4  ᠳ᠋ᠦ᠍ᠭᠡᠷ  ᠰᠠᠷ᠎ᠠ ᠵᠢᠨ 24᠎ᠤ  ᠡᠳᠦᠷ ᠂  ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ᠎ᠤ  ᠨᠠᠮ᠎ᠤᠨ  ᠬᠣᠷᠢᠶ᠎ᠠ ᠵᠢᠨ  ᠤᠬᠠᠭᠤᠯᠬᠤ  ᠬᠡᠯᠲᠡᠰ ᠂  ᠨᠢᠭᠡᠳᠦᠮᠡᠯ  ᠹᠷᠣᠨᠲ᠎ᠤᠨ  ᠬᠡᠯᠲᠡᠰ ᠂  ᠰᠤᠷᠭ᠋ᠠᠨ  ᠬᠥᠮᠦᠵᠢᠯ᠎ᠤᠨ  ᠲᠢᠩᠬᠢᠮ ᠂  ᠦᠨᠳᠦᠰᠦᠲᠡᠨ᠎ᠤ  ᠵᠥᠪᠯᠡᠯ ᠂  ᠬᠠᠤᠯᠢ  ᠴᠠᠭ᠋ᠠᠵᠠ ᠵᠢᠨ  ᠲᠢᠩᠬᠢᠮ  ᠦᠬᠠᠢ  ᠬᠣᠲᠠ᠎ᠳᠤ 2025  ᠣᠨ᠎ᠤ  ᠪᠥᠬᠥ  ᠣᠷᠣᠨ᠎ᠤ 《ᠦᠨᠳᠦᠰᠦᠲᠡᠨ᠎ᠤ  ᠲᠥᠷᠥ ᠵᠢᠨ  ᠪᠣᠳᠣᠯᠭ᠎ᠠ ᠵᠢᠨ  ᠤᠬᠠᠭᠤᠯᠭ᠎ᠠ ᠵᠢᠨ  ᠰᠠᠷ᠎ᠠ》 ᠵᠢᠨ  ᠭᠣᠣᠯ  ᠲᠠᠯᠠᠪᠤᠷ᠎ᠤᠨ  ᠠᠵᠢᠯᠯᠠᠭ᠎ᠠ ᠵᠢ  ᠬᠠᠮᠳᠤᠷᠠᠨ  ᠡᠷᠭᠢᠯᠡᠪᠡ᠃ ᠤᠯᠤᠰ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠵᠦᠪᠯᠡᠯ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠪᠦᠯᠬᠦᠮᠳᠡᠯ᠎ᠢ  ᠠᠬᠢᠭᠤᠯᠬᠤ  ᠵᠤᠷᠭ᠋ᠠᠨ᠎ᠤ  ᠨᠢᠭᠡᠳᠦᠭᠡᠷ  ᠳᠡᠰ᠎ᠤᠨ  ᠲᠣᠭᠣᠷᠢᠨ  ᠪᠠᠢ᠌ᠴᠠᠭ᠋ᠠᠭᠴᠢ  ᠯᠢ  ᠵᠦᠩ  ᠰᠢᠶᠧ  ᠠᠵᠢᠯᠯᠠᠭ᠎ᠠ᠎ᠳᠤ  ᠣᠷᠣᠯᠴᠠᠵᠤ ᠂  ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ᠎ᠤ  ᠦᠨᠳᠦᠰᠦᠲᠡᠨ᠎ᠤ  ᠵᠦᠪᠯᠡᠯ᠎ᠤᠨ  ᠨᠠᠮ᠎ᠤᠨ  ᠤᠳᠤᠷᠢᠳᠬᠤ  ᠳᠤᠭᠤᠢ᠌ᠯᠠᠩ᠎ᠤᠨ  ᠪᠦᠷᠢᠯᠳᠦᠭᠦᠨ᠂  ᠳᠡᠳ᠋  ᠡᠷᠬᠢᠯᠡᠭᠴᠢ  ᠺᠠᠩ  ᠢᠦᠢ  ᠹᠸᠩ  ᠶᠠᠷᠢᠶ᠎ᠠ  ᠲᠠᠯᠪᠢᠵᠤ ᠂  ᠦᠬᠠᠢ  ᠬᠤᠳᠠ ᠵᠢᠨ  ᠨᠠᠮ᠎ᠤᠨ  ᠬᠣᠷᠢᠶ᠎ᠠ ᠵᠢᠨ  ᠪᠠᠢ᠌ᠩᠭᠤ ᠵᠢᠨ  ᠭᠡᠰᠢᠭᠦᠨ ᠂  ᠨᠢᠭᠡᠳᠦᠮᠡᠯ  ᠹᠷᠣᠨᠲ᠎ᠤᠨ  ᠬᠡᠯᠲᠡᠰ᠎ᠤᠨ  ᠳᠠᠷᠤᠭ᠎ᠠ  ᠶᠠᠨ  ᠱᠤᠸᠠᠩ  ᠪᠠᠶᠠᠷ᠎ᠤᠨ  ᠦᠭᠡ  ᠬᠡᠯᠡᠵᠦ ᠂  ᠦᠬᠠᠢ  ᠬᠤᠳᠠ ᠵᠢᠨ  ᠠᠷᠠᠳ᠎ᠤᠨ  ᠵᠠᠰᠠᠭ᠎ᠤᠨ  ᠣᠷᠳᠣᠨ᠎ᠤ  ᠳᠡᠳ᠋  ᠬᠤᠳᠠ ᠵᠢᠨ  ᠳᠠᠷᠤᠭ᠎ᠠ  ᠵᠠᠩ  ᠮᠢᠩ  ᠮᠢᠩ  ᠠᠵᠢᠯᠯᠠᠭ᠎ᠠ ᠵᠢ  ᠡᠷᠬᠢᠯᠡᠪᠡ᠃ ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ ᠂  ᠦᠬᠠᠢ  ᠬᠣᠲᠠ ᠵᠢᠨ  ᠬᠤᠯᠪᠤᠭᠳᠠᠯ  ᠪᠦᠬᠦᠢ  ᠰᠠᠯᠠᠭ᠎ᠠ  ᠮᠥᠴᠢᠷ᠎ᠤᠨ  ᠬᠠᠷᠢᠭᠤᠴᠠᠯᠭ᠋ᠠᠲᠠᠨ  ᠨᠥᠬᠥᠳ  ᠦᠨᠳᠦᠰᠦᠨ  ᠱᠠᠲᠤᠨ᠎ᠤ  ᠣᠯᠠᠨ  ᠲᠦᠮᠡᠨ᠎ᠤ  ᠲᠥᠯᠥᠭᠡᠯᠡᠭᠴᠢᠳ  ᠬᠠᠮᠳᠤ᠎ᠪᠠᠷ  ᠪᠥᠬᠥ  ᠣᠷᠣᠨ᠎ᠤ 《ᠦᠨᠳᠦᠰᠦᠲᠡᠨ᠎ᠤ  ᠲᠥᠷᠥ ᠵᠢᠨ  ᠪᠣᠳᠣᠯᠭ᠎ᠠ ᠵᠢᠨ  ᠤᠬᠠᠭᠤᠯᠭ᠎ᠠ ᠵᠢᠨ  ᠰᠠᠷ᠎ᠠ》 ᠵᠢᠨ  ᠠᠵᠢᠯᠯᠠᠭ᠎ᠠ ᠵᠢ  ᠡᠬᠢᠯᠡᠭᠦᠯᠪᠡ᠃

      ᠭᠣᠣᠯ  ᠲᠠᠯᠠᠪᠤᠷ᠎ᠤᠨ  ᠠᠵᠢᠯᠯᠠᠭ᠎ᠠ ᠵᠢᠨ  ᠭᠣᠣᠯ  ᠬᠤᠷᠠᠯ᠎ᠤᠨ  ᠲᠠᠯᠠᠪᠠᠶ  ᠵᠢ  ᠦᠬᠠᠢ  ᠬᠣᠲᠠ ᠵᠢᠨ  ᠣᠳᠣ  ᠦᠶ᠎ᠡ ᠵᠢᠨ  ᠳᠤᠮᠳᠠᠳᠤ  ᠤᠯᠤᠰ᠎ᠤᠨ  ᠤᠷᠠᠨ  ᠪᠢᠴᠢᠯᠭᠡ  ᠤᠷᠠᠯᠢᠭ᠎ᠤᠨ  ᠣᠷᠳᠣᠨ᠎ᠤ  ᠵᠡᠭᠦᠨ  ᠠᠭᠤᠳᠠᠮ  ᠲᠠᠯᠠᠪᠠᠶ᠎ᠳᠤ  ᠪᠠᠢ᠌ᠷᠢᠯᠠᠭᠤᠯᠵᠤ ᠂  ᠲᠤᠬᠠᠢ ᠵᠢᠨ  ᠲᠠᠯᠠᠪᠠᠢ᠎ᠳᠤ  ᠦᠬᠠᠢ  ᠬᠤᠳᠠ ᠵᠢᠨ  