠭ᠋ᠠᠳᠤ ᠵᠢᠨ ᠠᠶᠤᠯᠳᠤ ᠲᠤᠯᠭ᠋ᠠᠷᠠᠭᠰᠠᠨ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠬᠠᠭ᠋ᠠᠨ ᠡᠨᠡ ᠬᠦ᠌ ᠡᠷᠡᠰ ᠵᠣᠷᠢᠭᠲᠠᠢ ᠬᠤᠪᠢᠰᠤᠯᠲᠠ ᠵᠢ ᠶᠡᠬᠡᠪᠠᠷ ᠮᠠᠭᠲᠠᠨ ᠰᠠᠢ᠌ᠰᠢᠶᠠᠵᠤ᠂ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠵᠢᠨ ᠭᠤᠴᠢᠨ ᠬᠣᠶᠠᠳᠤᠭ᠋ᠠᠷ ᠣᠨ （1906 ᠣᠨ）ᠳᠤ ᠬᠥᠩ ᠸᠠᠩᠤᠨ ᠠᠷᠠᠳᠤᠨ ᠤᠬᠠᠭ᠋ᠠᠨᠢ ᠭᠡᠭᠡᠷᠡᠬᠦᠯᠦᠭᠰᠡᠨ ᠭᠠᠪᠢᠶᠠ ᠵᠢ ᠬᠥᠬᠢᠭᠦᠯᠦᠨ ᠰᠠᠢ᠌ᠰᠢᠶᠠᠬᠤ ᠵᠢᠨ ᠲᠥᠯᠥᠭᠡ 《ᠮᠤᠩᠭᠤᠯ ᠬᠢᠵᠠᠭ᠋ᠠᠷᠢ ᠭᠡᠭᠡᠷᠡᠬᠦᠯᠦᠭᠰᠡᠨ》 ᠭᠡᠰᠡᠨ ᠢᠯᠡᠷᠭᠡᠢ᠌ᠯᠡᠯᠢ ᠱᠠᠩᠨᠠᠵᠠᠢ᠃
ᠪᠢᠴᠢᠭ ᠴᠡᠷᠢᠭᠤᠨ ᠡᠷᠳᠡᠮᠢ ᠬᠤᠤᠰᠯᠠᠭᠤᠯᠵᠦ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠡᠷᠬᠡ ᠲᠡᠭᠰᠢ ᠪᠠᠢ᠌ᠬᠤ ᠵᠢ ᠡᠷᠬᠢᠮᠯᠡᠪᠡ
ᠲᠦᠪ ᠶᠤᠰᠤ ᠴᠢᠭᠴᠢ ᠰᠤᠷᠳᠠᠯᠢ ᠪᠡᠶᠡ ᠴᠡᠭᠡᠵᠢᠨᠳᠤᠪᠠᠨ ᠠᠬᠤᠭᠤᠯᠵᠤ᠂ ᠡᠷᠬᠢᠮ ᠪᠤᠳᠤᠯ ᠡᠷᠡᠯᠭᠡᠭ ᠵᠤᠷᠢᠭ ᠵᠶ᠋ᠠᠷ ᠡᠩ ᠶᠢᠷᠳᠢᠨᠴᠦ ᠵᠢ ᠦᠭᠡᠷᠡᠴᠢᠯᠡᠰᠦᠬᠦᠢ᠃
ᠡᠨᠡ ᠪᠣᠯ ᠭᠦᠩ ᠸᠠᠩᠤᠨ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠤᠨ ᠬᠢᠴᠢᠶᠡᠯ ᠡᠬᠢᠯᠡᠬᠦ ᠶᠣᠰᠣᠯᠠᠯ ᠳᠡᠭᠡᠷᠡ ᠪᠢᠴᠢᠭᠰᠡᠨ ᠬᠣᠣᠰ ᠤᠶᠠᠩᠭᠠ ᠪᠣᠯᠣᠨᠠ᠃ ᠰᠤᠷᠤᠭᠴᠢᠳ ᠵᠢᠴᠢ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠲᠠᠯᠪᠢᠭᠰᠠᠨ ᠲᠡᠭᠦᠨᠤ ᠬᠢᠵᠠᠭ᠋ᠠᠯᠠᠰᠢ ᠦᠭᠡᠢ ᠬᠦᠰᠡᠯ ᠡᠷᠡᠮᠡᠯᠵᠡᠯᠨᠢ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ ᠰᠤᠷᠭ᠋ᠠᠭᠤᠯᠢ ᠡᠷᠬᠢᠯᠡᠬᠦ ᠶᠠᠪᠤᠴᠠᠳᠤ ᠭᠦᠢ᠍ᠴᠡᠳ ᠪᠡᠶᠡᠯᠡᠯᠳᠡᠪᠠᠨ ᠣᠯᠣᠭᠰᠠᠨ ᠪᠠᠢ᠌ᠨᠠ᠃ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨ ᠵᠡᠪᠰᠡᠭᠤᠨ ᠡᠷᠳᠡᠮᠢ ᠡᠷᠬᠢᠮᠯᠡᠬᠦ ᠤᠳᠤᠮᠰᠢᠯᠲᠠᠢ᠂ ᠨᠡᠬᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨᠤ ᠭᠠᠷᠤᠯᠲᠠᠢ ᠭᠦᠩ ᠸᠠᠩ ᠴᠡᠷᠢᠭᠤᠨ ᠪᠡᠯᠡᠳᠬᠡᠯᠢ ᠨᠡᠩ ᠴᠢᠬᠤᠯᠠᠴᠢᠯᠠᠳᠠᠭ᠃ ᠨᠠᠢ᠍ᠮᠠᠨ ᠤᠯᠤᠰᠤᠨ ᠬᠣᠯᠪᠣᠭ᠋ᠠᠲᠤ ᠴᠡᠷᠢᠭ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠷᠢᠮᠡᠬᠡᠢ᠌ᠯᠡᠭᠰᠡᠨᠤ ᠳᠠᠷᠠᠭᠠ᠂ ᠬᠥᠩ ᠸᠠᠩ ᠢᠳᠡᠪᠬᠢᠲᠡᠢᠪᠠᠷ ᠤᠷᠢᠶᠠᠯᠠᠭᠠ ᠵᠢ ᠴᠤᠤᠷᠢᠶᠠᠲᠤᠨ ᠳᠠᠭ᠋ᠠᠵᠤ᠂ ᠵᠠᠯᠠᠭᠤ ᠢᠳᠡᠷᠴᠦᠳᠢ ᠰᠣᠩᠭᠣᠨ ᠸᠠᠩᠤᠨ ᠣᠷᠳᠣᠨᠤ ᠰᠡᠷᠭᠡᠢ᠌ᠯᠡᠨ ᠬᠠᠮᠠᠭ᠋ᠠᠯᠠᠬᠤ ᠠᠩᠭᠢᠲᠠᠢ ᠬᠠᠮᠲᠤ ᠰᠢᠨᠡ ᠮᠠᠶᠢᠭᠤᠨ ᠴᠡᠷᠢᠭ ᠠᠩᠭᠢ ᠪᠣᠯᠭ᠋ᠠᠨ ᠴᠡᠭᠴᠡᠯᠡᠨ ᠪᠠᠢ᠌ᠭᠤᠯᠵᠤ᠂ ᠪᠦᠦ ᠳ᠋ᠢᠩᠤᠨ ᠴᠡᠷᠢᠭᠤᠨ ᠪᠡᠯᠡᠳᠬᠡᠯᠤᠨ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨ ᠵᠧᠦ ᠴᠦᠨ ᠹᠠᠩᠢ ᠪᠠᠭᠰᠢᠪᠠᠷ ᠤᠷᠢᠵᠤ᠂ ᠤᠮᠠᠷᠠᠲᠤ ᠵᠢᠨ ᠰᠢᠨᠡ ᠴᠡᠷᠢᠭᠤᠨ ᠪᠠᠷᠢᠮᠵᠢᠶᠠᠪᠠᠷ ᠪᠣᠯᠪᠠᠰᠤᠷᠠᠯ ᠬᠢᠯᠭᠡᠵᠡᠢ᠃ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮ ᠪᠠᠢ᠌ᠭᠤᠯᠤᠭᠳᠠᠭᠰᠠᠨᠤ ᠳᠠᠷᠠᠭᠠ᠂ ᠭᠦᠩ ᠸᠠᠩ ᠬᠤᠪᠢ ᠬᠥᠮᠥᠨᠤ ᠨᠡᠷᠡᠪᠠᠷ ᠶᠠᠫᠤᠨᠳᠤ ᠬᠦᠷᠴᠦ ᠮᠸᠢᠢ᠍ᠵᠢ ᠵᠢᠨ ᠰᠢᠨᠡᠴᠢᠯᠡᠯᠲᠡ ᠵᠢᠨ ᠦᠷᠡ ᠪᠦᠲᠦᠭᠡᠯᠢ ᠪᠠᠢ᠌ᠴᠠᠭ᠋ᠠᠪᠠ᠃ ᠤᠯᠤᠰᠲᠤᠪᠠᠨ ᠪᠤᠴᠠᠭᠰᠠᠨᠤ ᠳᠠᠷᠠᠭᠠ ᠬᠥᠩ ᠸᠠᠩ ᠳᠠᠷᠤᠢ ᠲᠦᠪᠢ ᠰᠠᠬᠢᠬᠤ ᠲᠠᠩᠬᠢᠮᠢ ᠡᠭᠦᠰᠬᠡᠨ ᠪᠠᠢ᠌ᠭᠤᠯᠵᠤ᠂ 30 ᠬᠥᠮᠥᠨᠢ ᠰᠣᠩᠭᠣᠨ ᠰᠤᠷᠤᠯᠴᠠᠭᠤᠯᠵᠠᠢ᠃ ᠰᠤᠷᠭ᠋ᠠᠭᠤᠯᠢ ᠡᠷᠬᠢᠯᠡᠭᠰᠡᠨ ᠦᠷᠡ ᠪᠦᠲᠦᠭᠡᠯ ᠵᠶ᠋ᠡᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠭᠡᠭᠰᠢᠯᠡᠭᠦᠯᠬᠦ ᠵᠢᠨ ᠲᠥᠯᠥᠭᠡ᠂ ᠬᠥᠩ ᠸᠠᠩ ᠤᠷᠢᠳ ᠬᠣᠵᠢᠳ ᠣᠯᠠᠨ ᠰᠢᠯᠢᠳᠡᠭ ᠲᠡᠭᠦᠰᠦᠭᠰᠡᠨ ᠰᠣᠷᠣᠭᠴᠢ ᠵᠢ ᠪᠡᠭᠡᠵᠢᠩ᠂ ᠪᠤᠤ ᠳ᠋ᠢᠩ ᠵᠢᠴᠢ ᠶᠠᠫᠤᠨᠳᠤ ᠲᠣᠮᠢᠯᠠᠨ ᠰᠤᠷᠤᠯᠴᠠᠭᠤᠯᠪᠠ᠃
ᠡᠷᠲᠡᠨᠤ ᠬᠥᠮᠥᠰ 《ᠡᠮᠡᠭᠲᠡᠢ ᠬᠥᠮᠥᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠦᠭᠡᠢ ᠵᠢᠨ ᠲᠤᠯᠠᠲᠠ ᠶᠤᠰᠤᠷᠬᠠᠭ》 ᠬᠡᠮᠡᠨ ᠦᠵᠡᠵᠦ᠂ ᠡᠮᠡᠭᠲᠡᠢ᠌ᠴᠦᠳᠤᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠢ ᠬᠦᠨᠳᠦᠳᠬᠡᠳᠡᠭ ᠦᠭᠡᠢ ᠪᠠᠢ᠌ᠯᠠ᠃ ᠬᠥᠩ ᠸᠠᠩ ᠡᠮᠡᠭᠲᠡᠢ᠌ᠴᠦᠳᠤᠨ ᠪᠠᠢ᠌ᠷᠢ ᠰᠠᠭᠤᠷᠢ ᠵᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠣᠯ ᠦᠨᠳᠦᠰᠦᠲᠡᠨ ᠵᠶ᠋ᠡᠨ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠵᠢᠨ ᠵᠠᠩᠭᠢᠯᠠᠭᠠ ᠵᠢᠨ ᠨᠢᠭᠡ ᠪᠤᠯᠤᠨᠠ ᠭᠡᠳᠡᠭᠢ ᠭᠦᠨᠵᠡᠭᠡᠢ ᠲᠠᠨᠢᠵᠤ᠂ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠰᠢᠨᠡ ᠲᠥᠷᠥ ᠵᠢᠨ ᠪᠣᠳᠣᠯᠭᠠᠳᠤ ᠬᠥᠯ ᠣᠷᠢᠶᠠᠬᠤ ᠵᠢ ᠴᠠᠭ᠋ᠠᠵᠠᠯᠠᠬᠤ᠂ ᠡᠮᠡᠭᠲᠡᠢ ᠴᠢᠳᠠᠪᠤᠷᠢᠳᠠᠨᠢ ᠬᠦᠨᠳᠦᠪᠠᠷ ᠬᠡᠷᠡᠭᠯᠡᠬᠦ ᠵᠡᠷᠭᠡ ᠠᠷᠭᠠ ᠬᠡᠮᠵᠢᠶᠡ ᠵᠢ ᠪᠠᠭᠲᠠᠭ᠋ᠠᠵᠤ᠂ ᠪᠠᠰᠠ ᠨᠢᠯᠬᠠ ᠬᠡᠦᠬᠡᠳ ᠪᠤᠢ᠌ᠵᠢᠭᠤᠯᠬᠤ ᠲᠠᠩᠬᠢᠮ ᠪᠠᠢ᠌ᠭᠤᠯᠵᠦ ᠭᠣᠯᠣᠭᠳᠠᠭᠰᠠᠨ ᠨᠢᠯᠬᠠ ᠬᠡᠦᠬᠡᠳᠢ ᠡᠷᠭᠦᠨ ᠲᠡᠵᠢᠭᠡᠵᠦ᠂ ᠪᠥᠰ ᠨᠡᠬᠡᠬᠦ ᠦᠢ᠍ᠯᠡᠳᠪᠦᠷᠢ ᠪᠠᠢ᠌ᠭᠤᠯᠵᠦ ᠡᠮᠡᠭᠲᠡᠢ᠌ᠴᠦᠳᠲᠤ ᠠᠵᠢᠯᠤᠨ ᠪᠠᠢ᠌ᠷᠢ ᠬᠠᠩᠭ᠋ᠠᠭᠰᠠᠨ ᠪᠠᠢ᠌ᠨᠠ᠃
ᠡᠮᠡᠭᠲᠡᠢ᠌ᠴᠦᠳᠢ ᠡᠢ᠌ᠮᠦᠷᠬᠦᠤ ᠦᠵᠡᠯ ᠰᠠᠨᠠᠭᠠᠪᠠᠷ ᠬᠦᠯᠢᠶᠡᠰᠦᠯᠡᠭᠰᠡᠨ ᠪᠡᠬᠢᠯᠡᠯᠲᠡ ᠵᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠡᠪᠳᠡᠬᠦ ᠵᠢᠨ ᠲᠥᠯᠥᠭᠡ᠂ ᠪᠠᠳᠠᠷᠠᠭᠤᠯᠲᠤ ᠲᠦᠷᠦ ᠵᠢᠨ ᠬᠣᠷᠢ ᠶᠢᠰᠦᠳᠦᠭᠡᠷ ᠣᠨ （1903 ᠣᠨ）ᠤ ᠠᠷᠪᠠᠨ ᠬᠣᠶᠠᠳᠤᠭ᠋ᠠᠷ ᠰᠠᠷᠠᠳᠤ ᠬᠥᠩ ᠸᠠᠩ ᠸᠠᠩᠤᠨ ᠣᠷᠳᠣᠨᠤ ᠤᠤᠯᠤᠨ ᠰᠢ ᠲᠣᠭᠯᠠᠭᠴᠢᠳᠤᠨ ᠰᠠᠭᠤᠳᠠᠭ ᠪᠠᠭᠠ ᠬᠦᠷᠢᠶᠡᠨᠳᠤ ᠲᠦᠪᠢ ᠬᠦᠮᠦᠵᠢᠬᠦᠯᠬᠦ ᠦᠬᠢᠳᠤᠨ ᠪᠢᠴᠢᠭᠤᠨ ᠲᠠᠩᠬᠢᠮᠢ ᠪᠠᠢ᠌ᠭᠤᠯᠵᠤ᠂ ᠲᠡᠬᠦᠨᠤ ᠹᠦᠵᠢᠨ ᠬᠠᠳᠤᠨ ᠱᠠᠨ ᠺᠦᠨ ᠥᠪᠡᠷᠤᠨ ᠪᠡᠶᠡᠪᠠᠷ ᠵᠶ᠋ᠡᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠶᠠᠪᠤᠳᠠᠯᠢ ᠡᠷᠬᠢᠯᠡᠪᠡ᠃ ᠡᠨᠡ ᠪᠣᠯ ᠥᠪᠥᠷ ᠮᠣᠩᠭᠣᠯ ᠣᠷᠣᠨᠤ ᠠᠩᠬᠠᠳᠠᠭᠴᠢ ᠰᠢᠨᠡ ᠮᠠᠶᠢᠭᠤᠨ ᠥᠬᠢᠳᠤᠨ ᠰᠤᠷᠭ᠋ᠠᠭᠤᠯᠢ ᠪᠣᠯᠬᠤ ᠪᠥᠭᠡᠳ ᠥᠬᠢᠳᠤᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠᠩᠬᠠᠨᠤ ᠬᠦᠰᠢᠭᠡ ᠵᠢ ᠰᠡᠬᠦᠭᠰᠡᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠱᠠᠨ ᠺᠦᠨ ᠰᠤᠷᠭ᠋ᠠᠭᠤᠯᠢ ᠡᠬᠢᠯᠡᠬᠦ ᠶᠣᠰᠣᠯᠠᠯ ᠳᠡᠭᠡᠷᠡ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠶᠡᠷᠦᠠᠴᠠᠪᠠᠨ ᠡᠷᠬᠡ ᠲᠡᠭᠰᠢ᠂ ᠲᠣᠰ ᠲᠣᠰᠤᠨ ᠬᠢᠪᠡᠰᠦ ᠵᠣᠬᠢᠬᠤ ᠠᠵᠢᠯ ᠦᠢ᠍ᠯᠡᠰᠲᠠᠢ ᠪᠠᠢ᠌ᠵᠦ᠂ ᠡᠮᠡᠭᠲᠡᠢ ᠬᠥᠮᠥᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯ ᠠᠳᠠᠯᠢᠬᠠᠨ ᠭᠥᠷᠳᠡᠬᠦ ᠡᠷᠬᠡᠲᠠᠢ ᠭᠡᠵᠦ ᠢᠯᠡᠳᠭᠡᠭᠰᠡᠨ ᠪᠠᠢ᠌ᠨᠠ᠃
ᠪᠠᠢ᠌ᠩᠭᠤ ᠵᠢᠨ ᠬᠢᠴᠢᠶᠡᠯᠠᠴᠠ ᠭᠠᠳᠠᠨᠠ᠂ ᠲᠦᠪᠢ ᠬᠦᠮᠦᠵᠢᠬᠦᠯᠬᠦ ᠦᠬᠢᠳᠤᠨ ᠪᠢᠴᠢᠭᠤᠨ ᠲᠠᠩᠬᠢᠮᠳᠤ ᠪᠠᠰᠠ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯ᠂ ᠹᠢᠽᠢᠣᠯᠣᠭᠢ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠬᠣᠭᠣᠯᠠ ᠵᠠᠭᠤᠰᠢ᠂ ᠬᠡᠦᠬᠡᠳ ᠪᠣᠢ᠌ᠵᠢᠭᠤᠯᠬᠤ᠂ ᠣᠶᠣᠳᠠᠯ ᠡᠰᠬᠡᠬᠦ ᠵᠡᠷᠭᠡ ᠡᠮᠡᠭᠲᠡᠢ᠌ᠴᠦᠳᠳᠤ ᠴᠢᠭᠤᠯᠭ᠋ᠠᠨ ᠲᠣᠬᠢᠷᠠᠬᠤ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠬᠢᠴᠢᠶᠡᠯ ᠲᠣᠬᠢᠷᠠᠭᠤᠯᠤᠭᠰᠠᠨ ᠪᠠᠢ᠌ᠳᠠᠭ᠃ ᠬᠥᠩ ᠸᠠᠩ ᠥᠪᠡᠷᠤᠨ ᠭᠡᠷᠤᠨ ᠬᠥᠮᠥᠰ ᠵᠶ᠋ᠡᠷ ᠵᠶ᠋ᠡᠨ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠣᠯᠭ᠋ᠠᠵᠤ᠂ ᠥᠬᠢᠨ ᠳᠡᠭᠦᠦ ᠯᠠᠨ ᠵᠧᠨ ᠵᠶ᠋ᠡᠨ ᠲᠠᠩᠬᠢᠮᠳᠤ ᠬᠦᠷᠭᠡᠨ ᠰᠤᠷᠤᠯᠴᠠᠭᠤᠯᠵᠤ᠂ ᠡᠭᠡᠯ ᠠᠷᠠᠳᠤᠨ ᠬᠡᠦᠬᠡᠳᠲᠠᠢ ᠬᠠᠮᠲᠤ ᠢᠳᠡᠵᠦ ᠬᠠᠮᠲᠤ ᠬᠣᠨᠣᠵᠤ᠂ ᠪᠠᠰᠠ ᠨᠠᠰᠤ ᠠᠬᠠᠰᠢᠷᠠᠭᠰᠠᠨ ᠬᠥᠭᠰᠢᠨ ᠡᠵᠢᠪᠠᠨ ᠵᠠᠯᠠᠵᠤ᠂ ᠦᠰᠦᠭ ᠲᠠᠨᠢᠭᠤᠯᠵᠤ ᠰᠤᠶᠤᠯᠤᠨ ᠪᠠᠯᠠᠢ ᠵᠢ ᠠᠷᠢᠯᠭ᠋ᠠᠬᠤ ᠬᠥᠳᠡᠯᠭᠡᠭᠡᠨᠢ ᠲᠦᠷᠦᠭᠦᠯᠡᠨ ᠥᠷᠨᠢᠭᠦᠯᠪᠡ᠃ ᠲᠦᠪᠢ ᠬᠦᠮᠦᠵᠢᠬᠦᠯᠬᠦ ᠦᠬᠢᠳᠤᠨ ᠪᠢᠴᠢᠭᠤᠨ ᠲᠠᠩᠬᠢᠮ ᠪᠠᠰᠠ ᠤᠷᠢᠳ ᠬᠣᠵᠢᠳ ᠰᠤᠷᠤᠭᠴᠢᠳᠢ ᠲᠣᠮᠢᠯᠠᠨ ᠱᠠᠩᠬᠠᠢ᠂ ᠶᠠᠫᠤᠨ ᠵᠡᠷᠭᠡ ᠭᠠᠵᠠᠷ ᠵᠶ᠋ᠠᠷ ᠰᠤᠷᠤᠯᠴᠠᠭᠤᠯᠵᠠᠶ᠃ ᠡᠮᠡᠭᠲᠡᠢ᠌ᠴᠦᠳᠤᠨ ᠬᠦᠮᠦᠵᠢᠯᠳᠤ ᠬᠥᠩ ᠸᠠᠩᠤᠨ ᠦᠵᠡᠭᠦᠯᠦᠭᠰᠡᠨ ᠠᠤᠭᠠ ᠶᠡᠬᠡ ᠭᠠᠪᠢᠶᠠ ᠵᠢᠳᠬᠦᠯᠢ ᠬᠥᠬᠢᠭᠦᠯᠦᠨ ᠰᠠᠢ᠌ᠰᠢᠶᠠᠬᠤ ᠵᠢᠨ ᠲᠥᠯᠥᠭᠡ᠂ ᠪᠠᠳᠠᠷᠠᠭᠤᠯᠲᠤ ᠲᠦᠷᠦ ᠬᠠᠭ᠋ᠠᠨ ᠪᠠᠰᠠ 《ᠰᠤᠷᠭ᠋ᠠᠯ ᠰᠠᠢ᠌ᠨ ᠵᠠᠮ ᠲᠠᠷᠳᠠᠩ》 ᠭᠡᠰᠡᠨ ᠪᠢᠴᠢᠭᠡᠰᠦᠲᠠᠢ ᠢᠯᠡᠷᠬᠡᠢ᠌ᠯᠡᠯᠢ ᠱᠠᠩᠨᠠᠵᠠᠢ᠃
ᠦᠨᠳᠦᠰᠦᠲᠡᠨᠨᠦᠭᠦᠳ ᠪᠦᠯᠬᠦᠮᠳᠡᠵᠡᠭᠡᠵᠦ ᠢᠷᠡᠭᠡᠳᠦᠢᠪᠠᠨ ᠬᠠᠮᠲᠤᠪᠠᠷ ᠴᠤᠭᠴᠠᠯᠠᠪᠠ
ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠲᠥᠯᠦᠪᠵᠢᠭᠦᠯᠭᠡᠪᠠᠷ ᠳᠤᠲᠠᠮᠠᠭᠠᠴᠠ ᠪᠣᠯᠵᠤ᠂ ᠢᠷᠡᠬᠦ ᠵᠢᠯᠤᠨ ᠬᠦᠨᠡᠰᠦᠪᠠᠨ ᠡᠨᠡ ᠵᠢᠯᠳᠤᠪᠠᠨ ᠢᠳᠡᠬᠦ ᠲᠤᠮᠦ ᠪᠡᠯᠡ ᠣᠷᠤᠭᠤᠯᠤᠭᠰᠠᠨ ᠵᠶ᠋ᠠᠷ ᠸᠠᠩᠤᠨ ᠣᠷᠳᠣᠨᠤ ᠡᠳ᠋ᠤᠨ ᠵᠠᠰᠠᠭᠲᠤ ᠯᠤᠲᠤ ᠶᠡᠬᠡ ᠦᠷᠢ ᠭᠠᠷᠴᠤ᠂ ᠲᠦᠪᠢ ᠰᠠᠬᠢᠬᠤ ᠲᠠᠩᠬᠢᠮ ᠪᠣᠯᠣᠨ ᠲᠦᠪᠢ ᠬᠦᠮᠦᠵᠢᠬᠦᠯᠬᠦ ᠦᠬᠢᠳᠤᠨ ᠪᠢᠴᠢᠭᠤᠨ ᠲᠠᠩᠬᠢᠮᠨᠢ ᠴᠦᠮ ᠡᠭᠦᠳᠡᠪᠠᠨ ᠬᠠᠭ᠋ᠠᠭᠰᠠᠨ ᠲᠤᠯᠠ ᠰᠤᠷᠤᠭᠴᠢᠳᠢ ᠪᠦᠷ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠳᠤ ᠨᠡᠢ᠌ᠯᠡᠭᠦᠯᠪᠡ᠃ ᠭᠡᠪᠡᠴᠦ ᠬᠡᠳᠦᠢ ᠶᠡᠬᠡ ᠬᠦᠴᠢᠷᠳᠡᠯ ᠲᠤᠯᠭ᠋ᠠᠷᠠᠭᠰᠠᠨ ᠴᠤ᠌ ᠬᠥᠩ ᠸᠠᠩᠤᠨ ᠬᠡᠬᠦᠳᠡᠭ ᠳᠦᠭᠦᠷᠡᠩ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠵᠢ ᠮᠤᠬᠤᠭᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢ᠌ᠵᠦ᠂ ᠲᠡᠷᠡ ᠬᠤᠪᠢ ᠵᠢᠨ ᠣᠷᠳᠣᠨᠤ ᠡᠳ᠋ ᠪᠣᠳᠠᠰ ᠪᠠ ᠡᠷᠲᠡᠨᠤ ᠵᠦᠢ᠍ᠯᠡᠰᠢ ᠶᠡᠬᠡᠪᠠᠷ ᠬᠤᠳᠠᠯᠳᠤᠵᠤ᠂ ᠲᠡᠨᠦᠭᠦᠯ ᠠᠷᠠᠳᠢ ᠡᠯᠰᠡᠨ ᠠᠲᠠᠷ ᠬᠠᠭ᠋ᠠᠯᠪᠤᠷᠢᠯᠠᠭᠤᠯᠤᠨ ᠲᠦᠷᠢᠶᠡᠰᠦ ᠬᠤᠷᠢᠶᠠᠵᠦ᠂ ᠴᠢᠨᠠᠭᠰᠢᠯᠠᠪᠠᠯ ᠠᠷᠠᠳ ᠢᠷᠭᠡᠳᠢ ᠮᠥᠯᠵᠢᠳᠡᠭ ᠰᠢᠨᠤᠬᠠᠢ ᠨᠣᠶᠠᠳ᠂ ᠬᠠᠷᠭᠢᠰ ᠪᠠᠶᠠᠳᠢ ᠴᠡᠭᠴᠡᠯᠡᠨ ᠵᠠᠰᠠᠵᠤ᠂ ᠡᠳ᠋ ᠬᠥᠷᠥᠩᠭᠡ ᠵᠢᠨᠢ ᠬᠣᠷᠢᠶᠠᠨ ᠠᠪᠬᠤ ᠵᠡᠷᠭᠡ ᠬᠡᠯᠪᠡᠷᠢᠪᠠᠷ ᠡᠳ᠋ᠤᠨ ᠵᠠᠰᠠᠭ ᠢ ᠨᠡᠮᠡᠭᠳᠡᠬᠦᠯᠵᠦ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠪᠤᠨ ᠠᠵᠢᠯᠯᠠᠭᠠ ᠵᠢ ᠪᠠᠲᠤᠯᠠᠭᠰᠠᠨ ᠪᠠᠢ᠌ᠨᠠ᠃
ᠴᠠᠭ᠋ᠠᠭᠴᠢᠨ ᠭᠠᠬᠠᠢ ᠵᠢᠯᠤᠨ ᠬᠤᠪᠢᠰᠬᠠᠯᠤᠨ ᠲᠠᠷᠠᠭᠠ᠂ ᠬᠦᠩ ᠸᠠᠩ ᠪᠥᠬᠥᠳᠡ ᠨᠠᠢ᠌ᠷᠠᠮᠳᠠᠬᠤ ᠵᠢ ᠬᠦᠴᠦᠯᠡᠨ ᠲᠡᠮᠵᠢᠪᠡ᠃ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮ ᠤᠷᠢᠳ ᠬᠣᠵᠢᠳ ᠰᠢᠩ ᡁᠢ ᠰᠢᠶᠠᠩ᠂ ᠦ᠋ ᠴᠦᠨ ᠯᠢᠩ ᠵᠡᠷᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠤᠯᠤᠨ ᠳᠠᠭ᠋ᠠᠭᠤᠯᠭᠠᠪᠠᠷ ᠴᠡᠷᠢᠭᠤᠨ ᠡᠷᠬᠡᠲᠡᠨᠤ ᠰᠠᠮᠠᠭᠤᠨ ᠲᠠᠢ᠍ᠢ᠍ᠨ᠂ ᠬᠠᠭᠤᠷᠮᠠᠭ ᠮᠠᠨᠵᠤ ᠵᠢᠨ ᠨᠣᠶᠠᠷᠬᠠᠯ᠂ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢ᠍ᠨ ᠵᠡᠷᠭᠡ ᠣᠨ ᠵᠢᠯᠤᠳᠢ ᠦᠩᠭᠡᠷᠡᠬᠦᠯᠵᠦ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠬᠥᠪᠡᠭᠦᠳ ᠥᠬᠢᠳ ᠰᠠᠬᠢᠨ ᠪᠠᠷᠠᠯᠠᠵᠦ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ᠂ ᠵᠠᠮ ᠨᠡᠭᠡᠭᠡᠨ ᠤᠷᠤᠭᠰᠢᠯᠠᠵᠤ᠂ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠦᠯᠢᠭᠡᠷᠤᠳᠢ ᠪᠢᠴᠢᠭᠯᠡᠭᠰᠡᠨ ᠪᠠᠢ᠌ᠨᠠ᠃
ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠤᠨ ᠰᠣᠷᠣᠭᠴᠢ ᠡᠯᠰᠡᠬᠦ ᠡᠬᠢᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠵᠶ᠋ᠡᠨ ᠥᠷᠭᠡᠳᠬᠡᠬᠦ ᠵᠢᠨ ᠲᠥᠯᠥᠭᠡ᠂ ᠬᠥᠩ ᠸᠠᠩ ᠠᠷᠠᠳᠤᠨ ᠳᠤᠮᠳᠠᠠᠴᠠ ᠨᠢᠭᠡ ᠵᠢᠷᠤᠮᠤᠨ ᠬᠥᠪᠡᠭᠦᠨ ᠲᠠᠨᠢᠵᠦ᠂ ᠨᠡᠷᠡᠨᠢ ᠲᠡᠮᠭᠡᠲᠦ ᠭᠡᠳᠡᠭ᠃ ᠲᠡᠮᠭᠡᠲᠦ ᠵᠢᠨ ᠳᠡᠭᠡᠳᠦᠰᠤᠨ ᠨᠤᠲᠤᠭᠨᠢ ᠱᠠᠨᠳᠦ᠋ᠩᠳᠤ ᠪᠠᠢ᠌ᠵᠦ᠂ ᠰᠤᠷᠭ᠋ᠠᠭᠤᠯᠢᠳᠤ ᠣᠷᠣᠭᠰᠠᠨᠤᠪᠠᠨ ᠳᠠᠷᠠᠭᠠ ᠰᠢᠷᠭ᠋ᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠰᠤᠷᠤᠯᠴᠠᠵᠤ᠂ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠤᠯᠵᠦ᠂ ᠭᠦᠩ ᠸᠠᠩᠤᠨ ᠲᠠᠭ᠋ᠠᠰᠢᠶᠠᠯᠢ ᠶᠡᠬᠡᠳᠡ ᠣᠯᠵᠤ᠂ ᠲᠡᠷᠡᠪᠡᠷ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠠᠴᠠ ᠲᠡᠭᠦᠰᠦᠭᠰᠡᠨᠤ ᠳᠠᠷᠠᠭᠠ ᠶᠠᠫᠤᠨᠳᠤ ᠰᠤᠷᠤᠯᠴᠠᠵᠤ᠂ ᠴᠡᠷᠢᠭᠤᠨ ᠶᠠᠪᠤᠳᠠᠯ ᠪᠠ ᠡᠮᠨᠡᠯᠭᠡ ᠵᠢᠨ ᠤᠬᠠᠭ᠋ᠠᠨᠢ ᠭᠣᠣᠯᠯᠠᠨ ᠰᠤᠷᠤᠯᠴᠠᠪᠠ᠃ ᠤᠯᠤᠰᠲᠤᠪᠠᠨ ᠪᠤᠴᠠᠭᠰᠠᠨᠤ ᠲᠠᠷᠠᠭᠠ᠂ ᠲᠡᠷᠡ ᠯᠦ᠍ ᠰᠢᠶᠦ᠋ᠨ ᠠᠪᠤᠭ᠋ᠠᠢᠲᠠᠢ ᠠᠳᠠᠯᠢᠪᠠᠷ 《ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠢ ᠲᠠᠶᠠᠭᠳᠠᠨ ᠦᠰᠦᠭ ᠪᠢᠴᠢᠭᠢ ᠡᠷᠬᠢᠮᠯᠡᠬᠦ》 ᠵᠠᠮᠢ ᠰᠣᠩᠭᠣᠵᠤ᠂ ᠴᠥᠭᠡᠨ ᠲᠣᠭ᠋ᠠᠲᠤ ᠦᠨᠳᠦᠰᠦᠲᠡᠨᠤ ᠦᠰᠦᠭ ᠪᠢᠴᠢᠭ ᠵᠶ᠋ᠡᠷ ᠬᠢᠲᠠᠳ ᠬᠡᠯᠡᠨᠤ ᠰᠣᠩᠭᠣᠳᠠᠭ ᠵᠣᠬᠢᠶᠠᠯᠢ ᠶᠡᠬᠡ ᠬᠡᠮᠵᠢᠶᠡᠪᠠᠷ ᠣᠷᠴᠢᠭᠤᠯᠤᠨ ᠬᠡᠪᠯᠡᠭᠦᠯᠦᠭᠰᠡᠨ ᠪᠥᠭᠡᠳ ᠤᠷᠢᠳ ᠬᠣᠵᠢᠳ ᠮᠣᠩᠭᠣᠯ ᠦᠰᠦᠭ᠂ ᠮᠠᠨᠵᠤ ᠦᠰᠦᠭ᠂ ᠲᠥᠪᠡᠳ ᠬᠡᠯᠡᠨᠤ ᠬᠣᠷᠭᠣᠯᠵᠢᠨ ᠥᠷᠥᠮᠡᠯ ᠦᠰᠦᠭᠢ ᠠᠮᠵᠢᠯᠲᠠᠲᠠᠢ ᠪᠦᠲᠦᠭᠡᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠥᠭᠡᠨ ᠲᠣᠭ᠋ᠠᠲᠤ ᠦᠨᠳᠦᠰᠦᠲᠡᠨᠤ ᠦᠰᠦᠭ ᠪᠢᠴᠢᠭᠤᠨ ᠬᠡᠪᠯᠡᠯᠤᠨ ᠦᠢ᠍ᠯᠡᠰᠤᠨ ᠰᠢᠨᠡ ᠬᠠᠭᠤᠳᠠᠰᠤ ᠵᠢ ᠨᠡᠭᠡᠭᠡᠵᠦ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠵᠢ ᠠᠬᠢᠭᠤᠯᠤᠭᠰᠠᠨᠠᠴᠠ 《ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠤ ᠪᠢ ᠱᠧᠩ》 ᠬᠡᠮᠡᠭᠳᠡᠪᠡ᠃
▲ ᠲᠡᠮᠭᠡᠲᠦ
ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯᠤᠨ ᠦᠶᠡᠳᠤ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠤᠨ ᠰᠤᠷᠤᠭᠴᠢᠳ ᠲᠠᠪᠤᠨ ᠰᠠᠷᠠ ᠵᠢᠨ ᠲᠦᠷᠪᠡᠨᠤ ᠬᠥᠳᠡᠯᠭᠡᠭᠡᠨᠢ ᠢᠳᠡᠪᠬᠢᠲᠡᠢ ᠲᠡᠮᠵᠢᠵᠤ᠂ 《ᠬᠣᠷᠢᠨ ᠨᠢᠭᠡᠨ ᠵᠤᠷᠪᠤᠰ》ᠢ ᠡᠰᠡᠷᠭᠦᠴᠡᠨ ᠬᠣᠷᠢᠭᠯᠠᠵᠤ᠂ ᠬᠤᠪᠢᠰᠬᠠᠯᠳᠤ ᠦᠵᠡᠯ ᠰᠠᠨᠠᠭᠠ ᠵᠢ ᠤᠬᠠᠭᠤᠯᠪᠠ᠃ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢ᠍ᠨᠤ ᠦᠶᠡᠳᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠡᠯᠡ ᠲᠠᠯᠠ ᠵᠢᠨ ᠬᠦᠴᠦᠨᠳᠤ ᠢᠳᠡᠪᠬᠢᠲᠡᠢᠪᠠᠷ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠵᠦ᠂ ᠨᠡᠩ ᠤᠯᠠᠨ ᠰᠤᠷᠤᠭᠴᠢᠳ ᠶᠠᠫᠤᠨᠢ ᠡᠰᠡᠷᠭᠦᠴᠡᠨ ᠮᠥᠬᠥᠯᠠᠴᠠ ᠠᠪᠤᠷᠠᠬᠤ ᠬᠥᠳᠡᠯᠭᠡᠭᠡᠨᠳᠤ ᠰᠢᠭᠤᠳ ᠣᠷᠣᠯᠴᠠᠵᠤ᠂ ᠪᠠᠭᠰᠢ ᠰᠤᠷᠤᠭᠴᠢᠳ ᠶᠠᠫᠤᠨᠤ ᠲᠦᠷᠢᠮᠡᠬᠡᠢ᠌ᠯᠡᠭᠴᠢᠳᠲᠠᠢ ᠪᠠᠭ᠋ᠠᠲᠤᠷᠯᠢᠭ ᠵᠶ᠋ᠠᠷ ᠲᠡᠮᠡᠴᠡᠵᠦ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠤᠨ ᠳᠤᠮᠳᠠ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠦᠢ᠍ᠯᠡᠰ ᠵᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠵᠦ᠂ ᠬᠦᠴᠢᠷ ᠪᠡᠷᠭᠡᠰᠢᠶᠡᠯᠤᠨ ᠳᠤᠮᠳᠠ ᠬᠤᠪᠢᠰᠬᠠᠯᠤᠨ ᠣᠴᠢ ᠵᠢ ᠲᠠᠮᠵᠢᠭᠤᠯᠵᠠᠢ᠃ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠬᠥᠪᠡᠭᠦᠳ ᠥᠬᠢᠳ ᠭᠠᠷ ᠭᠠᠷ ᠵᠶ᠋ᠠᠨ ᠬᠣᠯᠪᠣᠯᠴᠠᠨ ᠬᠠᠮᠲᠤᠪᠠᠷ ᠤᠷᠤᠭᠰᠢᠯᠠᠵᠤ᠂ ᠶᠠᠫᠤᠨᠤ ᠺᠣᠨᠰᠦ᠋ᠯᠤᠨ ᠭᠠᠵᠠᠷᠢ ᠪᠦᠰᠡᠯᠡᠨ ᠲᠠᠭ᠋ᠠᠷᠢᠬᠤ᠂ 《ᠡᠷᠤᠭᠡ ᠵᠢ ᠴᠤᠬᠯᠠᠭᠤᠯᠵᠤ ᠲᠣᠰᠬᠣᠨᠢ ᠨᠡᠢ᠌ᠯᠡᠭᠦᠯᠬᠦ》 ᠵᠢ ᠡᠰᠡᠷᠭᠦᠴᠡᠬᠦ ᠲᠡᠮᠡᠴᠡᠯᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠵᠤ᠂ ᠨᠠᠢ᠍ᠮᠠᠳᠤᠭ᠋ᠠᠷ ᠵᠠᠮᠤᠨ ᠴᠡᠷᠢᠭᠢ ᠬᠠᠪᠰᠤᠷᠤᠨ ᠫᠠᠷᠲ᠋ᠢᠽᠠᠨ ᠲᠠᠢ᠍ᠢ᠍ᠨ ᠥᠷᠨᠢᠭᠦᠯᠬᠦ ᠵᠡᠷᠭᠡ ᠠᠯᠢ ᠤᠯᠠᠨ ᠡᠬᠡ ᠣᠷᠣᠨᠴᠢ ᠬᠥᠳᠡᠯᠭᠡᠭᠡᠨᠢ ᠥᠷᠨᠢᠭᠦᠯᠵᠡᠢ᠃ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢ᠌ᠭᠤᠯᠤᠭᠳᠠᠬᠤ ᠵᠢᠨ ᠡᠮᠦᠨᠡ ᠬᠤᠢ᠌ᠨᠠ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠬᠥᠪᠡᠭᠦᠳ ᠥᠬᠢᠳ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠵᠢ ᠢᠳᠡᠪᠬᠢᠲᠡᠢ ᠬᠦᠷᠢᠶᠡᠯᠡᠵᠦ᠂ ᠤᠯᠤᠰ ᠣᠷᠣᠨᠤ ᠨᠢᠭᠡᠳᠦᠯᠢ ᠬᠠᠮᠠᠭ᠋ᠠᠯᠠᠬᠤ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠢ ᠪᠡᠬᠢᠵᠢᠭᠦᠯᠬᠦᠳᠤ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠡᠷᠬᠦᠭᠰᠡᠨ ᠪᠠᠢ᠌ᠨᠠ᠃
ᠰᠤᠷᠭ᠋ᠠᠨ ᠬᠥᠮᠦᠵᠢᠯ ᠪᠣᠯ ᠨᠢᠭᠡ ᠤᠯᠤᠰᠤᠨ ᠴᠡᠴᠡᠭᠯᠡᠨ ᠬᠥᠭᠵᠢᠬᠦᠳᠤ ᠬᠣᠯᠪᠣᠭᠳᠠᠬᠤ ᠮᠢᠩᠭ᠋ᠠᠨ ᠣᠨᠤ ᠶᠡᠬᠡ ᠪᠣᠳᠣᠯᠭᠠ ᠮᠥᠨ᠃ ᠲᠦᠪᠢ ᠡᠷᠬᠢᠮᠯᠡᠬᠦ ᠲᠠᠩᠬᠢᠮᠨᠢ ᠤᠷᠴᠢᠨ ᠦᠶᠡ ᠵᠢᠨ ᠥᠪᠥᠷ ᠮᠣᠩᠭᠣᠯ ᠣᠷᠣᠨᠤ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠦᠢ᠍ᠯᠡᠰᠤᠨ ᠬᠥᠭᠵᠢᠯᠲᠡ ᠵᠢ ᠬᠥᠲᠥᠯᠥᠨ ᠳᠠᠭ᠋ᠠᠭᠤᠯᠵᠤ᠂ ᠶᠡᠬᠡ ᠬᠡᠮᠵᠢᠶᠡᠨᠤ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠥᠵᠢᠭᠦᠯᠵᠦ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠭᠠ ᠵᠢᠨ ᠰᠠᠢ᠌ᠬᠠᠨ ᠲᠠᠭᠤᠷᠢᠰᠬᠠᠯᠢ ᠭᠡᠷᠡᠴᠢᠯᠡᠭᠰᠡᠨ ᠪᠠᠢ᠌ᠨᠠ᠃ ᠲᠡᠭᠦᠨᠤ ᠨᠡᠷᠡᠨᠢ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠤᠨ ᠪᠠᠯᠠᠷᠠᠰᠢ ᠦᠭᠡᠢ ᠬᠥᠰᠢᠶᠡ ᠳᠡᠭᠡᠷᠡ ᠭᠦᠨ ᠰᠡᠢ᠌ᠯᠦᠭᠳᠡᠬᠦᠨᠢ ᠯᠠᠪᠲᠠᠢ ᠶᠤᠮ᠃
ᠬᠢᠨᠠᠨ ᠣᠷᠴᠢᠭᠤᠯᠤᠭᠴᠢ᠄ ᠠᠳᠢᠶᠠ ᠰᠠᠴᠤᠷᠠᠯ
ᠶᠡᠷᠦᠩᠬᠡᠢ ᠬᠢᠨᠠᠨ ᠣᠷᠴᠢᠭᠤᠯᠤᠭᠴᠢ᠄ ᠸᠠᠩ ᠰᠢᠥᠸᠠᠢ ᠳ᠋ᠦᠩ