ᠰᠤᠷᠭ᠋ᠠᠨ  ᠬᠥᠮᠦᠵᠢᠯ᠎ᠤᠨ  ᠦᠷ᠎ᠡ  ᠪᠦᠲᠦᠭᠡᠯ  ᠪᠣᠯᠣᠨ  ᠦᠨᠳᠦᠰᠦᠲᠡᠨ᠎ᠤ  ᠪᠦᠯᠬᠦᠮᠳᠡᠯ  ᠲᠠᠪᠰᠢᠯᠳᠠ ᠵᠢ  ᠡᠭᠦᠳᠦᠨ  ᠪᠠᠶ᠋ᠢᠭᠤᠯᠬᠤ  ᠦᠵᠡᠬᠦᠯᠭᠡ ᠵᠢᠨ  ᠲᠣᠭᠣᠷᠢᠭ ᠂ ᠪᠣᠳᠠᠰ᠎ᠤᠨ  ᠪᠤᠰᠤ  ᠰᠣᠶᠣᠯ᠎ᠤᠨ  ᠥᠪ᠎ᠤᠨ  ᠦᠵᠡᠬᠦᠯᠭᠡ ᠵᠢᠨ  ᠲᠣᠭᠣᠷᠢᠭ ᠂  ᠦᠨᠳᠦᠰᠦᠨ  ᠱᠠᠲᠤᠨ᠎ᠤ  ᠵᠥᠷᠢᠴᠡᠯ  ᠵᠢᠭᠤᠷᠠᠯᠳᠤᠭ᠋ᠠᠨ᠎ᠢ  ᠰᠢᠤᠡᠪᠤᠷᠢᠯᠡᠬᠦ  ᠦᠵᠡᠬᠦᠯᠭᠡ ᠵᠢᠨ  ᠲᠣᠭᠣᠷᠢᠭ ᠂  ᠥᠪᠥᠷ  ᠮᠣᠩᠭᠣᠯ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠰᠤᠳᠤᠷ  ᠪᠢᠴᠢᠭ᠎ᠤᠨ  ᠦᠵᠡᠬᠦᠯᠭᠡ ᠵᠢᠨ  ᠲᠣᠭᠣᠷᠢᠭ  ᠵᠡᠷᠭᠡ ᠵᠢ  ᠲᠣᠬᠢᠷᠠᠭᠤᠯᠵᠤ ᠂  ᠦᠬᠠᠢ  ᠬᠤᠳᠠ ᠵᠢᠨ  ᠰᠢᠨ᠎ᠡ  ᠴᠠᠭ  ᠦᠶ᠎ᠡ ᠵᠢᠨ  ᠨᠠᠮ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠠᠵᠢᠯ᠎ᠤᠨ  ᠴᠢᠨᠠᠷ  ᠰᠠᠢ᠌ᠲᠠᠢ  ᠬᠥᠭᠵᠢᠯᠲᠡ ᠵᠢ  ᠠᠬᠢᠭᠤᠯᠵᠦ  ᠣᠯᠣᠭᠰᠠᠨ  ᠠᠮᠵᠢᠯᠲᠠ  ᠪᠦᠲᠦᠮᠵᠢ  ᠪᠣᠯᠣᠨ  ᠳᠤᠮᠳᠠᠳᠤ ᠵᠢᠨ  ᠰᠢᠯᠢᠳᠡᠭ  ᠤᠯᠠᠮᠵᠢᠯᠠᠯᠲᠤ  ᠰᠣᠶᠣᠯ᠎ᠤᠨ  ᠥᠪᠡᠷᠮᠢᠴᠡ  ᠷᠢᠳᠢ  ᠰᠢᠳᠢ ᠵᠢ  ᠳᠡᠯᠭᠡᠨ  ᠦᠵᠡᠭᠦᠯᠵᠡᠢ᠃ ᠲᠤᠬᠠᠢ ᠵᠢᠨ  ᠲᠠᠯᠠᠪᠠᠢ᠎ᠳᠤ  ᠪᠠᠰᠠ  ᠬᠠᠤᠯᠢ  ᠲᠦᠭᠡᠮᠡᠯᠵᠢᠭᠦᠯᠬᠦ  ᠴᠤᠭᠯᠠᠭ᠎ᠠ  ᠲᠤᠬᠢᠷᠠᠭᠤᠯᠵᠤ ᠂  ᠦᠬᠠᠢ  ᠬᠤᠳᠠ ᠵᠢᠨ  ᠬᠠᠤᠯᠢ  ᠴᠠᠭ᠋ᠠᠵᠠ ᠵᠢᠨ  ᠮᠡᠳᠡᠯᠭᠡᠲᠡᠨ ᠂  ᠬᠠᠤᠯᠢ  ᠲᠦᠭᠡᠮᠡᠯᠵᠢᠭᠦᠯᠬᠦ  ᠤᠬᠠᠭᠤᠯᠭ᠎ᠠ ᠵᠢᠨ  ᠰᠠᠢ᠌ᠨ  ᠳᠤᠷ᠎ᠠ ᠵᠢᠨ  ᠠᠵᠢᠯᠯᠠᠭᠴᠢ ᠂  ᠬᠠᠤᠯᠢ᠎ᠪᠠᠷ  ᠵᠠᠰᠠᠬᠤ  ᠤᠯᠠᠭ᠋ᠠᠨᠮᠥ᠋ᠴᠢᠷ᠎ᠤᠨ  ᠭᠡᠰᠢᠭᠦᠳ  ᠨᠠᠷ  ᠦᠨᠳᠦᠰᠦᠲᠡᠨ᠎ᠨᠦᠭᠦᠳ᠎ᠤᠨ  ᠤᠯᠠᠨ  ᠲᠦᠮᠡᠨ᠎ᠤ  ᠠᠩᠬᠠᠷᠴᠤ  ᠪᠠᠢ᠌ᠭ᠎ᠠ  ᠬᠠᠤᠯᠢ  ᠴᠠᠭ᠋ᠠᠵᠠ ᠵᠢᠨ  ᠠᠰᠠᠭᠤᠳᠠᠯ᠎ᠳᠤ  ᠨᠠᠷᠢᠨ  ᠬᠢᠨᠠᠮᠠᠭ᠋ᠠᠢ  ᠬᠠᠷᠢᠭᠤᠯᠲᠠ  ᠥᠭᠬᠦ ᠵᠢᠨ  ᠬᠠᠮᠲᠤ ᠂  ᠪᠡᠶᠡᠴᠢᠯᠡᠨ  ᠣᠢ᠌ᠯᠠᠭ᠋ᠠᠬᠤ  ᠦᠵᠡᠬᠦᠯᠭᠡ ᠵᠢᠨ  ᠲᠠᠪᠴᠠᠩ  ᠪᠠᠢ᠌ᠭᠤᠯᠵᠤ ᠂ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠬᠤ  ᠬᠡᠯᠪᠡᠷᠢ᠎ᠪᠠᠷ  ᠤᠬᠠᠭᠤᠯᠭ᠎ᠠ ᠵᠢᠨ  ᠠᠵᠢᠯ᠎ᠤᠨ  ᠰᠣᠨᠢᠷᠬᠠᠯᠲᠤ  ᠴᠢᠨᠠᠷ  ᠪᠣᠯᠣᠨ  ᠣᠷᠣᠯᠴᠠᠬᠤ  ᠬᠡᠮᠵᠢᠶ᠎ᠡ ᠵᠢ  ᠳᠡᠭᠡᠭᠰᠢᠯᠡᠭᠦᠯᠵᠡᠢ᠃ ᠲᠤᠬᠠᠢ ᠵᠢᠨ  ᠡᠳᠦᠷ ᠂  ᠬᠠᠢ᠌ᠷᠤᠪ᠎ᠤᠨ  ᠲᠤᠬᠤᠢ  ᠰᠤᠯᠠ  ᠠᠵᠢᠯ᠎ᠤᠨ  ᠵᠠᠬ᠎ᠠ  ᠳᠡᠯᠭᠡᠭᠦᠷ᠎ᠲᠤ  ᠠᠵᠢᠯᠯᠠᠭ᠎ᠠ ᠵᠢᠨ  ᠬᠤᠪᠢᠶᠠᠷᠢ  ᠲᠠᠯᠠᠪᠤᠷ  ᠭᠠᠷᠭ᠋ᠠᠵᠤ ᠂  ᠡᠯ᠎ᠡ  ᠲᠥᠷᠥᠯ᠎ᠤᠨ  ᠬᠤᠯᠪᠤᠭᠳᠠᠯ  ᠪᠦᠬᠦᠢ  ᠠᠵᠢᠯᠯᠠᠭ᠎ᠠ ᠵᠢ  ᠵᠡᠷᠭᠡ᠎ᠪᠠᠷ  ᠥᠷᠨᠢᠭᠦᠯᠪᠡ᠃

      ᠭᠣᠣᠯ  ᠲᠠᠯᠠᠪᠤᠷ᠎ᠤᠨ  ᠠᠵᠢᠯᠯᠠᠭ᠎ᠠ  ᠳᠡᠭᠡᠷ᠎ᠡ ᠂ 《ᠰᠠᠬᠢᠨ  ᠪᠠᠷᠠᠯᠠᠵᠤ  ᠬᠠᠷᠢᠯᠴᠠᠨ  ᠬᠠᠪᠰᠤᠷᠤᠯᠴᠠᠵᠤ ᠂  ᠪᠦᠯᠬᠦᠮᠳᠡᠨ  ᠲᠡᠮᠡᠴᠡᠵᠦ ᠂  ᠳᠤᠮᠳᠠᠳᠤ ᠵᠢᠨ  ᠦᠨᠳᠦᠰᠦᠲᠡᠨ᠎ᠤ  ᠬᠠᠮᠲᠤ ᠵᠢᠨ  ᠴᠣᠭᠴᠠ ᠵᠢᠨ  ᠪᠠᠢ᠌ᠭᠤᠯᠤᠯᠲᠠ ᠵᠢ  ᠪᠦᠬᠦ  ᠲᠠᠯ᠎ᠠ᠎ᠪᠠᠷ  ᠠᠬᠢᠭᠤᠯᠤᠶ᠎ᠠ》 ᠭᠡᠬᠦ  ᠭᠣᠣᠯ  ᠰᠡᠳᠦᠪ᠎ᠲᠤ  ᠴᠢᠭᠯᠡᠬᠦᠯᠵᠦ ᠂  ᠡᠯᠪᠡᠭ  ᠪᠠᠶᠠᠯᠢᠭ  ᠤᠯᠠᠨ  ᠲᠦᠮᠡᠡᠴᠢ  ᠤᠳᠬ᠎ᠠ  ᠤᠷᠠᠯᠢᠭ᠎ᠤᠨ  ᠲᠣᠭᠯᠠᠯᠲᠠ ᠵᠢ  ᠡᠷᠬᠢᠯᠡᠵᠦ ᠂  ᠠᠷᠠᠤᠨ ᠤᠯᠠᠨ᠎ᠤ  ᠦᠵᠡᠵᠦ  ᠰᠣᠨᠢᠷᠬᠠᠬᠤ  ᠳᠤᠷᠠᠲᠠᠢ  ᠬᠡᠯᠪᠡᠷᠢ᠎ᠪᠠᠷ  ᠵᠢᠷᠭ᠋ᠠᠯ  ᠵᠤᠪᠠᠯᠠᠩ ᠵᠶ᠋ᠠᠨ  ᠬᠠᠮᠲᠤᠳᠬᠠᠬᠤ ᠂  ᠠᠯᠳᠠᠷ  ᠭᠤᠳᠤᠮᠰᠢᠭ ᠵᠶ᠋ᠠᠨ  ᠬᠠᠮᠲᠤᠳᠬᠠᠬᠤ ᠂  ᠦᠬᠦᠵᠦ  ᠰᠡᠭᠡᠬᠦ᠎ᠪᠠᠨ  ᠬᠠᠮᠲᠤᠳᠬᠠᠬᠤ ᠂  ᠬᠤᠪᠢ  ᠵᠠᠶᠠᠭ᠎ᠠ᠎ᠪᠠᠨ  ᠬᠠᠮᠲᠤᠳᠬᠠᠬᠤ  ᠬᠠᠮᠲᠤ ᠵᠢᠨ  ᠴᠣᠭᠴᠠ ᠵᠢᠨ  ᠤᠨᠤᠯᠵᠢᠭᠤᠨ᠎ᠢ  ᠤᠬᠠᠭᠤᠯᠤᠨ  ᠲᠠᠢ᠌ᠯᠪᠤᠷᠢᠯᠠᠵᠤ ᠂  ᠮᠠᠰᠢ  ᠤᠯᠠᠨ  ᠬᠤᠳᠠ ᠵᠢᠨ  ᠠᠷᠠᠳ  ᠵᠢᠴᠢ  ᠵᠤᠭ᠋ᠠᠴᠠᠭᠰᠠᠳ᠎ᠤᠨ  ᠣᠷᠣᠯᠴᠠᠬᠤ ᠵᠢ  ᠲᠡᠢ᠌ᠴᠢᠯᠠᠪᠠ᠃

      ᠣᠢ᠌ᠷ᠎ᠠ ᠵᠢᠨ  ᠵᠢᠯ᠎ᠤᠳ᠎ᠲᠤ ᠂  ᠥᠪᠥᠷ  ᠮᠣᠩᠭᠣᠯ᠎ᠤᠨ  ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ ᠎ᠨᠢ  ᠰᠢ ᠵᠢᠨ  ᠫᠢᠩ  ᠶᠡᠷᠦᠩᠬᠡᠢ  ᠱᠦᠵᠢ  ᠵᠢᠨ ᠦᠨᠳᠦᠰᠦᠲᠡᠨ᠎ᠤ  ᠠᠵᠢᠯ᠎ᠢ  ᠴᠢᠩᠭ᠋ᠠᠳᠬᠠᠨ  ᠰᠠᠢ᠌ᠵᠢᠷᠠᠭᠤᠯᠬᠤ  ᠲᠤᠬᠠᠢ  ᠴᠢᠬᠤᠯᠠ  ᠦᠵᠡᠯ  ᠰᠠᠨᠠᠭ᠎ᠠ ᠵᠢ  ᠪᠦᠷᠢᠨ  ᠭᠦᠢ᠍ᠴᠡᠳ  ᠵᠥᠪ  ᠣᠨᠣᠪᠴᠢᠲᠠᠶ  ᠪᠦᠬᠦ  ᠲᠠᠯ᠎ᠠ᠎ᠪᠠᠷ  ᠡᠵᠡᠮᠰᠢᠨ  ᠲᠤᠭᠤᠰᠢᠯᠠᠭᠤᠯᠵᠦ ᠂ 《ᠦᠨᠳᠦᠰᠦᠲᠡᠨ᠎ᠤ  ᠲᠥᠷᠥ ᠵᠢᠨ  ᠪᠣᠳᠣᠯᠭ᠎ᠠ ᠵᠢᠨ  ᠤᠬᠠᠭᠤᠯᠭ᠎ᠠ ᠵᠢᠨ  ᠰᠠᠷ᠎ᠠ》᠂ 《ᠦᠨᠳᠦᠰᠦᠲᠡᠨ᠎ᠤ  ᠬᠠᠤᠯᠢ᠎ᠪᠠᠷ  ᠵᠠᠰᠠᠬᠤ  ᠤᠬᠠᠭᠤᠯᠭ᠎ᠠ ᠵᠢᠨ  ᠭᠠᠷᠠᠭ》 ᠵᠶ᠋ᠠᠷ  ᠠᠴᠢᠶᠠᠯᠠᠪᠤᠷᠢ  ᠪᠣᠯᠭ᠋ᠠᠵᠤ ᠂  ᠨᠠᠮ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠣᠨᠣᠯ  ᠲᠥᠷᠥ ᠵᠢᠨ  ᠪᠣᠳᠣᠯᠭ᠎ᠠ  ᠪᠠ  ᠳᠤᠮᠳᠠᠳᠤ ᠵᠢᠨ  ᠦᠨᠳᠦᠰᠦᠲᠡᠨ᠎ᠤ  ᠬᠠᠮᠲᠤ ᠵᠢᠨ  ᠴᠣᠭᠴᠠ ᠵᠢᠨ  ᠤᠬᠠᠮᠰᠠᠷ᠎ᠢ  ᠪᠠᠳᠤᠳᠬᠠᠬᠤ  ᠤᠬᠠᠭᠤᠯᠭ᠎ᠠ  ᠬᠥᠮᠦᠵᠢᠯ᠎ᠢ  ᠪᠥᠬᠥ  ᠲᠠᠯ᠎ᠠ᠎ᠪᠠᠷ  ᠴᠢᠩᠭ᠋ᠠᠳᠬᠠᠵᠤ ᠂ 《ᠭᠤᠷᠪᠠᠨ  ᠰᠠᠯᠵᠤ  ᠪᠤᠯᠤᠰᠢ  ᠦᠭᠡᠢ》 《ᠲᠦᠷᠪᠡᠨ ᠬᠠᠮᠳᠤᠤᠬᠠᠬᠤ》 《ᠲᠠᠪᠤᠨ  ᠬᠠᠮᠲᠤ ᠎ᠪᠠᠷ》᠂ 《ᠲᠠᠪᠤᠨ  ᠨᠡᠩᠰᠢᠯ》 《ᠲᠠᠪᠤᠨ  ᠦᠵᠡᠯᠲᠡ》 ᠵᠢᠴᠢ 《ᠲᠤᠯᠤᠭ᠋ᠠᠨ  ᠵᠢᠱ᠌ᠢᠶᠡᠴᠢ  ᠪᠣᠯᠬᠤ》 ᠵᠡᠷᠭᠡ  ᠣᠢ᠌ᠯᠠᠭ᠋ᠠᠭᠳᠠᠬᠤᠨ  ᠪᠠ  ᠱᠠᠭ᠋ᠠᠷᠳᠠᠯᠭ᠎ᠠ ᠵᠢ  ᠬᠥᠮᠥᠰ᠎ᠤᠨ  ᠰᠡᠳᠬᠢᠯ᠎ᠳᠤ  ᠭᠦᠨ  ᠬᠠᠳᠠᠩᠰᠢᠭᠤᠯᠪᠠ᠃ ᠡᠨᠡ  ᠵᠢᠯ᠎ᠤᠨ  ᠤᠬᠠᠭᠤᠯᠭ᠎ᠠ ᠵᠢᠨ  ᠰᠠᠷ᠎ᠠ （ᠭᠠᠷᠠᠭ ） ᠵᠢᠨ  ᠬᠤᠭᠤᠴᠠᠭ᠋ᠠᠨ᠎ᠳᠤ ᠂  ᠡᠯ᠎ᠡ  ᠭᠠᠵᠠᠷ  ᠣᠷᠣᠨ  ᠡᠯ᠎ᠡ  ᠰᠠᠯᠠᠭ᠎ᠠ  ᠮᠥᠴᠢᠷ᠎ᠤᠨ ᠎ᠬᠢᠨ  ᠨᠡᠩ  ᠪᠤᠳᠠᠳᠠᠢ ᠂  ᠨᠡᠩ  ᠠᠮᠢᠳᠤᠯᠢᠭ ᠂  ᠨᠡᠩ  ᠤᠢ᠌ᠯᠠᠭ᠋ᠠᠮᠵᠢᠳᠠᠢ  ᠬᠡᠯᠪᠡᠷᠢ᠎ᠪᠠᠷ  ᠤᠬᠠᠭᠤᠯᠭ᠎ᠠ  ᠬᠥᠮᠦᠵᠢᠯ  ᠥᠷᠨᠢᠭᠦᠯᠵᠦ ᠂  ᠦᠨᠳᠦᠰᠦᠲᠡᠨ᠎ᠨᠦᠭᠦᠳ᠎ᠤᠨ  ᠺᠠᠳ᠋ᠷ  ᠣᠯᠠᠨ  ᠲᠦᠮᠡᠨ᠎ᠢ  ᠬᠥᠲᠥᠯᠥᠨ  ᠵᠢᠯᠤᠭᠣᠳᠴᠤ  ᠪᠠᠢ᠌ᠭ᠋ᠠᠳ  ᠬᠠᠮᠲᠤ ᠵᠢᠨ  ᠤᠬᠠᠮᠰᠠᠷ ᠂  ᠡᠵᠡᠨ  ᠬᠥᠮᠥᠨ᠎ᠤ  ᠤᠬᠠᠮᠰᠠᠷ ᠂  ᠰᠠᠬᠢᠨ  ᠪᠠᠷᠠᠯᠠᠵᠤ  ᠬᠠᠷᠢᠯᠴᠠᠨ  ᠬᠠᠪᠰᠤᠷᠤᠯᠴᠠᠬᠤ  ᠤᠬᠠᠮᠰᠠᠷ ᠂  ᠨᠠᠮ ᠵᠶ᠋ᠠᠨ  ᠬᠠᠢ᠌ᠷᠠᠯᠠᠵᠤ  ᠤᠯᠤᠰ ᠵᠶ᠋ᠠᠨ  ᠬᠠᠢ᠌ᠷᠠᠯᠠᠬᠤ  ᠤᠬᠠᠮᠰᠠᠷ᠎ᠢ ᠎ᠨᠢ  ᠪᠡᠬᠢᠵᠢᠬᠦᠯᠵᠦ ᠂  ᠨᠠᠮ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠣᠨᠣᠯ  ᠲᠥᠷᠥ ᠵᠢᠨ  ᠪᠣᠳᠣᠯᠭ᠎ᠠ  ᠵᠢ  ᠤᠷᠢᠬᠠᠨ  ᠰᠠᠯᠬᠢ  ᠥᠭᠭᠢᠶᠡᠮᠦᠷ  ᠬᠤᠷ᠎ᠠ ᠎ᠪᠠᠷ  ᠲᠦᠮᠡᠨ  ᠪᠣᠳᠠᠰ᠎ᠢ  ᠠᠨᠢᠷᠯᠠᠩᠭᠤᠢ  ᠤᠮᠳᠠᠯᠠᠬᠤ  ᠳᠤᠮᠳᠠ  ᠦᠨᠳᠦᠰᠦᠲᠡᠨ᠎ᠨᠦᠭᠦᠳ᠎ᠤᠨ  ᠺᠠᠳ᠋ᠷ  ᠣᠯᠠᠨ  ᠲᠦᠮᠡᠨ᠎ᠤ  ᠦᠵᠡᠯ  ᠰᠠᠨᠠᠭ᠋ᠠᠨ᠎ᠤ  ᠲᠣᠭᠲᠠᠪᠤᠷᠢᠵᠢᠭᠤᠯᠤᠭᠴᠢ ᠂  ᠦᠢ᠍ᠯᠡ  ᠠᠵᠢᠯᠯᠠᠭ᠋ᠠᠨ᠎ᠤ  ᠵᠦᠭᠯᠡᠭᠦᠷ  ᠪᠤᠯᠤᠨ᠎ᠠ᠃

      ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ᠎ᠤ  ᠨᠠᠮ᠎ᠤᠨ  ᠬᠣᠷᠢᠶ᠎ᠠ ᠵᠢᠨ  ᠤᠬᠠᠭᠤᠯᠬᠤ  ᠬᠡᠯᠲᠡᠰ᠎ᠤᠨ  ᠬᠣᠶᠠᠳᠤᠭ᠋ᠠᠷ  ᠳᠡᠰ᠎ᠤᠨ  ᠲᠣᠭᠣᠷᠢᠨ  ᠪᠠᠢ᠌ᠴᠠᠭ᠋ᠠᠭᠴᠢ  ᠸᠠᠩ  ᠶᠢᠩ  ᠵᠥᠩ ᠂  ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ᠎ᠤ  ᠰᠤᠷᠭ᠋ᠠᠨ  ᠬᠥᠮᠦᠵᠢᠯ᠎ᠤᠨ  ᠲᠢᠩᠬᠢᠮ᠎ᠤᠨ  ᠬᠣᠶᠠᠳᠤᠭ᠋ᠠᠷ  ᠳᠡᠰ᠎ᠤᠨ  ᠲᠣᠭᠣᠷᠢᠨ  ᠪᠠᠢ᠌ᠴᠠᠭ᠋ᠠᠭᠴᠢ  ᠦ᠋  ᠰᠢᠸ᠋  ᠵᠧᠨ ᠂  ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ᠎ᠤ  ᠬᠠᠤᠯᠢ  ᠴᠠᠭ᠋ᠠᠵᠠ ᠵᠢᠨ  ᠲᠢᠩᠬᠢᠮ᠎ᠤᠨ  ᠬᠣᠶᠠᠳᠤᠭ᠋ᠠᠷ  ᠳᠡᠰ᠎ᠤᠨ  ᠲᠣᠭᠣᠷᠢᠨ  ᠪᠠᠢ᠌ᠴᠠᠭ᠋ᠠᠭᠴᠢ  ᠸᠠᠩ  ᠰᠢᠶᠠᠩ  ᠳ᠋ᠦᠩ ᠂  ᠥᠪᠡᠷᠲᠡᠭᠡᠨ  ᠵᠠᠰᠠᠬᠤ  ᠣᠷᠣᠨ᠎ᠤ  ᠨᠠᠮ᠎ᠤᠨ  ᠬᠣᠷᠢᠶ᠎ᠠ ᠵᠢᠨ  ᠨᠢᠭᠡᠳᠦᠮᠡᠯ  ᠹᠷᠣᠨᠲ᠎ᠤᠨ  ᠬᠡᠯᠲᠡᠰ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠠᠵᠢᠯ᠎ᠤᠨ  ᠭᠠᠵᠠᠷ᠎ᠤᠨ  ᠳᠠᠷᠤᠭ᠎ᠠ  ᠯᠢᠦᠢ  ᠴᠧᠨ  ᠭᠤᠸᠠᠩ ᠂  ᠪᠥᠬᠥ  ᠣᠷᠣᠨ᠎ᠤ  ᠨᠠᠮ᠎ᠤᠨ  ᠦᠨᠳᠦᠰᠦᠲᠡᠨ᠎ᠤ  ᠣᠨᠣᠯ  ᠲᠥᠷᠥ ᠵᠢᠨ  ᠪᠣᠳᠣᠯᠭ᠎ᠠ  ᠪᠠ  ᠬᠠᠤᠯᠢ  ᠴᠠᠭ᠋ᠠᠵᠠ  ᠬᠠᠤᠯᠢ  ᠲᠣᠭᠲᠠᠭ᠋ᠠᠯ᠎ᠤᠨ  ᠪᠣᠯᠪᠠᠰᠤᠷᠠᠯ᠎ᠤᠨ  ᠠᠩᠭᠢ ᠵᠢᠨ  ᠪᠥᠬᠥ  ᠰᠤᠷᠤᠯᠭ᠋ᠠᠳᠠᠨ ᠂  ᠪᠥᠬᠥ  ᠣᠷᠣᠨ᠎ᠤ  ᠬᠠᠷᠢᠯᠴᠠᠨ  ᠰᠢᠬᠢᠤᠡᠭᠡᠯᠳᠦ  ᠮᠠᠶᠢᠭ᠎ᠤᠨ  ᠨᠡᠢ᠌ᠭᠡᠮ᠎ᠤᠨ  ᠪᠦᠲᠦᠴᠡ  ᠵᠢ  ᠪᠠᠢ᠌ᠭᠤᠯᠬᠤ  ᠪᠠ  ᠨᠡᠢ᠌ᠭᠡᠮ  ᠲᠣᠭᠣᠷᠢᠭ᠎ᠤᠨ  ᠣᠷᠴᠢᠨ  ᠲᠣᠭᠣᠷᠢᠨ᠎ᠤ  ᠲᠤᠬᠠᠢ ᠵᠢᠨ  ᠲᠠᠯᠠᠪᠤᠷ᠎ᠤᠨ  ᠬᠤᠷᠠᠯ᠎ᠳᠤ  ᠣᠷᠣᠯᠴᠠᠭᠰᠠᠳ ᠂  ᠦᠬᠠᠢ  ᠬᠣᠲᠠ ᠵᠢᠨ  ᠬᠡᠰᠡᠭ  ᠺᠠᠳ᠋ᠷ  ᠣᠯᠠᠨ  ᠲᠦᠮᠡᠨ  ᠨᠡᠶ᠋ᠢᠲᠡ 1000  ᠭᠠᠷᠤᠢ  ᠬᠥᠮᠥᠨ  ᠠᠵᠢᠯᠯᠠᠭ᠎ᠠ᠎ᠳᠤ  ᠣᠷᠣᠯᠴᠠᠵᠠᠢ᠃